Xalq artisti Zaur Rzayevin səhhəti yenidən pisləşib.

Əvvəl müğənni bir neçə gün xəstəxanaya aparılıb.

Z.Rzayevin ailəsi ifaçının bir neçə gün əvvəl reanimasiyaya yerləşdirildiyini bildirib:

“İndi evə buraxılıb. Vəziyyəti ağırdır. Amma həkimlər müalicənin evdə davam etdirilməsini məsləhət görüblər. Hazırda ev şəraitində müalicəsi davam edir”.

Qeyd edək ki, Z.Rzayev sentyabrın 5-də xəstəxanaya yerləşdirilib. Ona qaraciyər sirrozunun dekompensasiya mərhələsi, assit və qaraciyər ensefalopatiyası diaqnozları qoyulub. Sənətçiyə zəruri tibbi xidmətlər göstərilib.(Axşam.az)

“İlhamə Quliyeva rəhmətə gedib, onun bacısı mənim heç kimimdir. Mənə İlhamə xanım haqda danışmağı heç kim qadağan edə bilməz. O kimdir ki, mənə qadağa qoysun?! İlhamə sağ olanda heç ondan xoşu gəlmirdi. Onun iki bacısı var. İradə çox yaxşı insandır, onunla münasibətim də yaxşıdır. Gülbaharla ümumiyyətlə münasibətim yoxdur. Bir qardaşları da var idi, o rəhmətə gedib”.

Bunu Moderator.az-a açıqlamasında müğənni Əli Mirəliyev deyib.
O daha sonra əlavə edib:

“İlhaməyə mənim qızım qulluq edirdi. Ayaqlarına kimi yuyurdu. İlhaməni saxlayan İsmayıl kişi mənim qaynatam olub. Tükəzban İsmayılova həyat yoldaşım Xanımın bibisidir. Nə qədər ki, Tükəzban bibi sağ idi, onun qorxusundan Gülbahar İlhaməyə yaxın gəlmirdi. Anası olandan sonra İlhamə tək qaldı və bir də gördük ki, bacıları gəlib gedirlər. Gülbaharın danışmağının mənim üçün heç bir önəmi yoxdur. O deyir ki, mən İlhamənin qohumu deyiləm. Necə yəni qohum deyiləm?! İlhamə əgər mənim qohumum deyilsə şəxsiyyət vəsiqəsi niyə məndədir?! Mənim qızım ona “ana”, “Elya” deyirdi”.
Qeyd edək ki, sənətkarın bacısı Gülbahar Quliyeva bir müddət əvvəl mətbuata açıqlamasında Əli Mirəliyevə İlhamə Quliyeva ilə bağlı danışmağı qadağan etdiyini bildirib və əks halda onu məhkəməyə verəcəyi ilə bağlı xəbərdarlıq edib.

"Fasadın nəyi xarab olub ki, onu yenidən bərpa edirlər?! Cəmi bir neçə il əvvəl bina əsaslı təmir olunmuşdu, indi isə yenə?!" "DİA-AZ" xəbər verir ki, bunu özünün etiraz dolu müraciətində tanınmış memar Elçin T.Əliyev qeyd edib.
O daha sonra bildirir: "Bu gün çəkdiyim fotoşəkilləri növbəti «bərpa» işlərindən sonra binanın necə görünəcəyi ilə mütləq müqayisə edəcəyəm. Dəyişikliklərə baxmaq maraqlı olacaq. Daha doğrusu, heç bir dəyişikliyin olmamasına).
Yazıq, əldən salınmış, zorlanmış binalar… Çevik «bərpaçılar» və onların havadarları üçün tükənməz gəlir mənbəyinə çevrilmiş memarlıq nümunələri…
Maraqlıdır, Mədəniyyət Nazirliyi dövlət tərəfindən mühafizə olunan memarlıq abidəsi statusuna malik binada işlərin aparılmasına hansı əsasla icazə verib?!
Görünür, bizdə bərpa işləri çoxdan memarlığı qorumaq vasitəsindən büdcə vəsaitlərini mütəmadi olaraq mənimsəmək üsuluna çevrilib. Binalar əvvəlki təmirdən sonra heç köhnəlməyə macal tapmır, növbəti təmir üçün isə pul artıq tapılır..."

Bir müddət əvvəl Əməkdar incəsənət xadimi, tanınmış muğam bilicisi, qəzəlxan Hacı Aqil Məlikovun səhhətində problem yaranmışdı. Sənətkar paytaxt xəstəxanalarından birində açıq ürək əməliyyatı keçirmişdi. Bəs görəsən xanəndənin səhhəti necədir?

Moderator.az-a açıqlama verən Hacı Aqil Məlikov bildirib ki, səhhətində müsbətə doğru irəliləyiş var:

“Şükür Allaha yavaş-yavaş düzəlirəm. Həkimlər səhhətimin yaxşı olduğunu deyirlər, amma müəyyən şeylər var ki, onlar tədricən keçməlidir, 3-5 günə sağalan deyil. Bilirsiniz ki, uzun illərdir Milli Konservatoriyada çalışıram. Hələ ki, pedaqoji fəaliyyətlə məşğul ola bilmirəm. Noyabr ayının 1-dən işə çıxacam. Sağ olsun sənət dostlarım, konservatoriyanın rəhbərliyi və müəllimləri daim səhhətimlə maraqlanırlar, gəlib mənə baş çəkirlər”.

Hacı Aqil Məlikov bildirib ki, xəstəliyinin üstünə vaxtında düşüb:

“Bel nahiyəmdə problem var idi. Mən elə bildim ki, budur mənə əziyyət verən. Ard-arda təngənəfəs də olurdum. Sən demə damarlar tutulub. Ürək güclü olduğu üçün ayaqüstə keçirmişəm. Həkim ürək damarlarının birinin 99 faiz, digərinin isə 100 faiz tutulduğunu bildirdi. Əslində həkimə o niyyətlə getmişdim ki, stent qoyulsun. Mümkün olmadı, stentlik deyildi. Ona görə də açıq ürək əməliyyatı keçirdim. Allahın bu gününə şükürlər olsun”.
avaş düzəlirəm. Həkimlər səhhətimin yaxşı olduğunu deyirlər, amma müəyyən şeylər var ki, onlar tədricən keçməlidir, 3-5 günə sağalan deyil. Bilirsiniz ki, uzun illərdir Milli Konservatoriyada çalışıram. Hələ ki, pedaqoji fəaliyyətlə məşğul ola bilmirəm. Noyabr ayının 1-dən işə çıxacam. Sağ olsun sənət dostlarım, konservatoriyanın rəhbərliyi və müəllimləri daim səhhətimlə maraqlanırlar, gəlib mənə baş çəkirlər”.
Hacı Aqil Məlikov bildirib ki, xəstəliyinin üstünə vaxtında düşüb:
“Bel nahiyəmdə problem var idi. Mən elə bildim ki, budur mənə əziyyət verən. Ard-arda təngənəfəs də olurdum. Sən demə damarlar tutulub. Ürək güclü olduğu üçün ayaqüstə keçirmişəm. Həkim ürək damarlarının birinin 99 faiz, digərinin isə 100 faiz tutulduğunu bildirdi. Əslində həkimə o niyyətlə getmişdim ki, stent qoyulsun. Mümkün olmadı, stentlik deyildi. Ona görə də açıq ürək əməliyyatı keçirdim. Allahın bu gününə şükürlər olsun”.

Bu gün Bakı Ağır Cinayətlər Məhkəməsində hakim Fəxri Məmmədovun sədrliyi ilə "Beautytime" salonlar şəbəkəsinin rəhbəri Könül Həmzəyeva qarşı külli miqdarda dələduzluq etməkdə təqsirləndirilən Röyal Masiyevin cinayət işi üzrə məhkəmə baxış iclası keçirilib.


Lent.az xəbər verir ki, məhkəmə iş üzrə zərərçəkən qismində tanınan Könül Həmzəyevanın ifadəsi ilə davam edib:


"Bu adamı (təqsirləndirilən Röyal Masiyevə işarə edir) rəfiqəm Çinarə vasitəsilə tanıdım. Özünü inanclı, imanlı şəxs kimi göstərirdi; statuslarında tez-tez ziyarətgahlardan foto və videolar paylaşırdı. Getdikcə məndə ona qarşı inam və etibar yaranırdı. Sonra şəxsi münasibətlərimiz yarandı. Bir gəlib mənə dedi ki, maşınında ciddi nasazlıq var, onun üçün pula ehtiyacı var. Mənim "Range Rover" markalı maşınımı 50 min dollara satıb pulunu götürdü. Məni inandırdı ki, dostunun rəhbəri olduğu "Amazon" şirkəti məşhur iş adamı Qod Nissanov üçün villalar tikir, oradan ona yüklü pay məbləği çatacaq, borcunu elə ödəyəcək. Bir dəfə gəldi ki, mən də salon istəyirəm. Dostunun ərazisi olan bir məkan tapdıq. Razılaşdıq ki, təmiri o edəcək, mən də salonu işlədəcəm. Bir gün mənə yazdı ki, dostu o işin batdığını deyərək, ona pul vermir. Mən məcbur qalıb salonu özüm təmir etdirdim; təmirə 100 mindən çox xərcim çıxdı. Sonra məlum oldu ki, Röyal məndən aldığı pulu ustalara verməyib. Elektrik gəldi ki, pulumu verin, yoxsa gəlib şünurları kəsəcəm. Mebel ustasına mebelin pulunu da artıq məbləğə demişdi. Bütün bu olanlardan sonra münasibətlərimiz pozuldu. Bundan sonra salona gəlib məni, əməkdaşları hədələyirdi ki, yer onun dostunundur, pulunu ver, çıx. Texniki işçilərdən biri onun tanışı idi, açar onda da var idi. Saat, vaxt bilmədən izinsiz salona müştəri gətirib, salonun satışa qoyulduğunu deyirdi. Mən bütün bunların hamısını sonradan kameralardan izləyib görürdüm. Dayana bilməyib oradan çıxdıq. Mənə dəymiş ziyandan 30 min ödəyib".


Növbəti proses 6 oktyabr saat 09:15-ə təyin olunub.


Xatırladaq ki,"Beautytime" salonlar şəbəkəsinin rəhbəri Könül Həmzəyeva Masiyev Röyal Ələddin oğluna salonunun təmiri üçün pul verdiyini, amma sonra sözügedən şəxsin ona qarşı dələduzluq etdiyini bildirir. Zərərçəkmiş iddia edir ki, qarşı tərəf ona 300 min 706 manat ödəməli olduğu halda bundan yayınır. K. Həmzəyeva R. Masiyev barəsində Nərimanov Rayon Polis İdarəsinə şikayət edib. Faktla bağlı Cinayət Məcəlləsinin 178.3.2 (külli miqdarda dələduzluq etmə) maddəsi cinayət işi başlanılıb. Röyal Masiyev Nərimanov rayon Məhkəməsinin qərarı ilə ev dustaqlığına buraxılıb.

Bu gün Azərbaycanda Milli Musiqi Günüdür.

1885-ci il sentyabrın 18-də dahi bəstəkar Üzeyir Hacıbəyli dünyaya gəlib.

Bu tarix Azərbaycanda Milli Musiqi Günü kimi qeyd olunur və 2009-cu ildən başlayaraq Ü.Hacıbəyliyə həsr olunmuş Beynəlxalq Musiqi Festivalı keçirilir.

Üzeyir Hacıbəyli bəstəkar, alim, yazıçı, publisist, ictimai və siyasi xadim kimi çoxşaxəli fəaliyyəti ilə yanaşı, Şərqdə ilk operanın banisi kimi tanınan sənətkardır. Məhz onun fədakar əməyi sayəsində Azərbaycan milli opera sənətinin tarixi 118 il əvvəl tamaşaya qoyulan "Leyli və Məcnun" operası ilə başlanıb. Operanın ilk dirijoru Əbdürrəhim bəy Haqverdiyev, rejissoru Hüseyn Ərəblinski olub. Məcnun rolunda ölməz sənətkar Hüseynqulu Sarabski, Leyli rolunda isə aşpaz şagirdi Əbdürrəhim Fərəcov çıxış ediblər. İlk tamaşa 1908-ci il yanvarın 12-də (25-də) Bakıda Hacı Zeynalabdin Tağıyevin teatrında oynanılıb.

Dahi Azərbaycan şairi Məhəmməd Füzulinin eyniadlı poeması əsasında hazırlanmış "Leyli və Məcnun" yalnız Azərbaycanın deyil, həm də Şərqin ilk operasıdır. Qoca Şərqin opera tarixi məhz bu gündən başlanıb. İlk operanın uğurlarından ruhlanan Üzeyir bəy bir-birinin ardınca "Şeyx Sənan" (1909), "Rüstəm və Söhrab" (1910), "Şah Abbas və Xurşidbanu", "Əsli və Kərəm" (1912), "Harun və Leyla" (1915) kimi milli operalar yazıb.

Şərqdə ilk operetta janrının yaranması da Üzeyir Hacıbəylinin adı ilə bağlıdır. Dahi bəstəkarın ilk musiqili komediyası üç pərdədən ibarət "Ər və arvad"dır. Bu əsər Azərbaycanda musiqili komediyanın ilk nümunəsidir. Əsərin ilk tamaşası 1910-cu ildə olub. Rollarda H.Sarabski (Mərcan bəy), Ə.Ağdamski (Minnət xanım) və başqaları çıxış ediblər.

Üzeyir Hacıbəylinin ədəbi irsi də çox zəngin və qiymətlidir. Bütün ömrü boyu Azərbaycan mədəniyyətinə, musiqisinə xidmət edən bu unudulmaz şəxsiyyət 300-dən çox xalq mahnısını nota salıb, marş, kantata, fantaziya, mahnı və romanslar, kamera və xor əsərləri yazıb. Maraqlıdır ki, həm Azərbaycan Xalq Cümhuriyyətinin, həm də sovet Azərbaycanının himnləri dahi sənətkara məxsus olub. Müstəqilliyimizi qazandıqdan sonra xalqımıza azadlıq şərafəti çatdıran ilk himni biz bu gün yenə də məhəbbətlə səsləndiririk.

Onun işıqlı xatirəsi xalqının qəlbində əbədi olaraq daim yaşayacaq.

Uzun illər Azərbaycan radiosunda çalışmış Əməkdar artist, diktor Sevda Saleh Məmmədzadə sentyabrın 1-i koma vəziyyətində reanimasiyaya yerləşdirilib.

Bu barədə “Qafqazinfo”ya onun qızı Gültən Ramazanova məlumat verib.

O bildirib ki, 95 yaşlı Sevda Saleh Nizami Tibb Mərkəzində müalicə alır, vəziyyəti ağırdır: “Həmin gün səhər saatlarında mən onun yanında idim, daha sonra oradan çıxıb öz evimə getdim. Saat 5 radələrində onunla əlaqə saxlamağa çalışdım, lakin telefon zənglərimə cavab vermədi. Hətta mobil telefonu sönmüşdü, ev telefonuna da cavab vermirdi. Bundan sonra narahat olmağa başladım. Evinə getdim və bundan sonra Fövqəladə Hallar Nazirliyinə, polisə müraciət etdim, prokurorluğa və təcili tibbi yardıma məlumat verdim. Qurumların əməkdaşları gəldilər və qapını sındırdılar.

Anamı balkondan mətbəxə keçid hissəsində, iki qapının arasında sıxılmış və yerdə yıxılmış vəziyyətdə tapdıq. İlkin məlumata görə, həmin vaxt işemik insult keçirib. Görünür, mən səhər onun yanından ayrıldıqdan sonra günorta saatlarında yıxılıb və insult keçirib. Xəstəxanaya çatdırıldıqdan sonra həkimlər beyninə qaz sızdığını bildirdilər.

Mənim anam 65 ilini Azərbaycan radiosuna həsr edib. Çox xahiş edirəm, dualarınızı əsirgəməyin”.

***

Əməkdar artist Sevda Saleh Məmmədzadənin vəziyyəti ilə bağlı Tibbi Ərazi Bölmələrini İdarəetmə Birliyindən (TƏBİB) sorğumuza cavab olaraq bildirilib ki, hazırda onun vəziyyəti ağır stabil qiymətləndirilir: “1931-ci il təvəllüdlü qadın 02.09.2026-cı il tarixində saat 00:30 radələrində ağır vəziyyətdə Nizami Tibb Mərkəzinin Reanimasiya şöbəsinə hospitalizasiya olunub.

Baş-beyin qan dövranının hər iki beyin yarımkürəsində kəskin işemik tipli pozulması, ürəyin işemik xəstəliyi və səyirici aritmiya diaqnozları təyin olunan pasiyentə zəruri tibbi xidmətlər göstərilib.

Hazırda müalicəsi davam etdirilir, vəziyyəti ağır stabil qiymətləndirilir”.

Kitabxana əməkdaşlarının attestasiyası narazılıq yaratdı: İKT sualları niyə verilib?
Azərbaycan Respublikası Mədəniyyət Nazirliyinin keçirdiyi kitabxana sistemində çalışan əməkdaşların attestasiyası narazılığa səbəb olub.
Bu barədə Bizimyol.info xəbər portalına müraciət edən şikayətçi Yardımlı rayonundan olan Gündüz Manaflı bildirib ki, uzun illər kitabxanalarda çalışan əməkdaşlara əvvəlcədən müvafiq təlim keçirilmədən attestasiya təşkil olunub.

Onun sözlərinə görə, attestasiyada kitabxanaçıların peşə fəaliyyətindən daha çox kompüter və informasiya texnologiyaları ilə bağlı suallara üstünlük verilib:

“Operativ yaddaş (RAM) nədir?”, “Hardware və software nədir?”, “Printer kompüterə hansı vasitələrlə qoşulur?”, “RAM, bayt, bit” kimi İKT anlayışları ilə bağlı suallar yer alıb.

Bu cür sualların verilməsinin səbəbi nədir?
Attestasiyadan keçə bilməyən əməkdaşların aqibəti necə olacaq?
Yaran suallarla bağlı Mədəniyyət Nazirliynə sorğu ünvanladıq.

Mədəniyyət üzrə Elmi-Metodiki və İxtisasartırma Mərkəzindən Bizimyol.info xəbər portalının sorğusuna cavab olaraq bildirilib: “Attestasiyaya kitabxanalarda İT və rəqəmsal xidmətlər istiqamətində çalışan əməkdaşlar cəlb olunub. Elektron kataloq, elektron kitabxana və avtomatlaşdırılmış kitabxana prosesləri onların birbaşa vəzifə funksiyalarına daxildir. Müvafiq suallar əvvəlcədən elan edilmiş attestasiya proqramına uyğun təqdim olunub”.

Bizimyol.info

Bu gün Bakı Ağır Cinayətlər Məhkəməsində bir neçə vətəndaşa qarşı xüsusilə külli miqdarda dələduzluq etməkdə təqsirləndirilən Elçin Bağırov və Mübariz Məmmədovun cinayət işi üzrə məhkəmə prosesi keçirilib. Cinayət işində müğənni Könül Kərimovanın da adı hallanır.

Lent.az xəbər verir ki, hakim Günel Səmədovanın sədrliyi ilə keçirilən prosesdə məhkəmə tərkibinin dəyişməsi ilə əlaqədar məhkəmə istintaqının yeniləndiyi bildirilib.

Dövlət ittihamçısı ittiham aktını elan edib.

Elçin Bağırov və Mübariz Məmmədov onlara qarşı irəli sürülən ittihamlar üzrə özlərini təqsirli bilmədiklərini bildiriblər.

Belə ki, 2022-ci ilin avqustunda Elçin Bağırov və Mübariz Məmmədov müştəri İlham Cəfərovu tapıb onunla ofisdə görüşüblər.

Onlar paytaxtın Yasamal rayonu, Hüseyn Cavid prospekti 48 saylı binada yerləşən və müqavilə əsasında müğənni Könül Qəmbər qızı Kərimovaya məxsus olan 26 saylı mənzili İIham Cəfərova təqdim ediblər. Daha sonra onlar saxta və qanunsuz sənəd hazırlayıb həmin mənzili 245 min manata sataraq təkrar dələduzluq ediblər.

Təqsirləndirilən şəxslər məhkəməyə bir neçə vəsatət təqdim ediblər. Məhkəmə tərkibi qısa müşavirədən sonra həmin vəsatətlərin sənədlərin tədqiqi mərhələsində müzakirə olunacağını açıqlayıb.

Növbəti məhkəmə prosesi sentyabrın 16-sı saat 10:45-ə təyin edilib.

Xatırladaq ki, istintaq materiallarına əsasən, Elçin Bağırov və Mübariz Məmmədov vətəndaşların etibarından sui-istifadə etməklə və aldatma yolu ilə özgə əmlakını ələ keçirməkdə, həmçinin rəsmi sənədləri istifadə etmək məqsədilə təkrar saxtalaşdırmaqda ittiham olunurlar.

İttihama görə, Mübariz Məmmədov paytaxtın Yasamal rayonu, Hüseyn Cavid prospektində yerləşən “ARAZ T.İ” MMC-nin binasındakı 156 kvadratmetr sahəsi olan 126 nömrəli mənzili qanunsuz olaraq ələ keçirib.

Sözügedən mənzilin Sakit Məmmədova məxsus olduğu, müqavilə və maliyyə arayışının isə onun həyat yoldaşı Şəlalə Məmmədovanın adına rəsmiləşdirildiyi bildirilir.

İttiham aktında qeyd olunur ki, Mübariz Məmmədov 2011-ci il avqustun 13-də həmin mənzili “ARAZ T.İ” MMC-nin ofisində Elbrus Həsənova 156 min manata sataraq onun həyat yoldaşı Xanım Quliyevanın adına rəsmiləşdirib.

Bununla da Sakit Məmmədova 156 min manat məbləğində ziyan vurulduğu iddia edilir.

Mübariz Məmmədova qarşı digər ittiham isə yüz minlərlə manatlıq “hüquqi xidmət” vədləri ilə bağlıdır.

İstintaqın versiyasına əsasən, o, “Hüquq-Ekspertiza Mərkəzi” MMC-nin rəhbəri olduğu müddətdə tanışı Bəhram Abbasova “Konstra” MTK-nın müxtəlif şəxslərə dəyərindən ucuz və qanunsuz satıldığı bildirilən mənzillərini şirkətə geri qaytaracağını və alıcılara ödənilən pulların geri verilməsini təmin edəcəyini vəd edib.

İttihama görə, Mübariz Məmmədov bu xidmətlərin göstərilməsi adı ilə 408 min manat alıb.

Bundan başqa, “Konstra” MTK-nın layihə sənədlərinin hazırlanması və onların dövlət ekspertizasında təsdiqlənməsinin təşkil ediləcəyi vədi ilə daha 175 min manatın ələ keçirildiyi iddia olunur.

Beləliklə, ittiham aktına əsasən, təkcə Mübariz Məmmədovla bağlı göstərilən bu epizodlarda söhbət ümumilikdə 739 min manatdan gedir.

Qeyd edək ki, cinayət işi üzrə ittiham aktında müğənni Könül Kərimovanın da adı hallanır.

Prezident İlham Əliyevin sosial media hesablarında 1 Avqust - Azərbaycan Əlifbası və Azərbaycan Dili Günü ilə bağlı paylaşım edilib.

Paylaşımda deyilir:

"Bu gün 50 milyondan çox insan üçün Azərbaycan dili ana dilidir.

Təmiz, saf, ədəbi Azərbaycan dilinin qoruyucuları bizik - müstəqil Azərbaycan dövləti".