Avqustun 26-sı, saat 18:00 radələrində Bakı şəhəri, Azadlıq prospekti 149 ünvanında yerləşən çayxanada insident baş verib. Məlumata görə, Qəbələ Rayon İcra Hakimiyyətinin başçısı Səbuhi Abdullayevin atası Məhəmməd Abdullayev Aqil adlı şəxsin baş nahiyəsinə küt alətlə zərbə endirib.
Bizimesr.media bildirir ki, bu barədə jurnalist Samir Feyruzov özünün sosial hesabında yazıb.
Jurnalist yazır ki, nəticədə Aqilin başı yarılıb, onu xəstəxanaya yerləşdiriblər.
"Məhəmməd Abdullayevin icra başçısının atası olub-olmadığını öyrənmək üçün Səbuhi Abdullayev özü ilə əlaqə saxladıq. O, məsələni nə təsdiq, nə də təkzib etdi. Məlumatlı mənbənin bildirdiyinə görə, icra başçısının atası Məhəmməd Allahverdiyev tikinti-biznes sektorunda fəaliyyət göstərir, müxtəlif dizaynlı evlər tikir və satışını həyata keçirir. Onun adının daha əvvəl də müxtəlif mübahisəli məsələlərdə hallandığını iddia olunur. İnsidentin başvermə səbəbləri ilə bağlı əldə etdiyimiz məlumata görə, hadisədən bir müddət əvvəl Məhəmməd Allahverdiyev Aqil adlı şəxsi başqa bir adamla tanış edib. Onlar arasında alış-veriş olub. Bundan bir müddət sonra isə tərəflər arasında mübahisə yaranıb. Mübahisənin gedişində Məhəmməd Allahverdiyevin Aqilin baş nahiyəsinə küt alətlə zərbə endirib".(Bizimesr.media)
Bir bir və ya daha çox şəxs və mətn şəkili ola bilər