Sumqayıt Dövlət Universitetinin (SDU) III tədris korpusunda mövcud şəraitlə bağlı tələbələrin narazılığı getdikcə artır. Redaksiyamıza müraciət edən bir qrup tələbə ali təhsil müəssisəsinin tədris binasında ciddi problemlərin olduğunu, mövcud şəraitin normal təhsil almağa imkan vermədiyini bildirir.

Tələbələrin sözlərinə görə, universitetin III korpusu müasir ali təhsil müəssisəsinin tədris binasına qoyulan tələblərə cavab vermir. Binanın yerləşdiyi ərazidən tutmuş auditoriyaların vəziyyətinə, texniki təminatdan internet probleminə qədər çoxsaylı çatışmazlıqlar tədrisin keyfiyyətinə mənfi təsir göstərir.

Şikayətçilərdən biri binadakı vəziyyəti belə təsvir edir:

“Bina təhsil müəssisəsindən çox həbsxanaya bənzəyir. Məhəllənin içərisində yerləşir, həyəti çox kiçikdir, dəhlizlərdə iki nəfər yanaşı hərəkət etməkdə çətinlik çəkir. Tələbələrin sərbəst hərəkət etməsi, dərsarası fasilələrdə istirahəti üçün normal şərait yoxdur”.

Auditoriya çatışmazlığı: Müəllim və tələbələr dərs keçməyə otaq axtarır

Tələbələrin səsləndirdiyi ən ciddi problemlərdən biri auditoriya çatışmazlığıdır.

Bildirilir ki, əvvəllər “Tarix və Coğrafiya” fakültəsi kimi tanınan fakültənin III korpusa köçürülməsindən sonra vəziyyət daha da ağırlaşıb. Tələbə sayının artması onsuz da məhdud olan tədris sahəsində ciddi sıxlıq yaradıb.

İddialara görə, bəzi hallarda dərs saatı başlasa da, müəllim və tələbələr boş auditoriya tapmaq üçün dəhlizlərdə vaxt itirməli olurlar. Nəticədə dərsə ayrılmış vaxtın müəyyən hissəsi auditoriya axtarışına sərf edilir.

Ortaya haqlı sual çıxır: Universitet rəhbərliyi əlavə tələbə kontingentini III korpusa köçürərkən binanın tutumunu və auditoriya imkanlarını nəzərə alıbmı?

Əgər tələbə və müəllim dərs zamanı auditoriya axtarırsa, burada tədris prosesinin düzgün təşkilindən danışmaq nə dərəcədə mümkündür?

Universitetin yanında avtoyuma: Dərs zamanı motor səsləri eşidilir

Şikayətlərdə diqqət çəkən digər məsələ binanın yaxınlığında fəaliyyət göstərən avtoyuma məntəqəsidir.

Tələbələrin bildirdiyinə görə, avtoyuma istiqamətinə baxan auditoriyalarda dərs zamanı su motorlarının yüksək səsi eşidilir. Bu isə həm müəllimlərin dərsi izah etməsinə, həm də tələbələrin mövzunu mənimsəməsinə mane olur.

Ali təhsil müəssisəsində dərsin normal keçirilməsi üçün elementar akustik şəraitin təmin olunması vacib olduğu halda, universitet rəhbərliyinin bu problemin aradan qaldırılması istiqamətində hansı addımları atdığı məlum deyil.

Proyektorlar işləmir, internet yoxdur, elektron jurnal problemi yaşanır

Müasir universitetlərdə rəqəmsal tədris imkanlarının genişləndirilməsi prioritet hesab edilsə də, SDU-nun III korpusundan daxil olan şikayətlər tamamilə fərqli mənzərəni ortaya qoyur.

Tələbələrin iddiasına əsasən, auditoriyaların çox az hissəsində proyektor mövcuddur, onların da əksəriyyəti işlək vəziyyətdə deyil.

Bundan başqa, müəllimlərin istifadəsi üçün normal internet təminatının olmadığı, mobil rabitə və internet şəbəkəsinin binada zəif işlədiyi bildirilir.

Bu səbəbdən müəllimlər dərs zamanı elektron jurnalda tələbələrin davamiyyətini və qiymətlərini qeyd etməkdə çətinlik çəkirlər.

XXI əsrdə universitet binasında müəllimin elektron jurnala daxil ola bilməməsi, tələbənin isə normal texniki vasitələrlə tədrisdən yararlana bilməməsi universitet rəhbərliyi üçün ciddi siqnal olmalıdır.

Kiçik bufet, dar dəhlizlər və sıxlıq – tələbələr fasilədə harada dincəlsin?

Tələbələrin narazılığı təkcə auditoriyalarla məhdudlaşmır.

Müraciətdə qeyd edilir ki, yüzlərlə tələbənin istifadə etdiyi binanın bufetində cəmi 5-6 masa yerləşir. Bu səbəbdən dərsarası fasilələrdə tələbələrin əyləşməsinə, qidalanmasına və istirahətinə kifayət qədər yer tapılmır.

Binanın həyətinin kiçik olması da problemi daha da artırır.

Belə olan halda sual yaranır: Universitet rəhbərliyi tələbələrin yalnız dərs keçməli olduğunu düşünür, yoxsa onların təhlükəsizliyi, rahatlığı və normal sosial-məişət şəraiti də diqqətdə saxlanılmalıdır?

Təmir adı altında yalnız boya işləri aparılıb?

Tələbələrin daha bir ciddi narazılığı binada aparıldığı bildirilən təmir işləri ilə bağlıdır.

Şikayətçilər iddia edirlər ki, III korpusun təmiri barədə məlumatlar yayılsa da, görülən işlər əsasən boya işləri ilə məhdudlaşıb.

Onların fikrincə, binada ciddi yenilənməyə ehtiyac olduğu halda, kosmetik dəyişikliklər real problemləri aradan qaldırmayıb.

Tələbələr hətta bir çox orta məktəbin maddi-texniki və infrastruktur imkanlarının universitetin III korpusundan daha yaxşı olduğunu bildirirlər.

Burada əsas məsələ binanın divarlarının hansı rəngə boyanması deyil, həmin divarların arasında tələbələrə hansı keyfiyyətdə təhsil verilməsidir.

Universitet rəhbərliyi bu suallara cavab verməlidir!

Tələbələrin səsləndirdiyi iddialar Sumqayıt Dövlət Universitetinin rəhbərliyi qarşısında bir sıra ciddi suallar yaradır.

III korpusda faktiki neçə tələbə təhsil alır və binanın layihə üzrə tutumu nə qədərdir? Fakültələrin bu korpusa köçürülməsi zamanı auditoriya çatışmazlığı niyə nəzərə alınmayıb? İşləməyən proyektorların, internet təminatının və digər texniki problemlərin aradan qaldırılması üçün hansı tədbirlər görülüb? Binada aparılan təmir işlərinin real həcmi nədən ibarət olub?

Ən əsası, universitet rəhbərliyi tələbələrin illərlə belə şəraitdə təhsil almasını normal hesab edirmi?

Ali təhsil yalnız diplom verməkdən ibarət deyil. Universitet tələbəyə müasir biliklə yanaşı, həmin biliyi mənimsəmək üçün təhlükəsiz, rahat və müasir tədris mühiti də yaratmalıdır.

Tələbələrin müraciətində əksini tapan problemlər təsdiqini taparsa, bu, III korpusda tədrisin təşkili və maddi-texniki təminatla bağlı ciddi idarəetmə çatışmazlıqlarının mövcudluğunu göstərə bilər.

Hesab edirik ki, Elm və Təhsil Nazirliyi və Sumqayıt Dövlət Universitetinin rəhbərliyi səsləndirilən iddiaları yerində araşdırmalı, tələbələrin narazılığına aydınlıq gətirməli və konkret tədbirlər barədə ictimaiyyətə məlumat verməlidir.

Çünki universitetin nüfuzu yalnız rəsmi hesabatlarla, təmir xəbərləri və təqdimatlarla deyil, auditoriyada dərs keçən müəllimin və həmin auditoriyada təhsil alan tələbənin real şəraiti ilə ölçülür.

Qeyd: Yazı redaksiyaya daxil olmuş tələbə şikayəti əsasında hazırlanıb. Səsləndirilən iddialar müstəqil qaydada təsdiqlənməyib. Sumqayıt Dövlət Universitetinin rəhbərliyinin və aidiyyəti qurumların məsələyə münasibətini dərc etməyə hazırıq.

BNTV.AZ

"Siyəzənneft NQÇİ-də son illər ərzində işçi sayının kəskin azalması artıq adi kadr çatışmazlığı problemi olmaqdan çıxaraq, istehsalatın fasiləsizliyi, əməyin mühafizəsi, texniki təhlükəsizlik və neft hasilatının davamlılığı baxımından sistemli və təhlükəli problemə çevrilmişdir..." "DİA-AZ" xəbər verir ki, bu sözlər SOCAR işçisi Zamiq Əliyevin sözügedən qurumun rəhbərliyinə ünvanladığı müraciətində yer alıb.
Müraciətdə daha sonra deyilir: "Məlum olduğu kimi, Siyəzənneft NQÇİ-də bir zamanlar təxminən 1500 nəfər işçi çalışdığı halda, hazırda bu rəqəm təxminən 400 nəfər səviyyəsinə qədər azalmışdır. İşçi sayının azalmasının əsas səbəbləri arasında uzun illər ərzində çalışan əməkdaşların pensiyaya çıxması, müəyyən sayda işçilərin əmək haqqının bir neçə mislini almaqla əmək müqaviləsinə xitam verilməsi və bəzi əməkdaşların vəfat etməsi kimi obyektiv səbəblər mövcuddur.
Lakin ən ciddi problem ondan ibarətdir ki, təqaüdə çıxan və sıradan çıxan işçi qüvvəsinin yerinə yeni, xüsusilə gənc və peşəkar kadrların sistemli şəkildə hazırlanması və istehsalata cəlb edilməsi təmin edilməmişdir Nəticədə hazırda bir sıra sahələrdə iş yükü faktiki olaraq mövcud işçilərin fiziki və peşə imkanlarını aşan həddə çatmışdır
Hazırkı vəziyyətdə bəzi sahələrdə bir operatorun 30, 40, hətta 50 neft quyusuna nəzarət etməsi, "montyor"un axşam növbəsində tək qalması, maşinist çatışmazlığı və əməkdaş məzuniyyətə çıxdıqda bir neçə işçinin yerinə qalan işçilərin işləməyə məcbur olması ciddi narahatlıq doğurur və psixoloji gərginlik yaradır.
Eyni zamanda bir sıra hallarda bir neçə sahənin texniki xidmət yükünün cəmi 2 çilingərin üzərinə düşməsi işin keyfiyyətinə, operativliyinə və təhlükəsizliyinə mənfi təsir göstərə biləcək real şərait yaradır.Belə iş rejimi uzun müddət davam etdirildikdə əməkdaşın diqqətinin azalması, yorğunluğun artması, texnoloji proseslərdə səhv ehtimalının yüksəlməsi və qəza riskinin artması qaçılmaz nəticələrə çevrilə bilər və motivasiyanın aşağı düşməsinə səbəb olur
İdarənin başbilənləri tez tez güya rusk qiymətləndirməsi etsələr də qeyd edim ki İşçi çatışmazlığının davam etməsi aşağıdakı istehsalat fəsadlarını yarada və ya daha da dərinləşdirə bilər
Bunlar avadanlıqlarda yaranan nasazlıqların operativ aradan qaldırılmaması,quyuların nəzarətsiz və ya lazımi səviyyədə nəzarət olunmadan qalması,hasilat prosesində fasilələrin və itkilərin yaranması,avadanlıqların texniki vəziyyətini pisləşməsi,planlaşdırılmış təmir və profilaktik tədbirlərin gecikməsi,istehsalat göstəricilərinin aşağı düşməsi;neft hasilatında itkilərin yaranması,işçilərin normadan artıq iş yükü altında qalması və işin keyfiyyətinə və operativ idarəetməyə mənfi təsirləridir.
Bildiyiniz kimi Neft-qaz hasilatı yüksək riskli istehsalat sahəsidir. Burada insan amili, operativ nəzarət və texniki xidmətin vaxtında həyata keçirilməsi birbaşa təhlükəsizliklə bağlıdır.
Xüsusilə gecə növbəsində işçinin tək qalması, bir operatorun həddindən artıq sayda istehsalat obyektinə nəzarət etməsi və texniki xidmət işlərinin azsaylı əməkdaşların üzərinə düşməsi əmək yükünün və yorğunluğun artmasına, insan səhvi ehtimalının yüksəlməsinə və fövqəladə vəziyyətə müdaxilə imkanlarının zəifləməsinə səbəb ola bilər ki bunu da yəqin ki təqdir edərsiniz.
Siyəzənneft NQÇİ-nin mövcud kadr strukturunda uzun illər, o cümlədən 30–40 il əvvəl işə qəbul edilmiş təcrübəli əməkdaşların əhəmiyyətli hissəsinin artıq pensiya yaşına çatması xüsusi diqqət tələb edir.
Bu əməkdaşlar hər il bir-birinin ardınca istehsalatdan ayrıldıqca, onların yerinin yeni kadrlarla doldurulmaması nəticəsində NQÇİ-nin insan resursları bazası daha da zəifləyir
Yuxarıda göstərilənləri nəzərə alaraq, SOCAR rəhbərliyindən aşağıdakı məsələlərin araşdırılmasını və müvafiq tədbirlərin görülməsini istehsalat təhlükəsizliyinin və müəssisənin normal fəaliyyətinin təmin edilməsi baxımından zəruri hesab edirəm:
Hesab edirəm ki Hər bir sahə üzrə faktiki iş yükü, növbə sayı və işçi təminatı ayrıca qiymətləndirilsin.Bir işçinin normativ vəzifə yükündən artıq olaraq bir neçə işçinin funksiyasını yerinə yetirdiyi sahələr müəyyən edilsin.Operatorların nəzarət etdiyi neft quyuları və digər istehsalat obyektlərinin sayı əməyin mühafizəsi və istehsalat təhlükəsizliyi baxımından qiymətləndirilsin.
Gecə növbəsində tək işləyən əməkdaşların olduğu sahələr üzrə risk qiymətləndirilməsi aparılsın.Çilingər, montyor, maşinist, operator və digər istehsalat peşələri üzrə kadr çatışmazlığının real statistikası müəyyənləşdirilsin.Pensiya yaşına yaxınlaşan əməkdaşların siyahısı əsasında əvəzləyici kadr hazırlığı proqramı yaradılsın.Siyəzənneft NQÇİ-yə mərhələli şəkildə gənc, ixtisaslı və texniki hazırlıqlı kadrların cəlb edilməsi təmin edilsin.
SOCAR kimi strateji əhəmiyyətli dövlət şirkətinin tərkibində fəaliyyət göstərən Siyəzənneft NQÇİ-nin gələcək fəaliyyət qabiliyyətinin qorunması üçün gənc kadrların bu gündən hazırlanması və istehsalata cəlb edilməsi zəruri tədbir deyil, strateji zərurətdir.
Hesab edirəm ki, məsələ üzrə aidiyyəti struktur bölmələr tərəfindən yerində araşdırma aparılmalı, faktiki işçi çatışmazlığının səbəbləri və nəticələri sənədləşdirilməli, əməyin mühafizəsi və istehsalat təhlükəsizliyi baxımından risklər qiymətləndirilməli və nəticələrə uyğun olaraq konkret kadr və təşkilati tədbirlər görülməlidir..."

Azərbaycanda LGBT təbliğatının qadağan edilməsi haqqında qanun qəbul olunacaq.
Globalinfo.az xəbər verir ki, yeni qanunla LGBT mövzusunun ictimai məkanlarda, mediada və digər informasiya kanallarında təbliği ilə bağlı məhdudiyyətlərin tətbiqi nəzərdə tutulur.
Yeni qanunun qəbulu və tətbiqi ilə bağlı aşağıdakı kateqoriyalar üzrə müvafiq addımlar atılacaq:
Media və internet: LGBT münasibətlərini təşviq etdiyi hesab olunan məlumatların yayılması məhdudlaşdırılacaq.
Reklam və kino: Müvafiq məzmunun reklam və filmlərdə yayılması, təbliği qadan ediləcək.
Təhsil: Məktəblərdə qeyri-ənənəvi seksual orientasiyaları təbliğ edəcək məzmun birmənalı olaraq məqbul hesab edilməyəcək.
Hüquqi məsuliyyət: qanun pozulması hallarında cərimə və digər inzibati tədbirlər tətbiq olunacaq.
Qeyd etmək lazımdır ki, müvafiq qanunun tətbiqi ilə bağlı əsaslandırma ilk növbədə uşaqların sağlamlıq və inkişafına zərərli hesab edilə biləcək informasiyalardan qorunması ilə bağlıdır. Sözügedən qanunla “qeyri-ənənəvi seksual orientasiyanın” və pedofiliyanın təbliği uşaqlar üçün qadağan olunmuş informasiya kateqoriyasına daxil ediləcək. Müvafiq kateqoriyaya aid məlumatların yetkinlik yaşına çatmayan şəxslərə yayılması qadağan olunacaq.
Müvafiq proses eyni zamanda kütləvi informasiya vasitələrinə də şamil olunacaq. Pozuntu aşkarlandıqda media qurumlarının fəaliyyətinin dayandırılması, xarici media üçün isə ölkədə fəaliyyət icazəsinin ləğvi kimi tədbirlər nəzərdə tutulacaq. Media qurumunun sahibi və media rəhbəri üçün də məsuliyyət qaçılmaz olacaq.
Təbii ki, informasiya məkanının sürətlə genişlənməsi fonunda sözügedən qanunun tətbiqi telekommunikasiya şəbəkələri və onlayn platformalar üçün də eyni dərəcədə əhəmiyyətli olacaq. Buna görə internetdə paylaşım, video, bloq yazısı və ictimai çağırışlar qanunun tətbiq dairəsinə düşə bilər.
Eyni zamanda reklam və kino sahəsində də qanunun tətbiqi böyük həssaslıq tələb edəcək.
Qeyd edək ki, qanunun tətbiqi ilə eyni zamanda hüquqi məsuliyyət də ortaya çıxır. Belə ki, qanun pozuntusunun xarakterindən asılı olaraq cərimələr, təkrar xətaya yol verdikdə inzibati həbs tətbiqi mümkündür.
Media və internet resurslarına qarşı tənbeh tətbirləri də müvafiq hüquqi prosedurlar çərçivəsində həyata keçiriləcək.

Azərbaycan Prezidenti İlham Əliyev bir sıra birinci instansiya məhkəmələri hakimlərinin təyin edilməsi haqqında Sərəncam imzalayıb.

Dövlət başçısının imzaladığı sənəddə deyilir:

"Məhkəmələr və hakimlər haqqında" Azərbaycan Respublikası Qanununun 94-cü və 96-cı maddələrinə uyğun olaraq, aşağıdakı hakimlər birinci instansiya məhkəmələrinin hakimləri təyin edilsinlər:

Ağır cinayətlər məhkəmələri üzrə:

Bakı Ağır Cinayətlər Məhkəməsi

Muradov Pərviz Namiq oğlu

Gəncə Ağır Cinayətlər Məhkəməsi

Bəşirov Cəmil İsmayıl oğlu

Lənkəran Ağır Cinayətlər Məhkəməsi

Məmmədova Esmira Qərib qızı

Sumqayıt Ağır Cinayətlər Məhkəməsi

İsmayılov Samir Bəyistan oğlu

Quliyev Tariyel Şirindil oğlu

Şəki Ağır Cinayətlər Məhkəməsi

Əfəndizadə Tural Qurbanəli oğlu

İnzibati məhkəmələr üzrə:

Naxçıvan Muxtar Respublikasının İnzibati Məhkəməsi

Əliyev Tural Yusif oğlu

Sumqayıt İnzibati Məhkəməsi

Həbibova Könül Əbülfəz qızı

Şirəliyeva Vəfa Zavrulla qızı

Şirvan İnzibati Məhkəməsi

Qurbanova Pərvanə Tahir qızı

kommersiya məhkəmələri üzrə:

Naxçıvan Muxtar Respublikasının Kommersiya Məhkəməsi

Musayev Kamran İbrahim oğlu

Gəncə Kommersiya Məhkəməsi

Qələndərzadə Ramiq Ramis oğlu

Sumqayıt Kommersiya Məhkəməsi

Həmidli Fərman Fəzail oğlu

Mirzəfərova Könül Murtuz qızı

Şəki Kommersiya Məhkəməsi

Qurbanova Mazlum Gülnaz İntiqam qızı

Bakı şəhərinin rayon məhkəmələri üzrə:

Bakı şəhəri Binəqədi Rayon Məhkəməsi

Məmmədov Pərviz Şahin oğlu

Bakı şəhəri Xətai Rayon Məhkəməsi

Məmmədli Aydan Zakir qızı

Bakı şəhəri Xəzər Rayon Məhkəməsi

Abiyeva Nərmin Mirhəsən qızı

Bakı şəhəri Nəsimi Rayon Məhkəməsi

Musayeva Vüsalə Vahid qızı

Bakı şəhəri Nizami Rayon Məhkəməsi

Əliyeva Starə Vidadil qızı

Bakı şəhəri Suraxanı Rayon Məhkəməsi

Əliyeva Aynur Məhəmməd qızı

Rzayeva Fəridə İslam qızı

rayon (şəhər) məhkəmələri üzrə:

Abşeron Rayon Məhkəməsi

Qasımov Abusət Sahib oğlu

Mirhəsənli Mirnəsir Mirfazil oğlu

Gəncə Şəhər Məhkəməsi

Əliyeva Leyla Kamil qızı

Xanməmmədova Liza Əliəşrəf qızı

Füzuli Rayon Məhkəməsi

İsmayılov Elmir Akif oğlu

Hacıqabul Rayon Məhkəməsi

Bayramov Orxan Telman oğlu

Mingəçevir Şəhər Məhkəməsi

Quliyeva Güləndam Gündüz qızı

Neftçala Rayon Məhkəməsi

Mürsəlova Aygün Mayıl qızı

Sumqayıt Şəhər Məhkəməsi

Əliyeva Vəsilə Əlövsət qızı

Ucar Rayon Məhkəməsi

Bədəlov Xəyal Natiq oğlu.

Hərbi məhkəmələr üzrə:

Cəlilabad Hərbi Məhkəməsi

Muxtarov Mirtale Mirzamin oğlu

inzibati məhkəmələr üzrə:

Şəki İnzibati Məhkəməsi

Həsənzadə Səbuhi Mehdi oğlu

Həşim Rəşad Əlisahib oğlu

Naxçıvan Muxtar Respublikasının rayon (şəhər) məhkəmələri üzrə:

Culfa Rayon Məhkəməsi

Qurbanova Gülay Əjdər qızı

Naxçıvan Şəhər Məhkəməsi

Nəcəfova Taliyə Tofiq qızı

Bakı şəhərinin rayon məhkəmələri üzrə:

Bakı şəhəri Binəqədi Rayon Məhkəməsi

Cəfərov Vüsal Suliddin oğlu

Əkbərova Aysel Seymur qızı

Əzizli Bəsdi İlham qızı

Bakı şəhəri Xətai Rayon Məhkəməsi

Səfərova Ülkər Asim qızı

Bakı şəhəri Nərimanov Rayon Məhkəməsi

Əliyev Natiq Abbas oğlu

Məmmədova Nuranə Asif qızı

Bakı şəhəri Nizami Rayon Məhkəməsi

Nəcəfova Lamiə Amil qızı

Bakı şəhəri Sabunçu Rayon Məhkəməsi

Abbasova Fərəh Qulam qızı

Bakı şəhəri Səbail Rayon Məhkəməsi

Əhmədli Səxavət Böyükağa oğlu

Bakı şəhəri Suraxanı Rayon Məhkəməsi

Rzayev Əsvər Məhərrəm oğlu

Zərbiyeva-Babazadə Fatimə Qədir qızı

Bakı şəhəri Yasamal Rayon Məhkəməsi

Kazımova Şəhla Saleh qızı

Rayon (şəhər) məhkəmələri üzrə:

Ağcabədi Rayon Məhkəməsi

Süleymanova Leyla Abbas qızı

Balakən Rayon Məhkəməsi

Abbaslı Vüqar Qurban oğlu

Bərdə Rayon Məhkəməsi

Həmidova Aynur Eldar qızı

Məmmədov Rəsul Yasər oğlu

Daşkəsən Rayon Məhkəməsi

Abbasov Lətif Kazım oğlu

Füzuli Rayon Məhkəməsi

Nəsirli Nərmin Hüseyn qızı

Gədəbəy Rayon Məhkəməsi

Hümbətov Əli Surxay oğlu

Gəncə Şəhər Məhkəməsi

Abbasov Səbuhi Mehdi oğlu

Goranboy Rayon Məhkəməsi

Abdullayev Hörmət Uğurlu oğlu

Göyçay Rayon Məhkəməsi

Hümbətov Elmir Sahib oğlu

İmişli Rayon Məhkəməsi

Məmmədova Rübabə Əşrəf qızı

Qobustan Rayon Məhkəməsi

Adıgözəlova Bəxtşən Aydın qızı

Quba Rayon Məhkəməsi

İsa-zadə Elnur Nizami oğlu

Saatlı Rayon Məhkəməsi

Kazımlı Araz Osman oğlu

Sabirabad Rayon Məhkəməsi

Mikayılov Səbuhi Həsənpaşa oğlu

Salyan Rayon Məhkəməsi

Babayev Rəşad Mahir oğlu

Sumqayıt Şəhər Məhkəməsi

Məmmədov Fariz Rais oğlu

Şəmkir Rayon Məhkəməsi

Əlizadə Əli İlqar oğlu

Şirvan Şəhər Məhkəməsi

Allahverdiyev Fuad Zahir oğlu

Məmmədova Aydan Adgözəl qızı

Tovuz Rayon Məhkəməsi

İslamzadə Vüqar Səyyar oğlu

Zaqatala Rayon Məhkəməsi

Tağıyeva Vəfa Hənifə qızı.

Azərbaycan Respublikasının Təhsil İnstitutunda(ARTİ) rəhbər dəyişikliyinin baş verəcəyi gözlənilir.

Editor.az məlumatlı mənbələrə istinadən xəbər verir ki, 2023-cü ildən institutun direktoru vəzifəsini müvəqqəti icra edən Elnur Əliyevin yaxın vaxtlarda vəzifəsindən azad ediləcəyi gözlənilir.

İddialara əsasən, Elnur Əliyev üçillik sınaq müddətindən uğurla keçə bilməyib. Bu səbəbdən onun vəzifəsindən uzaqlaşdırılması məsələsinin gündəmdə olduğu bildirilir.

İnstitutun rəhbərliyinə mümkün namizəd kimi isə Elm və Təhsil naziri Emin Əmrullayevə yaxın kadr hesab edilən, nazirliyin daxili nəzarət şöbəsinin müdiri Kamran İsmayılovun adı çəkilir. Məlumatlara görə, onun bu vəzifəyə təyin olunması yaxın vaxtlarda reallaşa bilər.

Qeyd edək ki, Azərbaycan Respublikasının Təhsil İnstitutu ölkənin təhsil sistemində mühüm əhəmiyyət daşıyan qurumlardan biridir. Təhsilin keyfiyyətinin yüksəldilməsi, elmi-tədqiqat fəaliyyətinin inkişafı və təhsil məzmununun təkmilləşdirilməsi istiqamətində fəaliyyət göstərən institutun rəhbərliyində mümkün dəyişiklik diqqət çəkir.

Editor.az xatırladır ki, hələlik Elnur Əliyevin vəzifədən ayrılması və Kamran İsmayılovun mümkün təyinatı ilə bağlı rəsmi açıqlama verilməyib.

Müdafiə Sənayesi Nazirliyinin tabeliyində fəaliyyət göstərən "Azərsilah" Müdafiə Sənayesi Holdinqinə yeni Baş mühasib təyin olunub.

Yurd.Media-nın əldə etdiyi məlumata görə, bu vəzifə Azər Səmədova həvalə olunub.

A.Səmədov 2024-cü ildən yeni təyinata qədər “ŞaurmaN1” restoranlar şəbəkəsində direktor müavini vəzifəsində çalışıb.

O, 2023-2024-cü illərdə "Minera Group"da maliyyə meneceri, 2019-2023-cü illərdə "Azersun" Kağız ve Karton İstehsalat Korporasiyasında baş mühasib, 2016-2019-cu illərdə "Bazaragro"da baş mühasib vəzifələrində çalışıb.

Azərbaycan Prezidenti İlham Əliyevin Türkmənistana işgüzar səfəri bu gün başa çatıb.

Bununla bağlı Prezidentin Mətbuat Xidməti məlumat yayıb.

Bakının Nəsimi rayonunda, 4-cü mikrorayon, Mir Cəlal küçəsi, 18 saylı binanın qarşısındakı istirahət parkının bir hissəsinin “MADAM KABABÇI” kafesinin fəaliyyəti üçün istifadə edilir.

Bizimesr.info xəbər verir ki, parkın bir hissəsi çəpərlənib, əraziyə daş döşənib və burada 6-7 masa yerləşdirilib. Vətəndaşlar həmçinin kafedə kabab bişirilərkən yaranan tüstü və qoxudan, eləcə də ağaclara elektrik naqillərinin bağlanmasından narazıdırlar.

VİDEO LİNKDƏ: https://bizimesr.info/az/post/budaqov-nesimide-parkin-bir-hissesini-qohumuna-kafe-ucun-ayriib---sakinler-narazidir-23721

Sakinlər məsələ ilə bağlı dəfələrlə Nəsimi Rayon İcra Hakimiyyətinə müraciət etdiklərini, lakin problemin həll olunmadığını bildirirlər. Parkın hansı hüquqi əsasla kafe fəaliyyəti üçün istifadə edildiyi, müvafiq icazələrin olub-olmadığı və sakinlərin şikayətlərinin araşdırılıb-araşdırılmadığı məlum deyil.

Məlumata görə, bu ərazi Nəsimi Rayon İcra Hakimiyyətinin başçısı Tahir Budaqovun qohumu tərəfindən zəbt edilib. Bu faktı ərazi üzrə nümayəndəlikdən sakinlərə təsdiqləyiblər.

Bizimesr.info

Az qala hər gün mediada qalmaqallı hadisələrlə xatırlanan BŞTİ-nin adı daha çox məhkəmə çəkişmələrində, müxtəlif kriminal olaylarda hallandırılır. Adam bilmir nə desin, paytaxtın qosqoca təhsil idarəsi zamanın nəbzini tutaraq gündəmdə qalmağı bacarır. “Filan məktəb direktoru BŞTİ-ni məhkəməyə verdi”, “ Məhkəmə BŞTİ-nin hesablarına həbs qoydu”, “Paytaxt məktəbində əlbəyaxa dava” kimi xəbərləri oxuduqca təhsilimizin kosmik sürətlə irəlilədiyinin şahidi oluruq. Amma hara irəliləyir, bu artıq başqa söhbətin mövzusudur.

Elə bu yaxınlarda BŞTİ-nin bank hesablarına məhkəmənin qərarı ilə həbs qoyulması xəbəri günlərlə medyanın manşet xəbəri oldu. Direktorların , müavinlərin işə qəbulu bir tamaşadırsa, işdən çıxarılması başqa tamaşadır. 288 saylı məktəbdə baş verənlər əslində paytaxtın təhsil sistemi üçün bir utanc idi. Məktəbin direktor müavini qanunsuz olaraq işdən azad olunmuş, nəticədə iş Ali Məhkəməyə qədər gedib çıxmış və hüquqları pozulan müəllim işinə bərpa olunmuşdu. Hətta məhkəmə BŞTİ-nin bank hesablarına da həbs qoymuşdu. Düşünmək olardı ki, bəlkə bundan sonra paytaxtın təhsil sistemində yüksək mövqe tutan cənablar öz işlərində dönüş yaradarlar. Amma “BŞTİ-nin sözü bir olar” prinsipi ilə işləyənlər növbəti fiaskoya imza atıblar. Bu dəfə 98 saylı uşaq baxçasında baş verənlər tamaşanın növbəti pərdəsidir.
Yəqin ki, bir müddət öncə bağça tərbiyəçilərinin nəzarətində olan azyaşlılardan birinin qanında psixotrop maddə aşkarlandığı barədə məlumatları xatırlayırsınız. O zaman bu hadisəsosial şəbəkələrdə geniş müzakirələrə səbəb oldu. Lakin aidiyyatlı qurumlar, polis orqanları tərəfindən aparılan araşdırmalarda bu hadisə öz təsdiqini tapmadı. Düşünmək olardı ki, yalan informasiyadır, çünki günümüzdə belə hadisələr tez-tez baş verir. Amma sən saydığını say, gör BŞTİ nə sayır. Yaranmış fürsəti dərhal dəyərləndirən BŞTİ yetkililəri, konkret olaraq Nərminə Hüseynova , Anar Qədimalıyev və baxçalardan yetkili olan Rəna xanım növbəti direktor ovuna start verdilər. Baxçanın direktoru Elnurə Əliyeva heç bir əsas olmadan vəzifəsindən azad olundu.
Verilən məlumatlarda bildirilir ki, BŞTİ rəhbərliyi 98 saylı baxçanı lap çoxdan gözaltı edibmiş. Bir kiçik bəhanə lazımmış ki, direktorla haqq-hesabı çürütsünlər. Baxçanın 2 hektara yaxın ərazisi var. Rəvadırmı bu boyda ərazini uşaqlara verəsən. Hər sotu milyonlar olan bu boyda ərazidə nələr etmək olmaz? Heç boşalan direktor yerinə yeni təyinatdan danışmırıq. Məşədi İbad demişkən bunun bir ambar toy xərci də var hələ...

Beləcə baş verənlərdən heç bir nəticə çıxarmayan BŞTİ növbəti “direktor əməliyyatı” keçirərək yeni bir qanunsuzluğa imza atıb. Baxmayaraq ki, 98 saylı körpələr evi-uşaq baxçasının ilk həmkarlar təşkilatı məsələni müzakirə edərək qərara etiraz edib. Eyni qərar ETİHİ Yasamal rayon Komitəsi tərəfindən də qəbul edilmiş, Elnurə Əliyevanın qüsursuz işləməsi, heç bir xəbərdarlıq, şiddətli töhmət almadan bir başa işdən azad olunması düzgün hesab edilməyib. Bildirilib ki, baş verən pozuntu baxça müdiri məzuniyyətdə olduğu dövrdə işçilər tərəfindən törədilib və E.Əliyeva həmin işçilərə töhmət verib və sistemdən kənar uşaqlar baxçadan kənarlaşdırılıb. Nəticədə ETİHİ Yasamal rayon Komitəsi E.Əliyeva ilə bağlanmış əmək müqaviləsinə AR Əmək Məcəlləsinin 70-ci maddısinin “Ç” bəndinə əsasən xitam verilməsinə etirazını bildirib. Amma bütün bu etirazların heç bir nəticəsi olmayıb, nədən ki, “BŞTİ-nin sözü bir olar” prinsipi dəyişməzdir. Baxmayaraq ki, qərarın heç bir hüququ əsası yoxdur, E.Əliyevanın təqsiri sübut olunmayıb, o məzuniyyətdə olub, yenə də heç nə dəyişməyib. BŞTİ qanunlara məhəl qoymur, əməllərinə saxta don geyindirməklə öz bildiyini edir. Guya nöqsanlara qarşı tədbir görüldü görüntüsü yaratmaq adıyla daha böyük nöqsana yol verilir. Görünür BŞTİ artıq məhkəmə çəkişmələrinə bir növ adətkar olub. Yəqin bu dəfə məhkəmənin qərarı ilə İdarənin bütün hesabları dondurular. Ta o zamana qədər ki, onların qaranlıq əməllərinə gün işığı düşər, çox mətləblər aydınlığa çıxar....
MÖVZU DİQQƏTİMİZDƏDİR

Nicat Mahmudov

"Fasadın nəyi xarab olub ki, onu yenidən bərpa edirlər?! Cəmi bir neçə il əvvəl bina əsaslı təmir olunmuşdu, indi isə yenə?!" "DİA-AZ" xəbər verir ki, bunu özünün etiraz dolu müraciətində tanınmış memar Elçin T.Əliyev qeyd edib.
O daha sonra bildirir: "Bu gün çəkdiyim fotoşəkilləri növbəti «bərpa» işlərindən sonra binanın necə görünəcəyi ilə mütləq müqayisə edəcəyəm. Dəyişikliklərə baxmaq maraqlı olacaq. Daha doğrusu, heç bir dəyişikliyin olmamasına).
Yazıq, əldən salınmış, zorlanmış binalar… Çevik «bərpaçılar» və onların havadarları üçün tükənməz gəlir mənbəyinə çevrilmiş memarlıq nümunələri…
Maraqlıdır, Mədəniyyət Nazirliyi dövlət tərəfindən mühafizə olunan memarlıq abidəsi statusuna malik binada işlərin aparılmasına hansı əsasla icazə verib?!
Görünür, bizdə bərpa işləri çoxdan memarlığı qorumaq vasitəsindən büdcə vəsaitlərini mütəmadi olaraq mənimsəmək üsuluna çevrilib. Binalar əvvəlki təmirdən sonra heç köhnəlməyə macal tapmır, növbəti təmir üçün isə pul artıq tapılır..."