“Qurtuluş-93” MMC-nin rəhbəri Məhərrəm Novruzova məxsus Şabran rayonu, Rəhimli kəndində yerləşən “Bağçalı” otelinin fəaliyyəti Fövqəladə Hallar Nazirliyi tərəfindən dayandırılıb.

Trbuna.az xəbər verir ki, Fövqəladə Hallar Nazirliyinin Dövlət Yanğın Nəzarəti Xidməti tərəfindən Şabran rayonu, Rəhimli kəndində yerləşən “Bağçalı” otelində keçirilən yoxlama zamanı yanğın təhlükəsizliyi sahəsində bir sıra nöqsanlar aşkar edilib. Norma və qaydaların kobud pozulması səbəbindən Rəhimli kəndində yerləşən “Bağçalı” otelinin fəaliyyətinin dayandırılması barədə qərar qəbul olunub.
Nöqsanlar səbəbindən fəaliyyəti dayandırılan “Bağçalı” otel “Qurtuluş-93” MMC-nin rəhbəri Məhərrəm Novruzova məxsusdur. M.Novruzovun “Bağçalı evlər” şirkəti Şabran rayonunun Rəhimli kəndində müasir istixanalar da qurub. Şirkət tərəfindən 0,13 hektar ərazidə müasir damcı üsulu ilə tərəvəz yetişdirən istixana fəaliyyət göstərir. Şirkət tərəfindən 4 hektar ərazidə yeni istixana kompleksi quraşdırılıb. “MY BEACH” hotel və restoranı da “Bağçalı evlər” kompleksi də Hacı Məhərrəm Novruzova məxsusdur.
Xatırladaq ki, 2021-ci ildə Məhərrəm Novruzovun kürəkəni Kərbalayev Elşad Məhərrəm oğlu öz lüks avtomobili ilə qəza törədərək 4 nəfərin ölümünə səbəb olmuşdu. Məlumata görə, iş adamının kürəkəni hadisəni törədərkən sərxoş olub.

Qaradağ rayonu, Lökbatan qəsəbəsi, Müsəvi küçəsində tikiliyə edilən əlavə artırmalar sakinlərin narazılığına səbəb olub.


Tribuna.az-a bu barədə məlumat verən sakinlər bildirib ki, son illər Qaradağ rayonunda qanunsuz tikililərin, tikililərə edilən əlavələrin sayı durmadan artır. Hazırda sakinlərin narazılığına səbəb olan tikinti də Lökbatan qəsəbəsinin Müsəvi küçəsinda aparılır. Sözügedən küçə Qaradağ rayonunun əsas yaşayış və infrastruktur məntəqələrindən biridir.


Sakinlər bildirib ki, kor-koranə, nizam-intizamsız aparılan bu cür tikintilərə indi də əlavə artırmalar edilir. Halbuki bu cür artırmalar layihədən kənar hesab edildiyi üçün qanunsuz hesab edilir. Uzun müddətdir ki, fəaliyyət göstərən obyektin üstünə indi edilən artırma da layihədən kənardır.


Çünki əlavə mərtəbənin tikintisi üçün təkrar təsdiq lazımdır. Əgər bu təsdiq yoxdursa, icazəsiz artırma qanunsuz tikinti hesab edilir. Bu da qanun pozuntusudur.
Sakinlər bildirib ki, bu cür tikintilər Qaradağ rayonunda son illər daha da artıb. İcazəsiz tikililər və onlara edilən əlavələr sakinləri narahat edir və bununla bağlı aidiyyəti oqanların addım atmasını tələb edilər.


Qarşı tərəfi dinləməyə hazırıq.

Ərazidə nə qaz var, nə su, nə də internet…

XALQ-ın xəbərinə görə, sakinlər iddia edirlər ki, 2 mərtəbəli qeyri-yaşayış obyektinin inşası zamanı qazıntı işləri aparılarkən xətlər zədələnib.

Görüntülər Abşeron rayonu, Masazır qəsəbəsi, Əliağa Vahid küçəsi 217 ünvanındandır.

Sakinlərin iddialarına aydınlıq gətirmək məqsədi ilə əraziyə yaxınlaşdıq. Tikintiyə məsul şəxslərdən öyrəndik ki, adıçəkilən ünvanda “LB PROJECET”MMC iki mərtəbəli qeyri yaşayış obyektinin layihələndilməsi məqsədi ilə geoloji qazıntı işləri görür. Ərazi özəl mülkiyyətdir. İntensiv yaşan yağışlar nəticəsində hasar uçub, ərazidən keçən kommunikasiya xətləri sıradan çıxıb. Hazırda adı çəkilən ünvanda su və qaz xəttinin bərpası istiqamətində müvafi işlər görülür. O da bildirldi ki, zirzəmi də daxil olmaqla ərazidə tikintisinə başlanılan iki mərtəbəli bina ticarət obyekti kimi fəaliyyət göstərəcək. Bununla bağlı alınmış rəylər aidiyyəti qurumlarla razılaşdırılıb.

Abşeron rayon İcra Hakimiyyətindən sorğumuza cavab olaraq bildirildi ki, sözügedən ərazidə vətəndaşlar tərəfindən qazıntı işləri aparılarkən su şəbəkəsi zədələnib və hazırda Azərbaycan Dövlət Su Ehtiyatları Agentliyinin yerli idarələri tərəfindən təmir işləri həyata keçirilir.

Xezerxeber.az mövzu ilə bağlı daha ətraflı videomaterialı təqdim edir.

Xəzər rayonunda məktəbdə qalmaqal: Valideyn direktor tərəfindən məktəbdən qovulduğunu iddia edir
Xəzər rayonu Rəşid Baxışov adına 218 saylı tam orta məktəbdə valideynlə məktəb rəhbərliyi arasında ciddi qalmaqal yaşandığı iddia olunur.
Bu barədə AzTimes.az-a müraciət edən valideyn Günel Abdullayeva bildirib ki, oğlu Camal sözügedən məktəbin 5 “F” sinfində təhsil alır. Onun sözlərinə görə, 2026-cı ilin yanvar ayında azyaşlıya atası tərəfindən rəsmi atalıq verilib və bununla əlaqədar uşağın şəxsiyyət vəsiqəsində ata soyadı qeyd olunub. Bu dəyişiklik məktəb sənədlərində – sinif jurnalında və şagirdin rəqəmsal kabinetində də yenilənməni zəruri edib.Valideyn iddia edir ki, həmin vaxtdan etibarən dəfələrlə məktəb rəhbərliyinə və sinif rəhbəri Etibar Səmədova müraciət etsə də, məsələ həllini tapmayıb. Onun sözlərinə görə, nə məktəb rəhbərliyi, nə də sinif rəhbəri bu məsələyə ciddi yanaşıb.Günel Abdullayeva bildirir ki, 13 aprel 2026-cı il tarixində etdiyi son müraciət zamanı sinif rəhbəri Etibar Səmədov onunla kobud rəftar edib. İddiaya görə, müəllim valideynə qarşı hörmətsiz ifadələr işlədərək, uşağın problemləri ilə maraqlanmadığını açıq şəkildə bildirib.Baş verənlərdən narazı qalan valideyn məktəb direktoruna şikayət edib. Lakin onun iddiasına görə, direktor Əbülfət Bağırov məsələni araşdırmaq əvəzinə valideynə qarşı sərt mövqe sərgiləyib. Valideynin sözlərinə görə, direktor ona “uşağını bu məktəbdən çıxar”, “burada heç nə tələb edə bilməzsən” kimi ifadələr işlədərək məktəbi tərk etməsini tələb edib.Şikayətçi həmçinin qeyd edir ki, Etibar Səmədov sinif rəhbəri kimi üzərinə düşən vəzifələri yerinə yetirmir. Onun iddiasına görə, müəllim yalnız formal olaraq fəaliyyət göstərir, şagirdlərlə maarifləndirici iş aparılmır, sinifdə mühüm tarixi günlər və əlamətdar hadisələr barədə məlumat verilmir, şagirdlərə qarşı laqeyd münasibət hökm sürür.Valideynin sözlərinə görə, bu vəziyyətdən narazı olan digər valideynlər də dəfələrlə məktəb rəhbərliyinə müraciət edərək sinif rəhbərinin dəyişdirilməsini tələb ediblər.Məsələnin digər diqqətçəkən tərəfi isə məktəb direktorunun uzun müddətdir eyni vəzifədə qalması ilə bağlıdır. Bildirilir ki, mövcud qaydalara əsasən məktəb direktorlarının müəyyən müddətdən sonra yerdəyişməsi nəzərdə tutulsa da, Əbülfət Bağırov uzun illərdir bu vəzifədə fəaliyyətini davam etdirir.Qeyd edək ki, bu, adıçəkilən məktəblə bağlı ilk qalmaqal deyil. Təxminən üç il əvvəl məktəbin idman zalında şagirdlər arasında baş verən bıçaqlanma hadisəsi də ictimaiyyətdə geniş rezonans doğurmuşdu və günlərlə müzakirə edilmişdi.Məsələ ilə bağlı qarşı tərəfin mövqeyini öyrənməyə çalışdıq. Mövzu diqqətimizdədir və rəsmi açıqlamaları təqdim etməyə davam edəcəyik.

AzTimes.az

Yağış kanallarını zəbt edib, kanalizasiya sularının qarşısını alıb

Azərbaycan Avtomobil Yolları Dövlət Agentliyi tərəfindən inşa edilən Pirşağı-Novxanı-Xırdalan-M4 avtomobil yolunun Novxanıdan keçən hissəsinin bir villaya görə dəyişdirildiyi, yolun tamam başqa istiqamətə yönəldildiyindən dəfələrlə bəhs olunub. Mediada yer alan məqalələrdə də qeyd olunduğu kimi, yolun Novxanıdan keçən hissəsində yolun istiqaməti bir villaya görə dəyişdirilib, göl kənarına yönlənirilib. Bu isə onlarla evin plana düşməsi, dövlətin milyonlarla manat məbləğindəki vəsaitinin əbəs yerə sərf edilməsi deməkdir.
Bunu TEREF e göndərilən məqalədə müəllif yazır. Müəllif daha sonra yazır:
Bugünlərdə yolun istiqamətinin dəyişilməsinə səbəb olan villa ilə bağlı yeni məlumat əldə etmişik. Məlum olub ki, bu villa Novxanı kəndinin yağış sularının cəmləşdiyi ərazidə inşa olunub. Məhz bu səbəbdən də son yağışlar zamanı kəndin yuxarı hissəsindəki yağış suları öz ənənəvi axarı ilə axıb gedə bilmədiyi kənd yollarını basmış, bir sıra həyət və evlərə ciddi zərər vermişdir.

Bundan başqa, villa inşa olunan zaman yol kənarındakı yağış sularının axması üçün inşa edilən yağış kanallarını da zəbt edib ki, bu da yağışlar zamanı magistral yolun su altında qalması ilə nəticələndi.

Kənd sakinlərinin sözlərindən bəlli olub ki, villanın inşa edildiyi ərazi əvvəllər kəndin kanalizasiya sularının axdığı yer olub. Sonradan ərazidə tikilən nəhəng villa kəndi bu imkandan da məhrum edib. Kənd sakinləri iddia edir ki, kəndə kanalizsiya çəkilişindən sonra bu problem qismən öz həllini tapıb.

Bir sözlə, Pirşağı-Novxanı-Xırdalan-M4 avtomobil yolunun Novxanıdan keçən hissəsinin dəyişilmsinə səbəb olan villa bu gün də bir sıra problemlərə əsas səbəbi qismində çıxış edir. Ümid edirik ki, əlaqədar qurumlar baş verənləri araşdıraraq yolun ilkin layihə əsasında inşasını təmin edəcək, o cümlədən, AAYDA-dakı müavinlərin niyə, hansı maraqlar konteksində layihə dəyişiliyin yol verdiyini araşdıraraq qəti qərarlar qəbul edəcək.

TEREF

“Yağmur” su firmasının hazır qablaşdırılmış suyundan milçək çıxıb.

Bu barədə jurnalist Esmira Cavadova sosial şəbəkə hesabında yazıb. O bildirib ki, qablaşdırılmış su çirklidir: “Yaydan etibarən “Yağmur” su firmasından sifarişlə su gətirirlər. Əvvəllər üərində etiketi olan balonlarda təmiz su gəlirdi. Son günlərdə etiketsiz və qapaqları əvvəlkindən fərqli balonlarda zibilli su gətirirlər.

Bu həftə gətirdikləri su lap biabırçılıqdır. Çaynikdə suyun zibilli olması aydın görünür. Sonuncu balonun içində isə milçək üzür. Azərbaycan Qida Təhlükəsizliyi Agentliyindən məsələni araşdırmalarını xahiş edirəm”.(Bizimesr.az)

Qarşı tərəfi dinləməyə hazırıq.

Məlum olduğu kimi, ölkədə uzun müddətdir yol infrastrukturunda əhəmiyyətli paya malik olan “Azərinşaatservis” MMC müfils olub.

Bu prosesin kənar müdaxilələr və yarıtmaz idarəçiliyin nəticəsində baş verdiyi qeyd edilir.

Bildirilir ki, müflis olduqdan sonra MMC-nin borclu olduğu kreditorlar müvafiq pul tələbləri ilə məhkəməyə müraciət ediblər. Nəticədə, məhkəmələr tərəfindən “Azərinşaatservis” MMC-yə qarşı çoxsaylı qətnamələr çıxarılıb və həmin qətnmalər icra edilməsi üçün aidiyyəti üzrə Binəqədi Rayon İcra Şöbəsinə göndərilib.

Qeyd edək ki, “Azərinşaatservis” MMC-nin balansında çoxlu sayda nəqliyyat vasitələri, texniklar, torpaq sahələri və ofis kimi istifadədə olan əmlaklar mövcud olub. Lakin MMC-də olan hərcmərclik, eyni zamanda MMC-yə nəzarət edən “Aqrarkredit BOKT” QSC tərəfindən daşınar əmlakarlar üzərinə həbs qoyulsa da, həmin mülklərin hamısı müəmmalı şəkildə, özü də ucuz qiymətə satılıb.

Maraqlıdır ki, çox sayda əmlakın satılmasından əldə edilən gəlirdən bir manat da olsun kreditorlara pul ödənilməyib. Üstəlik, bütün bu alış-veriş işlərinin hamısı həm “Azərinşaatservis” MMC-nin, həm də “Aqrarkredit BOKT” QSC-nin rəhbər vəzifəli şəxslərinin nəzarəti və tapşırığı ilə icra edilib.

Əldə etdiyimiz məlumata görə, kreditorların yeganə ümid yeri MMC-nin balansında olan və Binəqədi rayonunda yerləşən əmlak kompleksinin satışından əldə ediləcək vəsait idi. Lakin həmin əmlak kompleksi ilə bağlı hazırki vəziyyət onu deməyə əsas verir ki, bu əmlak kompleksi də MMC-nin balansında olmuş digər əmlaklar kimi satılacaq və kreditorlara yenə də ödəniş edilməyəcək.

Qeyd edilir ki, “Azərinşaatservis” MMC-yə məxsus torpaq sahəsi 49 icra sənədi üzrə borclunun mənafeləri nəzərə alınmadan satılır. Bildirilir ki, hərrac prosesi, yəni iştirakçı qeydiyyatı, təkliflərin qəbulu tamailə qanunsuz gedir. Hətta hərrac prosesində iştirak etmək istəyən digər şəxslər iştirakçı kimi müraciət etsələr də, qeydiyyata alınmırlar.

Kreditorlar bildirilər ki, bunun qarşısının alınması üçün dəfələrlə Ədliyyə Nazirliyinə müraciət etsələr də, heç bir nəticəsi olmayıb. Nəticədə yalnız “Aqrarkredit BOKT” QSC keçirilmiş elektron hərracın nəticələrinin qalibi elan edilib. “Guya elektron qaydada keçirilməsi planlaşdırılan hərrac məhz “Aqrarkredit BOKT” QSC-nin istədiyi kimi baş tutub. Üstəlik, Binəqədi Rayon Məhkəməsinin 8(5-93)-121/2026 saylı, 05.02.2026-cı il tarixli qərardadı ilə Bakı şəhəri Binəqədi Rayon İcra şöbəsinin böyük icra məmuru Əhmədov Asəm Əlqəmə oğlunun yenidən qiymətləndiricinin dəvət edilməsi barədə hərəkətləri qanunsuz hesab edilib. Qeyd olunan məhkəmə qərardadından icra məmuru və “Aqrarkredit BOKT” QSC şikayət versə də, Bakı Apellyasiya Məhkəməsinin Mülki Kollegiyasının 8(3-6)-108/2026 saylı, 17.03.2026-cı il tarixli qərardadı şikayətlər təmin edilməyib. Binəqədi Rayon Məhkəməsinin 8(5-93)-121/2026 saylı, 05.02.2026-cıil tarixli qərardadı mübahisələndirilən hissədə dəyişdirilmədən saxlanılıb. Bu əsasla 18.03.2026-cı il tarixdə Binəqədi Rayon İcra şöbəsi tərəfəfindən Elektron Hərrac Portalına borclu “Azərinşaatservis” MMC-yə məxsus Bakı şəhəri, Binəqədi rayonu, Dərnəgül qəsəbəsi, 3105-ci məhəllə, Naxçıvani küçəsi 57C ünvanında yerləşən daşınmaz əmlak kompleksinin hərracı ilə bağlı verilmiş 06.02.2026-cı il tarixli sifarişin icrasının dayandırılmasına dair sərəncam məktubu göndərilib. Lakin bütün bunlara baxmayaraq hərrac keçirilib və “Aqrarkredit BOKT” QSC onun qalibi elan edilib”.

Şikayətçilər iddia edirlər ki, əmlak kompleksi borclu “Azərinşaatservis” MMC-nin digər əmlaklarını qanunsuz yolla talamış şəxslər tərəfindən ələ keçirilib. “Həmin şəxslər çəkinmədən bəyan edirlər ki, bu məsələ Ədliyyə Nazirliyinin yüksək vəzifəli şəxsləri ilə razılaşdırılıb”.

Onların dediklərinə görə, “Azərinşaatservis”in balansında onlara texnika, əmlak olub ki, onların hamısı “AqrarKredit” tərəfindən dəyər, dəyəməzinə satılıb. Bu prosesdə isə əsas fiqrular “Aqrarkredit”in rəhbəri “Şapka Mamed” ləqəbli Məmməd Musayev və Binəqədi İcra və Porbasiya Şöbəsinin rəsmiləri göstərilir. Kreditorlar bildirirlər ki, məhkəməyə müraciət etməkdən başqa çıxış yolları qalmayıb.

Məsələ ilə bağlı araşdırmamız davam edir. “Azərinşaatservis”in “Beynəlxalq Bank” məsələsindən sonra üzləşdiyi problemlər, nəqliyyat və əmlakının necə talan edilməsi barədə daha dolğun bilgi verəcəyik.(Tribuna.az)

Yazıda adı keçən şəxslərin də mövqeyini dərc etməyə hazırıq.

İsmayıllı şəhər İ. Həsənov adına 1 nömrəli tam orta məktəbində hərcmərclik yaşanır. Məktəb idarəçiliyi ancaq pul üzərində qurulduğu iddia olunur.

Bu barədə Xalq.online məlumat daxil olub.

Məlumatlara görə məktəbin direktoru Gündüz Qədirov tədris işləri üzrə müavini Sənayə Eyyubova pul yığmına cavabdeh şəxs təyin edib.

Qeyd olunur ki, təqaüd yaşına çatmış direktor müavini Sənayə Eyyubova müəllimləri nəzarətdə saxlamaq və aylıq pul yığıman görə öz metodlarında istifadə etmək qabiliyyətinə malikdir. Bu səbəbdən direktor Gündüz Qədirov digər təqaüd yaşına çatmış müavinin yola salsada Sənayə Eyyubovanı qanunları heçə sayaraq təqaüdə göndərməyib. Məlumatlara görə məktəbdə müavin yeri boş olsada lakin vakansiyaya çıxarılmayıb Bu da müəmmanın olduğuna görə suallara ortaya çıxır. Direktor niyə vakansiyanı elan etməyib?

Digər ilginc məlumatlarda qeyd olunur ki Sənayə müəllimə özü biologiya fənnindən dərs desədə icazə verdiyi və yaxud “bülletenə” çıxan müəllimləri əvəz edir.

Fənn müəlliməsi olmayanda riyaziyyat dərsini tədris edir, gah fizika dərsinə girir. Bütün bu olanlara isə direktor Gündüz Qədirov göz yumur. Cünki bir səbəb var pul yığımı icra olunur.

Həmçinin məlumatda iddia olunur ki, hazırlıq keçən müəllimlərə boş olan siniflər 50-100 manata icarəyə verilir

Hətta basqa məktəbin müəllimləri belə İsmayıllı 1 nömrəli tam orta ümumtəhsil məktəbində boş otaqlar icarəyə götürüb repitorluq edirlər. Bu məsələyə isə Nurlan Baxşıyevin nəzarət etdiyi bildirilir.

Həmçinin bildiririlir ki, direktor Gündüz Qədirov iki katibəsi var. Biri ştatla qeydiyyatda olan digəri isə naməlum şəxs olaraq məktəbin sənədləşəmə işləri görən, gələn valideynlərə ödənişli əsasları arayışların və yaxud sənədlərin yazılmasını həyata keçirən. Bu da qanuna zidd davranış kimi qeyd olunur. Bütün iddialarla bağlı Dağlıq Şirvan Regional Təhsil İdarəsinə və İsmayıllı Rayon Təhsil sektoruna sorğu göndərilib.(Xalq.online)

Yazıda aidiyyatı qurumların və adları keçən şəxslərin fikirlərini dərc etməyə hazırıq.

Tibbi Ərazi Bölmələrini İdarəetmə Birliyinin İnnovasiya və Təchizat Mərkəzi “Cyber Point” şirkəti ilə müqavilə bağlayıb.
Bu barədə İqtisadiyyat.az qurumdan məlumat əldə edib.

Məlumata əsasən, müqavilədə İnformasiya təhlükəsizliyi məlumatlarının və hadisələrinin idarə edilməsi həllinin uzadılmasının satın alınması nəzərdə tutulub.

Müqavilənin maliyyə dəyəri 1 milyon 550 manat müəyyənləşib.

Naxçıvanın Şahbuz rayon sakini, ömrünün 45 ilini müəllim peşəsinə həsr etmiş Natella Məmmədova Prezident İlham Əliyevə müraciət edib.

Tribuna.az-a danışan Natella Məmmədova bildirir ki, həm özü, həm də mərhum həyat yoldaşı uzun illər dövlətə və xalqa xidmət edib, müəllim kimi yüzlərlə şagird yetişdiriblər. Lakin bu gün ailəsi ən sadə dolanışıq problemini belə həll edə bilmir.
Onun sözlərinə görə, iki oğlu Qarabağ döyüşlərinin iştirakçısı olub, Vətən uğrunda xidmət göstərib. Hazırda ailə maddi sıxıntı içində yaşadığından, özlərinə məxsus və bütün sənədləri qaydasında olan həyətyanı torpaq sahəsində kiçik dükan tikərək dolanışıqlarını təmin etmək istəyirlər.
Ancaq Şahbuz Rayon İcra Hakimiyyətinin başçısı Rəfael Babayev qərəzli şəkildə buna mane olur.
Natella Məmmədova bildirir ki, məsələ ilə bağlı Naxçıvan rəhbərliyinə də dəfələrlə müraciət edib və ailənin sosial vəziyyəti, övladlarının müharibə iştirakçısı olması nəzərə alınaraq onlara köməklik göstərilməsi tapşırılıb.
Buna baxmayaraq, Şahbuz rayonunun başçısı Rəfael Babayev müxtəlif səbəblərlə tikintiyə mane olmağa davam edir.
“Başqaları övladlarını gizlədəndə biz, balalarımızı ön cəbhələrə göndərdik. Dövlət çağırdı, Vətən çağırdı, göndərdik.
Səhv etmişik?
Bu gün isə həmin övladların ailəsini dolandırmaq, yaşatmaq üçün öz həyətimizdə bir tikili inşa etməyə imkan vermirlər.
Cənab Prezident hər dəfə deyir ki, müharibə iştirakçılarına qayğı göstərin, onları incitməyin. Bəs niyə bizi eşidən yoxdur?”, – deyə o bildirib.

Şikayətçi qeyd edir ki, başqa şəxslərə yolun mühafizə zolağına daha yaxın ərazilərdə obyekt tikintisinə şərait yaradıldığı halda, onların ailəsinə fərqli münasibət göstərilir.
Sanki düşmənə deyil, bunlara güllə atıb mənim oğlanlarım…
Natella Məmmədova Prezident İlham Əliyevə müraciət edərək problemin araşdırılmasını və ailəsinə qarşı yaradılan maneələrin aradan qaldırılmasını xahiş edib:

“Cənab Prezident, biz bu dövlətə ömrümüzü vermiş insanlarıq. Mən 45 il müəllim işləmişəm, həyat yoldaşım da ali dərəcəli müəllim olub. Övladlarımız Vətən uğrunda döyüşərək, qızıl qanlarını axıdıblar.
İndi isə öz şəxsi həyətimizdə dolanışıq üçün balaca dükan tikməyə imkan vermirlər. Sizdən xahiş edirəm, bu məsələyə müdaxilə edin və haqqımızın tapdalanmasına imkan verməyin”.

Şahbuz Rayon İcra Hakimiyyəti ilə əlaqə saxlamaq cəhdlərimiz uğursuz alındı, qarşı tərətin mövqeyini dinləməyə hazırıq.