Toxunulmazlıq statusu almış bu klinikada, qiymətlər “kəllə-çarxa çıxıb”

3 gün əvvəl mediada Sumqayıt şəhərində fəaliyyət göstərən “Real” Tibb Mərkəzi ilə bağlı narahatedici məlumatlar tirajlandı…ŞikayətçiYasəmən Əliyeva (ad şərtidir) bildirir ki, doğum şöbəsinin müdiri, mama-ginekoloq Cavid Allahverdiyev pasiyentin başqa klinikada analiz verdiyini əsas gətirərək onu müayinə etməkdən imtina edib. Onun sözlərinə görə, həkimin qəbulunda olub və ona bir neçə analiz təyin edilib. Şikayətçi bildirir ki, həkim analizlərin hansı laboratoriyada verilməli olduğunu deməyib:
“Əvvəllər də ona müraciət etmişdim, kömək etmişdi. Bu dəfə də analiz üçün vərəq yazdı, amma harada verməli olduğumu demədi. Mən də gedib ‘İmplus’da verdim. Çünki qiymətlər daha münasibdir, "Real" klinikasında isə kəskin bahadır”.

Pasiyentin sözlərinə görə, analizlərin nəticəsini həkimə göndərsə də, o, baxmaqdan imtina edib:

“Axşam nəticələri göndərib soruşdum ki, Sumqayıta gəlməyimə ehtiyac varmı? Əgər adi bir şeydirsə, dərmanı alım. Amma yazdı ki, “İmplus”un analizlərinə baxmıram. Bu müəssisəni qoyub orada analiz vermisən’”.

“Sumqayıt Hospital” “Real”ı kölgədə qoyur

Bu məlumatı xatırlamağımız təsadüf deyil… Sumqayıtda fəaliyyət göstərən daha bir klinika-“Sumqayıt Hospital”la bağlı Yenixeber.org-a daxil olmuş məlumatlardan belə məlum olur ki, bu şəhərdəki səhiyyə müəssisələrini ortaq prinsiplər birləşdirir: Müayinə-müalicədən tutmuş para məsələsinə qədər…Ölkə səhiyyəsinin bərbad durumunun parlaq nümunəsi kimi.

Özəl məlumatlarımıza keçməzdən əvvəl xatırladaq ki, “Sumqayıt Hospital”la bağlı indiyədək də, media və sosial şəbəkələrdə yumşaq desək xoşagəlməz məlumatlar titajlanıb…Bir müddət əvvəl ölkə mediasında yayılan məlumata görə, 2025-ci ildə “Sumqayıt Hospital”da 100-ə yaxın protez əməliyyatının icra olunması fonunda xəstələrin müxtəlif bölgələrdən eyni tibb müəssisəsinə yönləndirilməsi baş tutub(?) Sən demə, dövlət tibb müəssisələrində müayinə olunan xəstələr qeyri-rəsmi mexanizmlər vasitəsilə avtomatik olaraq “Sumqayıt Hospital”a göndərilir.

İddiaya əsasən, xəstələr sistemdə xüsusi qeydiyyata düşür və seçim hüquqları olmadan həmin xəstəxanaya yönləndirilir. Bu, xəstələrin əməliyyat və tibbi xidmət seçimlərini məhdudlaşdıraraq, prosesin məqsədli şəkildə idarə olunduğu ehtimallarını gücləndirir.

Sxemdə adları hallanan şəxslər arasında icraçı direktor Rəşad Hüseynov, onunla əlaqəli olduğu iddia edilən Əhliman Əmiraslanov və prosesin əsas idarəedicisi kimi göstərilən Asiman Həsənov yer alır.

Mənbələr bildirir ki, bu şəxslərin təsiri altında xəstələrin yönləndirilməsi sistemli şəkildə həyata keçirilir.( nocomment.az)

***

Sumqayıt sakini İlkin İsmayılov da müalicə üçün müraciət etdiyi “Sumqayıt Hospital”dakı özbaşınalıqdan şikayət edib. Şikayətçi bildirir ki, hospitalda həkim qəbuluna yazılan xəstələr qapıda gözlədilir, növbədəki xəstələr qala-qala qəbulda əlavə ödəniş edənlər içəri buraxılır… (Yazını bu likdən oxuya bilərsiniz: https://sumqayit.tv/sumqayt/17508-sumqayt-hospitalda-xstlri-ruvtl-qbul-edirlr-ikayt.html )

***

"Sumqayıt Hospital" həkim ortoped-travmatoloqu Elçin Yaqubov isə xəstəni şikəst etməkdə ittiham edilir: 1961-ci il təvəllüdlü Quliyeva Püstəxanım Hümbətəli qızı bildirdiyinə görə, əməliyyat İcbari Tibbi Sığorta çərçivəsində aparılsa da, xəstəxana pasiyentin yaxınlarından əlavə olaraq 3500 manat pul alıb…(Yazını bu likdən oxuya bilərsiniz: https://news.milli.az/country/1283452.html )

Hospital”ın toxunulmazlıq statusu və öz qanunları…

Bu məlumatları da xatırlamağımız təsadüf deyil…Bu və digər, eləcə də, Yenixeber.org-a daxil olmuş məlumatlardan aydın olur ki, "Sumqayıt Hospital" hansısa gözəgörünməz əlin sayəsində sanki bir toxunulmazlıq statusu alıb. Ki, burada kimsə tərəfindən yazılması məlum olmayan qanunlar hakimdir.

Xatırladaq ki, Sumqayıt şəhəri, Çerkassi küçəsi 571 ünvanda yerləşən bu klinkikada “Doğuş şöbəsi”, “Stasionar”, “Polikilinika”, “Əməlliyyat bloku, “Reanimasiya”, “Radiologiya” və “Qəbul şöbəsi” fəaliyyətdədir.

"Sumqayıt Hospital"lda həkim qəbulu, müayinə, müalicə və əməliyyatların qiyməti qeyd etdiyimiz kimi, hansısa gözəgörünməz əlin işarəsi ilə müəyyənləşir. Ölkə əhalisinin məlum sosial durumu, minimum əməkhaqqı və s. bu kimi göstəricilərdən burada əsər-əlamət yoxdur… Sadəcə həkim qəbulları 30-60 manat arasında dəyişir. Müxtəlif cihazlarla tibbi müyainələrin də öz qiymətləri var. Müalicə və əməliyyatlarla da bağlı qiymətlər müxtəlifdir. Məsələn, təbii doğuş 881 manat olduğu halda, qeysəriyyə məliyyatı 1181 manatdır…Diqqət edin, məbləğlərin sonunda 1 manat olması qiymətlərin guya hansısa göstəricilərlə əsaslandırılması təsəvvürü yaratmağa hesablanıb. Amma, hansı sosial və itisadi göstəricilərdən,… Bir zəhmət klinika rəhbəri bunu açıqlasın…Tibbi sığorta məsələsi də, burada Azərbaycansayağı tətbiq edilir.

Açıqlanmasına ehtiyac olan faktorlar bunularla bitmir: "Sumqayıt Hospital"ın yeni korpusu, ərazisindən kənar, fəaliyyətdə olan Aptek və kafenin lazımı hüquqi sənədləri ilə də bağlı açıqlama verilməsinə ehtiyac olan məlumatlar var…

Yuxarıda “gözəgörünməz əl” yazdıq,…Bu əlin akademik-deputat Əhliman Əmiraslanova məxsusluğu ilə bağlı indiyə qədər də mediada məlumatlar yer alıb. İddiaya görə “Sumqayıt Hospital”ın toxunulmazlıq statusu alması, qiymətlərin “kəllə-çarxa çıxması” da məhz, bu səbəbdəndir.

Biz hələlik ötəri toxuna bildiyimiz məlumatlarla bağlı "Sumqayıt Hospital" Məhdud Məsuliyyətli Cəmiyyətin direktoru Rəşad Hüseynova rəsmi sorğu da ünvanlamışıq. Təəssüf ki, hələ də sorğumuz cavabsız qalmaqdadır(?) Bu səbəbdən də, hələlik geniş yaza bilmirik…(Yenixeber.org)

Azərbaycan Prezidenti İlham Əliyev və birinci xanım Mehriban Əliyeva martın 18-də Xocavənd rayonunun Xanoba kəndində fərdi evlərin və infrastrukturun bərpası sahəsində görülən işlərlə tanış olublar.

Sonra dövlət başçısı və birinci xanım kəndə köçmüş Bəybala Qasımovun evində olublar.

Daha sonra Prezident İlham Əliyev və birinci xanım Mehriban Əliyeva Xanobaya qayıdan kənd sakinləri ilə görüşüblər.

Dövlət başçısı Xanoba kəndində sakinlərlə birlikdə Novruz tonqalını alovlandırıb.

Azərbaycan telekanllarında fevral ayında aparıcıların istifadə etdiyi xarici sözlərin sayı 864-ə düşüb.

Bu barədə Audiovizual Şura məlumat yayıb.

Qeyd edilib ki, 15 televiziya kanalının aparıcıları tərəfindən ötən ilin dekabr ayında xarici sözlərdən 1366, bu ilin yanvar ayında 1460 istifadə halı müəyyən olunub.

Bildirilib ki, cari ilin yanvar ayında televiziya yayımçılarının məsul şəxsləri ilə keçirilən görüşdə aparılan monitorinqlərin dekabr ayı üzrə nəticələri yayımçıların diqqətinə çatıdırılmış, nəticələrin televiziya yayımçıları tərəfindən ciddi nəzərə alınması tövsiyə olunub:

"Növbəti monitorinqlərin nəticələrinə əsasən xarici sözlərdən yersiz istifadə hallarında tendensiyanın azalmayacağı təqdirdə inzibati tənbeh tədbirlərinin tətbiq ediləcəyi qeyd olunub. Yanvar ayının monitorinqlərinin dekabr ayının nəticələrinə yaxın olmasına baxmayaraq, keçirilən görüşlərin və aparılan maarifləndirici fəaliyyətin nəticəsi olaraq cari ilin fevral ayında televiziya kanallarının aparıcıları tərəfindən Azərbaycan dilində qarşılığı olan xarici sözlərdən istifadə sayında ciddi azalma müşahidə olunub".

Şura belə monitorinqlərin davamlı olacağını qeyd etməklə yanaşı, yayımçılara bu sahədə redaksiya nəzarətinin gücləndirilməsinin vacibliyini bir daha bildirir, redaksiya nümayəndələri və aparıcılar tərəfindən xarici sözlərin istifadəsinin azaldılması istiqamətində daha intensiv iş aparmalarını tövsiyə edib.

Qeyd edək ki, Audiovizual Şura 2025-ci ilin sonlarından başlayaraq ümumölkə yerüstü və peyk yayımında olan televiziya kanallarının efirində xarici sözlərin istifadəsi ilə bağlı monitorinqlər aparır. Monitorinqlər AMEA-nın Dilçilik İnstitutu tərəfindən Azərbaycan dilində qarşılığı mövcud olan xarici kəlmə kimi təsdiq olunmuş 40-a yaxın sözün 15 televiziya kanalının aparıcıları tərəfindən istifadəsini müəyyən edir.

Naxçıvan Avtomobil Yolları Dövlət Agentliyinin 5 milyon manatdan çox mənimsəmədə ittiham olunan sabiq sədri Bəhruz Əsgərov özünü təqsirli bilmir.

“Qafqazinfo”nun məlumatına görə, onun işi üzrə ilk məhkəmə baxışı keçirilib. Proses prokurorun ittiham aktını elan etməsi ilə başlayıb.

İttiham konkret olaraq ondan ibarətdir ki, Bəhruz Əsgərov 2018-2020-ci illər ərzində Şərur Rayon Yol Təmir İstismar İdarəsinin rəisi Mikayıl İbrahimov, Culfa Rayon Yol Təmir İstismar İdarəsinin rəisi Yaşar İbrahimov, Şahbuz Rayon Yol Təmir İstismar İdarəsinin rəisi Səbuhi Dadaşov, Sədərək Rayon Yol Təmir İstismar İdarəsinin rəisi Malik Zamanov, Ordubad Rayon Yol Təmir İstismar İdarəsinin rəisi Müslüm Mehdiyev, Kəngərli Rayon Yol Təmir İstismar İdarəsinin rəisi Çingiz Mehdiyev, Babək Rayon Yol Təmir İstismar İdarəsinin rəisi Arif Əsgərov, Naxçıvan Şəhər Yol Təmir İstismar İdarəsinin rəisi Hidayət İmanov və digərləri ilə birləşərək dövlət büdcəsindən yolların təmiri üçün ayrılmış 5 milyon manatdan artıq vəsaiti mənimsəyiblər.

B.Əsgərov isə vəziyyətin əslində başqa cür olduğunu bildirib.

Əldə etdiyimiz məlumata görə, Agentliyin eks-rəhbəri bu dəfə geniş ifadə verməsə də, əvvəlki dindirmələrin hamısında korrupsiyaya görə Naxçıvan MR Ali Məclisinin keçmiş sədri Vasif Talıbovu ittiham edib. Onun sözlərinə görə, dövlət büdcəsindən hər dəfə ayrılan pulların 10 faizi V.Talıbova çatıb. Pulu ona çatdıran isə həmin vaxt Naxçıvanın Şəhərsalma və Arxitektura Komitəsinin sədri işləyən Hicran Rüstəmov olub. Təqsirləndirilən şəxs əlavə edib ki, həmin 10 faizi çatdırmayacağı halda işini itirəcəyi ilə təhdid edilib.

Məlumat üçün deyək ki, H.Rüstəmov özü də 212 milyonluq yeyintidə təqsirli bilinmişdi.

Növbəti iclasda B.Əsgərov hakim qarşısında sərbəst ifadə verəcək. Yekunda təqsirli bilinəcəyi halda isə onu 10 ildən 14 ilə kimi həbs gözləyir.

İsrailin ötən gecə Tehrana qarşı həyata keçirdiyi hava hücumları nəticəsində İranın kəşfiyyat naziri İsmayıl Xətib öldürülüb.

Bu barədə İsrailin müdafiə naziri İsrail Katzın Ofisi məlumat yayıb.

“İrana endirilən zərbələrin intensivliyi artır. İranın kəşfiyyat naziri Xətib də gecə saatlarında məhv edilib”, - o deyib.

Nazir bu gün əhəmiyyətli sürprizlərin olacağını açıqlayıb: “Bu gün bütün cəbhələrdə əhəmiyyətli sürprizlər gözlənilir. Bu sürprizlər İrana və “Hizbullah”a qarşı apardığımız müharibəni daha da gücləndirəcək”.

Katz həmçinin İsrailin Baş naziri Benyamin Netanyahu ilə birlikdə istənilən yüksəkvəzifəli İran rəsmisini zərərsizləşdirmək barədə əmr verdiklərini əlavə edib.

Vətəndaş “Çinar” süd məhsulları müəssisəsinin istehsalı olan “İvanovalı” şor məhsulunun içindən çıxarışları paylaşıb.

Bununla bağlı videonu Ömər Nazlı Başol xanım Feysbukda paylaşıb. O deyib ki, əldə etdikləri şorun üçündən qəribə üçün material çıxarıb. O həmin ağ maddənin nə olduğunu bildiyini bildirib.

Qeyd etmək lazımdır ki, sözügedən şorun hüququ olan müəssisə fiziki şəxs Tural İsmayılovdur. Sifarişçi olur Şərifov Rəşad Nurəddin oğludur. Müəssisənin ünvanı kimi Bərdə rayonu ərazisində. Ancaq nə sözügeÇinar” süd məhsulları müəssisəsi ilə bağlı, nə də bağlı “Tural İsmayılovla internet resurslarında heç bir əlavə məlumat çırmır.(Bizimesr.az)

Şikayətçinin çəkib paylaşdığı videonu təqdim edirik:

"Nargilə Residence" yaşayış kompleksinin sakinləri aldıqları mənzilin çıxarışını əldə edə bilmirlər. Oxu.Az-a müraciət ünvanlayan sakinlər iddia ediblər ki, Bakının Xətai rayonunun Cavanşir küçəsi 6 ünvanında yerləşən, "Məkan" Məhdud Məsuliyyətli Müəssisə (MMM) tərəfindən inşa edilən binada yaşayış olmasına baxmayaraq çıxarışlar təqdim olunmayıb.

Sakinlər bildiriblər ki, illərdir borclarını ödəyib bitiriblər, lakin mülkiyyətə dair sənədi ala bilmirlər: "Binanın 90 faizində yaşayış var. Buna baxmayaraq bizə verilən vədlərə əməl olunmur. Ödənişini uzun müddətdir yekunlaşdıran sakinlərin heç birinə çıxarış verilməyib. Aidiyyəti dövlət qurumundan bizə bildirildi ki, qeyd olunan ünvanda yaşayış binasının istismarına icazə alınması üçün sifarişçi "Məkan" MMM tərəfindən müvafiq orqana müraciət daxil olmayıb.

Heç kimə təhvil-təslim aktı verilməyib. Təqdim olunmuş müqavilənin isə heç bir hüquqi əsası yoxdur.

Bu binada hər şey sanki biznesdir, qaraj ödənişləri bir gecədə iki dəfəyə qədər qiyməti artırılıb. Əvvəl 50 manat ödəyirdik, indi isə 100 manatdır. Qarajın satış qiyməti isə o qədər yüksəkdir ki, almağımız mümkün deyil".

Məsələ ilə bağlı sözügedən gedən müəssisəyə ünvanladığımız sorğu cavabsız qalıb. Qarşı tərəf mövqe bildirərsə, işıqlandırmağa hazırıq.

Oxu.Az

23 nəfər Azərbaycan vətəndaşı Almaniyadan geri qəbul edilib.

Bununla bağlı Dövlət Miqrasiya Xidməti məlumat yayıb.

Bildirilib ki, martın 17-si Azərbaycan vətəndaşı olan 23 nəfər “Azərbaycan ilə Avropa İttifaqı arasında icazəsiz yaşayan şəxslərin readmissiyası haqqında” Saziş çərçivəsində Almaniyadan geri qəbul edilib.

Xatırladaq ki, ötən ay da 9 nəfər Azərbaycan vətəndaşı Almaniyadan geri qəbul edilmişdi.

İnstaqramın “Nə yeyib, nə içirik?” adlı səhifəsi “TamStore” supermarketlər şəbəkəsindəki rüsvayçı vəziyyəti ictimailəşdirilib. Sözügedən videonun hazırladığı video “TamStore”da məhsul, istehsal tarixi, məhsul məlum olmayan kolbasalar, kiflənmiş, qaralmış, istifadəyə tam yararsız olan yağlar satılır.

Xalq xəbər verir ki, kiflənmiş yağlar təzə məhsul kimi rəflərə yığılaraq endirimlə satışa təqdim edilib. Videodan məlum olur ki, endirimə qoyulan “Atena” yağlarının heç də biri deyil, hamısı eyni vəziyyətdə – kiflənmiş, qaralmış formadadır. Buna baxmayaraq “TamStore” heç bir yoxlama, nəzarət aparmadan xarab yağları rəflərə düzüb.

“TamStore”da problem təkcə yağlarla bağlı deyil. Marketdə istehsal tarixi, şirkət şirkəti olmayan kolsalar da açıq formada satılır. Sözügedən kolbasalar çox alınmadığı üçün başqa kolbasaların yanında hədiyyə olaraq təqdim edilir. Adətən metro çıxışlarında gizli formada satılan məhsul hansı heyvanın ətindən olduğu məlum olmayan bu cür kolbasaları “TamStore” şirkətinə hədiyyə adı ilə satır. ki, “TamStore” supermarketlərinin sahibi olan “TamStore” MMC “Avrora Qrup” ilə 2023-cü ildə qurulub. “TamStore” MMC-nin qanuni təmsilçisi Ceyhun Yusubov Lətif oğludur.

“Avrora Group”un qanuni nümayəndəsi Samir Natiq oğlu Əliyev, baş direktoru Ceyhun Yusubovdur. Qarşı tərəfi dinləməyə hazırıq.

“TamStore”un məhsul rəflərindəki rüsvayçılıqla bağlı videonu təqdim edirik:(Xalq.online)

Sabunçu rayonu Pırşağıda Ağa Əlizadə küçəsində aparılan tikinti işləri ətraf sakinlərin narazılığına səbəb olub.

İddialara görə, heç bir icazəverici sənədi olmayan ərazidə “avtoyuma” məntəqəsi açılması planlaşdırılır. Həyata keçirilən tikinti işlərinin qanuni əsasları ilə bağlı ciddi suallar yaranıb.

Sakinlərin bildirdiyinə görə, sözügedən ünvanda aparılan tikinti işlərinin icazə sənədləri barədə rəsmi məlumat təqdim olunmayıb.

Hətta bəzi sakinlər tikintinin müvafiq qurumların razılığı olmadan aparıldığını iddia edir. Onların sözlərinə görə, tikinti prosesi sürətlə davam etdirilsə də, ərazi üzrə təhlükəsizlik qaydalarına və şəhərsalma normalarına tam riayət olunub-olunmaması məlum deyil.

Məsələ ilə bağlı yerli sakinlər bildirirlər ki, tikinti işlərinin hansı əsasla və kimlərin razılığı ilə aparıldığının araşdırılması vacibdir. Çünki yaşayış massivinin daxilində aparılan bu cür tikintilər həm təhlükəsizlik, həm də şəhərsalma baxımından ciddi problemlər yarada bilər.

Qeyd edək ki, belə hallarda tikinti işlərinin qanuniliyinə nəzarət edən qurumlar – xüsusilə də Azərbaycan Respublikasının Fövqəladə Hallar Nazirliyi və Dövlət Şəhərsalma və Arxitektura Komitəsi tərəfindən araşdırma aparılması zəruri hesab olunur.

Ümid edilir ki, aidiyyəti qurumlar məsələ ilə bağlı mövqelərini açıqlayacaq və aparılan tikintinin qanuniliyinə aydınlıq gətiriləcək. Əks halda, sakinlərin narahatlığı daha da artacaq və məsələ ictimai müzakirələrin mövzusuna çevrilə bilər.

Aidiyyatı qurumlarında fikirlərində dərc etməyə hazırıq.

Həmin görüntüləri təqdim edirik: