Mədəniyyət - Xebermedia.info

Mədəniyyət - Xebermedia.info https://xebermedia.info/ ru Mədəniyyət - Xebermedia.info DataLife Engine Türkan onu “əzənlərə” SƏSLƏNDİ - “Ayıbdır!” https://xebermedia.info/medeniyyet/287-turkan-onu-znlr-sslnd-aybdr.html https://xebermedia.info/medeniyyet/287-turkan-onu-znlr-sslnd-aybdr.html admin Wed, 15 Apr 2026 14:26:49 +0400

“Götürüb bu görüntünü paylaşdılar ki, Türkan canlı oxuya bilmir”.

Yenicag.az xəbər verir ki, bu sözləri müğənni Türkan Vəlizadə “Öz aramızda” verilişində deyib.

Sənətçi hər an ona pislik etməyə hazır olan düşmənlərindən danışıb:

“Yaxşı bir iş görəndə çalışırlar məni əzsinlər, vursunlar. Bu yaxınlarda toyda canlı ifa zamanı musiqiçinin səhvi üzündən bir məqam oldu, çaş-baş qaldım. Götürüb bu görüntünü paylaşdılar ki, Türkan canlı oxuya bilmir. Vallah, mən muğamları da, onun şöbələrini də yaxşı bilirəm. Canlı da oxuyuram. Bunu bilərəkdən paylaşmışdılar.

Bunu kimlərin etdiyini də bilirəm. Bu gün gündəmdəyəmsə, yaxşı işlər görürəmsə, efirlərdəyəmsə, əlbəttə ki, məni əzməyə və vurmağa çalışacaqlar. Əvvəllər buna fikir verirdim, amma indi fikir vermirəm. Onlara görə vaxtımı itirmək istəmirəm. Baxırsan, adamı elə linç edirlər… Yazanlar da sənətkarlardır, ayıbdır sizin üçün. İnsanıq, xaric də oxumaq olar”.]]>

“Fani dünyada baş verənləri dərk edən yoxdur, amma axirətdə o insanları böyük bir imtahan gözləyir”.

Bu sözləri Əməkdar artist, tanınmış aktyor Çingiz Əhmədov “Gün ortası” verilişində qonaq olarkən deyib.

Sənətçi teatr mühitindəki bəzi həmkarlarını kəskin tənqid edərək, onlarla münasibətini kəsdiyini bildirib:

“Teatrda elə sənəti, titulu olan adamlar var ki, mən onlara salam belə vermirəm. Adlarını açıqlamayacağam, lakin demək ki, onlar həmin salama layiq deyillər. Teatrın maskasının bir üzü gülürsə, digər üzü kədərdir. Bizim həyatımız da belədir; içimiz özümüzü yandırır, çölümüz özgəni…”.

Gənclərə qarşı hər zaman qayğıkeş olduğunu vurğulayan aktyor, paxıllıq edənlərə isə xəbərdarlıq edib:

“Heç vaxt gənclərin qəlbinə dəymirəm. Həmişə onların dərdini dinləyirəm, əlimdən gələn köməkliyi göstərirəm. Amma elə adamlar var ki, kiminsə yıxılmasına, əzilməsinə kənardan baxıb sevinirlər. Mən ustadım Əliağa Ağayevdən böyük-kiçik yeri bilməyi, hörmət etməyi görmüşəm. Unutmasınlar ki, bu dünya fanidir. Bəlkə elə mənim özümü də axirətdə böyük imtahan gözləyir… Günahsız insan yoxdur”.

Yenicag.az]]>

Müğənni fəaliyyəti ilə məşğul olan Asya Məmmədli sevgilisi tərəfindən döyüldüyünü iddia edib.

Milli.Az xəbər verir ki, A.Məmmədli açıqlamasında bildirib ki, sevgilisi Emil Babayev adlı şəxs tərəfindən döyülüb.

Onun sözlərinə görə, dəfələrlə Emil Balayev tərəfindən hücumlara məruz qalıb. Sonuncu dəfə isə onun tərəfindən döyülüb və hətta E.Balayev onu bıçaqlamaq da istəyib. Digər şəxslərin müdaxiləsindən sonra isə bunun qarşısı alınıb.

Hazırda ağır xəsarətlər aldığını bildirən müğənni xəstəxanaya yerləşdirildiyini qeyd edib.

VİDEO LİNKDƏ: https://dia-az.org/ana-xeber/478289-mugenni-sevgilisi-terefinden-doyuldu-xestexanaya-yerleshdirildi.html]]>

Uzun müddətdir ekranlardan uzaq qalan Qamze Özçelik yenidən çəkiliş meydançasına qayıdır.

Məşhur aktrisa yeni serial layihəsi ilə tamaşaçıların qarşısına çıxmağa hazırlaşır.

Məlumata görə, Özçelik TRT Tabii üçün hazırlanan “Operasyon Alesta” serialında rol alacaq. İddialı layihənin güclü aktyor heyəti ilə diqqət çəkdiyi bildirilir.

Qeyd edək ki, Qamze Özçelik 2000-ci ildə “Miss Türkiyə” yarışmasında ikinci yer tutduqdan sonra aktyorluğa başlayıb və “Arka Sokaklar” serialında canlandırdığı “Zeynep” obrazı ilə tanınıb. Son illərdə isə o, xeyriyyə fəaliyyəti ilə gündəmdə olub.

]]>

Görkəmli baletmeyster Xalq artisti Maqsud Məmmədov vəfat edib.

Bu barədə Mədəniyyət Nazirliyi məlumat yayıb.

Qeyd olunub ki, o bu gün 97 yaşında vəfat edib.

Məlumat üçün bildirək ki, Maqsud Davud oğlu Məmmədov 30 may 1929-cu ildə Gəncədə anadan olub.

Bakı Xoreoqrafiya Məktəbinə daxil olan Maqsud Məmmədovun yüksək sənət göstəriciləri nəzərə alınaraq Moskva Xoreoqrafiya Məktəbinə göndərilib və 1950-ci ildə bu təhsil ocağını bitirib.

O, 1951-ci ildən Azərbaycan Dövlət Akademik Opera və Balet Teatrında çalışıb.

Maqsud Məmmədov dünya və Azərbaycan balet sənəti nümunələrində mürəkkəb partiyaları – Ziqfrid ("Qu gölü"), Albert ("Jizel"), Bazil ("Don Kixot"), Polad ("Qız qalası"), Azad ("Gülşən), Fərhad ("Məhəbbət əfsanəsi"), Lenni ("İldırımlı yollarla") və s. böyük uğurla ifa edib, baletsevərlərin dərin rəğbətini qazanıb.

Onun həyat yoldaşı, görkəmli balerina, Xalq artisti Rəfiqə Axundova ilə birgə quruluş verdiyi Tofiq Bakıxanovun "Xəzər balladası", Fərəc Qarayevin "Qobustan kölgələri", "Kaleydoskop", Rauf Hacıyevin "Azərbaycan süitası", Nazim Əlivedibəyovun "Muğam", Aqşin Əlizadənin "Babək" baletləri istedadlı baletmeysterə böyük şöhrət qazandırıb.

Milli mədəniyyətimizin inkişafında xidmətlərinə görə Maqsud Məmmədov 1955-ci ildə "Əməkdar artist", 1970-ci ildə isə "Xalq artisti" fəxri adlarına layiq görülüb.

2019-cu ildə "Şöhrət" ordeni ilə təltif olunan sənətkar 2002-ci ildən Prezidentin fərdi təqaüdçüsü idi.]]>

İstanbulda müalicə olunduğu xəstəxanada vəfat edən Xalq artisti Rasim Balayevlə vida mərasimi keçirilir.

Azərbaycan Dövlət Akademik Milli Dram Teatrında baş tutan vida mərasimində sənətkarın ailə üzvləri, sənət dostları və sevənləri iştirak edir.

O, I Fəxri xiyabanda dəfn olunacaq.

Qeyd edək ki, “Babək”, “Nəsimi”, “Beyrək” kimi yaddaqalan obrazları ilə tanınan aktyor 77 yaşında dünyasını dəyişib. Ömrünün sonuna qədər Azərbaycan Kinematoqrafçılar İttifaqının sədri işləyən Rasim Balayev “Şöhrət”, “Şərəf” və “İstiqlal” ordenləri ilə təltif olunub.]]>