Dövlət maşını, YOXSA ,Bakı Şəhər Təhsil İdarəsinin müdiri NƏRMİNƏ xanımın uşağının OYUNCAĞI... - BU NƏDİ BELƏ?


Rəhmətlik Sabir bir zamanlar yazırdı ki, “əcnəbi seyrə balonlarla çıxır, biz hələ avtomobil minməyiriz”. Gün keçdi, ay dolandı, biz nəinki avtomobil mindik, hətta avtoşluq belə etdik. Maşallah indi maşın əlindən tərpənmək olmur, günümüz də tıxaclarda keçir.
Söhbətə maşından başlamaqda məqsədim heç də tıxacdan-zaddan danışıb qanınızı qaraltmaq deyil. Qədimdə bütün yollar Romaya apardığı kimi indi də paytaxtımızda bütün yollar BŞTİ-nə aparır. Nədən ki, təhsil millətin gələcəyidir, bu sahəyə məsul olan idarələrdə də gərək hər şey şəffaf olsun. Nə yazıqlar olsun ki, Bakı şəhərinin Təhsil İdarəsində şəffaflıqdan əsər əlamət belə qalmayıb. Düzdür İdarənin hər tərəfində müşahidə kameraları quraşdırılsa da onlar da ancaq lazım olan ərazini müşahidə edirlər. Yəni ki, kameralar da Nərminə Hüseynovanın əmrinə müntəzirdir.
Vaxtınızı çox almadan keçirəm əsas mətləbə. Şəkildə gördüyünüz qara rəngli avtomobil Nərminə xanımın xidməti maşınıdır. Deyəcəksiniz ki, olmalıdır da, necə də olsa bu boyda paytaxtın təhsil idarəsinin müdiridir. Nə deyirik, ziyadə olsun. Amma bir iş var ki, bu maşını Nərminə xanım ailəsinin xidməti maşınına çevirib, gördüyünüz kameralar da ancaq onun bu sevimli oyuncağını çəkməklə məşğuldur. Yəni kameralar maşına xidmət edir, maşın da Nərminə xanımın ailəsinə. Məhşur filmdə deyildiyi kimi, “siz bizim üçün çalışırsınız, biz də özümüz üçün”. Dövlətin öz məmuru üçün ayırdığı və maliyələşdiridiyi maşın olub Nərminə xanımın övladının oyuncağı. Hər gün onu təmtəraqla Avropa liseyinə aparır, gətirir, gəzməyə götürür, gəzməkdən gətirir. Heç insafdırmı ki, BŞTİ-nin müdirinin övladı da metroda, avtobusda məktəbə getsin, sıravi Əhmədin balası da. Göy kişnəyib bulud ağlamazmı, dağlar, daşlar dilə gəlməzmi ? Axı o bir məmur övladıdır, o xidməti maşında gəzməlidir, qulluğunda durulmalıdır, nazıyla oynanılmalıdır. Bu da müharibə-zad deyil ki, sıravi Əhmədin oğlu sinəsini sipər eləsin !
Görəsən Nərminə xanıma kim icazə verib ki, dövlətin xidməti maşınını öz şəxsi məqsədləri üçün istifadə edir. Biz sadəcə bu iki fotoşəkli paylaşdıq, etika xatirinə məktəblinin dövlətin xidməti maşınından necə yararlanmasını yayımlamadıq. İnanmırıq ki, öz övladını dövlətin maşınında məktəbə göndərən Nərminə xanım kasıb-kusubun balasına bir gün ağlasın.
BŞTİ-dən söz düşmüşkən Nərminə xanımın müavini Turanə Məcidli adını çıkməsək həm öz xatirinə dəyər, həm də qayınanasının. Maşallah BŞTİ tam bir ailə podratı ilə işləyir. Biri dövlətin maşınını övladının xidmətinə verir, birinin qayınansının adı rüşvət qalmaqalında hallanır.
Turanə Məcidlinin qayınanası Bakı İdman Liseyinin direktoru Təhminə Əsədova ,,ÖZ ƏRİZƏSİ" ilə aradan çıxdı.
Xatırlayırsınızsa T.Məcidlinin qayınanası Bakı İdman Liseyinin direktoru Təhminə Əsədovanın 5500 manat rüşvət qalmaqlaı barəsində yazmışdıq. Onu da qeyd etmişdik ki, məsələ hüquq mühafizə orqanları tərəfindən araşdırılır. İşin yaş olduğunu görən Turanə Məcidli qayınansının ərizəsini alaraq vəzifədən getməsinə şərait yaradıb. Necə deyərlər dükan tozdu çıx aradan məsəli. Bax beləcə böyük bir rüşvət qalmaqlı, eləcə də digər korrupsiya əməlləri ört-basdır ediıir.
Hə, bir də sonda “Qaynana” filmində rəhmətlik Nəsibə xanımın sözləri yadıma düşdü bu yerdə - “ Qorxuram o cuqlu-muqlu səni çoox uzaqlara aparsın haa” ...Elə bil rəhmətlik ,Nərminə xanımın maşınını, Turanə xanımın da qaynanasını düşünübmüş bu sözləri deyəndə...
PS: BŞTİ ilə bağlı bu və ya digər mövzularda araşdırmalarımız davam edir.
NİCAT MAHMUDOV - fraksiya.az

""Bolmart"dan kimsə soruşmalıdır ki..." - "...niyə köhəlmiş çörəyi satırsan?"


"Dünən axşam Bolmartdan N1 markasının istehsalı olan qarabaşaq çörəyi aldım ki, səhər yeməyində yeyim…Ucuz da deyil, 2 manata satılır bu çörək..." "DİA-AZ" xəbər verir ki, bunu özünün sosial şəbəkə hesabında Mətbuat Şurasnın İdarə Heyətinin keçmiş üzvü Səadət Məmmədova yazaraq gileylənir.

Sabiq MŞ üzvü daha sonra fikrini belə davam etdirir: "Qlüten həssaslığıma görə mən adətən belə çörəklər yeyirəm.

Bəxtəvər oldum… Səhər açdım ki, yeyim. Bir dilim yedim, ikincini götürəndə üzərində ağ ləkə gördüm, elə bildim undur. Silkələdim getmədi. Əlimi vurdum, yoxladım, gördüm ki, yox ey, bu nəsə ayrı şeydir.

Çörəyin üzərinə yapışmış bu açıq çəhrayımtıl rəngli ləkənin qoxusu daha çox divar boyasına - emulsiyaya bənzədi.

Bəlkə də kif növüdür, anlamadım.

3 dilim bu vəziyyətdə idi. Alt dilimlərə baxdıqca adi kif gördüm.

Bir sözlə bu çörək köhnə idi. Amma boya ləkəsi ehtimal etdiyim ağ ləkə necə olub ki, çörəyə tökülüb? Bu çörəklər hansı şəraitdə istehsal olunur?

Tədbirə tələsirdim deyə, çörək dilimlərini AQTA-ya aparmağa vaxtım olmadı.

Qida Təhlükəsziliyi Agentliyindən xahiş edirəm, bu istehsal müəssisəsini bir araşdırsın görək niyə bizə belə çörək yedirdirlər, amma lütfən düzgün araşdırsın

Həmçinin "Bolmart"dan da bir müvafiq qurum soruşmalıdır ki, niyə köhəlmiş çörəyi satırsan? Axı məhsul satılmadısa, müəyyən müddətdən sonra piştaxtadan yığışdırılmalı və geri qaytarılmalıdır..."

Şagirdin həyatını itirdiyi, jurnalistlərin döyüldüyü 225 nömrəli məktəbin direktoru kimdir? - Keçmiş təlim-tərbiyə işləri üzrə direktor müavini...


Dünən Bakının 225 nömrəli tam orta məktəbində 7-ci sinif şagirdinin ölümü ilə nəticələnən faciə baş verib. İlkin məlumatlara görə, şagird məktəbin dördüncü mərtəbəsinin pəncərəsindən yıxılıb. Hadisə ilə bağlı hüquq-mühafizə orqanları tərəfindən araşdırma aparılır, faciənin hansı şəraitdə baş verdiyinə aydınlıq gətirilməsi gözlənilir.

Məktəbdə baş verən hadisəni işıqlandırmaq üçün əraziyə yollanan REAL TV-nin çəkiliş qrupuna qarşı da zorakılıq törədildiyi bildirilir. Mətbuatda yayılan məlumata görə, jurnalistlər hadisə yerində çəkiliş apararkən onlara bir qrup şəxs hücum edib, nəticədə operator xəsarət alıb. Hadisə ilə bağlı hüquq-mühafizə orqanları araşdırma aparır.

Şübhəsiz ki, şagirdin məktəbdə həyatını itirməsi, jurnalistlərin döyülməsi təhsil müəssisəsində təhlükəsizlik tədbirlərinin necə təşkil edildiyi, təlim-tərbiyə və psixoloji abu-havanın hansı səviyyədə olması ilə bağlı suallar doğurur.

Baş verən iki ciddi hadisə fonunda diqqətlər 225 nömrəli tam orta məktəbin rəhbərliyinə yönəlib. Editor.az xəbər verir ki, məktəbin direktoru vəzifəsini hazırda Aytən Qibləliyeva icra edir.

O, bundan əvvəl 60 nömrəli tam orta məktəbdə təlim-tərbiyə işləri üzrə direktor müavini vəzifəsində çalışıb.

Editor.az

“Nə maaşımı verdilər, nə də təzminatımı...” - şirkətdənsə deyirlər ki...



“Günlərlə artıq işlədim, amma nə əməkhaqqımı tam ala bildim, nə də məzuniyyət pulumu. Heç bir xəbərdarlıq edilmədən işdən çıxarıldım”.
Bu şikayətlə “Qafqazinfo”ya Bakı şəhəri, Yasamal rayonu, Seyfəddin Dağlı küçəsində yerləşən “Lux Residence” şirkətində mühəndis işləmiş Qabil Hacəsgərli müraciət edib.
Vətəndaşın iddiasına görə, o, oktyabrın 13-ü hər hansı xəbərdarlıq olunmadan və təzminat ödənilmədən işdən qanunsuz çıxarılıb: “İşəgötürən tərəfindən əmək hüquqlarım tapdalanıb. Qanunvericiliklə müəyyən edilmiş iş vaxtı norması pozularaq hər gün 10 saat işləməyə məcbur edilmişəm. Bu da ayda 52 saat əlavə iş vaxtı deməkdir. Əmək Məcəlləsinin 165-ci maddəsinə əsasən, artıq işlənilən hər bir saat üçün ödəniş ikiqat hesablanmalıdır, lakin bu ödənişlər mənə verilməyib”.
Q.Hacəsgərli bildirib ki, bir ay yarıma görə əməkhaqqısı ödənilməyib: “Sentyabr ayının tam əməkhaqqı və oktyabr ayının işlədiyim 13 gününün maaşı da verilmir. Bundan əlavə, 2025-2026-cı illər ərzində məzuniyyət hüququmdan istifadə edə bilməmişəm və məzuniyyət pulum ödənilməyib. Qanunvericiliyə görə, əmək müqaviləsi işəgötürən tərəfindən əsassız pozulduqda 3 aylıq təzminat ödənilməlidir, lakin bu tələb də yerinə yetirilməyib”.
Şikayətçi, həmçinin iddia edib ki, şirkət tərəfindən vergidən və sosial ödənişlərdən yayınma halları olub: “Mənə heç bir bankdan maaş kartı təqdim edilməyib. Əməkhaqqımı ancaq əldən-ələ götürmüşəm. Vergidən yayınıblar. Məni işdən çıxaranda rəsmi sənəd də təqdim etmədilər, çünki onlarda qanunsuzluq çoxdur. Biz hüquqi dövlətdə yaşayırıq”.
Məsələ ilə bağlı “Lux Residence” şirkətinə sorğu ünvanladıq. Kadrlar şöbəsinin İnsan resursları üzrə mütəxəssisi Esmira Muradəliyeva müraciətimizə cavab olaraq bildirdi ki, Qabil Hacəsgərli sözügedən şirkətin əməkdaşı deyil: “Bu məsələdə şirkətin adının çəkilməsinin tərəfdarı deyiləm. Çünki Hacəsgərli Qabil şirkətin işçisi olmayıb. Həmin mühəndis fərdi sahibkarın adına götürülüb. Vaxtilə onunla əmək müqaviləsi bağlanıb. Müqavilənin bitməsinə 10 gün qalmış xəbərdarlıq məktubu alıb, ancaq imtina edib. İmtina etdi, qol çəkmədi, amma bu o demək deyil ki, biz onu işdən azad etməyəcəkdik. 10 saat işləmək məsələsi də yalandır. Biz heç kimi məcbur etmirik. İşini vaxtında bitirmirsə, bu onun problemidir. İşçilərə bir saat nahar, bir saat çay fasiləsi verilir. 10 saat haradan olur? Ştat ixtisara gedirsə, kompensasiya bu zaman verilir. Qabil Hacəsgərli isə müddətli müqavilənin bitməsi ilə işdən azad edilib. Bu zaman kompensasiya ödənilməməlidir. Məzuniyyət pulu da ödənilib”.
Problemlə əlaqədar Dövlət Əmək Müfəttişliyi Xidmətinə ünvanladığımız sorğuya belə cavab aldıq: “Qeyd olunan məsələ ilə bağlı Dövlət Əmək Müfəttişliyi Xidmətinə müraciət daxil olub. Hazırda müraciət araşdırılır. Araşdırmanın nəticəsi barədə əlavə məlumat veriləcək”.

Xəbər lenti

Ağdaşda Heydər Əliyev prospekti bərbad vəziyyətdədir - FOTOLAR
16:21
Vüsal Nəsirli "işə başladı" - Asfalt qırıntıları sərnişinlərin üzərinə töküldü - VİDEO
15:41
Səhiyyə Nazirliyində rəhbərlik dəyişdi, “partnyor”la isə yox
14:50
Abşeron Rayon Mərkəzi Xəstəxanasında qalmaqal! - MÜRACİƏT
13:11
Xəzər rayonunda narazılıq yaradan TİKİNTİ - Yoldaş Salahovun ÇƏTİRİ ALTINDA...
11:56
«Dantera Klinikası»nda müştərini dişsiz qoydular… - BU NƏDİ BELƏ?
11:18
“İcazəm olmadan digər orqanlarım da götürülüb” - Vitamed Hospitalda əməliyyat olunan xəstə şikayət edir
10:16
İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub
09:37
Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb
18:01
Nizami rayonunda nə NİZAM VAR... nə də İNTİZAM... - GİLEY
17:43
“Müğənnilərə qoyulan efir qadağası davam etməlidir – Televiziya və cəmiyyətdə çox şey dəyişdi!”
17:11
"SOCAR rəhbərliyi Nüsrət Əliyevi institutumuzu dağıtmaq üçün direktor göndərib?" - "Neftqazelmitədqiqatlayihə"nin ÖZ GÜLÜMSƏROVU VAR İMİŞ...
16:52
“İrşad Electronics” bir nəfərə verdiyi 2-3 kreditə görə MƏHKƏMƏDƏ - TƏFƏRRÜAT
16:32
İcra başçısının birinci müavini ilə bağlı 2 milyonluq qalmaqal: Prokurorluq araşdıracaq
15:51
“Kubinka”da 300 milyonluq dəhşətli sxem: Əsabil Qasımovun adamları dövlətin 3 milyon vergisini necə uddu? - ŞOK iddialar
14:56
Hökməli bələdiyyəsinin sədri şəhidin qan pulunu alıb? – ŞOK İDDİA!
14:24
Zərgərlik dükanı kimi idarə edilən UNİVERSİTET - Ölkənin ana təhsil ocağı da belə rüsvay oldu...
12:47
Badamdarda tikinti sahəsində təhlükəsizlik qaydalarına niyə əməl olunmur? -FOTO+VİDEO
12:02