Azərbaycan İnvestisiya Holdinqinin idarəetməsinə veriləcək dövlət şirkətlərinin və müəssisələrinin, habelə dövlət payı olan təsərrüfat cəmiyyətlərinin siyahısına dəyişiklik edilib.
Bununla bağlı Prezident İlham Əliyev Fərman imzalayıb.
Fərmana əsasən, Azərbaycanın Dövlət Sığorta Kommersiya Şirkəti və “Azərbaycan alüminiumu” Açıq Səhmdar Cəmiyyəti ləğv olunmaları ilə əlaqədar siyahıdan çıxarılıb.
Azərbaycanın bir sıra çaylarında daşqınlara qarşı mühafizə tədbirləri həyata keçiriləcək.
Azərbaycan Dövlət Su Ehtiyatları Agentliyinin tabeliyindəki Tikilməkdə Olan Obyektlərin Müdiriyyəti bununla bağlı hazırlıqlara başlayıb.
Tədbirlər çərçivəsində Astara rayonunda Pensərçayda daş-beton bəndlərin quraşdırılması, Şabran rayonunda Şabrançayda və Dəvəçiçayda mühafizə tədbirləri, Ağsuçayın şəhər ərazisindən keçən hissəsində fiksatorların və beton bəndlərin tikilməsi, Qusarçayda və Qaraçayda sahil mühafizə bəndlərinin quraşdırılması, Vəlvələçay–Taxtakörpü kanalının Dəvəçiçay ilə kəsişməsində 3400 mm-lik metal dukerin və xidməti körpünün dayaqlarının yuyulması, Dəvəçiçayda mühafizə bəndinin tikilməsi, Vəlvələçay–Taxtakörpü kanalının PK155-PK163 sağ tərəfində torpaq sürüşməsinin kənarlaşdırılması və terrasların yaradılması işləri həyata keçiriləcək.
Qurum görüləcək işlərlə bağlı Avro-Asiya İnşaat Korporasiyası “Evrascon” ASC ilə razılığa gəlib.
Bu işlərə görə şirkətə ümumilikdə 8 mln 722 min 800 manat ödəniləcək.
Xatırladaq ki, bir müddət əvvəl Su Ehtiyatları Agentliyinin tabeliyindəki bir digər qurum - İri Şəhərlərin Birləşmiş Su Təchizatı Xidməti Bakı şəhərinin bir sıra rayonları, eləcə də Sumqayıt şəhəri inzibati ərazilərində yerləşən kanalizasiya kollektorlarında baş vermiş qəzaların aradan qaldırılması üçün cari təmir və bərpa işlərinin həyata keçirilməsini “Evrascon” ASC-yə həvalə edib və şirkətlə ümumilikdə 5 mln 201 min 558 manat dəyərində müqavilə imzalayıb.
Qeyd edək ki, "Evrascon” ASC-nin qanuni təmsilçisi Həmzər İsmiyev İsmayıl-Əfəndiyeviçdir. Tikinti şirkəti "Azərkörpü” ASC-nin bazasında yaradılıb. Mətbuatın yazdığına görə, şirkət Baş nazirin keçmiş müavini Abid Şərifovun ailəsinə məxsusdur./Ölkə.az/
158 nömrəli məktəbin direktoru Esmira Ağayeva haqqında redaksiyamıza şikayət məktubu daxil olub.
Şikayətçilərin cumhuriyyet.az-a bildirdiyinə görə sözügedən direktor məktəbi idarə edə bilmir. Müəllim kollektivi tamamilə çarəsiz qalıb. İddiaya görə E. Ağayeva ona müraciət edən müəllimlərin problemini dinləmir, onlarla kobud rəftar edir və qeyri etik davranış sərgiləyir. Müəllim otağında müəllimlərin çay içmək üçün şərait yaratma təklifinə rədd cavabı verən direktor öz kabinetində özü üçün ayaqyolu və mətbəx tikdirib. Şikayətçilərin sözlərinə görə artıq sentyabr ayının sonu yaxınlaşsa da, hələ də dərs cədvəli hazır deyil. Müəllimlərin əksəriyyəti dərs cədvəlindən narazıdı. Dərs cədvəlindəki boşluqlar ucbatından məktəbdə xaos yaranıb, dərslər tez- tez boş keçir. Onu da bildirək ki, E.Ağayev 114 və 20 saylı məktəblərə rəhbərlik etdiyi dövrlərdə də adı bir neçə qalmaqalda hallanıb.
"Azərbaycan vətəndaşı Dadaşova Sevan Əlamət qızı Dövlət Miqrasiya Xidmətinin rəisi Vüsal Hüseynova müraciət edib..." "DİA-AZ" xəbər verir ki, bu paylaşımlar jurnalist Arifə Əliyeva çıxış edib. O daha sonra qeyd edir: "Vətəndaş müraciətində bildirib ki, Dövlət Miqrasiya Xidmətinin tabeliyində olan Naxçıvan Miqrasiya Xidmətinin rəisi Anar Xudiyev onun mənzilini saxta sənəd düzəldərək zorla əlindən alır. S.Dadaşova qeyd edib ki, bu qanunsuzluğun qarşısının alınması üçün araşdırma aparılmasını xahiş edir. Onun sözlərinə görə, Naxçıvan Miqrasiya Xidmətinin rəisi Anar Xudiyev vəzifə səlahiyyətlərindən, gücündən sui-istifadə edərək tək, imkansız qadına qarşı bu özbaşınalığa yol verir. Prezident İlham Əliyevdən və Dövlət Miqrasiya Xidmətinin rəisi Vüsal Hüseynovdan kömək istəyən Dadaşova bildirib ki, Anar Xudiyevin əlində heç bir əsaslı sənəd yoxdur, saxta kağızla onun mənzilinə sahiblənmək istəyir. “Cənab Prezident və hörmətli Vüsal müəllim, mən tək yaşayan bir qadınam, heç bir arxa-dayağım yoxdur. Naxçıvan Miqrasiya Xidmətinin rəisi Anar Xudiyev isə əlində olan gücdən istifadə etməklə zorla evimi əlimdən almağa çalışır. Mənim ümidim sizədir və dövlətimdən kömək gözləyirəm. Söhbət halallıqla aldığım evdən gedir. Eyni zamanda, təkcə ev məsələsi deyil, burada haqq-ədalətin yerini tapmasını istəyirəm. Ona görə ölkə rəhbərliyindən bu məsələni nəzarətə götürülməsini xahiş edirəm”..." VİDEO BURADA... BAXMAQ ÜÇÜN TIKLAYIN...
Azərbaycan Respublikasında 2026-cı ilin “Şəhərsalma və Memarlıq İli” elan olunması fonda, Binəqədi rayonunda icra olunan şəhərsalma "layihələri" özünəməxsusluğu ilə seçilir. Son illər rayondakı müxtəlif obyektlərdə aparılan qanunsuz artırma və yenidənqurma işləri artıq adi hal alıb. Mövcud tikililərin üzərinə əlavə konstruksiyaların quraşdırılması, obyekt sahələrinin faktiki genişləndirilməsi və yaşıl zonaların obyektlərə çevrilməsi Binəqədi mənzərəsinin ayrılmaz tərkib hissəsidir. Bu günlərdə çəkilən son görüntülər də dediklərimizə əyani sübutdur. Məmməd Səid Ordubadi küçəsində nə baş verir? Binəqədi rayonu, Məmməd Səid Ordubadi küçəsində yerləşən böyük bir qeyri-yaşayış obyektinin damında iri metal konstruksiyalardan ibarət yeni tikinti işləri aparılır. Görüntülərdən bəlli olur ki, konstruksiya kifayət qədər böyük sahəni əhatə edir. Təbii ki, ortaya məntiqi sual çıxır: Bu nədir – adi təmir, yoxsa obyektin faktiki genişləndirilməsi? İkinci ehtimal reallığa daha yaxın olsa da, görünür, rayon rəhbərliyi bunu “vətəndaş məmnuniyyəti” kimi qələmə almağa üstünlük verir. Ümumiyyətlə, Binəqədi rayonunda bu cür özbaşına artırmalarla bağlı müzakirələr və videoçəkilişlər yeni deyil, lokal icra hakimiyyəti isə prosesi sadəcə seyr etməklə kifayətlənir. Bəs Binəqədidə qanunsuz tikinti aparmaq niyə bu kadar asanlaşıb? “Vətəndaş məmnuniyyəti” anlayışı məmurlar üçün şəhərsalma məcəlləsindən və qanunlardan üstündürmü, yoxsa bu, shibkarları cəlb etməyin xüsusi “biznes modelidir”? Kadr dəyişikliyi və dəyişməyən "ənənə" Xatırladaq ki, Elxan Allahverdiyev 2018-ci ilin iyunundan Binəqədi Rayon İcra Hakimiyyətinin başçısı vəzifəsindədir. Hacıbaba Babayev isə 2022-ci ildə RİH başçısının müavini təyin edilib. İddialara görə, RİH-dəki kadr dəyişikliklərindən sonra rayonun müxtəlif ərazilərində tikinti və artırma işlərini "razılaşdırmaq" daha da asanlaşıb. Qəbul günlərində sıravi vətəndaşlar növbələrdə gözlədildiyi halda, imkanlı şəxslər və obyekt sahibləri üçün qapılar hər zaman açıqdır. Çünki sıravi vətəndaş problem, sosial qayğı və şikayət deməkdir; sahibkar isə "xeyir verməyə", binaların üzərində obyekt ucaltmağa, ağacları kəsdirməyə və bu kimi "layihələri" reallaşdırmağa gəlir. Görünür, rayon rəhbərliyi üçün şəhərsalma normasından daha vacib prinsip var: “Alan razı, satan razı”. Mövcud binanın üzərinə əlavə konstruksiya quraşdırılırsa, obyektin həcm-fəza həlli və fasadı köklü şəkildə dəyişirsə, burada sənəd, memar layihəsi, Dövlət Şəhərsalma və Memarlıq Komitəsinin rəyi nəyə lazımdır ki? Belə çıxır ki, rəsmi icazələr, çıxarışlar və çertyojlar yalnız fərdi ev tikmək istəyən imkansız vətəndaşlar üçündür. Böyük obyekti olan biznesmen üçün isə qanunlar görünür arxa plana keçir... Binəqədi şəhərin ən böyük və sıx məskunlaşmış rayonlarından biridir. Belə bir ərazidə hər bir qanunsuz artırma, mərtəbə ucaldılması və ya fasad dəyişikliyi ümumi şəhərsalma mühitinə, eləcə də binanın təhlükəsizliyinə ciddi zərbə vurur. Əgər hər bir sahibkar öz obyektinin üstündə istədiyi konstruksiyanı ucalda biləcəksə, o zaman Şəhərsalma və Tikinti Məcəlləsi nəyə lazımdır? Suallar çoxdur, amma Binəqədi Rayon İcra Hakimiyyətindən adətən olduğu kimi bu suallara cavab verən tapılmayacaq.
İqtisadiyyat Nazirliyinin Tikinti-Təchizat Birliyi “Bravo” supermarketlərinin sahibi olan “Azərbaycan Supermarket” MMC (VÖEN - 1403051411) ilə satınalma müqaviləsi imzalayıb. Yeniavaz.com xəbər verir ki, nazirlik müqaviləni tender müsabiqəsi keçirmədən, bir mənbədən satınalma metodu əsasında imzalayıb. Müqavilənin şərtlərinə görə, nazirlik “Bravo”nun 3 ədəd satış nöqtəsində stend icarəyə götürəcək və qarşılığında 57 min 600 manat 33 qəpik ödəyəcək. İcarə müddəti 24 iyul – 21 dekabr tarixlərini əhatə edəcək.
Dövlət qurumlarında daxili çəkişmələr, vəzifə uğrunda gizli mübarizələr, təəssüf ki, təzə xəbər deyil. Lakin məsələ Məhkəmə-Tibbi Ekspertiza və Patoloji Anatomiya Birliyi kimi həssas bir qurumdan gedirsə, buradakı hər bir silkələnmə sıradan bir inzibati narazılıq çərçivəsindən çıxır, doğrudan da hüquq və ədalət sisteminə birbaşa təhlükəyə çevrilir.
Faktum.az-ın sosial mediadan əldə etdiyi məlumatlar Səhiyyə Nazirliyinin bu strateji qurumunda rəhbərlik postu uğrunda daxili mübarizənin artıq açıq müstəviyə keçdiyini göstərir. Birliyin baş direktoru, professor Ədalət Həsənov ilə Komisyon Ekspertizalar şöbəsinin rəisi Cavid Cahangirov arasında münasibətlərin kəskinləşdiyi, hətta C.Cahangirovun baş direktor kreslosuna oturmaq üçün müəyyən rıçaqlarını, qeyri-rəsmi imkanlarını və təsir rıçaqlarını işə saldığı iddia edilir.
Məhkəmə-tibbi ekspertiza elə bir sahədir ki, burada verilən tək bir rəy insanın taleyini həll edir — kimisə illərlə dəmir barmaqlıqlar arxasına göndərir, kiməsə isə bəraət qazandırır. İnsan həyatı, cinayət və mülki işlərin məğzi birbaşa bu divarlar arasında hazırlanan sənədlərdən asılıdır. Məhz buna görə də belə bir qurumun rəhbərliyi şəxsi ambisiyaların, qeyri-rəsmi lobbiçiliyin, “dayı-dayı” oyunlarının poliqonuna çevrilə bilməz.
Əgər bir dövlət strukturunda təyinatlar peşəkarlıq, obyektivlik və idarəçilik bacarığı ilə deyil, pərdəarxası əlaqələrlə müəyyən edilməyə çalışılırsa, orada ədalətli ekspertizadan danışmaq absurd olar. Vəzifəyə gəlmək üçün “əlindəki imkanları” işə salan kadr, sabah o vəzifədə oturduqdan sonra həmin imkanların hesabını necə ödəyəcək?
Bu gün Səhiyyə Nazirliyi susmamalı, Məhkəmə-Tibbi Ekspertiza və Patoloji Anatomiya Birliyi ətrafında dolaşan bu iddialara aydınlıq gətirməlidir.
Adı çəkilən tərəflərin və Səhiyyə Nazirliyinin mövqeyini dərc etməyə hazır olduğumuzu bildiririk.
Azərbaycan Respublikası Prokurorluğunun bir qrup əməkdaşı təltif edilib.
Prezident İlham Əliyev bununla bağlı Sərəncam imzalayıb.
Sənədə əsasən, xidməti vəzifələrini yerinə yetirərkən fərqləndiklərinə görə Azərbaycan Respublikası Prokurorluğunun aşağıdakı əməkdaşları təltif ediliblər:
"Tərəqqi" medalı ilə
Abbasov Mahir Fəxrəddin oğlu
Əliyev Vüsal Azad oğlu
İsayev Orxan Elşad oğlu
Qarayev Teymur Fəxrəddin oğlu
"Prokurorluq orqanlarında qulluqda fərqlənməyə görə" medalı ilə
Bakıya tətilə gələn Katya və Amid Xan bloqer cütlüyün istirahəti xoşagəlməz hadisə ilə başa çatıb. Qadının iddiasına görə, onlar İçərişəhərdə gəzərkən ehtiyatsızlıq nəticəsində ayağı çuxura düşüb və o, yıxı!ıb. Gəzintisini davam etdirən qadının bir neçə saat sonra ayağında ş!ddətli ş!şkinlik və dözülməz ağr!lar yaranıb. Bundan sonra cütlük Bakı şəhəri, Abbas Səhhət küçəsi 30 ünvanında yerləşən Elmi-Tədqiqat Travmatologiya və Ortopediya İnstitutuna müraciət edib. Bloqerin sözlərinə görə, onu həkim Tariyel Əlibəyli qəbul edib. Bloqer xəstəxanada yaşadıqlarını belə ifadə edib: “Ayağım ş!şmişdi, hər addımım dözülməz ağrı ilə müşayiət olunurdu. Buna baxmayaraq, rentgen üçün məni küçədən keçərək qonşu binaya piyada getməyə məcbur etdilər. Nə əl arabası, nə əsa, nə də hərəkət etmək üçün hər hansı yardım təklif olundu. Sınmış ayaqla piyada addımlamaq məcburiyyətində qaldım. Daha bir şok yaradan məqam rentgen otağında baş verdi. Mən Azərbaycan dilini bilmirəm, işçi isə mənə ayağımı necə qoymalı olduğumu izah etməyə çalışırdı. Tərcümə edə biləcək həyat yoldaşımı içəri buraxmadılar. Nə tələb olunduğunu sadəcə anlamırdım. Sakitcə göstərmək və ya jestlərlə izah etmək əvəzinə, s!nmış ayağımı tutub kobudcasına dartır və çevirirdilər”. Bloqerin iddiasına əsasən, ona ödənişli tibbi xidmət göstərilib və müayinədən sonra ciddi problemin olmadığı, sadəcə zədələnmə və əz!lmə baş verdiyi bildirilib. Onun sözlərinə görə, ayağına sarğı qoyulub, ağr!kəsici təyin edilib və evə buraxılıb. Bloqer bildirib ki, həkimlərin rəyinə güvənərək ayağına basıb hərəkət etməyə davam edib. Daha sonra hava limanına gedərək təyyarə ilə Rusiyaya qayıdıb. Onun iddiasına görə, uçuşdan əvvəlki gecə ş!ddətli ağr!lar səbəbindən ağlayıb və demək olar ki, yata bilməyib. “Səhvlərin hər yerdə ola biləcəyini və bir hadisəyə əsasən ölkənin bütün səhiyyəsi haqqında mühakimə yürütməyin doğru olmadığını anlayıram. Lakin turist güclü ağrı və ş!şkin ayaqla gələndə rentgen edib "sönıq yoxdur" deyirlərsə, Rusiyada isə yerdəyişmə ilə müşayiət olunan s!nıq diaqnozu qoyulursa... Biz tibbi yardım üçün ödəniş etdik və oradan bunun sıradan bir zədə olduğuna əminliklə ayrıldıq. Evə isə mən s!nıq ayaqla qayıtdım. Bu səbəbdən Bakıdakı Elmi-Tədqiqat Travmatologiya və Ortopediya İnstitutuna (Abbas Səhhət küçəsi, 30) müraciətimlə bağlı şəxsi təcrübəm, təəssüf ki, məhz belə oldu. Özünüzü qoruyun!” - rusiyalı turist bildirib. Baku Plyus. Az
