Novxanı qəsəbəsində isə AF Hotel Aqua Parkın dənizkənarı ərazisində tikinti işlərinin tikintisi ilə bağlı videogörüntülər yayılıb.

Bizimesr.az -ın araşdırmasına görə, videogörüntüdən də görünür ki, sözügedən tikinti işlərinə başlanılıb.

Dənizkənarı ərazilərdə tikinti işlərinin inkişafı zaman-zaman ictimai müzakirələrə səbəb olub. Bu cür ərazilərdə tikintilərin tikintisi ilə bağlı bəzi iddialar qanuni şəkildə irəli sürülüb, bəzi hallarda belə tikililərin sökülməsi gündəmə gətirilib.

Bu gün Novxanıdakı AF Hotel Aqua Parkın dənizkənarı sahəsində tikinti işləridirmi, yoxsa ərazi zəbt edilərək genişləndirilmiş qanuna təsir göstərir.İddialarla bağlı qarşı tərəfin mövqeyini dərc etməyə hazırıq.

Qeyd edək ki, AF Holdinq Şirkətlər Qrupunun prezidenti Azay Möhnətovdur. A. Möhnətov "Uğur-97" şirkətinin prezidenti, Azərbaycan Memarlar Birliyinin üzvüdür.(Bizimesr.az)

Martın 17-də Azərbaycan Respublikasının Prezidenti İlham Əliyevlə Almaniya Federativ Respublikasının Kansleri Fridrix Merts arasında telefon danışığı olub.

Bu barədə Prezidentin Mətbuat Xidməti məlumat yayıb.

Telefon söhbəti zamanı Yaxın Şərqdə davam edən gərginlikdən narahatlıq ifadə olunub, onun Cənubi Qafqaz regionuna mümkün təsirləri barədə fikir mübadiləsi aparılıb.

Fridrix Merts Azərbaycan ilə Ermənistan arasında davam edən sülh prosesini alqışlayıb, bunun regional sabitlik üçün əhəmiyyətini qeyd edib.

Azərbaycan Prezidenti və Almaniya Kansleri ikitərəfli münasibətlərin perspektivlərini, həmçinin ölkəmizlə Avropa İttifaqı arasında əlaqələrin genişləndirilməsi ilə bağlı məsələləri müzakirə ediblər.

Səhiyyə Nazirliyi tərəfindən Bakının Binəqədi rayonunda fəaliyyət göstərən “Verteba” klinikasında yoxlama keçirilib.

Teleqraf-ın əldə etdiyi məlumata görə, keçirilən yoxlama zamanı sertifikatsız, orta ixtisas tibb təhsili olmadan “fizioterapevtik” işi üzrə masaj proseduralarının həyata keçirilməsi aşkar edilib.

Həmin fəaliyyət Səadət Nəsibova, Urqaya Rzayeva və Pəri Nərimanova tərəfindən həyata keçirilib.

Nəticədə nazirlik tərəfindən klinika barədə İnzibati Xətalar Məcəlləsinin 215.4-cü maddəsi üzrə protokol tərtib edilərək baxılması üçün məhkəməyə göndərilib. Məhkəmənin qərarına əsasən, “Verteba” klinikası 6000 manat cərimələnib.

Qeyd edək ki, “Vertebra” Onurğa Tibb Mərkəzinin baş həkimi İradə Hacıyevadır. Holdinqin rəhbəri isə İlqar Əliyevdir.

Teleqraf

“AzFinance İnvestisiya Şirkəti”nin direktoru, məşhur maliyyəçi İntiqam Səfərəliyev həbs edilib.

“Qafqazinfo”nun əldə etdiyi məlumata görə, İntiqam Səfərəliyev xüsusilə külli miqdarda dələduzluqda ittiham olunur.

Tanınmış şirkət rəhbərindən şikayətçi isə fövqəladə hallar naziri general-polkovnik Kəmaləddin Heydərovun oğlu Tale Heydərovdur. İttihama görə, İ.Səfərəliyev T.Heydərova yalan vəd verərək onun 1 milyon manatdan çox pulunu ələ keçirib.

Heydərovun şikayəti əsasında İ.Səfərəliyev barəsində həbs qətimkan tədbiri seçilib. Ona sanksiyasında 10 ildən 14 ilə kimi həbs olan 178.4-cü (dələduzluq-xüsusilə külli miqdarda törədildikdə) maddə ilə yekun ittiham verilib.

Səfərəliyev özünü təqsirli bilmir, o, ilkin ifadələrində zərərçəkmiş şəxsi aldatmadığını deyib.

Qeyd edək ki, İntiqam Səfərəliyev 2019-cu ildən “AzFinance İnvestisiya Şirkəti”nin direktoru işləyib. 15 ildən çox idarəçilik və pul vəsaitlərinin idarə edilməsi təcrübəsinə malik iş adamı Heydərovlara aid olduğu deyilən AFB Bankın Müşahidə Şurasının Üzvü və başqa vəzifələrdə də çalışıb.

“Qafqazinfo”

İnstaqramın “Nə yeyib, nə içirik?” adlı səhifəsi “TamStore” supermarketlər şəbəkəsindəki rüsvayçı vəziyyəti ictimailəşdirilib. Sözügedən videonun hazırladığı video “TamStore”da məhsul, istehsal tarixi, məhsul məlum olmayan kolbasalar, kiflənmiş, qaralmış, istifadəyə tam yararsız olan yağlar satılır.

Kiflənmiş yağlar təzə məhsul kimi rəflərə yığılaraq endirimlə satışa təqdim edilib. Videodan məlum olur ki, endirimə qoyulan “Atena” yağlarının heç də biri deyil, hamısı eyni vəziyyətdə – kiflənmiş, qaralmış formadadır. Buna baxmayaraq “TamStore” heç bir yoxlama, nəzarət aparmadan xarab yağları rəflərə düzüb.

“TamStore”da problem təkcə yağlarla bağlı deyil. Marketdə istehsal tarixi, şirkət şirkəti olmayan kolsalar da açıq formada satılır. Sözügedən kolbasalar çox alınmadığı üçün başqa kolbasaların yanında hədiyyə olaraq təqdim edilir. Adətən metro çıxışlarında gizli formada satılan məhsul hansı heyvanın ətindən olduğu məlum olmayan bu cür kolbasaları “TamStore” şirkətinə hədiyyə adı ilə satır. ki, “TamStore” supermarketlərinin sahibi olan “TamStore” MMC “Avrora Qrup” ilə 2023-cü ildə qurulub. “TamStore” MMC-nin qanuni təmsilçisi Ceyhun Yusubov Lətif oğludur.

“Avrora Group”un qanuni nümayəndəsi Samir Natiq oğlu Əliyev, baş direktoru Ceyhun Yusubovdur.

Qarşı tərəfi dinləməyə hazırıq.

“TamStore”un məhsul rəflərindəki rüsvayçılıqla bağlı videonu təqdim edirik:(Bizimesr.az)

Azərbaycan Qida Təhlükəsizliyi İnstitutu daha bir tenderinin nəticəsini açıqlayıb.

Sözügedən qurum bununla bağlı açıqlama yayıb.

Bildirilir ki, AQTİ fitosanitar monitorinqlər zamanı istifadəsi nəzərdə tutulan feromon tələ hissələrinin və müxtəlif dispenserlərin satın alınmasını reallaşdıracaq. Tenderin qalibi isə quruma yad olmayan bir şirkət olub. Belə ki, “AVAZ GROUP” MMC ilə 42 min 232 manatlıq müqavilə bağlanılıb.

Qeyd edək ki, AQTİ həmin vəsaitə Aralıq dənizi meyvə milçəyi (Ceratitis capitata) üçün 300 ədəd dispenser, Amerika ağ kəpənəyi (Hyphantria cunea) üçün 1000 ədəd, Şərq meyvəyeyəni (Grapholita molesta) üçün 1000 ədəd və digərləri üçün dispenserlər alacaq.

Bizimesr.az “Avaz Group”la bağlı açıq mənbələr üzərindən bəzi araşdırmalar aparıb. Məlum olub ki, “Avaz Group” MMC 2007-ci ildə dövlət qeydiyyatına alınıb. Nizamnamə kapitalı 1000 manat olan şirkətin qanuni təmsilçisi isə Mədət Sadıqovdur.

Rentry.co saytına yer almış xəbərdə isə vurğulanır ki, bu şirkət 25 yanvar 2007-ci il tarixində Sadiq Ərzuman oğlu Məmmədov tərəfindən yaradılıb. Lakin sonradan şirkətin qanuni təmsilçisi dəyişdirilib və onun başına Qoşqar Təhməzlinin öz şirkəti olan “Medeks”dəki işçisi Mədət Sadıqov gətirlib.

Sayt daha sonra qeyd edir ki, Sadiq Məmmədov məhz Qoşqar Təhməzli tərəfindən 14 sentyabr 2018-ci ildə Qida Təhlükəsizliyi İnstitutunun İdarə Heyətinin sədri təyin edilir. Lakin o, 2023-cü ildə vəzifəsindən azad edilib. Hazırda onun “Avaz Group”un idarəçiliyini həyata keçirdiyi deyilir.(Bizimesr.az)

Qarşı tərəfi dinləməyə hazırıq.

Bərdə Rayon İcra Hakimiyyətində 43 vəzifə ləğv edilib.

Həmin vəzifələr icra hakimiyyəti orqanlarında aparılan struktur dəyişikliyi ilə ixtisara düşüb. Nəticədə həmin vəzifədə çalışan 43 nəfər vəzifəsini itirib.

Bərdə Rayon İcra Hakimiyyətinin başçısı Vidadi İsayevin sərəncamı ilə vəzifəsini itirən həmin şəxslərin dövlət qulluğuna xitam verilib və onlar ehtiyat kadr siyahısına əlavə olunublar. Məlumata görə, vəzifəsini itirənlərdən 35 nəfər kənd inzibati ərazi dairəsi üzrə nümayəndəsinin müavini, nümayəndəliyin baş məsləhətçisi – baş mühasibidir. Digər şəxslər isə Bərdə Rayon İcra Hakimiyyətində müəyyən vəzifələrdə çalışanlardır.

Məlumata görə, vəzifəsi ləğv edilənlərdən dörd nəfər icra hakimiyyəti və tabe qurumlarda digər vəzifələrə təyin edilib. Qalan 39 nəfər isə hazırda işsizdir.(Oxu.az)

Xətai prospekti 42 ünvanında yerləşən Yaşıl Bağ restoranı ilə bağlı ərazidə yaşayan sakinlər redaksiyamıza şikayət ünvanlayıblar.

Sakinlərin sözlərinə görə, restoranda aparılan təmir işləri nəticəsində yaranan səs-küy və toz-torpaq səbəbindən evdə qalmaq çətinləşib. Onlar bildirirlər ki, uzun müddətdir davam edən tikinti və yenidənqurma prosesi gündəlik həyatlarına mənfi təsir göstərir.

Məsələ ilə bağlı əraziyə baş çəkən zaman həqiqətən də obyekt daxilində təmir işlərinin aparıldığının şahidi olduq. Restoran rəhbərliyi təmirin qanuni əsaslarla həyata keçirildiyini qeyd etsə də, bu barədə müvafiq dövlət qurumundan rəsmi sənəd təqdim edilmədi.

Hazırda vəziyyət sakinlərin narahatlığı və görülən işlərin hüquqi əsasları ilə bağlı suallar fonunda diqqət mərkəzində qalır.(Big.az)

Həmin görüntürləri təqdim edirik:

Son günlər sosial şəbəkələrdə Xaçmaz rayonu ilə bağlı paylaşılan rəylər və şikayətlər diqqət çəkir. Rayon sakinləri müxtəlif problemlərlə bağlı narazılıqlarını açıq şəkildə ifadə edir və iddia edirlər ki, bəzi ərazilərdə vəziyyət getdikcə daha da pisləşir.
TEREF yazır ki, bunu sosial şəbəkə fəalı Nizami Əzizov yazır. Nizami Əzizov daha sonra yazır:
Sakinlərin sözlərinə görə, xüsusilə kənd yolları və çay ətraflarında antisanitar vəziyyət hökm sürür. Qobuqırağı kəndindən Niyazabad istiqamətinə gedən yol boyunca çay ətrafında heyvan sümükləri, dərilər və məişət tullantılarının yığıldığı bildirilir. Yerli sakinlər deyir ki, bu vəziyyət yay aylarında daha da ağırlaşır və ətrafa dözülməz qoxu yayılır.

Digər bir narazılıq isə şəhərin mərkəzinə yaxın ərazilərlə bağlıdır. Sakinlər bildirirlər ki, 8 nömrəli məktəbin yaxınlığında yerləşən küçələrdə zibil problemi ciddi hal alıb. İddialara görə, hətta kəndlərdən uşaqlarını məktəbə gətirən bəzi şəxslər tullantılarını da həmin küçələrə atırlar. Küçə sakinləri isə bu vəziyyətə nəzarətin olmamasından şikayət edir.
Bəzi sosial şəbəkə istifadəçiləri isə regionlar arasında vəsait bölgüsü ilə bağlı iddialar səsləndirirlər. Onların fikrincə, ayrılan vəsaitlərin bəzən digər istiqamətlərə yönləndirilməasi nəticəsində bəzi yaşayış məntəqələrində problemlər həll olunmadan qalır.
Digər tərəfdən, səhiyyə sahəsi ilə bağlı da suallar səsləndirilir. Bir sıra vətəndaşlar Xudat şəhərindəki tibb xidmətlərinin vəziyyəti ilə bağlı narahatlıqlarını ifadə edərək bu istiqamətdə də açıqlama verilməsini tələb edirlər.
Sosial şəbəkələrdə yazılan rəylərdən belə nəticə çıxır ki, sakinlərin əsas tələbi ətraf mühitin təmizliyi və nəzarətin gücləndirilməsi, kommunal xidmətlərin daha effektiv işləməsi və yerli problemlərin operativ şəkildə həll olunmasıdır.(TEREF)
Nizami Əzizov


Qarşı tərəfdində mövqeyini dərc etməyə hazırıq!

Son vaxtlar Bakı şəhərinin rayonlarında qanunsuz tikintilərin miqyası nəzərəçarpacaq dərəcədə artıb. Buraya Bakıətrafı, Abşeron rayonunu da aid etsək lap yerinə düşər.Sosial şəbəkələrdə və müxtəlif platformalarda yayılan çoxsaylı foto və videolar rayon ərazisində aparılan tikinti işlərinin böyük hissəsinin müvafiq icazələr olmadan həyata keçirildiyini göstərir. Abşeron rayonunun Xırdalan şəhərində Masazır, Görədil, Hökməli və Saray, Mehdiabad, Məmmədli, Qobu, qəsəbələrində də həmçinin.

Abşeron rayonun müxtəlif ünvanlarında qeyri-qanuni və qanunvericiliyin tələblərini kobud şəkildə pozmaqla həyata keçirilən tikinti işlərinin qarşısı alınıb. Elə fevralın 13-də yayılan məlumatlara görə rayonun Masazır, Görədil, Hökməli və Saray qəsəbələrində qanunvericiliyin tələblərini pozmaqla həyata keçirilən müxtəlif tipli tikinti-quraşdırma işləri aşkar olunmuşdur. Yerli səviyyədə həyata keçirilən nəzarət zamanı Abşeron Rayon İcra Hakimiyyəti tərəfindən mütəmadi olaraq aparılan daimi reydlər zamanı aşkarlanan, ayrı-ayrı vətəndaşlar tərəfindən zəbt olunmuş torpaq sahələrində, kommunikasiya xətlərinin mühafizə zolaqlarında tikinti işlərinin aparılması kimi faktlarla əlaqədar hüquq-mühafizə orqanlarına məlumatlar verilib və inşa işləri dayandırılıb.

Burada qanunsuz tikililərin statistikası aparılsa vəziyyət necə ola bilər. Abşeron rayon İcra Hakimiyyəti tərəfindən aparılan reydlər zamanı aşkar olunan iki-üç kasıba məxsus fərdi yaşayış evləri traktorların qarşısına verilərək sökdürülür.

Amma nədənsə İH-nin başçısı Abdin Fərzəliyevin “gözyümdü” ilə icazə verdiyi qanunsuz evlərin və obyektlərin tikintisindən bəhs edilmir.

Qeyd edək ki, Abşeron rayonu Ceyranbatan qəsəbəsində, Bakı-Sumqayıt yolunun üstündə yerləşən “Cənnət” kafesinin yerində aparılan tikintini də bu qəbildən hesab etmək olar.

Redaksiyamıza verilən məlumatlara görə “Cənnət” kafesinin ümumi sahəsi neçə kvadratmetr olduğu bilinməsə də, 0,24 ha torpaq sahəsinin içində tikilib. Məlumata görə “Cənnət” kafesi bir müddət əvvəl başqa bir nəfərə satılıb. Yeni sahibi isə artıq köhnə kafeni sökərək yerində, 0,24 ha-nın içərisində daha böyük bir obyekt tikməyi planlaşdırır. Məlumata görə obyektin inşaat pasportunun tam tərtib edilməməsinə baxmayaraq artıq tikinti işlərinə başlanılıb. Bunun üçün yeni sahibin “gözyümdü”ya 270 min manat xərc çəkdiyi bildirilir.

Burada Abşeron rayon İcra Hakimiyyətinin rəsmilərinin, başçısının Ceyranbatan qəsəbə İnzibati Ərazi Dairəsi üzrə Nümayəndəliyin, Ceyranbatan qəsəbə bələdəyyəsinin rəhbərlərinin də adı hallanır.

Sözügedən ərazidə tikinti işlərinin hansı əsaslarla aparılması, tikintiyə icazənin olub-olmamasına aydınlıq gətirliməsi məqsədi ilə Ceyranbatan qəsəbə İnzibati Ərazi Dairəsi üzrə Nümayəndəliyi sorğumuza cavab vermədi. Ceyranbatan qəsəbə Bələdəyyəsinin sədri Cavanşir Zeynalov isə həmin ərazinin bələdiyyə torpağı olmadığını bildirdi. Bələdəyyəsinin sədri həmçinin qeyd etdi ki, sözügedən ərazi dövlət torpağıdır, sənədi var ki, tikinti işləri aparır. Sənədləri olduğunu bilirsiniz, sualımıza isə Cavanşir Zeynalov -heç bir məlumatım yoxdu-dedi.

Qeyd edək ki, tikintiyə icazə Abşeron rayon İcra Hakimiyyəti və Dövlət Şəhərsalma və Arxitektura Komitəsinin birgə rəyi əsasında verilməlidir. Abşeron rayon ərazisinsə isə şəhərsalma sənədləri ilə əsaslandırılmadan rayon İcra Hakimiyyəti tərəfindən həmin sahələrdə layihələndirmə və tikinti işlərinə icazə verməsi barədə sərəncamların imzalanması adı hala çevrilib. Yuxarıda qeyd etdiyimiz kimi kasıbların qaldırdığı divarlar bulder qabağına verilir, “gözyumdu” razılığı alanlar isə beton tökür.

Mövzu ilə bağlı araşdırmalarımız davam edir və yaxın günlərdə daha ətraflı məlumatlar verəcik.

Aktualinfo.net