Bakı şəhəri, Sabunçu rayonunda 2-ci Zabrat Maştağa yolu, döngə 2,ev 10A ünvanında yaşayan Məmmədov Aliq Fikrət oğlu tərəfindən Prezident İlham Əliyevə, Baş prokuror Kamran Əliyevə, Ədliyyə naziri Fərid Əhmədova, Məhkəmə-Hüquq Şurasının sədri İnam Kərimova və digər aidiyyəti dövlət qurumlarının rəhbərlərinə şikayət məktubu ünvanlanıb.

Bir surəti də Aktualinfo.net-ə daxil olan şikayət məktubunda deyilir:

Çox hörmətli cənab Prezident İlham Əliyev!

Sabunçu rayonu Bakıxanov qəsəbəsində yerləşən, 96 nömrəli tam orta məktəbin binasında yerləşən Q. Primiv 2 nömrəli uşaq musiqi məktəbin (Ağdam 2 nömrəli) direktoru Məmmədov Elşad Aydın oğlu məni aldadaraq oğlum Məmmədov
Röyal Aliq oğlunu həmin məktəbdə təsərrüfat işləri üzrə müdir vəzifəsində işə düzəlmək məqsədilə 5000 manat və qohumum Quliyev Xəqani Nuru oğlunu təlimtərbiyə işləri üzrə müavin vəzifəsinə götürəcəyini vəd verərək 6500 manat pulalmışdır. 18 aprel 2024-cü il tarixində əmrin sürətini “whatsApp” vasitəsi ilə mənim telefonuma göndərmişdir. Röyal və Xəqanini məktəbə çağıraraq müqavilə bağlamış və kollektivə təqdim etmişdir. Şöbə müdiri Sevinc xanima tapşırıb ki, hər ikisinin telefon nömrəsini götür, məktəbin qrupuna daxil et. 051-376-59-71 nömrəsindən Röyala və Xəqaniyə zəng vurulmuş, regionun kadrlar şöbəsinin işçisiyəm deyib və sizə əmək kartı hazırlanır, hazır olanda sizə çatdırılacaq və işə çağırılacaqsınız deyib.
Aprel ayının 24-də (2024) Elşad mənə zəng edib görüşmək lazım olduğunu bildirdi. Görüşdük və mənə təşkilatçı və qardirobçu ştatları olduğunu bildirdi və dedi ki sən mənim əmimsən istəyirəm sən deyən adamları bu işə götürüm. Gör qohumdan tanışdan kim istəyir gətir. Mən sənə inanıram. Röyal və Xəqani son zəngdə iştirak ediblər. Çəkilişləri var.

Mən əvvəlcədən Xəqani vasitəsi ilə tanıdığım Seyidəhmədov Vüqar Mirzəbaba oğluna dedim. Elşad müəllim 4500 manat təşkilatçı üçün, 4000 manat qardirobçu üçün istəyir. Hərəsinə 2000 əvvəl qalıq pul işə əmrdən sonra. Vüqar axşam mənə zəng vuraraq təşkilatçı işinə həyat yoldaşını və qardirobçu işinə dostu Davudun bacısını düzəltmək istəyiblər. Elşadın istədiyi ilk ödənişi Xəqani ilə mənə verdilər bizdə, birlikdə Elşada verdik. 2024-cü ilin aprelin 30-da Elşad “whatsApp”-la mənə əmr göndərib və pulların qalığını istədi. Sonra onları məktəbə dəvət etdi, iş otağında müqavilə bağladı. Qalıq pulu yenə Xəqani və mən Elşada verdik. Sonra Vüqarı çağırıb 3 nəfəri işə götürmək üçün 13.500 manat alıb.

2026-cı ilin yanvarında Sabunçu rayon Məhkəməsinin hakim Vüsal Qurbanovun sədrliyi ilə məhkəmə iclası başlanmışdır.
İbtidai istintaq zamanı dəlil sübutlar təqdim edilmişdir. Lakin istintaq pozuntularına yol verilmişdir. Üzləşmə zamanı bizi üzləşdirən Rasim Seyfullayev adlı ( Sabunçu rayon Prokurorluğuna heç bir əlaqəsi olmayıb) müstəntiqi Elşad
Məmmədov və Natiq Məmmədov yalan kimi göstərdilər. Dedilər elə adlı adam heç prokurorluğa gəlməyib və üzləşmə aparılmayıb.
Lakin vəkilim Namiq Hacıyev və mən istintaqı Natiq Məmmədovun qərəzli apardığı üçün onun aparmasına etiraz bildirdik. Sübut olundu ki, Rasim Seyfullayev adlı adam həqiqətən orda olub. Vüqar, Təvəkkül, Xəqani, Elşad Qasımov , İsgəndər, Malik adlı şəxslərin də ifadələrin alıb. Həqiqətən Natiq Məmmədov tərəfindən istintaqın sirri yayılıb.

Hakim Vüsal Qurbanova bildirdim ki, biz Məhkəmə istintaqına inanırıq və obyektivlik gözləyirik.
Lakin təqsirləndirilən şəxs tərəfindən 4 dəfə məhkəmə prosesinə gəlməyib və proses pozulub ( 2 dəfə vəkili 2 dəfə də özü)
Elşad Məmmədov 1-ci dəfə xəstə Hepotit B olduğu üçün gəlmədiyini, 2-ci dəfə atasının ( Aydın Məmmədovun) açıq ürək əməliyyatı olunacağını bildirmişdir. Hər iki halda “televiziyaya” çıxmış, “Evdəkilərə Salam” verilişində ailəsi ilə birlikdə iştirak etmişdir. (11.07.2026). Hətta atası da oxudu. Lakin Hakim heç bir hal üçün əsas tələb etmədi.
29.07.2026-cı il Məhkəmə prosesində iştirak edən 5 nəfər zərərçəkmişlərdən 4 nəfəri Polis Nəzarətində Olma Qəti İmkan Tədbirinin dəyişilərək həbs qəti imkan tədbiri ilə əvəz olunmasını istədi. Lakin hakim Vüsal Qurbanov qəbul etmədi.

051 376 59 71 nömrəli telefondan zəng edilərək “hamıya işlərinizin düzəlib, yaxın günlərdə hamınızın şəxsi hesabınıza əmr gələcək” deyib və yalan əmrləri “whatsApp” larına göndərilib. Dəfələrlə tələb etməyimizə baxmayaraq həmin nömrəli telefonun sahibi istintaqa və məhkəməyə dəvət olunmayıb.

Aktualinfo.net

P.S. Q. Primiv 2 nömrəli Ağdam uşaq musiqi məktəbin direktoru olmuş Məmmədov Elşad Aydın oğlunun vəzifə səlahiyyətlərindən sui-istifadə etməsi, onlarla insanı aldadaraq işə düzəltmək adı altında pul alması barədə daha ətraflı məlumatları növbəti araşdırmalarda oxucuların diqqətinə çatdıracıq.

Qəbələnin Vəndam kəndində fəaliyyət göstərən “A Frame by EastWest” istirahət evindən şikayət edilib.

Bununla bağlı “Müştəriyəm, Şikayətim Var” sosial qrupunda paylaşım edilib. Şikayətçi bildirib ki, 3 günlük istirahət üçün evə 800 manat ödəyib. Lakin qalma müddətində su və elektrik enerjisi ilə bağlı ciddi problemlərlə üzləşib.

Vətəndaşın sözlərinə görə, axşam saatlarından su kəsilib və səhərədək bərpa olunmayıb. Suyun gəldiyi vaxt isə bir neçə qab yuyulduqdan sonra yenidən kəsildiyi qeyd edilib. Şikayətçinin iddiasına görə, evdə elektrik enerjisi ilə bağlı da problem yaşanıb. Ona bildirilib ki, generatorun benzini bitib. Lakin generatorun uzun müddət işə salınmadığı və bunun nəticəsində kondisionerdən istifadə etməyin mümkün olmadığı bildirilib.

Vətəndaş qeyd edib ki, yalnız pulunun qaytarılmasını və evdən çıxmaq istədiyini bildirdikdən sonra generator işə salınıb.

Şikayətdə hovuzun vəziyyəti ilə bağlı da narazılıq ifadə olunub. Bildirilir ki, hovuz təmiz olsa da, suda xlorun normadan artıq olduğu düşünülüb. Şikayətçinin sözlərinə görə, bu səbəbdən yeniyetmə qızının üzündə qıcıqlanma yaranıb və uşaq ikinci gündən sonra hovuza girə bilməyib.

Şikayətçi həmçinin “A Frame by EastWest”in Instagram səhifəsində yazdığı rəyin silindiyini iddia edib.

“800 manat pul verdik, göstərdikləri xidmət heç nə”, – deyə narazı vətəndaş bildirib.

Qeyd edək ki, səsləndirilən iddialar şikayətçinin paylaşımına əsaslanır. Qarşı tərəfin mövqeyini dərc etməyə hazırıq.

Bizimesr.media

“Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi” publik hüquqi şəxsi promo məhsullarının satın alınması üzrə 03.07.2026-cı ildə başladığı kotirovka sorğusuna yekun vurub. Müsabiqənin qalibi “HELİX GROUP” Məhdud Məsuliyyətli Cəmiyyəti seçilib və tərəflər arasında 17.546,9 manat dəyərində satınalma müqaviləsinin bağlanılması planlaşdırılır.

Qalib MMC QHT-lərə Dövlət Dəstəyi Agentliyini 50 ədəd dəri bloknot, 30 ədəd poverbank, 50 ədəd fincan, 50 ədəd su qabı, 10 ədəd təbrik açıqlaması, 200 ədəd hesabat jurnalı, 200 ədəd karton çanta, 300 ədəd plastik qələm, 300 ədəd bloknot A5, 300 ədəd loqolu qovluq, 100 ədəd üzərində Agentliyin loqosu olan stolüstü bayraq və digər promo məhsullarla təmin etməlidir.

Satınalmaların portalına yerləşdirilmiş məlumatlardan da görsəndiyi kimi QHT-lərə Dövlət Dəstəyi Agentliyi kotirovka sorğusu müsabiqəsinə 03.07.2026-cı ildə başlayıb. Agentliyin qalib seçdiyi MMC isə kotirovka sorğusu müsabiqəsi elanından 10 gün sonra dövlət qeydiyyatına alınıb.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “HELİX GROUP” (VÖEN: 1507716981) Məhdud Məsuliyyətli Cəmiyyətinin Bakı şəhəri Lokal Gəlirlər Baş İdarəsində 13.07.2026-cı ildə dövlət qeydiyyatına alınıb. Nizamnamə kapitalı 10 manat olan şirkətin hüquqi ünvanı BAKI ŞƏHƏRİ NƏRİMANOV RAYONU, ŞAHİN MUSTAFAYEV, ev.27, m.106-da yerləşir. MMC-nin qanuni təmsilçisi Mirzəyev Vüsal Vaqif oğludur.

Satınalmaların portalı üzərindən apardığımız araşdırmada məlum oldu ki, QHT-lərə Dövlət Dəstəyi Agentliyi promo məhsullarının satın alınması bir müqavilə də 03.11.2025-ci ildə “MAGTECH” Məhdud Məsuliyyətli Cəmiyyəti ilə bağlayıb. Bu müqavilənin dəyəri 18.975,58 manat təşkil edib.

Şərtlərə görə “MAGTECH” MMC QHT-lərə Dövlət Dəstəyi Agentliyini 50 ədəd poverbank, 400 ədəd bloknot A5, 500 ədəd loqolu qovluq, 200 ədəd illik hesabat jurnalı, üzərində Agentliyin loqosu olan 1000 ədəd qələm və digər eyni promo məhsullarla təmin edib.

Göründüyü kimi QHT-lərə Dövlət Dəstəyi Agentliyi son 9 ayda eyni adda promo məhsullarının satın alınması üzrə ümumi dəyəri 36 521 manat olan iki satınalma müqaviləsi bağlayıb. Hər iki müqavilə də “Dövlət Satınalmaları Haqqında” Azərbaycan Respublikası Qanununun bir çox tələbləri pozulmuş, müvafiq sahədə peşəkarlığı, təcrübəsi, maddi-texniki bazası, etibarlığı şübhə doğuran MMC-lərə üstünlük verilmişdir. Bu da keçirilmiş satınalma prosedurunda saxtakarlıq hallarına yol yerildiyinə, promo məhsulların qiymətlərinin şişirdildiyinə əsaslı şübhələr yaradır.

Qeyd edək ki, QHT-lərə Dövlət Dəstəyi Agentliyinin icraçı direktoru Aygün Əliyevadır. O, sözügedən vəzifəyə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının qərarı ilə 23 noyabr 2021-ci ildə təyin olunub. Aygün Əliyeva 2013-2020-ci illərdə Binəqədi rayon İcra Hakimiyyəti başçısının müavini, 2020-2021-ci illərdə TƏBİB – də ictimaiyyətlə ələqələr, kargüzarlıq və vətəndaş müraciətləri ilə iş departamentinin rəhbəri vəzifəsində işləmişdir. 2007-ci ildən başlayaraq müxtəlif qeyri-hökumət təşkilatlarının sosial, iqtisadi, təhsil sahələrində olan layihə və proqramlarının icrasına cəlb olunub.

Aygün Əliyevanın rəhbərliyi altında QHT-lərə Dövlət Dəstəyi Agentliyində son illər satınalmalarda yol verilən qanunsuzluqlarla bərabər qrantların düzgün bölüşdürülməməsi, qrantların daha çox Aygün Əliyevaya yaxınlığı ilə tanınan Qeyri-Hökumət Təşkilatlarına verilməsi barədə son vaxlar mediada və sosial şəbəkələrdə çoxsaylı məlumatlar yayılmışdır. Yayılan xəbərlərdə bir sıra QHT təmsilçilərinin daha çox millət vəkillərinin rəhbər olduğu QHT-lərə dövlət tərəfindən maliyyə yardımları ayrıldığını açıqlanmış, və təkzib edilməmişdi.

Aktualinfo.net

Yay mövsümü-istirahət, dincəliş sona çatmaq üzrədir. Bu mövsümdə hamının gözü AHİK-də (Azərbaycan Həmkarlar İttifaqı Konfederasiyası) yönəlir. AHİK isə keçən ildən yollaylş verilməsini elektronlaşdırıb, yalnız elektron sistemdən yollayış verildiyini bildirir. Bu sistemdən isə yollayış almağa faktiki qadağa qoyulub. Nə vaxt sistemə girib, müalicə və istirahət mərkəzlərini seçirsən, ya yer olmur, olanda da güzəşt tətbiq edilmir, tam məbləğ tələb edilir, heç onu da təsdiq etməyə yol verilmir. Amma AHİK müharibə veteranları , 1-ci-2-ci dərəcəli əlillərin, 1-ci dərəcəli əlili müşayiət edən şəxslərin ödənişsiz, həmkarların üzvlərinin 15 faiz güzəştlə yollayış yiyəsi ola biləcəyini vurğulayır. Bəs niyə gerçək yaşamda bu vurğulama baş tutmur? Bu sətirlərin yazarı son bir ildə dəfələrlə elektron rezervasiya sistemi vasitəsilə yollayış almağa çaba göstərsə də, hələ də nəinki pulsuz, nəinki 15 faiz güzəştlə, heç tam məbləğdə də yollayışla təmin oluna bilməyib. Sadəcə, sistemdə yer tapılmır. Belə bəlli olur ki, AHİK əlillərdən, həmkarlardan , necə deyərlər, qara otaqda olmayan qara pişiyi tapmağı tələb edir. Hətta “tapanda” da “təsdiq gözlənilir” adı ilə yollayışın əldə edilməsi elə gözləmədə qalır. Daha bunun nə həmkarlığı oldu ki?!
Elektron sistemin nə qədər üstünlüyü olsa da, texniki kələklə hüquqa qadağa qoyması da üzə çıxır. Müharibə veteranlarına pulsuz yollayış verilməsi təsbit olunub, amma veteran heç sistemdə qeydiyyata düşə bilmir, qeydiyyata düşəndə isə istədiyi yollayışı tapa bilmir, “tapanda” isə tam məbləğ tələb olunur. İndi özünüz fikirləşin, ağlınıza sığışdıra bilirsinizsə, sığışdırın, 80 manat təqaüdə göz dikən müharibə veteranı 3-4 minlik fizioterapiya müalicəsinə yollayışı necə ödəyə bilər? İnanmırsınız, fakt təqdim olunur, 1900 manatlıq Naxçıvan “Duzdağ” mərkəzinə 10 günlük “dincəlmək, müalicə almaq” mümkündür? Pensiya kartında, təqaüd kartında heç bir il toxunmasan, bu qədər məbləğ yığılmır! Bir problem də ondadır ki, çox əlilin, veteranın, heç professorun belə şəxsi kabinet yaratması mümkün deyil. Yəni hamını eldktron sistem adı ilə yollayış hüququndan məhrum etmək həmkarlıq prinsipinə ziddir.
Dəfələrlə AHİK-ə müraciət edib, əlillər üçün elektron sistemdən kənar yollayış verilməsinin təşkili xahiş olunub. Amma həmkarlar əlillərlə həmkarlıqdan imtina edir. Elektron sistem isə rüşvət, korrupsiyaya yol açır. Gerçəkdə bu özbaşınalıq şəbəkə cinayətləri kateqoriyasına aiddir. Yəqin ki, DİN Kibercinayətkarlıqla Mübarizə Baş İdarəsi araşdırma aparar. Əlillər isə yenə də yollayışsız, dincəlişsiz durumda qaldılar. Ya Allah, ya DİN, bizə yardımçı olun!
Məğrur Bədəlsoy

Dəmir konstruksiyadan inşa edilən ikinci mərtəbə ilə bağlı suallar: aidiyyəti qurumlar niyə susur?
Bakının Sabunçu rayonunun Maştağa qəsəbəsində, Məmmədəli Şəfai küçəsində yerləşən “Keyfi Ət Dönər” obyektinin üzərində yeni tikinti işlərinin aparıldığı bildirilir.
Məlumata görə, obyektin üzərində dəmir konstruksiyalardan ikinci mərtəbə inşa edilir. Ərazidə aparılan tikinti işləri isə istər şəhərsalma tələblərinə, istərsə də obyektin tikinti üçün nəzərdə tutulmuş sənədlərinə dair bir sıra suallar yaradır.
Əsas sual isə budur:
Bu tikintiyə icazə verilibmi?

Əgər verilibsə, həmin icazənin hüquqi əsası nədir? Obyektin üzərinə əlavə mərtəbənin artırılması layihədə nəzərdə tutulubmu? Tikinti təhlükəsizlik və şəhərsalma normalarına uyğun aparılırmı?Əgər belə bir icazə yoxdursa, onda daha ciddi sual ortaya çıxır:
Nə üçün icazəsiz tikinti işlərinin qarşısı vaxtında alınmır?
“Dəmir konstruksiyadır” deməklə məsələ bitmir
Son illər Bakının müxtəlif ərazilərində kommersiya obyektlərinin üzərinə müxtəlif konstruksiyalarla əlavə mərtəbələrin, mansardların və digər tikililərin artırılması ilə bağlı narazılıqlar səslənir.
Tikilinin beton, kərpic və ya metal konstruksiyadan olması onun avtomatik olaraq qanuni tikili hesab edilməsi demək deyil. Əsas məsələ tikintinin hüquqi əsasının, layihəsinin, təhlükəsizlik və şəhərsalma normalarına uyğunluğunun olub-olmamasıdır.
Maştağada, Məmmədəli Şəfai küçəsindəki sözügedən obyektlə bağlı da məhz bu məsələlərə aydınlıq gətirilməlidir.
Ərazidə tikinti işləri göz qabağında aparılırsa, aidiyyəti qurumların bundan xəbərsiz qalması da inandırıcı görünmür. Belə olan halda ictimaiyyətin haqlı olaraq soruşmağa haqqı var:
Müvafiq qurumların nəzarət mexanizmi haradadır?
Sabunçu Rayon İcra Hakimiyyəti açıqlama verməlidir
Məsələnin araşdırılması ilk növbədə ərazinin aid olduğu Sabunçu Rayon İcra Hakimiyyətinin diqqətində olmalıdır.
Qurumdan aşağıdakı suallara konkret cavab gözlənilir:
Məmmədəli Şəfai küçəsində “Keyfi Ət Dönər” obyektinin üzərində aparılan tikinti ilə bağlı icazə sənədi varmı?
İkinci mərtəbənin inşası təsdiq edilmiş layihəyə uyğundurmu?
Tikinti üçün müvafiq razılıqlar və şəhərsalma sənədləri alınıbmı?
Əraziyə aidiyyəti qurumlar tərəfindən baxış keçirilibmi?
Tikinti normalarının pozulması müəyyən edilibsə, hansı tədbirlər görülüb?
Bakı Şəhərsalma və Arxitektura qurumları da susmamalıdır
Məsələnin digər mühüm tərəfi isə şəhərsalma qanunvericiliyinin tələbləridir.
Bakı şəhərində aparılan tikinti işlərinin şəhərsalma və tikinti normalarına uyğunluğu ilə bağlı səlahiyyətli qurumların mövqeyi ictimaiyyət üçün maraqlıdır.
Ona görə də Bakı Şəhərsalma və Arxitektura qurumlarının da bu obyektlə bağlı mövqeyini açıqlaması vacibdir.
Çünki söhbət yalnız bir obyektin üzərinə metal konstruksiyanın quraşdırılmasından getmir. Söhbət şəhər mühitində tikinti qaydalarına münasibətdən, təhlükəsizlikdən və qanunun bütün sahibkarlıq subyektlərinə eyni cür tətbiq edilməsindən gedir.
Qanun hamı üçün eynidirsə...
Əgər tikinti qanuni əsaslarla aparılırsa, bunu təsdiq edən sənədlərin mövcudluğu məsələyə aydınlıq gətirə bilər. Əgər tikintinin qanuni əsası yoxdursa, onda aidiyyəti qurumların qanun çərçivəsində tədbir görməsi gözlənilir.
Əks halda cəmiyyətdə haqlı olaraq belə təsəvvür yarana bilər ki, göz qabağında aparılan bəzi tikinti işlərinə nəzarət edən yoxdur.
Bu isə artıq təkcə Maştağadakı bir obyektin problemi deyil.
Şəhərsalma intizamının qorunması üçün nəzarət mexanizmləri formal deyil, real işləməlidir. İcazəsiz tikinti varsa, vaxtında dayandırılmalıdır; icazə varsa, bunun hüquqi əsası ictimaiyyətə açıqlanmalıdır.
Məmmədəli Şəfai küçəsində “Keyfi Ət Dönər” obyektinin üzərində inşa edilən ikinci mərtəbənin hüquqi statusuna Sabunçu Rayon İcra Hakimiyyəti və aidiyyəti şəhərsalma qurumları aydınlıq gətirməlidir.
İctimaiyyətin gözləntisi sadədir: tikinti qanunidirsə - sənədlər açıqlansın, qanunsuzdursa - tədbir görülsün.

Qaynarxett.az

“Hörmətli” Azər müəllimə açıq məktub — 1/4-lük böyük hörmət
Əziz və dəyərli “Azəriqaz”ın baş direktoru, “hörmətli” Azər müəllim!
İlk növbədə Sizə dərin minnətdarlığımı bildirmək istəyirəm. Çünki illərlə çalışaraq müqaviləli işçidən böyük mühəndis vəzifəsinə qədər gəlib çatmağın nə qədər çətin olduğunu mənə bir daha xatırlatdınız. İnsan bəzən yüksəlmək üçün illər sərf edir, amma bir rəhbərlik qərarı ilə həmin yüksəlişi bir neçə dəqiqə ərzində geri qaytarmaq da mümkündür. Bu baxımdan, idarəetmənin sürətinə heyran qalmamaq mümkün deyil.
Əvvəlcə böyük mühəndis oldum — çox sağ olun. Sonra mühəndis oldum. 11-ci dərəcə də mənə artıq çox görünürdü, onu da 10-cu dərəcəyə endirdiniz. Ardınca maaşımdan 110 manat “hədiyyə” etdiniz.
Deməli, mənim Sizə hədiyyəm 110 manat, Sizin mənə hədiyyəniz isə vəzifə, dərəcə və maaş itkisi oldu.
Bu qarşılıqlı hədiyyələşmə ənənəsini daha da inkişaf etdirmək mümkündür. Mən hətta maaşımın 1/4 hissəsini Sizə və ailənizə hədiyyə etməyə hazıram. Əgər bu da kifayət etməsə, xəbər edin, bəlkə gələn ay maaşımın yarısını da “Azəriqazın rifah fonduna” könüllü ianə edərəm.
Axı Siz belə böyük rəhbərsiniz, mən isə cəmi 10-cu dərəcəli mühəndisəm. Mənim maaşımın 1/4 hissəsi ilə ailə büdcənizə hansısa ciddi töhfə vermək mümkün olmasa da, görünür, mənim “tərbiyələndirilməyimə” kifayət qədər böyük töhfə verə bilər.
Məni Sizin tapşırığınız əsasında “qəfəs döyüşü” adlandırdığım imtahana cəlb etdilər. İmtahandan sonra isə “hörmətli” kadrlarınız çox maraqlı bir məlumat verdilər: əsas məsələ imtahan deyil, rəhbərliyin rəyi imiş.
Bu açıqlamadan sonra bir mühəndis kimi məndə belə bir sual yarandı: əgər əsas olan imtahan nəticəsi deyil, rəhbərliyin rəyi idisə, onda imtahan niyə keçirilirdi?
Bəlkə gələcəkdə işçilərə əvvəlcədən bildirəsiniz ki, kitab oxumağa, hazırlaşmağa və imtahan verməyə ehtiyac yoxdur. Sadəcə rəhbərliyin ürəyincə olmaq kifayətdir. Beləliklə, həm kağıza, həm vaxta, həm də işçinin əsəblərinə qənaət etmiş olarıq.
Mənim paylaşdığım sənədlərin “Azəriqaz”dan göndərildiyi bildirilir. Burada da çox maraqlı bir sual meydana çıxır:
Adi 10-cu dərəcəli mühəndisdə rəhbərliyin bu qədər “məxfi” sənədləri haradan ola bilər?
Görünür, mənim mühəndis vəzifəm zəif olsa da, sənədlərlə münasibətim kifayət qədər güclü imiş.
Əgər həmin sənədlər həqiqətən müəssisənin daxilindən yayılıbsa, bəlkə ilk növbədə sənədlərin necə kənara çıxdığını araşdırmaq daha məntiqli olardı? Yoxsa sənədi kimin yaydığından daha vacib məsələ onu kimin paylaşmasıdır?
Bu, idarəetmədə yeni bir prinsipdirsə, doğrudan da təqdirəlayiqdir.
Mən bir müharibə veteranıyam. Ona görə də, “hörmətli” Azər müəllim, Sizinlə aramızda belə prinsipial mübarizənin aparılmasını ayrıca maraqlı hesab edirəm.
Müharibədən sağ çıxan veteranın 110 manatlıq maaş fərqinə qədər “təhlükəli obyekt” kimi qiymətləndirilməsi insanda istər-istəməz fəxr hissi yaradır.
Deməli, mən adi mühəndis deyiləmmiş.
Bir veteranın paylaşımından bu qədər narahatlıq yaranırsa, deməli, həmin paylaşımın təsir gücü vəzifə dərəcəsindən xeyli yüksəkdir.
İndi isə ən maraqlı hissəyə gələk.
Məktubunuzda məndən maaşımın 1/4 hissəsi həcmində intizam cəzası tutulması tövsiyə edilir. Mən buna görə də Sizə təşəkkür etməliyəm. Çünki 1/4 rəqəmi ilə məni tanış etdiniz.
Mən də öz növbəmdə təklif edirəm:
Gələcəkdə belə qərarlar qəbul edilərkən 1/4 prinsipi daha geniş tətbiq olunsun.
Məsələn:
maaşın 1/4-i — cərimə;
vəzifənin 1/4-i — geri alınsın;
işçinin hüquqlarının 1/4-i — nəzərə alınsın;
rəhbərliyin məsuliyyətinin isə, təbii ki, 1/4-i də olmasın.
Beləliklə, mükəmməl idarəetmə sistemi yaranmış olar.
Amma bir xahişim var, Azər müəllim.
Mənim bu yazımdan sonra “məni işdən çıxarın” tapşırığı verilsə, zəhmət olmasa, səbəb hissəsində “çox təhlükəli işçidir” yazmayın.
Çünki mənim ən böyük “cinayətim” sənədlərlə bağlı sual vermək, öz hüquqlarımı müdafiə etmək və baş verənlər barədə danışmaqdır.
Əgər bunlar müəssisə üçün təhlükə hesab olunursa, onda problem mənim danışmağımda yox, deyilənlərdən niyə bu qədər narahatlıq yaranmasındadır.
Mən Sizdən nə kreslo istəyirəm, nə də xüsusi münasibət.
Sadəcə istəyirəm ki, mənə tətbiq edilən qaydalar mənimlə yanaşı hamıya da tətbiq edilsin.
Çünki qanun və intizam rəhbərdən işçiyə doğru yalnız bir istiqamətdə işləyirsə, bunun adı ədalət deyil — inzibati rahatlıqdır.
Sonda Sizə bir daha təşəkkür edirəm, Azər müəllim.
İllərlə qazandığım vəzifəni, dərəcəni və maaşı qısa müddətdə geri qaytarmaqla mənə çox qiymətli bir dərs verdiniz:
“Azəriqaz”da qazın təzyiqini ölçmək üçün manometr, rəhbərliyin təzyiqini ölçmək üçün isə, görünür, işçinin maaşından 1/4 kəsmək kifayətdir.
Mən isə hələ də sadə bir sualın cavabını gözləyirəm:
Əgər bir işçinin sosial şəbəkədə paylaşımı rəhbərliyi bu qədər narahat edirsə, bəlkə problem paylaşımda yox, paylaşımın içində yazılanlardadır?
Hörmətlə,
maaşının 110 manatını artıq “hədiyyə etmiş”, 1/4-ni də hədiyyə etməyə hazır olan, amma haqqını hədiyyə etməyə hazır olmayan veteran mühəndis.
Dasqin Abbasov
TEREF

TEREF yazır ki, AYNA bacardığı qədər qanunları öz başa düşdüyü kimi interpretasiya edir. Yənii bu gün Prezidentin fərmanına, qanunun tələbinə baxmayaraq parklanma yerlərində bəlkədə 100-dən 1000 dən birndə siz əlillər üçün işarələnmiş parklanma yeri görə bilərsiziniz. Bəli dirəklərin üstündə bağlanmış lövhələrdə parklanma üçün əlil işarəsi görmək olur.Lakin parklanma yerlərinə baxanda... Axı əlil maşınını o lövhələrin üstünə parklaya bilməz. Yerdə işarə olmayandan sonra ixtiyari vətəndaşın o parklanma yerində maşın saxlamağa icazəsi var və siz ona heç bir irad bildirə biləməzsiniz.
Əlillərin ikinci problemi isə parklanmaya görə pul ödəməsidir. Cənab millət vəkilləri sizlər qanun təsdiqləyəndə fikirləşmirdiniz ki, axı mə qədər əlil maşın sürür və siz onlardan nə qədər pul qazanmaq istəyirsiniz. Nə məntiqi, nə ratifikasiya dil\n beynəlxalq sazişlər, nədə sadəcə insani qanunlar bunu dəstəkləmir.
Daha bir əlil problemidə aptek, xəstəxana, market və sairələrin qarşısında əlillərin maşın saxlamaq imkanından məhrum etməkdir. Cənab deputatlar bir şəhərimizi seyrə çıxın görün onların qarşısında əlil maşını saxlamaq üçün yer və imkan var?Siz necə fikirləşirsiniz əlil maşınını 1-2 km saxlayıb sürünüb aptekə, maxazaya və ya xəstəxanaya gəlməlidir? Gələ bilər? Deməli şahmat termini ilə desək AYNA bizə "ŞAH" elan edərək aclığa məhkum edir... Axı sadəcə hərdən bir az vicdanı dinləmək lazımdır.
Eə bil AYNA-nın əlillərlə xüsusi düşmənçiliyi var....
TEREF

Son illər Azərbaycanda ekoloji təhlükəsizliyin təmin olunması istiqamətində həyata keçirilən tədbirlərlə yanaşı, qanunsuz ağackəsmə, faydalı qazıntıların qanunsuz hasilatı, su hövzələrinin çirkləndirilməsi, tullantıların ətraf mühitə atılması, torpaq sahələrinin korlanması və biomüxtəlifliyə zərər vuran digər hüquqpozmalarla mübarizə də dövlətin əsas prioritetlərindən biri olaraq qalır. Bu istiqamətdə hüquq-mühafizə orqanları, xüsusilə Azərbaycan Respublikasının Baş Prokurorluğu mühüm rol oynayır. Prokurorluq ekoloji cinayətlərin aşkar olunması, araşdırılması, təqsirkar şəxslərin məsuliyyətə cəlb edilməsi və dövlətə dəymiş ziyanın ödənilməsinin təmin edilməsi istiqamətində ardıcıl tədbirlər həyata keçirir.

Ekoloji cinayətlərin araşdırılması zamanı Baş Prokurorluq, Ekologiya və Təbii Sərvətlər Nazirliyi, Daxili İşlər Nazirliyi, Dövlət Sərhəd Xidməti və digər aidiyyəti qurumlarla sıx əməkdaşlıq edir. Qanun pozuntusu barədə daxil olmuş müraciətlər, vətəndaş şikayətləri, media materialları və sosial şəbəkələrdə yayılan məlumatlar əsasında araşdırmalar başlanılır, hadisə yerlərinə baxış keçirilir, ekspertizalar təyin olunur və ətraf mühitə vurulan ziyanın məbləği hesablanır. Cinayət tərkibi müəyyən edildiyi halda isə Azərbaycan Respublikası Cinayət Məcəlləsinin müvafiq maddələri ilə cinayət işi başlanılır.

Hazırda ölkədə ən çox rast gəlinən ekoloji cinayətlər sırasında meşə fonduna daxil olan ərazilərdə qanunsuz ağacların kəsilməsi, çay yataqlarından və digər ərazilərdən icazəsiz qum-çınqıl və digər faydalı qazıntıların çıxarılması, məişət və tikinti tullantılarının qanunsuz şəkildə təbiətə atılması, su hövzələrinin çirkləndirilməsi, torpaqların yararsız vəziyyətə salınması, qanunsuz ov və balıq ovu faktları üstünlük təşkil edir. Son illər xüsusilə sosial şəbəkələrdə yayılan görüntülər əsasında qanunsuz ağackəsmə və faydalı qazıntıların hasilatı ilə bağlı başlanılan araşdırmaların sayı artıb ki, bu da ictimai nəzarətin hüquq-mühafizə orqanlarının fəaliyyətinə mühüm dəstək verdiyini göstərir.

Baş Prokurorluğun fəaliyyəti yalnız cinayət işlərinin istintaqı ilə məhdudlaşmır. Qurum ekoloji qanunvericiliyin pozulmasına şərait yaradan səbəblərin aradan qaldırılması üçün aidiyyəti dövlət qurumlarına təqdimatlar göndərir, profilaktik tədbirlər həyata keçirir, dövlətə vurulmuş maddi ziyanın ödənilməsi üçün mülki iddialar qaldırır və qanun pozuntularının təkrarlanmaması istiqamətində nəzarət mexanizmlərini gücləndirir.

Rəsmi statistik göstəricilər prokurorluq orqanlarının fəaliyyətinin miqyasını da əks etdirir. Baş Prokurorluğun açıqladığı məlumatlara əsasən, 2025-ci ildə ölkə üzrə 31 mindən çox cinayət hadisəsi qeydə alınıb, minlərlə cinayət işi üzrə ibtidai istintaq tamamlanaraq məhkəmələrə göndərilib. Ekoloji cinayətlər ümumi statistika daxilində ayrıca göstərilməsə də, Baş Prokurorluğun və Ekologiya və Təbii Sərvətlər Nazirliyinin mütəmadi məlumatlarından görünür ki, hər il qanunsuz ağackəsmə, qanunsuz faydalı qazıntı hasilatı, su hövzələrinin çirkləndirilməsi və digər ekoloji hüquqpozmalar üzrə çoxsaylı cinayət işləri başlanılır, təqsirkar şəxslər barəsində hüquqi tədbirlər görülür və dövlətə vurulan ziyanın ödənilməsi təmin edilir.

Son illərdə prokurorluğun fəaliyyəti nəticəsində qanunsuz qum-çınqıl hasilatı, meşələrin məhv edilməsi, çay məcralarının dəyişdirilməsi və tullantılarla bağlı bir sıra rezonans doğuran faktlar üzrə cinayət işləri başlanılıb, məsul şəxslər barəsində prosessual qərarlar qəbul edilib. Bu, ekoloji cinayətlərlə mübarizədə cəzasızlıq mühitinin formalaşmasına imkan verilmədiyini göstərən mühüm göstəricilərdən hesab olunur.

Ekoloji cinayətlərlə mübarizənin effektivliyi yalnız hüquqi məsuliyyət tədbirləri ilə məhdudlaşmamalıdır. Müasir monitorinq sistemlərinin tətbiqi, pilotsuz uçuş aparatlarından istifadə, ictimai nəzarətin gücləndirilməsi, vətəndaş müraciətlərinə operativ baxılması və ekoloji maarifləndirmə tədbirlərinin genişləndirilməsi də bu istiqamətdə mühüm rol oynayır. Baş Prokurorluğun ekoloji hüquqpozmalarla bağlı fəaliyyəti ətraf mühitin mühafizəsinə, təbii sərvətlərin qorunmasına və ekoloji təhlükəsizliyin təmin olunmasına mühüm töhfə verir. Bununla yanaşı, ekoloji cinayətlərin qarşısının daha effektiv alınması üçün hüquq-mühafizə orqanları, aidiyyəti dövlət qurumları və cəmiyyət arasında əməkdaşlığın daha da gücləndirilməsi vacib hesab olunur.

Son illər Azərbaycanda estetik və plastik cərrahiyyə sahəsində baş verən neqativ hallar, diplomsuz və ya müvafiq ixtisaslaşma keçmədən bıçaq altına girən şəxslərin əməlləri cəmiyyətdə haqlı narazılıq doğurur. Qanunvericiliyin tələblərinə kobud şəkildə məhəl qoyulmaması, vətəndaşların həyatı və sağlamlığı ilə açıq-aşkar qumar oynanılması halları diqqətdən kənarda qala bilməz. Bu qanunsuzluq dalğasının mərkəzində adları hallanan şəxslərdən biri də Natəvan Əmirovadır.

https://www.youtube.com/shorts/pAdndpTu6nU

Əvvəllər “Laser Beauty Clinic”də fəaliyyət göstərən, Səhiyyə Nazirliyi Analitik Ekspertiza Mərkəzinin yoxlamaları zamanı cərrah kimi fəaliyyət göstərmək üçün heç bir müvafiq ixtisası və hüquqi əsası olmadığı üzə çıxan Natəvan Əmirova indi də fəaliyyətini “Universal Hospital”da davam etdirir. Dövlət qurumlarının rəsmi olaraq haqqında pozuntular aşkar etdiyi, cərrahlıq ixtisasının olmadığını bəyan etdiyi bir şəxsin bu gün çoxprofilli xəstəgörəcək səviyyədə fəaliyyət göstərən “Universal Hospital” kimi tibb müəssisəsində qucaq açması nə deməkdir? Bu, xəstəxana rəhbərliyinin qanunlara açıq şəkildə saymaması və maddi qazanc naminə pasiyentlərin həyatını təhlükəyə atması deyilmi?

https://www.instagram.com/reel/DbqpNjFNbb1/?igsh=MTZ1eWZ0bXc1anhwYg%3D%3D

Azərbaycanda səhiyyə sisteminin şəffaflaşdırılması, vətəndaşların həyat və sağlamlığının qorunması istiqamətində son illər atılan ciddi addımlar bəzi tibb müəssisələrinin hələ də köhnə idarəçilik üsullarından əl çəkmədiyini göstərir. “Universal Hospital” qanunvericiliyin tələblərini açıq şəkildə pozaraq, heç bir ixtisası və rəsmi sertifikatı olmayan şəxsləri əməliyyat masasına buraxan klinikalardan biri olamağa nə vadar edir. Qanuna görə, plastik və…. estetik əməliyyatları həyata keçirmək üçün həkim yalnız müvafiq rezidentura təhsili almalı və Səhiyyə Nazirliyinin xüsusi komissiyası tərəfindən təsdiqlənmiş rəsmi sertifikata malik olmalıdır. Lakin “Laser Beauty Clinic”-də yoxlamalar zamanı məlum olub ki, Natəvan Əmirovanın sertifikatsız özəl tibbi praktik fəaliyyətlə məşğul olması rəsmi şəkildə qeydə alınıb və aidiyyəti qurumlar tərəfindən müəssisə barəsində inzibati tənbeh tədbirləri seçilib.


İxtisası və hüquqi əsası olmadığı halda estetik əməliyyatlara əl atmaq – insan həyatına qarşı edilən ən böyük səhlənkarlıq və məsuliyyətsizlikdir. Sosial şəbəkələrdə özünü mütəxəssis kimi təqdim edən, müxtəlif reklamlarla vətəndaşları aldadan belə şəxslərin fəaliyyəti cəmiyyət üçün bir katastrofadır. İnsanların estetik arzulardan istifadə edərək onların sağlamlığı ilə oynamaq, heç bir elmi və hüquqi əsası olmadan cərrahiyyə masasına oturtmaq yolverilməzdir. Məsununiyyətsiz şəkildə həyata keçirilən bu cür qanunsuz müdaxilələr sonradan ağır fəsadlara, dəhşətli ağırlaşmalara, hətta insan ömrünün sonlanmasına səbəb ola bilər. Hüquq-mühafizə və səhiyyə orqanlarının apardığı araşdırmalar göstərir ki, sahə nə qədər nəzarətsiz qalsa, bir o qədər saxtakar “həkimlər” Ümumilikdə səhiyyə sisteminə kölgə salacaqlar. Natəvan Əmirova kimi şəxslərin heç bir hüquqi əsas olmadan cərrahi əməliyyatlara cəhd göstərməsi dövlət qanunlarına açıq hörmətsizlikdir. Vətəndaşlarımızın sağlamlığı heç kimin şəxsi qazanc mənbəyinə və ya təcrübə poliqonuna çevrilməməlidir. Bu cür hallara qarşı mübarizə daha sərt olmalı, qanunsuz fəaliyyət göstərən şəxslər qanun qarşısında tam cavab verməlidirlər. Bir tibb müəssisəsinin baş direktoru və ya rəhbərliyi işə götürdüyü hər bir həkimin diplomunu, ixtisas sertifikatını və qanuni əsaslarını yoxlamağa borcludur. Lakin görünən odur ki, “Universal Hospital” rəhbərliyi üçün şəffaflıq və pasiyent təhlükəsizliyi deyil, yalnız daxil olan maliyyə axını əsas prinsipdir. İxtisassız bir şəxsin plastik və estetik əməliyyatlar adı altında insan bədənində “təcrübələr” aparmasına şərait yaratmaq birbaşa cinayətə ortaq olmaqdur. Vətəndaşların sağlamlığı üzərindən qurulan bu cür qaranlıq mexanizmlər cəmiyyətdə səhiyyə müəssisələrinə olan etimadı sarsıdır. “Universal Hospital” rəhbərliyi unutmamalıdır ki, qanunsuz fəaliyyətə qucaq açmaq gec-tez hüquqi müstəvidə ağır məsuliyyət və sərt cəzalar deməkdir. Aidiyyəti dövlət qurumları bu klinikanın fəaliyyətini, xüsusilə də ixtisassız şəxslərin hansı əsasla cərrahiyyə otaqlarına buraxılmasını ciddi nəzarətə götürməli və rəhbərlik barəsində ən sərt tədbirlər görülməlidir.(Vətəninfo.az)

Redaksiyadan: Qarşı tərəfin də mövqeini dərc etməyə hazırıq.
https://youtube.com/shorts/pAdndpTu6nU?si=Me_kr7PHZdzHBz7R

Sosial Xidmətlər Agentliyi (SXA) daha bir tenderə yekun vurub.

Tribuna.az xəbər verir ki, qurum bu gün nəticələri açıqlayıb.
Məlum olub ki, Agentlik əlilliyi müəyyən olunmuş şəxslər və Şəhid ailələri üçün Neftçala rayonunda 20 ədəd üçotaqlı mənzilin satın alınmasını həyata keçirəcək. Bu məqsədlə fiziki şəxs Natiq Hüseyn oğlu Əlisoyla müqavilə imzalayıb.
Məlumatda qeyd edilir ki, Natiq Əlisoy SXA üçün 20 ədəd 3 otaqlı evi 1 milyon 444 min 840 manata satın alacaq. Bu isə bir mənzilin 72 min 242 manata başa gələcəyi deməkdir.
Tribuna.az-ın açıq mənbələr üzərindən apardığı araşdırma zamanı məlum olub ki, SXA ilə Natiq Əlisoy arasında bu ilk tender razılaşması deyil. Belə ki, ötən ilin martında tərəflər Salyan rayonunda 32 ədəd üçotaqlı mənzilin satın alınması prosesini həyata keçiriblər. Həmin vaxt Agentlik sözügedən şəxsə bunun müqabilində 2 milyon 197 min 760 manat pul ödəyib.
Açıq mənbələrdə Natiq Hüseyn oğlu Əlisoy haqqında geniş məlumat olmasa da, bəlli olan odur ki, o, fərdi sahibkar, həmçinin yazıçı, şair və jurnalistdir. O, dövlət qurumlarının, xüsusilə Əmək və Əhalinin Sosial Müdafiəsi Nazirliyi və Sosial Xidmətlər Agentliyinin şəhid ailələri və əlilliyi olan şəxslər üçün mənzillərin satın alınması ilə bağlı keçirdiyi iri miqyaslı tender və satınalma müsabiqələrinin qalibi kimi tanınır..Həmçinin o, “Gulay-Food” MMC-nin qanuni təmsilçisi kimi də fəaliyyət göstərib.
Həmçinin Natiq Əlisoy Azərbaycan Yazıçılar Birliyinin və Azərbaycan Jurnalistlər Birliyinin üzvüdür.
Qarşı tərəfi də dinləməyə hazırıq.