Naxçıvan Dövlət Avtomobil Yolları Agentliyində maaşlar hər ay gecikir, işçilər isə kredit faizləri ilə üz-üzə qalırlar. Qurum əməkdaşlarının “Gündəlik Naxçıvan”a bildirdiyinə görə, əvvəllər ayın əvvəlində verilən əməkhaqları indi çox vaxt ayın 20-dən sonraya saxlanılır.
Agentlik rəhbərliyi isə gecikməni Maliyyə Nazirliyindən vəsaitin gec ayrılması ilə əlaqələndirir.
İşçilər deyirlər ki, maaşların gecikməsi kredit ödənişləri, kommunal xərclər və ailə ehtiyacları ilə bağlı ciddi problemlər yaradır. Onların sözlərinə görə, kreditlərini vaxtında ödəyə bilmədikləri üçün banklara əlavə faiz ödəməyə məcbur qalırlar.
Şikayətçilər bildirirlər ki, bayram günləri ərəfəsində digər dövlət idarə və müəssisələrinin əməkdaşları maaşlarını alsalar da, Agentliyin işçilərinə ödənişlər vaxtında verilməyib. Onların sözlərinə görə, məsələ ilə bağlı dəfələrlə müraciət etsələr də, problem hər ay təkrarlanır:
“Bizə deyirlər ki, maaşlarla bağlı bütün sənədlər vaxtında Maliyyə Nazirliyinə təqdim olunur, lakin vəsait gec ayrılır. Nəticədə hər ay eyni vəziyyət yaranır. Ailəmiz, övladlarımız var, çoxumuzun bank krediti mövcuddur. Maaş gecikəndə ödənişlərimizi edə bilmirik, əlavə problemlərlə üzləşirik. Əvvəllər maaşlar hər ayın 1-də verilirdi.
Kredit götürənlər də ödəniş tarixini buna uyğun hesablayıblar. İndi maaşları yubadıb hər ayın 20-dən sonra verirlər. May ayının sonu bayram idi, hətta bayramda belə maaşları vermədilər, bayramdan sonraya saxladılar.”
İşçilər aidiyyəti qurumlardan problemin həlli üçün tədbir görülməsini istəyirlər.

Övadları ilə birgə yoxa çıxan azərbaycanlı keçmiş gimnast Zeynəb Cavadlının anası Solmaz Cavadlı videomüraciət ünvanlayıb.

“Qafqazinfo” xəbər verir ki, o, ötən gün yaydığı müraciətində Dubay Əmirinin qardaşı oğlu Şeyx Səid bin Məktum Əl-Məktumun keçmiş həyat yoldaşı olan qızından və nəvələrindən 5 gündür heç bir məlumat ala bilmədiyini qeyd edib.

“Mən bir ana kimi çox həyəcanlıyam. Artıq 5 gündür ki, qızım Zeynəbi və uşaqlarını hara aparıblar, necə aparıblar, heç bir xəbərim yoxdur. Qızımı və nəvələrimi axtarıram. Bu videonu çəkməkdə məqsədim odur ki, bütün analar qızım Zeynəb Cavadlı və onun balaları ilə həmrəy olsunlar. Hamını - bütün Azərbaycan xalqını, bütün dünyanı bizə kömək etməyə çağırıram, həmrəy olun deyirəm” - S.Cavadlı bildirib.

Xatırladaq ki, bir neçə gün əvvəl Zeynəb Cavadlı və üç qızının gecə saatlarında Dubay polisi tərəfindən aparıldığı iddia edilir. Məsələ ilə bağlı açıqlama verən idmançının britaniyalı vəkili Devid Heyq bu hadisədən sonra müvəkkili ilə bütün əlaqələrin kəsildiyini bildirib.
Zeynəbə dəstək üçün Dubaya yollanan anasının da evə daxil olmasına icazə verilmədiyi və ölkədən çıxışına qadağa qoyulduğu bildirilir.

Məlumat üçün qeyd edək ki, cütlük uzun illərdir övladlarının himayəsi ilə bağlı mübarizə aparır və bir-birini uşaqları qaçırmaqda ittiham edirlər.

İxtisar dalğası SOCAR "Azərikimya" İstehsalat Birliyinə çatıb. Bu barədə Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı özünün sosial şəbəkə hesabında məlumat paylaşaraq SOCAR prezidenti Rövşən Nəcəfdən izahat tələb edir.
NHMT sədri SOCAR prezidenti Rövşən Nəcəfə SOCAR "Azərikimya" İstehsalat Birliyində çalışan xanım işçilərdən birinin müraciətini təqdim edir:
" "Azərikimya"da 53-55 yaşlı işçiləri ixtisarla bağlı cağırırlar. Nə edək? Bundan sonra harda iş tapaq? Zərərli işə görə pensiya alanlar var, hansi ki, siz deyən kimi... 1-2 ili qalıb. Onlar heç olmasa, pensiya alır... Bəs pensiya almayanlar nə etsin? Dövlətin ən böyük şirkətində ixtisar olandan sonra harda iş tapmaq olar?"
Bunun ardından M.Qəhrəmanlı SOCAR prezidentindən soruşur:
"Siz və komandanız SOCAR rəhbərliyinə təyin olunan dövrə qədər olan müddətdə heç vaxt bu qədər qadın (müxtəlif üsüllarla optimallaşdırma, təşkilatı sağlamlaşdırma, və s. üsullarla) işdən azad olunmamışdı. Və təssüf ki, indiki halda bu proses şirkətin kadr siyasətini formalaşdıran və reallaşdıran vitse prezident qadın olduğu halda aparılır☝
Onu da vurğulayım ki, bu məktub NHMT İB yönələn çoxlu sayda qadınlardan bir xanımın müraciətidir...."

Dia-az

Bakı şəhəri, Yasamal rayonu, Zahid Xəlilov küçəsində yerləşən "Megacity" yaşayış kompleksinin (MTK) sakinləri binanın idarəçiliyində yol verilən ciddi qanunsuzluqlar, korrupsiya halları və keyfiyyətsiz xidmətlə bağlı dərin narazılıqlarını bildirirlər.
1xeber.media-ya müraciət edən Məmmədov Sadiqin sözlərinə görə,uzun müddətdir ki, kompleksin idarəçiliyi qeyri-şəffaf prinsiplərlə həyata keçirilir və sakinlər süni şəkildə formalaşdırılmış problemlərlə üz-üzə qoyulub.

Sakinlərdən hər ay müxtəlif bəhanələrlə əlavə və qanunsuz vəsaitlərin toplanıldığı iddia edilir. Bu qədər pul yığılmasına baxmayaraq, binanın həyətinə və ümumi sahələrinə heç bir qulluq göstərilmir, baxımsızlıq hökm sürür,lift problemi həll edilmir,ümumiyyətlə hesabatlılıq düzgün formada aparılmır və sakinlərə heç bir məlumat verilmir.
Sakinlərdən işıq, qaz və su pulu üçün vəsaitlər vaxtı-vaxtında nağd və ya digər yollarla yığılsa da, sözügedən komunalların təminatında davamlı kəsintilər baş verir, binanın infrastrukturu təhlükə altına düşür.
Sadiq Məmmədovun sözlərinə görə, binanın rəhbərliyi öz yaxın qohumlarını işə götürərək onlara heç bir xidmət göstərmədikləri halda sakinlərin hesabından şişirdilmiş maaşlar və pullar yazır,toplanan vəsaitlərin hara xərcləndiyi barədə sakinlərinə heç bir hesabat verilmir.Mənzil sahibləri ödənişlərimizi vaxtında etdiyimiz halda, komendantın məsuliyyətsizliyi və özbaşınalığı ucbatından şəxsi mülkümüzdə normal yaşaya bilmirik-deyə etiraz edirlər.

1xeber.media

Sosial şəbəkələrdə yayılmış video materiallar və redaksiyamıza daxil olan vətəndaş müraciətləri əsasında aparılan jurnalist araşdırması, ölkənin ticarət sektorunda istehlakçı hüquqlarının necə kobud şəkildə tapdalandığını və qanunların açıq-aşkar heçə sayıldığını növbəti dəfə ortaya qoyur. Növbəti hüquqi qanunsuzluq və gizli dövriyyə faktı paytaxtda fəaliyyət göstərən “Möcüzə” market tərəfindən qeydə alınıb. Mağazadan alış-veriş edən vətəndaşa təqdim olunan ödəniş sənədinin fotoşəklindən də açıq şəkildə görünür ki, market rəhbərliyi müştərilərə yalnız daxili uçot xarakteri daşıyan, üzərində heç bir rəsmi rekvizit, VÖEN, mağazanın tam hüquqi adı və fiskal ID əks olunmayan adi bir kağız parçası təqdim edir. Qəbzin yuxarı hissəsində sadəcə mücərrəd şəkildə "Market" sözü yazılıb və yalnız tarixlə bərabər daxili kassa aparatının nömrəsi (MEYVE-03) qeyd olunub. Bu cür adsız və rekvizitsiz sənədin rəsmi ödəniş qəbzi kimi təqdim edilməsi həm vergi qanunvericiliyinin kobud şəkildə pozulması, həm də kölgə iqtisadiyyatının bariz nümunəsidir.
“Möcüzə” marketin bu fəaliyyəti Azərbaycan Respublikasının mövcud qanunvericiliyinin bir neçə fundamental istiqamətini eyni anda iflic edir. Azərbaycan Respublikası Vergi Məcəlləsinin 50-ci maddəsinin tələblərinə əsasən, əhali ilə pul hesablaşmaları aparan ticarət obyektlərində nəzarət-kassa aparatlarının tətbiqi mütləqdir və istehlakçıya verilən çekdə vergi ödəyicisinin adı, VÖEN-i, çekin rəsmi fiskal rekvizitləri və QR-kodu mütləq şəkildə əks olunmalıdır. Bu məlumatların gizlədilməsi birbaşa nağd dövriyyənin gizlədilməsi və dövlət büdcəsindən vergi yayındırma faktına dəlalət edir ki, bu da Vergi Məcəlləsinin müvafiq maddələri ilə ciddi maliyyə sanksiyaları doğurur. Eyni zamanda, “İstehlakçıların hüquqlarının müdafiəsi haqqında” AR Qanununun 17-ci maddəsinə görə, malın satışı zamanı istehlakçıya malın dəyərini ödədiyini təsdiq edən rəsmi kassa çeki verilməlidir. Rəsmi rekvizitləri olmayan belə daxili qəbzlərin dövriyyəyə buraxılması ticarət obyektinə istənilən an məsuliyyətdən yayınma imkanı verir. Əgər vətəndaş həmin marketdən aldığı hər hansı məhsuldan, xüsusilə də keyfiyyətsizlik və ya yararlılıq müddətinin keçməsi səbəbindən zərər çəkərsə, yaxud kütləvi zəhərlənmə halı baş verərsə, məhkəmə və ya hüquq-mühafizə orqanları qarşısında bu qəbzlə həmin mağazanın məsuliyyətini sübut etmək hüquqi baxımdan demək olar ki, qeyri-mümkündür, çünki sənəddə satıcının hüquqi statusu tamamilə gizlədilib.

Biz, "Edliyyeinfo.az" informasiya portalı olaraq bildiririk ki, sahibkarlıq fəaliyyəti vətəndaşların hüquqlarının tapdalanması və dövlət büdcəsindən vəsait yayındırılması hesabına baş verməməlidir. “Möcüzə” market və onun timsalında fəaliyyət göstərən oxşar ticarət obyektləri qanunun tələblərinə tabe olmalı, daxili, qanunsuz rekvizitli qəbzlərlə işləməyə son qoymalıdırlar. Mövzu ilə bağlı İqtisadiyyat Nazirliyi yanında Dövlət Vergi Xidmətinə, eləcə də Antiinhisar və İstehlak Bazarına Nəzarət Dövlət Xidmətinə redaksiyamız tərəfindən rəsmi sorğular ünvanlanacaq və məsələ tam hüquqi həllini tapana qədər diqqətimizdə saxlanılacaqdır. Vətəndaşlarımızı isə öz hüquqlarını qorumağa, hər bir alış-veriş zamanı təkidlə QR-kodlu rəsmi dövlət kassa çeklərini tələb etməyə çağırırıq.

Edliyyeinfo.az

Bakıxanov qəsəbəsi, Nazim İsmayılov küçəsi 5 ünvanında yerləşən “Möcüzə” marketin ətrafında yaranmış vəziyyət ciddi narahatlıq doğurur. Redaksiyamıza daxil olan məlumata görə, vətəndaşların rahat gediş-gəlişi üçün nəzərdə tutulmuş səki ərazisi zəbt edilərək faktiki olaraq şəxsi istifadəyə verilib.

Nəticədə piyadalar yolun hərəkət hissəsinə çıxmağa məcbur qalır ki, bu da həm təhlükəsizlik, həm də şəhərsalma qaydalarının kobud şəkildə pozulması deməkdir.İddialara görə, zəbt edilmiş ərazidə meyvə-tərəvəz satışı həyata keçirilir və satış prosesində şəffaflıqla bağlı ciddi suallar mövcuddur.

Vətəndaşların bildirdiyinə görə, təqdim olunan çeklər formal xarakter daşıyır.Bu artıq təkcə səki zəbtindən deyil, həm də vergidən yayınma ehtimalından xəbər verir.Daha maraqlı və düşündürücü məqam isə market əməkdaşlarının müxtəlif söhbətlər zamanı Sabunçu Rayon İcra Hakimiyyətinin başçısı Adil Vəliyevin adını hallandırmalarıdır. Əgər doğrudan da hansısa məmurun adı bu proseslərdə çəkilirsə, həmin şəxsin özü və aidiyyəti qurumlar məsələyə dərhal aydınlıq gətirməlidir.

Çünki dövlət məmurunun adından istifadə edilməsi ya ciddi qanun pozuntusunun gizlədilməsi cəhdi, ya da vətəndaşların və nəzarət orqanlarının susdurulmasına hesablanmış vasitə kimi qiymətləndirilə bilər.Ən vacib sual isə budur: vətəndaşların istifadəsində olan səki necə və hansı əsasla zəbt olunub? Bu ərazi kim tərəfindən və hansı sənədlə "özəlləşdirilib"? Əgər hər hansı qanuni sənəd mövcuddursa, ictimaiyyətə təqdim edilsin. Əks halda, dövlət torpağının və ya ümumi istifadədə olan ərazinin mənimsənilməsi ilə bağlı tədbirlər görülməlidir.

Vergi xidməti, Dövlət Şəhərsalma və Arxitektura Komitəsi, Fövqəladə Hallar Nazirliyi, Sabunçu Rayon İcra Hakimiyyəti və digər aidiyyəti qurumlar bu iddialara münasibət bildirməlidirlər. Çünki qanun hamı üçün eynidir. Sadə vətəndaş bir metr torpaqda qanunsuz tikinti aparanda dərhal tədbir görülürsə, bəs niyə insanların gündəlik istifadə etdiyi səkinin zəbt olunmasına göz yumulur?Cəmiyyət haqlı olaraq soruşur: səkinin zəbtinə, mümkün vergi pozuntularına və məmur adlarından istifadə edilməsinə kim himayədarlıq edir? Yoxsa qanun yalnız imkansızlar üçün işləyir?Qeyd olunan iddialarla bağlı qarşı tərəfin mövqeyini dərc etməyə hazırıq. Aidiyyəti qurumların və adı çəkilən şəxslərin cavab hüququnu tanıyır və onların rəsmi açıqlamalarını işıqlandırmağa hazır olduğumuzu bildiririk.

Nyus.Az

Azərbaycan Yerüstü Nəqliyyat Agentliyində (AYNA) yoxlama aparıldığı və yoxlama zamanı müxtəlif uyğunsuzluqların aşkarlandığı bildirilir.

Bizimesr.com-un əldə etdiyi məlumata görə, aparılan yoxlamaların nəticələri hələlik ictimaiyyətə açıqlanmır.

Mənbələrin iddiasına əsasən, müəyyən edilmiş nöqsan və uyğunsuzluqların qısa müddət ərzində aradan qaldırılması üçün AYNA rəhbərliyinə müvafiq tapşırıqlar verilib

Məlumatda qeyd olunur ki, qurumun fəaliyyətinin yenidən yoxlanılması da gündəmdədir. Bildirilir ki, yoxlamaların nəticələri və aşkar edilmiş problemlər aidiyyəti yuxarı instansiyalarda müzakirə edilir.

İddialara görə, AYNA İdarə Heyətinin sədri Anar Rzayevin fəaliyyəti ilə bağlı məsələlər də müvafiq dövlət qurumlarında diqqət mərkəzində saxlanılır və müxtəlif səviyyələrdə dəyərləndirilir.

Qeyd edək ki, Azərbaycan Yerüstü Nəqliyyat Agentliyi yarandığı gündən etibarən fəaliyyəti ilə bağlı cəmiyyətdə müxtəlif müzakirələrə səbəb olub. Xüsusilə paytaxtda nəqliyyatın təşkili, avtobus marşrutları, parklanma siyasəti, nəqliyyat sıxlığı və digər məsələlər üzrə qəbul edilən qərarlar zaman-zaman ictimai narazılıqlarla qarşılanıb.

Vətəndaşlar AYNA-nın həyata keçirdiyi bəzi layihələrin gözlənilən nəticəni vermədiyini, nəqliyyat sahəsində problemlərin isə tam həll olunmadığını bildirirlər. Digər tərəfdən, qurum tərəfindən son illərdə ictimai nəqliyyatın modernləşdirilməsi, rəqəmsal xidmətlərin genişləndirilməsi və yol hərəkətinin tənzimlənməsi istiqamətində müəyyən addımların atıldığı da qeyd olunur.

Hazırda yoxlama ilə bağlı rəsmi qurumlar tərəfindən hər hansı açıqlama verilməyib. Məsələ ilə bağlı AYNA-nın və aidiyyəti dövlət qurumlarının mövqeyini dərc etməyə hazırıq.

Bizinesr.com

Ötən gün Prezident İlham Əliyevin sərəncamı ilə Azərbaycan Avtomobil Yolları Dövlət Agentliyinin (AAYDA) sədr müavinləri Əvəz İlyas oğlu Qocayev və Hüsnü Ələkbər oğlu Quliyev vəzifələrindən azad edildilər.

Hər iki şəxs bu vəzifəyə 2017-ci ildə təyin olunmuşdu.

Əvəz Qocayevin vəzifədən uzaqlaşdırılması fonunda onun adı ilə bağlı illərdir müxtəlif media orqanlarında dərc olunan məlumatlar yenidən müzakirə mövzusuna çevrilib. Mətbuatda yayılan iddialarda bildirilir ki, uzun illər dövlət qurumlarında çalışan məmurun ölkə daxilində və xaricdə geniş biznes və əmlak şəbəkəsinə malik olduğu qeyd olunur.

Yayılan məlumatlara əsasən, Əvəz Qocayevə və ailə üzvlərinə aid olduğu iddia edilən əmlak və biznes obyektləri sırasında aşağıdakılar göstərilir:

Binəqədi rayonu, Digah yol kəsişməsində yerləşən “Ocaq” ailəvi restoranı;
Yasamal, Xətai və Səbail rayonlarında fəaliyyət göstərən “Ocaq” restoran, kafe və digər iaşə obyektləri şəbəkəsi;
Tovuz rayonunun Əyyublu kəndində iri ferma təsərrüfatı və artezian quyuları;
Port Baku yaşayış kompleksində 130 kvadratmetr sahəsi olan 3 otaqlı mənzil;
Şəhərin müxtəlif ərazilərində fəaliyyət göstərdiyi bildirilən “NN” gözəllik salonları şəbəkəsi;
Həsən Əliyev küçəsində yerləşən “Real” MTK-da 380 kvadratmetrlik ofis sahəsi;
Binəqədi rayonu, Cəfər Xəndan küçəsində yerləşən 155 kvadratmetrlik mənzil;
Müxtəlif banklarda ailə üzvlərinin adına rəsmiləşdirildiyi iddia olunan milyonlarla manatlıq depozitlər;
Köhnə “Varovski” adlanan ərazidə üçmərtəbəli villa;
Novxanıda üç ayrı villa;
“Star-M” MTK-da ümumi sahəsi 320 kvadratmetr olan iki mənzil;
“Real” MTK-da daha bir mənzil;
Port Baku-da əlavə mənzil;
Binəqədi rayonu ərazisində torpaq sahələri;
Moskva və İstanbulun Levent səmtində mənzillər;
Şüvəlanda villa;
Müxtəlif markalı bahalı avtomobillər;
Tovuz rayonu və Dərnəgül ərazisində tikinti materialları mağazaları;
Müxtəlif şirkətlərdə və tikinti sektorunda tərəfdaşlıqlar.

Bundan əlavə, bəzi materiallarında onun Türkiyə, Sloveniya və Çexiyada şirkətlərinin, eləcə də Çexiyanın Karlovı-Varı şəhərində əmlaklarının olduğu da iddia edilir.

Qeyd edilməlidir ki, sadalanan məlumatlar müxtəlif dövrlərdə mətbuatda yayılan iddialara əsaslanır və onların rəsmi qurumlar tərəfindən təsdiqlənməsi barədə açıq məlumat mövcud deyil. Əvəz Qocayev tərəfindən də bu iddialarla bağlı ictimaiyyətə geniş açıqlama verilməyib.

Bununla belə, uzun illər dövlət qulluğunda çalışmış bir şəxsin adı ətrafında bu qədər geniş əmlak və biznes şəbəkəsinin hallandırılması cəmiyyətdə müxtəlif suallar doğurur. Xüsusilə də dövlət vəsaitlərinin idarə olunması ilə bağlı mühüm vəzifələrdə çalışan şəxslərin gəlir mənbələri, əmlak vəziyyəti və biznes fəaliyyəti məsələləri ictimai maraq doğuran mövzulardan biri hesab olunur.

Xatırladaq ki, bundan əvvəl də AAYDA-nın sabiq sədri, adı müxtəlif biznes strukturları ilə əlaqələndirilən Saleh Məmmədov vəzifəsindən alınmışdı. İndi isə onun uzun illər birlikdə çalışdığı müavinlərdən biri olan Əvəz Qocayevin də vəzifədən uzaqlaşdırılması diqqət çəkən hadisə kimi qiymətləndirilir.

Əvəz Qocayevin adı ətrafında səslənən iddiaların hüquqi və maliyyə baxımından araşdırılıb-araşdırılmayacağı isə hələlik məlum deyil. Bu məsələyə rəsmi qurumların münasibəti maraqla gözlənilir.

Bizimesr.com

Azərbaycan Prezidenti İlham Əliyev İsveçin Kralı Əlahəzrət XVI Karl Qustava təbrik məktubu ünvanlayıb.

Təbrikdə deyilir:

"Əlahəzrət,

İsveç Krallığının milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edir, Sizə möhkəm cansağlığı, xoşbəxtlik, xalqınıza daim firavanlıq diləyirəm".

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində (ASAN Xidmət) uzun müddətdir ki, maliyyə problemləri yaranıb. 

Bildirir ki, bəlli olub ki, ASAN Xidmət mərkəzlərində çalışan digər dövlət qurumlarının əməkdaşlarına verilən əlavə ödənişlərin – “rüsum pulu”nun verilməsi prosesi dayandırılıb.

Buna səbəb kimi isə Maliyyə Nazirliyinin nəzərdə tutulan həmin vəsaitləri bloklaması olub.

Əldə etdiyimiz məlumata görə, yaranmış vəziyyətlə bağlı ASAN Xidmət rəhbərliyi ilə Maliyyə Nazirliyi arasında müzakirələr getsə də, ortada real nəticə yoxdur.
ASAN Xidmət rəhbərliyi hesab edir ki, bu vəsait qurumda çalışanlara ödənilməlidir.

Çünki ölkə prezidentinin fərmanına əsasən, 2026-cı ilin mart ayında qəbul olunmuş qərarlarla ASAN mərkəzlərində fəaliyyət göstərən həm ASAN əməkdaşlarının, həm də digər dövlət orqanlarının nümayəndələrinin mükafatlandırılması üçün dövlət büdcəsindən illik 26,6 milyon manat vəsait ayrılıb.

Ancaq Maliyyə Nazirliyi buna maneçilik törədir.

Məsələ ilə bağlı hər iki qurumun mövqeyini işıqlandırmağa hazırıq.

Gununsesi.info