Suraxanı rayonu, Yeni Günəşli qəsəbəsi ərazisində illərdir təmir olunacağı gözlənilən "Ana-bala" parkının ərazisində iki hündürmərtəbəli bina tikiləcək.

Xitab24.az-ın əldə etdiyi məlumata görə, bununla bağlı Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən "Günəş-İnşaat" MTK-ya icazə verilib.

Yerin isə Suraxanı Rayon İcra Hakimiyyəti tərəfindən ayrıldığı bildirilir.

Tikitini işlərinə iyunun 7-də start verilib və iki il ərzində başa çatdırılması nəzərdə tutulur.

"Ana-bala" parkının 1.36609 hektar ərazi tikinti sahəsinə ayrılıb. 1.8 hektarlıq ərazidə isə park salınacaq ki, bu da qəsəbə sakinlərini qane etmir.

Qeyd edək ki, son illərdə Prezident İlham Əliyevin tapşırığına əsasən, Bakı şəhərində yaşıllaşdırma və park salınması istiqamətində kifayət qədər geniş layihələr həyata keçirilib. Məqsəd həm yaşıllıq sahələrini artırmaq, həm də yeni ictimai istirahət məkanları yaratmaq olub. "Sovetski" kimi tanınan ərazinin böyük hissəsinin yenidən qurulması nəticəsində Bakının ən iri parklarından biri yaradılmasını, şəhərin mərkəzinə yaxın ərazidə Çəmbərəkənd parkının salınması buna nümunə gətirlə bilər.

Belə olan halda yerli qurumların yaşıllıq salmaq, vətəndaşların asudə vaxtlarını səmərəli keçirməsi üçün şərait yaratmaq əvəzinə, fərqli addım atması birmənalı qarşılanmır.

Bakıda fəaliyyət göstərən “Barama Uşaq Bağçası”nın iki filialı ilə bağlı şikayətlər var.


Valideynlər “Qafqazinfo”ya müraciətlərində bağçanın Əcəmi və Yasamal filiallarından narazılıqlarını dilə gətiriblər.


Bakı sakini Hədiyyə və Əşrəf Qurbanəliyevlər bildiriblər ki, 3 yaşlı övladları K.Qurbanəliyev 2025-ci il sentyabrın 1-dən Əcəmi filialında təhsilə başlayıb. Onların sözlərinə görə, bir müddət əvvəl uşaqda 1-ci tip şəkərli diabet aşkarlanıb. Uşağın bütün tibbi sənədlərinin qaydasında olduğu və onun mütəmadi həkim nəzarətində saxlanıldığı bildirilsə də, bağça rəhbərliyi xəstəliyi əsas gətirərək uşağın bağçada qalması ilə bağlı məhdudiyyətlər tətbiq edib.


Ailənin iddiasına görə, əvvəlcə onlara uşağın 1-2 ay evdə dincəlməsinin məqsədəuyğun olduğu bildirilib. Daha sonra isə uşağın bağçada qalması üçün əlavə olaraq “kölgə dayə” - fərdi nəzarətçinin tutulması tələb olunub.


Valideynlər qeyd edirlər ki, bağçada tibb işçisi fəaliyyət göstərməsinə baxmayaraq, belə bir xidmətin maliyyə yükünü qarşılamaq imkanları yoxdur. Bundan sonra bağça əməkdaşları dəfələrlə onlarla əlaqə saxlayaraq uşağın portal qeydiyyatından çıxarılmasını tələb ediblər. Valideynlər buna razılıq vermədiklərini desələr də, sonradan onlara uşağın portal qeydiyyatının ləğv edildiyi bildirilib: “Qeydiyyatın ləğvi ilə bağlı bizə heç bir rəsmi sənəd, tibbi rəy və ya hüquqi əsas təqdim olunmayıb”.


Digər şikayət isə valideyn Muxtarova Səkinə Hüseyn qızı tərəfindən “Barama Uşaq Bağçası”nın Yasamal filialı ilə bağlıdır.


Valideyn bildirir ki, 3 yaşlı oğlu M.Muxtarov 2025-ci ilin dekabr ayından etibarən həmin bağçada təhsil alır. Ana deyir ki, müəssisədə olduğu müddətdə autizm spektr pozuntusu olduğu ehtimal edilən başqa bir uşaq tərəfindən dəfələrlə dişlənib, qorxudulub və psixoloji təzyiqə məruz qalıb: “Hadisələr bir neçə dəfə təkrarlansa da, bağça rəhbərliyi tərəfindən problemin qarşısının alınması üçün effektiv tədbirlər görülməyib”.


Valideyn qeyd edir ki, nəticədə övladında əvvəllər müşahidə olunmayan kəkələmə, qorxu hissi, özünəqapanma və sosial davranış dəyişiklikləri yaranıb.


“Hadisələrə görə dəfələrlə bağça rəhbərliyinə müraciət etmişəm. Mənə “uşaqdırlar, belə hallar ola bilər” kimi cavablar verilib. Problemin həlli üçün konkret addım atılmayıb”, - deyə valideyn bildirib.


Onun sözlərinə görə, haqlı narazılıq bildirdikdən sonra uşağın gələcəkdə bağçaya qəbul edilməməsi ilə bağlı eyhamlar da vurulub.


Valideyn hesab edir ki, bu cür yanaşma həm etik normalara, həm də uşaqların hüquqlarının qorunması prinsiplərinə ziddir.


Məsələ ilə bağlı “Barama Uşaq Bağçası”nın hər iki filialına müraciət ünvanlasaq da, günlərdir verilən sorğumuza cavab ala bilmədik.


Qafqazinfo

Gəncə şəhər “Su-Kanal” idarəsinin rəisi Şöhrəddin Verdiyev gəncəliləri qrunt suları və kanalizasiya problemi ilə üz-üzə qoyub..."

Paytaxt.org-a daxil olan bir neçə şəhər sakininin şikayətində belə deyilir.

Bildirilib ki, ölkənin ikinci böyük şəhəri illərdir tullantı sularından əziyyət çəkir. Gəncə Şəhərinin Kanalizasiya sistemlərinin təzələnməsinə 49 milyon 500 min dollar pul ayrılsa bu vəsait illərdir yoxa çıxıb. Yəni 2022 ci ildə başlanılan iş 2025 ci ildə yekunlaşmalı olan Gəncə şəhərinin kanalizasiya sistemlərinin təzələnməsinə görə, ayrılan vəsait ortada yoxdur. Ayrılan vəsaitin ört – bastır etmək məqsədi ilə şəhərin bəzi mərkəzi küçələrində köhnə kanalizasiya sistemi dəyişdirilsə də mərkəzi küçələrin və digər ərazilərdən keçən xətlərdə əzilmiş, dağılmış köhnə borular hələ də qalmaqdadır.

Son aylar yağan güclü yağışlar nəticəsində əksər küçələrdə ötürücülüyü zəif olan köhnə kanalizasiya borularında daşqinları baş verir şəhəri qrunt suları və üfunət basır. İdarənin rəisi Şöhrəddin Verdiyevin yarıtmaz idarəçiliyi yerli sakinləri boğaza yığıb.
Ayrılan vəsaiti öz maraqlarına quruban edən Gəncə Su Kanalı İdarəsinin rəisi Şöhrəddin Verdiyev bağlı, həm şifahi həm də yazılı şəkildə müvafiq qurumlara müraciət etdiklərini bildirən sakinlər hələ də süründürməçiliyə salınıb.

Böyük problem qarşısında əziyyət çəkdiklərini bildirən şikayətçilər, hazırda sadəcə kanalizasiya sistemlərində davam edən, hələ bitməmiş işlərin vəsaiti milyon manatlarla ölçüldüyünü deyir. Bəs onda Gəncə şəhərinə ayrılan 49 milyon 500 min dollar itən vəsaitə cavabdeh olan Şöhrəddin Verdiyev kimi şəxslər nədən hələ də cəzalandırılmır Baş prokurorluqda, Gəncə Su Kanalı İdarəsi rəisinin koorrupsaner fəaliyyəti hələdə araşdırılmır!?

Gəncə Su Kanalı İdarəsi rəisi Şöhrəddin Verdiyevin yarıtmaz idarəçiliyi və müəmmalı fəaliyyəti bununla bitmir. Şikayətçilərin iddialarına görə illərdir dövlət büdcəsini talıyan Verdiyevin ali təhsili yoxdu, o hələdə müəyyən yollarla əldə etdiyi saxta kağız parçası ilə fəaliyyətdədir. Şöhrəddin Verdiyevi vəzifəyə gətirən və onu hələdə qoruyan Gəncə ŞİH-dəki "kirişa"sı onun ali təhsili olmadığını hər kəsdən yaxşı bildiyinə görə, mühüm maraqları ucbatından bu rüşvətə meyilli rəisə sahib çıxmasıdır. Hələ bu azmış kimi "cənab Verdiyev xaricdə Azərbaycanın imcinə xələl yetirən, yüksək vəzifəlilərin təhqirinə yol açan, alçaldıcı müzakirələr aparan xain - təxribatçılarla bir şəxsin vasitəsi ilə əlaqədə olduğu və hətta maliyyə dəstəyi verməsi, okanın o tayında da fəaliyyətinin olduğu bilinməkdədir"- iddia edən şikayətçi DTX-nin bunu araşdırmasının mühüm olduğunu söyləyib. Bildirək ki, bu iddia ilə bağlı əməkdaşlarımz araşdırmalara başlayıb. Növbəti yazıda oxuculara daha da ətraflı məlumat verməyə çalışacağıq!

Məlumat üçün bildirək ki, Gəncə Su Kanalı İdarəsi rəisi Şöhrəddin Verdiyevlə bağlı iddiaları cavablandırması üçün onunla telefon əlaqəsi yaratdıq, amma o bizim suallarımızı dinləyə-dinləyə təhqiramiz ifadələrlə telefona odboy verdi.

Paytaxt.org

İmişli məktəbinin direktoru ilə bağlı ciddi iddialar: Məhkəmə qərarı, işdən çıxarmalar və diplom məsələsi gündəmdə
İmişli rayonu Hacalmuradlı kənd şəhid Q. Tarverdiyev adına tam orta məktəbin direktoru Ruslan İbayevlə bağlı 1xeber.media-ya müraciət daxil olub. Müraciətdə direktorun fəaliyyəti ilə əlaqədar bir sıra ciddi iddialar səsləndirilir və aidiyyəti qurumlar tərəfindən araşdırma aparılması tələb olunur.
Şikayət müəllifinin sözlərinə görə, Ruslan İbayev son illər ərzində bir neçə əməkdaşı işdən azad edib. İddia olunur ki, təkcə cari tədris ilində altı nəfər əməkdaş heç bir səbəb olmadan işdən uzaqlaşdırılıb.
Müraciətdə qeyd edilir ki, işdən azad edilən şəxslərdən biri olan İmaməddin Həsənov məsələ ilə bağlı məhkəməyə müraciət edib. Şikayətçinin iddiasına görə, məhkəmə tərəfindən qəbul edilən qərar İmaməddin Həsənovun xeyrinə olub və bu qərar işdən çıxarma prosesinin qanuniliyinə dair suallar yaradıb.
Bununla yanaşı, müraciətdə direktorun ayrı-ayrı şəxslərə qarşı təzyiq göstərdiyi və hədələyici ifadələr işlətdiyi də iddia olunur. Şikayət müəllifi İmaməddin Həsənovun da müxtəlif təhdidlərlə üzləşdiyini bildirir.
Müraciətdə daha bir diqqətçəkən məqam Ruslan İbayevin ali təhsil sənədi ilə bağlı səsləndirilən iddialardır. Şikayətçi direktorun diplomunun qanuniliyinin aidiyyəti dövlət qurumları tərəfindən araşdırılmasını tələb edir və bu məsələ ilə bağlı rəsmi yoxlamanın aparılmasının vacibliyini vurğulayır.
Eyni zamanda müraciətdə yerli təhsil idarəçiliyində təmsil olunan bəzi vəzifəli şəxslərin məsələ ilə bağlı lazımi addımlar atmadığı iddia edilir. Şikayət müəllifi hesab edir ki, məktəb direktorunun fəaliyyəti ilə bağlı səsləndirilən iddialar obyektiv şəkildə araşdırılmalı və hüquqi qiymət verilməlidir.
Həmçinin o da bildirilir ki,direktorun qardaşı radikal qruplaşma üzvüdür və müxalif qüvvələrlə birgə çalışır.
Qeyd edək ki,redaksiyamıza təqdim olunan müraciətdə qeyd olunan bütün məlumatlar iddia xarakteri daşıyır və tərəfimizdən müstəqil qaydada təsdiqlənməyib.
Qarşı tərəfin mövqeyini dərc etməyə hazırıq. Aidiyyəti dövlət qurumlarının məsələyə münasibəti və mümkün araşdırmaların nəticələri ilə bağlı məlumat əldə etdikdə oxucularımıza təqdim olunacaq.(1xeber.media)

Paytaxtın Nəsimi rayonunda qanunsuz hərəkərlər edən məmurlarla bağlı yerli sakinlərin narazı düşdüyü deyilir.

Rayonda qanunsuz tikintilərə və səkilərin zəbtinə “yaşıl işıq” yandıran dövlət qulluqçuları Nəsimi rayon İcra Hakimiyyətinin başçısı ilə sakinlər arasında qarşıdura yaratmağa çalışırlar.

Sakinlər bildirrirlər ki, rayonda qanunsuz tikintilərin aparılması barədə zaman-zaman şikayətçi olsaq da, buna baxan olmayıb və bizləri dərdimizi demək üçün icra başçısı ilə görüşdən uzaq tutublar. İlginc məqam budur ki, bəzi qurumlarda kiçik padşahlar tərəfindən insanların şikayətinə ciddi reyaksiya verilmir, kiçik sahibkarlar isə bilərəkdən incidilir, hesab alınır.

İddialara görə, yerli sakinlərə qənim kəsilən Nəsimi RİH-nin memarı Ələsgər Rüstəmov və Nəsimi rayon Mənzil Kommunal Təsərrüfatı Birliyinin rəisi Nizami Mayılovdur. Bu hazıryiyən məmurlar vətəndaşlarla bilərəkdən kobud formada davranır.

MKTB rəisi "JEK"-lə əlbir olub vətəndaşları narazı salması deyilənə görə düşünülmüş addımdır.Rayonda çox sayda obyektlərə sahib olan Nəsimi rayon Mənzil Kommunal Təsərrüfatı Birliyinin rəisi Nizami Mayılovun ərazilərdə apardığı təmizlik işləri də urəkaçan deyil yəni narazılıqlar yardır. Birliydə "ölücanlar"dan heç danışmağa dəyməz. Deyilənlərə görə Mayılov illərdir çox sayda maaş kartlarından ayda bir neçə min qazanc əldə etməkdədir.

Qeyd olunan müstəvidə iş görməməkdən daha çox qanunsuz fəaliyyətlə yadda qalan rayonda qanunsuz tikintilərə və səkilərin zəbtinə “yaşıl işıq” yandıran RİH-nin memarı Ələsgər Rüstəmovdur. Cənab Rüstəmov öz yarıtmaz idarəçiliyi ilə icra başçısı Tahir Budaqova qarşı yer almaqdadı və onu bəzi fəaliyyətləri rayon rəhbərinin torbasını tikmək məqsədi daşıyır. Bildirək ki, Rüstəmov və Mayılov vaxtı ilə Nəsimi rayon İcra Hakimiyyətinin başçısının müavinlərindən biri Zahid Xəlilova da dost görünüb ona qarşı bəzi fəaliyyətlərdə yer almışlar. RİH-nin memarı Ələsgər Rüstəmov və Nizami Mayılovla bağlı şok məlumatları növbəti yazıda təqdim etməyə çalışacağıq.

Paytaxt.org

Azərbaycanda topdansatış sahəsində fəaliyyət göstərən,adı hazırda həbsdə olan iş adamı Adnan Əhmədzadə ilə yanaşı çəkilən Ceylan MMC şirkətində baş verən ciddi qanun pozuntuları, maliyyə saxtakarlıqları və vətəndaş narazılığı barədə yenə şikayət var.

İddiaların birbaşa hədəfində olan şəxslər – Ceylan MMC-nin direktoru Fuad Əliyev və şirkətin İnsan Resursları üzrə meneceri Cabbarlı Şəhladır
1xeber.media-ya müraciət edən vətəndaş Günay Rzayevanın rəsmi iddialarına görə, Ceylan MMC rəhbərliyi onun adına saxta sənədlər tərtib edərək əmək hüquqlarını kobud surətdə pozmuş, istirahət və rəsmi bayram günlərində qanunsuz işlətmişdir. Ən əsası isə, şirkətdə dövlətdən gizlədilən 'ikili mühasibatlıq' və vergidən yayınma sxemi tətbiq olunur. Belə ki, vətəndaşın əmək haqqının 500 manatı rəsmi olaraq karta, 900 manatı isə vergilərdən qaçmaq üçün konvertdə, nağd şəkildə ödənilmişdir. İddialara görə,şirkət vətəndaşın qazandığı halal ödənişini mənimsəyib və geri qaytarmaqdan imtina edir.

Vətəndaş öz hüquqlarının bərpası üçün artıq məhkəməyə müraciət edib. Lakin Ceylan MMC rəhbərliyi qanunları və məhkəmə hakimiyyətini açıq-aşkar təhqir edərək vətəndaşa bu hegemon sözləri ünvanlayıb: 'Məhkəmə də mənəm, hakim də mənəm, qanun da mənəm! Hara şikayət edirsən et, zatən mən deyən olacaq!' Azərbaycan Respublikasının məhkəmə sistemini və qanunvericiliyini heçə sayan bu təkəbbürlü yanaşma dövlətimizə qarşı böyük hörmətsizlikdir!

Məsələ təkcə bununla bitmir. Şirkət daxilindən gələn digər dəhşətli bir iddia isə odur ki, Ceylan MMC-də anbardakı bəzi qida məhsullarının son istifadə müddəti saxta yollarla dəyişdirilir. Vaxtı keçmiş qidaların tarixlərini yeniləyib yenidən bazara və marketlərə ötürmək birbaşa Azərbaycan xalqının, övladlarımızın sağlamlığına qəsddir və cinayətdir!

Qanunları və istehlakçı hüquqlarını heçə sayan bu özbaşınalıq qarşısında vətəndaş Günay Rzayeva birbaşa Ölkə Rəhbərliyinə müraciət edərək kömək istəyir.

Ümid edirik ki,Azərbaycan Respublikasının Baş Prokurorluğu, Dövlət Vergi Xidməti, Dövlət Əmək Müfəttişliyi və AQTA Ceylan MMC-də iddia olunan vergi yayınmasını, maliyyə cinayətlərini və saxtakarlığı dərhal nəzarətə götürəcək.(1xeber.media)
[media=https://youtu.be/Vnd-Z6bxw_U?si=8cpVjMo8SwAXe7pI