"18.07.2026 tarixində Baku Electronics-dən ES80V-A5 model su qızdırıcı sifariş etdim. Lakin əməkdaşın səhvi ucbatından mənə tamamilə başqa model — ES80V-A3 göndərildi. Anbarda çalışan əməkdaş !!!! bu iki modelin eyni olduğunu düşünərək !!!!, mənim razılığımı almadan sifarişi dəyişdirib. Üstəlik məni də məhsulların eyni olduğuna inandırmağa çalışaraq məhsulu saxlamağıma tövsiyyə etdilər. Lakin aralarında həm dizayn həm qiymət fərqi var..." Bunu özünün sosial şəbəkə hesabında Sevinc Yusifova adlı istifadəçi yazaraq gileylənir.
Narazı vətəndaş daha sonra başına gələnləri belə nəql edir: "19.07.2026 tarixində məhsulu geri qaytardım. Və bundan sonra mənim üçün əsl “əziyyət” başladı. Öz pulumu bu günə qədər geri ala bilmirəm.
Sifarişi rəsmiləşdirən əməkdaş ödəniş edilənə qədər mənimlə aktiv şəkildə əlaqə saxlayırdı. Problem yarandıqdan və pulun qaytarılması lazım olduqdan sonra isə mesajlarıma cavab verməyi dayandırdı.
Çoxsaylı müraciətlərim olub və hətta baş ofisə getmişəm. Baş ofisə getdikdə isə əməkdaşın edə bildiyi maksimum “şikayətinizi göndərmişik” demək oldu.
Nəhayət bu gün mənə bildirildi ki, 08.08.2026 tarixində icra edilib və indi pulumu geri almaq üçün daha 14 gün gözləməliyəm. Daha əvvəl 21.07.2026 icra edildiyi bildirilmişdi.
Yəni Baku Electronics əməkdaşlarının səhvi ucbatından öz pulumu geri almaq üçün təxminən iki ay gözləməliyəm!
Niyə əməkdaşların etdiyi səhvlərə görə müştəri öz vaxtını, əsəblərini və resurslarını sərf etməlidir ki, öz pulunu geri ala bilsin?
Vəzifənizin məsuliyyətini niyə daşımırsınız?
Baku Electronics-dən ONLAYN alış-veriş etməyin! Sonradan öz pulunuzun arxasınca düşmək və şirkət əməkdaşlarının yaratdığı problemi özünüz həll etmək məcburiyyətində qala bilərsiniz...(DİA-AZ")

Azərbaycan Həmkarlar İttifaqları Konfederasiyasında (AHİK) rəhbərliyin dəyişməsi vaxtilə həmkarlar ittifaqı üzvləri, əməkdaşlar, əlillər, veteranlar, qazilər, təhsil və səhiyyə işçiləri, eləcə də digər sosial qruplar arasında yeni ümidlər yaratmışdı. Sabiq sədr Səttar Möhbalıyevin fəaliyyəti dövründə səsləndirilən narazılıqların yeni rəhbərliklə aradan qalxacağı, sistemdə şəffaflığın və vətəndaşlara xidmətin daha da yaxşılaşdırılacağı gözlənilirdi.

Lakin ötən müddət ərzində redaksiyalara və ictimaiyyətə çatdırılan müxtəlif müraciətlər, şikayətlər və mediada yayılan məlumatlar göstərir ki, narazılıqlar səngimək əvəzinə, başqa istiqamətlərdə də davam edir. Hazırda AHİK-in sədri Sahib Məmmədovun rəhbərliyi dövründə də qurumun fəaliyyəti ilə bağlı müxtəlif suallar və iddialar gündəmə gəlir.

Xüsusilə yollayışların elektron sistemə keçirilməsi və e-ahik Sanatoriya-Kurort Elektron Rezervasiya Sisteminin tətbiqi “şəffaflıq” və “əlçatanlıq” baxımından mühüm yenilik kimi təqdim olunur. Rəsmi açıqlamalarda sistem vasitəsilə minlərlə yollayışın verildiyi bildirilir. Lakin bu rəqəmlərin fonunda redaksiyalara daxil olan vətəndaş müraciətlərində tamam başqa mənzərədən bəhs edilir: bəzi vətəndaşlar elektron sistemdə qeydiyyatdan keçməkdə, boş yer tapmaqda, güzəştlərdən yararlanmaqda və yollayışlarını təsdiqlətməkdə ciddi çətinlik çəkdiklərini bildirirlər.

Məsələ yalnız elektron sistemlə də məhdudlaşmır. AHİK-in tabeliyində olan sanatoriya və istirahət müəssisələrinin fəaliyyəti, yollayışların bölüşdürülməsi, xidmətlərin keyfiyyəti, qida və gigiyena məsələləri, kadr siyasəti, idarəetmə və maliyyə şəffaflığı ilə bağlı da müxtəlif iddialar və suallar səsləndirilir. Mediaya təqdim olunan bəzi materiallarda sanatoriyalarda xidmət və idarəetmə ilə bağlı problemlərdən, yollayışların bölüşdürülməsində mümkün qeyri-şəffaflıqdan, habelə kadr təyinatları ilə bağlı narazılıqlardan bəhs edilir.

Eyni zamanda, AHİK və onun tabeliyində olan strukturlarda rəhbər vəzifələrə təyinatlar, əməkhaqqı sistemi, struktur dəyişiklikləri və üzvlük haqlarından formalaşan vəsaitlərin hansı istiqamətlərə xərclənməsi barədə də ictimaiyyətin cavab gözlədiyi suallar var. Təbii ki, mediada və ayrı-ayrı şəxslərin müraciətlərində səsləndirilən bu iddiaların hər biri müvafiq qurumlar tərəfindən araşdırılmalı, qarşı tərəfin mövqeyi də öyrənilməlidir.

Əsas problem isə budur: həmkarlar ittifaqının başlıca məqsədi əməkçilərin və üzvlərinin hüquq və maraqlarını qorumaqdırsa, niyə həmin üzvlərin bir qismi öz hüquqlarından istifadə etmək üçün elektron sistem qarşısında bu qədər çətinliklə üzləşir? Niyə əlil, veteran və digər sosial həssas qruplara aid vətəndaşlar onlara verilən güzəştlərdən real şəkildə yararlana bilmədiklərini bildirirlər? Elektronlaşdırma vətəndaşın işini asanlaşdırmalıdır, yoxsa onu əlavə maneələrlə üz-üzə qoymalıdır?

Sədr dəyişikliyi zamanı yaranmış ümidlərin nə dərəcədə doğrulduğu da məhz bu suallar fonunda yenidən gündəmə gəlir. Çünki redaksiyamıza daxil olan müraciətlər göstərir ki, AHİK-in fəaliyyəti ilə bağlı narazılıqlar hələ də səngiməyib.

Növbəti müraciət də bu narazılıqların konkret nümunələrindən biridir.

DuzXeber.az xəbər verir ki, redaksiyamızın elektron poçt ünvanına Azərbaycan vətəndaşı Məğrur Bədəlsoy tərəfindən daxil olan müraciəti heç bir dəyişiklik etmədən olduğu kimi təqdim edirik:

AHİK (əlil) həmkarlardan “qara otaqda olmayan qara pişiyi tapmağı” tələb edir.

“Tapanda” isə tam məbləğ ödənilməsə yollayış verilmir.

Yay mövsümü-istirahət, dincəliş sona çatmaq üzrədir. Bu mövsümdə hamının gözü AHİK-də (Azərbaycan Həmkarlar İttifaqı Konfederasiyası) yönəlir. AHİK isə keçən ildən yollaylş verilməsini elektronlaşdırıb, yalnız elektron sistemdən yollayış verildiyini bildirir. Bu sistemdən isə yollayış almağa faktiki qadağa qoyulub. Nə vaxt sistemə girib, müalicə və istirahət mərkəzlərini seçirsən, ya yer olmur, olanda da güzəşt tətbiq edilmir, tam məbləğ tələb edilir, heç onu da təsdiq etməyə yol verilmir. Amma AHİK müharibə veteranları , 1-ci-2-ci dərəcəli əlillərin, 1-ci dərəcəli əlili müşayiət edən şəxslərin ödənişsiz, həmkarların üzvlərinin 15 faiz güzəştlə yollayış yiyəsi ola biləcəyini vurğulayır. Bəs niyə gerçək yaşamda bu vurğulama baş tutmur? Bu sətirlərin yazarı son bir ildə dəfələrlə elektron rezervasiya sistemi vasitəsilə yollayış almağa çaba göstərsə də, hələ də nəinki pulsuz, nəinki 15 faiz güzəştlə, heç tam məbləğdə də yollayışla təmin oluna bilməyib. Sadəcə, sistemdə yer tapılmır. Belə bəlli olur ki, AHİK əlillərdən, həmkarlardan, necə deyərlər, qara otaqda olmayan qara pişiyi tapmağı tələb edir. Hətta “tapanda” da “təsdiq gözlənilir” adı ilə yollayışın əldə edilməsi elə gözləmədə qalır. Daha bunun nə həmkarlığı oldu ki?!

Elektron sistemin nə qədər üstünlüyü olsa da, texniki kələklə hüquqa qadağa qoyması da üzə çıxır. Müharibə veteranlarına pulsuz yollayış verilməsi təsbit olunub, amma veteran heç sistemdə qeydiyyata düşə bilmir, qeydiyyata düşəndə isə istədiyi yollayışı tapa bilmir, “tapanda” isə tam məbləğ tələb olunur. İndi özünüz fikirləşin, ağlınıza sığışdıra bilirsinizsə, sığışdırın, 80 manat təqaüdə göz dikən müharibə veteranı 3-4 minlik fizioterapiya müalicəsinə yollayışı necə ödəyə bilər? İnanmırsınız, fakt təqdim olunur, 1900 manatlıq Naxçıvan “Duzdağ” mərkəzinə 10 günlük “dincəlmək, müalicə almaq” mümkündür? Pensiya kartında, təqaüd kartında heç bir il toxunmasan, bu qədər məbləğ yığılmır! Bir problem də ondadır ki, çox əlilin, veteranın, heç professorun belə şəxsi kabinet yaratması mümkün deyil. Yəni hamını elektron sistem adı ilə yollayış hüququndan məhrum etmək həmkarlıq prinsipinə ziddir.

Dəfələrlə AHİK-ə müraciət edib, əlillər üçün elektron sistemdən kənar yollayış verilməsinin təşkili xahiş olunub. Amma həmkarlar əlillərlə həmkarlıqdan imtina edir. Elektron sistem isə rüşvət, korrupsiyaya yol açır. Gerçəkdə bu özbaşınalıq şəbəkə cinayətləri kateqoriyasına aiddir. Yəqin ki, DİN Kibercinayətkarlıqla Mübarizə Baş İdarəsi araşdırma aparar. Əlillər isə yenə də yollayışsız, dincəlişsiz durumda qaldılar. Ya Allah, ya DİN, bizə yardımçı olun!

DuzXeber.az

Tovuz Şəhər Mənzil Kommunal Təsərrüfat İstehsalat Birliyi yeni satınalma müqaviləsinə imza atıb. 32gun.az-ın əldə etdiyi məlumata görə, qurum Tovuz rayonunda yaşıllaşdırma işlərinin həyata keçirilməsini "Quluoğlu M-Tikinti" Məhdud Məsuliyyətli Cəmiyyətinə (VÖEN: 7300507121) həvalə edib.

Qalib şirkətlə bağlanacaq satınalma müqaviləsinin ümumi maliyyə dəyəri 34 min 950 manat təşkil edir.

Nizamnamə kapitalı cəmi 20 AZN olan MMC Tovuz rayonu, Düz Cırdaxan kəndində hüquqi qeydiyyatdadır. Şirkətin qanuni təmsilçisi isə Tofiq Yusif oğlu Əmiraslanovdur.

32gun.az

Görünür Azərbaycan QHT sektorunda islahatların da özünəməxsus “Azərbaycan modeli” formalaşıb.

Əvvəllər qrantların deputatların, onların ailə üzvlərinin və yaxın çevrəsinin QHT-lərinə verilməsi barədə məlumatlar səslənirdi. İndi isə mənzərənin dəyişdiyi görünür: deputat QHT-lərinin yerini müxtəlif dövlət qurumlarında çalışan məmurların ailə üzvləri ilə əlaqələndirilən QHT-lər tutur.

Yəni sistem dəyişib

Amma qrantın istiqaməti dəyişməyib: yenə də vətəndaşa yox, bəlli elitayaa yaxın çevrəyə.

Sadəcə “benefisiarların” adı yenilənib.

Bir vaxtlar deputatın QHT-si vardı, indi isə məmurun həyat yoldaşının QHT-si var. Sabah yəqin ki, məmurun baldızının, xalasının, dayısının, qonşusunun QHT-si də “vətəndaş cəmiyyəti”nin xilaskarları sırasına daxil olacaq.

Əsas odur ki, layihənin adı ciddi səslənsin.

Məsələn, “ictimai iştirakçılığın gücləndirilməsi”, “sosial dayanıqlılığın artırılması”, “vətəndaş cəmiyyətinin inkişafı”...

Adı nə qədər möhtəşəm olsa, qrant da bir o qədər “ictimai” görünər.

Amma ortada çox sadə bir sual var:

Niyə dövlət məmurunun ailə üzvünün QHT-si dövlət qrantı almaq üçün digər yüzlərlə QHT-dən daha üstün olmalıdır?

Əlbəttə, məmurun həyat yoldaşı, anası, övladı və ya digər ailə üzvü QHT yarada bilər. Qanun buna imkan verirsə, buna etiraz etmək olmaz.

Problem başqa yerdədir. Problem dövlət vəsaitinin bölüşdürülməsində maraq toqquşmasının olub-olmamasıdır.

Çünki burada söhbət hansısa şəxsin cibindən çıxan puldan getmir. Söhbət büdcə vəsaitindən gedir. Yəni vətəndaşın ödədiyi vergidən.

Şəffaflıq “biz şəffafıq” demək deyil.

Şəffaflıq elə bir sistem qurmaqdır ki, heç kəsin “bunlara niyə qrant verdiniz?” sualını verməyə ehtiyacı qalmasın.

İndi isə vəziyyət tam əksinədir.

Sosial mediada və açıq mənbələrdə müxtəlif yüksək vəzifəli şəxslərin ailə üzvləri ilə əlaqələndirilən QHT-lərin dövlət qrantları aldığı barədə məlumatlar geniş yayılıb. Bu istiqamətdə "Yenixeberorg.com"-a da məlumatlar ötürülməkdədir...Məsələn: Prezidentin köməkçisi Şahmar Mövsümvun anasının, Prezidentin Mətbuat Xidmətinin rəhbəri olmuş Azər Qasımovun həyat yoldaşının və digərlərinin rəhbərlik etdiyi QHT-lər.
Sıravi QHT-lər illərlə ayaqda qalmaq üçün sponsor axtarır, layihə yazır, hesabat hazırlayır, müxtəlif müsabiqələrə müraciət edir. Bəziləri bir neçə min manatlıq layihəyə belə həsrətlə baxır.

Amma məmur ailəsi ilə əlaqələndirilən QHT 2 ay öncə qeydiyyatdan keçib, dərhal QHT-lərə Dövlət Dəstəyi Agentliyindən qrant alır.

QHT-lərə Dövlət Dəstəyi Agentliyinin 2026-cı il üzrə qrant müsabiqəsində Prezident Administrasiyasında çalışan məmurların ailə üzvlərinə məxsus QHT-lərin qrant alması halları az deyil. (Qarşıdakı günlərdə həmin layihələr barədə ətraflı məlumat verəcəyik. Red.)

Amma bizi düşündürən sual odur ki, dövlət büdcəsinə nəzarət edən qurumlar və şəxslər insanların sosial problemlərini həll etmək əvəzinə, uşağını xarici universitetdə oxutduran məmura kömək etmək üçün məmur QHT-lərinə böyük vəsaitlərin ayrılmasına necə göz yumur? QHT-lərə Dövlət Dəstəyi Agentliyi hansı şəffaflıqdan danışır? Hansı islahatdan danışır?

QHT sektorunun əsas məqsədi nədir? Vətəndaşa xidmət.

Əgər vətəndaş cəmiyyətinə ayrılan dövlət vəsaiti getdikcə dövlət aparatında çalışan şəxslərin ailə çevrəsinə yaxınlaşırsa, burada çox ciddi paradoks yaranır.

Adı vətəndaş cəmiyyətidir. Amma qrantın ünvanı məmur ailəsidir.

Buna nə deyək?

Məmur cəmiyyəti?

Bəlkə “ailəvi vətəndaş cəmiyyəti”?

Yaxud daha müasir variant:

“Qohumluq əsaslı QHT sektoru”?

Satira bir yana. Məsələ ciddidir. Çünki QHT sektoru dövlətin köməkçi strukturu deyil.

QHT-lər cəmiyyətin problemlərini dövlətin diqqətinə çatdırmalı, vətəndaşların hüquqlarını müdafiə etməli, sosial boşluqları doldurmalıdır.

Əgər qrant sistemi “kimin kimə yaxın olduğu” barədə suallar doğurursa, bu, yalnız bir neçə təşkilatın problemi deyil.

Bu, bütün sektorun nüfuzuna zərbədir.(Yenixeberorg.com)

Səhiyyə Nazirliyinin Azərbaycan Elmi-Tədqiqat Tibbi Bərpa İnstitutu Publik Hüquqi Şəxsinin sabiq baş direktoru Mətanət Əfəndiyeva barəsində tətbiq edilən cərimə ləğv edilib və məsələ yenidən araşdırılacaq.

Bizimesr.media bildirir ki, Qaynarinfo-nun məlumatına görə, sabiq baş direktor Mətanət Əfəndiyeva Elmi-Tədqiqat Tibbi Bərpa İnstitutunda həkim-radioloq vəzifəsində işləyən Ramil Abdullayevin şikayəti əsasında İnzibati Xətalar Məcəlləsinin 192.5-ci maddəsi ilə 2 000 manat (**düzəliş edildi**) cərimə olunub.

Bir neçə ay əvvəl vəzifəsindən azad edilən Mətanət Əfəndiyeva Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən barəsində tərtib edilən protokolun qanunsuz və əsassız olduğunu hesab edərək məhkəməyə müraciət edib.

Mətanət Əfəndiyeva

O, iddia edib ki, Ramil Abdullayev məzuniyyətdə olduğu vaxt sabiq baş direktor tərəfindən işə çağırılması barədə əmr olmadığı halda rəhbərliyə hər hansı məlumat vermədən işə çıxaraq pasiyentləri qəbul edib.

R. Abdullayevin rəhbərliyə bu barədə hər hansı məlumat vermədən, özbaşına işə çıxdığı, guya rəhbərlik tərəfindən işə çağırıldığı barədə xəstələrin qəbulu və qeydiyyatı şöbəsinə məlumat verərək əməkdaşları inandırdığı və bununla da ona pasiyent yönləndirilməsinə nail olduğu iddia edilib. Məsələnin üzə çıxmasından sonra isə izləri itirmək üçün İcbari Tibbi Sığorta sisteminə daxil olaraq müvafiq məlumatları sildiyi bildirilib.

Ramil Abdullayev

Həmçinin bu hadisə ilə bağlı İcbari Tibbi Sığorta tərəfindən şifahi şəkildə həkimin məzuniyyətdə olduğu halda işləməsinin qanunsuz olduğu bildirilib və həmin həkimin göstərdiyi xidmətlərin sistemdən silinməsi tələb olunub. Bildirilib ki, əks halda müəssisəni böyük cərimə gözləyir. Məhkəmədə Mətanət Əfəndiyevanın Dövlət Əmək Müfəttişliyi Xidmətinin qərarından verdiyi şikayət qismən təmin olunub və həmin qərar ləğv edilib. Qərarın surəti yenidən araşdırma aparılması üçün Dövlət Əmək Müfəttişliyi Xidmətinə göndərilib.

Qeyd edək ki, ötən ilin dekabrında həkim-radioloq Ramil Abdullayev KİV-lərə açıqlamasında Azərbaycan Elmi-Tədqiqat Tibbi Bərpa İnstitutu Publik Hüquqi Şəxsində həkim-radioloq vəzifəsində işləyərkən rəhbərlik tərəfindən təzyiq və qanunsuz tələblərlə üzləşdiyini iddia edib.

O, son bir neçə ay ərzində institutun direktoru Mətanət Əfəndiyeva tərəfindən təzyiq və təhdidlərə məruz qaldığını deyib. Həkim iddia edib ki, direktor ondan icbari tibbi sığorta xətti ilə aldığı bonusların yarısını tələb edib və bu təkliflə razılaşmadığına görə rəhbərlik tərəfindən fəaliyyətinə məhdudiyyət qoyulub.


Qaynarinfo

Binəqədi rayonunun Biləcəri qəsəbəsində, “Ağ Saray” şadlıq sarayının arxasında söküntü və tikinti işlərinin aparıldığı bildirilir.

Biziməsr.media-nın redaksiyasına daxil olan videogörüntülərdə ərazidə bir sıra yaşayış evlərinin satın alınaraq söküldüyü, həmin ərazidə isə genişmiqyaslı tikinti işlərinin aparıldığı görünür.

Redaksiyaya daxil olan məlumatlara görə, söküntü işləri zamanı ərazidəki çoxsaylı ağacların da məhv edildiyi iddia olunur.

Ərazidə aparılan tikinti ilə bağlı digər ciddi iddialar da səsləndirilir. Məlumata görə, tikinti işlərini həyata keçirən sahibkarın Binəqədi Rayon İcra Hakimiyyəti başçısının müavini Hacıbaba Babayevlə yaxın münasibətlərinin olduğu bildirilir.

Həmçinin tikinti işlərinə rayon icra hakimiyyətinin başçısı Elxan Allahverdiyev tərəfindən razılıq verildiyi bildirilir. Məlumata görə, söküntü və tikinti işlərinin qanuni əsaslarının, eləcə də layihə və icazə sənədlərinin natamam olduğu deyilir.

Xüsusilə yaşayış evlərinin sökülməsi, yeni tikintiyə icazələrin mövcudluğu, ərazidə ağacların kəsilib-kəsilmədiyi və yaşıllıqların məhv edilməsinə qanuni əsasların olub-olmaması ilə bağlı ictimaiyyətə açıqlama verilməsi vacibdir.

“Biziməsr.media” məsələ ilə bağlı Binəqədi Rayon İcra Hakimiyyətinin, aidiyyəti şəhərsalma və ekologiya qurumlarının mövqeyini öyrənmək üçün sorğu göndərib.

Araşdırmanın nəticələrindən asılı olaraq məsələyə yenidən qayıdacağıq.

Bizimesr.media

VİDEO LİNKDƏ: https://bizimesr.media/az/post/bileceride-evler-sokuldu-agaclar-kokunden-cixarildi---erazini-alan-sahibkar-kimdir---video-22925

Ermənistanın Gümrü şəhərində yerləşən Rusiyanın 102-ci hərbi bazası Ukrayna-Rusiya müharibəsi fonunda mümkün hərbi hədəf kimi gündəmə gəlib.

Müzakirələrin əsasını bazanın Rusiya hərbi qüvvələrinin regiondakı fəaliyyəti baxımından mühüm obyekt olması və Moskvanın Cənubi Qafqazdakı hərbi imkanlarının bir hissəsini təşkil etməsi ilə bağlı fikirlər təşkil edir.

İddialara görə, əgər bazanın Rusiya ordusunun Ukraynaya qarşı hərbi əməliyyatlarına birbaşa və ya dolayı şəkildə logistika, təchizat və digər hərbi imkanlarla dəstək verdiyi müəyyənləşərsə, Kiyev tərəfindən onun hərbi əhəmiyyət daşıyan obyekt kimi qiymətləndirilməsi mümkündür. Bu isə gələcəkdə bazanın mümkün hədəflər sırasında nəzərdən keçirilməsi ilə bağlı suallar yaradır.

Rusiya-Ukrayna müharibəsinin coğrafiyasının genişlənməsi ehtimalı Cənubi Qafqaz üçün də yeni təhlükəsizlik ssenarilərini gündəmə gətirir. Xüsusilə Rusiyanın Ermənistandakı hərbi mövcudluğu fonunda Gümrüdə yerləşən baza Moskvanın regiondakı əsas hərbi dayaqlarından biri hesab olunur.

102-ci Rusiya hərbi bazası Ermənistanın ikinci böyük şəhəri olan Gümrüdə yerləşir. Bazanın tərkibində hərbi aviasiya və digər hərbi birləşmələr mövcuddur. Bu səbəbdən obyekt yalnız Ermənistan-Rusiya münasibətləri baxımından deyil, ümumilikdə Cənubi Qafqazın təhlükəsizlik sistemi baxımından strateji əhəmiyyət daşıyır.

Ukraynanın müharibə dövründə Rusiyanın hərbi infrastrukturuna qarşı uzaqmənzilli zərbələrdən istifadə etməsi isə bu məsələyə əlavə diqqət yaradır. Əgər gələcəkdə Rusiyanın Ermənistandakı hərbi obyektlərindən Ukraynaya qarşı əməliyyatlarda istifadə edildiyinə dair konkret sübutlar ortaya çıxarsa, həmin obyektlərin Kiyev tərəfindən necə qiymətləndiriləcəyi ayrıca müzakirə mövzusuna çevrilə bilər.

Dövlət Reklam Agentliyi növbəti tenderinə yekun vurub. Agentlik mebellərin satın alınması prosesini həyata keçirəcək.


Məlumatda qeyd edilir ki, mebellərin alınması ilə bağlı tenderin qalibi fiziki şəxs Əsəd Qacar oğlu Əzizovdur. Onunla 158 min 295 manatlıq müqavilə bağlanıb.


Qeyd edək ki, Əsəd Əzizovla bağlı açıq mənbələrdə maraqlı məlumatlar mövcuddur. Belə ki, onun Masallı şəhər bələdiyyəsinin sədr müavini olduğu qeyd edilir. Bildirlir ki, Əsəd Əzizov bələdiyyə seçkilərinə qatılarkən onun tərcümeyi-halında fərdi sahibkarlıqla məşğul olduğu qeyd edilib.


Əsəd Əzizov çoxlu sayda tenderlərə qatılaraq, qalib olub. Son iki ildə bu şəxs toplam 8 tender udub.


Onların arasında Mədəniyyət Nazirliyinin tabeliyində olan “Əsasəlı Tikinti və Təchizat” MMC (126 min 416 manat), AQTA (35 min 936 manat və 36 min 367 manat), AMEA-nın İnformasiya Texnologiyaları İnstitutu (7.280 manat), “Aqrarkredit” QSC (12 min 985 manat) və Ağcabədi İcra Hakimiyyəti (16 min 461 manat) var.


Yazıda adı keçən şəxsləri dinləməyə və mövqeyini dərc etməyə hazırıq.


Bizimesr.media

Azərbaycanın təhsil sistemində STEAM layihəsi ən böyük büdcə ayırmalarına malik olan istiqamətlərdən birinə çevrilib. Layihə çərçivəsində məktəblər və STEAM mərkəzləri müxtəlif avadanlıqlarla təmin edilir. Şübhəsiz ki, layihənin maliyyə təminatı da var. Bu məqsədlə də dövlət büdcəsindən vəsait ayrılır və bu vəsait dövlət satınalmaları vasitəsilə xərclənir.
Lakin dövlət satınalmaları portalının (satinalma.gov.az) rəsmi məlumatları və maliyyə zənciri üzrə aparılan təhlillər göstərir ki, STEAM avadanlıqlarının satınalınması prosesində büdcə vəsaitlərinin mənimsənilməsinə söykənən, ciddi suallar yaradan çoxqatlı mexanizm formalaşdırılıb.
Tenderin görünən qalibləri, əslində…
Bir bunu deyən yazı "1. XARİCİ TACHİZATÇILAR va İSTEHSALÇILAR Tak Alıcı: İSTEAM MMC 2. İSTEAM MMC (Faktiki mülkiyyatçi: Nihad Hanifayev Nazir Emin amrullayevin Qaynı) Tak Alıcı: VIVA MMC JBA GROUP MMΣ 3. VIVA MMC JBA GROUP MMC (Tenderlarin Daimi Qaliblari) Tender Müqavilasi va Dövlat Ödanişi 4. SİFARİŞÇİ: Elm va Tahsil Nazirliyinin arazi Tikinti Tachizat idarasi" şəkili ola bilər

Bu araşdırmada əsas məqsəd sadəcə “STEAM üçün nə qədər pul xərclənib?” sualına cavab tapmaq deyil. Öncə bu sualllara cavab tapmalıyıq - şirkətlər Elm və Təhsil Nazirliyinin tenderlərini necə qazanıb, avadanlıqlar hansı qiymətlərlə alınıb, bu prosesdə eyni şəxslərin və ya əlaqəli şirkətlərin təkrar-təkrar qarşıya çıxmasının səbəbi nədir?
Topladığım məlumatlara əsasən, ETN-də mənimsəmə və korrupsiya zənciri olduğu ciddi şübhələr yaradan prosesin mərkəzində dayanan şəxs “İSTEAM” MMC-nin rəhbəri Nihad Hənifəyevdir. N.Hənifəyev isə Elm və Təhsil naziri Emin Əmrullayevin qaynıdır.
“İSTEAM MMC” vasitəsilə xərclənən külli miqdarda vəsaitlərin nazir E.Əmrullayevin ailə çevrəsinə və yaxınlarına yönəldilməsi ilə bağlı ciddi suallar yaranır.
Aşağıdakı (cədvəldəki) göstəricilərdən aydın olur ki, təkcə 2024-cü ilin noyabr ayında “JBA GROUP” MMC ilə ümumi məbləği 11,5 milyon manatdan çox olan iki böyük müqavilə bağlanıb.
Bir broqi model ayaqqabılar şəkili ola bilər

2025-ci ilin avqust ayında isə bu “missiya”nı 9,95 milyon manat dəyərində tenderlə "VİVA MEDICAL GROUP" MMC təhvil alıb.
Maraqlıdır ki, bu tenderlərin görünən qalibləri dəyişsə də, gətirilən bütün avadanlıqların yeganə daxili təchizatçısı dəyişməz olaraq nazir E.Əmrullayevin qaynı Nihad Hənifəyevin nəzarətindəki “İSTEAM” MMC olaraq qalır.
Diqqət çəkən əsas məqam odur ki, “İSTEAM” MMC dövlət tenderlərində hər dəfə birbaşa qalib kimi görünmür. Bunun əvəzində tenderin qalibi başqa şirkət olur, həmin şirkət isə avadanlığı ölkə daxilində “İSTEAM” MMC-dən əldə edir. Nəticədə tender sənədində bir şirkətin adı, təchizat zəncirində isə başqa şirkətin adı görünür.
N.Hənifəyevin idarə elədiyi bu “mürəkkəb sxem” malların bilavsaitə ilkin xarici istehsalçıdan alınıb sonuncu dövlət büdcəsi hesabına təhvil verilməsinədək bir neçə pilləli qapalı zəncir üzərində qurulub.
Məlumata görə, nazir E.Əmrullayev formalaşdırdığı sistemi bu şəxslərin vasitəsilə idarə edir:- Nazirin qaynı Nihad Hənifəyev - büdcə vəsaitlərinin mənimsənilməsini təşkil edən əsas yönəldici şəxs. O, xarici təchizatçılardan STEAM avadanlıqlarının tək rəsmi importoru olan “İSTEAM” MMC-nin faktiki mülkiyyətçisidir. Əvvəllər “Kaspi” liseyləri şəbəkəsində çalışıb və "Kaspi" kurslarının/proqramlarının (filiallarının) birinin rəhbəri olub. Hal-hazırda N.Hənifəyevin həyat yoldaşı "Kaspi" liseyləri şəbəkəsində bağça müdirəsidir.
- Elnur Qəzənfər oğlu Əliyev - Azərbaycan Respublikasının Təhsil İnstitutunun (ARTİ) v.i.e. direktoru. O, nazir E.Əmrullayevin müşaviri və onun uzun illərdən bəri əsas “silahdaşı” kimi tanınır. Əvəllər "Kaspi" liseylər qrupunun keçmiş baş direktoru vəzifəsində çalışıb. Məlumata görə, dövlət qurumlarında vəzifəyə keçdikdən sonra "Kaspi"dəki fəaliyyətlərin idarə olunmasını qardaşı Elşən Əliyevə (yaxın dövrə qədər həmin liseylərdən birinin direktoru) təhvil verib.
- Tural Ayvazlı - Nazir Emin Əmrullayevin müşaviri. O, maliyyə məsələlərinə nəzarət edir və nazirin ailə çevrəsinə daxil olan əsas şəxslərdən biri kimi qəbul edilir. T.Ayvazlının bacısı Xəyalə Əhmədzadə də Bakı Şəhər Təhsil İdarəsinin müdir müavinidir.
- Nazirin sinif yoldaşı Valeh Mirzəliyev - Sifarişçi qurum olan Elm və Təhsil Nazirliyinin Ərazi Tikinti Təchizat İdarəsinin rəisi vəzifəsində çalışır.
- Nazirin sinif yoldaşı Zamiq Məmmədov - Qrup daxilində satınalma və inzibati zəncirin digər idarəedici halqasının mərkəzində dayanan şəxsdir.
“VİVA” MMC və “JBA GROUP” MMC Dövlət satınalmalarında formal olaraq "açıq tender qalibi" kimi çıxış edən, əslində isə “İSTEAM” MMC-nin (Nihad Hənifəyevin) ölkə daxilindəki tək alıcılarıdır.
Bəs xaricdən alınan məhsulun üzərində qurulan qiymətlər zəncirvari şəkildə necə artırılır?
Qeyd etdiyimiz kimi, dövlət satınalmaları haqqında qanunvericiliyin tələblərini pərdələmək üçün “İSTEAM” MMC tenderlərdə birbaşa qalib kimi göstərilmir. Bunun əvəzində, əvvəlki illərdə "JBA GROUP" MMC, sonrakı dövrdə isə "VİVA MEDICAL GROUP" MMC dövlət tenderlərinin "daimi qalibi" edilir. Bu şirkətlər tenderdə təklif etdikləri avadanlıqları ölkə daxilində yalnız N.Hənifəyevin “İSTEAM” MMC-sindən alırlar.
Beləliklə, mallar xaricdən real maya dəyərinə alındıqdan sonra N.Hənifəyevin şirkətində süni şəkildə dəfələrlə baha qiymətə sənədləşdirilir və vasitəçi şirkətlər üzərindən dövlət büdcəsinə satılır. Əgər məhsul xarici istehsalçıdan müəyyən qiymətə alınırsa, daha sonra ölkə daxilində bir və ya bir neçə şirkət arasında hərəkət edir və sonda dövlət büdcəsi hesabına daha yüksək qiymətlə satılırsa, bu zaman hər mərhələnin iqtisadi əsaslandırılması ortaya qoyulmalıdır. Burada söhbət sadəcə şirkətlərin mənfəət əldə etməsindən getmir. Söhbət dövlət büdcəsindən ödənilən milyonlarla manatın hansı qiymət formalaşması mexanizmi ilə son satıcıya çatmasından gedir.
Araşdırmalar göstərir ki, avadanlıqların xarici ölkələrdəki real satış qiyməti ilə dövlətə satılan qiyməti arasındakı böyük fərq var. Şişirdilmiş qiymətlərlə dövlət büdcəsindən şirkətlərə köçürülən milyonlarla manat vəsait “İSTEAM” MMC hesablarına köçürülür, bəs bundan sonra pulların taleyi necə olur?

Əvəzedilməz qohum təchizatçı
Bir bunu deyən yazı "Satınalan Predmeti Qalib Şirkat/ Status Taklifin/ Ehtimal Tarix Açılış Elm Tahsil Nazirliyinin arazi Tikinti Tachizat İdarasi Olunan Qiymat STEAM istiqamati markazlar üçün avadanlıgların alınması GROUP" MMC 563 854,46 AZN Elm va Tahsil Nazirliyinin arazi Tikinti Tachizat İdarasi 20.11.2024 Tadris laboratoriyaları va STEAM avadanlıqlarının alınması GROUP" MMC AZN Elm Tahsil Nazirliyinin arazi Tikinti Tachizat İdarasi Tadris laboratoriyaları va STEAM satın alınması "VIVA MEDICAL GROUP" MMC (VIVA MMC) AZN Elm อ Tahsil Nazirliyinin arazi Tikinti Tachizat İdarasi Tahsil müassisalarinin tadris laboratoriyaları STEAM istiqamatli markazlar üçün avadanlıqların satınalınması Davam edan açıq tender 413 AZN (Ehtimal olunan qiymat) (Takliflarin son tagdimi zarflarin açılışı)" şəkili ola bilər

Nazir öz qaynının şirkətinin bazarda mütləq hegemonluğunu təmin etməklə digər azad sahibkarları STEAM təchizatı bazarından tamamilə sıxışdırıb çıxarır.
Aparılan araşdırmalarda aydın olur ki, nazir E.Əmrullayev və onun sinif yoldaşları, tələbə yoldaşları, əsgər yoldaşları, qohumları bütün irihəcmli dövlət satınalmaları üzrə proseslərə, eləcə də birmənbə hesabına maliyyələşən digər layihələrə faktiki nəzarəti tam ələ keçirib.
STEAM layihəsi isə Azərbaycan təhsilinin texnoloji gələcəyi üçün nəzərdə tutulmuş böyük dövlət layihəsidir. Lakin bu layihəyə ayrılan milyonlarla manatın necə xərclənməsi də ən azı layihənin özü qədər vacib məsələdir.
Nə üçün müxtəlif illərdə tenderlərin qalibləri dəyişsə də, STEAM avadanlıqlarının daxili təchizat zəncirində eyni şirkət meydana çıxır? Nə üçün həmin şirkətin rəhbəri nazirinin yaxın qohumudur? Avadanlıqlar xaricdən hansı qiymətə alınır və dövlətə hansı qiymətə satılır? Dövlət büdcəsindən ayrılan milyonlarla manatın son dayanacağı haradır?
Bütün bu sualalrın cavabı tapılmalıdır.
Samir Feyruzov

Bizimesr.media

Sabunçu rayonunda ağacların məhv edilməsi ilə bağlı növbəti narazılıq qeydə alınıb.
Bizimesr.media -nın redaksiyasına təqdim olunan fotofaktlara əsasən, hadisə Sabunçu rayonu, Ülvi Rəcəb küçəsi 64 ünvanında, “Firuzə” Şadlıq Sarayının qarşısında, “Optimal Electronics” mağazasının arxa hissəsində baş verib.

Təqdim edilən fotolardan birində ərazidə sağlam ağacın olduğu görünür. Digər fotoda isə həmin ağacın artıq yerində olmadığı, kökündən çıxarılaraq artıq məhv edildiyi görmək olar. Ağacın yerləşdiyi ərazidə sonradan qanunsuz tikinti işləri aparılıb.
Rayon sakinlərinin sözlərinə görə, Sabunçu rayonunda bu cür hallara tez-tez rast gəlinir. Onlar qanunsuz tikinti iddiaları ilə yanaşı, sağlam ağacların da məhv edilməsindən narahatlıq bildirirlər.
Ərazidə aparılan tikinti işləri ilə bağlı qanun pozuntuları aidiyyəti qurumlar tərəfindən araşdırılmalıdır. Eyni zamanda, tikinti adı altında sağlam ağacların məhv edilməsinə yol vermiş şəxslər də cəzalandfırılmalıdır.

Sabunçu Rayon İcra Hakimiyyətinin başçısı Adil Vliyevin ərazidə aparılan işlərə və ağacın məhv edilməsi faktına münasibət bildirməsi vacibdir. Ekologiya və Təbii Sərvətlər Nazirliyinin ərazi üzrə müvafiq nümayəndəliyinin də məsələni araşdırması və ağacın hansı əsasla kökündən çıxarıldığına aydınlıq gətirməsi yaxşı olardı. Diqqətdə saxlayacağıq.

Bizimesr.media