AQTA-nın ŞADLIQ EVLƏRİ BİZNESİ... - Zəhərlənən hələ çox olacaq...


Azərbaycan toylarında qidadan zəhərlənmə, keyfiyyətsiz yeməklər verilməsi, mənşəyi bilinməyən, iylənmiş ətdən təamlar hazırlanması halları artmaqdadır.

Anaxeber.com.az məlumat verir ki, bu yaxınlarda "Çıraq Palace” şadlıq sarayında iylənmiş ətdən yemək verilməsi faktı aşkarlanıb. Azərbaycan Qida Təhlükəsizliyi Agentliyi (AQTA) tərəfindən plandankənar yoxlama keçirilib.

AQTA həmçinin 1 oktyabr 2026-cı ildə “Qızıl Saray” şadlıq evində istehlaka yararsız ət məhsulları aşkarladığını açıqlayıb.

Xoşbəxtlikdən hər iki şadlıq evində mərasimdə zəhərlənən olmayıb.

Lakin oktyabrın 31-də "Qızıl qaya" şadlıq evində baş tutan məclisdə 5 qadın zəhərlənmə faktı ilə bağlı xəstəxanaya yerləşdirilib. Bundan əlavə, Kürdəmirdə "Günəş" şadlıq evində oxşar hadisə olub.

Bu faktlar toylarda verilən qidaların təhlükəsizliyi ilə bağlı artıq həyəcan təbili çalmağa əsas yaradır. Çünki vətəndaşlar bundan daha pis təhlükə ilə üzləşə, hətta ölüm faktına səbəb ola bilər. Məsələ burasındadır ki, AQTA hadisə baş verdikdən sonra araşdırma aparır. Halbuki iş başa gələndən sonra restoranın verdiyi qidaların keyfiyyətini laboratoriyada yoxlamaq keçmişdir. Yəni vətəndaş zəhərlənir, sonra AQTA səbəbləri araşdırır.

Əslində qurumun işi şadlıq saraylarında, restoranlarda qidaların keyfiyyəti və təhlükəsizliyi ilə bağlı əvvəlcədən araşdırma aparmaq olmalıdır. Sonradan atılan daş necə deyərlər, topuğa dəyər. Yəni AQTA şadlıq evlərində məclislərdən öncə qidaların mənşəyini, təzəliyini yoxlamalıdır. Bunun üçün qurumun kifayət qədər səlahiyyəti, potensialı və resursu var. Belə desək, agentliyin əməkdaşları Bakının müxtəlif rayonları üzrə şadlıq saraylarına təhkim oluna bilər. Tutaq ki, Nizami rayonunda bir gündə 10-12 şadlıq sarayında toy ola bilər, səhər saatlarında AQTA əməkdaşları yoxlamalar apara bilər. Həmçinin, Binəqədi, Xətai və s. rayonlarda yenə də agentliyin ərazi üzrə əməkdaşları restoranlara cəlb olunarsa, bu kimi təhlükəli halların qarşısı qabaqcadan alına bilər.

Amma AQTA işinə nədənsə laqeyd yanaşır. Hərçənd öncədən araşdırma aparılması vacibdir. Son həftələr baş verənlər də bunu deməyə əsas verir. Agentliyin nə üçün şadlıq saraylarında qida təhlükəsizliyinə səhlənkar yanaşdığı bizə bəlli deyil. Burada hansı maraqların olduğunu söyləmək də çətindir. Fəqət faktdır ki, AQTA şadlıq saraylarında zəhərlənmə olmasını gözləyir, sonra araşdırmalara başlayır.
Əgər AQTA qida təhlükəsizliyinə nəzarət edirsə, belə hadisələrin qarşısını niyə ala bilmir? O deməkdir ki, öncədən heç bir yoxlama aparılmır, şadlıq evlərinin aldığı ət və digər məhsulların mənşəyi, keyfiyyəti yoxlanılmır. Bu da yüzlərlə vətəndaşın həyatını təhlükəyə atmaqdır.

Mütəxəssislər də o qənaətdədir ki, şadlıq saraylarında ciddi sanitariya pozuntuları varsa, bunlar toy keçiriləndən və insanlar zəhərlənəndən sonra deyil, əvvəl aşkarlanmalıdır.

Restoran üçün cərimə ödəmək, fəaliyyətini dayandırmaqdan daha sərfəli olarsa, bu, qanun pozuntularının qarşısını almağa yetməyə bilər. Burada cərimələrin məbləği və təkrar pozuntulara görə tətbiq edilən tədbirlər əhəmiyyətlidir.
AQTA-nın əsas vəzifəsi zəhərlənmə baş verəndən sonra araşdırma aparmaq deyil, mümkün qədər onun qarşısını almaqdır.
Əgər eyni tipli pozuntular müxtəlif şadlıq saraylarında təkrar-təkrar aşkarlanırsa, bu, nəzarət sisteminin effektivliyi barədə əsaslı suallar yaradır.

Bu məsələdə rüşvət və korrupsiya marağının olması ehtimalını istisna etmək olmaz. Lakin əsas reallıq odur ki, AQTA-nın işi sonradan araşdırma aparmaq deyil, əvvəldən təhlükəni aşkara çıxarmaqdır. Qoşqar Təhməzlinin sədri olduğu agentlik isə obrazlı desək, xəstəliyi aşkarlayıb müalicə etməyi yox, xəstə koma vəziyyətinə düşəndə hadisə yerinə gəlməyi üstün tutur...

Axı AQTA təcili tibbi yardım xidməti deyil?!

Anaxeber.com.az

Kürdəmir xəstəxanasının əməkdaşı 125 min manatlıq mənimsəmədə ittiham edilir - TƏFƏRRÜAT


Kürdəmir Rayon Mərkəzi Xəstəxanasının əməkdaşı külli miqdarda mənimsəmədə ittiham edilir.


APA-nın əldə etdiyi məlumata görə, “Kürdəmir Rayon Mərkəzi Xəstəxanası” Publik Hüquqi Şəxsdə Maliyyə şöbəsinin Hesabatlıq bölməsinin hesabatlıq üzrə mütəxəssisi Vüqar Hüseynova Cinayət Məcəlləsinin 179.3.2, 308.2, 313-cü maddələri ilə ittiham irəli sürülüb.


İttihama görə, təqsirləndirilən Vüqar Hüseynov işlədiyi dövr ərzində 125 min manatdan çox vəsaiti mənimsəyib.


Onun istintaq dövründə ziyanın 45 min manatını ödədiyi bildirilir.


İstintaq dövründə onun barəsində “polis nəzarəti altına vermə” qətimkan tədbiri seçilib.


İş üzrə zərərçəkmiş şəxs qismində TƏBİB tanınıb.

Gecə saat 2-də marketi ağır texnika ilə dağıtdılar – Ordubadlı sahibkar nazirə üz tutdu! (VİDEO)


Naxçıvan Muxtar Respublikasının Ordubad rayonunun Vənənd kəndində gecə saatlarında baş verən hadisə sahibkarın ciddi narazılığına səbəb olub. Belə ki, noyabrın 1-də saat 02:00 radələrində sahibkara məxsus marketin qarşısındakı ərazi ağır texnikanın köməyi ilə sökülərək yararsız vəziyyətə salınıb.

Redaksıyamıza müraciət edən Elxan Hacıyev bildirir ki, ona məxsus market obyekti uzun illərdir rəsmi sənədlər əsasında fəaliyyət göstərir. Obyektin qarşısında yerləşən əraziyə dair də müvafiq sənədlərin mövcud olduğunu bildirən sahibkar baş verənlərin qanunsuz olduğunu vurğulayır.

Elxan Hacıyevin sözlərinə görə, hadisə noyabrın 1-də gecə saat 02:00 radələrində Vənənd kəndinin icra nümayəndəsi Yaqut Babayevlə birgə hərəkət edən vəzifəli şəxs Orxan Qafarovun iştirakı ilə baş verib. Nəticədə marketin qarşısındakı ərazi ağır texnika vasitəsilə demək olar ki, darmadağın edilib.

Sahibkarın sözlərinə görə, hadisə bununla da yekunlaşmayıb. O, yüksək vəzifəli şəxslərlə qohumluq əlaqəsi olan bəzi şəxslər tərəfindən hədə-qorxu ilə üzləşdiyini də bildirir.

Elxan Hacıyev baş verənlərə görə “Su Səsi” restoranının sahibi Sərxan Qafarovu və onun vəzifəli qardaşı Orxan Qafarovu məsul hesab edir. Onun bildirdiyinə görə, həmin şəxslərin marketin yaxınlığında obyektləri yerləşir və ticarət fəaliyyətlərinin genişləndirilməsi ilə bağlı baş verənlərdə onların marağı var.

Sahibkar yaranmış vəziyyətlə bağlı Naxçıvanın daxili işlər naziri Süleyman Neymətova və digər hüquq-mühafizə orqanlarının rəhbərlərinə müraciət edərək hadisənin hərtərəfli araşdırılmasını, qanuni hüquqlarının bərpa olunmasını və məsul şəxslər barəsində qanunamüvafiq tədbirlər görülməsini xahiş edir.

Elxan Hacıyev aidiyyəti qurumların məsələyə dərhal müdaxilə etməsini və sahibkar kimi hüquqlarının qorunmasını gözləyir.

REAL AZƏRBAYCAN

VİDEO BURADA: https://www.facebook.com/watch/?v=955522007328296

SEPAH: Hörmüz boğazında dörd tanker minaya düşüb


Hörmüz boğazı yaxınlığında azı dörd tanker minaya düşüb.


Bu barədə İranın "Tasnim" agentliyi İslam İnqilabı Keşikçiləri Korpusuna (SEPAH) istinadən xəbər verib.


"Hörmüz boğazının cənubundakı qadağan olunmuş ərazidən keçməyə çalışan dörd pozucu tanker dəniz minalarına düşüb və məhv edilib; hazırda onlar alov içindədir. Daha iki pozucu gəmi ələ keçirilib və dayandırılıb", - məlumatda deyilir.


Hərbçilər həmçinin SEPAH-ın hava hücumundan müdafiə qüvvələrinin Hörmüz boğazı üzərində 56-cı MQ9 pilotsuz uçuş aparatını vurduğunu bildiriblər.


Paylaşımda vurulan pilotsuz uçuş aparatının hansı ölkəyə məxsus olduğu dəqiqləşdirilməyib.

Xəbər lenti

Ağdaşda Heydər Əliyev prospekti bərbad vəziyyətdədir - FOTOLAR
16:21
Vüsal Nəsirli "işə başladı" - Asfalt qırıntıları sərnişinlərin üzərinə töküldü - VİDEO
15:41
Səhiyyə Nazirliyində rəhbərlik dəyişdi, “partnyor”la isə yox
14:50
Abşeron Rayon Mərkəzi Xəstəxanasında qalmaqal! - MÜRACİƏT
13:11
Xəzər rayonunda narazılıq yaradan TİKİNTİ - Yoldaş Salahovun ÇƏTİRİ ALTINDA...
11:56
«Dantera Klinikası»nda müştərini dişsiz qoydular… - BU NƏDİ BELƏ?
11:18
“İcazəm olmadan digər orqanlarım da götürülüb” - Vitamed Hospitalda əməliyyat olunan xəstə şikayət edir
10:16
İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub
09:37
Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb
18:01
Nizami rayonunda nə NİZAM VAR... nə də İNTİZAM... - GİLEY
17:43
“Müğənnilərə qoyulan efir qadağası davam etməlidir – Televiziya və cəmiyyətdə çox şey dəyişdi!”
17:11
"SOCAR rəhbərliyi Nüsrət Əliyevi institutumuzu dağıtmaq üçün direktor göndərib?" - "Neftqazelmitədqiqatlayihə"nin ÖZ GÜLÜMSƏROVU VAR İMİŞ...
16:52
“İrşad Electronics” bir nəfərə verdiyi 2-3 kreditə görə MƏHKƏMƏDƏ - TƏFƏRRÜAT
16:32
İcra başçısının birinci müavini ilə bağlı 2 milyonluq qalmaqal: Prokurorluq araşdıracaq
15:51
“Kubinka”da 300 milyonluq dəhşətli sxem: Əsabil Qasımovun adamları dövlətin 3 milyon vergisini necə uddu? - ŞOK iddialar
14:56
Hökməli bələdiyyəsinin sədri şəhidin qan pulunu alıb? – ŞOK İDDİA!
14:24
Zərgərlik dükanı kimi idarə edilən UNİVERSİTET - Ölkənin ana təhsil ocağı da belə rüsvay oldu...
12:47
Badamdarda tikinti sahəsində təhlükəsizlik qaydalarına niyə əməl olunmur? -FOTO+VİDEO
12:02