Tovuz Rayon İcra Hakimiyyəti Novruz şənliyinə 17 582 manat pul xərcləyib.


Bayram şənliyini icra hakimiyyətinin sifarişi ilə "Prodsale” MMC təşkil edib.


Bununla bağlı qurumla şirkət arasında birmənbə metodu ilə satınalma müqaviləsi imzalanıb.


İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Prodsale” MMC 23 yanvar 2023-cü ildə qeydiyyata alınıb. Nizamnamə kapitalı 10 AZN-dir. MMC-nin hüquqi ünvanı Yasamal rayonu, xarici dairəvi yolu, ev 59, mənzil 51-də yerləşir. Şirkətin qanuni təmsilçisi Hətəmova Sahilə Zahid qızıdır.


Açıq mənbələrdə şirkət və qanuni təmsilçisi haqqında heç bir məlumat yoxdur.


Dövlət satınalmalarının vahid elektron portalına yerləşdirilən məlumatlardan aydın olur ki, Tovuz Rayon İcra Hakimiyyəti bayram və hüzn tədbirlərinin təşkilini əsasən "Prodsale” MMC-yə tapşırır. Həm bu fakt, həm də şirkətlə birmənbə metodu ilə müqavilə bağlanması satınalmanın şəffaflığı barədə suallar yaradır.


Tovuz Rayon İcra Hakimiyyətinin başçısı Məmməd Məmmədovdur. O, 2018-ci ildə rayona rəhbərlik edir.


Qaynarinfo

Xəbər verdiyimiz kimi, Azərbaycan təhlükəsizlik orqanlarının yaradılmasının 107-ci ildönümü tamam olur.

Ümummilli Lider Heydər Əliyevin 1997-ci il 23 mart tarixli Sərəncamına əsasən, hər il martın 28-i təhlükəsizlik orqanları əməkdaşlarının peşə bayramı kimi qeyd olunur.

Bu əlamətdar tarix öz başlanğıcını Azərbaycan Xalq Cümhuriyyətində dövlət təhlükəsizliyinin təmin olunması məqsədilə 1919-cu il martın 28-də “Kəşfiyyat və əks-kəşfiyyat bölməsi”nin yaradılmasından götürür.

Əlamətdar günlə bağlı hazırlanmış videoçarxı təqdim edirik:

Sabiq deputat Etibar Əliyev Azərbaycan Dövlət Neft və Sənaye Universitetinin (ADNSU) rektoru Rüfət Əzizovun beynəlxalq reytinqlərlə bağlı paylaşımına sərt münasibət bildirib.
Bizimesr.az bildirir ki, sabiq deputat, təhsil sahəsi üzrə mütəxəssis Etibar Əliyev sosial şəbəkə hesabında paylaşdığı statusda ADNSU rəhbərliyinin ictimaiyyətə yalnız müəyyən nəticələri təqdim etdiyini iddia edib.
Qeyd edək ki, ADNSU-nun rektoru Rüfət Əzizov “Möhtəşəm xəbər” başlıqlı paylaşımında universitetin QS (Quacquarelli Symonds) 2026-cı il üzrə fənn sahələri reytinqində iki istiqamət üzrə qlobal siyahıya daxil olduğunu açıqlayıb.
Onun sözlərinə görə, ADNSU “Neft mühəndisliyi” istiqaməti üzrə 101–150-ci, “Kompüter elmləri və informasiya sistemləri” istiqaməti üzrə isə 451–500-cü yerlərdə qərarlaşıb.
Etibar Əliyev isə bu təqdimat formasını tənqid edərək bildirib ki, universitetin digər sahələr üzrə göstəriciləri ictimaiyyətə açıqlanmır.
Sabiq deputat qeyd edib ki, müqayisə üçün Bakı Dövlət Universitetinin bəzi istiqamətlər üzrə nəticələri də nəzərə alınmalıdır. Onun sözlərinə görə, BDU “Neft mühəndisliyi” kateqoriyasında 51–100-cü, “Kompüter elmləri və informasiya sistemləri” sahəsində isə 601–650-ci pillələrdə yer alıb.
Etibar Əliyev ADNSU-da xüsusilə riyaziyyat, kimya və kimya mühəndisliyi istiqamətlərinin vəziyyəti ilə bağlı da suallar ünvanlayıb. O bildirib ki, vaxtilə bu universitetdə riyaziyyatın tədrisi daha güclü olub və hazırkı nəticələr ciddi suallar doğurur.
Sabiq deputat paylaşımında həmçinin ali məktəblərin elmi məqalə göstəricilərində digər elmi qurumların əməkdaşlarının roluna da toxunub. O hesab edir ki, bəzi uğurların təqdimatında bu məqamlar da nəzərə alınmalıdır. Etibar Əliyev ADNSU rəhbərliyinə müraciətlə bildirib ki, əgər bir sahə üzrə irəliləyiş uğur kimi təqdim olunursa, digər istiqamətlər üzrə geriləmənin səbəbləri də ictimaiyyətə izah edilməlidir.
O, paylaşımının sonunda universitet rəhbərliyinə və bu nəticələri müsbət qiymətləndirən şəxslərə müraciət edərək, “cəmiyyəti ələ salmamağa” çağırıb.
Etibar Əliyev hesab edir ki, ali təhsil müəssisələrinin fəaliyyəti ilə bağlı ictimaiyyətə yalnız seçilmiş uğurların təqdim olunması düzgün yanaşma deyil və bu cür təqdimatlar cəmiyyətdə yanlış təsəvvür yaradır.

Qeyd edək ki, ADNSU QS reytinqlərində belə səradadır.
#851–900 — Dünya Universitetləri Reytinqi
#101–150 — Fənn (İxtisas) üzrə Dünya Reytinqi
#1401–1500 — Davamlılıq (Sustainability) Reytinqi
#16 — Avropa Reytinqi (Qərbi Asiya)

Bizimesr.az

“Kristal Bakı” ASC-yə məxsus şirkətin rəsmi saytında 30.06.2025-ci il tarixi ilə yerləşdirilmiş "Kristal Bakı ASC-nin 2024-cü il üzrə konsolidə edilmiş maliyyə hesabatları" adlı başlıq diqqət çəkir. Bu başlığa klik etmədən baxdıqda elə təsəvvür yaranır ki, ASC illik maliyyə hesabatını açıqlayıb və hər şey qaydasındadır.


Bizimesr.az bildirir ki, başlığa klik edildikdə tam fərqli mənzərə ortaya çıxır. Hesabatın yerləşdirilməli olduğu səhifədə heç bir sənəd yoxdur və istifadəçiyə “Not Found”- yəni “Tapılmadı” qeydi göstərilir. Bu isə faktiki olaraq, hesabatın mövcud olmadığını göstərir.

Beləliklə, rəsmi saytda hesabatın adı yerləşdirilsə də, sənədin özü yoxdur. Bu isə ictimaiyyət üçün açıqlanmalı olan maliyyə məlumatlarının əlçatan olmadığı anlamına gəlir. Başqa sözlə, başlıq var, amma hesabatdan əsər-əlamət yoxdur.


Ümumiyyətlə, uzun illərdir “Kristal Bakı” ASC Bakı şəhərinin ən bahalı ərazilərində binaların tikintisi və yüksək qiymətlərlə satışı ilə məşğul olur. Üstəlik, bu fəaliyyətini medianın dəstəyindən istifadə edərək tənzimlədiyi iddiaları da mövcuddur. Medianı reklamla ələ alaraq yalnız “Kristal” barədə müsbət məlumatların yayılmasını təmin etdiyi bildirilir.

Ölkənin demək olar ki, əksər media qurumlarına nüfuz edən bu şirkət barədə neqativ məlumatların yayılması isə faktiki olaraq mümkün olmur. Şirkət reklam verirsə, onunla əməkdaşlıq edən media qurumu yalnız müsbət materiallar yayımlayır. Bu da o deməkdir ki, “Kristal Bakı” ASC bina tikinti bazarında istədiyi informasiya mühitini formalaşdıra bilir.


Həftənin 2-3 günü ölkə mediasında şirkətin yalnız satış və kredit şərtləri ilə bağlı məlumatların yayımlanması da bu iddiaları gücləndirən məqamlardan biri kimi qiymətləndirilir.


Bütün bunların fonunda isə ən vacib olan maliyyə şəffaflığı məsələsi açıq qalır. Çünki şirkətin öz rəsmi saytında yerləşdirilmiş 2024-cü il üzrə konsolidə edilmiş maliyyə hesabatı linki açılmır və sənəd mövcud deyil.


Beləliklə, “Kristal Bakı” ASC-nin elə öz rəsmi saytından görünür ki, şirkətin maliyyə hesabatları faktiki olaraq ictimaiyyət üçün açmaqda maraqlı deyil. Hesabatın adı yerləşdirilsə də, məzmunun olmaması bu məlumatların gizlədildiyi ilə bağlı suallar yaradır. Bu isə onu deməyə əsas verir ki, maliyyə şəffaflığı ilə bağlı vəziyyət heç də “Kristal” deyil.


Qeyd edək ki, “Kristal Bakı” ASC-nin səhmdarları Vəliyev Pərviz Ağalar oğlu (50 faiz), Nəbiyev Fərid Elburus oğlu (25 faiz) və Nəbiyev Araz Məhayət oğludur (25 faiz). Vəliyev Pərviz Ağalar oğlu Milli Məclisin deputatı Ağalar Vəliyevin oğludur. Pərviz Vəliyev 2018-ci ildə isə “Azəraqrartikinti” ASC-nin sədr müavini təyin edilib. 2024-cü ildə isə “Crystal Group of Companies” ASC-nin Müşahidə Şurası yaradılıb və onun sədri olub.


Ağalar Vəliyev indi də Xaçmaz üçün susacaq – Biznesmen-deputatın dairəsi üçüncü dəfə dəyişdirildi » XalqXeber.Az | Son xeberler Azerbaycan xeberleri

Ağalar Vəliyevin adı olduqca ciddi qalmaqallı məsələlərdə hallanıb. Məsələn Villası ilə Prezident Sarayını kölgədə qoyan, akvariumunda delfin saxlayan “Alabala”, Eldar Mahmudovun “toru”na düşən, mandat “legitimliyi” qalmaqalı və bir ailənin faciəsinə səbəb ola bilən fakklar və maraqlısı 4 hinduşkaya DSK sədri postuna təyinatrlar kimi məqamlarda çəkilib. Ən sonda isə "Kristal Bakı" ASC-nin 50 faiz səhmini oğluna - Pərviz Vəliyevə ötürərək adını qismən kənarda saxlaya bilib.


"Kristal Bakı" ASC-nin diğər 50 faiz səhmi isə Nəbiyev Fərid Elbrus oğlu (25%) və Nəbiyev Araz Mahayət oğludur (25%). Bəs bu şəxslər kimdir? Fərid Nəbiyev "Kristal Bakı" ASC-də Maliyyə direktoru, Araz Nəbiyev isə "A+CO" ASC-də Direktor müavini olaraq çalışırlar. Fərid Nəbiyev Araz Nəbiyevin əmisi oğludur.

Qeyd edək ki, bu yaxınlarda Nəbiyevlərin adı ölkədə külli miqdarda pul çıxarmaqda çəkildi. Nəbiyevlərə məxsus “Diadem” ASC -yə növbəti dəfə cərimə protokolu yazıldı. “Diadem” ASC müxtəlif təyinatlı tikililərin inşasını həyata keçirir, eləcə də tikinti materiallarının satışı ilə məşğuldur.


Mahayət Nəbiyevin qardaşı ölkədən nə qədər valyuta çıxarıb?Açıq Səhmdar Cəmiyyəti təşkilati formasına baxmayaraq “Diadem”in cəmi 2 səhmdarı var və Nəbiyev Elbrus Ənvər oğlu səhmlərin 75%-nə sahibdir. Elbrus Nəbiyev “Kristal Abşeron” MTK-nın Müşahidə Şurasının sədri Mahayət Nəbiyevin qardaşıdır.


Xüsusilə qeyd etmək lazımdır ki, ASC-nin kristal.az adlı rəsmi saytında ASC-nin yaranması, dəqiq adı, rəhbərliyi və diğər məlumatlar ümumiyyətlə qeyd olunmur. Bu isə özlüyündə ciddi suallar yaradır və şirkətin "Kristal Bakı" ASC kimi tanınmasını arxa planda saxlayır.


Bizimesr.az

Xəbər verdiyimiz kimi Novxanı qəsəbəsində isə AF Hotel Aqua Parkın dənizkənarı ərazisində tikinti işlərinin tikintisi ilə bağlı videogörüntülər yayılıb.


Xalq -ın araşdırmasına görə, videogörüntüdən də görünür ki, sözügedən tikinti işlərinə başlanılıb.

Qeyd edək ki, ölkə mətbuatında AF Hotel Aqua Parkın rəhbəri kimi Azay Möhnətovun adı çəkilir və bu təkzib olunmayıb.


Məlumatda qeyd olunmuşdur ki, heç bir icazverici sənəd olmadan aparılan işlər bu gün də davam etməkdədir.


Həmin ərazidə yaşıl ağaclar məhv edilərək qanunszu tikinti davam etdirilir.


Qeyd edək ki, AF Hotel Aqua Parkın idarəçiliyi “İlyasın kafesi”nin sahibi Azay Möhnətovun qohumu İlyas Möhnətovun idarəçiliyindəndir.


Məsələ ilə bağlı aidiyyatı qurumlarda heç bir açıqlama almaq mümkün olmadı. Xəbərdə adı keçən şəxlərin və qurumların fikirlərini dərc etməyə hazırıq.


Həmin görüntüləri təqdim edirik:(Xalq.online)

“Azəraqrar Dövlət İstehsalat və Emal Birliyi”ndə baş vermiş rəhbərlik dəyişikliyindən sonra qurumda ciddi narazılıqlar yaranıb. Buna səbəb yeni direktorun işinin öhdəsindən gələ bilməməsi və bəzi şəxslərin təsiri altına düşməsidir.

Bu barədə AzFakt.com-un əldə etdiyi məlumata direktor Hikmət Hüseynovu təsir dairəsinə salan şəxslərdən biri də müavini Həsən Abdullayevdir. Bu həmin Həsən Abdullayevdir ki, onun adı “Azəraqrar Dövlət İstehsalat və Emal Birliyi”ndə “ezamiyyə Həsən" kimi tanınır. Belə ki, keçmiş direktor Fəda Abbasovun vaxtında il ərazində müxtəlif rayonlara verilən ezamiyyət göndərişinin 90 faizi Həsən Abdullayevin adına yazılıb. Fəda Abbasovu işdən çıxartdırdığını və nazir Məcnun Məmmədova yaxın olduğunu tez-tez ətrafına deyən Həsən Abdullayevin bu vastə ilə direktor Hikmət Hüseynovu təsiri altında saxladığı bildirilir.

Məlumata görə direktor Hikmət Hüseynovun təsir altına alınmasında Həsən Abdullayevin ortağı Fəxrəddin Qəhrəmanovdur. Nazir Məcnun Məmmədovun hərbi xidmətdə komandiri olmuş Fəxrəddin Qəhrəmanovun hal-hazırda Həsən Abdullyevlə müxtəlif iş birliklərinin olduğu iddia edilir.(AzFakt.com)

Yaşadığı ərazinin bərbad vəziyyətdə olan yollarından şikayətçi olan Yeni Günəşli sakini buna görə Azərbaycan Avtomobil Yolları Dövlət Agentliyini sərt sözlərlə tənqid edib.

Yeni Günəşli sakini Haldun Novruzzadə Feysbuk səhifəsində belə yazıb: “Azərbaycan Avtomobil Yolları Dövlət Agentliyi köhnə Cavanşir körpüsü, Ferrari mərkəzinin yanındakı yolu – heç bir zədə, aşınma olmayan tərtəmiz yolu asfaltlayır, bunun kimi 30-a yaxın yolu da asfaltlayır, amma Yeni Günəşli, Samir Cəfərov, V massivinin 1988-ci ildən qalmış bərbad vəziyyətdə olan əsas yollarını asfaltlamırlar.

Belə çıxır ki, Azərbaycan Avtomobil Yolları Dövlət Agentliyinin yeni sədri Vüqar Nəsirli də Saleh Məmmədov kimi büdcədən pul yeməklə məşğuldur. Çünki təmirə ehtiyacı olmayan yolu təmir etmək pul yemək və korrupsiyadır.

Bizim, Yeni Günəşliyə ayrılan yolların haqqını yeyənin burnundan gəlsin o pul, o pulu gedib xaricdə dərmana xərcləsinlər”.

Məsələ ilə bağlı Azərbaycan Avtomobil Yolları Dövlət Agentliyinin mövqeyini öyrənməyə çalışsaq da, cəhdlərimiz alınmadı.(Bizimesr.az)

Qarşı tərəfi dinləməyə hazırıq.

Müştəri aldığı “Qoç Ət” şirkətinə məxsus “Çanaq pendiri”nin keyfiyyətindən narazı qalıb və pendirin keyfiyyətsiz olduğu bildirilib. 

Bu barədə Pərvanə adlı xanım sosial şəbəkələrdə yazıb. Şikayətçi bildirib ki, pendir yapışqan formalı olub: “Bu gün aldığım çanaq pendirini açdığı məhsulun keyfiyyəti məni narazı saldı. Lökbatan”.

Qida mütəxəssisinin fikrincə, qablaşdırılmış pendirin istehsal müddəti bitməsə də, o vəziyyətə düşməsinə səbəb istehsal səhvidir. Mütəxəssislr bildirr ki, yağlı pendiri az duzlu məhlula qoyanda bu vəziyyətə düşür. Pendirib o hala düşməsinin səbəbi istehsal prosesinin səhv olmasıdır. Qeyd etmək lazımdır ki, “Qoç Ət” şirkəti 1997-ci ildən fəaliyyət göstərir. mühəndis Sənan Təhməzovdur. Şirkət Təhməzov qardaşlarına aiddir.(Bizimesr.az)

Qarşı tərəfi dinləməyə hazırıq.

Bakının Nəsimi daha bir qanunusuz tikinti mağazasında alınıb.

Bizimesr.az bildirir ki, rayonun 3-cü mikrorayon dairəsi ətrafında, Seyid Cəfər Pişəvari küçəsi ünvanında piyada səkisi zəbt olunub, qazıntı işlərinin xaricində. Qeyd olunur ki, vövcud obyektə əlavə zirzəmi qatının yaradılması nəticəsində qazıntı işləri görülür.

Ərazidə olan ərazilərimizin əldə edilməsinə görə, sözügedən tikinti işləri rəsmi icazələrə malik olmaq mümkündür. Amma rayon öyrənmək, ərazi üzrə icra məmuru bu tiukintidən məlumatlıdır. Özünü iş icraçısı kimi təqdim edən və adını gizlədən şəxs ki, rəsmi icazələri olmasa da, aidiyyatı üzrə məlumat verilib və bu qazıntı ilə bağlı aidiyyatı şəxslər məlumatlıdır. Maraqlıdır, tikinti icazəsi olmayan şəxslərə hansı əsaslarla bu işləri görməyə icazə verilib?

Qeyd edə bilər ki, Nəsimi rayon icra başçısı Tahir Budaqovdur.(Bizimesr.az)

Qarşı tərəfini çıxarmağa hazırıq.

Azərbaycanın yerli idarəetmə institutlarında şəffaflıq və hesabatlılıq məsələləri son illər daha çox müzakirə predmetinə çevrilib. Xüsusilə bələdiyyə strukturlarında baş verən qanunsuzluq iddiaları və bu iddiaların araşdırılmasında müşahidə olunan passivlik cəmiyyətin hüquq sisteminə olan inamını ciddi şəkildə sarsıdır.

Məlumatlara görə, Abşeron rayonunun Qobu qəsəbə bələdiyyəsinin sədri Araz Nəcəfovun fəaliyyəti ilə bağlı səsləndirilən iddialar geniş rezonans doğurub. İddialarda qeyd olunur ki, onun qanunsuz əməlləri ifşa olunsa da, müəyyən “qoruyucu mexanizmlər” bu məsuliyyətdən yayınmağa imkan yaradıb. Çoxsaylı müraciətlərdən sonra aparılan kiçik miqyaslı jurnalist araşdırması zamanı ərazidə torpaq və ev alqı-satqısı ilə məşğul olan, özlərini makler kimi təqdim edən Rəhman və Mehman adlı şəxslər barədə ciddi məlumatlar və sübutlar əldə olunub.

Araşdırma zamanı həmin şəxslərin öz etiraflarına əsasən məlum olub ki, onlar bələdiyyə sədri Araz Nəcəfovun yaxın qohumlarıdır. Sosial şəbəkələrdə yayılan audio materiallarda isə açıq şəkildə qeyd edilir ki, torpaq sahələri əvvəlcə onların adına sənədləşdirilir, daha sonra isə müştərilərin vəsaiti hesabına rəsmiləşdirilərək satılır. Bu isə klassik korrupsiya və vəzifə səlahiyyətlərindən sui-istifadə mexanizminin əlamətləri kimi qiymətləndirilə bilər.

Bu cür faktların mövcudluğu fonunda əsas problem yalnız qanunsuzluğun özü deyil, həm də onun cəzasız qalması ehtimalıdır. Çünki hüquqi dövlətin əsas prinsiplərindən biri qanun qarşısında bərabərlikdirsə, bu prinsipin pozulması ciddi problemlərin göstəricisidir. Məhz bu kontekstdə Ulu Öndər mərhum Heydər Əliyevin məşhur fikri aktuallığını qoruyur: “Dövlət iki halda sarsılır: cinayətkar cəzasız qalanda və günahsız cəzalandırılanda.”
Araşdırma materiallarının DogruXeber.tv informasiya portalı tərəfindən aidiyyəti qurumlara göndərilməsi isə məsələnin rəsmi müstəviyə daşındığını göstərir. Bildirilir ki, müraciətlər əvvəlcə Baş Prokurorluğa, daha sonra isə Korrupsiyaya qarşı Mübarizə Baş İdarəsinə yönləndirilib. Həmin qurum tərəfindən aparılan araşdırma çərçivəsində həm portalın baş redaktoru, həm də bələdiyyə sədri izahat vermək üçün dəvət olunub.

Lakin prosesin ən diqqətçəkən məqamı ziddiyyətli ifadələrin ortaya çıxmasıdır. Belə ki, Araz Nəcəfov öz izahatında adı hallanan şəxsləri tanımadığını bildirmiş, eyni zamanda məsələni fərqli istiqamətə yönəltməyə çalışaraq jurnalist tərəfə ittihamlar səsləndirmişdir. Bunun əksinə olaraq, sonradan yayılan audio və digər sübutlar bu iddiaların reallıqla uzlaşmadığını ortaya qoymuşdur.

Daha maraqlısı isə odur ki, iddialarda adı keçən şəxslər sonradan redaksiya ilə əlaqə saxlayaraq yayımlanan materialların silinməsini tələb etmiş, hətta bələdiyyə sədrini müdafiə edən mövqe sərgiləmişlər. Bu isə hadisənin yalnız hüquqi deyil, eyni zamanda sosial-psixoloji və institusional aspektlərinin də olduğunu göstərir.

Bütün bu proseslərə baxmayaraq, araşdırmaların yekunu barədə ictimaiyyətə hər hansı aydın məlumat verilməməsi vəziyyəti daha da mürəkkəbləşdirir. Bu, təkcə bir hadisə kimi deyil, ümumilikdə idarəetmə mexanizmlərinin nə dərəcədə effektiv işləməsi sualını gündəmə gətirir.

Vurğuladığımız kimi, əsas məsələ yalnız konkret bir şəxsin məsuliyyətə cəlb olunması deyil, ümumilikdə idarəetmədə şəffaf və ədalətli yanaşmanın təmin edilməsidir. Əks halda, cəmiyyətdə “seçilmişlər üçün toxunulmazlıq” anlayışının formalaşması qaçılmaz olur.

Bu kimi halların obyektiv və şəffaf şəkildə araşdırılması, nəticələrin ictimaiyyətə açıq təqdim edilməsi və qanunun aliliyinin təmin olunması dövlət-cəmiyyət münasibətlərinin sağlam inkişafı üçün həyati əhəmiyyət daşıyır. Əks halda isə cəzasızlıq mühiti yalnız bir fərdi deyil, bütövlükdə idarəetmə mühitini zəiflədən əsas faktora çevriləcək.

DogruXeber.tv