Gəldilər... Baxdılar... Getdilər: 300-500 MANAT ÖDƏMƏLİSƏN! - GİLEY


"Qaz sayğacında sızma var idi. Və..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımda giley olunur.
Narazı vətəndaş dah asonra bildirir: "Buna görə də "Azəriqaz"ın qəza xidmətinə zəng etdim... gəlib "qayka"sın sıxdılar. 3-5 gün sonra təkrar qaz sızıntısı oldu. Gələn qazın yarısı evə... yarısı havaya gedirdi.
Təkrar zeng elədim... Gəlib blomb vurdular və şəkil çəkdilər... Sayğacı qeydə aldılar və dedilər, müraciət elə idarəyə.
İndi idarədən gələn də deyir ki sayğac zədələnib... get filan yerə... 300-500 manat ödə... təzə saygac qoysunlar....
Sayğacda əzilmə-bukulmə qırıq-filan belə yoxdur..."

Neftçalada, H.Əliyev prospektində yüzlərlə şam ağacı quruyub


Neftçalanın mərkəzi boyu uzanan prospektdə 50-60 il əvvəl əkilən yüzlərlə şam ağacı susuzluqdan və baxımsızlıqdan quruyub.

Neftçalanın mərkəzi boyu uzanan H.Əliyev prospektində yüzlərlə şam ağacı baxımsızlıqdan məhv olub.

Bu barədə bizə müraciət edən Neftçala sakinləri bildirir ki, həmin ağaclar 50-60 il əvvəl əkilib və bu illər boyunca bu ağaclar Neftçalanın əsas florasını təşkil edib. Sakinlər bildirirlər ki, bu illər ərzində ağaclara normal baxım olub, lakin Mirhəsən Seyidov başçı olandan sonra ağaclara baxım dayandırılıb.

“Bu illər ərzində şam ağacları davamlı suvarılır və budanılırdı. Nədənsə Mirhəsən Seyidov rayona başçı təyin ediləndən sonra ağaclara qulluq dayandırıldı və hazırda yüzlərlə ağac quruyub”, deyə sakinlər bildiriblər.

Sakinlər ağaclara qulluğun dayandırılmasının səbəbini başa düşmədiklərini qeyd ediblər: “Biz ehtimal edirik ki, Mirhəsən Seyidov rayona başçı olaraq gəldikdən sonra ağacların qulluğuna ayrılan maliyyə vəsaiti mənimsənilib. Çünki o, başçı olduqdan sonra illər ərzində ağaclara su verilməyib və həmin ağacların necə quruduğunu başçı hər gün öz gözləri ilə görüb. Buna baxmayaraq, ağacların suvarılması ilə bağlı heç kəsə tapşırıq verməyib və heç kəsi də tənbeh etməyib. Halbuki başçı öz kabinetindən belə ağacların tədricən necə yanıb qurumasını illərlə müşahidə edib”, deyə şikayətdə bildirilir.

Bir daha qeyd edirik ki, sözügedən qurumuş ağaclar İcra Hakimiyyətinin binasının yerləşdiyi H.Əliyev prospektindədir və başçının illərlə bu ağacların qurumasını müşahidə eləməsi bir çox suallar doğurur.

Sakinlər onu da bildiriblər ki, ağaclar Neftçalanın mərkəzi prospekti boyunca uzandığı üçün, böyük ehtimalla, başçı qurumuş ağacları kəsərək torpağı satmağı planlaşdırır. Hətta şikayətçilərdən biri onu da qeyd edib ki, başçının köməkçisi Vüsal Atayev artıq bir neçə adamla bu barədə sövdələşib də.

Biz bütün bu iddiaların nə qədər doğru olub-olmadığını yaxın gələcəkdə görəcəyik və hesab edirik ki, Neftçala İcra Hakimiyyəti yüzlərlə ağacın kütləvi şəkildə quruması ilə bağlı ağlabatan bir açıqlama verməlidir.

Həmçinin Ekologiya və Təbii Sərvətlər Nazirliyinə müraciət edərək Neftçalada yüzlərlə ağacın kütləvi şəkildə qurumasının səbəblərini araşdırmağı xahiş edirik.

Həmçinin Nazirliyə aşağıdakı suallarımızı da ünvanlayırıq:

Necə ola bilir ki, ETSN-nin Neftçaladakı məsul vəzifəli şəxsləri şəhərin mərkəzində ağacların susuzluqdan necə məhv olduğunu görməyiblər?

Əgər görüblərsə, ağacları xilas etmək üçün vaxtında öz vəzifələrini niyə yerinə yetirməyiblər? Onlara kim mane olub?

Redaksiyadan: Yazı dərc edilməyə hazırlanarkən Neftçala­dan bizə zəng edib bildirdilər ki, H.Əliyev prospektində ağacların kəsilməsinə artıq başlanılıb və səhərdən bir neçə ağac kəsilərək naməlum istiqamətə aparılıb. /Poliqon/





Prezident İlham Əliyev Bakıda keçirilən FİFA U-15 yarışının finalçılarını mükafatlandıracaq

Prezident İlham Əliyev Bakıda keçirilən FİFA U-15 yarışının finalçılarını mükafatlandıracaq

Xarici işlər naziri Ceyhun Bayramov Azərbaycanı TDT-nin Zirvə görüşündə təmsil edəcək.

Azərbaycan Respublikasının Prezidenti İlham Əliyev əvvəlcədən planlaşdırılmış tədbirlərdə iştirak edəcəyi və iş qrafikinin sıxlığı səbəbindən Türkiyədə keçiriləcək Türk Dövlətləri Təşkilatının Zirvə görüşündə iştirak edə bilməyəcək.

Oktyabrın 30-da Prezident İlham Əliyev Bakıda tarixdə ilk dəfə keçirilən FİFA U-15 Dünya Çempionatı və Festivalının finalçılarını mükafatlandıracaq.

Qeyd edək ki, oktyabrın 30-da Bakıda tarixdə ilk dəfə keçirilən FİFA U-15 Dünya Çempionatı və Festivalının final oyunu və rəsmi bağlanış mərasimi keçiriləcək. Dövlət başçısının mükafatlandırma mərasimində iştirakı əvvəlcədən planlaşdırılıb.

Prezident İlham Əliyevin tapşırığına əsasən, Türk Dövlətləri Təşkilatının Zirvə görüşündə Azərbaycan Respublikasını xarici işlər naziri Ceyhun Bayramov təmsil edəcək. Eyni zamanda, Zirvə görüşü çərçivəsində keçiriləcək digər müvafiq tədbirlərdə də Azərbaycan nümayəndələri fəal iştirak edəcəklər.

"VİP Motors" MMC-də qalmaqal: Zeynal Usubov şirkətinin direktorunu məhkəməyə verdi


“VİP Motors” MMC-nin təsisçisi Usubov Zeynal Mütəllim oğlu şirkət direktorunun fəaliyyətindən narazıdır.
Məhkəmədə müəssisənin gəlirlərinin mənimsənildiyini, dividend almadığını və şirkətin icarə borcunu öz vəsaiti hesabına ödəməli olduğunu iddia edir.
Məhkəmə Zeynal Usubovun şikayəti əsasında “VİP Motors” MMC-nin banklardakı hesablarında olan pul vəsaitlərinə 62 min 750 manat məbləğində həbs qoyulması barədə qərar qəbul edib.
Ərizəçinin bildirdiyinə görə, şirkət daşınmaz əmlakların subicarəyə verilməsi və avtomobil satışı ilə gəlir əldə etsə də, ona dividend ödənilməyib. Direktorun əsas icarə müqaviləsi üzrə ödənişləri həyata keçirməməsi səbəbindən müqavilənin ləğvi təhlükəsi yaranıb. Nəticədə təsisçi 62 min 750 manatlıq icarə borcunu özü ödəməli olub.
Təsisçi Zeynal Usubov direktorun fəaliyyəti ilə bağlı Nərimanov Rayon Polis İdarəsində araşdırma aparıldığını, şirkətdə audit keçirilməsi istiqamətində tədbirlər görüldüyünü də bildirib.
Məhkəmə gələcək qərarın icrasının çətinləşə biləcəyini nəzərə alaraq şirkətin bank hesablarına 62 min 750 manat həcmində həbs qoyub. Əməkhaqqı, vergi, sosial müdafiə və digər məcburi dövlət ödənişləri isə məhdudiyyətdən kənarda saxlanılıb.
Qeyd edək ki, şirkətin reyestr məlumatlarına əsasən, hazırda “VİP Motors” MMC-nin qanuni təmsilçisi Kənan Səmədov Cümşüd oğludur. Reyestrdə əvvəlki dövrlərdə Famil Abdiyev Faiq oğlu, Ramin Talıbov Cavanşir oğlu və Cəsarət Cəfərov Azahir oğlunun da adları yer alıb.
Xatırladaq ki, Zeynal Usubov əvvəllər prokurorluq orqanlarında işləyib, Nərimanov rayon prokurorunun müavini olub. O, 2023-ci aprelində prokurorluq orqanlarından xaric edilib. Zeynal Usubovun atası Mütəllim Usubov vaxtilə Milli Təhlükəsizlik Nazirliyinin (MTN) Yasamal şöbəsinin rəisi olub. O 2024-cü ildə investisiya fəaliyyəti ilə məşğul olan platformada valyuta alqı-satqısı həyata keçirmək məqsədi ilə yatırdığı 945 min manatının Alışan Nizami Akif oğlu tərəfindən dələduzluqla ələ keçirilməsi ilə bağlı da gündəmə gəlmişdi. 2024-cü ilin yayında Zeynal Usubovun Bakıda yerləşən “Hollivud” restoranında bıçaqlanması barədə məlumatlar yayılmışdı.

Qaynar

Əli Əsədov Gürcüstanda işgüzar səfərdədir

Əli Əsədov Gürcüstanda işgüzar səfərdədir

Azərbaycanın Baş naziri Əli Əsədov oktyabrın 29-da Gürcüstana işgüzar səfərə gedib.

Bu barədə Nazirlər Kabinetindən məlumat verilib.

Bildirilib ki, Şota Rustaveli adına Tbilisi Beynəlxalq Hava Limanında Baş nazir Ə.Əsədovu Gürcüstanın Baş nazirinin müavini, iqtisadiyyat və davamlı inkişaf naziri Mariam Kvrivişvili və digər rəsmi şəxslər qarşılayıblar.

ADNSU-dan çıxdı, AzTU-ya şöbə müdiri keçdi - BUNDAN SONRA...


Azərbaycan Texniki Universitetində (AzTU) yeni kadr təyinatı olub.

Yurd.Media-nın əldə etdiyi məlumata görə, bununla bağlı bununla bağlı rektor Vilayət Vəliyev müvafiq əmr imzalayıb.

Əmrə əsasən, Rəna Cəbrayılova universitetin Tələbələrlə iş və sosial fəaliyyətlər şöbəsinin müdiri vəzifəsinə təyin olunub.

O, bundan əvvəl, 2025-ci ilin avqustundan 2026-cı ilin oktyabrınadək Azərbaycan Dövlət Neft və Sənaye Universitetində (ADNSU) Tələbə işləri mərkəzinin rəhbəri vəzifəsini tutub.

Neftçala yenə suyun içində – 5 milyona qurulan kanalizasiya sistemi niyə işləmir? – VİDEO


Bu gün Neftçala rayonunda yağan yağış rayon mərkəzində fəsadlara səbəb olub. Heydər Əliyev prospektini və şəhərin bir sıra küçələrini su basıb. Bizimesr.info xəbər verir ki, redaksiyamıza göndərilən videogörüntülərdə prospektin və küçələrin su altında qaldığı, yollarda böyük gölməçələrin yarandığı görmək mümkündür.

Xatırladaq ki, Neftçala şəhərinin su təchizatı və kanalizasiya sistemlərinin yenidən qurulması üçün 2019-cu ildə Prezident İlham Əliyevin imzaladığı sərəncama əsasən, Prezidentin ehtiyat fondundan ilkin olaraq 5 milyon manat vəsait ayrılıb.

Buna baxmayaraq, yağışlı havalarda rayon mərkəzinin küçələrinin su altında qalması kanalizasiya və yağış sularının axıdılması sisteminin vəziyyəti ilə bağlı suallar yaradır. Görəsən, ayrılan vəsait hesabına görülən işlər yağış sularının küçələrdə toplanmasının qarşısını almaq üçün niyə yetərli olmayıb?

Mövcud drenaj sistemi necə qurulub ki, su prospekt və küçələrdə yığılıb qalır?

Qeyd edək ki, layihə ilə bağlı əvvəlki məlumatlarda “Avtoyoltikintiservis” MMC-nin də adı hallanıb.
Bizimesr.info

Şərur təhsilində ŞOK OLAY: Direktor yığdığı rüşvəti yuxarılarla BÖLÜŞMƏDİ... - BU NƏDİ BELƏ?


Şərurda rüşvət toplayıb rəhbərliyə çatdırmaqdan imtina edən məktəb direktorlarının sıxışdırıldığı iddia olunur. “Gündəlik Naxçıvan”a danışan direktorlar deyirlər ki, onlardan pul yığaraq təhsil şöbəsinin rəhbərliyinə vermək tələb edilir.
Onların sözlərinə görə, fəaliyyətləri təhsilin keyfiyyəti və məktəbin nəticələri ilə deyil, rəhbərliyə çatdırdıqları pulun məbləği ilə qiymətləndirilir.
Adının açıqlanmasını istəməyən direktorlardan biri deyir ki, pul toplamaqdan imtina etdikdə işdən çıxarılmaqla hədələnirlər:
“Direktor niyə şöbə rəisinin rüşvət toplayanı olmalıdır? Bizim işimiz dərsləri yüksək səviyyədə təşkil etməkdir. Valideynlərdən, müəllimlərdən pul yığıb şöbə müdirinə verməkdən bezmişik. Özümüz də utanırıq. Etiraz edəndə deyirlər ki, elə maddə ilə işdən çıxararıq, heç texniki işçi də işləyə bilməzsən. Şöbə müdiri də deyir ki, tək yemirəm, pulun böyük hissəsi yuxarıya çatdırılır. Təhsili bazara çeviriblər”.
Digər direktor isə rəhbərliyə yaxın olanların qanunsuzluqlarına göz yumulduğunu iddia edir:
“Şərurun məktəblərində hər şey şəxsi münasibətlər üzərində qurulub. Məktəbin uğuru, nizam-intizam, təhsilin keyfiyyəti heç kimi maraqlandırmır. Rəhbərliyin hər dediyini etməli, yaltaqlanmalı, müəyyən adamlarla yaxınlıq qurmalısan ki, işlərin qaydasında getsin. Onda yol verdiyin qanunsuzluqlara da göz yumurlar. Yox, etiraz edirsənsə, məktəbi nə qədər yaxşı idarə etməyinin əhəmiyyəti qalmır. Şöbə müdirinin yaxın adamları səni sıxışdırmağa başlayırlar. Belə çıxır ki, əsas qanunla işləmək yox, kiminsə şəxsi marağına xidmət etməkdir”.

Məhkəmə Ramil Məmmədli və rəhbərlik etdiyi “Grand-Mart”ı CƏZALANDIRDI - TƏFƏRRÜAT


Bakıda fəaliyyət göstərən iri marketlər şəbəkəsinin rəhbərliyi yeni işçini sığortalamağı unudub.

İşçisini istehsalatda bədbəxt hadisələr və peşə xəstəliklərindən icbari sığortalamayan “Grand-Mart” MMC 5 min manat cərimələnib.
Şirkətlə F.Abbasova arasında əmək müqaviləsi bağlansa da, işçinin icbari sığortası təxminən bir ay sonra rəsmiləşdirilib.
Şirkət nümayəndəsi məhkəmədə işçilərin sayının çox olduğunu və həmin işçinin sığortalanmasının unudulduğunu bildirib.
Dövlət Əmək Müfəttişliyi Xidməti şirkət barəsində İnzibati Xətalar Məcəlləsinin 469-1-ci maddəsi ilə protokol tərtib edib.
Bakı şəhəri Sabunçu Rayon Məhkəməsi şirkət barəsində icraata xitam verib, direktorunu isə 1500 manat cərimələyib. Dövlət Əmək Müfəttişliyi Xidmətinin apellyasiya şikayətinə baxan Bakı Apellyasiya Məhkəməsi şirkətlə bağlı qərarı ləğv edərək onu 5 min manat cərimələyib. Direktor barəsindəki cərimə qüvvədə saxlanılıb.
Qeyd edək ki, “Grand-Mart” MMC-nin nizamnamə kapitalı 12,2 milyon manatdır. Şirkətin qanuni təmsilçisi Ramil Məmmədli Əşrəf oğludur. MMC-nin 962 min 989 manat vergi borcu var.
“Grand-Mart” MMC-ə “Grandmart", "Megastore", "Bizim market", "Novas Home", "Bolmart" kimi böyük marketlər şəbəkələri daxildir

Plat.az

600 MİN DOLLAR, 6 LÜKS AVTOMOBİL VƏ BÖYÜK QALMAQAL! - Dubaydan Bakıya uzanan müəmmalı hadisə


Dubayda 600 min dollarlıq dələduzluq iddiası – 6 lüks avtomobilin taleyi sual altındadır

"Real Azərbaycan" xəbər verir ki, Dubayda avtomobil alqı-satqısı ilə məşğul olduğu bildirilən Murad Həsənov və onun atası Qurban Həsənov barədə iranlı iş adamı tərəfindən səsləndirilən iddialar gündəmə gəlib.

İranlı iş adamının iddiasına görə, avtomobil alqı-satqısı məqsədilə Murad Həsənova etibar etdiyi və nəticədə ümumilikdə 600 min ABŞ dolları və 6 ədəd lüks avtomobilin taleyi ilə bağlı ciddi problemlə üzləşdiyi bildirilir.

Əməkdaşlıq əvvəlcə etimad yaradıb

Şikayətçinin sözlərinə görə, əməkdaşlığın ilkin mərhələsində Murad Həsənov müxtəlif avtomobillər alaraq ona göndərib. Bu proses tərəflər arasında qarşılıqlı etimad yaradıb və sonrakı mərhələdə daha böyük məbləğlər üzrə avtomobil alqı-satqısına başlanılıb.

İş adamının iddiasına əsasən, iyulun 5-də növbəti avtomobillərin alınması məqsədilə Murad Həsənova pul göndərilib. Bundan sonra isə onun vəsaiti qəbul etmək üçün getdiyini bildirdiyi, daha sonra telefonlarının söndürüldüyü və əlaqənin kəsildiyi iddia olunur.

“Dubay polisi saxlayıb” – sonradan suallar yaranıb

Əlaqə saxlaya bilməyən iranlı iş adamı Murad Həsənovun atası Qurban Həsənova müraciət edib.

Şikayətçinin iddiasına görə, Qurban Həsənov oğlunun Dubay polisi tərəfindən saxlanıldığını bildirib. Daha sonra isə Murad Həsənovun vəkil məsələsinin həlli üçün iş adamından əlavə 11 min ABŞ dolları alındığı iddia edilir.

Lakin sonrakı araşdırmalar zamanı bu məlumatın həqiqiliyi ilə bağlı şikayətçidə suallar yaranıb.

Murad Həsənov həmin vaxt Bakıda olub?

İranlı iş adamının sözlərinə görə, verilən məlumatlardan şübhələndikdən sonra məsələni özü araşdırmağa başlayıb.

Onun iddiasına əsasən, araşdırma zamanı Murad Həsənovun həmin dövrdə Dubayda həbsdə olması ilə bağlı məlumatların həqiqətə uyğun olmadığı, əksinə, onun Bakıda olduğu barədə məlumat əldə edilib.

Şikayətçi həmçinin iddia edir ki, Murad Həsənovun həmin müddətdə müxtəlif məclislərdə və əyləncə xarakterli tədbirlərdə iştirak etməsi ilə bağlı məlumatlar da ortaya çıxıb.

Əgər bu məlumatlar təsdiqini taparsa, Murad Həsənovun Dubayda saxlanıldığı barədə verilən məlumatla onun eyni vaxtda Bakıda olması arasında ciddi ziddiyyət yaranır.

600 min dollar və 6 avtomobil haradadır?

Şikayətçinin iddiasına görə, o, Qurban Həsənovdan oğlunun qəbul etdiyi vəsait və avtomobillərlə bağlı açıqlama tələb edib.

İş adamının sözlərinə görə, Qurban Həsənov bu məsələdə pul və əmlakla maraqlanmadığını bildirib.

Bununla belə, əsas suallar hələ də açıq qalır:

600 min ABŞ dolları haradadır?

6 lüks avtomobilin hazırkı taleyi necədir?

Şikayətçinin təqdim etdiyi məlumatlarda avtomobillərin bir qisminin Azərbaycana gətirildiyi və müxtəlif şəxslərin adına rəsmiləşdirildiyi iddia olunur.

Bu çərçivədə Qasımzadə Vilayət, Məmmədova Rəna və digər şəxslərin adları hallanır.

Bundan başqa, Murad Həsənovun sözügedən vəsait hesabına Bakıda villa aldığı və müxtəlif markalı avtomobillərdən ibarət lüks kolleksiya yaratdığı da iddia edilir.

Söhbətin Range Rover, BMW, Mercedes, Hyundai, Kia, Toyota və digər markalı avtomobillərdən getdiyi bildirilir.

Araşdırma zamanı hansı məsələlər aydınlaşdırılmalıdır?

Səsləndirilən iddiaların hüquqi baxımdan araşdırılması zamanı pul köçürmələri, avtomobillərin alqı-satqısı və rəsmiləşdirilməsi ilə bağlı sənədlər, eləcə də həmin nəqliyyat vasitələrinin son olaraq kimin adına keçirildiyi mühüm

Hadisənin digər diqqətçəkən tərəfi isə şikayətçinin İran vətəndaşı olan iş adamı olmasıdır.

Xarici vətəndaşın Azərbaycanda yüz minlərlə dollar və bir neçə lüks avtomobillə bağlı bu cür ciddi iddialar səsləndirməsi məsələnin aidiyyəti qurumlar tərəfindən araşdırılmasını zəruri edir.

Əgər məsələ yalnız tərəflər arasındakı kommersiya mübahisəsidirsə, bunun hüquqi müstəvidə həlli mümkündür. Lakin araşdırma nəticəsində dələduzluq, mənimsəmə və ya digər qanun pozuntuları müəyyən edilərsə, həmin faktlara hüquqi qiymət verilməlidir.

Hazırda isə əsas suallar bunlardır: 600 min dolların və 6 lüks avtomobilin taleyi necə olub, 11 min dollar hansı məqsədlə alınıb və avtomobillər kimin adına rəsmiləşdirilib?

Xəbər lenti

Ağdaşda Heydər Əliyev prospekti bərbad vəziyyətdədir - FOTOLAR
16:21
Vüsal Nəsirli "işə başladı" - Asfalt qırıntıları sərnişinlərin üzərinə töküldü - VİDEO
15:41
Səhiyyə Nazirliyində rəhbərlik dəyişdi, “partnyor”la isə yox
14:50
Abşeron Rayon Mərkəzi Xəstəxanasında qalmaqal! - MÜRACİƏT
13:11
Xəzər rayonunda narazılıq yaradan TİKİNTİ - Yoldaş Salahovun ÇƏTİRİ ALTINDA...
11:56
«Dantera Klinikası»nda müştərini dişsiz qoydular… - BU NƏDİ BELƏ?
11:18
“İcazəm olmadan digər orqanlarım da götürülüb” - Vitamed Hospitalda əməliyyat olunan xəstə şikayət edir
10:16
İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub
09:37
Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb
18:01
Nizami rayonunda nə NİZAM VAR... nə də İNTİZAM... - GİLEY
17:43
“Müğənnilərə qoyulan efir qadağası davam etməlidir – Televiziya və cəmiyyətdə çox şey dəyişdi!”
17:11
"SOCAR rəhbərliyi Nüsrət Əliyevi institutumuzu dağıtmaq üçün direktor göndərib?" - "Neftqazelmitədqiqatlayihə"nin ÖZ GÜLÜMSƏROVU VAR İMİŞ...
16:52
“İrşad Electronics” bir nəfərə verdiyi 2-3 kreditə görə MƏHKƏMƏDƏ - TƏFƏRRÜAT
16:32
İcra başçısının birinci müavini ilə bağlı 2 milyonluq qalmaqal: Prokurorluq araşdıracaq
15:51
“Kubinka”da 300 milyonluq dəhşətli sxem: Əsabil Qasımovun adamları dövlətin 3 milyon vergisini necə uddu? - ŞOK iddialar
14:56
Hökməli bələdiyyəsinin sədri şəhidin qan pulunu alıb? – ŞOK İDDİA!
14:24
Zərgərlik dükanı kimi idarə edilən UNİVERSİTET - Ölkənin ana təhsil ocağı da belə rüsvay oldu...
12:47
Badamdarda tikinti sahəsində təhlükəsizlik qaydalarına niyə əməl olunmur? -FOTO+VİDEO
12:02