Dövlət Gömrük Komitəsində (DGK) yeni təyinat olub.

Bununla bağlı Dövlət Gömrük Komitəsinin (DGK) sədri, gömrük xidməti general-polkovniki Şahin Bağırov əmr imzalayıb.

Əmrə əsasən, gömrük xidməti polkovnik-leytenantı Orucov Faiq Eldar oğlu Daxilolmalara Nəzarət Baş İdarəsinin rəisi vəzifəsinə təyinat alıb.

Unikal

Dövlət Gömrük Komitəsinin (DGK) "Azterminalkompleks” Birliyi nəqliyyat vasitələri və texnikaların cari təmiri ilə bağlı elan etdiyi tenderə yekun vurub.

Qaynarinfo xəbər verir ki, tenderin qalibi "SK Servis” MMC seçilib. Bununla da şirkətin 2026-cı ildə qalib gəldiyi tenderlərin sayı dördə çatıb.

Dövlət satınalmalarının vahid internet portalında yerləşdirilən məlumata əsasən, "Azterminalkompleks” Birliyi nəqliyyat vasitələri və texnikaların cari təmiri, o cümlədən sürtkü yağlarının alınması üçün şirkətlə 1 295 314,91 manat məbləğində müqavilə bağlayıb.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "SK Servis” MMC 2019-cu ildə dövlət qeydiyyatına alınıb. Şirkətin nizamnamə kapitalı 20 manatdır. Hüquqi ünvanı Bakı şəhəri, Nizami rayonu, Məmmədəli Şərifli küçəsi, ev 1B, mənzil 121-dir. Qanuni təmsilçisi Arifli Saleh Arif oğludur.

Açıq mənbələrdə şirkətin fəaliyyəti, maddi-texniki bazası və ya qanuni təmsilçisi barədə əlavə məlumat mövcud deyil.

Buna baxmayaraq, "SK Servis” MMC dövlət satınalmalarında mütəmadi olaraq iri məbləğli sifarişlərin qalibi olur.

Araşdırmalarımıza əsasən, şirkət 2025-ci ildən indiyədək səkkiz tenderin qalibi seçilib. Tenderlər əsasən nəqliyyat vasitələrinin təmiri, ehtiyat hissələrinin alınması, avtomobillərə texniki xidmət və digər oxşar satınalma predmetlərini əhatə edib. Bu müqavilələrin ümumi dəyəri 7 321 813,85 manat təşkil edir.

Şirkət haqqında açıq məlumatların məhdud olması, eləcə də onun maddi-texniki imkanları barədə məlumatın olmaması iri həcmli dövlət sifarişlərini hansı əsaslarla qazanması ilə bağlı suallar yaradır.

Məsələ ilə bağlı "SK Servis" MMC-dən mövqe öyrənmək cəhdimiz nəticəsiz qalıb. Şirkətin açıq mənbələrdə əlaqə telefonu və ya rəsmi internet səhifəsi müəyyən edilməyib.

Kürdəmir rayonunda ağır yol qəzası baş verib.

Hadisə Ağsu-Kürdəmir yolunda qeydə alınıb.

Belə ki, Ağsu istiqamətindən hərəkət edən Əlismayıl İsmayıl oğlu Nəbiyevin idarə etdiyi “Daewoo Nexia” markalı avtomobil yol kənarında dayanmış 2 ədəd “Vaz 2106” markalı avtomobilə çırpılıb.

Nəticədə həmin avtomobillərin birində olan sərnişin Kamran Nadir oğlu Məmmədov ağır xəsarətlər alıb. O, xəstəxanaya aparılarkən vəfat edib.

Faktla bağlı Kürdəmir Rayon Polis Şöbəsində cinayət işi başlanılaraq istintaq aparılır.

Binəqədi rayon İcra Hakimiyyətinin başçısı Elxan Abdullayev sıravi vətəndaşlarla yanaşı vətən müharibəsi veteranı Bəhruz Alışova qarşı ədalətsizlik edib.

Videomüraciəti olduğu kimi təqdim edirik...

Şəki Rayon Mərkəzi Xəstəxanasında nə baş verir? Keçmiş rəhbər Məcid Əliyevin TƏBİB tərəfindən vəzifəsindən azad edilməsindən sonra xəstəxanada islahatların aparılacağı gözlənilsə də, iddialara görə, onun idarəçilik sistemi hələ də kök salmaqda davam edir. Tibb müəssisəsinin ən strateji nöqtələrindən biri – Kadrlar Şöbəsi hazırda ciddi narazılıq və qanunsuzluq iddiaları ilə gündəmdədir."

Məsələnin ən qəribə və düşündürücü tərəfi xəstəxananın kadrlar şöbəsinin rəisi Tural Səfərovun kimliyi və ixtisası ilə bağlıdır. İddia olunur ki, Tural Səfərov əslində bir tarix müəllimidir! Bəli, səhv eşitmədiniz. Tibb elmindən, xəstəxana idarəçiliyindən və spesifik kadr siyasətindən tamamilə uzaq olan bir tarix müəllimi, bu gün yüzlərlə həkimin, tibb bacısının və texniki heyətin taleyini həll edən masada əyləşib. Aidiyyatı qurumlara və xüsusilə TƏBİB-ə sual olunur: İxtisası tarix müəllimliyi olan bir şəxs, səhiyyə müəssisəsində hansı meyarlarla kadrlar rəisi vəzifəsinə gətirilib və hansı peşəkarlıqla kadr siyasəti yürüdür?

Lakin məsələ təkcə qeyri-peşəkarlıqla bitmir. Şəki Rayon Mərkəzi Xəstəxanasından gələn səs-küylü iddialar daha dəhşətlidir. Bildirilir ki, keçmiş rəhbərin 'adamı' kimi tanınan Tural Səfərov xəstəxanada əsl 'bazar' açıb. Əldə olunan iddialara görə, kadrlar rəisi xəstəxanada çalışan 65 yaşlı, təcrübəli və ahıl həkimləri bir-bir otağına çağırır. Məqsəd isə tibbi xidmət deyil, qanuni müqavilə müddətinin uzadılmasıdır. İddia edilir ki, o, yaş sənədi çatmış bu həkimlərdən külli miqdarda pul (rüşvət) tələb edir və yalnız bu şərtlə onların müqaviləsini uzadır. Tibb müəssisəsinə yeni işçi qəbulunun da tamamilə maddi maraqlar çərçivəsində tənzimləndiyi gələn məlumatlar arasındadır.

Tibb sahəsindən və kadr idarəçiliyindən anlayışı olmayan bir şəxsin xəstəxanada rəis statusu ilə özbaşınalıq etməsi, Şəki səhiyyəsini uçuruma aparır. Təcrübəli həkimlərin rüşvət təzyiqi ilə üzləşməsi və kadr siyasətinin şəxsi maraqlara qurban verilməsi barədə səslənən bu ciddi iddialar təcili araşdırılmalıdır!Biz media olaraq müvafiq hüquq-mühafizə orqanlarını, Baş Prokurorluq yanında Korrupsiyaya Qarşı Mübarizə Baş İdarəsini və TƏBİB rəhbərliyini Şəki Rayon Mərkəzi Xəstəxanasında baş verən bu iddiaları nəzarətə götürməyə və geniş araşdırma aparmağa çağırırıq.(1xeber.media)

Bu, artıq məmur özbaşınalığı falan deyil — bu, birbaşa vətəndaşın şərəfinə, dinc sakinin ocağına və mətbuatın ləyaqətinə qarşı təşkil olunmuş açıq-aşkar həyasızlıq və qudurğanlıqdır!
Bakı şəhər İcra Hakimiyyətinin Təftiş və Nəzarət Şöbəsinin müdiri Zülfəli İsmayılov Bayırşəhərdə sakinlərin evlərini alçaldaraq, söyüşlə, hədə-qorxu ilə, içindəki əşyaları ilə birgə əllərindən alırsa, burada haysız-hesabsız bir cinayət tərkibi var! "Dövlət layihəsidir" adını sipər edib insanları öz ata-baba mülkündən küçə xuliqanı kimi qovmaq, sakinləri təhqir etmək kimin tapşırığıdır?
Dövlətin layihəsi vətəndaşın evini yağmalamaq, onu küçələrə atmaq deməkdir?!
Daha böyük biabırçılıq və RƏZALƏT isə bu vəhşiliyi çəkən jurnalistlərə qarşı edilən küçə söyüşləridir! Kişi jurnalistə "oğraş", qadın jurnalistə "fahişə" deyəcək qədər əxlaqını, tərbiyəsini və insanlığını itirmiş bir qudurğan hansı cürətlə hələ də o yumşaq kresloda oturur?
Küçə leksikonu ilə danışan, ağzından tərbiyəsizlik yağan bir adam dövlət qurumuna nəzarət etmir, o sadəcə dövlətin adını ayaqlar altına atan, dərhal təcrid olunmalı bir xuliqandır!
Eldar Əzizov, Bu Bəslədiyiniz Quduzluq Sizin Əsərinizdir!
Eldar müəllim Üç-beş manat çirkli pul qazanacaqsınız, layihələrdən cibinizi dolduracaqsınız deyə Zülfəli kimi mənəviyyatsız birisini sakinlərin və jurnalistlərin üzərinə qışqırtmaq hansı hoqqabazlıqdır?
Zülfəli İsmayılov Sizin hansı arxaplandakı çirkli işlərinizin şərikidir ki, bu gün onun ağzından çıxan söyüşlərə, sakinlərin naləsinə, jurnalistlərin alçaldılmasına göz yumursunuz? Sözünüz keçmir, yoxsa diliniz gödəkdir?!
Öz qudurmuş məmuruna "dur" deyə bilməyən, onun xuliqanlığını qoruyan bir icra başçısı o jurnalistlərə edilən söyüşlərin də, sakinlərin tapdalanan haqqının da BİRBAŞA ŞƏRİKİDİR
!Dövlətin adının arxasında gizlənib millətin qanını soran, arvad-uşaq demədən insanları təhqir edən Zülfəli İsmayılov və onu qoruyan Eldar Əzizov yaxşı qulaq asın:
Vətəndaşın namusu, ləyaqəti və dinc ocağı Sizin çirkli maraqlarınızdan min dəfə üstündür!
Bu özbaşınalığa, bu küçə tərbiyəsizliyinə dərhal son qoyulmalı, o məmur qandallanıb layiqli cəzasını almalıdır!
Əks halda, bu qudurğanlığın cavabını xalqın və qanunun nifrəti qarşısında tək o yox, onu o vəzifədə saxlayan bütöv bir idarəçilik sistemi verəcək!
Sima Babayeva