Prezident İlham Əliyev "Əməliyyat-axtarış tədbirlərinin həyata keçirilməsində əməliyyat-axtarış subyektlərinin səlahiyyət bölgüsü haqqında" ölkə Prezidentinin 19 iyun 2001-ci il tarixli fərmanında dəyişiklik edib.

Bununla bağlı dövlət başçısı yeni fərman imzalayıb.

Fərmana əsasən, bundan sonra iqtisadi sahədə mütəşəkkil cinayətkarlığa qarşı mübarizə ilə bağlı öz səlahiyyətləri çərçivəsində binaların, o cümlədən yaşayış yerlərinin, hasarlanmış tikinti obyektlərinin, qurğuların, torpaq sahələrinin, nəqliyyat vasitələrinin və digər obyektlərin müşahidəsini İqtisadiyyat Nazirliyi yanında Dövlət Vergi Xidməti ilə yanaşı Dövlət Gömrük Komitəsi də həyata keçirəcək.

Gülsüm Əliyeva adlı şəxsin həkim olmadan tibbi prosedurlar həyata keçirdiyi iddia olunur.


Bu barədə jurnalist Qənirə Ataş instaqram hesabında paylaşım edib.


Belə ki, paylaşılan videoda qadının klinik şəraitdə, tibbi formada və əlcəkdə müxtəlif müdaxilələr etdiyi görünür.


İddialara görə, həmin şəxsin tibbi təhsili yoxdur və o, əvvəllər Respublika Xəstəxanasında baş həkimin katibəsi kimi çalışıb.


Bildirilib ki, onun katibəlikdən özünü “cərrahiyəyə transfer etdiyi” iddia edilir.(sfera.az)

Naxçıvan şəhər 1 nömrəli orta məktəbinin 5-ci sinif şagirdinin məktəb yoldaşlarına bıqaçla hücum etdiyi bildirilir. Müəllimlərin müdaxiləsindən sonra şagird zərərsizləşdirilib, xəsarət baş verməyib.

Hücum edən şagirdin məktəbin dikertoru Asudə Məmmədovanın qohumu olduğu deyilir.

Yerli Təhsil Nazirliyi və məktəb rəhbərliyinin hadisəni gizlətməyə çalışdığı iddia edilir.

Lakin hücuma məruz qalan uşaqlardan birinin valideyninin polisə müraciətindən sonra araşdırmaya başlanıldığı bildirilir.

Bu barədə “Gündəlik Naxçıvan”a məktəbin bir qrup müəllimi məlumat verib. Müəllimlərin sözlərinə görə, hadisənin gizli saxlanılması ilə bağlı onlara da ciddi tapşırıq verilib:

“Biz bu məsələnin ictimailəşdirilməsini özümüzə borc sayırıq. Bu məktəbdə baş verən çox təhlükəli hadisədir və hər birimizin uşağı belə hücumların qurbanı ola bilər.

Nazirlik və məktəb rəhbərliyi tədbir görmək əvəzinə hadisəni ört-basdır edir. Belə bir hadisə ötən il də məktəblərin birində baş vermişdi. O vaxt gizlədilməsəydi, tədbir görülsəydi, bu günkü hadisə də baş verməzdi.

Hadisə aprelin 16-da baş verib. Səs-küy eşidib koridora çıxdıq və gördük ki, direktorun qohumu olan şagird bıçaqla digərlərinə hücum edir. Cəld müdaxilə edib bıçağı əlindən aldıq və onu zərərsizləşdirdik. Əks halda xəsarət, hətta ölüm də baş verə bilərdi. Təsəvvür edin ki, bizim xəbərimiz olmasaydı, nə baş verərdi.

Asudə xanım hadisədən xəbər tutan kimi hamını toplayıb dedi ki, məsələni özü valideynlərlə danışaraq həll edəcək. Bu barədə kənarda danışanları isə polislə hədələdi.”

Müəllimlərin dediyinə görə, valideynlərdən biri direktorla razılaşmayıb və polisə müraciət edib:

“Valideyn sakit şəkildə gəlib məsələni araşdırırdı və uşağının üstünə bıçaq çəkən şagirdlə danışmaq istəyirdi. Məsələ dalana dirənəndə polisə müraciət edəcəyini dedi. Bunu görən Asudə xanım ətrafındakıları toplayaraq ona təzyiq göstərməyə başladı ki, günahı onun üzərinə yıxsın. Lakin, qazi olan valideyn geri çəkilməyəcəyini bildirdi. Valideyn nazirliyə müraciət etsə də, nazirlikdə direktorun tərəfini saxladılar.

Valideyn məcbur olub polisə müraciət etdi. Onun müraciətindən sonra məsələnin araşdırılmasına başlanılıb. Hazırda uşaqlardan və müəllimlərdən izahatlar alınır.”

“Gündəlik Naxçıvan”

“Massimo Group MMC” şirkətinin rəhbəri, türkiyəli iş adamı Necib Köse Ağsaqqallar Şurasının sədr müavini Bayram Yusifovdan şikayətçidir.

N.Köse bu barədə şirkətin sosial şəbəkə hesablarında video paylaşaraq, Bayram Yusifovun ona külli miqdarda bocunun olduğunu bildirib.

Məsələni ətraflı araşdırmaq üçün “Sitat.info” olaraq iş adamı ilə əlaqə saxlayıb.

Türkiyəli iş adamı bildirdi ki, şura sədri Şıxovda 25 milyon manat dəyərində olan villası üçün “Massimo” şirkətindən mebel sifariş edib. Şirkət bir neçə otaqdan ibarət villanın bütün otaqlarını mebellə təchiz edib.

Ödəniş məsələsinə gəldikdə isə Bayram Yusifov pulu ödəməkdən boyun qaçırıb. Mebellər yerləşdirildikdən sonra Bayram Yusifov vəzifə səlahiyyətlərindən istifadə edərək müxtəlif bəhanələr gətirib.

İş adamı 8 aydır pulunu ala bilmədiyini deyir. Konkret məbləğ açıqlamasa da, şirkət rəhbərinin danışıqlarından gəldiyimiz qənaət bu borcun 250- 300 min AZN civarında olduğunu deməyə əsas verir. Bayram Yusifovun şirkətə vurduğu ziyan bu rəqəmlə yekunlaşmır.

Bu qalmaqal şirkətin imicinə çox zərbə vurub. Onlarla işləyən müştərilərdə qorxu və inamsızlıq yaradıb, sifarişlər geri çəkilib. İş adamı məsələ ilə bağlı hüquq-mühafizə orqanlarına müracilət edib. Hazırda iş məhkəmədədir.

Qeyd edək ki, bu barədə şirkətin qanuni sənədləri, tərəflər arasında bağlanmış müqavilə də mövcuddur.

Məsələ ilə bağlı Ağsaqqalla Şurasnın sədri, millət vəkili Eldar Quliyevlə əlaqə saxlamağa çalışsaq da, zənglərimiz cavabsız qaldı.(Sitat.info)

Qarşı tərəfin də mövqeyini dərc etməyə hazırıq.

Türkiyəli iş adamının çıxışını təqdim edir:

VİDEO LİNKDƏ: https://xalq.online/bayram-yusifovun-25-milyonluq-villasini-mebelle-techiz-etmisik-pulunu-vermir

AzerGold” Sədrinin “Qızıl” Oğlu: Şübhəli Tenderlər, Bahalı Avtomobillər və Qohumlar Şəbəkəsi
Bir neçə gün öncə “Azərbaycan Qolf Federasiyası” İctimai Birliyinin ümumi yığıncağı keçirilib və Rauf Xəlilov növbəti 4 il müddətinə federasiyanın prezidenti seçilib. Yığıncaqda federasiya rəhbərliyinə seçkilər də keçirilib.

Səsvermənin nəticələrinə əsasən, “AzerGold” QSC-nin sədri olan Zakir İbrahimov və Anar Əzimov federasiyada vitse-prezidentləri, Kamran Qasımov, Zaur İbrahimov (Zakir İbrahimovun oğlu) və Kamal İbrahimov isə İdarə Heyətinin üzvləri seçiliblər. Nəzarət-Təftiş Komissiyasına da seçkilər keçirilib. Afaq Zeynalova sədr, Nigar İbrahimova və Səmayə Rəsulzadə isə üzv seçiliblər.

Bu təyinatlar fonunda “AzerGold” QSC-nin sədri Zakir İbrahimovun oğlu Zaur İbrahimovun adı ətrafında yayılan iddialar yenidən gündəmin mərkəzinə gəlib (1xeber.media).

Daha ətraflı aşağıdakı videoda:

VİDEO LİNKDƏ: https://xalq.online/ata-tender-kecirir-ogul-qazanir-azergold-sedrinin-qizil-oglu

K.Y.Fərəcova adına Elmi-Tədqiqat Pediatriya İnstitutunda pul almaq üçün uşağı iki dəfə əməliyyat etdilər

Bunu A.X adlı vətəndaş yazaraq aidiyyatı orqanlara xəstəxanada baş alan özbaşınalığa etiraz edir.

Xalq-a müraciət edən vətəndaş bilidirir ki, 40 günlük körpəsini ağır vəziyyətdə K.Y.Fərəcova adına Elmi-Tədqiqat Pediatriya İnstitutu çatdırıblar. Uşaq təcili əməliyyata alınıb. Lakin olanlar bundan sonra başlayıb. Vətəndaş bildirir ki, əməliyyatdan çıxdıqdan sonra bizdən pul tələb etdilər bildirdilər ki, özəldə belə əməliyyatlar 1000-1500 manatdır amma siz 600 manat verməlisiz məcbur olub pulu verdik. Həmçinin tibb bacılarıda pul istəyirdilər.

Daha sonra uşağın vəziyyəti getdikcə pisləşdi təkrarərn əməliyyata aldılar və ikinci dəfə 40 günlük körpəyə narkoz verildi.

Buna səbəb göstərdilər ki uşaq ağalayıb qarnı şışıb. Biz tibbdən anlayışımız olmadığı üçün heçnə başa düşmədik.

Təkrarən pul tələb etdilər. Elmi-Tədqiqat Pediatriya İnstitutu rəhbərinə müraciət etdikdə niyə pul verməliyik desəkdə heç bir tədbir görülmədi.

Uşaq xəstəxanada əməliyyatdan sonra hər növbəyə gələn həkim, tibb personal uşağa baxmaqdan ötrü yemek verilməsi üçün pul verirdik.

Pul vermədiyimiz tibb işçilərnin kəskin münasibəti yaradırdılar və uşağa baxmırdılar. Biz çətinliklədə olsa qohumlardan pulu borca tapıb verdik, lakin orada rayondan gələn valideynlər var idi ki əlacsız qalmışdılar.

Şikayətimizə baxılmadı A.X adlı vətəndaş bildirir ki, bunu aidiyyatı qurumlar araşdırsın ki xəstə uşaqların valideynlərində əməliyyat və müalicə üçün pul tələb olunmasın.

K.Y.Fərəcova adına Elmi-Tədqiqat Pediatriya İnstitutunun direktoru Aynur Poluxovadır.

Məsələ ilə bağlı K.Y.Fərəcova adına Elmi-Tədqiqat Pediatriya İnstitutundan heç bir açıqlama almaq mümkün olmadı(Xalq.online)

Aidiyyatı qurumlarında fikirlərini dərc etməyə hazırıq.

Lənkəran rayon Mərkəzi Xəstəxanası tərəfindən bir mənbədən satınalma metodu tətbiq edilməklə “Azercell Telekom” Məhdud Məsuliyyətli Cəmiyyəti ilə telekommunikasiya xidmətləri üzrə 1.440 manat məbləğində satınalma müqaviləsi bağlanılıb.

Bizimesr.com yazır ki, məlumat satınalmaların portalında 11.04.2026-cı ildə dərc edilib. Lənkəran rayon Mərkəzi Xəstəxanası telekommunikasiya xidmətləri üzrə bir satınalma müqaviləsi də “Aztelekom” MMC ilə 31.01.2026-cı ildə bağlayıb. Bu müqavilənin dəyəri isə 32.040 manat təşkil edib.

Yəni Lənkəran rayon Mərkəzi Xəstəxanası yalnız 2026 ildə telekommunikasiya xidmətinə dair bir mənbədən satınalma metodu tətbiq etməklə 2 satınalma müaviləsi bağlayıb. Bunun ümumi dəyəri 33 480 28 manat təşkil edib.

Buradan sual yaranır – Lənkəran rayon Mərkəzi Xəstəxanasının istifadəsində nə qədər sabit şəbəkə telefonları var ki, il ərzindəyə istifadəyə görə 32 min manatdan çox vəsait ayrılır?

Qeyd edək ki, “Lənkəran rayon Mərkəzi Xəstəxanası” publik hüquqi şəxsin direktoru Məmmədova Nuridə Rafiq qızıdır. O, daşıdığı vəzifəyə 2025-ci ilin avqustunda TƏBİB-in sabiq icraçı direktoru Vuqar Qurbanovun əmri ilə təyin edilib. Nuridə Məmmədova ondan əvvəl Lənkəran Regional Perinatal Mərkəzin direktoru olub.

Bizimesr.com

Vətəndaşın Bolmartdan aldığı dondurma kifli çıxıb. Halbuki məhsulun istifadə müddəti başa çatmayıb.

“Müştəriyəm şikayətim var” sosial qrupunda Çinarə Əliyeva adlı vətəndaş paylaşım edərək Bolmartdan 18 manata aldığı dondurma kifli çıxdığı barədə şərh yazıb: O qeyd edib ki, “Bolmartdan magnum mini badem morojnasi aldim, ichinnen kif dolu morojna chixdi,( morojnanin ozunun qiymeti 18 azn)” deyə qeyd edib.

Qida mütəxəssisinin sözlərinə görə, ərzaq məhsullarına qatılan qoruyucu maddələrə rəğmən, yenə də məhsul kiflənirsə, deməli, istehsal yerində natəmiz və antisanitar şərait mövcuddur. Vətəndaşlar da belə hallarla tez-tez rastlaşdıqlarını deyirlər

Qida Təhlükəsizliyi Agentliyinə sorğu verilib. (Bizimesr.az)

Şikayətlə bağlı “Bolmart”ın açqılamsını dərc etməyə hazırıq.

Bakıda fəaliyyət göstərən Flyblast Travel Agency ilə bağlı ortaya çıxan məlumatlar ciddi qalmaqala səbəb olub. İddialara görə, şirkətin rəhbəri kimi təqdim olunan Rövşən Abdullayevin adı bir sıra ağır qanun pozuntularında hallanır.

AzFakt.com xəbər verir ki, sosial şəbəkələrdə vətəndaşların şikayətlərində qeyd olunur ki, Flyblast Travel Agency ilə müqavilə bağlayan şəxslər aylarla hətta illərlə süründürməçiliyə məruz qalır, proseslər süni şəkildə uzadılır və nəticədə bir çox hallarda viza alınmır. Bu isə ödəniş edilmiş xidmətin faktiki göstərilməməsi kimi qiymətləndirilir.

Daha da ciddi iddialara görə, ödənişini geri tələb edən vətəndaşlara qarşı təzyiq və hədə-qorxu elementlərinin tətbiq olunduğu, müxtəlif bəhanələrlə pulların geri qaytarılmadığı bildirilir. Bu kimi hallar artıq sadə xidmət narazılığından çıxaraq daha ağır hüquqi müstəviyə keçir.

Bəzi şikayətçilər isə daha ağır iddialar səsləndirir. Onların sözlərinə görə, bəzi hallarda xarici pasportlara vurulan vizaların saxta olması ehtimalı mövcuddur. Bu istiqamətdə araşdırmaların davam etdiyi qeyd olunur və məsələ xüsusilə ciddi nəzarət tələb edir.

Maliyyə məsələləri də ayrıca suallar doğurur. Bildirilir ki, Rövşən Abdullayevin adı hallanan Flyblast Travel Agency müştərilərdən ödənişləri nağd şəkildə qəbul edir, lakin qanunun tələbinə baxmayaraq fiskal çek təqdim etmir. Yalnız kağız qaimə verilməsi isə nağd dövriyyənin gizlədilməsi və vergidən yayınma ehtimallarını gündəmə gətirir.

Şirkətlə bağlı digər iddialar isə əmək münasibətlərinə aiddir. Qeyd olunur ki, müəssisədə təxminən 15-ə yaxın işçi çalışsa da, onların yalnız az bir hissəsi rəsmi qeydiyyatdadır. Qalan şəxslərin qeyri-rəsmi işlədiyi və əmək haqlarını nağd şəkildə aldığı iddia edilir. Bu isə dövlət büdcəsinə ödənişlərdən yayınma, sosial sığorta haqlarının gizlədilməsi, əmək hüquqlarının pozulması kimi ciddi qanun pozuntularına işarə edir.

Ekspertlər bildirir ki, sadalanan hallar təsdiqini taparsa, bu fəaliyyət yalnız inzibati məsuliyyətlə məhdudlaşmaya bilər və Cinayət Məcəlləsinin 213-cü maddəsi (vergidən yayınma) daxil olmaqla daha ağır hüquqi nəticələr doğura bilər.

Ulu Öndər Heydər Əliyevin müəyyən etdiyi vergi siyasəti şəffaflıq və qanunçuluq prinsiplərinə əsaslanır. Bu prinsiplərin pozulması dövlətə qarşı maliyyə intizamının sarsıdılması kimi qiymətləndirilir.
Prezident İlham Əliyev dəfələrlə vurğulayıb ki, kölgə iqtisadiyyatı, vətəndaşların aldadılması və vergidən yayınma halları ilə bağlı ən sərt tədbirlər görülməlidir.

Bütün bu iddialar fonunda isə əsas sual açıq qalır. Rövşən Abdullayevin adı hallanan Flyblast Travel Agency ilə bağlı bu qədər ciddi məlumatlar olduğu halda, aidiyyəti dövlət qurumları niyə hələ də səssiz qalır?
Məsələ ilə bağlı Dövlət Vergi Xidməti, Əmək və Əhalinin Sosial Müdafiəsi Nazirliyi, Baş Prokurorluq, Daxili İşlər Nazirliyi tərəfindən dərhal araşdırma aparılması və ictimaiyyətə açıqlama verilməsi tələb olunur. İddiaların nə dərəcədə doğru olduğu isə yalnız rəsmi yoxlamalardan sonra məlum olacaq.(AzFakt.com)

DİN-in Baş Dövlət Yol Polisi İdarəsi əlverişsiz hava şəraiti ilə bağlı hərəkət iştirakçılarına müraciət edib.

Milli Hidrometeorologiya Xidmətinin məlumatına uyğun olaraq, hazırda paytaxt ərazisində, eləcə də respublikanın ayrı-ayrı rayonlarında yağış və fasilələrlə külək müşahidə olunur:

"Yağışlı, çiskinli havalarda yol örtüyünün sürüşkən olması, görmə məsafəsinin məhdudlaşması və digər kritik hava şərtlərini nəzərə alaraq, sürücülər sürət həddini minimuma endirməli, kifayət qədər ara məsafəsi saxlamalı, nəqliyyat vasitələrinin texniki sazlığına nəzarət etməlidirlər.

Yağışlı havalarda hərəkətin çətinliyini nəzərə alaraq, piyadalar daha məsuliyyətli olmalı, yollarda həyat və sağlamlıqları üçün təhlükə yaradan qayda pozuntularından çəkinməlidirlər".

Baş Dövlət Yol Polisi İdarəsi hərəkət iştirakçılarına müraciət edərək onlardan yola çıxarkən diqqətli olmağı, yol hərəkəti qaydalarına ciddi riayət etməyi xahiş edir.