Prezident İlham Əliyevin sosial media hesablarında Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) 7-ci Zirvə Görüşü ilə bağlı videoçarx paylaşılıb.

Həmin paylaşımı təqdim edirik:

Bakının Nizami rayonunda, Qara Qarayev prospekti ilə Şirin Mirzəyev küçəsinin kəsişməsində, Qara Qarayev prospekti 34/67 ünvanında yerləşən yaşayış binasının sakinləri binaya bitişik tikilmiş obyekt və orada fəaliyyət göstərən ictimai iaşə müəssisəsi ilə bağlı narazılıqlarını bildirirlər.
Sakinlərin sözlərinə görə, binanın birbaşa pəncərələrinin altında fəaliyyət göstərən “N1 Şaurma Tantuni 24/7” obyektində qida məhsulları, o cümlədən pirojkilər hazırlanır. Hazırlanma zamanı yaranan güclü yağ və qida qoxuları mənzillərə daxil olaraq sakinlər üçün narahatlıq yaradır.
Sakinlər bildirirlər ki, obyektin havalandırma (aspirasiya) sistemi yoxdur. Onların sözlərinə görə, qoxuların sorulması və binadan kənara ötürülməsi üçün nəzərdə tutulan hər hansı avadanlıq da quraşdırılmayıb.

Qeyd edək ki, Bizimesr.info daha əvvəl də həmin ərazidə yaşayış binasına bitişik obyekt tikintisi ilə bağlı material dərc edib. Şəhərsalma və Tikinti Məcəlləsində tikinti obyektləri arasında ara məsafələri ilə bağlı tələblər nəzərdə tutulur. Amma bu fakt göslənməyib və həmçinin rayon icra hakimiyyətinin rəhbərliyi bu obyektin tikintisi və istifadəsinə hələ də göz yumur.

Sakinlər əvvəlki müraciətlərində məsələ ilə bağlı rayon rəhbərliyinə məlumat verdiklərini, lakin şikayətlərinin nəzərə alınmadığını bildirmişdilər.
Obyektin tikintisinin və fəaliyyətinin müvafiq norma və tələblərə uyğunluğu, həmçinin havalandırma sisteminin mövcudluğu aidiyyəti qurumlar tərəfindən araşdırılmalıdır.
Məsələ ilə bağlı qarşı tərəfin və aidiyyəti qurumların mövqeyini dərc etməyə hazırıq.
Bizimesr.info

VİDEO LİNKDƏ: https://bizimesr.info/az/post/bascinin-emelinin-cezasini-bina-sakinleri-cekir-peraski-ve-saurma-qoxusundan-nefes-ala-bilmirik--video-23803

Suraxanı rayonunun Əmircan qəsəbəsində sakinlərin qaz təchizatı ilə bağlı narazılıqları artır.

Bizimesr.info xəbər verir ki, redaksiyaya daxil olan məlumata görə, Suraxanı rayon qaz istismar sahəsi əməkdaşları ay tamam olmadan abonentlərin qaz xəttini kəsir.

Məlumata görə, bəzi vətəndaşlar borclarını ödəsələr belə, qaz təchizatı bərpa olunmur.

Şikayətdə bildirilir ki, bu hal artıq adi xarakter almağa başlayıb. Sakinlər yaranmış vəziyyətdən narazıdırlar və “Azəriqaz” rəhbərliyindən məsələyə müdaxilə etməyi, qanunsuz hesab etdikləri halların qarşısının alınmasını tələb edirlər.

Məsələ ilə bağlı “Azəriqaz”ın mövqeyini dərc etməyə hazırıq.

Sərnişindaşıma sektorunda fəaliyyət göstərən “Atilla Trans Services A” MMC-nin fəaliyyəti ilə bağlı bir sıra məsələlərin araşdırılmasına ehtiyac var. Bakı Gəmiqayırma Zavodunun əməkdaşlarının daşınmasında istifadə edildiyi bildirilən 20 nəqliyyat vasitəsinin sənədləri, sürücülərlə əmək münasibətləri və vergi öhdəliklərinin icrası diqqət mərkəzindədir.

Redaksiyamızın əldə etdiyi ilkin məlumatlara və aparılan yoxlamaya əsasən, həmin nəqliyyat vasitələrinin dövlət qeydiyyat nişanları AYNA-nın elektron sistemi üzrə yoxlanılıb. Yoxlama zamanı avtomobillər üzrə qüvvədə olan “Fərqlənmə nişanı” barədə məlumat əldə edilməyib.

Bu nəticə özlüyündə qanun pozuntusunun sübutu hesab edilə bilməz. Məsələnin hüquqi qiymətləndirilməsi üçün AYNA-nın rəsmi mövqeyi, müvafiq sənədlər və daşımanın hansı hüquqi əsaslarla həyata keçirildiyi dəqiqləşdirilməlidir.

DAŞIMALARIN HÜQUQİ ƏSASI VƏ TƏLƏB OLUNAN SƏNƏDLƏR

Sərnişindaşıma fəaliyyətinin növündən asılı olaraq daşıyıcının müvafiq icazə sənədləri, nəqliyyat vasitələrinin buraxılış kartları və digər tələb olunan sənədləri olmalıdır. Sifarişli daşımalar zamanı elektron formulyarın rəsmiləşdirilməsi məsələsi də qanunvericiliyin tələbləri baxımından yoxlanılmalıdır.

Bununla yanaşı, nəqliyyat vasitələrinin texniki vəziyyəti, sürücülərin reysqabağı tibbi müayinəsi və sərnişinlərin təhlükəsizliyinin təmin olunması da xüsusi əhəmiyyət daşıyır.

ATA-TV.az aşağıdakı məsələlərin AYNA tərəfindən aydınlaşdırılmasını vacib hesab edir:

- Bakı Gəmiqayırma Zavodunun əməkdaşlarının daşınmasında istifadə edildiyi bildirilən 20 avtomobil üzrə qüvvədə olan “Fərqlənmə nişanı” varmı?
- Daşıyıcı şirkətin buraxılış vəsiqəsi və nəqliyyat vasitələrinin buraxılış kartları mövcuddurmu?
- Sifarişli daşımalar üzrə tələb olunan elektron formulyarlar rəsmiləşdirilirmi?
- Sürücülərin tibbi müayinəsi və nəqliyyat vasitələrinin texniki yoxlanışı necə təşkil olunur?
- Avtomobillər AYNA-nın müvafiq sistemində hansı hüquqi şəxsin və ya fərdi sahibkarın adına qeydiyyatdadır?

Bu suallara veriləcək rəsmi cavablar xidmətin qanunvericiliyin tələblərinə uyğun təşkil edilib-edilmədiyinin müəyyənləşdirilməsinə kömək edə bilər.

ƏMƏK MÜQAVİLƏLƏRİ VƏ VERGİ MƏSƏLƏLƏRİ ARAŞDIRILMALIDIR

Redaksiyamıza daxil olan ilkin məlumatlarda Atilla adı ilə fəaliyyət göstərən nəqliyyat şirkətlərində sürücülərlə əmək müqavilələrinin rəsmiləşdirilməsi, əməkhaqqı ödənişləri və vergi öhdəliklərinin icrası ilə bağlı da suallar səsləndirilir.

Bəzi sürücülərin əmək müqaviləsi olmadan işlədiyi və əməkhaqqı ödənişlərinin tam rəsmiləşdirilmədiyi barədə iddialar mövcuddur. Həmçinin bəzi nəqliyyat vasitələri üzrə tələb olunan sənədlərin vəziyyətinin yoxlanılmasına ehtiyac olduğu bildirilir.

Bu məlumatlar hələlik müstəqil şəkildə təsdiqlənməyib. Buna görə də Dövlət Vergi Xidmətinin və Dövlət Əmək Müfəttişliyi Xidmətinin araşdırması, eləcə də şirkətin mövqeyi məsələnin obyektiv qiymətləndirilməsi baxımından əhəmiyyətlidir.

Digər iddialardan biri sürücülərin yanacağı 85 qəpikdən alması ilə bağlıdır. Burada yanacağın növü, alış məntəqəsi, qiymətin hansı şərtlərlə tətbiq edildiyi və əməliyyatların müvafiq qaydada rəsmiləşdirilib-rəsmiləşdirilmədiyi dəqiqləşdirilməlidir.

100-DƏN ÇOX NƏQLİYYAT VASİTƏSİ BARƏDƏ MƏLUMATLAR

Şirkətlə əlaqəli şəxslərin 100-dən çox nəqliyyat vasitəsinə sahib olması və ya bu avtomobillərin idarə edilməsində iştirak etməsi barədə də ilkin məlumatlar var. Həmin nəqliyyat vasitələrinin hüquqi və faktiki mülkiyyətçiləri, qeydiyyat məlumatları və vergi öhdəlikləri yalnız rəsmi sənədlər əsasında dəqiqləşdirilə bilər.

Şahin Xəlizadənin və Namiq Arif oğlu Babayevin Atilla şirkətləri ilə mümkün əlaqələri barədə məlumatlar da ayrıca yoxlanılmalıdır. Xüsusilə şirkətlə şəriklik, nəqliyyat vasitələrinin təmin edilməsi və ya sifarişlərin icrası ilə bağlı hər hansı rəsmi münasibətin olub-olmadığı aydınlaşdırılmalıdır.

Adları çəkilən şəxslərin mümkün əlaqələri barədə məlumatların mövcudluğu onların hər hansı qanun pozuntusunda iştirak etdiyini göstərmir. Bu məsələlər yalnız sübutlar və aidiyyəti qurumların rəsmi cavabları əsasında qiymətləndirilə bilər.

RƏSMİ AÇIQLAMA GÖZLƏNİLİR

ATA-TV.az olaraq hesab edirik ki, mütəmadi sərnişindaşıma xidmətlərində sənədləşmə, sürücülərin əmək hüquqları, nəqliyyat vasitələrinin təhlükəsizliyi və vergi öhdəlikləri ilə bağlı bütün suallar şəffaf şəkildə cavablandırılmalıdır.

Bu məqsədlə AYNA-ya, Dövlət Vergi Xidmətinə, Dövlət Əmək Müfəttişliyi Xidmətinə və Bakı Gəmiqayırma Zavoduna müraciət edərək aidiyyəti məsələlər üzrə rəsmi mövqe bildirilməsini vacib hesab edirik.

Əsas suallar bunlardır: 20 nəqliyyat vasitəsinin sənədləri qaydasındadırmı? Sürücülərlə əmək münasibətləri qanunvericiliyə uyğun rəsmiləşdirilibmi? Vergi öhdəlikləri tam yerinə yetirilirmi? Şirkətin fəaliyyəti ilə bağlı irəli sürülən digər iddiaların hüquqi əsası varmı?

Redaksiyamız qarşı tərəfin mövqeyini dərc etməyə və aidiyyəti qurumların cavablarını ictimaiyyətə çatdırmağa hazırdır. Araşdırmada adı çəkilən 20 nəqliyyat vasitəsinin dövlət qeydiyyat nişanlarının ayrıca cədvəl şəklində təqdim edilməsi də nəzərdə tutulur.

Qeyd: Məqalədə yer alan və rəsmi şəkildə təsdiqlənməyən məlumatlar iddia xarakteri daşıyır. Hər hansı qanun pozuntusu barədə yekun nəticə yalnız müvafiq araşdırma və sübutlar əsasında müəyyən edilə bilər.

ATA-TV.az

Kənd Təsərrüfatı Nazirliyi yanında Göygöl Dövlət Aqrar İnkişaf Mərkəzinin rəhbərliyinin qanunsuz fəaliyyəti ilə bağlı Baş prokuror yanında Korrupsiyaya qarşı Mübarizə Baş İdarəsində cinayət işi qaldırılıb.
Bununla bağlı redaksiyamıza daxil olan məlumatda bildirilir ki, idarənin vətəndaş sorğusuna verdiyi rəsmi cavabda bu fakt təsdiqini taplb. Belə ki, şikayət əsasında aparılmış araşdırma nəticəsində Azərbaycan Respublikası Cinayət Məcəlləsinin 179.3.2 (qulluq
mövqeyindən sui istifadə etməklə , küllü miqdarda ziyan vurmaqla mənimsəmə) və 313-cü (vəzifə saxtakarlığı) maddələri ilə cinayət işi başlanaraq ibtidai istintaqın aparılması Baş İdarənin İstintaq idarəsinə həvalə edilmişdir. Onu da qeyd edək ki, bu məsələ ilə bağlı bür müddət öncə Müasir Müsavat partiyasının sədri Hafiz Hacıyev də çıxış etmişdir. Kənd Təsərrüfatı Nazirliyi yanında Göygöl Dövlət Aqrar İnkişaf Mərkəzinin direktoru Azər Hacıyev Hafiz Hacıyevin qohumu olmasına rəğmən, partiya sədri sözügedən məmurun külli miqdarda yeyintilərə rəğmən həbs olunmamasının səbəbinin rüşvət verməsi ilə bağlı olduğunu bildirmişdi. Həmin çıxışı diqqətinizə çatdırırıq:

Əlavə olaraq cumhuriyyet.az olaraq onu da bildirək ki, Daşkəsən rayonunda yaylağa köç edən fermerlərdən rüşvət aldığına görə İcra Hakimiyyətinin sabiq başçısı Əhəd Abıyev tərəfindən Daşkəsən Dövlət Aqrar İnkişaf Mərkəzinin direktoru vəzifəsindən Azər Hacıyev və dostu heyvandarlıq sektorunun müdiri, birinci qrup gözdən əlil Səttar Hacıyev ilə birlikdə qovulublar. Bundan sonra Azər Hacıyev nazirlikdə kadr idarəsinin müdiri İlham Süleymanova yol taparaq Samux rayonu Dövlət Aqrar İnkişaf Mərkəzinə müdir təyin olunur. Samuxda Azər Hacıyev işçiləri haqsız işdən azad edib, əmisi oğlu Araz Hacıyevi sürücü, dostu Ruslanı hüquqşunas təyin edib. Eyni zamanda Azər Hacıye orada Pərvin və Ülviyyə adlı qadın işçiləri incidib. Bu hərəkətlərinə görə Samuxdan da işdən azad olunan Azər Hacıyev Göygöl Dövlət Aqrar İnkişaf Mərkəzinə direktor gəlib. Azər Hacıyev digər rayonlarda etdiyi haqsızlıqları, qadın işçilərə qarşı əxlaqsız hərəkləri burada da edir. Həmçinin o, özü və oğlu qazi olan Hacıyev Əliaslanı da işdən çıxarıb.
Eyni zamanda Cənab Prezidentinmiz tərəfindən qəbul olunub ad günü təbriki olunan və hədiyyələr alan Ümid Həbibov atası Eldar Həbibov şərlənərək işdən azad olunub. Altun Məmmədov adlı müavini də şərlənərək işdən azad olunub. Göygöl rayonu Zod kəndində qaziyə məxsus əkin torpaq sahəsinə dair subsidiya ödənilməyib.Qazi olan vətəndaş işlə təmin olunmaları üçün Azər Hacıyevə müraciət etsələr də müraciətlərinə baxılmayıb.
Son olaraq cumhuriyyet.az olaraq mediada yer alan iddialara əsasən bildirək ki,, havardarları, yəni Kənd Təsərrüfatı Nazirliyinin mətbuat xidmətin rəhbəri Vüqar Hüseynov və kadrlar idarəsinin müdiri İlham Süleymanov tərəfindən müdafiə edilən Azər Hacıyevin bur cür özbaşına fəaliyyət mexanizminə yiyələnməsi dövlətimizə arxadan vurulan zərbədir. Azər Hacıyevin Göygöl rayonundakı özbaşınalıqlarının analoqu yoxdur.

Cumhuriyyet.az

“İri Şəhərlərin Birləşmiş Su Təchizatı Xidməti” publik hüquqi şəxsi tərəfindən müxtəlif növ nasos aqreqatlarının satınalınması üzrə 16.07.2026-cı ildə başladılmış açıq tenderə yekun vurulub. Müsabiqənin qalibi “HİDRO ENERJİ” Məhdud Məsuliyyətli Cəmiyyəti seçilib və tərəflər arasında 574.259,98 manat dəyərində satınalma müqaviləsi bağlanılıb. Məlumat satınalmaların portalında 12.10.2026-cı ildə dərc edilib.
Qeyd edək ki, İri Şəhərlərin Birləşmiş Su Təchizatı Xidməti tərəfindən nəzərdə tutulmuş nasos aqreqatlarının satın alınması üzrə keçirilmiş açıq tenderin ehtimal olunan qiyməti 1.008.428,57 manat müəyyən edilib.
Dövlət satınalmalarının vahid internet portalına yerləşdirilmiş bu məlumatdan da görsəndiyi kimi satınalan təşkilat olaraq İri Şəhərlərin Birləşmiş Su Təchizatı Xidmətinin müəyyən etdiyi ehtimal qiyməti ilə təchizatçı “HİDRO ENERJİ” MMC-nin təklif etdiyi qiymətlər arasında kəskin fərq var.
Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.
Qeyd edək ki, ehtimal olunan qiymət satınalma prosedurunda mal, iş və xidmətlərin vergi və rüsumlar daxil olmaqla bazar şərtlərinə əsasən müəyyən edilən maksimum dəyəridir. Bu qiymət satınalan təşkilat tərəfindən təkliflərin qiymətləndirilməsi üçün istifadə edilir və bazarın təhlili, müqayisəli üsullar və ya statistik məlumatlar əsasında hesablanır və dövlət vəsaitlərindən səmərəli istifadə məqsədilə 10 faizdən çox güzəştə yol vermək olmaz.
Bu qanun pozuntusundan əlavə İri Şəhərlərin Birləşmiş Su Təchizatı Xidmətinin müqavilə bağladığı “HİDRO ENERJİ” MMC-nin fəaliyyətində qaranlıq mətləblər də çoxdu. Açıq mənbələrdə barəsində heç bir məlumat yoxdu.
Rəsmi, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “HİDRO ENERJİ” (VÖEN: 1501942461) Məhdud Məsuliyyətli Cəmiyyətinin 10.11.2011-ci ildə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 20 manat olan MMC-nin hüquqi ünvanının BAKI ŞƏHƏRİ, NƏRİMANOV RAYONU, ZİYA BÜNYADOV, ev.110 K, qanuni təmsilçisi kimi isə Həmidov Sabir İsa oğlu qeyd olunub.
“Lisenziyalar və İcazələr haqqında” Azərbaycan Respublikası Qanununun 8.1 maddəsinə uygun olaraq İqtisadiyyat Nazirliyi tərəfindən aparılan lisenziyaların və icazələrin vahid reyestrində yerləşdirilmiş məlumatlarda (VÖEN: 1501942461) “KASKAD-HİDRO” MMC-yə məxsus olduğu göstərilir və tikintisinə icazə tələb olunan bina və qurğuların tikinti-quraşdırma işləri üzrə lisenziya 04.05.2017-ci ildə verilib.
Qeyd edək ki, “KASKAD-HİDRO” MMC 2024-cü ilə qədər “Azərsu” Açıq Səhmdar Cəmiyyətinə tabeli qurumlarla dəyəri milyonlarla manatı keçən onlarla tenderin qalibi olub. 2024-cü ilin martından sonra nə baş veribsə MMC “HİDRO ENERJİ” kimi fəaliyyət göstərir. Halbuki, VÖEN (1501942461) yarandığı gündüən “HİDRO ENERJİ” MMC-yə məxsus olub.
Bundan əlavə hazırda Azərbaycan Dövlət Su Ehtiyatları Agentliyinə tabeli qurumlarla nasos stansiyalarda hidromexaniki və elektrotexniki avadanlıqlar üçün mal-material və ehtiyyat hissələrinin satın alınması üzrə yüzlərlə müqavilə müqavilə bağlayan “KASKAD – HİDRO M” MMC -nin də yuxarıda adları çəkilən şirkətlərlə bağlılığı var.
Belə ki, Dövlət Vergi Xidmətinin Bakı şəhəri Lokal Gəlirlər Baş İdarəsində 14.12.2021-ci ildə dövlət qeydiyyatına alınmış “KASKAD – HİDRO M” MMC -nin ilk hüquqi ünvanı BAKI ŞƏHƏRİ NƏRİMANOV RAYONU, ZİYA BÜNYADOV, ev 110 K-da olub. MMC-nin qanuni təmsilçisi Namazəliyev Rauf Rasim oğludur. Hazırda hüquqi ünvanı BAKI ŞƏHƏRİ BİNƏQƏDİ RAYONU, ƏCƏMİ NAXÇIVANİ, ev.M2, m.M4-də yerləşir.
Göründüyü kimi son illər Azərbaycan Dövlət Su Ehtiyatları Agentliyinə tabeli qurumlar son illər bir nəfərə məxsus üç şirkətlə işbirliyi qurmuşlar. Bəs bu bir nəfər kimdir?
“HİDRO ENERJİ” Məhdud Məsuliyyətli Cəmiyyətinin direktoru Həmidov Sabir İsa oğlu.
Qeyd edək ki, Sabir Həmidov 1986-cı ildə “Bəzi sinif qeyri-hamar funksiyaların xassələrinin tədqiqi və minimallaşdırılması” mövzusunda namizədlik dissertasiyasını müdafiə edib. Fizika-riyaziyyat elmləri namizədidir. 2000-ci ildən Bakı Dövlət Universitetinin “Riyazi kibernetika” kafedrasında dosent vəzifəsində çalışır. Həm də sahibkardır.
Bir sahibkar kimi Sabir Həmidov uzun illərdir ölkənin su və meliorasiya sahəsinə bağlı qurumlarla işbirliyində olub. Bu işbirliyi Əhmədə Əhmədzadə və Qorxmaz Hüseynovdan başlayıb, Zaur Mikayılov, Tahir Xəlilov tandemi ilə də davam etdirilir. Bu isə qurumun keçirdiyi satınalmaların şəffaflıqdan uzaq olduğunu, büdcə vəsaitlərinin düzgün istifadəsinin qiymətləndirilməsi ilə yanaşı, rəqabət prinsiplərinin pozulmasına da xidmət edir
Qeyd edək ki, “İri Şəhərlərin Birləşmiş Su Təchizatı Xidməti” publik hüquqi şəxsin İdarə Heyətinin sədri Tahir Xəlilovdur. O, bu vəzifəyə Azərbaycan Dövlət Su Ehtiyatları Agentliyinin sədri Zaur Mikayılovun əmri ilə 2024-cü ilin noyabrında təyin edilib. Kürdəmir və Şəmkir rayonlarında bir il olmaqla Su Meliorasiya Sistemlərinin İstismarı İdarələrinin rəisi vəzifəsində çalışıb. Daha əvvəllər harada işləməsi barədə heç bir məlumat yoxdu. Vəzifə pillələrində belə sürətlə ucalmasının özü çox mətləblərdən xəbər verir. Dövlət Su Ehtiyatları Agentliyinin sədri Zaur Mikayılovun yaxın adamlarından hesab olunur.

Aktualinfo.net

“Yelo Bank” ASC 30 sentyabr 2026-cı il üzrə maliyyə hesabatını açıqlayıb.
Ölkə.az xəbər verir ki, sözügedən dövrə bankın cəmi aktivləri 1 mlrd 558 mln 649 min manat olub.
Bu da ötən ilin eyni dövrü ilə müqayisədə 7,9% çoxdur. Bankın müştərilərə verilmiş kreditlərinin həcmi isə illik müqayisədə 9,1% artaraq 1 mlrd 150 mln 290 min manat təşkil edib.

Bankın cəmi öhdəlikləri isə illik olaraq 7% artaraq 1 mlrd 363 mln 987 min manata çatıb.

ASC-nin depozit portfelinin həcmi son bir ildə 4,9% artaraq 30 sentyabr tarixinə 1 mlrd 91 mln 268 min manat olub. Depozit portfelində fiziki şəxslərin əmanətləri 945 mln 746 min manat təşkil edib, şirkətlərin depozitləri isə 14 mln 594 min manat və ya 9,1% azalaraq 145 mln 522 min manata enib.

Cari ilin üçüncü rübünün yekununda “Yelo Bank”ın cəmi kapitalı 194 mln 661 min manat olub ki, bu da illik müqayisədə 14,7% çoxdur. Səhmdar kapitalı 378 mln manat olan bankın 196 mln 420 min manat yığılmış zərəri var.

Sözügedən dövrdə bankın faiz gəlirləri 153 mln 520 min manat, faiz xərcləri 61 mln 296 min manat, qeyr-faiz gəlirləri 6 mln 980 min manat, qeyri-faiz xərcləri isə 66 mln 622 min manat olub. Bank mümkün zərərlər üçün ehtiyatların yaradılmasına 6 mln 527 min manat ayırıb və mənfəətindən 4 mln 300 manat vergi ödəyib.

Nəticədə, bank cari ilin ilk 9 ayını 17 mln 256 min manat xalis mənfəətlə başa vurub. 2025-ci ilin eyni dövrü ilə müqayisədə bankın xalis mənfəətində 30,4% azalma müşahidə olunub.

Qeyd edək ki, “Yelo Bank” 1994-cü ildən fəaliyyət göstərən “Nikoil Bank” ASC-nin bazasında 2019-cu ildə yaradılıb. Bankın səhmlərinin 98,94%-i Marina Kulişovaya, 0,96%-i Anar Həsənova (Bankın İdarə Heyətinin sədri), 0,1%-i isə “İSR Holdinq” MMC-yə məxsusdur.

Xatırladaq ki, bankın əvvəlki əsas səhmdarı olan “Topaz İnvestment” Azərbaycanlı milyarder Vahid Ələkbərovun nəzarətində idi.

Binəqədi rayonu, Binəqədi qəsəbəsində aparılan qanunsuz tikinti sakinlərin narazılığına səbəb olub.

Tribuna.az-a bu barədə məlumat verən sakinlər bildirib ki, qanunsuz tikinti işləri qəsəbənin Bəyli Qazi küçəsində aparılır. Sakinlər bildirib ki, iki tikilin arasında gizli formada aparılan işlərlə bağlı heç bir məlumat verilmir. Tikintini kimin apardığı da bilinmir.

Sakinlər Binəqədi Rayon İcra Hakimiyyətinin belə tikililərə göz yumduğunu, belə qanunsuz işlərlə bağlı heç bir tədbir görülmədiyinini iddia edilər.

VİDEO LİNKDƏ: https://diaaz.info/ust-manset/493129-bineqedide-tikinti-ozbashinaligi-davam-edir.html

"Rəqəmsal rabitə” informasiya sistemi yaradılıb.

Prezident İlham Əliyev bu barədə Fərman imzalayıb.

Fərmana əsasən, “Rəqəmsal rabitə” informasiya sistemi haqqında Əsasnamə” təsdiq edilib.

Müəyyən edilib ki, “Rəqəmsal rabitə” informasiya sistemi (RRİS) rəqəmsal texnologiyalardan, o cümlədən informasiya-kommunikasiya texnologiyalarından istifadə yolu ilə informasiya-kommunikasiya texnologiyaları və rabitə (telekommunikasiya və poçt) sahələrində tənzimləmə və nəzarətin, habelə mərkəzi və yerli icra hakimiyyəti orqanları, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslər, dövlət adından yaradılan publik hüquqi şəxslər və digər büdcə təşkilatları ilə, yerli özünüidarəetmə orqanları ilə, digər fiziki və hüquqi şəxslərlə əlaqələrin operativliyini, səmərəliliyini, şəffaflığını, eləcə də göstərilən xidmətlərin, həmçinin RRİS-də saxlanılan məlumatların sistemliliyini və əlçatanlığını təmin edir.

RRİS-in sahibi funksiyasını Azərbaycan Respublikasının Rəqəmsal İnkişaf və Nəqliyyat Nazirliyi, operatoru funksiyasını isə Azərbaycan Respublikası Rəqəmsal İnkişaf və Nəqliyyat Nazirliyinin tabeliyində İnformasiya Kommunikasiya Texnologiyaları Agentliyi həyata keçirir.

Fərmana əsasən, Azərbaycan Respublikasının Nazirlər Kabineti bu Fərmandan irəli gələn məsələləri həll etməli, Azərbaycan Respublikasının Rəqəmsal İnkişaf və Nəqliyyat Nazirliyi RRİS-in formalaşdırılması, aparılması, fəaliyyətinin təşkili və inkişaf etdirilməsi üçün zəruri tədbirlər görməli, RRİS-in Azərbaycan Respublikası Prezidentinin 2019-cu il 3 iyun tarixli 718 nömrəli Fərmanı ilə təsdiq edilmiş “Hökumət buludu” (G-cloud) Konsepsiyası”na uyğun olaraq “Hökumət buludu”nda yerləşdirilməsi, aparılması və təkmilləşdirilməsi, habelə RRİS-in “Dövlət informasiya ehtiyatlarının, sistemlərinin və elektron xidmətlərin vahid reyestri”nə və fərdi məlumatların informasiya sistemlərinin dövlət reyestrinə daxil edilməsi üçün tədbirlər görməli, qeyd olunan məlumatların ilkin mənbəyini formalaşdıran dövlət orqanları (qurumları) ilə birlikdə həmin məlumatların altı ay müddətində Elektron Hökumət İnformasiya Sistemi vasitəsilə əldə olunmasını təmin etmək məqsədilə zəruri tədbirlər görməli, Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti ilə birlikdə “Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları”nın təsdiq edilməsi və elektron hökumətlə bağlı bəzi tədbirlər haqqında” Azərbaycan Respublikası Prezidentinin 2018-ci il 12 sentyabr tarixli 263 nömrəli Fərmanının tələblərindən irəli gələn tədbirlərin həyata keçirilməsini təmin etməlidir.

“Professor Gindes adına respublika uşaq və yeniyetmələr üçün vərəm sanatoriyası” publik hüquqi şəxsi tərəfindən bir sıra malların satın alınması üzrə 02.09.2026-cı ildə başlanılmış kotirovka sorğusuna yekun vurulub. Müsabiqənin qalibi “YUNEST” Məhdud Məsuliyyətli Cəmiyyəti seçilib və tərəflər arasında 34.343,43 manat dəyərində satınalma müqaviləsinin bağlanılması planlaşdırılır. Məlumat satınalmaların portalında 09.10.2026-cı ildə dərc edilib.
Şərtlər toplusuna görə MMC satınalan dövlət müəssisəsini tualet üçün təmizləyici vasitə, kanalizasiya üçün vasitə, xlor, qab yuyan maye, sabun, şampun, salfetka, dəftər, bloknot, sifon, birdəfəlik kağız stəkan, qolf üçün təkər və bu kimi digər mallarla təmin etməlidir. Qeyd edək ki, Professor Gindes adına respublika uşaq və yeniyetmələr üçün vərəm sanatoriyası yuxarıda göstərilən eyni malların alınması üzrə “OMNİT TT” MMC ilə 26.05.2026-cı ildə 29.134,48 manat dəyərində müqavilə müqavilə bağlayıb.
Qeyd edək ki, Professor Gindes adına respublika uşaq və yeniyetmələr üçün vərəm sanatoriyası sözügedən MMC ilə son iki-üç ayda bir neçə müqavilə bağlayıb. Həm “YUNEST” həm də başqa ad altında.
“Binanın fasad şüşələrinin yuyulması xidməti”nin satın alınması üzrə 19.819,04 manat dəyərində müqavilə 15.09.2026-cı ildə “YUNEST” MMC ilə bir mənbədən satınalma metodu tətbiq edilməklə bağlanılıb.
Xatırlatmaq istərdik ki, bir mənbədən satınalma metodu “Dövlət Satınalmaları Haqqında” Qanunun 49-cu maddəsinə görə yalnız bu hallarda tətbiq edilə bilər: satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda; satınalma predmetinə təcili tələbat yarandıqda.
Göründüyü kimi sözügedən MMC xüsusi hüquqlara malik olmayan, analoji işlərdə təcrübəsi olmayan, bir şirkətdir. Amma buna baxmayaraq Professor Gindes adına respublika uşaq və yeniyetmələr üçün vərəm sanatoriyası qanunun tələblərini pozaraq təsərrüfat malları sifariş verdiyi MMC ilə fasad şüşələrinin yuyulması xidməti üzrə bir mənbədən satınalma metodu tətbiq edilməklə şübhəli müqavilə bağlayıb.
“Bir sıra işlər”in satın alınması üzrə 39.600,39 manat dəyərində satınalma müqaviləsi 31.07.2026-cı ildə “AXS” MMC ilə bağlanılıb.
Şərtlər toplusuna görə MMC vərəm sanatoriyasında torpağın hamarlanması, ağardılma işləri – bardurlar, hasarlar, ağaclar, kanalizasiya borusunun sökülməsi, əkilmiş gül və kolluqların dekorativ baxımı, su borularının yenilənməsi, fasad səthlərin yuyulması və təmizlənməsi, binanın fasad örtüyünün düzəldilməsi, çiçək yataqlarının torpaq qatının hazırlığı və yumşaldılması kimi digər xidmətlər göstərmələdir.
Göründüyü kimi Professor Gindes adına respublika uşaq və yeniyetmələr üçün vərəm sanatoriyası həm malların alınması, həm də müxtəlif xidmətlərin göstərilməsi üçün bir MMC ilə ümumi dəyəri 93 762 manat dəyərində 3 satınalma müqaviləsi bağlamışdır.
Bəs sözügedən MMC barəsində nə kimi məlumatlar var. Açıq mənbələrdə “YUNEST” Məhdud Məsuliyyətli Cəmiyyəti və onun qanuni təmsilçisi barədə əlavə məlumata rast gəlinmir.
Satınalmaların portalı üzərindən apardığımız araşdırmada “YUNEST” MMC eyni VÖEN-lə həm də “AXS” MMC kimi iyul-sentyabr aylarında “Sanator-Kurort Reabilitasiya Mərkəzi” publik hüquqi şəxsi ilə müxtəlif xidmətlər üzrə ümumi dəyəri 140 893 manat dəyərində 3 satınalma müqaviləsi bağlamışdır.
Apardığımız araşdırma zamanı Professor Gindes adına respublika uşaq və yeniyetmələr üçün vərəm sanatoriyası “AXS” MMC-nin VÖEN-i kimi təqdim etdiyi eyniləşdirmə nömrəsinin “YUNEST” MMC-yə məxsusluğu məlum oldu. Sözügedən “YUNEST MMC 17.01.2012-ci ildə 3 saylı Ərazi Vergilər İdarəsində dövlət qeydiyyatına alınıb. Hüquqi ünvanı Qusar rayonu, Yuxarı Ləyər kəndi, qanuni təmsilçisi Zeynalov Nahid Zakir oğludur. MMC-nin ilk qanuni təmsilçisi Yunusov Xalid Qiyasəddin oğlu olub. Daha sonra Ağasıyev Sarxan Dünyaməddin oğlu MMC-nin rəhbəti olub.
“YUNEST” MMC-nin hazırkı qanuni təmsilçisi Zeynalov Nahid Zakir oğlunun isə uzun müddət “Bank of Baku” İdarə Heyəti sədrinin müavini vəzifəsində çalışdığı, bankın İT infrastrukturu və ödəniş sistemlərinin inkişafına rəhbərlik etməsi barədə açıq mənbələrdə məlumatlar var.
Qeyd edək ki, 2024-cü ilin sentyabr ayında Azərbaycanda bir sıra qurumların rəhbərləri və yüksəkvəzifəli əməkdaşlarının korrupsiya cinayətlərinin üstünün açılması barədə məlumatlar yayılmışdı. Məlumatda bildirilirdi ki, Səhiyyə, Elm və Təhsil Nazirlikləri və Milli Elmlər Akademiyasının tabeliyindəki mərkəzlərdə dövlət vəsaitlərinin mənimsənilməsi faktları ortaya çıxıb.
Cinayət məsuliyyətinə cəlb edilən 80 şirkətə rəhbərlik edən Rüfət Nurəddin oğlu Kərimovun ifadələri isə araşdırmanın əhatə dairəsini genişləndirib. Onun şirkətlərinə dövlət qurumlarından və onların müəssisələrindən müxtəlif təyinatlı pulların köçürülməsi Maliyyə Monitorinqi Mərkəzini şübhələndirib. Bir neçə ay davam edən istintaqla ehtimal olunandan daha böyük yeyintilər üzə çıxıb.
Müəyyən edilib ki, dövlət qurumları tərəfindən şirkətlərə tikinti materiallarının alınması, su ilə təmin etmə və digər xidmətlər adı ilə 3 milyon manat pul köçürülüb. Baş prokuror yanında Korrupsiyaya qarşı Mübarizə Baş İdarəsi cinayətdə iştirak edən şəxsləri tək-tək istintaqa cəlb edib. Hər biri Cinayət Məcəlləsinin xeyli miqdarda mənimsəmə və vəzifə saxtakarlığı maddələri ilə təqsirli biliniblər.
Onların arasında Səhiyyə Nazirliyinin “Professor Gindes adına respublika uşaq və yeniyetmələr üçün vərəm sanatoriyası” Publik Hüquqi Şəxsinin direktoru Rəşid Bədəlovun da adı keçir.
Göründüyü kimi, ötən illərdə olduğu kimi Səhiyyə Nazirliyinə tabeli tibb müəssisələrindəkorrupsiya şəbəkəsi davam edir. “Professor Gindes adına respublika uşaq və yeniyetmələr üçün vərəm sanatoriyası” Publik Hüquqi Şəxsinin direktoru Rəşid Bədəlov da köhnə şakərindən əl çəkə bilmir. Adı olub özü olmayan saxta şirkətlərə yenə də mal materialların alınması və müxtəlif xidmətlər adı altında işbirliyini davam etdirir.

Aktualinfo.net