“Yanacaq qiymətləri yüksək qalmağa davam edərsə, Avropanın bəzi aviaşirkətləri payıza qədər müflis ola bilər”.

Bu barədə İrlandiyanın “Ryanair” aviaşirkətinin baş direktoru Maykl O'Liri bildirib.

“Əgər iyul, avqust və sentyabrda neftin qiyməti barel üçün 150 dollar olarsa, Avropa aviaşirkətləri müflis olacaq”, - o deyib.

Bununla belə, O'Liri rəhbərlik etdiyi şirkətin, heç nəyə baxmayaraq, qiymətləri artırmayacağını bildirib.

“Biz Avropada ən qorunan və diversifikasiya olunmuş aviaşirkətik. Zəmanət verə bilərik ki, yayda tədarüklərlə nə baş verməsindən asılı olmayaraq, nə qiymət artımı, nə də yanacaq qiymətlərinin sıçrayışı üçün əlavə ödənişlər olmayacaq”, - O'Liri əlavə edib.

Xatırladaq ki, aprelin ortalarında Beynəlxalq Enerji Agentliyinin (BEA) baş direktoru Fatih Birol qitədə təyyarə yanacağı ehtiyatlarının təxminən altı həftəlik qaldığını açıqlamışdı. Almaniyanın “Lufthansa” aviaşirkəti isə artan təyyarə yanacağı qiymətləri fonunda təxminən 20 min qısaməsafəli reysi ləğv edib.

Texnologiya Universitetinin Qida mühəndisliyi fakültəsində "Şərab" məclisinə aid foto şəkillər paylaşılıbdır.
Texnologiya Universitetinin Qida mühəndisliyi fakültəsinin Dosenti Afət Qasımova Facebook səhifəsində paylaşım edibdir. Sosial mediada paylaşımı olunan müəllimənin "Başda kafedra müdirimiz Əhəd müəllimin olmaqla bütün professor-müəllim heyətinə bu gözəl gün üçün öz təşəkkürümü bildirirəm" status paylaşımı diqqəti çəkibdir.
Diqqət yetirilsə məclisdə "Araq" içməkləri görüntüləri açıq isbat olunur. Şərab məclisi Texnologiya Universitetinin 3 korpus deyilən binada təşkil olunubdur. Xan Çinar arağının əks etdirən görüntüləri təsdiqini foto şəkildə görmək olur.
Başı əsassız pul yığımına qarışan ATU-nun rektoru Yaşar Ömərov idarəçiliyi itiribdir. Belə ki, sözü gedən Təhsil ocağında Tələbələrdən təcrübə "pratika"adı altında 1500- 2000 manat, müəllimlərdən 500 manat, 4 kurs Tələbələrdən 500-600 manat məbləğində əsassız pul tələbləri vardır. Bunu təsdiq edən video görüntülər və səs yazıları mövcuddur. Bu mövzuya gələn yazımızda qayıdacayıq.
Dövlət qurumları susur, dəfələrlə ölkə başçısına siqnal verən sosial şəbəkələr, ATU-nun Korrupsiyaner rektoru Yaşar Ömərovu susdura bilmir.
Qida mühəndisliyi fakültəsində olan "Şərab" məclisi 29 aprel 2026 cı il tarixlərində iş saatlarında qeyd olunubdur.
ATU da keçirilən " Şərab " məclisində Universitetin rəhbər şəxsləridə iştirak edibdir. Bir haldaki ölkənin gələcəyini Təhsil ocaqları ququr təəssüflənmək olar ki, o gələcək çirkaba bulaşıbdır.
Ardı var...
TEREF

Abşeron rayonu, Xırdalan şəhərində yerləşən 4 saylı tam orta məktəblə bağlı səsləndirilən iddialar yeni detallarla daha da diqqət mərkəzinə gəlib. Valideynlərin və ictimaiyyət nümayəndələrinin bildirdiyinə görə, məsələ artıq təkcə ayrı-ayrı hallar deyil, eyni zamanda aparılan yoxlamaların effektivliyi ilə bağlı suallar doğurur.

İddialara əsasən, təxminən iki ay əvvəl Abşeron təhsil sektorunun məsul şəxslərindən biri – Sənan Xəlilov məktəbdə yoxlama aparmaq məqsədilə olub. Bildirilir ki, yoxlamanın əsas səbəblərindən biri Təranə Vəliyevanın sinif rəhbəri kimi fəaliyyəti ilə bağlı məlumatların dəqiqləşdirilməsi olub. Lakin səsləndirilən məlumatlara görə, bu yoxlamadan sonra sözügedən şəxsin fəaliyyətində hər hansı dəyişiklik baş verməyib.

Bu isə haqlı olaraq bir sıra sualları gündəmə gətirir:

əgər məsələ araşdırılıbsa, nəticəsi nə olub?
əgər qanun pozuntusu yoxdursa, bu barədə ictimaiyyət niyə məlumatlandırılmayıb?
əgər pozuntu mövcuddursa, niyə müvafiq tədbirlər görülməyib?

Valideynlər hesab edir ki, belə hallarda şəffaflığın təmin olunmaması təhsil müəssisələrinə olan etimadı zədələyir. Xüsusilə də yoxlama aparıldığı iddia olunan bir məsələdə nəticənin görünməməsi narahatlıq yaradır.

Eyni zamanda, bəzi vətəndaşlar məsələ ilə bağlı fərqli ehtimallar səsləndirsə də, hüquqi baxımdan hər hansı şəxsin maraqlarının dövlət maraqlarından üstün tutulduğunu iddia etmək yalnız rəsmi araşdırma nəticəsində mümkün ola bilər. Bu səbəbdən məsələ ilə bağlı qəti hökm vermək deyil, obyektiv araşdırma aparılması əsas prioritet olmalıdır.

Mövzu ilə bağlı bir daha vurğulanır ki, səsləndirilən bütün fikirlər iddia xarakterlidir və rəsmi qurumların mövqeyi həlledici əhəmiyyət daşıyır. Aidiyyəti qurumların – xüsusilə Məktəbəqədər və Ümumi Təhsil üzrə Dövlət Agentliyi və Abşeron-Xızı Regional Təhsil İdarəsinin məsələyə münasibət bildirməsi, aparılmış yoxlamanın nəticələrini açıqlaması və zərurət yarandığı halda əlavə tədbirlər görməsi ictimai gözləntilər sırasındadır.

Təhsil sahəsində şəffaflıq və qanunvericiliyə riayət prinsipləri qorunduqca, bu kimi mübahisəli məsələlərin də obyektiv həllini tapacağına ümid edilir. (BnTv.az)

Çərkəz Şirinovun rəis müavini təyin edilməsi Məcnun Məmmədovdan gizlin olub

Kənd Təsərrüfatı Nazirliyinin nəzdində fəaliyyət göstərən “Azəraqrar Dövlət İstehsalat və Emal Birliyi”ndə rəhbərlik dəyişikliyindən sonra qurum ətrafında qalmaqalların səngimədiyini bildirmişdik.

Bizimesr.com ötən həftə xəbər yaymışdı ki, yaxın günlərdə “Azəraqrar Dövlət İstehsalat və Emal Birliyi”nin direktor Hikmət Hüseynov rəhbərlik etdiyi qurumda kadr dəyişikliklərinə start verəcək.

Bu dəyişikliklər çərçivəsində vaxtilə müxtəlif səbəblərlə işdən uzaqlaşdırılmış şəxslərin yenidən vəzifəyə qaytarılması gözlənilir.

Bizimesr.com-un əldə etdiyi məumata görə artıq kadr dəyişikliyinə start verilib. Belə ki, vaxtı ilə korrupsiyaya görə işdən çıxarılan və haqqında rəsmi cinayət işi açılan Çərkəz Şirinov “Azəraqrar”ın Qarabağ regional İdarəsinin rəis müavini təyin edilib.

Məlumatda qeyd edilir ki, Çərkəz Şirinovun təyinatı nazir Məcnun Məmmədovdan gizlin həyata keçirilib və gizlədilib.

Hazırda “Azəraqrar”da kadr təyinatlarına direktor Hikmət Hüseynovun müavinləri Həsən Abdullayevlə və Fəxrəddin Qəhrəmanov nəzarət edir.

Bildirilirdi ki, Həsən Abdullayev Prezident Administrasiyasında çalışan qohumu vasitəsilə, Fəxrəddin Qəhrəmanov isə nazir Məcnun Məmmədovun hərbi xidmətdə komandiri olduqlarını tez-tez xatırlatmaqla direktor Hikmət Hüseynovu təsirləri altında saxlayırlar.

Məlumata görə Çərkəz Şirinovun rəis müavini təyin edilməsi müavin Həsən Abdullayevin “səyləri” nəticəsində baş verib.

Məsələilə bağlı araşdırmamız davam edir.

Bizimesr.com

Ölkədə böyrək transplantasiyası keçirmiş insanlar, əsasən uşaqlar həyati problemlə üzləşib.

Bizimesr.az-a daxil olan müraciətdə qeyd olunur ki, böyrək transplantasiyası keçirmiş insanlar təxminən bir aya yaxındır ki, həyat üçün zəruri olan immunosupressiv və digər vacib dərmanları ala bilmirlər. 

Xəstələr qeyd edir ki, transplantasiya olunmuş şəxslər üçün bu dərmanlar həyati əhəmiyyət daşıyır. Həmin preparatlar qəbul edilmədiyi halda orqanizmin köçürülmüş böyrəyi rədd etmə riski artır və bu, birbaşa həyat üçün təhlükə yaradır.

Mövcud vəziyyət isə artıq onlarla pasiyentin sağlamlıq göstəricilərinə mənfi təsir etməyə başlayıb.

Xəstələrin bildirdiyinə görə, dərmanların verilməsində yaranan fasilə səbəbindən analiz nəticələri pisləşir, xüsusilə kreatinin səviyyəsində artım müşahidə olunur. Bu isə böyrəyin funksiyasının zəifləməsi və hətta itirilməsi riskini yüksəldir.

Məsələnin narahatedici tərəfi ondan ibarətdir ki, problem tək-tək hallarla məhdudlaşmır. Eyni vəziyyətin çoxsaylı transplantasiya xəstələri tərəfindən yaşandığı qeyd olunur. Bu isə artıq fərdi deyil, sistemli xarakter daşıyan ciddi tibbi və sosial problem halını alıb.

Həkimlər də vəziyyətin kritik olduğunu vurğulayaraq, bu tip dərmanların fasiləsiz və vaxtında təmin edilməsinin vacibliyini bildirirlər. Mütəxəssislər qeyd edir ki, transplantasiya xəstələri üçün dərman təminatında yaranan hər hansı gecikmə geri dönməz nəticələrə səbəb ola bilər. Bu baxımdan, məsələ yalnız səhiyyə xidməti deyil, birbaşa insan həyatı ilə bağlıdır.

Dövlət xəstəxanalarından vətəndaşlara konkret cavab verilmir və dərmanların nə zaman veriləcəyi məlum deyil.

Qeyd edək ki, Azərbaycanda xroniki böyrək çatışmazlığından əziyyət çəkən vətəndaşların müalicə və dərman təminatının gücləndirilməsi istiqamətində 2025-ci ilin dekabr ayında 32 milyon manat, bu ilin fevral ayında isə 10 milyon manat vəsait ayrılıb. Bu 42 milyon manatlıq vəsait TƏBİB tabeliyində olan “İnnovasiya və Təchizat Mərkəzi”nin xüsusi dövlət proqramı çərçivəsində dərman vasitələrinin satın alınması üçün yönəldilib. Amma faktiki olaraq bu gün böyrək transplantasiyası keçirmiş vətəndaşlar ciddi həyati problemlə üzləşiblər. Onlara 1 aydır dərman verilmir.

Məlumat üçün bildirək ki, TƏBİB-in tabeliyindəki “İnnovasiya və Təchizat Mərkəzi” publik hüquqi şəxsin direktoru Nurlan Quliyevdir. O, bu vəzifəyə 2023-cü ilin iyun ayından etibarən rəhbərlik edir.(Bizimesr.az)

Araşdırmalarımız davam edir...

Bir neçə gündür Azərbaycan Avtomobil Yolları Dövlət Agentliyində (AAYDA) kadr dəyişiklikləri baş verir.

“Qaynarinfo”-nun əldə etdiyi məlumata görə, AAYDA İdarə Heyətinin sədri Vüsal Nəsirlinin gəlişi ilə başlayan kadr islahatları çərçivəsində bir sıra vəzifəli şəxslərə, xüsüsən də sabiq sədr Saleh Məmmədovla qohumluq bağlarına məxus şəxslər qurumdan uzaqlaşdırılır.

Ötən gün dərc etdiyimiz xəbərdə də Avtomobil Yollarının Mühafizəsi Xidmətində bəzi rəislərin işdən çıxarıldığı deyilirdi. Onların AAYDA İdarə Heyətinin sabiq sədri Saleh Məmmədov, həmçinin onun müavinləri (Əvəz İlyas oğlu Qocayev, Hüsnü Ələkbər oğlu Quliyev ) və digər yüksək vəzifəli şəxslərə bağlı olan adamlar olduğu deyilir.
Qeyd olunur ki, Avtomobil Yollarının Mühafizə Xidmətinin işdən çıxarılan rəis müavini Həbib Əliyev Saleh Məmmədovun yaxın adamı olub. İşdən çıxarılan xidmətin digər rəis müavini Eyyub Həsənov isə general-polkovnik Bəylər Eyyubovun xalası oğludur.Bakı ətrafı yol mühafizəsi üzrə bölgə rəisi vəzifəsdindən azad edilən Coşqun Qarayev “Aqroservis” Açıq Səhmdar Cəmiyyətinin Cəlilabad regional nümayəndəliyinin direktoru Əlövsət Qarayevin oğludur.

İşdən çıxarılan 10 saylı tərəzi nəzarət məntəqəsinin rəisi Salman Səfətarov “Avtomobil Yollarının Mühafizə Xidməti” MMC-nin rəisi Səftər İsmayılovun dayısıdır. Səftər İsmayılov özü də vəzifəsindən azad olunması ilə bağlı Vüsal Nəsirliyə ərizə ilə müraciət edib.

“1 N-li Regional Avtomobil Yollarının Yaşıllaşdırılması və Ekologiyası” MMC-nin rəhbəri Dilavər Həmzəyev sabiq sədr Saleh Məmmədovun yeznəsidir. MMC ötən həftə ləğv edildiyinə görə Dilavər Həmzəyev işini itirib.
Saleh Məmmədovun vəzifədə olan qohumları arasında – əmisi oğlu, “Bakı 1 №-li Yol İstismarı” MMC-nni rəisi Həmzəyev Zaur Oktay oğlu, xalası oğlu, “10 saylı Xüsusi Təyinatlı Yol İstismarı” MMC-nin rəisi Araz Bəndəliyev, qardaşı oğlu, “9 saylı Yol İstismarı” MMC-nin baş mühasibi Toğrul Həmzəli, bacısı, AAYDA-nın Əməyin Təşkili şöbəsinin müdiri Təhminə Həmzəyeva, digər bacısı, “Azəryolelmitəhqiqatlayihə” İnstitutunun baş mühasibi Mətanət Həmzəyeva, kürəkəni, 3 saylı Yaşıllaşdırma İdarəsinin rəisi Ustubat Niftəliyev də var.

Onların da vəzifələrindən uzaqlaşdırıldığı deyilir.

Həmçinin vəzifələrindən uzaqlaşdırılan şəxslərdən bəzilərinin Azərbaycanda və xaricdə dəyəri milyonlarla manat olan mülklərə sahib olduğu da iddia olunur.

“Qaynarinfo”

Bakı Baş Gömrük İdarəsinin sabiq rəisi Kənan Məmmədovla bağlı redaksiyamıza yeni məlumat daxil olub. Məlumata görə, sabiq gömrük məmuru, adı hər zaman ölkə mediasıdna müxtəlif qalmaqallarda hallanan Kənan Məmmədov Villa Badam deyilən ərazidən dəyəri 600-800 min manat olan bir neçə ev alıb.
Bununla kifayətlənməyən keçmiş gömrük generalı, əlaqə və maddi üstünlüyündən istifadə edərək Villa Badam kompleksində “zəif bənd” hesab etdiyi şəxsləri sıxışdırmağa başlayıb. Artıq həmin şəxslərdən bəzisinin Kənan Məmmədov tərəfindən məhkəməyə verildiyi bildirilir.

Villa Badam sakinlərini isə əsasən bir məsələ narahat edir: Kənan Məmmədov bu qədər sərvəti necə, hansı yolla əldə edib? Niyə bu şəxs haqqıdna bugünə qədər ölkə mediasında yer alan çoxlu sayda məqalələrdən heç biri araşdırılmayıb? Və ən nəhayət, gec də olsa Kənan Məmmədova “dur” deyən oacaqmı?
Vaxtiylə Kənan Məmmədovla bağlı media yer alan bəzi məqalələrin linkini oxuculara təqdim edirik.(Xalq.online)
Həmin xəbərləri əlavə edirik
https://qafqazinfo.az/news/detail/daha-bir-general-vezifesinden-azad-olundu-374861https://konkret.az/baki-bas-gomruk-idaresinin-reisi-sahibkardan-rusvet-isteyir-kenan-memmedovla-bagli-prezidente-muraciet/
https://modern.az/az/hadise/366954/kirvelerin-milyonluq-gmruk-emeliyyati-generalla-bali-alasimaz-faktlar/

Ədalət Nurulla oğlu Fərəcov 2-ci dərəcəli "Əmək" ordeni ilə təltif edilib.

Bu barədə Prezident İlham Əliyev Sərəncam imzalayıb.

Sərəncama əsasən, Ədalət Fərəcov bu ordenlə Azərbaycanın ictimai-siyasi həyatında uzunmüddətli səmərəli fəaliyyətinə görə təltif olunub.

Azərbaycan Tibb Universiteti tərəfindən tələb olunan foto və səs avadanlıqlarının satın alınması üzrə 17.03.2026-cı ildə başlanılmış açıq tenderə yekun vurulub. Müsabiqənin qalibi “DİGİX” Məhdud Məsuliyyətli Cəmiyyəti seçilib və tərəflər arasında 526.875,9 manat dəyərində satınalma müqaviləsinin bağlanılması planlaşdırılır. Məlumat satınalmaların portalında 29.04.2026-cı ildə dərc edilib.

Şərtlər toplusuna görə MMC Tibb Universitetini dinamik bir 15″ (394 mm) LF sıxılma sürücüsündən ibarət tam diapazonlu, ikitərəfli, enerji tipli olmaqla 12 ədəd səsgücləndirici, dinamik bir 10″ (261 mm) LF sürücüsündən və bir 1″ (25 mm) HF sıxılma sürücüsündən ibarət tam diapazonlu, ikitərəfli, enerji tipli olmaqla 8 ədəd səsgücləndirici, (ümumi olaraq 36 ədəd səsgücləndirici), 6 ədəd peşəkar səhnə və konsertlər üçün nəzərdə tutulmuş UHF simsiz əl mikrofon sistemi, 14 ədəd qoozneck kondensator konfrans mikrofonu, 1 ədəd feşəkar full-frame kino kamerası və ona aid digər ləvazimatlar və digər bir sıra avadanlıqlarla təchiz etməlidir.

Qeyd edək bu Tibb Universiteti ilə “DİGİX” MMC ilə bağlanan ilk müqavilə deyil. Tərəflər arasında ilk müqavilə Universitet üçün Lisenziyaların yenilənməsi və şəbəkə avadanlıqlarının satın alınması üzrə 18.07.2025-ci ildə bağlanıb. Müqavilənin dəyəri 388.717,96 manat təşkil edib.

Tərəflər arasında İT avadanlıqlarının satın alınması üzrə 836.526,34 manat dəyərində bir müqavilə də 14.11.2025-ci ildə bağlanılıb. Müqavilə üzrə MMC Üniversiteti 90 ədəd stolusüstü kompyütür, 95 ədəd monitor, 56 ədəd notebook, 21 ədəd printer və digər avadanlıqlarla təmin edtməli olub.

Göründüyü kimi Azərbaycan Tibb Universiteti son 10 ayda “DİGİX” MMC ilə ümumi dəyəri 1 752 118 manat dəyərində 3 satınalma müqaviləsi bağlayıb.

İndi gəlin görək Tibb Universitetinin müqavilə bağladığı bu çirkət barədə nə kimi məlumatlar var.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “DİGİX” (VÖEN: 2008000681) Məhdud Məsuliyyətli Cəmiyyətinin Bakı şəhəri Lokal Gəlirlər Baş İdarəsində 03.05.2023-cü il tarixdə dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanı BAKI ŞƏHƏRİ, XƏTAİ RAYONU, 8 NOYABR, ev.15, qanuni təmsilçisinin isə Rzayev Turab Rəşid oğlu olduğu qeyd edilib. MMC Kərimov Fərid Süleyman oğlu tərəfində təsis edilib.

Məlum olduğu kimi müasir dünyamız informasiya-kommunikasiya texnologiyaları əsri olduğundan yeni texnologiyalar həyatımızın bütün sahələrinə sürətlə daxil olur. Belə bir dövrdə, informasiya və kommunikasiya texnologiyaları avadanlıqlarının satışı ilə məşğul olan bir şirkətin ən azından bir veb səhifəsi, sosial şəbəkə hesabı belə yoxdu.

Göründüyü kimi Azərbaycan Tibb Universiteti cəmi 10 manat nizamnamə kapitalı olan və barəsində heç bir məlumat olmayan bir şirkətlə son 10 ay ərzində iki milyon manata yaxın dəyəri olan alqı-satqı müqaviləsi bağlayıb. Bu şirkət bağlanan müqavilələr üzrə öhdəlikləri yerinə yetirmək iqtidarındadırmı.

Bu günlərdə mediaya açıqlama verən hüquqşünas Əkrəm Həsənov bildirir ki, əgər bir şirkətin nizamnamə kapitalı cəmi 10 manatdırsa, tenderi keçirən qurum maraqlanmalıdır ki, layihənin xərclərini necə qarşılayacaq, işçilərin maaşlarını hansı vəsaitlə ödəyəcək”.
Ekspert bildirdi ki, şirkət tenderi icra etmək qabiliyyətində olduğunu sübut etməlidir: “Burada iki əsas məqam var: şirkətin əvvəlki fəaliyyəti və tender üzrə öhdəliklərini icra etmək imkanları. Şirkət göstərməlidir ki, bu işi necə və hansı maliyyə ilə həyata keçirəcək. Əgər öz vəsaiti azdırsa, alternativ mənbələri əsaslandırmalıdır. Bu, ya yüksək mənfəət hesabına ola bilər – bu halda mühasibat balansı təqdim edilməlidir – ya da kredit və digər maliyyə mənbələri ilə təmin olunur ki, bu da sənədlərlə sübut edilməlidir.
Tenderi təşkil edən qurum bu cür maliyyə sənədlərini tələb etməlidir. Əgər şirkətin öz vəsaiti yoxdursa, onun fəaliyyətini hansı mənbələr hesabına qurduğu aydınlaşdırılmalıdır. Təəssüf ki, praktikada çox vaxt bu tələblərə əməl edilmir ki, bu da artıq ciddi pozuntu hesab oluna bilər.
Məsələn, nizamnamə kapitalı cəmi 10 manat olan bir şirkət 500 min manatlıq tenderin qalibi olur. Bu zaman haqlı olaraq sual yaranır: bu şirkətin neçə işçisi var, əməkhaqqını necə ödəyir və ümumiyyətlə, belə bir layihəni həyata keçirmək üçün real imkanları varmı? Tender iştirakçısı bütün bunları sənədlərlə əsaslandırmalı və öz imkanlarını aydın şəkildə ortaya qoymalıdır”.

Maraqlıdır, Azərbaycan Tibb Universiteti satınalma müqaviləsi bağlayarkən “DİGİX” MMC-nin Nazirlər Kabinetinin 30 dekabr 2023-cü il tarixli 494 nömrəli Qərarı ilə müəyyən edilmiş uyğunluğun qiymətləndirilməsi meyarlarının tələblərinə cavab verdiyini araşdırıbmı? Yoxsa, elə müqavilələr formal sənədlərlə bağlanıb.

Aktualinfo.net