Abşeron rayon Saray qəsəbəsində yerləşən "AzBelşin” MMC qanunsuz olaqraq səkini zəbt edilərək genişləndirib. Bu qanunsuzluq da avtomobillər üçün nəzərdə tutulan ərazidə hərəkətin qarşısı kəsib. Həmçinin qanunsuz zəbt olunaraq genişləndirilən səkidə ağır texnikalar yerləşdirilib. Qanunsuz genişləndirilən səki avtomobillərin yolda dönüşünə də ciddi təhlükə yaratmaqdadır. Yaxınlıqda yaşayan vətəndaşlar da avtomobilləri ilə ərazidə hərəkət edə bilməmələrindən şikayətçidirlər. Demək olar ki, qanunsuz səki genişlədirilməsi həm avtomobil həm də yaxınlıqda yaşayan insanların hərəkətini ciddi formada məhdudlaşdırıb. Bəs görəsən "Azərtexnika Belşin” MMC sahibləri vətəndaşların sərbəst hərəkət hüququnu, yol təhlükəsizliyini və qanunvericiliyin tələblərini nədən görməzdən gəir!?

Redaksiyamıza müraciət edən Vətən Müharibəsi Qazisinin şikayətinə görə, Abşeron rayonunun Saray qəsəbəsində, Bakı-Sumqayıt şosesinin 21-ci kilometrliyində yerləşən "Azərtexnika Belşin” MMC-nin sahiblərinin ərazidə həyata keçirdikləri qanunsuzluqlar ciddi narahatlıqlar doğurub. Beləki, ərazidə yerləşən obyektin qarşısında insanların gündəlik istifadə etdiyi səki boyunca hərəkət imkanlarının məhdudlaşdırıldığı, üstəlik, piyada hərəkəti üçün nəzərdə tutulan sahədə ağır texnikaların yerləşdirilməsi vətəndaşlara ciddi təhlükə sayıla bilər. Söhbət istənilən bir ərazidən deyil, avtomobil və xüsusi təyinatlı texnikalarla bağlı fəaliyyət göstərən kommersiya obyektinin qarşısından gedir. Belə bir şəraitdə ortaya haqlı sual çıxır ki, sahibkar hansı əsasla insanların ümumi istifadəsində olan ərazidə səkini qanunsuz olaraq zəbt edib genişləndirib?

Səki kiminsə şəxsi anbarı, satış meydançası və ya ağır texnikaların nümayiş etdirildiyi dayanacaq deyil. Bu ərazi ilk növbədə piyadaların təhlükəsiz və maneəsiz hərəkəti üçün nəzərdə tutulub. Onu ağır texnikalarla tutmaq isə vətəndaşları ya daralmış sahədən keçməyə, ya da vəziyyətdən asılı olaraq avtomobil yoluna çıxmağa məcbur edir. Bu da xüsusilə uşaqlar, yaşlılar, hərəkət məhdudiyyətli şəxslər və uşaq arabası ilə hərəkət edən valideynlər üçün əlavə risk yaradır.

Əgər obyektin ərazisi genişləndirilərkən səkinin sərhədləri dəyişdirilibsə, bunun hansı layihə və hüquqi əsasla həyata keçirildiyi açıqlanmalıdır. Əgər səki ictimai istifadədə qalırsa, onun üzərində ağır texnikaların yerləşdirilməsinə kim icazə verib? Yoxsa heç bir icazə olmadan ictimai ərazi faktiki olaraq kommersiya məqsədləri üçün istifadə edilir?

Sahibkarlıq fəaliyyəti qanunla qorunur, lakin bu hüquq başqalarının hüquqlarını məhdudlaşdırmaq, piyadaların hərəkətinə mane olmaq və ictimai ərazini özbaşına zəbt etmək imkanı vermir.

Qanunvericilik nə deyir?

Azərbaycan Respublikasının İnzibati Xətalar Məcəlləsinin 354-cü maddəsi avtomobil yollarında, prospektlərdə, küçələrdə və səkilərdə yol hərəkəti təhlükəsizliyi qaydalarının pozulmasına dair tələbləri müəyyən edir. Məcəllənin 354.0.1-ci maddəsi müvafiq icazə olmadan və ya icazənin şərtləri pozulmaqla yolun hərəkət hissəsində və səkilərdə materialların yığılmasını, predmetlərin saxlanılmasını, eləcə də yol hərəkətinin təhlükəsizliyinə maneə yaradılmasını əhatə edir. 354.0.4-cü maddə isə avtomobil yollarında nəqliyyat vasitələrinin və piyadaların hərəkətinə maneələr yaradılmasını nəzərdə tutur. Maddənin müvafiq hissələrində nəzərdə tutulan əməllərin hüquqi tərkibi təsdiqlənərsə, fiziki şəxslər 80 manatdan 100 manatadək, vəzifəli şəxslər 400 manatdan 500 manatadək, hüquqi şəxslər isə 3 000 manatdan 4 000 manatadək cərimə edilə bilərlər. .

Burada əsas məsələ yalnız cərimənin məbləği deyil. Əsas məsələ ictimai istifadədə olan səkinin hansı hüquqi əsasla bu vəziyyətə salınması, ağır texnikaların yerləşdirilməsi üçün hər hansı icazənin mövcudluğu və piyadaların təhlükəsizliyinin təmin edilib-edilməməsidir. Səlahiyyətli qurumlar əraziyə baxış keçirməli, səkinin faktiki sərhədlərini və mülkiyyət statusunu müəyyənləşdirməli, icazə sənədlərini yoxlamalı və qanun pozuntusu təsdiqlənərsə, müvafiq tədbirlər görməlidirlər.

Araşdırma zamanı obyektin kommersiya fəaliyyəti və ərazidən istifadə qaydaları ilə yanaşı, reklam qanunvericiliyinin tələbləri də ayrıca yoxlanılmalıdır.

“Reklam haqqında” Azərbaycan Respublikası Qanununun 26.2-ci maddəsinə əsasən, açıq məkanda reklam yerləşdirilməsi üçün qanunla nəzərdə tutulan icazə proseduru və müvafiq müqavilə tələbləri yerinə yetirilməlidir. Qanunun 26.9-cu maddəsi isə yol hərəkəti iştirakçılarına maneə törədən, onların həyat və sağlamlığı üçün təhlükə yarada bilən reklam daşıyıcılarının yerləşdirilməsini qadağan edir. .Amma, “Azərtexnika” bu qadağalara mhəl qoymamaqdadır.

Qeyd edək ki, İnzibati Xətalar Məcəlləsinin 428.7-ci maddəsi açıq məkanda reklam haqqında qanunvericiliyin pozulmasına görə məsuliyyət müəyyən edir. Müvafiq pozuntu təsdiqlənərsə, fiziki şəxslər 300 manatdan 500 manatadək, vəzifəli şəxslər 1 500 manatdan 2 500 manatadək, hüquqi şəxslər isə 5 000 manatdan 10 000 manatadək cərimə edilə bilərlər. .

Bununla belə, mühüm bir məqamı vurğulamaq lazımdır ki, obyektin qarşısında şinlərin və ya texnikaların yerləşdirilməsi öz-özlüyündə avtomatik olaraq reklam qanunvericiliyinin pozulması demək deyil. Reklamla bağlı məsuliyyət məsələsi konkret reklam qurğusunun, lövhənin və ya digər reklam daşıyıcısının mövcudluğu, onun yerləşdirilmə qaydası və tələb olunan icazələrin olub-olmaması əsasında qiymətləndirilməlidir.

Demək ki, aidiyyəti qurumlar yalnız səkiyə müdaxilə faktını deyil, ərazidəki reklam vasitələrinin qanunauyğunluğunu da araşdırmalıdırlar.

Araşdırma zamanı şirkətlə bağlı daha bir məqama rast gəldik. Belə ki, 2024-cü il fevralın 8-də yerli mətbuatda yayılan xəbərlərdə “AzBelşin” MMC barəsində gömrük qaydaları əleyhinə inzibati xəta protokolu tərtib edildiyi bildirilib. Məlumatlarda protokolun Azərbaycan Respublikası İnzibati Xətalar Məcəlləsinin 485.2-ci maddəsi ilə əlaqəli olduğu qeyd olunub.

Həmin maddəyə əsasən, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada təqdim edilməməsinə görə vəzifəli şəxslər 1 000 manat, hüquqi şəxslər isə 1 500 manat məbləğində cərimə edilə bilərlər.

Lakin apardığımız araşdırma zamanı sözügedən protokolun sonrakı taleyi, iş üzrə yekun qərarın qəbul edilib-edilməməsi və şirkətin məsuliyyətə cəlb olunub-olunmaması barədə əlavə məlumat əldə edə bilmədik.

Digər tərəfdən, 2025-ci ildə yerli mətbuatda yayılan məlumatlarda Belarus Ticarət və Sənaye Palatasının sədri Mixail Myatlikovun açıqlamasına istinadən, Bakıda keçirilən Azərbaycan-Belarus biznes forumunda ümumi dəyəri 18,9 milyon dollar olan müqavilələrin imzalandığı bildirilib. İmzalanan razılaşmalar arasında 2025-2026-cı illərdə regiona şin tədarükü ilə bağlı “Belşina” ASC, “Azərtexnika” MMC və “AzBelşin” MMC arasında əməkdaşlıq memorandumu da yer alıb.

Hazırda Saray qəsəbəsində, Bakı-Sumqayıt şosesinin 21-ci kilometrliyində qeydə alınan vəziyyətlə bağlı Abşeron Rayon İcra Hakimiyyətinə, “AzBelşin” MMC-yə və “Azərtexnika” MMC-yə sorğular ünvanlamışıq. Sorğularda ərazidə səkinin zəbt edilməsi iddiası, ağır texnikaların yerləşdirilməsinin hüquqi əsasları və mümkün qanun pozuntuları ilə bağlı məsələlərə aydınlıq gətirilməsi istənilib.

Qurumların və şirkətlərin cavabları daxil olduğu təqdirdə, onların mövqeyini dərc etməyə hazırıq.

Bildirək ki, mövzu ilə bağlı geniş videoreportaj təqdim edəcəyik.(paytaxt.org)

Aysel

Naxçıvan Muxtar Respublikası Xəstəxanasının əməkdaşları hələ də ötən ayın əməkhaqqını ala bilmədikləri üçün ciddi çətinliklərlə üzləşiblər. Bu barədə məlumat sosial şəbəkələrdə geniş müzakirəyə səbəb olub.

NOCOMMENT.az xəbər verir ki, məsələ ilə bağlı tanınmış jurnalist Heydər Oğuz sosial şəbəkə hesabında paylaşım edərək tibb işçilərinin müraciətinə diqqət çəkib. O qeyd edib ki, oktyabrın 13-ü olmasına baxmayaraq, xəstəxana əməkdaşları hələ də sentyabr ayının maaşını ala bilməyiblər:
"Naxçıvanda Respublika xəstəxanasının əməkdaşları mənə müraciət edərək bildiriblər ki, oktyabrın 13-ü olmasına baxmayaraq, hələ də ötən ayın maaşını ala bilməyiblər. Buna baxmayaraq, banklardan götürdükləri kreditlərin üzərinə faiz gəlir, bu da insanların sosial vəziyyətini daha da ağırlaşdırır."
Paylaşımda həmçinin tibb işçilərinin gecikmə ilə bağlı narahatlıqları və ehtimalları da yer alıb. Məsələ ictimaiyyətdə haqlı narazılıq doğurub və aidiyyəti qurumların məsələyə operativ reaksiya verməsi gözlənilir.

Laçın rayon sakini Elman Kərimov doğma yurda qayıdarkən böyük təsərrüfat qurmaq, heyvandarlıqla məşğul olmaq və ailəsinin dolanışığını təmin etmək ümidi ilə yaşadığını deyir. "Dia-az" bildirir ki, sən saydığını say, gör fələk nə sayır...;>

Onun sözlərinə görə, bu arzuların qarşısına “Qoç ət” şirkətinin fəaliyyəti maneə yaradıb.;>
Şikayətçi iddia edir ki, şirkət kəndin əkin və otlaq sahələrinin böyük hissəsini zəbt edib. Nəticədə sakinlər heyvanlarını otarmaq üçün ərazi tapa bilmirlər. Onun sözlərinə görə, kənd əhalisinin əsas dolanışıq mənbələrindən biri olan heyvandarlıq indi ciddi çətinliklərlə üz-üzə qalıb.;>

Elman Kərimov bildirir ki, sakinlər dövlətə mütəmadi olaraq müvafiq ödənişlər etsələr də, heyvanlarını otarmaq üçün ərazidən istifadə edə bilmirlər. O hesab edir ki, mövcud vəziyyət kənd sakinlərinin həm təsərrüfatına, həm də gündəlik dolanışığına mənfi təsir göstərir.;>
Şikayətçi aidiyyatı qurumlara səslənərək yaranmış vəziyyətin araşdırılmasını, otlaq sahələrindən istifadə məsələsinə aydınlıq gətirilməsini və kənd sakinlərinin probleminin həlli üçün müvafiq tədbirlər görülməsini xahiş edir.;> (Dia-az)

Azərbaycanda ləğv olunmuş "Bank BTB”-nin kadrları ölkənin aparıcı banklarına təyinat alır.

Yurd.Media-nın əldə etdiyi məlumata görə, “Bank BTB”nin Satış Departamentinin direktoru Bahruz Kazımlı "Expressbank"da Pərakəndə Bankçılıq Departamentinin direktoru təyin olunub.

B.Kazımlının bank sektorunda 8 ildən artıq iş təcrübəsi var. O, peşəkar fəaliyyətinə 2018-ci ilin noyabrında "Yelo Bank"da başlayıb və burada 2020-ci ilin martınadək Bölmə rəhbəri vəzifəsində çalışıb.

2020-ci ilin martından 2022-ci ilin fevralınadək "Bank of Baku" ASC-də Məhsulların Satışı bölməsinin rəhbəri vəzifəsini tutub.

2022-ci ilin fevralından 2024-cü ilin fevralınadək "TuranBank" ASC-də Pərakəndə Bankçılıq Departamentinin direktoru kimi fəaliyyət göstərib.

2024-cü ilin martından 2026-cı ilin martınadək isə “Bank BTB” ASC-də Satış Departamentinin direktoru vəzifəsində çalışıb.

“Bank BTB”nin maliyyə direktoru olmuş Vüqar Rəfiyev isə "FINCA Azerbaijan"da baş mühasib vəzifəsinə təyin olunub.

Peşəkar fəaliyyətinə 1999-cu ildə başlayan Vüqar Rəfiyev maliyyə, mühasibatlıq və büdcə nəzarəti sahəsində 25 ildən artıq iş təcrübəsinə malikdir.

O, 1999–2010-cu illərdə Azərbaycan Beynəlxalq Bankında Büdcə nəzarəti və mühasibatlıq departamentində çalışıb.

2010-cu ilin martından 2014-cü ilin dekabrınadək “Bank BTB” ASC-də Büdcə nəzarəti və mühasibatlıq departamentinin direktoru və İdarə Heyətinin üzvü olub.

2015-ci ilin yanvarından 2020-ci ilin avqustunadək “Ziraat Bank Azərbaycan” ASC-də İdarə Heyətinin üzvü, Büdcə nəzarəti və mühasibatlıq departamentinin direktoru vəzifəsində fəaliyyət göstərib.

2020-ci ilin oktyabrından 2026-cı ilin oktyabrınadək isə “Bank BTB” ASC-də Maliyyə direktoru vəzifəsini tutub.

Neftçalanın Xol zonasının sakinləri iddia edirlər ki, onlar başçının dövlət torpaqlarını özünün qanunsuz biznesinə çevirməsinin qurbanına çevriliblər

Neftçaladan daxil olan məlumata görə, icra başçısı Mirhəsən Seyidov bir müddət Xol zonasında əhali ilə səyyar görüşlər keçirib.
Görüşlərdə sakinlərin əsas şikayəti isə yolla bağlı olub. Lakin onlar öz şikayətlərini başçıya çatdıra bilməyiblər. Çünki yerli ərazi nümayəndələri onlardan xahiş ediblər ki, yolla bağlı məsələni onlar özləri başçıya çatdıracaqlar.
Qeyd edək ki, Neftçalanın Xol zonası adlanan ərazisində 8 səkkiz kənd yerləşir və bu kəndlərdə ümumi 24 mindən artıq əhali yaşayır. Rayonun əsas yaşayış məntəqələrindən kənarda yerləşən ərazi Salyanın Şorsulu kəndindən başlayıb Masallıya və Xəzər dənizinə qədər uzanır.
Şikayətdə qeyd olunur ki, istər Salyana, istərsə də Neftçalaya gedən yollar hazırda bərbad vəziyyətdədir və yerli əhalinin əsas sosial problemlərindən biridir. Bu yollar 5 il əvvəl AAYDA tərəfindən təmir olunsa da hazırda keçilməz vəziyyətdədir. Sakinlər isə yolların bərbad vəziyyətdə olmasını daha çox icra başçısı ilə əlaqələndirilər.
“Əvvala bu yollar başdan-sovdu təmir olunur. Sonuncu dəfə gəlib yolları qırlayıb gediblər. Normalda biz qırlanmış yollarla da idarə edə bilərik. Amma yay və payız aylarında ağır tonnajlı maşınlar yolları bərbad hala salırlar. Məsələ ondadır ki, Xolla Aşqğı Qaramanlı kəndi arasında 30 min hektarlıq qış otlaq sahəsi yerləşir. Hələ sovet dönəmində bu ərazilərdə heyvan otarırıdılar. Amma indi həmin qış otlaq torpaqlarını başçı Mirhəsən Seyidov rayondan olmayan adamlara pulla satıb. Onlar isə sənəddə heyvan saxlasalarda, əslində heç birinin heyvanları yoxdur. Bu adamlar qış otlaq sahələrində qanunsuz olaraq taxıl əkirlər və həmin taxılı daşıyan ağır tonnajlı maşınlar da yolları dağıdırlar. Eə başçının özü də həmin ərazilərdə taxıl əkir. Yəni biz başçının dövlət torpaqlarını özünün qanunsuz biznesinə çevirməsinin qurbanına çevrilmişik”, deyə sakinlərdən biri Poliqon-a bildirib.
Sakin qeyd edib ki, başçıyla görüşdən əvvəl yerli icra nümayəndələri onlardan yolla bağlı məsələni qaldırmamağı xahiş ediblər:
“Nümayəndələr bizə dedilər ki, başçı elə dağılmış yolla görüşə gəlir. Özü hər şeyi görəcək. Biz də sizlərin narazılığını başçıya çatdıracağıq”.
Nümayəndələrin əslində başçıya yarınmağa, həm də özlərini qorumağa çalışdıqlarını vurğulayan başqa bir sakin bildirib, görüşdən sonra nümayəndələr yol problemi ilə bağlı sualalra cavab vermək istəmirlər, sadəcə məsələni başçıya çatdırdıqlarını deyirlər.
Digər bir sakin də bildirib ki, heç olmasa başçı rayon yol idarəsinin imkanları ilə yollarda yaranmış çalaları doldurub yola “yamaq” vurdura bilər.
“Amma bizə deyirlər ki, yol idarəsinin bu işləri görməyə pulu yoxdur. Onda başçı bu ərazidən qazandığı pullarla yolu təmir eləsin. Axı yolu dağıdan da odur”, deyə sakin qeyd edib.
Xatırladaq ki, Poliqon Neftçalanın Xol zonasında dövlət torpaqlarının qanunsuz istismarı ilə bağlı dəfələrlə yazıb, lakin əlaqədar qurumlar bu problemə hələ də sükutla cavab verirlər.
Vətəndaşların haqlı şikayətləri ilə bağlı Neftşala rayon İcra Hakimiyyətinin mövqeyini öyrənmək üçün Poliqon sorğu göndərsə də, aradan keçən müddətdə sorğya cavab alınmayıb. Bütün halalrda Neftçala rayon İcra Hakimiyyətinin mövqeyini dərc etməyə hazırıq.
Onu da qeyd edək ki, son zamanlar Neftçaladan sosial problemlərlə bağlı şikayətlər çox artıb. Bu şikayətlərə əsaslanaraq Neftçalanın sosial problemlərini növbəti yazılarımızda təqdim edəcəyik.(Poliqon)

Bərdə rayon sakini Şövqiyyə Piriyeva yaşadığı problemlə bağlı şikayətini dilə gətirib. "Dia-az"ın məlumatına görə, üç övlad anası olan və 26 ildir yaşadıqları ərazidə əkinçiliklə məşğul olduğunu bildirən vətəndaş iddia edir ki, qohumları onun torpaq sahəsindən istifadə etməsinə mane olurlar.;>
Şikayətçinin sözlərinə görə, ailənin yeganə gəlir mənbəyi əkinçilikdir. Lakin qayınatası Məzahir Piriyev, qayınanası Şöhrət Piriyeva və qayınının oğlu Şamo Piriyev tərəfindən əkin işlərinə maneələr yaradılması ailəni ciddi maddi çətinliklərlə üz-üzə qoyub.;>


Şövqiyyə Piriyeva bildirir ki, məsələ ilə bağlı dəfələrlə aidiyyatı qurumlara müraciət etsə də, indiyədək problemin həllinə nail ola bilməyib. Onun sözlərinə görə, əkin aparmasına imkan verilmədiyindən aldığı toxumlar əlində qalıb və nəticədə məhv olub.Ailəsinin dolanışığının əkinçilikdən asılı olduğunu vurğulayan şikayətçi yaranmış problemin həlli, torpaq sahəsindən istifadə hüququnun təmin olunması və ailəsinin maddi vəziyyətinin daha da ağırlaşmaması üçün aidiyyəti qurumlardan kömək istəyir.;>

Sənaye və İnnovasiyalar üzrə Bakı Dövlət Peşə Təhsil Mərkəzinin rəhbərliyində dəyişikliklərdən sonra müəssisədə bir sıra kadr dəyişikliklərinin baş verdiyi bildirilir.

Peşə Təhsili üzrə Dövlət Agentliyinin direktoru İlqar Bayramlı müvafiq əmrlə Yusif Axundovu Sənaye və İnnovasiyalar üzrə Bakı Dövlət Peşə Təhsil Mərkəzinin direktoru vəzifəsinə təyin edib. Bu təyinat oktyabrın 2-də edilsə də, rəsmi olaraq bu gün açıqlanıb. Qeyd edək ki, Mərkəzdə 10 gün təhvil-təslim işləri aparılıb və ciddi çatışmazlıqlar aşkar edilib.
Yusif Axundov 2001-ci ildə Bakı Dövlət Universitetinin “Beynəlxalq münasibətlər” ixtisası üzrə bakalavriat, 2003-cü ildə isə magistratura təhsilini başa vurub. O, müxtəlif illərdə “Azərenerji” ASC-də, “McDermott Caspian Contractors Inc” şirkətində, Koreya Respublikasının Azərbaycandakı səfirliyinin Kommersiya şöbəsində, “Gilan-Qəbələ Konserv Zavodu” MMC-də və “Mars FK LTD” MMC-də çalışıb. 2024-cü ildə isə Peşə Təhsili üzrə Dövlət Agentliyinin Tərəfdaşlarla iş və kommunikasiya şöbəsinin müdiri vəzifəsinə təyin olunub.
Daha bir maraqlı nüans ondan ibarətdir ki, Agentliyin məlumatında qeyd olunur ki, Yusif Axundov 2024-cü ildə Peşə Təhsili üzrə Dövlət Agentliyinin Tərəfdaşlarla iş və kommunikasiya şöbəsinin müdiri vəzifəsinə təyin edilib.

Məlumatdan belə görünür ki, Yusif Axundov məlum direktor vəzifəsinə qədər Agentlikdə şöbə müdiri kimi çalışıb. Amma Agentliyin rəsmi səhifəsində illərdir bu vəzifə ştatı və qəbullar zamanı bu şöbənin müdiri Nigar İsmayılzadə (Əsgərova) göstərilir. Maraqlıdır, Tərəfdaşlarla iş və kommunikasiya şöbəsinin müdiri Nigar İsmayılzadədir, yoxsa Yusif Axundov olub?
Həmçinin məlumata görə, yeni direktorun təyinatından sonra mərkəzdə kadr dəyişiklikləri də həyata keçirilib. İddialara əsasən, direktorun təsərrüfat məsələləri üzrə müavini Tapdıq Əhmədov və onun müavini Xanəli Mənsimov vəzifələrindən uzaqlaşdırılıblar. Onların yerinə isə yeni direktorun yaxın adamları təyin olunub.

Tapdıq Əhmədovun 100 min manatdan baha olduğu iddia edilən “Zeekr” markalı avtomobilə sahib olduğu bildirilir.
Mərkəzdə avtomobil təmiri sexinin fəaliyyəti ilə bağlı yeni məlumatlar var. Belə ki, iddialara görə, Şaban Cəərçiyevin rəhbərliyi dövründə təhsil müəssisəsinə məxsus avadanlıqlardan istifadə edilməklə avtomobil təmiri sexi şəxsi biznes məqsədilə fəaliyyət göstərib. Məsələ mətbuatda işıqlandırıldıqdan sonra sexin bağlandığı bildirilirdi.
Son məlumatlara əsasən, ötən gündən etibarən həmin sex yeni direktor Yusif Axundovun istifadəsində yenidən fəaliyyətə başlayıb. Dövlətə məxsus avadanlıqlardan istifadə indiyə kimi Şaban Cəərçiyevə gəlir gətirirdisə, bundan sonra Yusif Axundova gəlir gətirəcək.
Qeyd edək ki, qalmaqallı fəaliyyəti ilə tanınan Sənaye və İnnovasiyalar üzrə Bakı Dövlət Peşə Təhsil Mərkəzinin sabiq direktoru Şaban Cəərçiyev İlqar Bayramlının əmri ilə bu dəfə Texnika və Texnologiyalar üzrə Bakı Dövlət Peşə Təhsil Mərkəzi publik hüquqi şəxsin direktoru vəzifəsinə təyin edilib. Bu isə Peşə Təhsili üzrə Dövlət Agentliyində aparılan "kadr islahatları" kimi dəyərləndirlir.
Bizimesr Media

“Azərbaycan Yaşıllaşdırma və Landşaft Quruluşu” Açıq Səhmdar Cəmiyyəti Zığ gölünün ətrafında yerləşən ərazilərdə yeni yaşıllıqların salınması və damcılı suvarma sisteminin qurulması işləri (1-ci mərhələ) üzrə müəllif və texniki nəzarət xidmətlərinin satın alınması bir mənbədən satınalma metodu tətbiq etməklə “Miras Engineering” Məhdud Məsuliyyətli Cəmiyyəti ilə 73.088,02 manat dəyərində müqavilə bağlayıb. Məlumat satınaılmaların portalında 12.10.2026-cı ildə dərc edilib.
Xatırlatmaq istərdik ki, “Dövlət Satınalmaları Haqqında” Qanunun 49-cu maddəsinə görə bir mənbədən satınalma metodu satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda; satınalma predmetinə təcili tələbat yarandıqda.
Qeyd edək ki, bu “Azərbaycan Yaşıllaşdırma və Landşaft Quruluşu” ASC ilə sözügedən şirkət arasında bağlanan ilk müqavilə deyil. Tərəflər arasında ilk müqavilə 10.09.2021-ci ildə bağlanılıb. Suraxanı rayonunun inzibati ərazisində Zığ gölünün ətrafında yerləşən ərazilərdə yeni yaşıllıqların salınması və damcılı suvarma sisteminin qurulması üzrə texniki-iqtisadi əsaslandırma və layihə-smeta sənədlərinin hazırlanması işlərinin satın alınması üzrə keçirilmiş tenderin dəyəri 148.000 manat təşkil edib. Müqavilə “HYDROTRANS ENGİNEERİNG MÜHƏNDİSLİK MƏRKƏZİ” Məhdud Məsuliyyətli Cəmiyyəti ilə bağlanılıb.
Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında isə “MİRAS ENGİNEERİNG” (VÖEN: 1000104731) Məhdud Məsuliyyətli Cəmiyyətinin 21.02.1995-ci ildə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. MMC-yə VÖEN 01.09.2004-cü ildə verilib. Reyestr məlumatlarında nizamnamə kapitalı 716.1 manat olan MMC-nin hüquqi ünvanının BAKI ŞƏHƏRİ, YASAMAL RAYONU, QURBAN XƏLİLOV, ev.8, qanuni təmsilçisi kimi isə OMARIEVA EMINA KHANUM qeyd olunub.
MMC-nin qanuni təmsilçisi Emina Khanum Omariyeva kimdir?
İnternet üzərindən apardığımız araşdırma zamanı məlum oldiu ki, Oмариева Эмина-Ханум Магомедовна Rusiyada, Республика Дагестан, г Махачкала, Батырая ул, д. 11, помещ. 814 ünvanda qeydiyyata alınmış ООО “Гидротранспроект” -in təsisçidir. Bundan əlavə xanım həm də Maxaçkala şəhərində daşınmaz əmlakın icarəsi ilə də məşğul olur.
Bundan əlavə rusprofile.ru portalına yerləşdirilmiş məlumata görə 21.05.2025-ci ildə Moskva şəhərində fərdi sahibkar kimi qeydiyyata alınıb.
MMC-nin ilk hüquqi ünvanı BİNƏQƏDİ RAYONU, XIRDALAN QƏSƏBƏSİ, ev 31-Cİ MƏH, 1260-Cİ KEÇİD, mənzil 1, təsisçisi və ilk qanuni təmsilçisi Şirinov Mənaf İsbəndiyar oğlu olub. Daha sonra Əliyev Natiq Balabəy oğlu MMC-nin qanuni təmsilçisi olub.
Göründüyü kimi, “Miras Engineering” MMC 21.02.1995-ci ildə dövlət qeydiyyatına alınıb, 01.09.2004-cü ildə VÖEN verilib. Qeyd edək ki, “MİRAS ENGİNEERİNG” MMC-nin ünvanı həm də Əfəndi İsmiyevin sahibi olduğu Avro-Asiya İnşaat Korporasiyası EVRASCON Açıq Səhmdar Cəmiyyəti ilə eyni ünvanda yerləşir.
Sual yaranır. “Azərbaycan Yaşıllaşdırma və Landşaft Quruluşu” ASC 10.09.2021-ci ildə “Miras Engineering” MMC-yə məxsus VÖEN-lə “HYDROTRANS ENGİNEERİNG MÜHƏNDİSLİK MƏRKƏZİ” ilə necə müqavilə bağlayıb?
Dövlət Vergi Xidmətinin hüquqi şəxslərin dövlət reyestri məlumatlarında “HYDROTRANS ENGİNEERİNG MÜHƏNDİSLİK MƏRKƏZİ” MMC-nin dövlət qeydiyyatına alınması barədə məlumat yoxdur. MMC-nin saytında “HYDROTRANS – ENGİNEERİNG” su və nəqliyyat infrastrukturunun layihələndirilməsi üzrə mühəndis mərkəzi 1989-cu ildə körpü mühəndisi İsmiyev Əfəndi Muradoviç tərəfindən yaradıldığı göstərilir.
Qeyd edək ki, “HYDROTRANS ENGİNEERİNG MÜHƏNDİSLİK MƏRKƏZİ” “MİRAS ENGİNEERİNG” MMC-yə aid VÖEN-lə son illər bir çox dövlət quqrumları tərəfindən keçirilmiş onlarla tendeerin qalibi olub. Maraqlıdır, bu dövlət qurumları VÖEN-i olmayan MMC ilə necə müqavilə bağlaya bilib? Yaxud da müqavilə niyə elə “MİRAS ENGİNEERİNG” MMC ilə bağlanılmır?
Medianın 27 yanvar 2026-cı ildə yaydığı məlumata görə “HYDROTRANS ENGİNEERİNG MÜHƏNDİSLİK MƏRKƏZİ” MMC-nin Dövlət Vergi Xidmətinin Bakı şəhəri Lokal Gəlirlər Baş İdarəsinə 94 500 manat vergi borcu mövcuddur.
Qeyd edək ki, “Azərbaycan Yaşıllaşdırma və Landşaft Quruluşu” Açıq Səhmdar Cəmiyyətin sədri Cavid Abdullayevdir. O, sözügedən vəzifəyə 2024-cü ilin yanvarında təyin edilib. C. Abdullayev daha əvvəl ASC-nin sədr müavini işləyib.
Aktualinfo.net

Dönər ustası Yusif Qardaşzadə “Halal Food” MMC-nin hazırladığı dönər ətinin vəziyyəti ilə bağlı şikayətini ictimailəşdirib.

Tribuna.az xəbər verir ki, dönər ustasının sözlərinə görə, “Halal Food” MMC xüsusilə toyuq dönəri üçün nəzərdə tutulan əti bərbad vəziyyətdə hazırlayır.

Onun paylaşdığı fotolardan aydın olur ki, dönər ətinə toyuğun hətta tüklü, qığırdaqlı və yeyilməyən hissələri də əlavə olunur.

Yusif Qardaşzadə bildirib:

“‘Halal Food’ MMC-nin istehsal etdiyi toyuq dönəri ilə bağlı dəfələrlə eyni problem yaşanıb. Bildirəndə də yola verirlər. Rəsmi qaydada AQTA-ya şikayət olunacaq.

MMC dəymiş zərəri qarşılamaqdan imtina edir.

Paylaşdığım şəkillər fərqli-fərqli zamanlarda çəkilib. Mən bir sahibkar kimi bu əti müştəriyə verə bilmərəm”.

Qeyd edək ki, “Halal Food” MMC Azərbaycanda soyudulmuş və dondurulmuş ət və toyuq məhsullarının idxalı və satışı ilə məşğul olan şirkətdir.

“Halal Food” MMC-nin qanuni təmsilçisi Əhmədov Sadiq Əhməd oğludur.