Şəkinin Baş Kəldək kəndində yerləşən “Şəki Yaylası” istirahət mərkəzində baş verən faciə iki nəfərin həyatına son qoyub. Hadisədən sonra diqqətlər mərkəzin sahibi kimi təqdim olunan iş adamı Hacı Məhərrəm Novruzova yönəlib.

Bəs Məhərrəm Novruzov kimdir, hansı sahələrdə fəaliyyət göstərir və onun adı daha əvvəl hansı mübahisələrdə hallanıb?

Modern.az xəbər verir ki, ilkin məlumata görə, “Şəki Yaylası”nda əyləncə məqsədilə istifadə edilən qurğunun trosunun qırılması nəticəsində 31 yaşlı Coşqun Məmmədov və 27 yaşlı Ucal Bayramov həyatını itirib.

TƏBİB təcili tibbi yardım briqadasının hadisə yerində iki nəfərin ölümünü qeydə aldığını bildirib. Faktla bağlı Şəki Rayon Prokurorluğunda araşdırma aparılır.

Mediada yayılan məlumatlara əsasən, “Şəki Yaylası” istirahət mərkəzi iş adamı Hacı Məhərrəm Novruzova məxsusdur.

Açıq mənbələrdə yer alan məlumatlara görə, Məhərrəm Novruzov uzun illərdir tikinti, daşınmaz əmlak, turizm, iaşə və idman sahələrində fəaliyyət göstərir. Onun adı xüsusilə “Bağçalı Evlər” MTK və bu şirkətin həyata keçirdiyi layihələrlə əlaqələndirilir.

“Bağçalı Evlər” MTK-nın 2006-cı ildən Azərbaycanda müxtəlif layihələrə sərmayə yatırdığı bildirilir. Şirkətin əsas layihələrindən biri Abşeron rayonunun Masazır qəsəbəsində yerləşən “Qurtuluş-93” yaşayış kompleksidir.

Novruzovun adı kompleksin ərazisindəki “Şən Yuva” uşaq əyləncə mərkəzi, “Qurtuluş-93” parkı, hazırlıq kursları, klinika, “Yeni Saray” şadlıq sarayı və “New City” hoteli ilə də əlaqələndirilir. Ərazidə, həmçinin supermarketlər, restoranlar, idman zalları, üzgüçülük hovuzu, türk hamamı, oxu zalı və müxtəlif ticarət obyektləri fəaliyyət göstərir.

İş adamının turizm və istirahət sektorunda da fəaliyyət göstərdiyi qeyd olunur. Novxanıda, Xəzər dənizinin sahilində yerləşən “My Beach” hotel-restoran kompleksinin də Məhərrəm Novruzov tərəfindən təsis edildiyi bildirilir.

M.Novruzovun adı idman layihələri ilə də bağlıdır. O, “Əlincə” İdman Klubunun və “Əlincə” futbol komandasının yaradılmasına sərmayə qoyan şəxs kimi təqdim olunur. İş adamının 2014-cü ildə Prezident İlham Əliyevin iştirakı ilə açılışı keçirilmiş 15 min tamaşaçı tutumlu “Əlincə Arena”nın yaradılmasına da vəsait yatırdığı bildirilir.

Açıq mənbələrdə Novruzovun Şabran rayonunda idman akademiyasının filialı, idmançılar üçün hotel, müxtəlif tutumlu üç idman meydançası və park saldırdığı barədə də məlumatlar yer alır. Onun məktəb tikintisi və digər sosial layihələr həyata keçirdiyi qeyd olunur.

Məhərrəm Novruzovun adı əvvəlki illərdə mediada müxtəlif mübahisələr fonunda da hallanıb.

2017-ci ildə Ukrayna vətəndaşı olan azərbaycanlı Nazim Qəzənfərov iş adamına qarşı maliyyə mübahisəsi, əmlakın mənimsənilməsi və hədə-qorxu ilə bağlı iddialar səsləndirib.

M.Novruzov həmin ittihamları qəti şəkildə rədd edərək, yayılan məlumatların həqiqəti əks etdirmədiyini bildirib. İş adamı, əksinə, N.Qəzənfərovun müxtəlif sənədləşmə və tikinti işləri adı altında ondan külli miqdarda vəsait aldığını və nəticədə ona ciddi maddi ziyan vurduğunu iddia edib.

Novruzov Qəzənfərova və onun yaxınlarına təzyiq göstərməsi barədə deyilənləri də təkzib edib. O, məsələni yalnız hüquqi müstəvidə həll etməyə çalışdığını bildirib. Tərəflərin qarşılıqlı iddiaları üzrə məhkəmə prosesinin hansı nəticə ilə başa çatdığı barədə açıq məlumat yoxdur.

Qeyd edək ki, əvvəlki mübahisələrin “Şəki Yaylası”nda baş verən hadisə ilə əlaqəsi barədə hər hansı məlumat yoxdur.

İstirahət mərkəzindəki faciəyə görə konkret şəxslərin məsuliyyət daşıyıb-daşımadığı da hələ müəyyənləşdirilməyib. Şəki Rayon Prokurorluğunda aparılan araşdırma zamanı qurğunun texniki vəziyyətinin, təhlükəsizlik qaydalarına əməl olunmasının və mərkəzin məsul şəxslərinin fəaliyyətinin qiymətləndirilməsi gözlənilir.

“Aqrarkredit” QSC Bank Olmayan Kredit Təşkilatının (BOKT) balansında olan 44 qeyri-yaşayış obyekti hərrac vasitəsilə satışa çıxarılır.

“Aqrarkredit”in hərraca çıxarılan 44 obyektinin ümumi qiyməti 10,4 milyon manata bərabərdir.
Hərraca çıxarılan əmlakların ümumi sahəsi isə 11 445,2 kvadratmetr təşkil edir. Əmlaklar, əsasən, Abşeron rayonunun Xırdalan şəhərində, həmçinin Bakının Xətai və Yasamal rayonlarında yerləşir.
Siyahıdakı əmlaklar üç ayrı hərrac üzrə satışa çıxarılır. İlk hərrac 6 oktyabr 2026-cı il saat 11:00-da, digər iki hərrac isə 16 sentyabr 2026-cı il saat 10:30 və 10:00-da keçiriləcək.
Ən böyük obyekt Xətai rayonu, Xudu Məmmədov küçəsi, 2944A məhəllə, ev 3 ünvanında yerləşən 1 560 kvadratmetrlik qeyri-yaşayış sahəsidir. Onun start qiyməti 372 600 manat müəyyənləşdirilib. Ən kiçik obyekt isə eyni ünvanda yerləşən 36,5 kvadratmetrlik sahədir. Bu obyektin start qiyməti 72 270 manatdır.
Qiymətinə görə isə ən baha obyekt Xətai rayonunda, Xudu Məmmədov küçəsi, giriş 174D ünvanında yerləşən 351 kvadratmetrlik sahədir. Onun ilkin satış qiyməti 694 980 manatdır.
Ən ucuz obyekt isə Xətai rayonunda, Xudu Məmmədov küçəsi, 2944A məhəllə, ev 3 ünvanında yerləşən 36,5 kvadratmetrlik sahədir. Onun start qiyməti 72 270 manatdır.
Hərraca çıxarılan əmlakların ünvan, sahə və start qiymətləri belədir:
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 1 (blok 1) – 228,7 kv.m (115 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 13 (blok 21) – 228,7 kv.m (114 350 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 10 (blok 38) – 228,7 kv.m (114 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 29 (blok 82) – 228,7 kv.m (114 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 30 (blok 83) – 228,7 kv.m (114 350 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 28 (blok 81) – 228,7 kv.m (116 637 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 15 (blok 31) – 228,7 kv.m (115 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 9 (blok 19) – 228,7 kv.m (115 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 4 (blok 13) – 228,7 kv.m (118 924 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 8 (blok 18) – 228,7 kv.m (114 350 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 2 (blok 9), y/zirzəmi – 227,3 kv.m (113 650 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 1 (blok 4) – 236,4 kv.m (122 928 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 2 (blok 12) – 229,5 kv.m (119 340 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 11 (blok 24) – 228,7 kv.m (114 350 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 13 (blok 20) – 228,7 kv.m (127 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 12 (blok 23) – 228,7 kv.m (127 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 12 (blok 22) – 228,7 kv.m (115 000 manat)
Xırdalan şəhəri, Bakı-Sumqayıt şossesi, 7-ci km, “Abşeron Gənclər şəhərciyi” yaşayış kompleksi, bina 11 (blok 25) – 228,7 kv.m (120 000 manat)
Xətai rayonu, Xudu Məmmədov küçəsi, 2944A məhəllə, ev 3 – 75,7 kv.m (163 512 manat)
Xətai rayonu, Xudu Məmmədov küçəsi, 2944A məhəllə, ev 3 – 169,3 kv.m (365 688 manat)
Xətai rayonu, Xudu Məmmədov küçəsi, giriş 172C – 170 kv.m (367 200 manat)
Xətai rayonu, Xudu Məmmədov küçəsi, 2944A məhəllə, ev 3 – 190 kv.m (410 400 manat)
Xətai rayonu, Xudu Məmmədov küçəsi, 2944A məhəllə, ev 3 – 1 560 kv.m (372 600 manat)
Xətai rayonu, Xudu Məmmədov küçəsi, 2944A məhəllə, ev 3 – 36,5 kv.m (72 270 manat)
Xətai rayonu, Xudu Məmmədov küçəsi, 2944A məhəllə, ev 3 – 360 kv.m (777 600 manat)
Xətai rayonu, Xudu Məmmədov küçəsi, 2944A məhəllə, ev 3 – 37 kv.m (73 260 manat)
Xətai rayonu, Xudu Məmmədov küçəsi, 2944A məhəllə, ev 3 – 39,4 kv.m (78 012 manat)
Xətai rayonu, Xudu Məmmədov küçəsi, giriş 184H – 116,3 kv.m (230 274 manat)
Xətai rayonu, Xudu Məmmədov küçəsi, giriş 184X – 192,3 kv.m (380 754 manat)
Xətai rayonu, Xudu Məmmədov küçəsi, 2944A məhəllə, ev 3 (22 qarajlıq) – 1 009 kv.m (247 500 manat)
Xətai rayonu, Xudu Məmmədov küçəsi, giriş 174D – 351 kv.m (694 980 manat)
Xətai rayonu, Xudu Məmmədov küçəsi, giriş 174C – 85,5 kv.m (169 290 manat)
Yasamal rayonu, Arif Mehdiyev küçəsi, giriş 285B, M2, m1 – 218 kv.m (295 200 manat)
Yasamal rayonu, Arif Mehdiyev küçəsi, giriş 285B, M2, m2 – 168,9 kv.m (228 015 manat)
Yasamal rayonu, Arif Mehdiyev küçəsi, giriş 285B, M2, m3 – 212,8 kv.m (287 280 manat)
Yasamal rayonu, Arif Mehdiyev küçəsi, giriş 285B, M2, m4 – 263,7 kv.m (355 995 manat)
Yasamal rayonu, Arif Mehdiyev küçəsi, giriş 283B, M2, m1 – 347,5 kv.m (468 000 manat)
Yasamal rayonu, Arif Mehdiyev küçəsi, giriş 283A – 261,5 kv.m (351 000 manat)
Yasamal rayonu, Arif Mehdiyev küçəsi, giriş 281B – 199,3 kv.m (267 261,30 manat)
Yasamal rayonu, Arif Mehdiyev küçəsi, giriş 281A – 396,7 kv.m (528 300 manat)
Yasamal rayonu, Arif Mehdiyev küçəsi, giriş 285A – 169,3 kv.m (228 555 manat)
Yasamal rayonu, Arif Mehdiyev küçəsi, giriş 285D – 177,1 kv.m (239 850 manat)
Yasamal rayonu, Arif Mehdiyev küçəsi, giriş 287A – 280,9 kv.m (384 271,20 manat)
Yasamal rayonu, Arif Mehdiyev küçəsi, giriş 287B – 233,8 kv.m (319 838,40 manat)

Məlumat üçün bildirək ki, nizamnamə kapitalı 72 milyon 669 min 490 manat 42 qəpik olan “Aqrarkredit” QSC BOKT 2004-cü ildə dövlət qeydiyyatına alınıb. Şirkətə İlham Kələşov rəhbərlik edir.
Qurumdan verilən məlumatda qeyd olunur ki, hazırda təşkilat həm maliyyə institutu kimi kreditlərin verilməsi, həm də “Azərbaycan Beynəlxalq Bankı” ASC-nin ona ötürülmüş problemli aktivlərinin qaytarılması ilə məşğul olur. Təşkilatın səhmləri tam şəkildə dövlətə məxsusdur.
Onu da bildirək ki, bu ilin iyul ayında yerli mətbuatda yayılan məlumatda Azərbaycanda bir qrup sahibkarın kənd təsərrüfatına yönəldiləcəyi adı ilə “Aqrarkredit” QSC BOKT-dən külli miqdarda kredit götürdüyü üzə çıxıb. Qeyd olunub ki, qanun pozuntusu ilə bağlı Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsi əməliyyat keçirib.
Əməliyyat nəticəsində “Şurabad quşçuluq” MMC-nin direktoru Fuad Süleymanov, “Şurabad broyler”in direktoru Tofiq Musayev, “Salyansüd” MMC-nin qanuni təmsilçisi Fazil Rüstəmov və onlarla əlbir olan Faiq Rüstəmov, Süleyman İsmayılov və Yaşar Qurbanov saxlanılıb.
İlkin ittihama görə, sözügedən şirkət rəhbərləri kənd təsərrüfatı fəaliyyətinin maliyyələşdirilməsi adı ilə “Aqrarkredit” QSC-dən ümumilikdə 100 milyon manatdan artıq kredit alıblar. Lakin araşdırma zamanı müəyyən edilib ki, həmin vəsaitlər təyinatı üzrə istifadə olunmayıb, kənd təsərrüfatına yönəldilmək əvəzinə şəxsi ehtiyaclara sərf edilib.
Yayılan məlumatlarda həmçinin qeyd olunub ki, Baş Mütəşəkkil Cinayətkarlıqla Mübarizə İdarəsində “Aqrarkredit” QSC-nin sabiq rəhbəri, Azərbaycan Sahibkarlar Konfederasiyasının prezidenti Məmməd Musayev barəsində də cinayət təqibi aparılır. İstintaq materiallarına əsasən, indi həbs edilən şəxslər M.Musayevlə əlbir olaraq xüsusilə külli miqdarda dələduzluq cinayəti törədiblər. Onlardan bəziləri Konfederasiya prezidentinin yaxınlarıdır. Tofiq Musayev onun qardaşı oğludur, Fazil Rüstəmov isə Musayevin müavini işləyib.
Qeyd edək ki, “Aqrarkredit”in 2001-ci ildən 2025-ci ilə kimi rəhbəri Məmməd Musayev olub. Məmməd Musayevin oğlu Azad Musayevin isə “Turan Bank” ASC-nin səhmlərinin 9,9 %-nə nəzarət edir.
Xatırladaq ki, uzun illər mətbuatda “Turan Bank” Məmməd Musayevin bankı kimi tanınıb.

Yeniavaz.com

Nizami rayon İcra Hakimiyyəti yağışlı və küləkli gündə işçilərə avtomobil yollarını süpürtdürür.

Tribuna.az xəbər verir ki, bu barədə sosial şəbəkə hesabında ictimai fəal Haldun Novruzzadə yazıb. O bildirib ki, küçəni süpürənlər təhlükəli şəraitdə işləyir:

“Çöldə leysan var, amma Nizami rayon Mənzil Komunal İdarəsi insanları töküb Heydər Əliyev prospektinə yol süpürtdürür. Gəlib keçən avtomobillər suyu vurur üstlərinə, göz-gözü görmür. Gedib bir maşın bu adamlardan birini vursa, təqsir bir başa Nizami rayon icra başçısının olacaq. Biabırçılıqdı vallah”.

Dərman və iynə yoxdur, yataq dəstləri yararsız, palatalarda natəmizlik – vətəndaşlar aidiyyəti qurumlardan araşdırma tələb edir

Gəncənin ən böyük tibb müəssisələrindən biri olan Abbas Səhhət adına 1 nömrəli Şəhər Xəstəxanasında xəstələrin müalicə və saxlanma şəraiti ilə bağlı vətəndaşların narazılıqları gündəmə gəlib.

Qeyd edək ki, xəstəxana hazırda TƏBİB-in tabeliyində olan Gəncə Şəhər Birləşmiş Xəstəxanasının strukturunda fəaliyyət göstərir.

PatriotNews.com.az-a daxil olan müraciətlərdə xəstələrin və onların yaxınlarının üzləşdiyi bir sıra problemlərdən bəhs edilir.

“Bu dərman və iynə xəstəxanada yoxdur”

Vətəndaşların iddialarına görə, həm təcili şöbədə, həm də stasionar müalicə zamanı xəstələrə bəzi dərman və iynələrin xəstəxanada olmadığı bildirilir.

Nəticədə xəstələrin yaxınları həmin preparatları apteklərdən öz vəsaitləri hesabına almağa məcbur olurlar.

Bu isə onsuz da xəstəliklə bağlı maddi və mənəvi çətinlik yaşayan ailələr üçün əlavə yük yaradır.

Palatalarda natəmizlik, texniki vasitələr sıradan çıxıb

Şikayətlər bununla da bitmir.

Vətəndaşların sözlərinə görə, bəzi palatalarda natəmizlik müşahidə olunur, xəstələrin istifadəsi üçün nəzərdə tutulan bir sıra texniki vasitələr isə sıradan çıxmış vəziyyətdədir.

Bundan başqa, sanitar qovşaqlarının təmirə ehtiyacı olduğu bildirilir.

Xəstəxanada müalicə alan insanların sağlamlığının bərpası üçün yaradılan şəraitin özü əlavə narahatlıq mənbəyinə çevrilməməlidir.

Yataq dəstləri niyə xəstələrin yaxınlarının üzərinə düşür?

Daha bir ciddi iddia isə xəstələrə təqdim olunan yataq dəstlərinin vəziyyəti ilə bağlıdır.

Vətəndaşların bildirdiyinə görə, bəzi yataq dəstləri yararsız vəziyyətdə olduğundan xəstələrin yaxınları məcbur qalaraq evdən yataq dəsti gətirirlər.

Təbii sual yaranır:

Stasionar müalicə alan xəstənin təmiz və yararlı yataq dəsti ilə təmin olunması xəstəxananın vəzifəsinə daxil deyilmi?

Şöbələrə kənar şəxslər necə daxil olur?

Xəstələrin narazılıq etdiyi digər məsələ isə xəstəxananın şöbələrinə kənar şəxslərin daxil olmasıdır.

İddialara görə, bəzi şəxslər əllərində müxtəlif meyvə və tərəvəzlər olmaqla palatalara daxil olaraq məhsulları xəstələrə və onların yaxınlarına satmaq adı ilə təklif edirlər.

Əgər bu iddialar təsdiqini taparsa, burada həm sanitar, həm də təhlükəsizlik baxımından ciddi suallar yaranır.

Xəstəxananın şöbələrinə kənar şəxslərin girişinə kim nəzarət edir?

“Əlavə diqqət” iddiası araşdırılmalıdır

Vətəndaşların səsləndirdiyi daha bir ciddi narazılıq isə xəstələrə münasibətlə bağlıdır.

Bəzi xəstə yaxınları iddia edirlər ki, xəstəyə daha yaxşı və diqqətli xidmət göstərilməsi üçün müəyyən formada “əlavə diqqət” gözləntisi yaradılır.

Onların sözlərinə görə, bu gözlənti qarşılanmadıqda xəstəyə münasibətdə diqqətsizlik müşahidə olunur.

Bu iddialar doğrudursa, məsələ ciddi şəkildə araşdırılmalıdır.

Aidiyyəti qurumlar suallara cavab verməlidir

Maraqlıdır ki, 2026-cı ilin may ayında da Abbas Səhhət adına xəstəxanada şəraitlə bağlı xəstələrin və yaxınlarının oxşar şikayətləri mediada yer almışdı. Həmin məlumatlarda çarpayı və xərəklərin texniki vəziyyəti, döşəmələr və sanitar qovşaqlarla bağlı problemlərdən bəhs olunurdu.

Digər tərəfdən, xəstəxana 2016-cı ildə əsaslı təmirdən sonra istifadəyə verilmiş, 245 çarpayılıq tibb müəssisəsində müasir tibbi avadanlıqların quraşdırıldığı rəsmi məlumatlarda bildirilmişdi.

Bu baxımdan hazırda səsləndirilən iddialar daha ciddi araşdırma tələb edir.

PatriotNews.com.az olaraq aidiyyəti qurumlardan aşağıdakı suallara aydınlıq gətirilməsini gözləyirik:

- Xəstələrə lazım olan dərman və iynələrin xəstəxanada olmamasının səbəbi nədir?
- Xəstələr hansı hallarda dərmanları öz hesablarına almalıdırlar?
- Palataların sanitar vəziyyətinə kim nəzarət edir?
- Yararsız yataq dəstləri nə zaman yenilənəcək?
- Sıradan çıxmış texniki vasitələrin bərpası nə vaxt həyata keçiriləcək?
- Sanitar qovşaqların təmiri ilə bağlı tədbirlər görüləcəkmi?
- Kənar şəxslərin xəstəxananın şöbələrinə daxil olmasına necə yol verilir?
- Xəstələrdən hər hansı formada əlavə ödəniş və ya “diqqət” tələb olunması ilə bağlı araşdırma aparılıbmı?

PatriotNews.com.az olaraq bildiririk ki, səsləndirilən fikirlər vətəndaşların müraciətləri əsasında hazırlanıb və hər bir iddianın aidiyyəti qurumlar tərəfindən araşdırılmasına ehtiyac var.

Redaksiyamız Abbas Səhhət adına xəstəxananın rəhbərliyinin və TƏBİB-in məsələ ilə bağlı mövqeyini dərc etməyə hazırdır.

Çünki söhbət insanların sağlamlığından, təhlükəsizliyindən və dövlət tibb müəssisəsində layiqli tibbi xidmət almaq hüququndan gedir.

Patriot News.com.az

Masazır qəsəbəsində yerləşən Qurtuluş 93 yaşayış kompleksinin sakinləri uzun müddətdir həllini tapmayan problemlərlə bağlı Patrul.az-a müraciət ediblər. Sakinlərin sözlərinə görə, yaşayış kompleksində vəziyyət artıq adi məişət narahatlığı həddini keçərək insanların gündəlik həyatına ciddi şəkildə təsir edən problemlər toplusuna çevrilib.
Sakinlər iddia edirlər ki, demək olar, hər gün elektrik enerjisinin kəsilməsi əsas problemlərdən biridir. Onların sözlərinə görə, işığın hansı səbəbdən kəsildiyi ilə bağlı hər dəfə fərqli açıqlamalar verilir. Bir gün texniki nasazlıq, digər gün ərazidə aparılan işlər səbəb göstərilir.

Sakinlərin isə sualı birdir: ödənişini vaxtında edən vətəndaş niyə davamlı olaraq elektrik enerjisiz qalmalıdır?

“Əgər hansısa iş gedirsə və mən işıq pulumu vaxtında ödəyirəmsə, niyə mənim işığım kəsilməlidir?”

Sakinlər hesab edirlər ki, problem müvəqqəti xarakter daşısaydı, uzun müddət ərzində bu qədər narazılıq yaranmazdı. Onlar aidiyyəti qurumlardan elektrik enerjisinin kəsilməsinin səbəbləri barədə konkret və şəffaf məlumat tələb edirlər.

Yaşıllıqlar azalır, obyektlər artır?

Sakinlərin narazılığı bununla da bitmir. Onların sözlərinə görə, yaşayış kompleksində yaşıllıqların və ağacların məhv edilməsi, eləcə də binaların altında müxtəlif obyektlərin fəaliyyət göstərməsi ilə bağlı ciddi suallar yaranıb.

Sakinlər bildirirlər ki, yaşayış üçün nəzərdə tutulan ərazidə kommersiya obyektlərinin sayının artması insanların onsuz da məhdud olan istirahət imkanlarını daha da azaldır.

Parklar sakinlər üçündür, yoxsa obyektlər üçün?

Qurtuluş 93 sakinlərinin xüsusilə narazı qaldığı məsələlərdən biri də park və istirahət məkanlarının vəziyyətidir.

Sakinlərin iddiasına görə, park ərazilərində kafe, çayxana və digər obyektlərin sayı getdikcə artır. Nəticədə ailələrin, xüsusilə də uşaqların rahat şəkildə istifadə edə biləcəyi məkanlar azalır.

“Parkda gəzməyə çıxırsan, səs-küy olur. Uşaqların rahat oynaya biləcəyi, ailələrin sakit otura biləcəyi yerlər azalır. Hər yerdə kafe, çayxana açılır. İmkanı olan oturur, olmayan isə uşağı ilə parkda belə rahat vaxt keçirə bilmir”.

Sakinlərin fikrincə, parkların əsas funksiyası kommersiya fəaliyyəti üçün deyil, insanların rahat istirahəti üçün qorunmalıdır.

Sahibsiz heyvanlarla bağlı vəziyyət də narahatlıq doğurur

Müraciətdə sahibsiz heyvanlarla bağlı problem də xüsusi vurğulanıb. Sakinlər bildirirlər ki, ərazidə heyvanlar üçün kifayət qədər su və yem qabları yoxdur.

Onların sözlərinə görə, sürətlə hərəkət edən avtomobillər səbəbindən heyvanların vurulması və tələf olması halları da yaşanır.

Sakinlər hesab edirlər ki, həm heyvanların, həm də insanların təhlükəsizliyi üçün bu məsələ ilə bağlı nəzarət və tədbirlər gücləndirilməlidir.

Qaz xətləri çəkilib, amma qaz yoxdur

Qurtuluş 93-də sakinlərin ən ciddi suallarından biri də qaz təminatı ilə bağlıdır.

Sakinlərin sözlərinə görə, ərazidə qaz xətləri çəkilsə də, yaşayış kompleksinə hələ də qaz verilməyib. Onlar bildirirlər ki, kupçaları və müvafiq sənədləri mövcuddur və buna görə qaz təminatının nə vaxt həyata keçiriləcəyi ilə bağlı aidiyyəti qurumlardan konkret cavab gözləyirlər.

Sakinlər üçün əsas sual isə dəyişmir: Əgər sənədlər qaydasındadırsa, qazın verilməsinə maneə nədir və bu problem nə vaxt həll olunacaq?

“Artıq yaşanılmayacaq vəziyyətə gəlib çıxıb”

Sakinlərin sözlərinə görə, elektrik enerjisinin kəsilməsi, qaz təminatının olmaması, yollar, yaşıllıqlar, parklar, təhlükəsizlik və digər məsələlərin eyni vaxtda problem yaratması Qurtuluş 93-də yaşayışı ciddi şəkildə çətinləşdirib.

Onlar bildirirlər ki, məsələ ayrı-ayrı sakinlərin şəxsi narazılığı kimi qiymətləndirilməməli, kompleks üzrə araşdırılmalıdır.

Sakinlər aidiyyəti qurumları Qurtuluş 93 ərazisinə baxış keçirməyə, problemlərin səbəblərini araşdırmağa və nəticəsi barədə ictimaiyyətə məlumat verməyə çağırırlar.

Patrul.az olaraq sakinlərin səsləndirdiyi iddiaları aidiyyəti qurumların diqqətinə çatdırırıq. Elektrik və qaz təminatı, yaşıllıqların vəziyyəti, park ərazilərində obyektlərin fəaliyyəti, yollar və təhlükəsizliklə bağlı səsləndirilən məsələlərə cavabdeh qurumların mövqeyini dərc etməyə hazırıq.

Məsələ açıq qalır: Qurtuluş 93 sakinlərinin problemləri nə vaxt həll olunacaq?

Patrul.az

Bir müddət əvvəl Bakı şəhəri, Qaradağ rayonu, Sahil qəsəbəsində yerləşən Azərbaycan Nəqliyyat və Kommunikasiya Holdinqinin (AZCON ) tərkibinə daxil Bakı Gəmiqayırma Zavodundakı nəqliyyat sahəsindəki özbaşnalıqla bağlı Atatv.az saytına ünvanlanan problem işıqlandırılmışdır. Xəzər regionunun ən böyük gəmiqayırma zavodunda işçilərin şikayətinə əsasən zavodun İnsan Resursları və İnzibati İşlər Departamentində İnzibati İşlər bölməsinin rəsisi Namiq Vəliyev və “AZCON” holdinqin icraçı direktoru Şahin Tofiq oğlu Babayev vəzifəsindən sui istifadə halına yol verərək qazanc məqsədilə “BP exploration (Caspian sea) limited” şirkətinə məxsus yararsız avtobusları 11 ildir ki, hərrac yolu ilə alaraq işçilərin daşımasında gündəlik istifadə etdirir.

Namiq Vəliyev və Şahin Babayevin birgə əlbir olaraq icra etdiyi bu qanunsuz işdə şikayət əziyyət çəkənlərin ağır iş şəraitində əməyinin istismar olunması, həyatlarının təhlükədə olması ilə bağlıdır. Hansı ki, işə görə adının çəkilməsini istəməyən işçilər həmin hərrac yolu ilə alınmış istifadə müddəti yararsız avtobuslarda “əl əyləci” olmamasını ciddi problem kimi qeyd edirdi. Redaksiyaya göndərilən video və şəkillərdə də aydın görünür ki, təxminən 20-dən çox dövlət nömrə nişanlı və sıra ilə düzülən avtobusların təkərlərinin altına dayaq məqsədilə daş qoyulub. Təbii ki, bu da əyləc sisteminin problemli olmasına dəlalət edir. Bu da həyatı üçün narahat olan və gündəlik həmin avtobsularda təhlükəli şəraitdə işə gəlib gedən işçiləri narahat etməməyə bilməz. Onlar qeyd edir ki, pula görə müdürlər, rəhbər şəxslər onları həm ağır iş şəraitində, həm də təhülkəli nəqliyyatda işə gedib gələrək işləməyə məcbur edirlər.

Həmin material yayımladıqdan sonra redaksiyaya zavod daxilində adlarının çəkilməsini istəməyən bəzi işçilərin iş şəraitinin bərbad vəziyyətdə olması, qeyri -qanuni ixtisar və veteran statuslu işçilərin xüsusi qayğı və imkanlardan yararlanmamasına dair şikayətlər daxil olub. ATATV.az-a bildirilir ki, bir müddətdir zavodun boru şöbəsində ixtisarlara başlanılıb və beş illik təcrübəli işçilərə kompensasiya ödənilmədən məcburi öz ərizələrini yazdırmaqla işinə xitam verilir. Halbuki Əmək Məcəlləsində işçi bir yerdə beş il çalışdığı təqdirdə əmək müqaviləsi müddətsiz olur. Hətta işçilər buna əməl etmədikdə rəhbərlik onları məcbur edir ki, əgər öz ərizənizlə işdən çıxmasanız təkrar iş başlayanda onları işə çağırmayacaq. Əks təqdirdə, yəni əgər könüllü işdənçıxma ərizələrini yazsalar yenidən işə çağırarlar kimi vədlərlə işçiləri kompensasiya ödənilmədən işdənçıxma ərizəsini yazmağa məcbur etdirirlər.

Bir digər problem isə şikayətçilərin verdiyi məlumata görə hər il 8 noyabr “Zəfər” günü tarixində veteran və qazi statuslu işçilər üçün nəzərdə tutulan 500 manatlıq qayğı pulundan da məhrum edilmələridir. İşçilərdən biri bunu “ötən il bu məbləğ 150 manat civarında olub ki, etiraz edənlərə “büdcədə pul yoxdur, heç onu da vermək istəmirdik, az da olsa nəzərə aldıq” deyərək sərt cavab verilib. İşçilər etiraz edir ki, bu qədər layihələrin pulu necə oldu? Hansı ki, vaxtilə zavodda bir layihə işlənəndə hər bayram premya verilirdi. Onların sözərinə görə keçmiş sədrdən fərqli olaraq yeni gələn sədr Ruslan Talıbov işçilərə qan uddurur.

Elşad Nuriyev qazi və veteranlar üçün lövhə düzəltdirərdi, şəkillər ora vurulardı. Vallah heç bu addan istifadə etməmişik. Sadəcə bizə olan diqqət idi. İndi isə yeni gələn sədr qazi və veteranlara qətiyyən diqqət göstərmir, əvvəlki sədrdən fərqli olaraq işçilərə qarşı sərt davranmaqla yanaşı, bütün imtiyazları, qayğı və diqqəti ləğv edir. Əvvəlki sədrə yaxınlaşıb dərdini demək olurdusa, indikinin qəbuluna belə düşmək olmur. Otağına işçilər buraxılmır, istənilən müraciət və şikayət yayındırılıb köməkçisinə yönəldilir. Üstəlik qarşıdan noyabr ayı gəlir və biz bu premyanı gözləyirik. Doğrusu, premyanın aqibəti bizi narahat edir” ,- deyə şikayətində əlavə edir.
Həmçinin hər gün işə gedib-gəlinən yararsız avtobuslarla işçilərə qışda soyuq, yayda qaynar halda diskomfort hal yaşadırlar. Diqqətdən yayınmaq üçün Ələt-Qobustan istiqamətdə köhnə, yararsızları, şəhər marşurutu üzrə hərəkətdə olarkən isə nisbətən səliqəli avtobusları istismar edirlər.Hətta iki aydır ki, yararsız avtobus təhlükəsindən ehtiyat edərək işçilərdən bəziləri təhlükəli vəziyyətə görə avtobusdan imtina edərək özləri işə gedib gəlir.

“Həm yoldan manatlıq müştəri yığırlar, həm də avtobus qaynar isti olduğundan dözülməz olur” ,-deyə işçi etirazını belə ifadə edir.
İşçiləri narazı salan digər ciddi problem isə zavodda xarici işçilərə gündəlik “mesaye” verildiyi, yəni artıq iş saatına görə pul ödənildiyi halda, yerli işçilərə bu məbləğ dəfələrlə az ödənilir.Əməkhaqqıya gəldikdə isə işçilər müəssisənin böyüklüyünə və ağır iş şəraitinə görə maaşların 600-700 manat civarında olmasını haqsızlıq hesab edir.

Yüksək maaşlar isə “səliqəli geyimli ofis içiləri üçündür” deyirlər. İşçilər qeyd edir ki, onlardan fərqli olaraq Bibiheyyətdə gəmi təmiri zavodu bağlananda işçiləri yüksək əməkhaqqı ilə işə alınıb, hətta onlara gündəlik zavoda daxil olan andan maaşlarına “dəniz əmsalı” hesablanılır , digər işçilər isə ancaq gəmidə çalışarsa eyni əmsaldan yararlana bilər. Bu ayrıseçkiliklə bağlı rəhbərliyə şikayət edən işçilərə mərkəzi ofisdən “büdcəmiz yoxdur, darıxmayın gələcəkdə yaxşı olacaq, mesaye alırsız” deyilir və bu ümüdlü vəd də vəd olaraq qalır. “Anlamırlar ki, mesaye bizim artıq saata qalıb işləyib zəhmətimizlə aldığımız puldur, maaş deyil. Nə qədər ali, orta ixtissas təhsilli adi fəhlə yaxud usta köməkçisi kimi çalşır, ancaq təhsili olmayıb yaxud gəmidən anlayışı olmayanlar vəzifədə oturub. Əvvəlki sədr Elşad Nuriyev çox adamı işdən çıxardı, amma əvəzinə yerdə qalan işçilərə əmək haqqı artımı elədi. Bu isə həm işçi sayını və əməkhaqqını azaldır ” ,- deyə işçilərdən biri təkrar etirazını ürəkyanğısı ilə dilə gətirir.

“Mesaye” məsələsinə gəldikdə isə işçilər qeyd edir ki, bu həftə içi iş saatından kənar iki saatın 4 saat, şənbə günü isə 8 saat iş rejiminin 16 saat, yəni ikiqat hesablanmasıdır. Ümümilikdə isə bu işlərlə maaş min manat belə olmur ki, işçilər bunu ağır və gərgin əməyə haqsızlıq hesab edirlər.Üstəlik onların ağır əməyinə nəzarət naminə əzazil bir işçini nəzarətçi təyin ediblər. Şikayətçilər deyir ki, onları ən xırda haqsız məsələlərdə belə, həmin şəxsin xəbərçiliyi sayəsində cərimələyib tənqid edirlər.

“Ehtiyac üzündən qalırıq əlavə iş saatlarına.Məcburən canımıza əziyyət verib işə çıxıb onu qazanırıq. Gözümüz onu görür, çünki əməkhaqqı çox azdır. Şəxsən 900-1000 manat əmək haqqı alsaq əlavə iş saatlarına çıxmaz gəlib ailəmlə vaxt keçirərəm. Maraqlıdır ki, əvvəl bir lahiyə tikilirdi, premya və maaşı alırdıq, indi 10 layihə tikilir eyni maaşı alırıq, premya da yoxdur. Bəzən mesayeni də vermirlər.Həmin bir nəfər gizlin şəkildə sexlərdə işçilərin üzərinə düşür. Kimin əlində telefon varsa , kaskasının remeni azacıq yuxarıdırsa şəkli çəkib rəhbərliyə göndərir. Fəhlə 8 saat işləyəndə onu görmürlər, ancaq iki dəqiqə fasilə edəndə şikayət, tənqid edirlər, Yerə dəmir parçası qoyursan , çəkir. Bilmir nə məqsədlə qoymuşuq. İstidən qaynaqçıların gözləri zəifləyir deyə kaskanı çıxarır , dərhal şəkili çəkib göndərir rəisə ,- işçilərdən biri kədər dolu acı həqiqəti belə ifadə edir.

İşçilər əlavə edir ki, zavod daxilində işçilərə gündəlik lazım olacaq ləvazimatlar alınmır, işçilər avadanıqlarla təmin olunmur. Üstəlik onlarla işçi ixtisara salınaraq onların ağır əməyinə laqeyd münasibət sərgilənir. Nə qədər işçi laqeyd və kəskin münasibətdən burdan çıxıb Avropa ölkələrində zavodda işləməyə üz tutub. Çoxunun isə ölkədə azyaşlı övlad və ailəsi olduğu və imkanı olmadığı üçün ağır iş şəraiti də olsa işləyib bir tikə çörəyini qazanmaq məcburiyyətindədir.,

Verilən məlumata görə, hazırda zavodda bir ildir ki, quraşdırıcıların istifadə etdiyi təbaşir, metrə, qalın əlcək aylardır ki, zavodda ərşə çəkilib. Ayaqyolu , hamam və hamam aksesuarları bərbad gündədir.
“Sağ olsun iki yaşlı kişi oranı təmiz saxlayır, yoxsa itib batar oralar, bir krant xarab olanda aylarla elə qalır. Təminat sıfırdır . Soruşsan ki, nə vaxt gəlir, deyirlər sifariş etmişik gələcək” , -deyə işçi sanitar qovşağın da hazırki aqibətini, təminatı təsvir edir.

Qeyd edək ki, tikintisinə 2010-cu ildən və istifadəsinə isə 2013-cü ildə başlanılan Bakı Gəmiqayırma Zavodunun rəhbərliyinin qarşısına bir məqsəd qoylumuşdur. Azərbaycanın gəmiçilik sahəsində idxaldan asılılığını aradan qaldıracaq, Xəzər donanmasını müasirləşdirməyə imkan verəcəkdir. Zavodda rəhbərlik həmçinin ildə 80–100 ədəd gəmi təmiri həyata keçirməli, işçilərin sayının 2000 nəfərə qədər artırılması nəzərdə tutulurdu. Ancaq işçilər deyir ki, zavodda 3-4 sexdə 100-200, hətta elə sexlər var ki, çox az işçi heyyəti qalıb.

Ancaq indi işçi heyyətinin şikayətinə əsasən işçilər ixtisara salınır və 700-800 manatlıq iş sadə Azərbaycan vətəndaşına çox görülür, əməyi təhlükəli iş şəraitində istismar olunur. 90 faiz işçi isə açıq şəkildə şikayət edib işini itirməkdən qorxur. Çünki onlar deyir ki, işsizlik ağır işdən daha pis olduğundan dözüb qalmağı və gizlin məsələni qabartmağı seçir. 6-7 ilin işçiləri ağır işi, çoxsaylı lahiyələri olan zavodda 600-700 manat almasını şəxslərinə həqarət, istismar bilir. “Vallah daş karxanasında daş atan da və marketdə kassir də o maaşı alır. Ağır sənaye işində işçi belə maaş alar. İşçi yeməkxanaya iki dəqiqə tez gedəndə adı cərimə siyahısında olur. Amma rəhbər işçilər 10-15 dəqiqə tez gedir yeməkxanaya” ,-deyə işçilər giley-güzar edirlər.

Zavodun rəsmi saytında qeyd edilir ki, Bakı Gəmiqayırma zavodu Azərbaycanın dəniz sənayesində və ofşor sənayedə milli simvola çevrilmək məqsədilə fəaliyyət göstərən müasir və strateji müəssisələrdən biridir. Həmçinin 13 ildir ki, regionda gəmiqayırma və gəmi təmiri sahəsində aparıcı mövqeyə sahibdir. Nəinki ölkdaxili tələbatı ödəmək, həm də beynəlxalq bazarlara çıxış əldə etmək üçün mühüm imkanlar, yüksəkkeyfiyyətli mühəndislik və texnoloji həllər təklif edir. Əgər zavodda ən son texnologiyalar , innovativ yanaşmalar və peşəkar kadr potensialı istifadə olunursa işçilərin əmək şəraitinin bərbadlığı və əməyinin istismarı, nasaz, texniki cəhətdən yararsız avtobusların istifadəsini və digər bu kimi problemlərin mövcudluğunu hara yazaq. Zavodun rəsmi səhifəsindəki təriflə işçilərin real iş şəraiti üst-üstə düşmür. Beynəxalq səviyyəli zavod işçisinə niyə belə az maaşla laqeyd, əmək istismarçısı, işçi-nökər sistemindəki münasibət bəslənilir?

Məlumat üçün bildirək ki, zavodda gəmilərin, qayıqların və dənizdə yerləşən qurğuların layihələndirilməsi, tikintisi, istismarı və texniki xidməti ilə məşğul olan mühəndislik işləri icra olunur. Əsas fəaliyyəti dəniz köməkçi gəmilərindən, ümumi təyinatlı gəmilərdən, yedək gəmilərindən, kran gəmilərindən, ixtisaslaşdırılmış gəmilərdən və sərnişin gəmilərindən tutmuş tankerlərə qədər müxtəlif gəmilərin inşasından ibarətdir. Zavod eyni zamanda bu tip gəmilərin təmiri və konversiyası (yenidən qurulması) işlərini də həyata keçirir.

Hətta ötən ilin son statistik iş əmsalına diqqət kəsiləndə məlum olur ki, 2025-ci ilin I rübü ərzində “Ro-Pax” tipli gəmi üzrə tikinti göstəricisi ötən ilin analoji dövrü ilə müqayisədə 17,52%-dən 56,32%-ə yüksəlib. Həmçinin 2025-ci ilin I rübü ərzində “Tanker” tipli gəmi üzrə tikinti göstəricisi ötən ilin analoji dövrü ilə müqayisədə 17,89%-dən 66,97%-ə yüksəlib.

Əgər gerçəkdən də görülən işlərdə artım varsa, bu səliqəli geyimli rəsmi ofis işçlərindən çox savadlı, peşəkar mühəndis və gərgin rejimdə çalışan sıravi işçi heyyətinin sayəsində mümkündür. Onların qara əlləri sayəsində bu işlər görünür, lahiyələr icra olunur. İşçilərin əməyini layiqli şəkildə qiymətləndirmək və haqqını yeməmək, dövlət əmlak və sərvətinə isə yeyintilər sayəsində xəyanət etməmək lazımdır. Ölkə rəhbərliyi də dəfələrlə məmur özbaşınalığına və vəzifədən sui istifadəsinə son verməyi tələbini qoysa da, hələ də məmur suistifadəçiliyi hədd və əndazəni aşmaqdadır.

P. S Şikayətlər davam edir və faktlar yeniləndikcə redaksiyamız mövzunu gündəmdə saxlayacaq . Qarşı tərəfdən isə şikayətlərə dair sorğunun cavabını gözləyirik.

Materialı hazırladı ATATV.AZ saytının redaksiya heyyəti

Azərbaycanın təhsil sisteminin daha fərqli idarəetmə modelinə keçəcəyi gözlənilir. Bu əsnada uzun illər Tələbə Qəbulu üzrə Dövlət Komissiyasına, daha sonra isə Dövlət İmtahan Mərkəzinə rəhbərlik edən Məleykə Abbaszadənin bu modelin idarəetmə sisteminin başına gətiriləcəyi deyilir.
Məlumata görə, söhbət yalnız nazir dəyişikliyindən getmir. Məleykə Abbaszadənin bu yeni sistemə rəhbərliyi Azərbaycan təhsil sistemində idarəetmənin yenilənməsi, ayrı-ayrı funksiyaların daha dəqiq bölüşdürülməsi və müasir idarəçilik modelinə keçidlə bağlı planlarla əlaqələndirilir.
İnkişaf etmiş ölkələrin təcrübəsinə nəzər saldıqda təhsil idarəçiliyində nazirliyin bütün prosesi birbaşa idarə etməsi əvəzinə, müxtəlif funksiyaların ixtisaslaşmış və müəyyən dərəcədə müstəqil qurumlar arasında bölüşdürüldüyünü görünük. Nazirlik isə əsasən dövlət siyasətini və strategiyanı müəyyən edir, qiymətləndirmə, kurikulum, müəllim hazırlığı, məktəb idarəçiliyi və digər istiqamətlər isə ayrı-ayrı strukturlar vasitəsilə həyata keçirilir.
Məleykə Abbaszadənin uzun illər məhz qəbul, qiymətləndirmə və kadr seçimi sisteminin başında dayanması onun mümkün təyinatının bu baxımdan diqqətçəkən tərəfidir.
Dövlət İmtahan Mərkəzi ölkənin kadr potensialının formalaşmasında mühüm rol oynayan qurumlardan biridir. Qəbul imtahanlarından tutmuş müxtəlif dövlət qulluğu və qiymətləndirmə proseslərinə qədər geniş sahədə fəaliyyət göstərən DİM-in idarəçilik modelinin arxasında uzun illər ərzində formalaşmış ciddi institusional təcrübə dayanır.
Məlumatlara görə, məhz bu təcrübənin təhsil sisteminin digər istiqamətlərinə tətbiqi nəzərdə tutula bilər. Başqa sözlə, mümkün təyinatın əsas məqsədlərindən birinin təhsil sistemində idarəetməni daha sistemli, ölçülə bilən və nəticəyönümlü modelə keçirmək olduğu qeyd olunur.
Bu islahatlar reallaşsa nazirliyin yalnız məktəblərin və təhsil müəssisələrinin inzibati idarəçisi kimi deyil, ümumi təhsil siyasətini müəyyən edən və müxtəlif ixtisaslaşmış qurumların fəaliyyətini koordinasiya edən mərkəzi struktur kimi fəaliyyət göstərməsi mümkün ola bilər.
Məleykə Abbaszadənin təhsil sahəsində uzunmüddətli təcrübəsi də bu model üçün əsas arqumentlərdən biri kimi təqdim olunur. Onun qəbul və qiymətləndirmə sistemini uzun illər idarə etməsi, müxtəlif mərhələlərdə ölkənin kadr seçimi mexanizmlərində iştirak etməsi və bu sahədə böyük idarəçilik təcrübəsinə malik olması mümkün namizədliyinin üstün tərəfləri sırasında dayanır.
Digər məlumata görə, hazırkı elm və təhsil naziri Emin Əmrullayev başqa vəzifəyə təyin oluna bilər. Əgər belə bir dəyişiklik baş verərsə, bu, sadəcə bir nazirin digəri ilə əvəzlənməsi deyil, Azərbaycan təhsil sistemində təhsil fəlsəfəsinin dəyişdirilməsi ola bilər.
Xüsusilə təhsilin keyfiyyəti, müəllimlərin hazırlığı və qiymətləndirilməsi, məktəblərin idarə olunması, ali məktəblərə qəbul, peşə təhsili və əmək bazarının tələbləri arasında əlaqənin gücləndirilməsi kimi istiqamətlərdə yeni yanaşmaların tətbiqi qacılmazdır.
Qısa olaraq, nazirlik əsas siyasəti müəyyən edir, lakin yerli idarəetmə qurumunun və məktəbin özünün də kifayət qədər səlahiyyəti olur.
Bizimesr.media

Xəbər verdiyimiz kimi, İqtisadi Əməkdaşlıq və İnkişaf Təşkilatının (OECD) 2025-ci il üzrə Beynəlxalq Şagird Qiymətləndirmə Proqramının (“PISA-2025”) nəticələri açıqlanıb.
Yeniavaz.com xəbər verir ki, hesabatda ilk dəfə şagirdlərin süni intellektdən, o cümlədən “ChatGPT” kimi çat-botlardan dərs və ev tapşırıqları zamanı istifadəsi ilə bağlı məlumat təqdim edilib.
“PISA 2025” hesabatına görə, süni intellekt (Sİ) çatbotları Azərbaycanlı şagirdlərin də təhsil prosesində geniş istifadə etdiyi vasitələrdən birinə çevrilib. Məlumatlar göstərir ki, Azərbaycanda 15 yaşlı şagirdlərin təxminən yarısı məktəb tapşırıqları və öyrənmə məqsədilə süni intellektdən müntəzəm istifadə edir.
Sorğuya görə, Azərbaycanda şagirdlərin 48%-i həftədə ən azı bir dəfə süni intellektdən istifadə edərək öyrəndiklərini bildiriblər. Bu göstərici OECD ölkələri üzrə orta göstəricidən – 46%-dən bir qədər yüksəkdir.
Bundan əlavə, Azərbaycanda şagirdlərin yalnız 8%-i məktəb tapşırıqları üçün süni intellekt çatbotlarından heç vaxt istifadə etmədiyini bildirib. Müqayisə üçün, OECD ölkələrində bu göstərici 14% təşkil edir.
Azərbaycanlı şagirdlər süni intellekt çatbotlarından əsasən aşağıdakı məqsədlərlə istifadə edirlər:
Yeni mövzu üzrə ilkin araşdırma – 38% (OECD ortalaması: 31%);
Oxumalı olduqları mətnin xülasəsini hazırlamaq – 32% (OECD ortalaması: 30%);
Yazı tapşırıqları üçün mətn hazırlamaq – 35% (OECD ortalaması: 29%).
Müqayisə üçün bildirək ki, həftədə ən azı bir dəfə süni intellekt çatbotlarından istifadə edənlərin payı Ukraynada 54%, Litvada 53%, Latviyada 51%, Ermənistanda 49%, Özbəkistanda 49%, Gürcüstanda isə 42% olub.

Hacıqabul Rayon İcra Hakimiyyəti “MM İnşaat Group” MMC ilə satınalma müqaviləsi imzalayacaq.

Şirkət qurumun Hacıqabul şəhərində abadlıq işləri ilə bağlı keçirdiyi satınalma müsabiqəsinin qalibi olub.

Abadlıq işlərinə görə şirkətə 85 275,06 manat ödəniləcək.

Dövlət satınalmalarının vahid internet portalı üzərindən apardığımız araşdırmaya əsasən, “MM İnşaat Group” MMC tenderlərdə fəal iştirak edir. Şirkət 2024–2026-cı illərdə 2 127 554,64 manatlıq sifariş alıb. Bununla belə, açıq mənbələrdə şirkət haqqında məlumatlar məhduddur.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “MM İnşaat Group” MMC 26 noyabr 2021-ci ildə qeydiyyata alınıb. Nizamnamə kapitalı 10 manat olan şirkətin hüquqi ünvanı Bakı şəhəri, Nərimanov rayonu, Nəcəf Nərimanov küçəsi, ev 5D-dir. MMC-nin qanuni təmsilçisi Ağayev Mirkamal Əhməd oğludur.

Mirkamal Ağayev haqqında ictimaiyyət üçün açıq olan resurslarda hər hansı məlumata rast gəlinmir.

Yeri gəlmişkən, Hacıqabul Rayon İcra Hakimiyyəti 2023-cü ildə “MM İnşaat Group” MMC ilə satınalma müqaviləsi imzalayıb. Müqavilədə Hacıqabul şəhərində mənzil fondunun əsaslı təmir işlərinin satın alınması nəzərdə tutulub. Müqavilənin maliyyə dəyəri 53 586,28 manat təşkil edib.

Həmin vaxt rayonun icra başçısı Rüstəm Xəlilov olub. Hazırda Hacıqabul Rayon İcra Hakimiyyətinin başçısı Sevindik Hətəmovdur. O, 2024-cü ildən rayona rəhbərlik edir.

Sevindik Hətəmovun icra başçısı kimi karyerası 2012-ci ildən başlayır. O, həmin il Yardımlı Rayon İcra Hakimiyyətinin başçısı vəzifəsinə təyin edilib. 2016-cı ildə isə Salyan Rayon İcra Hakimiyyətinin başçısı təyin olunub. 8 il orada çalışdıqdan sonra Hacıqabul rayonunun rəhbərliyinə gətirilib.(Qaynarinfo)

Azərbaycan Respublikası Media və Yayım Şurasına sədr və üzvlər təyin edilib.

Prezident İlham Əliyev bununla bağlı Sərəncam imzalayıb.

Sərəncama əsasən, aşağıdakı şəxslər Media və Yayım Şurasının sədri və üzvləri təyin ediliblər:

Media və Yayım Şurasının sədri

İsmayılov Əhməd Məhəmməd oğlu

Media və Yayım Şurasının üzvləri

Abdullayev Məhəmməd İzzət oğlu

Bəşirli Aynur Əliövsət qızı

Kərimova Rəqsanə Tofik qızı

Məmmədov Fərhad Rauf oğlu

Nadirov İlkin İlqar oğlu

Novruzov Fazil Hacıverdi oğlu.