“Mən “Kristal”ın “Yeni Sumqayıt” layihəsindən ev almışam. Alanda bizə deyilən tarix çox konkret idi — 2025-ci ilin dekabrı. O tarixə güvənərək plan qurduq, həyatımızı ona görə təşkil etdik… Məlumata görə, bunu öz müraciətində “Kristal”ın Valeh Paşayev adlı müştərisi qeyd edib.
Narazı vətəndaş daha sonra başına gələnləri belə nəql edir: “Amma indi aprel ayıdır… və hələ də evimiz yoxdur.
Bu müddətdə nə baş verir?
Kirayədə qalmağa davam edirik
Üstünə aylıq 752 AZN ipoteka ödəyirəm Yəni faktiki olaraq evi olmayan bir insan kimi iki ev xərci çəkirəm
Ən çətini isə qeyri-müəyyənlikdir. “Nə vaxt təhvil veriləcək?” sualına konkret cavab yoxdur. Ay yoxdur. Gün yoxdur. Sadəcə gözləyin.
Digər tərəfdən isə ipoteka ilə bağlı gecikmə olsa, dərhal xəbərdarlıq edilir ki, evi itirə bilərik. Yəni alıcı tərəf geciksə — nəticə var. Amma şirkət gecikəndə — konkret heç nə yoxdur.
Məncə bu artıq təkcə mənim problemim deyil. Mənim kimi evi məndən əvvəl alıb hələ də gözləyən çox insan var. Bəzilərinə hətta 2025-də təhvil veriləcəyi deyilib.
Mənim istəyim çox sadədir:
Bizə dəqiq tarix deyilsin (gün, ay)
Əgər bu mümkün deyilsə, bu gecikmənin maddi yükü də nəzərə alınsın
Çünki bu vəziyyətdə bütün risk və yük yalnız alıcının üzərində qalır.
Ümid edirəm ki, “Kristal” bu məsələyə daha açıq və konkret yanaşacaq. Sadəcə söz yox, real cavab görmək istəyirik…”
Dia-az

İşğaldan azad edilmiş ərazilərdə xidmət göstərən avtomobillərin texniki baxışı “Diamond Motors” MMC-yə həvalə edildi

Ağdam, Füzuli və Xocavənd rayonlarında bərpa, tikinti və idarəetmə xidməti publik hüquqi şəxsi tərəfindən parkda olan nəqliyyat vasitələrinin rəsmi servis xidmətlərinin satın alınması ilə bağlı irimiqyaslı tender yekunlaşıb.

“Diamond Motors” MMC ilə imzalanmış 5.398.464 AZN dəyərindəki satınalma müqaviləsinə əsasən, qurumun balansında olan 4 ədəd benzin mühərrikli Pajero Sport, 14 ədəd yeni Outlander, həmçinin 5 ədəd mexaniki və 2 ədəd avtomat sürətlər qutusu ilə təchiz edilmiş L-200 markalı avtomobillərin istehsalçı zəmanəti müddətində bütün texniki qulluq işləri həyata keçiriləcəkdir.

Qeyd edək ki, “Ağdam, Füzuli və Xocavənd rayonlarında Bərpa, Tikinti və İdarəetmə Xidməti” publik hüquqi şəxsin icraçı direktoru Leysan Məmmədovdur.

Xatırladaq ki, iş adamı Leysan Məmmədovun oğlu Elnur Məmmədovun adı 2023-cü il Bakının istirahət mərkəzlərindən biri olan “Sea Breeze”də baş vermiş silsilə xuliqanlıq hadisələrində hallanıb. İddialara görə, o, mərkəzdəki restoranlardan birində dava salaraq qarşı tərəfin avtomobilinə zərər yetirmişdi.

Maraqlısı budur ki, hadisə ilə bağlı keçirilən məhkəmə prosesində Elnur Məmmədovun özünün zərərçəkmiş şəxs qismində tanınması mətbuatda geniş müzakirələrə və tənqidlərə səbəb olmuşdu.(32gun.az)

Gəncə Dövlət Universitetinin rektoru, kimya elmləri doktoru, professor Yusif Yusibov vəzifəsindən gedəcək.

Qaynarinfo-nun məlumatına görə, 2014-cü ildən Gəncə Dövlət Universitetində rektoru olan Yusif Yusibov son yaş həddi ilə əlaqədar yaxın vaxtlarda vəzifəsindən azad olunacaq.

Qeyd edək ki, 1951-ci il təvəllüdlü vəzifəsindən 2011-2014-cü illərdə GDU-da tədris işləri üzrə prorektor vəzifəsində çalışıb.

Xatırladaq ki, GDU-nun İnzibati təsərrüfat işləri üzrə prorektoru Fəxrəddin Həsənov 1958-ci il, Humanitar məsələlər üzrə prorektoru dosent Gülsüm Fətəliyeva isə 1947-ci il təvəlüdlüdür.Qaynarinfo

Azərbaycan Respublikasının Prezidenti cənab İlham Əliyevə

Surəti: Azərbaycan Respublikası Prezidentinin Adminstrasiyasının rəhbəri Nuriyev Samir Rafiq oğluna

Ünvan: Bakı şəhəri İstiqlaliyyət küçəsi 19, Prezident Sarayı

Surəti: Azərbaycan Respublikası Prezidentinin köməkçisi-Azərbaycan Respublikası Prezidentinin Adminstrasiyasının Ərazi- təşkilat məsələləri şöbəsinin müdiri Nağdəliyev Zeynal Səfər oğluna

Ünvan: Bakı şəhəri İstiqlaliyyət küçəsi 19, Prezident Sarayı

Tovuz rayonu Azaflı kəndində daimi qeydiyyatda olan və həmin kənddə daimi yaşayan Alisgəndərov Oktay Telman oğlu (AA:1623280, FİN: 1B4PCAH, Telefon: 010-525-34-66, 050-211-15-88) tərəfindən


Hörmətli, cənab Prezident və səlahiyyət sahibləri! Bildirirəm ki, mən Alisgəndərov Oktay Telman oğlu Azərbaycan Respublikasının Prezidentinin “Qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı əlavə tədbirlər haqqında” 14 iyun 2023-cü il tarixli 2181 nömrəli Fərmanına uyğun olaraq özümə məxsus tikilinin yerləşdiyi torpaq sahəsi dövlət mülkiyyəti olmaqla Tovuz şəhəri Heydər Əliyev prospektində yerləşən ümumi sahəsi 0,97 kv.metr olan qeyri-yaşayış binamı, obyektimi Azərbaycan Respublikasının Fövqaladə Hallar Nazirliyində 15230 nömrə ilə rəsmi portalda qeydiyyata aldırıb, istismara qəbul etdirib, rəsmi qaydada sənədləşdirib hüquqların dövlət qeydiyyatı haqqında daşınmaz əmlakın dövlət reyestrindən elektron çıxarış və texniki pasport almağım üçün Azərbaycan Respublikasının Fövqaladə Hallar Nazirliyinin Gəncə Regional Mərkəzinə müraciət etmişəm. Azərbaycan Respublikasının Prezidentinin “Qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı əlavə tədbirlər haqqında” 14 iyun 2023cü il tarixli 2181 nömrəli Fərmanına uyğun olaraq 10 qurumun müsbət rəyi alınmalı olduğu halda Tovuz Rayon İcra Hakimiyyətindən başqa 9 qurumun (Azərbaycan Respublikası İqtisadiyyat Nazırliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsi 15 saylı Tovuz Ərazi İdarəsinin, SOCAR «Azəriqaz» İstehsalat Birliyinin, «Azərişıq» ASC-nin, ADSEA-nın (Azərsunun), FHN Tikintidə Təhlükəsizliyə Nəzarət Dövlət Agentliyinin, FHN Dövlət Yanğın Nəzarəti Xidmətinin, FHN Sənayedə İşlərin Təhlükəsiz Görülməsi və Dağmədən Nəzarəti Dövlət Agentliyinin, Obyektin İstismara hazır olması barədə FHN-nin və Dövlət Şəhərsalma və Arxitektura Komitəsi Ərazi Tikinti-Planlaşdırma Mərkəzinin) müsbət rəylərini almaqla yanaşı mənə məxsus Tovuz şəhəri Heydər Əliyev prospektində yerləşən tikinti sahəsi 0,97 kv.metr olan qeyri-yaşayış binamın, obyektimin yerləşdiyi 1 0,97 kv.metr torpaq sahəsi dövlət mülkiyyəti olduğu üçün Azərbaycan Respublikası İqtisadiyyat Nazırliyi yanında Əmlak Məsələləri Dövlət Xidməti ilə 01 oktyabr 2025-ci il tarixli 14115 nömrəli “hüquqi və fiziki şəxslərə torpaq sahəsinin icarəyə verilməsi barədə icarə müqaviləsi də bağlamağıma və obyektin istismara qəbul edilməsinə dair aktın verilməsi üçün qanunla müəyyən edilmiş qaydada və məbləğdə 61 (altmış bir) manat dövlət rüsumu da ödəməyimə baxmayaraq, hörmətli, cənab Prezidentim, nədənsə Tovuz Rayon İcra Hakimiyyətinin Başçısı Məmmədov Məmməd Cahangir oğlu Sizin Fərmanınızın əlehinə, ziddinə getməklə, öz şəxsi maraqları naminə Sizin Fərmanınızı heçə sayıb xalqla Dövlət arasında uçurum yaradır, xalq və Hakimiyyətin birliyinə xələl gətirir, vətəndaş məmnunluğunu heçə sayaraq vətəndaş süründürməçiliyinə yol verir, Sizin yürütdüyünüz daxili və xarici siyasətinizə kölgə salmağa çalışır. Belə ki, mən Alisgəndərov Oktay Telman oğlu 5 aydan çoxdur ki, Tovuz Rayon İcra Hakimiyyətinin Başçısı Məmmədov Məmməd Cahangir oğlundan icarə müqaviləsi ilə birlikdə tələb olunan bütün sənədləri o cümlədən obyektin istismara qəbul edilməsinə dair aktın verilməsi üçün qanunla müəyyən edilmiş qaydada və məbləğdə 61 (altmış bir) manat dövlət rüsumu ödəyib ödənişə dair qəbzi də Tovuz Rayon İcra Hakimiyyətinin Memarlıq və Tikinti Şöbəsinə təqdim edib, məni canıma doydurub, canımdan bezdirdikləri üçün əsəbdən əsəb, şəkər xəstəliyinə tutulub insult keçirməməyim xatirinə məcbur olub hətta 25 dekabr 2025-ci il tarixdə Azərpoçt ASC-nin Tovuz Mərkəzi filialı vasitəsi ilə rəsmi ərizə və teleqramla müraciət etsəm də nə obyektin istismara qəbul edilməsinə dair aktı ala bilirəm nə də obyektin istismara qəbul edilməsinə dair aktın verilməməsinin səbəblərini aydınlaşdıra bilirəm. Qısacası cavablarında şifahi olaraq onların dili ilə desək bildirirlər ki, “biz Başçının razılığı, “dabrosu”, “okeyi” olmadan obyektin istismara qəbul edilməsinə dair aktı nə verə bilərik nə də qanunla müəyyən edilmiş qaydada obyektin istismara qəbul edilməsinə dair aktın verilməməsinin səbəbləri barədə məlumat verə bilmərik.” Yəni qısacası bir sözlə Tovuz Rayon İcra Hakimiyyətinin Başçısı Məmmədov Məmməd Cahangir oğlu rəhbərlik etdiyi İcra Hakimiyyətinin bütün sturuktur Bölmələrinin səlahiyyətlərini və möhürlərini mənimsəməsi azmış kimi hətta xalq tərəfindən seçilmiş Tovuz rayonunda fəaliyyət göstərən bütün Bələdiyyələrin də səlahiyyətlərini və möhürlərini mənimsəməklə Tovuz əhalisini canına bezdirib Tovuzda özünü Bağdadda isə kor xəlifəni sayır, başda ən Ali Qanununmuz olan Azərbaycan Respublikasının Konstitutsiyası olmaqla qüvvədə olan bütün qanunvericiliyin ziddinə, əlehinə çıxmaqla bilərəkdən qəsdlə ciddi və kobud qanun pozuntularına yol verib hərəkət və ya hərəkətsizlik nümayiş etdirir. Odur ki, yuxarida qeyd etdiyim halları, faktları, sübutları və xüsusatları nəzərə alıb Sizlərdən artıq dərəcədə xahiş edirəm ki, öz şəxsi nüfuzunuzdan və səlahiyyətlərinizdən istifadə edib, Azərbaycan Respublikasının Fövqaladə Hallar Nazirliyində 15230 nömrə ilə rəsmi portalda qeydiyyatan keçirdiyim, Tovuz Rayon İcra Hakimiyyətindən başqa 9 aidiyyəti qurumdan müsbət rəylər aldığım, obyektin yerləşdiyi torpaq sahəsinə dair Dövlətlə 01 oktyabr 2025-ci il tarixli 14115 nömrəli icarə müqaviləsi bağladığım Tovuz şəhəri Heydər Əliyev prospektində yerləşən tikinti sahəsi 0,97 kv.metr olan qeyri-yaşayış binama, obyektimə Tovuz Rayon İcra Hakimiyyətindən obyektin istismara qəbul edilməsinə dair aktın verilməsinə köməklik göstərib, Tovuz Rayon İcra Hakimiyyətində baş alıb gedən, ayaq tutub yeriyən hərəkət və ya hərəkətsizliyin, bu özbaşınalıqların qarşısının alınması üçün ciddi və təxirə salınmaz cəza tədbirləri görəsiniz. Qoşma: Şikayət ərizəsi 03 vərəqədə, Şəxsiyyət vəsiqəsinin, Azərbaycan Respublikası İqtisadiyyat Nazırliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsi 15 saylı Tovuz Ərazi 2 İdarəsinin, SOCAR «Azəriqaz» İstehsalat Birliyinin, «Azərişıq» ASC-nin, ADSEA-nın (Azərsunun), FHN Tikintidə Təhlükəsizliyə Nəzarət Dövlət Agentliyinin, FHN Dövlət Yanğın Nəzarəti Xidmətinin, FHN Sənayedə İşlərin Təhlükəsiz Görülməsi və Dağmədən Nəzarəti Dövlət Agentliyinin, Obyektin İstismara hazır olması barədə FHN-nin və Dövlət Şəhərsalma və Arxitektura Komitəsi Ərazi Tikinti-Planlaşdırma Mərkəzinin müsbət rəylərinin, 01 oktyabr 2025-ci il tarixli 14115 nömrəli icarə müqaviləsinin, İcarə müqaviləsi üzrə icarə haqqının ödənilməsinə dair qəbzlərin, 25 dekabr 2025-ci il tarixdə Azərpoçt ASC-nin Tovuz Mərkəzi filialı vasitəsi Tovuz Rayon İcra Hakimiyyətinə ünvanladığım rəsmi ərizənin və teleqramın kserosurətləri hər bir ünvana. (Zirveyolu.info)

İmza: 23 yanvar 2026-cı il Alisgəndərov Oktay Telman oğlu

Redaksiyamıza daxil olan məlumatlar paytaxtın tibb müəssisələrindən biri – Kürdəxanı Sağlamlıq Mərkəzində ciddi suallar doğuran vəziyyətin yarandığını göstərir. Məlumatda bildirilir ki, bu müəssisədə aylardır tətbiq edilən üz tanıma sistemi (Face Control) işləmir və bu problem aradan qaldırılmadan qalır. Ən narahatedici məqam isə odur ki, mərkəzin baş həkimi Ceyran Əhmədovanın bu vəziyyətdən xəbərdar olduğu bildirilir. Lakin iddialara görə, sistemin bərpası istiqamətində real addımlar atılmır.

Üz tanıma sistemi tibb müəssisələrində işə davamiyyətin şəffaf şəkildə izlənməsi üçün tətbiq olunur. Mediatvaz.com bildirir ki,Üz tanıma sistemi əmək intizamına nəzarətin əsas alətlərindən biridir. O yoxdursa, deməli, işə gəlməyən də var, amma maaş alan da. Bu vəziyyətin kimlərə sərf etdiyi isə artıq təxmin deyil, açıq şübhə doğuran faktdır. Məlumatlarda daha bir diqqətçəkən məqam – bu vəziyyətin aylarla davam etməsi və müəyyən şəxslərə sərf etməsi ilə bağlı iddialardır. Əgər sistem qəsdən işlək vəziyyətə gətirilmirsə, bu artıq texniki problem deyil, idarəetmə və məsuliyyət problemidir.Daha da ciddi məqam isə Bakı Şəhər Baş Səhiyyə İdarəsinin rəisi Elçin Əmirovun mövqeyidir. İddialara görə, o da vəziyyətdən xəbərdardır. Amma ortada nə tədbir var, nə də reaksiya. Bu artıq susmaq deyil – bu, baş verənlərə göz yummaqdır. Ortaya çox ağır suallar çıxır,dövlət müəssisəsində nəzarət sistemi niyə aylarla işləmir,bu vəziyyət kimlərin maraqlarına xidmət edir,niyə məsul şəxslər hərəkətsizdir? Və ən əsası – Elçin Əmirov niyə susur? Əgər bir səhiyyə müəssisəsində nəzarət mexanizmi aylardır işləmirsə,yaxud da qəsdən sıradan çıxarılırsa və buna yuxarı instansiyalar reaksiya vermirsə, bu artıq sistemli problem, hətta idarə olunan xaos deməkdir.Səhiyyədə məsuliyyətsizlik birbaşa insan həyatı ilə oynamaqdır. Belə bir sahədə nəzarətsizlik isə yolverilməzdir. Aidiyyəti qurumlar bu iddialara aydınlıq gətirməli, əgər problem doğrudursa, məsul şəxslər barədə ölçü götürülməlidir. Çünki sual açıq qalır: bu susqunluq təsadüfdür, yoxsa maraqların nəticəsi?
Mediatvaz.com

Neftçala rayonunun Həsənabad və Mirqurbanlı qəsəbələrinin sakinləri dövlətin su təminatından məhrum olublar. Bunun səbəbi isə onlar üçün nəzərdə tutulan suyun balıq təsarrüfatlarına satılmasıdır…
Neftçala rayonunun Həsənabad və Mirqurbanlı qəsəbələrinin sakinlərindən Poliqon-a daxil olan şikayətdə bildirilir ki, yaşadıqları ərazilərdə uzun illərdir su qıtlığından əziyyət çəkirlər. Son illər isə bu problem daha da böyüyüb.
Sakinlərin müraciətində qeyd edilir ki, Həsənabad və Mirqurbanlı qəsəbələri Qaravəlli kənd nasos stansiyasından su ilə təmin edilir. Lakin bir sıra subyektiv səbəblərdən, xüsusən də Neftçala rayon Su Melorasiya Sistemləri İdarəsinin rəisi Təbriz Eyyubovun şəxsi mənfəətinə görə, Qaravəlli kənd nasos stansiyasından vurulan su Həsənabad və Mirqurbanlı qəsəbələrinə gedib çıxmır. Çünki həmin su yol-yol satılır.
Şikayətdə bildirilir ki, Qaravəlli kənd nasos stansiyasından vurulan su Həsənabad və Mirqurbanlı qəsəbələrini, o cümlədən yaxınlıqdakı 400 hektar əkin sahəsini su ilə təmin etmək üçün nəzərdə tututlub. Buna baxmayaraq, su, iki qəsəbənin təminatını həyata keçirən kanalın mənbəyinə yaxın istiqamatdə inşa edilən balıq təsərrüfatlarına satılır və bunun nəticəsində də, yaz və yay aylarında Həsənabad və Mirqurbanlı qəsəbələri suya həsrət qalırlar.
İşin maraqlı tərəfi isə odur ki, həmin ərazidə uzun illərdir istismarda olan balıq təsərrüfatları qanunsuz fəaliyyət göstərir. Bu ərazidəki göllərin balıq təsərrüfatı kimi fəaliyyətini nizamlayacaq heç bir sənəd yoxdur və həmin balıq təsərrüfatları hüquqi cəhətdən mövcud deyil. Neftçala rayon Su Melorasiya Sistemləri İdarəsinin rəisi Təbriz Eyyubov isə hüquqi mövcudluğu olmayan balıq təsərrüfatlarına su sataraq Neftçalanın iki ən böyük yaşayış məntəqələrindən olan Həsənabad və Mrqurbanlı qəsəbələrini susuz qoyur. Halbuki Qaravəlli nasos stansiyası məhz bu iki qəsəbəni su ilə təmin etmək üçün nəzərdə tutlub. Dolayısı ilə qanunsuz balıq təsərrüfatlarına satılan suyun pulu da ADSEA-nın hesabına deyil, bir neçə ADSEA əməkdaşının çibinə köçür.
Xatırladaq ki, Neftçala rayon Su Melorasiya Sistemləri İdarəsinin rəisi Təbriz Eyyubov, Qaravəlli Sudan İstifadəedənlər Birliyinin rəhbəri isə Təvəkkül adlı şəxcdir. Məhz bu iki ADSEA məmuru Həsənabad və Mrqurbanlı qəsəbələri üçün nəzərdə tutulan suyun yolda yoxa çıxmasına görə məsuliyyət daşıyırlar.
Şikayətdə bildirilir ki, həmin ərazidə hazırda 150 hektardan artıq balıq nohuru qanunsuz istismar olunur və ərazi üçün də ekoloji problem yaradır. İddia olunur ki, Neftçala rayon Su Melorasiya Sistemləri İdarəsinin rəisi Təbriz Eyyubov balıq nohurlarının suyla təmin olunmasına görə, hər hektar üçün 200 manat alır. Bu səbəbdən də Neftçalaının iki böyük qəsəbəsi su qıtlığı içində yaşayır və sakinlər kənardan pulla su almağa məcbur olurlar. Həyətyanı təsərrüfatlar isə sadəcə məhv olub. Kanalın üzərindəki əkin sahələri də su qıtlığı üzərindən şorlaşıb və torpaq sahiblərinə böyük miqdarda maddi ziyan dəyib.
Lakin qanunsuz balıq təsərrüfatlarının fəaliyyətindən təkcə ADSEA məmurları qazanmır. Eyni zamanda Ekologiya və Təbii Sərvətlər Nazirliyinin Neftçaladakı mövcud təşkilatları da bu qanunsuzluqdan qazanc əldə edirlər. Çünki ETSN-nin lisensiyası olmadan heç bir balıq təsərrüfatı fəaliyyət göstərə bilməz.

Həmçinin iddia olunur ki, Əmlak Məsələləri Dövlət Xidmətinin 13 saylı Şirvan Ərazi İdarəsinin Neftçala rayonu üzrə baş müfəttişi Sadiq İmanov da qanunsuz balıq təsərrfatlarının fəaliyyətindən xeyirli çıxanlardandır. Çünki balıq göllərinin altındakı torpaqlar hüquqi olaraq dövlətin mülkiyyətindədir və bu torpaqlar sadəcə qeyri-rəsmi şəkildə istismar olunur. Belə ki, Sadiq İmanov həmin torpaqlar üzərində nəzarəti həyata keçirən dövlət nümayəndəsi kimi külli-ixtiyar sahibidir. Yəni istədiyi zaman həmin balıq təsərrüfatlarının bağlanması üçün hərəkətə keçə bilər.
Maraqlıfır ki, Neftçala rayon Su Melorasiya Sistemləri İdarəsinin rəisi Təbriz Eyyubov 5 dekabr 2025-ci ildə Neftçala rayon Sudan İstifadəedənlər Birliklərinə ünvanladığı məktubda sənədsiz balıq nohurlarına suyun verilməsini qadağan edib. Lakin buna baxmayaraq, təqdim etdiyimiz şəkillərdən də göründüyü kimi, həmin ərazidə nohurlar suyla doludur və hazlrda da nohurlara su veridiyi bildirilir.

Qeyd edək ki, məsələnin sosial əhəmiyyətini nəzərə alaraq və “Media haqqında” qanuna uyğun olaraq Poliqon ADSEA-ya sorğu ilə müraciət edib. Artıq kifayət qədər zaman keçməsinə baxmayaraq, sorğumuza heç bir cavab ala bilməmişik. Yazı dərc edilməyə hazırlanırkən Neftçaladan aldığımız məlumata görə, sorğu ilə bağlı Neftçalada artıq məlumatlıdırlar. Sorğudan narahat olan Təbriz Eyyubovun bu məsələ ilə bağlı Neftçala rayon İcra Hakimiyyətinin başçısı Mirhəsən Seyidovla görüşdüyü iddia olunur. İddiaya görə Mirhəsən Seyidov Təbriz Eyyubova narahatlıq üçün əsas olmadığını bildirib və suyun Həsənabad və Mirqurbanlı kəndlərinə deyil, balıq təsərrüfatlarına yönləndirməyə davam etdirilməsini tapşırıb. Bir daha qeyd edirik bu yerli sakinlərin iddasıdır və iddanın nə qədər düzgün olub-olmadığını bizim tərəfimizdən təsdiq etmək mümkün deyil.(Poliqon)

İnnovasiya və Təchizat Mərkəzi "Azfar Med" Qapalı Səhmdar Cəmiyyəti (QSC) ilə satınalma müqaviləsi imzalayacaq.

Müqavilə tibb vasitələrinin satın alınması ilə bağlıdır. Buna görə şirkətə 31 174 538 manat ödəniləcək.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Azfar Med” QSC 1 iyul 2021-ci ildə qeydiyyata alınıb. Nizamnamə kapitalı 2000 manatdır. Şirkətin hüquqi ünvanı Bakı şəhəri Nəsimi rayonu, Abbas Səhhət küçəsi, ev 81, mənzil 6-da yerləşir. QSC-nin qanuni təmsilçisi Tağı-zadə Toğrul Eldar oğludur.

Açıq mənbələrdə "Azfar Med” QSC və Toğrul Tağı-zadə haqqında heç bir məlumat yoxdur.(Qaynarinfo)

Adı müxtəlif qalmaqallarda, ABU-nun sabiq rektoru Elşad Abdullayevlə bağlı olaylarda çəkilən, əvvəllər məhkum edilən iş adamı Arzu Kazımov təkrar əməllərindən əl çəkməyib. Son günlər mediada onun əməlləri barədə daha bir neçə maraqlı məlumat yayılıb.


Bildirilir ki, Arzu Kazımov bir müddət öncə mənzil alqı-satqısında yol verdiyi saxtakarlıqlara görə istintaqa cəlb edilib. Haqqında cinayət işi açılmasına, hüquq-mühafizə orqanlarının diqqət mərkəzində olmasına baxmayaraq, hazırda mənzil alverini, təkrar əməllərini davam etdirməkdədir. Ən acınacaqlı məqam isə ondan ibarətdir ki, bu alver yenə də köhnə üsulla, digər alıcıların və ya artıq mənzil sahibi olan digər şəxslərin hüquqlarının kobud şəkildə pozulması, onların aldadılması və s. ilə müşahidə edilir.


Bu arada Bizimesr.az-ın əldə etdiyi məlumata görə, Arzu Kazımovun daha bir qanunsuz əməli də podratçı şirkətlər üçün ciddi maliyyə problemi yaratmasıdır. Belə ki, Arzu Kazımov bu günə kimi sayı bəlli olmayan podratçı şirkətlərin gördükləri işlərin müqabilində pullarını verməyib və onları müflis həddinə çatdırıb.a


Əldə etdiyimiz məlumata görə, iş adamı Arzu Kazımov “İNVEST-AZEM” adlı MMC-yə olan borcunu illərdir vermir. Onun bu əməli nəticəsində “İNVEST-AZEM” MMC-nin dövlət qarşısında külli miqdarda borcu yaranıb, şirkət müflis olub. Şirkət rəhbərliyinin Arzu Kazımova etdiyi çoxsaylı müraciətlərə baxmayaraq, müxtəlif bəhanələr gətirərək borcunu ödəmir. Məlumata görə, Arzu Kazımovun milyon manatlarla borclu qaldığı onlarla belə podratçı şirkət var.


Daha bir məlumata görə, Arzu Kazımov hətta biznes ortağını da aldadıb, ona külli miqdarda maddi ziyan vurub və ortaqlar arasında böyük mübahisələr, məhkəmə çəkişmələri yaranıb.


Qeyd edək ki, Arzu Kazımovun məlum qanunsuz əməllərindən zərər çəkən şəxslərin və şirkətlərin sayı durmadan artır. Onun əməllərindən zərərçəkən şəxslər aidiyyəti qurumlardan məsələyə hüquqi qiymət verilməsini və ciddi tədbirlər görülməsini tələb edir.


Bizimesr.az

Bir həftə əvvəl yağan yağışlardan sonra su basan Zabrat-Maştağa yolunda təhlükəli vəziyyət davam edir. Su hələ də yolun əsas hissəsində qalır.
Bizimesr.az bildirir ki, bu barədə həmin yoldan istifadə edən bir neçə sürücü şikayət edib.
Onların sözlərinə görə, yağış kəssə də, yoldakı su çəkilmir: “Yol çox bərbad vəziyyətdədir. Dağılmış yollar bizə “sürprizlər” edir, dolmuş sudan qarşıdakı yolu görmürük deyə, iri gölməçələrə düşürük, maşınımız pis vəziyyətə qalır. Cəmi bir neçə metrlik yolda yığılan suya görə az qala, “Ayxan” marketin qarşısınadək uzun tıxaclar yaranır. Yağışdan sonra yol təhlükəli vəziyyətə düşdüyündən orada neçə maşının nömrəsi düşüb, eləsi var təkəri cırılıb, bəzi zəif mühərriki olanlar da, ümumiyyətlə, yolda sönüb qalır. Məcburuq ki, yolumuzu onlarla km uzadıb alternativ yerlərdən gedək”.
Şikayətçilər əvvəlki yağışlarda da oxşar problemlə üzləşdiklərini, həll olunmadığından aylarla davam etdiyini deyirlər: “Bir gün yağış yağır, bir ay o yolda su qurumur”.
ADSEA-nın İri Şəhərlərin Birləşmiş Su Təchizatı Xidmətindən isə bildirilib ki, Zabrat qəsəbəsinin həmin hissəsində mərkəzləşdirilmiş tullantı su şəbəkəsi mövcud deyil. Yəni, bu ərazidə toplanan yağış və qrunt suları kanalizasiyaya axıdılır. Bu barədə bir qədər sonra...
Məlumat üçün bildirək ki, Zabrat-Maştağa avtomobil yolu 2013-cü ildə, Ziya Məmmədov Nəqliyyat naziri olduğu zaman yenidən qurulub. O zaman verilən məlumatlara diqqət etdikdə bəlli olur ki, yolun tamamilə yenidən qurulması işləri aparılıb və istismara verilib. ”2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”çərçivəsində yolun Zabratdan Maştağayadək olan hissəsi 5 kilometr olmaqla 6 zolaqlı, Maştağadan Buzovnayadək olan hissəsi isə 9 kilometr təşkil edir. “Azəryoservis” ASC-nin mətbuat xidmətindən AZƏRTAC-a bildiriblər ki, layihəyə uyğun olaraq ümumi uzunluğu 14 kilometr nəzərdə tutulan yolda qrunt sularının kənarlaşdırılması məqsədilə borular qoyulmuşdur".
Diqqət ediriksə, məlumatda qeyd olunur ki, layihəyə uyğun olaraq ümumi uzunluğu 14 kilometr nəzərdə tutulan yolda qrunt sularının kənarlaşdırılması məqsədilə borular qoyulmuşdur. Yəni, o zaman yağış və qrunt sularının axıdılması nəzərə alınıb.
Ümumiyyətlə, drenaj nədir?
Drenaj - artıq suyun torpaqdan, səthdən və ya tikililərdən uzaqlaşdırılması üçün qurulan sistemə deyilir. Drenaj suyun idarə olunması və zərər vermədən uzaqlaşdırılması sistemidir. Drenaj sistemi ilə yığılan su təsadüfi yerə deyil, əvvəlcədən planlaşdırılmış yerlərə yönləndirilir.
Yuxarıda qeyd etdiyimiz kimi, ADSEA-nın İri Şəhərlərin Birləşmiş Su Təchizatı Xidmətinin su basma ilə bağlı əksər xəbərlərində yalnız əsas hissə budur - Drenaj yoxdur, kanalizasiya sistemi düz deyil və sairə... Yəni ADSEA aşkar şəkildə yaranmış vəziyyətin günahkarı kimi görünmür. Bir daha təkrar edirik ki, ADSEA iddia edir ki, Zabrat qəsəbəsinin həmin hissəsində mərkəzləşdirilmiş tullantı su şəbəkəsi mövcud deyil.
Elə isə 2019-cu ilə qayıdaq...
https://azertag.az/xeber/zabratda_seth_sularinin_kenarlasdirilmasi_meqsedile_layiheye_baslanilib-1331136
Bu linkdə nə görürük - "Zabratda səth sularının kənarlaşdırılması məqsədilə layihəyə başlanılıb" - (17.09.2019)

Məlumatda qeyd olunur ki, “Azərsu” ASC Bakı şəhərinin yağış sularının yığılma təhlükəsi olan qəsəbələrində səth sularının kənarlaşdırılması məqsədilə yeni layihələrin icrasına başlayıb. ASC-dən AZƏRTAC-a bildirilib ki, hazırda 5 yaşayış məntəqəsini əhatə edən layihələrdən biri Sabunçu rayonunun Zabrat qəsəbəsində icra olunur. Yeni yaradılan infrastruktur istismara veriləndən sonra yağış sularının yığılma təhlükəsi aradan qaldırılacaq.
Bakı şəhəri Sabunçu rayonunun 2-ci Zabrat yaşayış massivi adlanan ərazisində səth və qrunt sularının kənarlaşdırılması məqsədilə mərkəzləşdirilmiş yağış-kanalizasiya sistemləri mövcud olmayıb. Son illər ərazində məskunlaşmanın artması səth və tullantı sularının axıdılmasını aktuallaşdırıb. İntensiv yağıntılar zamanı ərazidə subasma hallarının qeydə alınması sakinlər üçün narahatlıq doğurmaqla yanaşı, antisanitar vəziyyətin yaranmasına səbəb olub.

3,6 kilometr uzunluğunda yağış-kanalizasiya şəbəkəsi və kollektoru inşa olunur. Yeni yaradılan şəbəkə üzərində baxış quyuları tikilir. Burada yaranan səth və qrunt suları yaxınlıqdan keçən mövcud kollektora ötürüləcək. Bu məqsədlə ərazidə nasos stansiyası inşa edilir. Layihə üzrə tikinti-quraşdırma işlərinin cari ilin sonuna qədər başa çatdırılması nəzərdə tutulur.

Qeyd edək ki, hazırda “Azərsu” ASC tərəfindən Zabrat qəsəbəsi də daxil olmaqla 5 yaşayış məntəqəsində - Biləcəri, Mehdiabad, Ramana və Bahar qəsəbələrində yağış və kanalizasiya xətlərinin tikintisi davam etdirilir. Bu layihələr çərçivəsində 20 kilometrdən çox kanalizasiya xətlərinin inşası nəzərdə tutulub. Cari ilin sonuna qədər layihələr üzrə nəzərdə tutulmuş işlərin başa çatdırılması planlaşdırılır. Bu layihələrin icrası nəticəsində subasma təhlükəsi olan ərazilərdə su yığılmalarının qarşısı alınacaq. Layihələrin icrası əhalinin məişət şəraitini yaxşılaşdırmaqla yanaşı, ekoloji baxımdan da mühüm əhəmiyyət daşıyır.

2021-ci il... Nə oxuyuruq?

Pirşağıda kanalizasiya kollektorlarının tikintisi davam etdirilir — Video
2021-ci ilin məlumatlarında deyilir - Abşeron yarımadasının bəzi yaşayış məntəqələrində formalaşan tullantı suların Pirşağı tullantı sutəmizləyici qurğusuna ötürülməsini təmin etmək məqsədilə daşıyıcı kanalizasiya kollektorlarının tikintisinə başlanılıb. “Azərsu” Açıq Səhmdar Cəmiyyəti (ASC) tərəfindən hazırda 2 istiqamətdə kollektorun tikintisi intensiv qaydada davam etdirilir.

Azərbaycan hökuməti və Koreya İxrac-İdxal Bankının birgə həyata keçirdiyi layihə çərçivəsində inşa edilən Pirşağı tullantı sutəmizləyici qurğusu Abşeron yarımadasının şimal-şərq hissəsində böyük bir ərazidə yaranan tullantı sularının birbaşa Xəzər dənizinə axıdılmasının qarşısını almağa imkan yaradacaq. Məhsuldarlığı sutkada 40 min kubmetr olan bioloji tipli qurğuda Novxanı, Mehdiabad, Goradil, Fatmayi, Kürdəxanı, Pirşağı, Məhəmmədi, Digah, Zabrat, Maştağa və Nardaran qəsəbələri ərazilərində yaranan tullantı suları təmizlənərək kənarlaşdırılacaq. Bu qəsəbələrdə formalaşan tullantı sularının təmizləyici qurğuya nəqli məqsədilə gələcəkdə əlavə daşıyıcı kollektorların inşası davam etdiriləcək.

Daha bir nüans - Zabrat–Kürdəxanı–Pirşağı kollektor xətti... Bu işlərin görülməsi üçün 38 milyon manat vəsait ayrılıb. Bu layihədə Maştağa ayrıca kollektor kimi yox, bu böyük magistral sistemin tərkib hissəsi kimi nəzərdə tutulub. Yəni, bu gün mərkəzləşdirilmiş tullantı su şəbəkəsi mövcud deyil deməklə vəziyyətdən çıxış yolu axtarmaq nə qədər doğrudur?
Abşeronda 7 əsas kanalizasiya kollektorunun tikintisi nəzərdə tutulur

Beləliklə, bu gün su basan və 1 həftədir təmizlənməsi mümkün olmayan Zabrat-Maştağa yolunda kim haqlıdır? Daha doğrusu, yuxarıda qeyd olunan məlumatlar yalandır yoxsa, bu gün ADSEA- rəhbərliyi drenaj, kollektorların, mərkəzləşdirilmiş sistemlərin olmadığını niyə səsləndirir?
Zaur Mikayılov 2023-cü ildə Azərbaycan Dövlət Su Ehtiyatları Agentliyinin sədri təyin edilib. Bu təyinatdan 3 il vaxt keçir. Görünür ya Zaur Mikayılov və nəzarətində olan şəxslər drenaj, kollektorların yerini bilmir, ya da bu sistemləırin işlək saxlamaq üçün zamanında fəal işlər görməyiblər.
Pirşağıda kanalizasiya kollektorlarının tikintisi davam etdirilir — Video

Ya da əvvəlki illərdə ayrılan vəsaitlər, bu qədər verilən məlumatlar, fotolar, faktların hamısı ADSEA-nın dediyi kimi yalandır, yoxdur.
Kimdir günahkar? ADSEA rəhbərliyi, əvvəlki “Azərsu” Açıq Səhmdar Cəmiyyətinin rəhbərliyi, o zaman bu yolu çəkən sabiq Nəqliyyat naziri Ziya Məmmədov? Hansı qurum işini düz qurmayıb, yaxid hansı qurum işini düz qura bilmir? ADSEA, yoxsa “Azərsu” ASC?

Bizimesr.az

Mənzil İnşaatı Dövlət Agentliyi əməkdaşları "Tərəqqi" medalı ilə təltif edilib.

Bu barədə Prezident İlham Əliyev Agentliyin 10 illiyi münasibətilə Sərəncam imzalayıb.

Təltif olunan əməkdaşlar aşağıdakılardır:

Qədimov Çingiz Sahib oğlu

Məmmədov Elşad Pənah oğlu

Salmanov Azər Ağababa oğlu

Şərifov Rizvan Həmid oğlu

Şiriyeva Kəmalə Məzahir qızı.

Onlar vətəndaşların mənzil təminatının yaxşılaşdırılması sahəsində xidmətlərinə görə təltif ediliblər.