Füzulinin inzibati ərazisi: 2 şəhər, 16 qəsəbə, 80 kənd - SİYAHI

Azərbaycan Respublikası Səhiyyə Nazirliyinin Respublika Gigiyena və Epidemiologiya Mərkəzinin Füzuli Rayon Gigiyena və Epidemiologiya MərkəziFiziki Şəxs Məmmədov Cavanşir Cahangir oğlu ilə Mətbəə və dəftərxana–təsərrüfat mallarının alınması ilə bağlı müqavilə bağlayıb. 06.05.2026-ci il tarixdə dövlət satınalmalarının vahid internet portalında yerləşdirilmiş məlumata görə tərəflər arasında Bir mənbədən olmaqla bağlanan müqavilənin dəyəri 7500 AZN-dir...

Bu istiqamətdə Füzulidəki oxucularımızın “Yenixeberorg”a ötürdüyü məlumata görə, tərəflər arasındakı bu əməkdaşlığın özünəməxsus səbəbləri var...Məlumata görə bu müqavilə üzrə satınalma proseduru dövlət satınalmalarının vahid internet portalında keçirilməmişdir (elektron satınalma deyil)(?) Başqa sözlə yuxarıda qeyd etdiyimiz kimi, Füzuli Rayon Gigiyena və Epidemiologiya Mərkəzimüvafiq satınalma müsabiqəsi elan etmədən, bir mənbədən olmaqla Fiziki Şəxs Məmmədov Cavanşir Cahangir oğlu ilə müqavilə bağlayıb.

Bu maraq doğuran faktor olmaqla bərabər, məlum qanunla qadağan da deyil. Amma,...müvafiq əsaslandırmalarla!

Bu arada qeyd edək ki, Azərbaycan Respublikasının “Dövlət satınalmaları haqqında” Qanunun 15.1 maddəsində göstərilir ki, məxfi məlumatlarla əlaqəli satınalmalar istisna olmaqla, bütün dövlət satınalmaları yalnız məlum portal vasitəsilə həyata keçirilir.

Eyni zamanda Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur: satınalma predmeti yalnız hər hansı konkret təchizatçıda olduqda; satınalma predmetinin əvəzedicisi və alternativi olmadıqda; satınalma predmetinə təcili tələbat yarandıqda; təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə; satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.

Göründüyü kimi, "Dövlət satınalmaları haqqında" Qanunda bir mənbədən satınalamaları zəruri edən şərtlər aydın şəkildə sadalanır...

İndi isə sual olunur:Füzuli Rayon Gigiyena və Epidemiologiya MərkəzininMətbəə və dəftərxana–təsərrüfat mallarının alınması ilə bağlı müvafiq satınalma müsabiqəsi etmədən, birbaşa Fiziki Şəxs Məmmədov Cavanşir Cahangir oğlu ilə müqavilə bağlaması hansı səbəblərdən qaynaqlanır???

Bu prosesdə dövlətin pulunu xərcləyən tərəf kimi, Füzuli Rayon Gigiyena və Epidemiologiya Mərkəzitərəfindən hansı məsul şəxslər iştirak edib, rəhbərlik kimə məxsus olub?

Söhbət hansı ərzaq məhsullarından gedir?

Fiziki Şəxs Məmmədov Cavanşir Cahangir oğlu hansı üstünlükləri ilə seçilib? Və s...

Fiziki Şəxs Məmmədov Cavanşir Cahangir oğlu ilə bağlı...

Bu şəxslə bağlı internet üzərindən apardığımız araşdırmalarla maraqlı faktlar üzə çıxdı:

Məlum oldu ki, adam elə ötən ay Azərbaycan Tibb Universiteti ilə də 4200 AZN-lik müqavilə bağlayıb. Bu müqavilə ilə universitet qarşı tərəfdən 60 ədəd dovşan, 1500 ədəd qurbağa alacaq...

Bu hələ harasıdır, sən demə Məmmədov Cavanşir Cahangir oğlu Fiziki Şəxs olmaqla bərabər həm də, “ANTİK GROUP C” Məhdud Məsuliyyətli Cəmiyyətin Qanuni təmsilçisidir(?) Xatırladaq ki, bu MMC-nin hüquqi ünvanı AZ4900, Saatlı rayonu, Əlisultanlı kəndidir. 7 may 2025-ci ildə dövlət qeydiyyatına alınan bu MMC-nin nizamnamə kapitalı isə 10 manatdır.
Göründüyü kimi, Məmmədov Cavanşir Cahangir oğlunun adı təkrar olunan bir sıra maliyyə əməliyyatlarında şübhə doğurmaqla, müəyyən araşdırmaları da zəruri edir...
Adı müxtəlif-bir-biri ilə uymayan malların təchizatçısı kimi hallanan bu şəxslə bağlı internet üzərindən heç bir əlaqə vasitəsinə rast olmaq da mümükün deyil?) Heç bir əlaqə vasitəsinin olmaması faktı da dövlət vəsaitinin belə bir şəxsə etibar edildiyinə ciddi şübhələri stimullaşdırır...


Dəxilsiz, təhdid qoxulu "cavablar"...

Biz Yenixeberorg.com olaraq, bu və digər şübhələrə aydınlıq gətirmək məqsədi ilə Füzuli Rayon Gigiyena və Epidemiologiya Mərkəzinin direktoru cənab Zülfüqar Əliyevəonline rəsmi sorğu ünvanladıq...

Aydın və azsaylı suallarımız isə belə idi:

1. Füzuli Rayon Gigiyena və Epidemiologiya Mərkəzinin Fiziki Şəxs Məmmədov Cavanşir Cahangir oğlu ilə satınalma proseduru dövlət satınalmalarının vahid internet portalında keçirilibmi? Əgər belə deyilsə, bu satınalmada “Dövlət satınalmaları haqqında” Azərbaycan Respublikasının qanunun 15-ci və 49-cu maddələrinin tələblərinə nə dərəcədə əməl edilib və bir mənbədən satınalma hansı zərurətdən olub?

2. Əgər satıalma elan olunubsa, satınalma komissiyasında neçə nümayəndəniz olub, kimlərdir və sədr kimdir?

3. Müsabiqədə neçə iddiaçı iştirak edib, hansılardır və Fiziki Şəxs Məmmədov Cavanşir Cahangir oğlu hansı üstünlükləri ilə qalib olub?

4. Fiziki Şəxs Məmmədov Cavanşir Cahangir oğlunun analoji işlərdə təcrübəsi, potensialı, texniki və digər lazımı imkanları haqqında hansı məlumatlarınız var?
5. Fiziki Şəxs Məmmədov Cavanşir Cahangir oğlunun son birildəki fəaliyyəti haqqında vergi orqanları tərəfindən təsdiq olunmuş maliyyəhesabatı (Vergi borcu ilə bağlı.) və maliyyə vəziyyəti haqqında müvafiq bank arayışı varmı?

6. Fiziki Şəxs Məmmədov Cavanşir Cahangir oğlunun müvafiq xidmətlər üzrə uyğunluq sertifikatları (Yaxud Lisenziyası) varmı, varsa hansı qurumlardan alınıb?

***
Təəssüf ki, sorğumuzda yer alan suallara aydınlıq gətirilmədi...Həm də nəinki suallarımız cavabsız qaldı, bizimlə telefon danışığında hörmətli direktor “nə istəyirsiniz yazın, getsin” kimi yumşaq desək anlaşılmaz ifadələrə üstünlük verdi(?)

(Baxmayaraq ki, sorğumuzda böyük ferma və restoranların qoxusu hiss olunmurdu. Bu haqda qarşıdakı günlərdə...Red.)

Mərkəzin baş mühasibi hörmətli Hörmət Səfərov isə direktorundan da irəli gedərək, sorğumuzdakı sualları “unudub da” dəxilsiz, bir az da təhdidi qoxulu “cavablara" üstünlük verdi(?)

Dövşan, qurbağa satan bir kimsədən mətbəə və dəftərxana–təsərrüfat malları alan tərəfdən bu sayaq cavablar təəssüf doğursa da, təəccüblü olmadı...

Hörmətlə xatırlatma...

Əvvəla, hörmətli direktora və baş mühasibə xatırlatmaqda fayda var ki, hər bir Azərbaycan insanı vergiləri sayəsində formalaşan büdcə vəsaitinin necə xərcləndiyini bilməlidir. Bu onun haqqı və hüququdur...

Dövlət büdcəsi nə kiminsə dədə-babasından qalma xəzinə deyil, nə də hansısa yardım fondu deyil ki, ölkə ictimaiyyəti və aidiyyatı dövlət orqanları tərəfindən bir o qədər də, maraqlı görünməsin... Dövlətin pulun heç bir məmur, səlahiyyət sahibi könülü istədiyi kimi xərcləyə bilməz, xərcləməməlidir də!

Eyni zamanda məlum funksiyaların icraçısı kimi medianın sorğusu da cavablandırılmalıdır. Təkcə ona görə yox ki, hansısa yanlış informasiya tirajlana bilər, həm də ona görə ki, bu hər bir səlahiyyət sahibinin vəzifə borcudur. Gec də olsa bunu bilmək lazımdır...

Həm də onu bilmək lazımdır ki, heç bir vəzifə sahibi bir gün “qapısının döyülmədən açılacağından” sığortalanmayıb.(Yenixeberorg.com)
Facebook-da paylaş

Redaksiyamızın elektron poçtuna “Pilgrim Edu” MMC-nin direktoru Aisa Aslanova və şirkətin məsul şəxsi Leyla Mustafayeva tərəfindən ölkə prezidenti İlham Əliyevə müraciət daxil olub.

Müraciətin mətni ilə sizi tanış edirik:

Cənab prezident!

Sizin bütün sahələrdə verdiyiniz tövsiyələr yubanmadan öz bəhrəsini verməkdə davam edir. Təhsil sahəsində isə xüsusi diqqətiniz gənclərimizin daha da parlaq və savadlı yetişməsinə, Vətənə layiqli vətəndaş olacağına əminliklə zəmanət verir. Bunlardan əlavə xalqımızın maddi rifah halı durmadan yaxşılaşır, sosial sahədə də böyük nailiyyətlər qazanılır. Ölkəmizin hər bir guşəsi, hər bir yaşayış məntəqəsi inkişaf etmişdir. Bu istiqamətdə işlər bu gün də davam etdirilməkdədir. Prezident olaraq müəyyən etdiyiniz iqtisadi inkişaf strategiyanız prioritetlərindəndir. Eyni zamanda ölkəmizdə azad sahibkarlığa dövlət himayəsinin sistemli şəkildə həyata keçirilməsi, sahibkarlara dəstək tədbirlərinin səmərəsinin yüksəldilməsi bu sahədə mühüm nailiyyətlərin əldə edilməsinə gətirib çıxarıb. Sahibkarlara ən yüksək şəkildə dəstək göstərilməsi dövlət siyasətinin əsas prinsiplərindən biridir. Bu dəstək müxtəlif formalarda özünü göstərir. Məlum olduğu kimi, son vaxtlar ölkədə həyata keçirilməkdə olan islahatlar, xüsusən də kadr islahatları sahəsində dinamika daha da artıb. Bir-birinin ardınca nazirliklərin, mərkəzi və yerli icra hakimiyyəti orqanlarının rəhbərliyi yeni düşüncəli, sağlam təfəkkürlü gənclərə etibar olunmağı hər birimizi sevindirir.

Cənab Prezident!

Sizə müraciət etməkdə məqsədimiz müəyyən özbaşınalıq, qanunsuzluqla bağlı səlahiyyətli şəxslərin diqqətini çəkmək və tədbir görülməsini xahiş etməkdir. Min bir əziyyət hesabına formalaşdırdığımız “Pilgrim Edu” MMC şirkəti xaricdə sığınacağ alan bir qrup şəxslər tərəfindən şantaja, böhtana, hədəyə məruz qalıb. Əslində, şirkətimizə yönələn hücümların təşkilatçısı məhz Azərbaycanda, bir sözlə dövlət qrumlarında çalışan şəxsdir. Bəli, konkret iftiralara, həqiqətə uyğun olmayan yalanlara və böhtanlara əsaslanan ittihamlar sözün əsl mənasında “Pilgrim Edu” MMC ailəsini şoka salıb.

Cənab Prezident!

Bir müddət öncə açıq platformadan sahibkarlara səsləndirdiyiniz məntiqli düşüncələri qeyd etməmək haqsızlıq olardı: “Kimsə varlanmaq üçün gəlsin sahibkarları boğsun ki, sahibkar qapısına qıfıl vurub çıxıb getsin. Bu, dözülməz haldır. Yəni bunu edən dövlətə xəyanət edir. Bunu edən, sadəcə olaraq, pul qazanmır, dövlətə xəyanət edir. Mən bunu belə qəbul edirəm və hamı bunu bilsin və nəticə çıxarsın. Ona görə, bax, bu gün mən bütün aidiyyəti qurumlara və eyni zamanda sahibkarlara göstəriş verirəm. Mənə məlumat versinlər, qorxmasınlar, siqnal versinlər, məktub yazsınlar, e-mailə yazsınlar. Əgər belə hallar varsa, o xoşagəlməz işlərlə məşğul olan dərhal öz cəzasını alacaq”. Bəli, bu gün biz Bakı Dövlət Universitetinin dosenti Vəfa İsgəndərova tərəfindən müflis olduq. Tam qanuni fəaliyyət göstərən və eyni zaman da tələbələrin dövlət proqramı hesabına xarci universitetlərdə təhsil almaqlarına əlindən gələni əsirgəməyən “Pilgrim Edu” MMC şirkəti V. İsgəndərova tərəfindən çox acınacaqlı şəkildə zərbə aldı. Bu da bir növ həm şirkətimizə, həm də dövlətə qarşı ən böyük xəyanətdir. BDU-nun dosenti Vəfa İsgəndərovanın əməlləri tək bununla bitmir. Belə ki, Avropada siyası sığınacaq alan, özünü "Müqavimət Media" kimi elan edən Ruslan Əliyevlə məxfi sürətdə əməkdaşlığı üzə çıxıb. Təbii ki, bu barədə Dövlət Təhlükəsizlik Xidmətinə ətraflı məlumat verimişik.

Cənab Prezident!

Dövlətə qarşı inqilab etmək istəyən, kommunist partiyalar yaradan, Ulu Öndərimiz Heydər Əliyev haqqında mənfi fikirlər yayan bir qrup siyası sığınacaq alan şəxslərlə üz-üzə qalmışıq. Həmən arzuolunmaz şəxslər ölkə gənclərini ətraflarına toplamaq üçün dövlətimizdə təmsil olunan bəzi məmurlardan istifadə etməyə çalışır. Yəni. açıq formada sosial mediadan gəncləri inqilaba dəvət edirlər. Təbii ki, Ruslan Əliyev və Fərid Rüstəmzadə Bakı Dövlət Universitetinin dosenti Vəfa İsgəndərovadan təlimat aldığı məlum olub. Adı hallanan hər iki şəxsin hardan və necə maliyələşdiyi hər birimizə məlumdur. Bizdə olan məlumatlara görə, ölkənin bir neçə universitetində çalışan müəllimlər tələbələri həmən qeyri-ciddi platforma sayılan"Muqavimət Media"sına cəlb edirlər.

Cənab Prezident!

Bakı Dövlət Universitetinin dosenti V. İsgəndərova ölkədə xaos yaratmaqla, narazı kütlənin artmasına və onları bir başa Avropada siyası sığınacaq alan şəxslərə yönləndirməsi diqqət çəkən məqamlardandır. Diqqətinizə çatdırmaq istəyirik ki, gənclərin “Müqavimət Media” kimi qeyri-rəsmi və mübahisəli platformalara istiqaməti məhz Vəfa İsgəndərovanın "xüsusi xidmətidir". Azərbaycan Respublikasının Medianın İnkişafı Agentliyinin Naxçivan üzrə nümayindəsinin müdri hansı təfəkküllə xəyanət metodunu seçib? Həqiqətəndə dövlətə sədaqətlə xidmət edən şəxs öz prezidentinə, dövlət qanunlarına sadiq olmalıdır.

Cənab Prezident!

Qüdrətli dövlətimizin sizin kimi rəhbər və müdrik prezidenti var. Bəzən prezidentə məktub yazdığı üçün yerlərdəki məmurlar tərəfindən təzyiqə məruz qalan vətəndaşların olması bizi heç nədən çəkindirməyir. Ona görə də bir başa sizlərə üz tutub müraciətimizi edirik. Sizin medianı yaxından izləməyiniz sözün həqiqi mənasında böyük alqışlara səbəb olub. Xahiş edirik ki, BDU-nin dosenti Vəfa İsgəndərovanın Avropa ilə bütün əlaqələri dərindən araşdırılsın. İmkan vermərik ki, Azərbaycanın suveren və müstəqil dövləti bir qrup nankorlar tərəfindən zərbə altına düşsün. Əlbətdə ki, bu yöndə sizin ətrafınızda sıx birləşən ölkə vətəndaşlarının sıralarında bizlərdə varıq. Öz növbəmizdə “Pilgrim Edu” MMC şirkəti adından Sizə öz dərin təşəkkürümüzü bildiririk.(Mənbə: demiryumruq.az)

Hörmətlə, “Pilgrim Edu” MMC-nin direktoru Aisa Aslanova,

Şirkətin məsul şəxsi Leyla Musatafayeva
Yenixeberorg.com

Bir neçə gün əvvəl Hesablama Palatasının 2025-ci ilin planına uyğun olaraq “Ağdam, Füzuli və Xocavənd rayonlarında Bərpa, Tikinti və İdarəetmə Xidməti” publik hüquqi şəxsi üzrə həyata keçirdiyi auditin nəticələri hələ də müzakirə olunur. Qeyd edək ki, Palatanın apardığı audit zamanı bir sıra maliyyə və idarəetmə nöqsanları aşkarlanıb.

Audit hesabatında qeyd olunur ki, 2024-cü ildən qalan istifadə olunmamış vəsaitlər və dövlət əmlakının satışından daxil olan məbləğlər nəzərə alınmadan 2025-ci il üzrə bağlanmış müqavilələrin maliyyələşdirilməsi həyata keçirilib. Bu isə dövlət vəsaitlərinin idarə edilməsində səmərəlilik və planlaşdırma baxımından ciddi suallar doğurub.

Məlumata görə, hazırda “Ağdam, Füzuli və Xocavənd rayonlarında Bərpa, Tikinti və İdarəetmə Xidməti” publik hüquqi şəxsin icraçı direktoru Leysan Məmmədovun fəaliyyəti ilə bağlı araşdırmalar aparılır. İddia olunur ki, audit hesabatında qeyd olunan faktların hər biri aidiyyəti üzrə yoxlanılır

Hesabatda diqqət çəkən əsas məqamlardan biri qurumun vəzifə öhdəliklərinə aid olmayan istiqamətlərə vəsait yönəldilməsi və əməkhaqqı üzrə artıq ödənişlərə yol verilməsi ilə bağlıdır. Eyni zamanda bəzi maliyyə əməliyyatlarının təsdiqedici sənədlərinin qanunvericiliyin tələblərinə uyğun rəsmiləşdirilmədiyi, nəticədə həmin əməliyyatların mühasibat uçotunda vaxtında əks etdirilmədiyi vurğulanıb. Audit zamanı vergi qanunvericiliyinin tələblərinin pozulduğu və maliyyə intizamında boşluqların olduğu da qeyd edilib.

Tikinti və layihələndirmə sahəsində də ciddi nöqsanların aşkarlandığı bildirilir. Hesabatda qeyd olunur ki, bəzi obyektlərin layihə-smeta sənədlərinin hazırlanması və tikintisi zamanı normativ tələblərdən kənara çıxılıb.

Qeyd edilir ki, bu hallar satınalma işlərinin ümumi həcmi və dəyərinin süni şəkildə artmasına səbəb olub. Xüsusilə 2, 3, 4 və 5 otaqlı fərdi yaşayış evləri üzrə layihələrdə oxşar problemlərin ehtimal dəyərinin yüksəlməsinə gətirib çıxardığı bildirilir.

İcra olunmamış vəsaitlərin qurumun hesabına köçürülməsi nəticəsində iri məbləğlərin bank hesablarında saxlanıldığı, həmin vəsaitlərin əsas hissəsinin aşağı faizlə depozitə yerləşdirildiyi, bir hissəsinin isə istifadəsiz qaldığı bildirilir. Auditə görə, nəticədə müəyyən gəlir əldə olunsa da, dövlət vəsaitlərinin gəlirlilik potensialından tam istifadə edilməyib.

Bizimesr.com-a daxil olan məlumata görə, araşdırmalar yalnız audit hesabatında göstərilən maliyyə və idarəetmə məsələləri ilə məhdudlaşmır. İddialara əsasən, Leysan Məmmədovun nəzarətində olduğu deyilən bəzi tikinti şirkətlərinin fəaliyyəti də diqqət mərkəzinə götürülüb və onların dövlət layihələri ilə əlaqələri araşdırılır. Hazırda bu istiqamətdə müvafiq qurumlar tərəfindən sənədlərin təhlili və maliyyə əməliyyatlarının yoxlanılması prosesi davam etdirilir.

Bildirilir ki, aparılan araşdırmaların nəticəsindən asılı olaraq Leysan Məmmədovun gələcək fəaliyyəti ilə bağlı qərarların verilməsi mümkündür. Bununla yanaşı, hazırkı mərhələdə rəsmi qurumlar tərəfindən yekun hüquqi qərarın açıqlanmadığı və araşdırmaların davam etdiyi vurğulanır.

Qeyd edək ki, Məmmədov Leysan Novruz oğlu hazırda “Ağdam, Füzuli və Xocavənd rayonlarında Bərpa, Tikinti və İdarəetmə Xidməti” publik hüquqi şəxsin icraçı direktorudur. O, bu vəzifədən əvvəl Binəqədi Rayon İcra Hakimiyyəti başçısının birinci müavini vəzifəsində çalışıb. Eyni zamanda 2006–2021-ci illərdə Gənclər və İdman Nazirliyinin müxtəlif strukturlarında fəaliyyət göstərib.

Hazırda Leysan Məmmədov Ağdam və Füzuli şəhərlərində həyata keçirilən iri infrastruktur layihələrinin, yaşayış məhəllələrinin inşasının və tender proseslərinin idarə olunmasına məsul şəxslərdən biri hesab olunur.

Bizimesr.com

Paytaxtın Sabunçu rayonu, Maştağa qəsəbəsində sakinlər acınacaqlı vəziyyətlə üzləşiblər.

Oxu.Az Xəzər TV-yə istinadən xəbər verir ki, söhbət Albalılıq bağları massivi, Rauf Hacıyev küçəsi, 7-ci döngədən gedir.

Sakinlərin sözlərinə görə, uzun müddətdir davam edən kanalizasiya problemi səbəbindən küçələr çömçəquyruqların və digər su canlılarının məskəninə çevrilib.

Onlar bildiriblər ki, məsələ ilə bağlı müvafiq qurumlara dəfələrlə müraciət etsələr də, problem hələ də həllini tapmayıb.

Vəziyyət o qədər ağırlaşıb ki, bəzi ailələr evlərini su basdığı üçün ərazini tərk etmək məcburiyyətində qalıblar. Köçə bilməyən sakinlər isə hər gün antisanitar şəraitdə hərəkət etməli olurlar.

Məsələ ilə bağlı İri Şəhərlərin Birləşmiş Su Təchizatı Xidmətindən bildirilib ki, mərkəzləşdirilmiş tullantı su şəbəkəsi olmayan ərazilərlə bağlı müvafiq layihə sənədləri artıq hazırlanıb.

Qurumdan qeyd olunub ki, şəbəkələrin inşası agentliyin tədbirlər planına uyğun olaraq mərhələli şəkildə həyata keçiriləcək.

Həmçinin vurğulanıb ki, fevral ayından etibarən su və kanalizasiya sisteminə qoşulmaq üçün yeni qaydalar qüvvəyə minib.

Bu sistemə qoşulmaq istəyən vətəndaşlar müvafiq sənədlərlə "ASAN xidmət" və ya "ASAN Kommunal" mərkəzlərinə müraciət etməlidirlər.

Bakının Qaradağ rayonu, Lökbatan qəsəbəsində yerləşən anbarı yanan “Bakı Logistika Mərkəzi” ölkənin iri yükdaşıma və anbar komplekslərindən biri hesab olunur.

Mərkəz “Meyvəli” bazar kompleksinin ərazisində fəaliyyət göstərir və logistika, saxlanma, idxal-ixrac əməliyyatları üçün istifadə olunur.

Rəsmi sənədlərdə “Bakı Logistika Mərkəzi” ayrıca fiziki şəxsə məxsus obyekt kimi deyil, “Meyvəli” MMC ilə əlaqəli struktur kimi qeyd edilir. Müəssisənin idarəçiliyi müxtəlif dövrlərdə icraçı şəxslər tərəfindən həyata keçirilib. Açıq mənbələrdə “Meyvəli” MMC-nin qanuni təmsilçiləri sırasında Rəşad Abbasovun da adı yer alıb.

Mərkəz dövlət dəstəyi ilə həyata keçirilən iri logistika layihələrindən biri kimi təqdim olunur. Layihənin formalaşdırılması və inkişafında İqtisadiyyat Nazirliyinin iştirak etdiyi, dövlət-özəl tərəfdaşlığı modelinə uyğun fəaliyyət göstərdiyi bildirilir.

“Bakı Logistika Mərkəzi” beynəlxalq nəqliyyat marşrutları baxımından da strateji mövqedə yerləşir. Buradan Avropa, Rusiya, İran, Fars körfəzi və Hindistan istiqamətlərində yük daşımalarının həyata keçirilir.

Qeyd edək ki, mayın 12-də Bakı şəhəri, Qaradağ rayonunun Lökbatan qəsəbəsində yerləşən “Bakı Logistika”ya məxsus anbarlardan birində güclü yanğın baş verib.

Yanğının söndürülməsinə FHN-in helikopteri cəlb olunub. İlkin məlumata görə hadisə nəticəsində ölən və ya xəsarət alan yoxdur. Yanğın nəzarət altına alınıb.

Aktualinfo xatırladır ki, ümumi ərazisi 35 ha olan «Meyvəli» – meyvə və tərəvəz məhsullarının saxlanması, satışı və tranziti üçün nəzərdə tutulub. “Meyvəli” MMC-nin direktoru hazırda Əbülfət Novruz oğlu Qocayevdir. O, Prezident İlham Əliyevin 02 Sentyabr 2016-cı il tarixli Sərəncamına əsasən “Ərzaq məhsullarının tədarükü və təchizatı” Açıq Səhmdar Cəmiyyətinin İdarə Heyətinin sədri təyin edilib. 2018-ci ildə “Ərzaq Məhsullarının Tədarükü və Təchizatı” ASC ləğv edilərək, Kənd Təsərrüfatı Nazirliyi yanında “Aqrar Tədarük və Təchizat” ASC yaradılıb.

Qeyd edək ki, mətbuatda Əbülfət Qocayevin yüksək çinli dövlət məmurlarından biri ilə qohum olduğu barədə məlumatlar yayılıb və bugünə kimi təkzib olunmayıb.(“Yeni Sabah”)

Son illər Bakının nəqliyyat mənzərəsi Azərbaycan Yerüstü Nəqliyyat Agentliyinin (AYNA) “islahat” xarakterli addımları ilə kökündən dəyişməyə başlayıb. Lakin bu dəyişikliklərin cəmiyyətdə yaratdığı rezonans göstərir ki, kağız üzərindəki rəqəmlərlə küçədəki reallıq arasında ciddi uçurum var. Prosesləri analiz etdikdə görürük ki, qurumun fəaliyyətində alternativsiz məhdudiyyət prinsipi üstünlük təşkil edir.

Parklanma varlanmaya xidmət edir?

Bakının mərkəzində tətbiq edilən yeni parklanma siyasəti şəhərin yükünü azaltmaq məqsədi güdsə də, bu, daha çox sürücülərin büdcəsinə zərbə vuran bir mexanizmə çevrilib. Dünyanın inkişaf etmiş şəhərlərində mərkəzi zonada parklanma bir qədər baha olsa da, şəhər kənarlarında “Park et və get” tipli geniş, ucuz dayanacaqlar fəaliyyət göstərir. Sürücü maşınını orada qoyub rahatlıqla sürətli qatara və ya metroya minə bilir. Bakıda isə AYNA mərkəzi zonalarda qiymətləri olduqca yüksək etməklə yanaşı, sürücüyə şəhər kənarında avtomobilini təhlükəsiz və “cibinə uyğun” qoyub mərkəzə keçə biləcəyi heç bir infrastruktur təklif etməyib – nə dayanacaqlar, nə sürətli ictimai nəqliyyat. Bu da prosesin nəqliyyatı tənzimləməkdən çox, sadəcə yığıma xidmət etdiyi təəssüratını yaradır.

Avtobus zolaqları da xarüqələr yaratmadı…

Şəhərin əsas prospektlərində çəkilən avtobus zolaqları AYNA-nın ən çox fəxrlə ictimaiyyətə təqdim etdiyi, loru dillə desək, öyündüyü layihədir. Lakin məsələ ondadır ki, zolaqlar çəkildikcə sərnişinlərin narazılığı azalmır, əksinə artır. Avropada, xüsusən Londonda bu sistem tətbiq olunanda avtobus parkı 100% yenilənmişdi və saniyəlik dəqiqliklə işləyən cədvəl tərtib edilmişdi. Bakıda isə zolaq boşdur, amma sərnişin 20 dəqiqə avtobus gözləyir. Nəticədə fərdi avtomobillər üçün yol daralır, tıxac daha da kəskinləşir. Yəni AYNA yolu avtobus üçün ayırsa da, həmin yolun içini dolduracaq keyfiyyətli xidməti təmin edə bilmir.

Taksiləri yoxa çıxaran “islahat”

Taksi bazarına tətbiq edilən “rəng və il” məhdudiyyətləri təhlükəsizlik üçün olduqca vacibdir. Lakin AYNA-nın burada da yarıtmazlığı özünü göstərir. Belə ki, taksi islahatlarının icra forması bazar iqtisadiyyatının qanunları ilə ziddiyyət təşkil edir. Süni şəkildə taksi sayının azaldılması birbaşa qiymət artımına gətirib çıxardı. Bu isə o deməkdir ki, avtobusa minə bilməyən, metrosu olmayan ərazilərdə yaşayan vətəndaş artıq taksi xidmətindən də istifadə edə bilmir. Cəmiyyətin ən aşağı gəlirli təbəqəsi üçün nəqliyyat əlçatanlığı kəskin pisləşib. AYNA-nın bu islahatı taksi xidmətini “lüks”ə çevirsə də, buna paralel olaraq digər nəqliyyat vasitələrini (məsələn, metronu) daha əlçatan etməyib.

Qurumun kommunikasiya və şəffaflıq boşluğu

Bəlkə də ən vacib məqam AYNA-nın cəmiyyətlə və ekspertlərlə qurduğu dialoqdur. Hazırda qurum “mən belə qərara gəldim, sən də əməl et” yanaşması ilə işləyir. Parklanmadan və cərimələrdən yığılan milyonlarla vəsaitin hara, hansı konkret nəqliyyat həllinə xərcləndiyi barədə şəffaf hesabat verilmir. Nəqliyyat sistemində islahat o zaman uğurlu sayılır ki, vətəndaş onun faydasını evindən çıxan kimi hiss etsin: keyfiyyətli nəqliyyatla təmin olunmaqla və vaxtına qənaət etməklə. Lakin biz hələ ki, yalnız itirilən vaxtımızın və xərclənən pullarımızın arxasınca baxırıq.

Bir sözlə, AYNA-nın islahatları “məhdudiyyət var, amma alternativ yoxdur” düsturu ilə davam edir. Cənablar, şəhəri maşınlardan təmizləmək istəyirsinizsə, öncə daha sürətli, daha təmiz və daha ucuz bir nəqliyyat sistemi yaratmalısınız. Əks halda, edilən hər bir dəyişiklik paytaxt sakinlərinin həyatını asanlaşdırmaq yox, daha da mürəkkəbləşdirməkdən başqa bir işə yaramayacaq.

AFN.az

“Mərkəzi klinikada anamı ürək MRT müayinəsinə apardım. Bunun üçün 690 manat ödəniş etməyimizə baxmayaraq, müayinəni həkim deyil, onun köməkçisi etdi”.
Bu şikayətlə Bakupost.az-a adının çəkilməsini istəməyən vətəndaş müraciət edib.
Şikayətçi bildirir ki, aprelin 28-də anasını kardioloji müayinə üçün kardioloq Firdovsi İbrahimovun qəbuluna aparıb. Onun sözlərinə görə, kifayət qədər yüksək məbləğdə ödəniş etsələr də, göstərilən xidmət onları qane etməyib:
“Keyfiyyətə nəzarət şöbəsinin müdiri Xumar xanımla da danışdım. O dedi ki, 690 manatın 500 manatı Firdovsi doktorun "xüsusi xidməti" üçün nəzərdə tutulub. Anlamıram, bu xüsusi xidmət nədən ibarətdir? Çünki biz həkimin qəbuluna ayrıca 60 manat ödəmişik, amma o, anamı iki dəqiqə belə müayinə etməyib.
Səhər saat 08:00-dan növbə götürmüşdük. Klinikada hər yerdə kameralar var. Həkimin özü orada olmayıb, köməkçisi aparat vasitəsilə anamın ürəyini dinləyib. Həmin şəxs özünü təqdim etməyib. Resepti də o yazıb, həkim yox.
Firdovsi doktor isə yalnız saat 11:00-da gəldi, sənədlərə baxdı və təcili anju olunmalıdır dedi. 60 manatı bu xidmətə görə ödəmişik”.
Şikayətçi qeyd edir ki, əvvəlcədən müayinənin bu şəkildə aparılacağı bildirilsəydi, həmin həkimi seçməzdi:
“Əvvəlcədən desəydilər ki, müayinəni həkimin komandası aparır, mən bu ödənişi etməzdim və başqa həkimə müraciət edərdim. Firdovsi doktor ölkədə yeganə kardioloq deyil”.
Vətəndaş klinika personalının pasiyentlərlə davranışından da şikayətçidir. Onun sözlərinə görə, əməkdaşlar kobud və laqeyd davranır, həmçinin gigiyenik qaydalara əməl olunmur:
“Təcili xəstələrə üstünlük verilməsi başa düşüləndir. Amma biz gördük ki, təcili olmayan pasiyentlər də növbədənkənar MRT müayinəsinə yönləndirilir. Palatada istifadə olunan termometr isə sterilizasiya edilmədən bir pasiyentdən digərinə verilir".
Şikayətçi əlavə edir ki, ona ödənişlərin ƏDV qəbzləri də təqdim olunmayıb:
“Direktor müavini ilə danışdım, çekləri göstərdim. Mənə bildirdi ki, ƏDV qəbzləri dərhal verilmir. Etiraz etdim və bildirdim ki, ödəniş edilirsə, qəbz də dərhal təqdim olunmalıdır. Hətta İqtisadiyyat Nazirliyinin “195-1” çağrı mərkəzinə zəng etməyi təklif etdim, amma razılaşmadılar.
Ümumilikdə min manata yaxın ödəniş etmişik, lakin heç bir ƏDV qəbzi verilməyib. Bu, ciddi qanun pozuntusudur.
Pasiyentin sağlamlığı və hüquqları hər şeydən üstün olmalıdır. Bu cür halların araşdırılması və məsul şəxslər barədə tədbir görülməsi vacibdir”.
Məsələ ilə bağlı Mərkəzi Klinikanın mətbuat xidmətinin rəhbəri Elşən Şükürov Bakupost.az-ın sorğusuna cavab olaraq bildirib ki, pasiyentin şikayəti araşdırılıb və iddialar öz təsdiqini tapmayıb.


Bakupost.az

Bakıda WUF13 ilə bağlı keçiriləcək tədbirlər zamanı 8 dil üzrə sinxron tərcümə təmin ediləcək.

Bu barədə Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olarkən məlumat verilib.

Bildirilib ki, tədbirlərdə BMT-nin 6 rəsmi dili - ərəb, Çin, ingilis, fransız, rus və ispan dilləri ilə yanaşı, Azərbaycan və türk dillərində də sinxron tərcümə təmin ediləcək.

Eyni zamanda, əlilliyi olan şəxslər üçün beynəlxalq işarə dili xidməti nəzərdə tutulub.

Qeyd edək ki, WUF13 mayın 17-22-də Bakıda keçiriləcək. Forum Azərbaycanın BMT-nin Məskunlaşma Proqramı (UN-Habitat) ilə sıx əməkdaşlığı çərçivəsində keçirilir və dayanıqlı şəhərsalma, "ağıllı şəhərlər" və innovativ şəhər həlləri sahəsində beynəlxalq təcrübə mübadiləsinə yönəlib.

Bakıda fəaliyyət göstərən "General Hospital" daha bir vətəndaşa saxta sağlamlıq arayışı verib. "Yaşam Medical" klinikası isə vətəndaşa düzgün olmayan analiz cavabı göndərib.
"Unikal"a müraciət edən Ruslan Hüseynov bildirib ki, paytaxtda yerləşən restoranlardan birində çalışan zaman "Yaşam Medical" klinikasının əməkdaşları ondan qan analizi götürüblər:
"20 manat da ödəniş etdim. Bir neçə gün sonra, 14 mart 2026-cı il tarixində analizin cavabı gəldi. Cavabda heç bir problemin olmadığı bildirildi.
Bir müddət sonra isə başqa bir restoranda işləməyə başladım. Bu səbəbdən sağlamlıq kağızı almalı idim. Beləliklə, digər bir özəl klinikada qan analizi verdim. Məndə hepatit aşkarlandı. Qeyd edim ki, bu analiz cavabı 4 may 2026-cı il tarixində qeydə alınıb. Məlum oldu ki, yoluxma uzun müddət əvvəl baş verib.
Şikayətim "Yaşam Medical" klinikasındandır. Nəyə görə vətəndaşların verdikləri analizlər düzgün yoxlanılmır? Düzgün yoxlasaydılar, hepatitə yoluxmağım barədə daha tez məlumatlı olardım.
Onu da qeyd edim ki, məndə bu xəstəlik aşkarlanandan sonra yenidən yoxlanış etmək istədim. Bu dəfə "General Hospital"a müraciət etdim, lakin məlum oldu ki, həmin klinika heç bir yoxlanış etmədən saxta sağlamlıq arayışı verir. Mənə kart nömrəsi göndərdilər, ödəniş etdim. Ertəsi gün isə mənə sağlamlığımda heç bir problem olmadığı barədə saxta arayış göndərdilər".
Xatırladaq ki, "General Hospital" dəfələrlə saxta sağlamlıq arayışlarının verilməsi ilə bağlı gündəmə gəlib. Hətta bu məsələ ilə bağlı cinayət işi də başlanılmışdı. Onu da qeyd edək ki, "General Hospital" klinikasının baş həkimi Rüstəm Mikayılovdur.

"Şəkildəki bu şəxsi Qaz rayonunda tanıyanlar var, tanımayanlar üçün deyim ki, Qum bələdiyyəsinin saxtakarlıqla təyin olunmuş üzvlərindən biri olan Seylan Şamiloviç Şamxalzadədir..." Dia-az" xəbər verir ki, bunu yazan müəllif olduqca ilginc faktları da açıqlayıb.

Məlumatda daha sonra deyilir: "Seylan adlı bu şəxs keçmiş Qum bələdiyyəsinin sədri Sərxan Qurbanovla Gürcüstanda adı bilinməyən bir məktəbdə təhsil alıblar. Ancaq fakt odur ki, bu iki şəxsin diplomları Azərbaycanda tanınmır.
İlk öncə bir məsələni burada bildirek. Keçən dönəmdə Sərxan bələdiyyə sədri təyin olunandan sonra bu Seylana jest edərək Çınarlı kəndinin girişində obyekt üçün yer verdi. Həmin yeri Seylan çörək bişirmə sexi kimi istifadə edir.
İkinci bir məsələ, son bələdiyyə seçkilərində Qax rayon İcra Hakimiyyətinin keçmiş başçısının göstəriş verdiyi namizədlərin təbliğatını elə məntəqə sədrləri aparırdı. Onların şəkillərini məlumat lövhələrinə yapışdırırdı məntəqə sədrləri.
Bu saxtakar bəzi yerlərdə iddialı şəkildə bəyan edib ki, bəs "kənd bizdən soruşulur". Hər halda bu fakt belə yetərli sayıla bilər ki, gərəkən qurumlar araşdırma aparsın..."

DİA-AZ