Mikayıl Cabbarov sevimli kadrı haqqında nə düşünür? - Xankəndidə “yanan” Elçin Yusubovun yeni ünvanı hara olacaq?



Bəzi məmurlar var ki, rəhbərlər dəyişir, kabinetlər yenilənir, amma onlar kreslolarını qorumağın yolunu tapırlar.
Dünən prezident İlham Əliyevin sərəncamı ilə Xankəndi şəhərində, Ağdərə və Xocalı rayonlarında Azərbaycan Prezidentinin xüsusi nümayəndəsi vəzifəsindən azad edilən Elçin Yusubov da müxtəlif nazirlərin dövründə karyerasını davam etdirməyi bacaran kadrlardan biri kimi diqqət çəkir.

Fərhad Əliyev, Kərəm Həsənov, Mikayıl Cabbarov… İndi isə Xankəndi sınağı və qarşıda cavabı gözlənilən əsas sual: bu dəfə də onu sudan quru çıxarmaq mümkün olacaqmı və Elçin Yusubov öz karyerasını davam etdirə biləcəkmi?
Mətbuatda yayılan məlumatlara görə, Prezidentin Xankəndi şəhərində, Ağdərə və Xocalı rayonlarında xüsusi nümayəndəsi vəzifəsindən azad edilən Elçin Yusubovun bölgədəki fəaliyyəti ilə bağlı ciddi narazılıqlar yaranıb. Bəzi media subyektlərinin yaydığı xəbərlərdə sahibkarların çoxsaylı şikayətləri və yoxlamaların nəticələrinin qənaətbəxş olmaması onun vəzifədən getməsinin əsas səbəbləri sırasında göstərilir.
Görünür, Xankəndi Elçin müəllim üçün parlaq karyera yüksəlişinin növbəti pilləsi olmaq əvəzinə, büdrədiyi yerə çevrilib. Başqa sözlə, müxtəlif rəhbərliklər dövründə qoruyub saxladığı mövqeyini bu dəfə bölgədəki fəaliyyətinin yaratdığı suallar qarşısında itirmək təhlükəsi ilə üzləşib.
Fərhad Əliyevdən Mikayıl Cabbarovadək uzanan xətt
Yusubovun karyera tarixçəsi iqtisadiyyat sahəsinə rəhbərlik etmiş bir neçə nüfuzlu şəxsin adı ilə əlaqələndirilir. O, əvvəl Fərhad Əliyevin komandasında yer alan kadrlardan biri kimi tanınıb. Fərhad Əliyevin vəzifədən uzaqlaşdırılmasından sonra Kərəm Həsənovun komandasında də fəaliyyətini davam etdirib, daha sonra Mikayıl Cabbarovun sevimlilərindən birinə çevrilib.
Məmurun İqtisadiyyat Nazirliyində fəaliyyətə başlamazdan əvvəl Mərkəzi Univermaqda atasının yanında qızıl alveri ilə məşğul olduğu barədə də məlumatlar dolaşır. Deyilənə görə onu işə götürmək xahişini Fərhad Əliyevdən universitetdən müəllimi olan deputat Səyyad Aran xahiş edib. Yusubov çox tez bir zamanda çevikliyi və bacarığı ilə Fərhad Əliyevin diqqətini cəlb edib və bir müddət sonra Fərhad Əliyevin yaxın ətrafında mövqe tutub. Fərhad Əliyevin həbsindən sonra isə Elçin Yusubovu Kərəm Həsənov öz qanadları altına alıb. Kərəm Həsənovun nüfuz dairəsi daraldıqdan sonra isə Yusubov İqtisadiyyat naziri Mikayıl Cabbarovun komandasında möhkəmlənib və Cabbarovun inanılmış kadrlarından birinə çevrilib. Elçin Yusubov Mikayıl Cabbarov üçün o qədər inanılmış kadr olub ki, hətta nazir Xankəndi kimi strateji bir şəhərin idarəçiliyinə onun namizədliyini irəli sürüb.
Xankəndidə hansı hesablar qarışıb?
Əsl suallar isə Yusubovun xüsusi nümayəndə kimi fəaliyyət göstərdiyi dövrdən başlayır.
Mediada səsləndirilən iddialara görə, Xankəndidə söküntü işləri zamanı çıxarılan tikinti materiallarının, xüsusilə dəmirin satışından əldə olunan vəsaitin büdcədən yayındırılması ilə bağlı şübhələr yaranıb. Biz bu məlumatların nə qədər doğru olub-olmadığını deyə bilmərik, amma ortada belə iddialar var.
Bununla yanaşı, doğma torpaqlarına qayıdan sakinlərin işsizliklə bağlı şikayətləri, ticarət fəaliyyəti üçün Yusubova yaxın şəxslərə və tanışlarına əlverişli imkanlar yaradılması barədə narazılıqlar da gündəmə gətirilir.
Əgər bu iddialar təsdiqini tapsa, məsələ sadəcə bir məmurun vəzifədən çıxarılmasından ibarət olmayacaq. Söhbət azad edilmiş ərazilərdə iqtisadi imkanların kimlərə açılmasından, sahibkarlar arasında bərabər rəqabət şəraitindən və yurduna qayıdan insanların gözləntilərinin nə dərəcədə doğruldulmasından gedir.
Xankəndi kimi işğaldan yeni azad olunan və uzun illlər separatçıların mərkəzi kimi tanınan bir şəhərdə əsas vəzifə şəxsi çevrəyə imkan yaratmaq deyil, yenidən qurulan şəhərdə hamı üçün işlək iqtisadi mühit formalaşdırmaqdır. Elçin Yusubovun adı ətrafında yaranan mübahisələr də məhz bu baxımdan diqqət çəkir. Onun yol verdiyi səhvlər Xankəndi və ətrafının faktiki meri statutusunda olan biri üçün yolverilməz idi və buna görə də ölkə prezidenti tərəfindən vəzifədən alındı.
Mikayıl Cabbarov sevimli kadrını kənarda qoyacaqmı?
Bütün bunlara baxmayaraq, Yusubovun dövlət idarəçiliyindəki karyerasının başa çatdığı qənaətinə gəlmək hələ tezdir. Ola bilsin ki, Xankəndidəki vəzifədən getmək onun üçün son dayanacaq olmayacaq.
Etibarlı mənbələrdən əldə etdiyimiz məlumata görə, Mikayıl Cabbarov özünə yaxın kadrlardan biri hesab etdiyi Elçin Yusubovu işsiz qoymaq niyyətində deyil. İddialara əsasən, çoxqapılı sistemin açarını əlində saxlayan nazir onun üçün mühüm bir vəzifə barədə düşünür.
poliqon.info




Binaların arası zəbt olunur, pəncərələr divara dirənir! - "Qurtuluş 93" yaşayış kompleksində biabırçılıq...


Abşeron rayonu, Masazır qəsəbəsində yerləşən məşhur "Qurtuluş 93" yaşayış kompleksində qanunsuzluqlar baş alıb gedir. Kompleksin 78-ci binasında aparılan qeyri-qanuni tikinti işləri sakinlərin və ictimaiyyətin haqlı narazılığına səbəb olub.

Məsələ ilə bağlı redaksiyamıza daxil olan şikayət səs-küy yaradacaq ən dəhşətli detalları üzə çıxarıb. Gundemxebertv.com-un əməkdaşına verilən məlumatlara əsasən, kompleksdə baş verənlər həm tikinti normalarını, həm də sakinlərin təhlükəsizlik hüquqlarını kobud şəkildə pozur.

Yaşayış sahəsi qeyri-yaşayışa çevrilir

78-ci binanın birinci mərtəbəsində yerləşən yaşayış sahəsi təyinatına zidd olaraq dəyişdirilir.

Binanın arxa tərəfindəki pəncərələr çıxardılaraq qırağa, birbaşa binanın böyür hissəsindəki divara söykənib.

İki binanın arasındakı məsafə zəbt olunaraq yol daraldılıb. Bununla yanaşı, qanunsuz olaraq uzun pilləkənlər quraşdırılıb.

Məsul şəxslər hara baxır?

Sakinlər bildirirlər ki, baş verən bu özbaşınalıqlara "Qurtuluş"un rəhbəri Hacı (Hacıməcid müəllim) göz yumur. Yerli sakinlərin və ictimai fəalların sualı budur: "Məsul şəxs, məsuliyyət daşıyanlar hara baxır, nə işlə məşğuldurlar?"

Kompleksdə gedən bu qanunsuz tikinti dalğasının qarşısı alınmazsa, gələcəkdə burada daha ağır fəsadların yaranacağı istisna edilmir. Müvafiq qurumların dərhal Masazırdakı 78-ci binaya baxış keçirərək bu özbaşınalığa hüquqi qiymət verməsini tələb edirik!

Yaşayış binasında ZİRZƏMİ ALVERİ - BU NƏDİ BELƏ?


Sakinlər onlardan xəbərsiz yaşadıqları binanın zirzəmisinin özəlləşdirilməsinə narazılıq edirlər.
Belə ki, Faktinfo.az-a Nizami rayonu,Bəhruz Nuriyev 81/82 binadan verilən məlumatda bildirilir:"Yaşadığımız bina tərəfimizdən kooperativ əsaslarla inşa edilmişdir.Binada yaşayan sakinlərin ümumi razılığı olmadan binanın zirzəmi hissəsi kənar şəxs tərəfindən özəlləşdirilmişdir.Bundan sonradan xəbər tutmuşuq.Hüquq mühafizə orqanlarına şikayət edəcəyik.

Binada mənzili olmayan demək ki,kooperativin də üzvü deyil.Adam hansı paya sahibdi və yaxud hansı payı ödəyib ki,yaşadığımız binanın zirzəmi hissəsinə sahib çıxır.Bu qanunsuzluğa kim şərait yaradıb? Binaya aid zirzəminin özəlləşdirilməsi üçün ilkin sənədlər necə yığılıb,harada,hansı əsasla iclas çağrılıb,protokol tərtib olunub,sənədlərə kim möhür vurub,hüquqi tənzimləyici sənədlər necə əldə edilib bunlardan heç kimin xəbəri olmayıb."-məlumatda bildirilir.

Daha ətraflı mövzuya irəlləyən günlərdə qayıdacağıq.


FHN-in Baş İdarəsinin 30 min manatdan çox VERGİ BORCU VAR! - FOTO


Fövqəladə Hallar Nazirliyinin (FHN) tabeliyində olan dövlət qurumlarından birinin dövlət büdcəsinə vergi borcunun olduğu ortaya çıxıb.

32gun.az-ın əldə etdiyi məlumata görə, Azərbaycan Respublikası Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Təsisatdankənar Dövlət Ekspertiza Baş İdarəsi dövlət qarşısında yaranmış maliyyə-vergi öhdəliklərini vaxtında yerinə yetirməyib. Dövlət agentliyinin sözügedən Baş İdarəsinin hazırda dövlət büdcəsinə 30.290,75 AZN (30.2 min manatdan çox) məbləğində vergi borcu mövcuddur.
Xatırladaq ki, Azərbaycan Respublikasının Fövqəladə Hallar Naziri Kəmaləddin Heydərov, Tikintidə Təhlükəsizliyə Nəzarət Dövlət Agentliyinin rəhbəri Vüsal Ağayev, Təsisatdankənar Dövlət Ekspertiza Baş İdarəsinin rəisi isə Təyyar Hüseynlidir.

ŞOK! ŞOK! ŞOK! Dələduzluq yolu ilə 68 min manatı əlindən alınan ana fəryad edir - FOTOLAR


İmişli şəhəri, Dədə Qorqud küçəsi, ev 45 ünvanında yaşayan Yusubova Ceyran Həbib qızı "Gündəm Xəbər" qəzetinin redaksiyasına müraciət edərək, rayon sakini Gülməmmədova (Ağayeva) Ulduz İntiqam qızı tərəfindən böyük məbləğdə dələduzluğa məruz qaldığını bildirib.

İmişli Rayon Mərkəzi Xəstəxanasının doğum şöbəsində mama vəzifəsində çalışan və eyni zamanda fərdi tibbi xidmətlərlə dolanışığını təmin edən Ceyran Yusubovanın sözlərinə görə, Ulduz Gülməmmədova ilə tanışlığı 2020-ci ilin sonlarına təsadüf edir. Ulduzun ayağı amputasiya olunmuş qaynanası Rəfiqəyə tibbi xidmət göstərərkən aralarında səmimi münasibət yaranıb. Ceyran xanım Bakıda oğlu Alim üçün ev almaq arzusunda olduğunu bildirəndə, Ulduz ona "yardım etmək" adı ilə əvvəlcə lotereya oyununa qoşulmağı təklif edib.

Mənzil xəyalı, yalançı bonuslar və böyüyən tələ

Lotereya bəhanəsilə başlayan pul alverləri tezliklə daha böyük "şirkət yatırımı" təklifi ilə əvəzlənib. Ulduz Gülməmmədova guya fəaliyyət göstərən bir şirkətə 5000 manat yatırım etməklə qısa müddətdə böyük gəlir əldə olunacağını, 100 000 manatlıq həddə çatdıqda isə Bakı şəhərində 2 otaqlı mənzil, qızıl-zinət əşyaları və əlavə bonuslar veriləcəyini vəd edib. Şirkətin adı və fəaliyyət növü barədə sorğulara isə müxtəlif bəhanələrlə cavab verməkdən yayınsa da, Ceyran xanımı və ailəsini şirnikləndirməyi bacarıb.

Zərərçəkənin bildirdiyinə görə, 2021-ci ilin may ayından etibarən övladlarının da dəstəyi ilə (hətta oğlu Alimin "Mercedes-Benz" markalı avtomobilini sataraq və bankdan kredit götürərək) hissə-hissə Ulduz Gülməmmədovaya ümumilikdə 68 100 manat pul təhvil verilib. Pulla yanaşı, Ulduzun tələbi ilə ailə üzvlərinin (oğlu Alim, gəlini Fəridə və qızı Alimə) şəxsiyyət vəsiqələri də guya şirkətdə hesab açmaq üçün ona təqdim edilib.

Aldadıldığını yalnız 2023-cü ilin yanvar ayında başa düşən Ceyran Yusubova pulunu tələb etdikdə Ulduz müxtəlif bəhanələrlə vaxtı uzadıb. 2023-cü ilin noyabr ayında hazırda dünyasını dəyişmiş müstəntiq Elgünün vasitəsilə 7000 manat qaytarılsa da, qalan 61 100 manat mənimsənilmiş olaraq qalır.

Hüquq-mühafizə orqanlarının müəmmalı mövqeyi və müstəntiqlərin "karuseli"

Ceyran Yusubovanın gundemxebertv-yə şikayət məktubunda ən diqqətçəkən məqam yerli hüquq-mühafizə orqanlarının və vəkillərin nümayiş etdirdiyi mövqedir. Şikayətçi bildirir ki, təxminən 5 ilə yaxın müddətdə İmişli Rayon Prokurorluğu və Polis İdarəsinin müstəntiqləri arasında "əsir-yesir" qalıb:

Müstəntiqlər (Elgün, Samət Məmmədov, Tusi Məhərrəmov, Allahverdi) dəfələrlə cinayət işinin başlanmasının rədd edilməsi barədə qərarlar qəbul edib, rayon prokuroru Valeh Səmədov isə bu qərarları ləğv edərək işi yenidən araşdırmaya göndərib. Lakin hər dəfə proses eyni nəticə ilə yekunlaşıb.

Şikayətçinin dediyinə görə, izahatlar alınarkən təqdim edilən şahidlərin adları qəsdən qeydə alınmayıb.

Müstəntiq Tusi Məhərrəmov tərəfindən çağırılaraq Ulduzdan alınan 3000 manatın qaytarılması təklif edilsə də, pulun 500 manatının "xidmət haqqı" kimi saxlanılmaq istənməsi narazılığa səbəb olub. Oğlu Alimin DİN-in "102" xidmətinə müraciətindən sonra məsələ ört-basdır edilib və pulun aqibəti qaranlıq qalıb.

Şikayətçinin müdafiəsini quran vəkillər (Fəyyaz və Fazil İbrahimov) məsələnin həllinin onların gücü xaricində olduğunu etiraf edərək müqaviləni ləğv edib və ödənilən pulun bir hissəsini geri qaytarıblar.

Ali makiyaj, QHT pərdəsi və dövlət rəhbərliyinə müraciət

Araşdırmalar zamanı Ulduz Gülməmmədovanın İmişli şəhəri, H. Aslanov küçəsində gözəllik salonu işlətdiyi və gəlinlik geyimlərinin icarəsi ilə məşğul olduğu, eyni zamanda özünü "vəzifəli şəxslərin xanımlarının ustası" kimi təqdim edərək arxasında arxayınlıq yaratdığı ortaya çıxıb. Zərərçəkən ailənin araşdırması nəticəsində məlum olub ki, vəd edilən "şirkət" əslində bir Qeyri-Hökumət Təşkilatıdır (QHT). Hətta şikayətçi tərəfindən məsələ qaldırıldıqdan sonra Ulduzun tapşırığı ilə 8 saylı Ərazi Vergilər Baş İdarəsinə Ceyran Yusubova haqqında "sələmçi" olması barədə yalan şikayət də verilib, lakin izahatlar zamanı bunun böhtan olduğu sübuta yetirilib.

Ceyran Yusubova üzləşdiyi bu böyük haqsızlıq və hüquqi bürokratik maneələrlə bağlı Azərbaycan Respublikası Prezidentinin köməkçisi, Prezident Administrasiyasının Hüquq mühafizə orqanları ilə iş şöbəsinin müdiri cənab Fuad Ələsgərova, Azərbaycan Respublikasının Baş Prokuroru cənab Kamran Əliyevə, Daxili İşlər Naziri cənab Vilayət Eyvazova və Azərbaycan Respublikasının Vəkillər Kollegiyasına rəsmi müraciət ünvanlayıb.

Zərərçəkən ana ölkə rəhbərliyindən və hüquq-mühafizə orqanlarının rəhbərlərindən işin xüsusi nəzarətə götürülməsini, obyektiv təftiş aparılaraq Ulduz Gülməmmədovanın əməllərinə hüquqi qiymət verilməsini və dəymiş 61 100 manatlıq ziyanın ödənilməsini xahiş edir.(Gundemxebertv.com)

Yazıda adı çəklən şəxslərin hər birinin mövqeyini dinləməyə hazır olduğumuzu bildiririk. 

Ardı var...

Ceyranbatan sakinlərini “ölümü gözə almaq” həddinə çatdıranlar –FOTOSESSİYA


“AYNA”nın sədri gəlib 5 dəqiqə dursun olmayan dayanacaqda, avtobus gözləsin...Bəlkə onda minlərlə insanın dərdini anlaya.

Bu sətirlər Abşeron rayonu Ceyranbatan qəsəbəsinin bir qrup sakininin müxtəlif dövlət instansiyalarına ünvanladığı və bir surəti də, “Yenixeberorg.az”a daxil olmuş müraciətdə yer alır...

Aktuallığını nəzərə alıb, müraciəti olduğu kimi dərc edirik:

Hörmətli sədr, xatırladaq ki, toplam 15.000-ə yaxın (On beş min) əhalisi olan Abşeron rayonunun Ceyranbatan qəsəbəsinin tən ortasından Bakı-Rusiya magistral yolu keçir. Bundan əlavə Bakı və Sumqayıt kimi ölkənin iri şəhərlərinin arasında yerləşməsi...Bu faktorlarla qeyd etdiyimiz yolda təbii olaraq nəqliyyatın intensiv hərəkəti müşahidə edilir. Bakı və Sumqayıt istiqamətinə getməsindən asılı olaraq qəsəbə sakinlərinin yolun o üz-bu üz tərəfinə kütləvi keçidi olmalıdır və olur da. Mövcud bir piyada keçidi qəsəbənin böyüklüyü səbəbindən qətiyyən yetərli deyil...

Nəzərə alsaq ki, bu yolda müxtəlif markalı nəqliyyat vasitələrinin hərəkəti demək olar ki, günün bütün saatında səngimir, onda təhlükənin təsəvvürü asanlaşar. Az qala hər həftə bir avtoqəzanın şahidi oluruq. Təəssüf ki, bu avtoqəzalar əksər hallarda insan ölümləri ilə nəticələnir. Xüsusi ilə də, azyaşlıların və ahıl yaşlıların da bu yolu keçmək məcburiyyətində olduğunu nəzərə alsaq, vəziyyətin dramatikliyi aydın olar...Bu yol, daha doğrusu bu yolu keçmək “ölümü gözə almaq” həddinə çatıb. Dözülməz bir durumdayıq. Təsəvvür edirsiniz, söhbət paytaxtətrafı qəsəbədə insan faciəsinin yaşanmasından gedir...

Bu azmış kimi, ötən həftə bu yolun Sumqayıt istiqamətində sağ tərəfdəki (“OBA” marketin yaxınlığında) dayanacaq da söküldü. Qəsəbə Bələdiyyəsindən bildirdilər ki, “AYNA” söküb(?) Niyəsi isə heç cür başadüşülən deyil...Əcəb işdir: Bu camaat yayın istisində, yağışda, qarda nə etməlidir? Bu dərəcədə insanlara, insan taleyinə sayqısızlıq olarmı? “AYNA”nın sədri gəlib 5 dəqiqə dursun olmayan dayanacaqda, avtobus gözləsin...Bəlkə onda minlərlə insanın dərdini anlaya.

Hörmətli sədr, Sizdən artıq dərəcədə xahiş edirik ki, uşaqları və qocaları nəzərə alıb, bəhs etdiyimiz dövlət əhəmiyyətli magistralda müasir piyada keçidinin və naməlum səbəbdən “AYNA”nın söküb apardığı dayanacağın yerində yeni dayanacağın quraşdırılmasını təmin edəsiniz.

Ümüd edirik ki, sayənizdə digər instansiyalara müraciət etməyimizə ehtiyac qalmayacaq.

Redaksiyadan: Mövzunun aktuallığını nəzərə alıb, diqqətdə saxlayacağıq.








AQTA-nın buralardan XƏBƏRİ VARMI? - DİQQƏT... TƏHLÜKƏ!


""Azərduz" xörək duzu axır vaxtlar bu gündədir..." "Dia-az" xəbər verir ki, bunu özünün sosial şəbəkə hesabında paylaşan Nüşabə Allahverdiyeva adlı istifadəçi aşağıdakı fotoları paylaşaraq əlaqədar qurum və şəxsləri tədbir görməyə çağırır.

Narazı vətəndaş daha sonra bildirir:
"Duzun içindəki qum yeməkdə həll olunmur və xırçıldayır...

İki çay qaşığı duzu yarım stəkan suda həll elədim, dibinə belə bir qum çökdü, sarı yumrular daş kimidir.

Bunu hara şikayət eləmək olar?"

Qeyd edək ki, məsələ ilə bağlı Qida Təhlükəsizliyi Agentliyinə (AQTA) müraciət olunub.

Botanika İnstitutu abadlaşdırma işlərini vergi borcu olan şirkətə həvalə etdi - DETALLAR


Elm və Təhsil Nazirliyinin strukturuna daxil olan qurumlardan biri abadlaşdırma və yaşıllaşdırma işləri ilə bağlı növbəti satınalma müsəbəsinə yekun vurub.

32gun.az-ın verdiyi məlumata görə, "Botanika İnstitutu" Publik Hüquqi Şəxsi abadlaşdırma xidmətinin satın alınması məqsədilə "Yaşıl Vadi-RMP" Məhdud Məsuliyyətli Cəmiyyəti ilə müqavilə bağlayıb.

Tərəflər arasında bağlanmış satınalma müqaviləsinin ümumi maliyyə dəyəri 22.703,2 AZN (22.7 min manat) təşkil edir.
80 hektar sahənin şumlanması, damcılı suvarma və gartenziyalar

Müqavilənin şərtlərinə və texniki tələblərə əsasən, ayrılan vəsait hesabına İnstitutun Bakıətrafı və regionlardakı dayaq məntəqələrində müxtəlif təyinatlı kənd təsərrüfatı və abadlıq işləri həyata keçiriləcək.

Görüləcək işlər sırasına İnstitutun həyətyanı sahəsinə minimum 30 sm hündürlüklü gartenziya güllərinin (50 ədəd) əkilməsi, Kürdəmir rayonunun Karrar dayaq məntəqəsinin 80 hektar əkin sahəsinin traktorla şumlanması və 2 dəfə malalanması, Abşeron rayonunun Saray qəsəbəsində yerləşən dayaq məntəqəsinin 2 hektar ərazisinə damcılı suvarma sisteminin qurulması, əraziyə yanmış peyinin daşınıb verilməsi (120 kubmetr), minimum 0.4 metr hündürlükdə qarışıq qızılgül kollarının (350 ədəd) və 1 metr hündürlükdə Eldar şamlarının (250 ədəd) alınıb əkilməsi, eləcə də 1 hektar ərazinin sinklənmiş metal torla hasarlanması daxildir.

20 manatlıq kapital və vergi borcu

32gun.az-ın əldə etdiyi digər əsas məlumata görə, qalib şirkətin dövlət büdcəsinə 13.258 AZN məbləğində vergi borcu mövcuddur.

Hüquqi ünvanı Bakı şəhəri, Yasamal rayonu, Mirzəğa Əliyev küçəsi, ev 4, dalan 6 ünvanında yerləşən "Yaşıl Vadi-RMP" MMC-nin nizamnamə kapitalı cəmi 20 AZN, qanuni təmsilçisi isə Rüfət Axundov Arif oğludur.

Xatırladaq ki, Azərbaycan Respublikası Elm və Təhsil Nazirliyi Botanika İnstitutu Publik Hüquqi Şəxsinin rəhbəri baş direktor, biologiya elmləri doktoru, professor Səyyarə Cəmşid qızı İbadullayevadır.


Xəbər lenti

Ağdaşda Heydər Əliyev prospekti bərbad vəziyyətdədir - FOTOLAR
16:21
Vüsal Nəsirli "işə başladı" - Asfalt qırıntıları sərnişinlərin üzərinə töküldü - VİDEO
15:41
Səhiyyə Nazirliyində rəhbərlik dəyişdi, “partnyor”la isə yox
14:50
Abşeron Rayon Mərkəzi Xəstəxanasında qalmaqal! - MÜRACİƏT
13:11
Xəzər rayonunda narazılıq yaradan TİKİNTİ - Yoldaş Salahovun ÇƏTİRİ ALTINDA...
11:56
«Dantera Klinikası»nda müştərini dişsiz qoydular… - BU NƏDİ BELƏ?
11:18
“İcazəm olmadan digər orqanlarım da götürülüb” - Vitamed Hospitalda əməliyyat olunan xəstə şikayət edir
10:16
İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub
09:37
Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb
18:01
Nizami rayonunda nə NİZAM VAR... nə də İNTİZAM... - GİLEY
17:43
“Müğənnilərə qoyulan efir qadağası davam etməlidir – Televiziya və cəmiyyətdə çox şey dəyişdi!”
17:11
"SOCAR rəhbərliyi Nüsrət Əliyevi institutumuzu dağıtmaq üçün direktor göndərib?" - "Neftqazelmitədqiqatlayihə"nin ÖZ GÜLÜMSƏROVU VAR İMİŞ...
16:52
“İrşad Electronics” bir nəfərə verdiyi 2-3 kreditə görə MƏHKƏMƏDƏ - TƏFƏRRÜAT
16:32
İcra başçısının birinci müavini ilə bağlı 2 milyonluq qalmaqal: Prokurorluq araşdıracaq
15:51
“Kubinka”da 300 milyonluq dəhşətli sxem: Əsabil Qasımovun adamları dövlətin 3 milyon vergisini necə uddu? - ŞOK iddialar
14:56
Hökməli bələdiyyəsinin sədri şəhidin qan pulunu alıb? – ŞOK İDDİA!
14:24
Zərgərlik dükanı kimi idarə edilən UNİVERSİTET - Ölkənin ana təhsil ocağı da belə rüsvay oldu...
12:47
Badamdarda tikinti sahəsində təhlükəsizlik qaydalarına niyə əməl olunmur? -FOTO+VİDEO
12:02