Ruhi Əliyevaya Qarşı Ağır İttihamlar: Cəlal Qurbanovun Sosial Şəbəkədəki Şok Şərhi Gündəmi Sarsıtdı
Sosial şəbəkələrdə keçmiş müğənni, hazırda isə tanınan iş qadını Ruhi Əliyeva (Əliyeva Ruhiyyə Nəsrəddin qızı) barəsində yazılmış statuslardan birinə tanınmış iş adamı, xeyriyyəçi və nəğməkar-şair Cəlal Qurbanov tərəfindən yazılan kəskin rəy böyük maraq doğurub.
32gun.az yazır ki, Cəlal Qurbanov öz şərhində ad çəkməsə də, birbaşa iş qadını Ruhi Əliyevanın keçmişinə, fəaliyyətinə və televiziyadakı müsahibələrinə eyham vuraraq, ona qarşı çox ağır ittihamlar irəli sürüb və onun haqqında "aşpaz", "topçu" kimi ifadələr işlədib.
"Əvvəl aşpaz, sonra topçu..."
İş adamı sosial şəbəkədəki şərhinə müraciət etdiyi şəxsin kimliyini sorğulayaraq çox sərt bir giriş edib. O, hədəfdəki şəxsi eyhamlarla belə təsvir edib:
"Bu, indi jurnalistdən çox süni intellekt üslubunda danışan və suallar verən, əvvəllər Tovuzun ən zil səsli 'məşhur' müğənnisi, sonlar isə yaxşı kəllə-paça, xaş və bozbaş bişirməyi ilə tanınan 'aşpazdan' gedir söhbət? Yoxsa Baku TV-yə müsahibəsində özünün dediyi kimi Tərtər hadisələrində '12-ci topu mən atdım' deyən 'Topçudan'?"
Cəlal Qurbanov eyni zamanda həmin şəxsin başqaları ilə şərik olaraq rəhbərlik etdiyi internet resurslarında və saytlarda onun ünvanına təhqiramiz şərhlər yazdırdığını və qarayaxma kampaniyaları apardığını iddia edib.
Atasının ağır xəstəliyi dövründə sifarişli yazılar yazılıb
Cəlal Qurbanov qeyd edib ki, rəhmətlik atası Hacı Cavanşirin dünyasını dəyişməsindən əvvəlki son üç il ərzində həm atasının ağır xəstəliyi ilə mübarizə aparmalı olub, həm də özünə və ailəsinə qarşı aparılan sifarişli qarayaxma kampaniyalarına cavab vermək məcburiyyətində qalıb. O, qarşı tərəfin bəzi şəxsi görüntüləri və yazışmaları pul və ya bahalı hədiyyələr müqabilində sildirməklə həqiqətlərin üstünü örtdüyünü düşündüyünü, lakin həqiqətin mütləq üzə çıxacağını və bu təhqirləri, xüsusilə də xəstə yatağında olan atasına qarşı edilənləri heç vaxt bağışlamayacağını vurğulayıb. Həmçinin bildirib ki, həmin şəxsin rəhbərlik etdiyi saytlar onu ictimaiyyətə hüquqi əsas olmadan "xuliqan" və "zorakılıqda adı hallanan şəxs" kimi təqdim etməyə çalışıblar.
"Şəhid ailələrinin yanında olmaq bizim üçün vəzifə vasitəsi deyil"
Onun şəhid ailələrinin yanında olmasının arxasında millət vəkili olmaq və ya vəzifə qazanmaq niyyətinin dayandığı barədə yazılanlara da toxunan iş adamı, bu ittihamları kəskin şəkildə rədd edib. O, şəhid anasının göz yaşından və şəhid ailəsinin ağrısından şəxsi maraqlar üçün istifadə edilməsini ən ağır şərəfsizlik və mənəvi yoxsulluq adlandırıb. Cəlal Qurbanov "Mənim Oğlum Qəhrəmandır!" və "Mənim Atam Qəhrəmandır!" layihələrində sadəcə bir könüllü olduğunu, bu yolun atası Hacı Cavanşirdən gələn bir mənəvi borc və vicdan məsələsi olduğunu qeyd edib.
Məhkəmə mübarizəsi və hakimlərə təşəkkür
Dörd ilə yaxındır ki, bu növ böhtan xarakterli xəbərlər yayan saytlarla hüquqi mübarizə apardığını deyən Cəlal Qurbanov, ailəsinin şərəfi üçün geri çəkilməyəcəyini və Azərbaycan məhkəmələrinin ədalətinə güvəndiyini bildirib. O, bu prosesdə obyektiv qərarlar qəbul etdiklərinə görə Xətai Rayon Məhkəməsinin hakimləri Rəfail Sadıxova, Əminə Abbasovaya, Sahibə Hacıyevaya, Apellyasiya Məhkəməsinin hakimi Məmməd Məmmədova və vəkilləri Xaliq Ağayevə, Dədəkişi müəllimə, eləcə də hazırda hüquqlarını müdafiə edən Aysel Məhərrəmovaya xüsusi minnətdarlığını ifadə edib. İsin Ali Məhkəmədə də ədalətlə nəticələnəcəyinə inandığını yazıb.
Tərtər hadisələri ilə bağlı sərt suallar
Cəlal Qurbanov rəyinin sonunda iş qadınının keçmişdə verdiyi müsahibələrə istinadən Tərtər hadisələri ilə bağlı ciddi suallar qaldırıb. Bir müğənninin top atışında iştirak etməsi iddiasının qazilərdə və şəhid ailələrində suallar doğurduğunu bildirən Qurbanov, bu addımın hansı şəraitdə, kimin qərarı ilə və hansı zərurətdən baş verdiyini soruşub:
"Həmin 'topçu qəhrəmana' da ayrıca bir sualım var. Özünün dediyi kimi, əgər həmin 12-ci topu doğrudan da atıbsa, həmin atış hansı istiqamətə olub və hansı məqsədə xidmət edib?"
Vətən müharibəsində bir çox rayonların, o cümlədən öz ata yurdu Xızının da hücumlara məruz qaldığını xatırladan iş adamı, cəmiyyət qarşısında verilən bu cür açıqlamaların mütləq araşdırılmalı və cavablandırılmalı olduğunu qeyd edib, son qərarı isə zamana və İlahi ədalətə həvalə etdiyini bildirib.


32gun.az

Azərbaycanda gecəyarısı, ya da qeyri-iş günü qiymətləri qaldıran qurumun yalnız Tarif Şurası olduğunu bilirdik.

Demə, siam əkizi kimi, Tarif Şurasının da şəriki var imiş. Buna bir medalın iki üzü də demək olar. Söhbət Azərbaycan Həmkarlar İttifaqı Konfederasiyasının (AHİK) bu ilin mayında qəbul etdiyi qərardan gedir. Belə ki, AHİK Tarif Şurası kimi xəlvəti iş görərək kurort zonalarına göndərişlə (“putyovka”) bağlı absurd addımlar atıb, yeni əsassız qaydalar müəyyən edib.

Gizli qiymət artımına gedən qurumun biri az idi, indi ondan geri qalmayan AHİK “putyovka”larla bağlı hamını narazı salan qərarlar qəbul edib.

Belə ki, “putyovka”ların verilməsində yeni absurd qaydalar kütləvi narazılığa səbəb olub. AHİK yeni qaydalara əsasən, göndərişi bundan sonra yalnız işləyənlərin özünə şamil edəcək. Yəni həmin şəxsin ailə üzvlərinə heç bir güzəşt nəzərdə tutulmur. Halbuki əvvəllər ailə üzvünə və ümumiyyətlə 15 faiz güzəşt olunur, 18 yaşa qədər uşaqlara pulsuz göndəriş verilirdi. Sahib Məmmədov isə belə qərara gəlib ki, göndəriş yalnız bir nəfərə aid olmalıdır, yerdə qalanlar isə kurort mərkəzində tam ödəniş etməlidirlər. Daha dəqiq desək, həm həyat yoldaşı, həm də 12 yaşdan yuxarı uşaqlar üçün tam ödəniş olunmalıdır. Hərçənd ötən ilə qədər belə deyildi. İndi yalnız 12 yaşadək yalnız ailədən olan iki uşaqa ödənişsiz “putyovka” nəzərdə tutulub.

Bununla Sahib Məmmədov və komandası 18 yaşına çatmamış şəxslərin – yəni uşaqların əməyə cəlb olunmasını təşviq edir. Faktiki isə bu yanaşma qanunvericiliyə qarşı çıxmaq, 18 yaşa çatmamış şəxsləri işləməyə məcbur etməkdir. Necə ola bilər ki, 12 yaşdan yuxarı uşaq, icbari təhsil alan yeniyetmə bu güzəştli göndərişlərdən məhrum edilsin? Məgər o yaşda uşaqlar işləyirlər ki, AHİK onlar istisna edir? Onsuzda dövlətdən az məvacib alan valideyin iki övladı üçün yüz faizli ödənişi necə etsin? Axı onlar da məktəblidirlər. Bir sözlə, birbaşa qanuna və dövlət başçısının qərarlarına qarşı kütləvi narazılığ yarada bilən addımlardır. Eyni zamanda, ailənin bütün üzvlərinin güzəştdən məhrum olunması və göndərişin yalnız bir nəfərə aid edilməsi il ərzində bu quruma axan vəsaitlərin hara xərcləndiyini aktuallaşdırır.
Ona görə də Prezident İlham Əliyevə müraciətdə bu məsələnin ciddi şəkildı nəzarətə götürülməsi xahiş olunur. AHİK sədri Sahib Məmmədovun rəhbərliyi altında verilən bu qərarın heç bir insanlığa və qanunlara sığışmadığı vurğulanır. Müraciətdə prezidentdən xahiş edilir ki, AHİK rəhbərliyinin fəaliyyətinin yoxlanılmasına tapşırıq verilsin. Çünki təftiş nəticəsində maliyyə mənimsəmələri, “putyovka” biznesi , bayram biletləri və bu işdə böyük maxinasiyalar, korrupsiya oyunları üzə çıxa bilər. Prezidentə müraciətdə deyilir ki, Sahib Məmmədov və AHİK heç bir məntiqlə uzlaşmayan qərar qəbul edib. Əvvəla, il ərzində AHİK xəzinəsinə axan maliyyə əvvəlki qaydalarla, yəni ailənin bütün üzvlərinə güzəşt olmaqla göndəriş verilməsini ehtiva edir. Yəni həmkarlara maaşlardan tutulan pullar və s. hesabına böyük vəsait daxil olur. Bu da imkanların olduğunu deməyə əsas verir. İkincisi, icbari təhsil alan 12 yaşdan yuxarı uşaqlar üçün kurort bölgəsində bütün pulun ödənilməsini ailənin boynuna qoymaq qanunlara tüpürməkdir. Eyni zamanda, 15 faizlik güzəştin tamamilə göstərilən qaydada ləğvi özbaşına bir qərardır.
Odur ki, cənab Prezidentin və yaxud Mehriban xanımın məsələni nəzarətə götürməsi təxirəsalınmaz məsələdir. Belə çıxır ki, AHİK adı “putyovka”, özü “kababtirovka” kimi hoqqabazlıq olan əməllərin sahibidir. Bu əməllərin sahibi isə sədr Sahib Məmmədovdur.

Məlumatlarda bildirilir ki, 2024-cü ildən bu posta gətirilən Məmmədov təxminən iki ilə qurumu elə günə qoyub ki, görünən dağa nə bələdçi.

Fakt budur ki, yüzlərlə vətəndaşın hüquqlarının pozulmasına səbəb olan qərarlar verilib.

İndi yaxşı olar ki, AHİK rəhbərliyi bu məsələlərə aydınlıq gətirsin və əsaslandırmağa çalışsın. Çünki edilən şikayətlər, vətəndaş müraciətləri ciddi narahatlıqdan xəbər verir. Yüzlərlə insanın hüquqları tapdanıb və məsələyə izah verilməlidir.

Əvvəlcə, AHİK aşağıdakı şikayətlərlə bağlı suallarımıza münasibət bildirməklə yaxşı olardı ki, bu məsələlərə bir izah versin:

1 .Hansı əsasla qanunvericiliyə zidd addım atılıb? 12 yaşdan yuxarı uşaqlara güzəştlərin ləğvi barədə qərar hansı meyarlar və qanunlar əsasında verilib?

2 .AHİK bu qaydanın tətbiqində vətəndaşların maddi şəraitini , aylığ məvacibini nəzərə alıbmı?

3 .İl ərzində quruma gələn vəsaitlər və xərclər barədə hesabatlılıq varmı və ictimaiyyətə dürüst məlumatlar açıqlanıbmı?

4.Göndərişlər, yəni putyovkalar verilərkən vətəndaşın hansı göstəriciləri əsas götürülür, siz bu qaydanı ədalətli sayırsınızmı?

Göründüyü kimi, bu və ya digər suallar, çoxdur, açıq qalır. Cəmiyyətdə dövlət başçısına müraciətdə AHİK-lə bağlı yaranmış gərginliyə, qurumun özbaşına və ədalətsiz qərarlarına dair araşdırmalar aparılmasına reaksiya, gözləyir. Vətəndaşlar dövlətə güvənir, prezident İlham Əliyevə inanır,amma məmurlar görünən iş kimi, bu şəkildə xalqı narazı salırlar…(Dia-az)

Nicat Mahmudov

10-11-ci sinifləri əhatə edən yeni təmayül tədris modeli şagirdlərin ali təhsilə hazırlıq prosesinin məktəb daxilində daha səmərəli təşkilinə xidmət edir. Əsas məqsəd şagirdlərin əlavə hazırlığa ehtiyac duymadan, məhz məktəbdə təşkil olunan gücləndirilmiş tədris prosesi vasitəsilə ali təhsil müəssisələrinə qəbul üçün zəruri bilik və bacarıqlara yiyələnməsini təmin etməkdir.


Yeni təmayül tədris modeli tam orta təhsil səviyyəsində məktəbin akademik rolunun gücləndirilməsinə, şagirdlərin ali təhsilə hazırlıq prosesinin isə məktəb daxilində daha səmərəli təşkilinə xidmət edir.


Bildirilib ki, yeni model üzrə qəbulda 10 və 11-ci sinif şagirdləri iştirak edə bilərlər.


Yeni təmayül tədris modelinin əsas üstünlükləri aşağıdakılardır:


- Akademik nəticələrin yüksəldilməsinə yönəlmiş tədris mühiti


- Abituriyent hazırlığının sistemli və ödənişsiz təşkili


- Səriştəli müəllim kollektivi


-Aylıq sınaq imtahanlarının təşkili


- Akademik hazırlıqla yanaşı, şagirdlərin yaradıcılıq, liderlik və sosial bacarıqlarının inkişafına imkan yaradan dərnəklər


Ətraflı məlumat üçün aidiyyəti regional təhsil idarəsinə müraciət edə bilərsiniz.


Qeyd edək ki, ötən həftə 2026–2027-ci tədris ili üzrə yeni təmayül tədris modelinin tətbiq ediləcəyi ümumi təhsil müəssisələrinə şagird qəbulu elan edilib.

İsrailin Baş naziri Benyamin Netanyahu Knessetə qarşıdakı seçkilərdə namizədliyini irəli sürəcək.


Bu barədə Netanyahunun lideri olduğu hakim “Likud” partiyası məlumat yayıb.


Qeyd edək ki, seçkilərin dəqiq tarixi hələ müəyyən edilməyib.


76 yaşlı Binyamin Netanyahu 1996-cı ildən 1999-cu ilə qədər, 2009-cu ildən 2021-ci ilə qədər və 2022-ci ildən indiyədək İsrail hökumətinə rəhbərlik edib. O, ölkə tarixində ən uzun müddət hakimiyyətdə olan şəxsdir.

Azərbaycan Tibb Universitetinin (ATU) müəllimi, həkim Fuad İslamzadə qəribə vəziyyətlə üzləşib.

Buna səbəb “Azərişıq”ın ona göndərdiyi mesajdır.

Belə ki, həmin mesajda İslamzadənin onlara 0 qəpik borclu olduğu qeyd edilib və həmin borcun ödənilməsi tələb olunub. “Bu gün Azərişıq İstehsalat Birliyindən mənə göndərilmiş mesajı dostlarla paylaşıb, məsləhət istəyirəm. Mesajda bildirilir ki, mənim adı çəkilən təşkilata 0.00 AZN borcum var və xahiş edilir ki, borcumu ödəyim. İndi məsləhət istəyirəm, mən borclu olduğum 0.00 AZN- i necə ödəyə bilərəm?”(Tribuna.az)

Fövqəladə Hallar Nazirliyinin Maddi Texniki-Təchizat İdarəsi tenderə yekun vurub.


Qurum nazirliyin balansında olan avtomobillər üçün təkər almağı qərarlaşdırıb.


Məlumatda qeyd edilir ki, “xüsusi vəzifəli daşıma vasitəsi üçün enerji bankları və hissələri”nin satınalnması prosesini nazirlik üçün “İNTERŞİN” MMC həyata keçirəcək. FHN bunun müqabilində şirkətə 1 milyon 222 min 604 manat pul ödəyəcək.


Tribuna.az “İnterşin” MMC ilə bağlı açıq mənbələr üzərindən bəzi araşdırmalar aparıb. Məlum olub ki, şirkətin adı heç də xoş olmayan məsələlərdə hallanıb. Məsələn, 2023-cü ildə gömrük qaydalarını pozduğuna görə, MMC cərimə edilib. Belə ki, “İnterşin” “mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi” maddəsi ilə inzibati qaydada cəzalandırılıb.


Amma bu şirkətin məhkəmə qaydasında yeganə cəza alması faktı deyil. Belə ki, ötən il “İnterşin” MMC ölkədən külli miqdarda pul çıxarmaqda günahlandırılıb. Bu zaman İnzibati Xətalar Məcəlləsinin iqtisadi fəaliyyət qaydaları əleyhinə olan 430.4-cü maddəsini pozduğu məlum olub.


Vergi Xidmətinin rəsmi saytında “İNTERŞİN” MMC-nin 2004-cü ildə qeydiyyata alındığı, hüquqi ünvanının isə Sumqayıt şəhəri, mənzil 32, ev. Sülh küçəsi, “Qalatasaray” Ticarət Mərkəzi kimi göstərilir. Şirkətin nizamnamə kapitalı 40 manat, qanuni təmsilçisi isə Hikmət Balaqədim oğlu Qədimovdur.(Tribuna.az)


Tərəfləri dinləməyə hazırıq.

İşğaldan azad olmuş bölgələrdə ev növbəsi gözləyənlər Qaçqınların və Məcburi Köçkünlərin İşləri üzrə Dövlət Komitəsinin fəaliyyətindən narazıdır.

Bu barədə narazı olanlar sosial şəbəkədə vətəndaş Bəxtiyar Ağdərəlinin keçirdiyi sorğuya verdikləri cavabda bildiriblər. Şikayətçilərin çoxu komitənin işinin qənaətbəxş olmadığını qeyd edib.

Sorğuda iştirak edən Miri Əliyev bildirib ki, Qaçqınların və Məcburi Köçkünlərin İşləri üzrə Dövlət Komitəsinin fəaliyyətindən narazıdır:
“Evləri ancaq pulla satırlar”.

Kərim Novruz adlı vətəndaş isə bildirib ki, kimin pulu var ev alır, kimin pulu yoxdur, gözləyir:
“Ermənidən qalma evləri də qıymırlar camaata. Bir komitənin ki, rəhbərləri köçkün qəsəbəsində özünə ev götürür və bir gün belə olsun həmin mənzildə yaşamır, amma minlərlə insan evsiz-eşiksiz acınacaqlı vəziyyətdə sürünür, hansı fəaliyyətdən danışmaq olar??”.

Seyid Xıdır Rəhimov da bildirib ki, bu komitənin hələ bir işinə şahid olmayıb:
“Mən şəxsən onların bu 34 ildə bir işlərini görmədim”.

Hafiz Abbasov isə komitə sədri Rövşən Rzayevi yalançı adlandırıb:
“Bunun qədər yalançı işbaz məmur yoxdur”.

Xəyalə Əbdürəhmanova da komitənin işindən narazı olanlardandır:
“Öz adıma deyirəm ki, narazıyam. İşlərindən razı deyiləm. Dəfələrlə müraciət etmişəm ki, kirayə qalırıq, bizi evlə təmin edin. Könüllü olaraq Ağdərənin Həsənriz kəndinə yazıldıq iki il əvvəl. Kim pul verib onları köçürüblər, biz isə kirayələrdə sürünürük. Ümumiyyətlə “Qaçqıncom” nə işlə məşğuldur ki? Ləğv etsinlər bu qurumu”.

Nağı İmanov isə bildirib ki, Rövşən Rzayev ermənilərdən qalma evləri də satır:

“Bəli, fakt olaraq Rövşən bəy nə ağa baxır, nə də qaraya. Erməni evlərini də açıqca satdırır”

Marazılığını bildirən və etiraz edənlərin şikayətlərini təqdim edirik:(Tribuna.az )

Dövlət satınalmalarında yol verilən qanunsuzluqlar, şübhəli tenderlərlə bağlı mediada kifayət qədər geniş məlumatlar var. Satınalan təşkilat olaraq dövlət qurumlarının qalib seçdiyi təchizatçıların profili, maddi texniki bazası və bir çox uyğunluq göstəriciləri qanunun tələblərinə cavab verməsə belə, bəzi şirkətlər daim öndədirlər. Nəzarət orqanları isə bəzi şirkətlərin uyğunluq göstəricilərindəki çatışmazlıqlara göz yumur, qanun çərçivəsində tədbirlər görmək əvəzinə onlara satınalmalarda geniş şərait yaradırlar.


Məsələn, Azərbaycan Respublikası Daxili İşlər Nazirliyinin Daxili Qoşunların Baş İdarəsi tərəfindən ərazilərin yaşıllaşdırılması üçün ağac və kolları üzrə 21.04.2026-cı ildə başlanılmış kotirovka sorğusuna 02.06.2026-cı ildə yekun vurulub. Müsabiqənin qalibi “FLORA HOLLAND” Məhdud Məsuliyyətli Cəmiyyəti seçilib və tərəflər arasında 20.502,5 manat məbləğində satınalma müqaviləsi bağlanılıb. Məlumat satınalmaların portalında 08.06.2026-cı ildə dərc edilib.


Azərbaycan Respublikasının Dövlət Sərhəd Xidməti də 19.05.2026-cı ildə DSX-nin hərbi hissələrinin ərazisinin abadlaşdırılması xidməti üzrə “FLORA HOLLAND” Məhdud Məsuliyyətli Cəmiyyəti ilə 74.576 manat məbləğində satınalma müqaviləsi bağlayıb.


Göründüyü kimi adıçəkilən dövlət qurumları son 15 gün ərzində “Flora Holland” MMC ilə ümumi dəyəri 95 078 manat olan iki satınalam müqaviləsi bağlayıblar. İndi gəlin görək “Flora Holland” MMC bu dövlət sifarişlərini yerinə yetirmək iqtidarındadırmı və açıq mənbələrdə şirkət haqqında rəsmi və qeyri rəsmi nə kimi məlumatlar var.


Rəsmi, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “FLORA HOLLAND” (VÖEN:1405674931) Məhdud Məsuliyyətli Cəmiyyətinin Bakı şəhəri Lokal Gəlirlər Baş İdarəsində 20.09.2021-ci ildə dövlət qeydiyyatına alınıb. Nizamnamə kapitalı 20 manat olan şirkətin hüquqi ünvanı BAKI ŞƏHƏRİ NƏSİMİ RAYONU, MƏRDANOV QARDAŞLARI, ev.102, m.38 -də yerləşir. MMC-nin qanuni təmsilçisi Seyidzadə Rəhim Vaqif oğludur.


Qeyd edək ki, rəsmi mənbələrdə yuxarıda adlarını çəkdiyimiz dövlət qurumlarının qalib seçdiyi “FLORA HOLLAND” MMC-nin adı bir sıra şübhəli satınalmalarda hallanır. Həmçinin MMC-nin adı müqavilələrin şərtlərindən irəli gələn tələbləri yerinə yetirə bilməməsi və sənəd saxtalaşdırmasında da hallanır.


Belə ki, Azərbaycan Respublikasının Strateji Obyektlərin Mühafizəsi Dövlət Agentliyi tərəfindən 02.06.2026-ci ildə satınalmaların portalında bildiriş yerləşdirilmişdir. Bildirişdə qeyd edilir ki, Strateji Obyektlərin Mühafizəsi Dövlət Agentliyinin tələbatına uyğun olaraq, “Xüsusi dövlət tədbirləri üçün güllər, əklillər və gül səbətləri”nin satınalınması ilə bağlı 07.05.2026-cı il tarixdə təklif zərflərinin açılışı həyata keçirilmişdir.


“Flora Holland” MMC Qanunun 35.1.1-ci (şərtlər toplusunun uyğunluq tələbləri üzrə xüsusi tələblərin meyarlarına uyğun gəlmədiyindən – Şərtlər toplusunun tələblərini pozaraq peşəkarlıq və təcrübə meyarı üzrə satınalma müqaviləsini və təhvil təslim aktlarını təqdim etmədiyindən, yerləşdirilmiş elektron qaimələr tərəflər arasında təsdiq edilmədiyindən) və Qanunun 35.1.11-ci (xüsusi tələblərin maliyyə imkanları meyarları üzrə maddi vəsaitə çıxışla bağlı saxta sənəd təqdim etdiyindən Qanunun 7.1-ci maddəsi ( Satınalma komissiyası satınalmalarla bağlı təchizatçının saxta sənəd və (və ya) məlumat verdiyini müəyyənləşdirdikdə, həmin təchizatçını bu Qanunun 35-ci maddəsinə uyğun olaraq satınalmadan kənarlaşdırır və bu barədə məlumatları (sənədləri) aidiyyəti üzrə göndərir.) əsas tutulmaqla) maddələrinin tələbləri əsas tutularaq satınalmadan kənarlaşdırılmışdır.


Bundan əlavə “FLORA HOLLAND” MMC -nin müqavilələrin şərtlərindən irəli gələn tələbləri yerinə yetirə bilməməsi də məlum olmuşdur. Bu elə Naxçıvan Muxtar Respublikasının Ali Məclisi kimi bir ciddi bir dövlət qurumunun keçirdiyi satınalma prosedurunda öz əksini tapıb. Sözügedən qurumun 29.07.2025 -ci ildə satınalmaların portalında dərc etdiyi bildirişdə deyilir:


“FLORA HOLLAND” MMC-yə portal vasitəsilə 09.05.2025-ci il və 19.05.2025-ci il tarixlərdədə müqvilənin üzürsüz səbəblərdən icra edilməməsi səbəblərini aydınlaşdırmaq üçün sorğu göndərilmişdir. Sorğulardan uyğun olaraq 2(iki) ay 20(iyirmi) gün və 2(iki) ay 10(on) gün müddət keçməsinə baxmayaraq cavab gəlməmişdir. “FLORA HOLLAND” MMC ilə bağlanılmış 17 aprel 2025-ci il tarixli 03 nömrəli müqavilənin xüsusi şərtlərinin 23-cü maddəsinin 23.1-ci bəndinə əsasən “Gecikdirilmiş malların və ya göstərilməmiş xidmətlərə görə cərimənin maksimum faiz həddini keçməsi, həmçinin bu müqavilənin ümumi şərtlərinin 30- cu maddəsinin 30.1 bəndinin 30.1.1, 30.1.1.1, 30.1.1.2 yarımbəndlərinə əsasən müqavilə şərtlərinin pozulması və portal üzərindən yazılanlara cavab verilməməsinə görə “FLORA HOLLAND” ilə bağlanılmış müqaviləyə xitam verilir və xitam 29.07.2025-ci il tarixdən etibarən qüvvəyə minir.


Bütün bu rəsmi məlumatlardan da göründüyü kimi “Flora Holland” MMC-nin adı müqavilələrin şərtlərindən irəli gələn tələbləri yerinə yetirə bilməməsi və sənəd saxtalaşdırması kimi ciddi qanun pozuntularında hallanır. Amma buna baxmayaraq Daxili Qoşunların Baş İdarəsi və Dövlət Sərhəd Xidməti kimi ciddi dövlət qurumları sözügedən şirkəti qalib seçirlər. Nəzarət orqanı olaraq Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi isə “FLORA HOLLAND” MMC tərəfindən yol verilən müqavilələrin şərtlərindən irəli gələn tələbləri yerinə yetirə bilməməsi və sənəd saxtalaşdırması kimi hallara göz yumur, dolayısı ilə geniş şərait yaradır.


Aktualinfo.net

Yevlax Olimpiya İdman Kompleksinin tikintisinə 2013-cü ildə Prezident Ilham Əliyevin Sərəncamı ilə ilkin maliyyə vəsaiti ayrılsa da, əsas tikinti işləri 2024-cü ilin yanvarında başlamış və qısa müddət ərzində başa çatdırılmışdır. Kompleksin açılış mərasimi isə 2025-ci il sentyabrın 27-də Azərbaycan Respublikası Prezidentinin iştirakı ilə baş tutmuşdur. Ümumi sahəsi 5.8 hektar olan bu obyekt ən müasir standartlara cavab verir və beynəlxalq tədbirlərin keçirilməsi üçün geniş imkanlara malikdir.

Qeyd edək ki, Yevlax Olimpiya İdman Kompleksinin açılşı 2025-ci il sentyabrın 27-də baş tutmasına baxmayaraq Azərbaycan Respublikasının Gənclər və İdman Nazirliyi sözügedən kompleksdə əlavə işlərin satın alınması üzrə hələ də vəsait ayırır.

Aktualinfo Gənclər və İdman Nazirliyi tərəfindən Yevlax Olimpiya İdman Kompleksinin tikintisinə ayrılan vəsaitlər ətrafında araşdırma aparıb. Satınalmalrın portalında yerləşdirilmiş məlumatlara görə Gənclər və İdman Nazirliyi 28.12.2023-cü ildən 04.06.2026-cı ilə qədər “Hovers Group” Məhdud Məsuliyyətli Cəmiyyəti ilə 7 satınalma müqaviləsi bağlayıb.

Yevlax şəhərində Olimpiya İdman Kompleksinin tikintisi üzrə malların (işlərin və xidmətlərin) satın alınması üzrə 18.197.058,59 manat məbləğində müqavilə 28.12.2023-cü ildə bağlanılıb.

MDB ölkələrinin lll Oyunlarının keçiriləcəyi Yevlax rayonunda Olimpiya İdman Kompleksinin ərazi daxili drenaj şəbəkəsinin tikinti-quraşdırma işlərinin satın alınması üzrə 186.576,14 manat məbləğində müqavilə 16.01.2025-ci ildə bağlanılıb.

Yevlax rayonunda Olimpiya İdman Kompleksinin tikintisi işlərinin davamının satın alınması üzrə 3.656.589,97 manat məbləğində müqavilə 07.03.2025-ci ildə bağlanılıb.

Yevlax şəhərində Olimpiya İdman Kompleksinin tikintisi işlərinin satın alınması üzrə 1.782.113,87 manat məbləğində müqavilə 30.07.2025-ci ildə bağlanılıb.

Yevlax şəhərində Olimpiya İdman Kompleksinin tikintisi işlərinin satınalınması üzrə 4.586.289,62 manat məbləğində müqavilə 24.09.2025-ci ildə bağlanılıb.

Yevlax şəhərində Olimpiya İdman Kompleksinin tikintisi üzrə əlavə işlərin satın alınması üzrə 1.661.317,76 manat məbləğində müqavilə 30.12.2025-ci ildə bağlanılıb.

Yevlax şəhərində Olimpiya İdman Kompleksinin elektrik təchizatı və əlavə işlərin satın alınması üzrə 1.462.266,24 manat məbləğində müqavilə 04.06.2026-cı ildə bağlanılıb.

Göründüyü kimi Gənclər və İdman Nazirliyi son iki il ərzində Yevlax Olimpiya İdman Kompleksinin tikintisi üzrə “Hovers Group”MMC ilə ümumi dəyəri 31 532 208 manat olan 7 satınalma müqaviləsi bağlayıb.

Burada qiymətlərin şişirdildiyi açıq aşkar görsənməkdədir. Müqayisə üçün qeyd edək ki, Mənzil İnşaatı Dövlət Agentliyi (MİDA) Bakı şəhəri, Binəqədi rayonu, Binəqədi qəsəbəsi, Mədən 1, korpus 5 ünvanında yerləşən 9,0 ha torpaq sahəsindlarının tikintisi ilə əlaqədar 3, 4 və 5 nömrəli çoxmənzilli yaşayış binalarının tikintisi üzrə elə “Hovers Group”MMC ilə 13.07.2023-cü ildə 10.404.026 manat dəyərində müqavilə bağlayıb.

Göründüyü kimi MİDA eyni şirkətə on milyon manata 3 çoxmənzilli yaşayış binalarının tikintisinin sifarişini verib. Amma Gənclər və İdman Nazirliyi 32 milyon manata yaxın dövlət vəsaiti hesabına bir Olimpiya İdman Kompleksinin tikintisi başa çatdıra bilmir.

Maraqlıdır, “Hovers Group”MMC on milyon manat 3 çoxmənzilli yaşayış binaları tikirsə, 32 milyona neçə belə yaşayış binası tikə bilər? Ən azı 10 çoxmənzilli yaşayış binaları, yəni böyük bir yaşayış kompleksi.

Qeyd edək ki,Dövlət Vergi Xidmətinin hüquqi şəxslərin dövlət reyestri məlumatlarında “HOVERS GROUP” (VÖEN: 1501843641) Məhdud Məsuliyyətli Cəmiyyətinin 01.07.2011-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 345 720.00 manat olan MMC-nin hüquqi ünvanının , BAKI ŞƏHƏRİ NƏSİMİ RAYONU, ABBAS SƏHHƏT, ev 73, qanuni təmsilçisi kimi isə Zeynalov İlqar Adıgözəl oğlu qeyd olunub.

Dövlət Vergi Xidmətinin reyestrində edilmiş dəyişiklikdə isə “Hovers Group” MMC-nin BAKI ŞƏHƏRİ NƏRİMANOV RAYONU, AZADLIQ PR., ev 114, mənzil 76 ünvanında Səbuhi Knyaz oğlu Mehdizadə tərəfindən təsis edildiyi göstərilir. O 2015-ci ilin fevralına qədər MMC-nin qanuni təmsilçisi olub. Ondan sonra MMC-yə müxttəlif vaxtlarda Hümbətov Cəmşid Ellər oğlu, Rəhimov Şəhriyar Kamal oğlu qanuni təmsilçilik edib.

Şirkətin eyniadlı portalında yerləşdirilmiş məlumatlara görə MMC 1 iyul 2011-ci ildə İlqar Zeynalov tərəfindən təsis edilmişdir. Sürətlə inkişaf edən şirkət bərpa və tikinti, eləcə də dizayn layihələri xidmətlərinin həyata keçirilməsi ilə məşğul olur. Bir çox müxtəlif miqyaslı və mürəkkəb layihələrin arxasında Hovers Group adı vardır. Tikinti və bərpa işləri müasir tikinti texnologiyalarından və avadanlıqlarından istifadə edən yüksək ixtisaslı mütəxəssislər tərəfindən aparılır. Şirkət həmçinin Bakıda, Hovers Beton zavodunda hər növ markalı beton istehsalını, Metal zavodunda isə istənilən formalı metal tir istehsalını həyata keçirir və bu tikinti materiallarının lazımi istiqamətlərə çatdırılmasını təmin edir. Hovers Group kifayət sayda nəqliyyat vasitələrinə və professional sürücü potensialına malikdir və bunun sayəsində ölkə daxilində 80 ton ağırlığında böyük yüklərin daşınmasını həyata keçirə bilir. Hovers Group şirkətlər qrupu olub müxtəlif biznes sahələrinə yönəlmişdir və Bakı Enerji Tikinti ASC, Hovers İşıqlandırma MMC və Hovers Tikinti MMC şirkətlərindən ibarətdir.

Apardığımız daha ətraflı araşdırmalar zamanı məlum oldu ki, “Hovers Group” MMC-nin təsisçisi Səbuhi Knyaz oğlu Mehdizadə Prezident İlham Əliyevin 15 iyul tarixli sərəncamı ilə Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsinin müavini vəzifəsinə təyin olunub.
Mediada yer alan məlumatlara görə sözügedən nümayəndəlikdə baş məsləhətçisi vəzifəsində çalışan Səbuhi Knyaz oğlu Mehdizadə xüsusi nümayəndənin müavini olub. Səbuhi Mehdizadə Xüsusi nümayəndəlikdən öncə bir sıra vəzifələrdə çalışıb. O, buna qədər kənd təsərrüfatı nazirinin müşaviri, “Təmiz şəhər” ASC-nin İdarə Heyəti sədrinin müavini, İqtisadiyyat Nazirliyinin İstehlak Mallarının Ekspertizası Mərkəzinin direktoru, Azərbaycan Stolüstü Tennis Federasiyasının Baş katibi, “Azərbaycan Respublikasının Ağır Atletika Federasiyası” İctimai Birliyinin İdarə Heyətinin sədr müavini vəzifələrində çalışıb. Hazırda o, Azərbaycan Stolüstü Tennis Federasiyasının vitse-prezidentidir.
Göründüyü kimi Səbuhi Mehdizadə bir sıra dövlət qurumlarında yüksək vəzifələrdə çalışıb. Təsisçisi olduğu “Hovers Group” MMC isə işlədiyi qurumlardan son beş ildə 70 milyon manata yaxın dövlət sifarişi alıb. Göründüyü kimi, şirkət 2011-ci ildə yaradılsa da milyonlarla manat dəyəri olan tenderləri son 5 ildə, Səbuhi Mehdizadə yüksək vəzifələrdə çalışdığı dövrlərdə əldə edib. Belə olmasaydı, şirkət hər il 10 milyonlarla dəyəri olan tenderi qazana bilərdimi?

Aktualinfo.net

“Dünyagöz” xəstəxanasının baş həkimi Kənan Yıldırım barəsində cinayət işi açılıb.

Məsələ 2024-cü ildə V.G. adlı şəxsin sol gözündə aparılan katarakt əməliyyatından sonra həmin gözün görmə qabiliyyətini itirməsi ilə bağlıdır.

V.G. iddia edir ki, əməliyyatdan sonra sol gözündə ciddi problemlər yaranıb. Onun sözlərinə görə, göz daxili təzyiq artıb, ağrılar isə dözülməz həddə çatıb. Pasiyent bununla əlaqədar Bakının müxtəlif tanınmış göz həkimlərinə müraciət edib.

Şikayətçinin bildirdiyinə görə, həkimlərin rəyi əsasında həmin dövrdə sol gözdə katarakt əməliyyatının aparılması məqsədəuyğun olmayıb. Belə ki, ilkin müayinə zamanı torlu qişada qanaxmalar müşahidə edilib və bu vəziyyət sonradan rubeozis iridis və qlaukoma xəstəliyinin yaranmasına səbəb olub. Kənan Yıldırımın yol verdiyi tibbi səhv nəticəsində onun sol gözü ömürlük görmə qabiliyyətini itirib.

Pasiyent daha əvvəl Kənan Yıldırımdan şikayət etsə də, araşdırma nəticəsində “cinayət işinin başlanmasının rədd edilməsi haqqında” qərar qəbul olunub.

Lakin V.G.-nin şikayəti əsasında işə yenidən Bakı Şəhəri Səbail Rayon Məhkəməsində baxılıb. Məhkəmə “cinayət işinin başlanmasının rədd edilməsi haqqında” qərarın ləğv edilməsinə və materialların əlavə araşdırma aparılması üçün aidiyyəti orqana göndərilməsinə qərar verib.

Qeyd edək ki, məhkəmənin qərarı Kənan Yıldırımın təqsirli bilinməsi anlamına gəlmir və məsələ ilə bağlı araşdırma davam etdiriləcək.(Xalq.online)