Dövlət müəssisəsi əməkdaşının hərbi xidmətdən yayınması faktının araşdırılması ilə bağlı işçilər adından SOCAR rəhbərliyinə və müvafiq dövlət qurumlarına müraciət ünvanlanıb. Bir nüsxəsi də "Dia-az"a daxil olan müraciətdə deyilir:

"SOCAR-ın Baş Ofisinin Qazma xidmətlərinin idarə edilməsi şöbəsinin rəisi Kamran Quluzadənin qanunsuz olaraq hərbi xidmətdən və hərbi mükəlləfiyyətdən yayındığı faktı var.

Hər halda strateji dövlət müəssisəsində cavabdeh vəzifə tutan şəxsin bu əməli Azərbaycan Respublikası Konstitusiyasının 76-cı maddəsinin və Cinayət Məcəlləsinin 321-ci maddəsinin (Hərbi xidmət keçməkdən yayınma) tələblərinə ziddir..."

Bu məqama diqqət yönəldən müraciət müəllifləri əlaqədar qurumların rəhjbərliyindən və əlaqədar şəxslərdən təcili tədbir görülməsini istəyirlər. Müraciətdə daha sonra bildirilir: "Sizdən xahiş edirik:

1. Kamran Quluzadənin hərbi xidmətə çağırışdan azad olunma və ya möhlət hüququnun qanuniliyi hərtərəfli araşdırılsın.

2. Hərbi xidmətdən yayınma və ya vəzifə səlahiyyətlərindən sui-istifadə (CM-nin 308-ci maddəsi) faktı təsdiqini taparsa, barəsində cinayət işi başlanılsın və tutduğu vəzifəyə uyğunluğuna baxılsın..."

Məsələ diqqətimizdədir...