Hesablama Palatasının sədri Vüqar Gülməmmədovun 2025-ci il üzrə fəaliyyət hesabatı ictimai və ekspert çevrələrində ciddi müzakirələrə səbəb olub.

Hesabatda ötən il ərzində ümumilikdə 6,7 milyard manat dövlət vəsaitinin auditdən keçirildiyi bildirilir. Sənəddə qeyd olunur ki, aparılan yoxlamalar nəticəsində 584 milyon manat uyğunsuzluq, 626 milyon manat maliyyə təhrifi və 342 milyon manat səmərəsiz xərclər aşkarlanıb.

Bütün bu faktlar dövlət vəsaitlərinin idarə olunmasında planlaşdırma, icra və nəzarət mexanizmlərinin təkmilləşdirilməsinə ehtiyac olduğunu bir daha təsdiqləyir. Hesabatda xüsusilə tikinti sahəsində mövcud problemlərə diqqət çəkilib. Bildirilib ki, görüləcək işlərin dəyərinin hesablanması metodologiyasında boşluqlar qalmaqdadır. Bu isə müqavilə dəyərlərinin düzgün formalaşmamasına gətirib çıxarır.

Həmçinin qeyd olunur ki, layihələrin icrası zamanı işlərin ad və həcmlərində edilən dəyişikliklər ümumi məbləğə təsir göstərir və bu halların artması müşahidə edilir. İstismara hazır olan obyektlərin qəbulunda gecikmələr, eləcə də aktivlərin balans dəyərinin düzgün tanınmaması kimi məqamlar da hesabatda əksini tapıb.

Bu kontekstdə diqqət Qarabağ iqtisadi rayonunda aparılan tikinti-bərpa işlərinə və həmin layihələri icra edən şirkətlərə yönəlir ki, bu işdə Qarabağ İqtisadi Rayonunda Bərpa, Tikinti və İdarəetmə Xidməti publik hüquqi şəxsin icraçı direktoru Leysan Məmmədovun adı xüsusilə qeyd olunmalıdır.

Bu günlərdə mətbuatda Leysan Məmmədovun adı ilə bağlı bəzi iddialar yer aldı. Ümumi dəyəri 25 milyon manatdan çox olan üç böyük dövlət müqaviləsinin “Platin” MMC-yə verilməsi böyük rezonans doğurdu. Rəsmi sənədlərdə şirkətin rəhbəri kimi İsfəndiyar Məmmədov göstərilsə də, iddialara görə real idarəetmənin başqa şəxslərə əlaqələndirildiyi qeyd olunur. Yəni, bu milyonluq layihələrin arxasında duran əsas fiqur qurum rəhbərinin oğlu – Elnur Məmmədov hesab olunur.

Bu isə artıq sadəcə şübhəli tender deyil – açıq şəkildə “ailə podratı” modelinin qurulması deməkdir. Dövlət vəsaitinin eyni çevrədə cəmlənməsi, formal rəhbərlərin arxasında gizlənən real şəxslərin olması isə korrupsiya risklərini daha da artırır.Ortada milyonlarla manatlıq vəsait, eyni adların təkrarlandığı müqavilələr və qapalı şəkildə idarə olunan bir şəbəkə var. Sual isə dəyişmir: bu pullar doğrudanmı dövlət üçün xərclənir, yoxsa müəyyən ailə dairəsinin nəzarətində bölüşdürülür? Bu isə məsələnin təkcə bir müqavilə ilə məhdudlaşmadığını, daha geniş sistemli problemlərin mövcud ola biləcəyini deməyə əsas verir.Əgər dövlət vəsaiti bu cür “seçilmiş” şirkətlər arasında bölüşdürülürsə, bu artıq sadəcə qanun pozuntusu deyil –müvafiq qanunlara meydan oxumaqdır.Aidiyyəti qurumlar susduqca isə suallar daha da artır: bu qərarın arxasında kim dayanır və niyə qanun yalnız kağız üzərində qalır?

Məhz Hesablama Palatasının hesabatı isə bu istiqamətdə mövcud risklərin və boşluqların daha sistemli şəkildə araşdırılmasına ehtiyac olduğunu göstərir. Eyni zamanda Qarabağda həyata keçirilən layihələrə nəzarətin gücləndirilməsi və dövlət vəsaitlərinin istifadəsində şəffaflığın artırılması məsələsi yenidən gündəmə gətirilir.Bizimesr.az

"Hacı Mazan" kimi tanınan iş adamı Ramazan Zeynalova məxsus olduğu deyilən "Sirr-M" Məhdud Məsuliyyətli Cəmiyyətinin (MMC) vergi borcu yaranıb. Qaynarinfo-nun məlumatına görə, şirkətin Dövlət Vergi Xidmətinin 6 saylı Ərazi Vergilər Baş İdarəsinə vergi borcu 218.735,74 AZN-ə çatıb.
Qeyd edək ki, nizamnamə kapitalı 20 manat olan MMC-nin qanuni təmsilçisi Əzimov Mahmud Nizami oğludur.
Ötən ilin avqust ayında Dövlət Su Ehtiyatları Agentliyi yanında Suların İstifadəsinə və Mühafizəsinə Dövlət Nəzarəti Xidmətinin (SİMDNX) apardığı nəzarət tədbirləri zamanı "Sirr-M" MMC tərəfindən Viləşçay su anbarından ağır texnikalardan istifadə olunmaqla torpaq və qarışıq suxurun çıxarılması faktı aşkar edib. Şirkət rəhbərliyinə cinayət işi açılmışdı. Sonradan bu barədə ictimaiyyətə məlumat verilmədi. 2022-ci ildə də Viləşçayın hövzəsindən torpaq və çaylaq daşlarının qanunsuz daşınması halı aşkar edilmişdi. Məlumata əsasən, ərazidən gündəlik olaraq 90-100 yük maşını torpaq və daş daşınır.
Şirkətin də qeyri-rəsmi olaraq iş adamı Ramazan Zeynalova məxsus olduğu bildirilir.
Onu da bildirək ki, Masalı rayonunda yerləşən "Viləş Palace Hotel"in də Ramazan Zeynalova məxsus olduğu deyilir. Ötən ilin aprel ayında "Viləş Palace Hotel"in qanuni təmsilçisi dəyişib. Ramazan Zeynalovun qardaşı oğlu Vüqar Zeynalov MMC-nin qanuni təmsilçiliyindən çıxarılıb. Onun yerinə Bağırlı Samir Eldar oğlu gətirilib.
2024-cü ildə Əmlak Məsələləri Dövlət Xidməti "Viləş Palace Hotel" MMC-ni aralarında yaranamış torpaq mübahisəsinə görə məhkəməyə verib. İddialara görə, otelin yerləşdiyi ərazinin əhəmiyyətli hissəsi "Viləş Palace Hotel" MMC rəhbərliyi tərəfindən zəbt olunub. Hazırda da tərəflər arasında məhkəmə çəkişməsi davam etdirildiyi bildirilir.(Qaynarinfo)

Masallı sakinlərinin "Nyus.Az" xəbər saytına verdiyi məlumata görə, 11 saylı Regional Meşə Təsərrüfatı Mərkəzinin Qəriblər meşəbəyliyinin 8 saylı dolayında "Park Masallı" adlanan ərazidə 2025-ci ildən elə oranın sahibi tərəfindən qurudulmağa başlamış 3 iridiametirli (96 sm, 108 sm, 110 sm) şabalıdyarpaq palıd ağacının kəsilməsi üçün saxta rəy alınlb və 3 ağacın 3 də 20.04.2026 ci il tarixdə kəsilərək götürülmüşdür.

Baş aldatmaq üçün, kəsilib götürülmüş ağacların yerlərinə gözdən pərdə asmaq üçün, 3 ağac tingi əkilmişdir.

Sözügdən rəy Dövlət Ekspertiza İdarəsinin rəisi Mirsalam Qənbərov tərəfindən verilmişdir.
Həmin yer dövlət meşə fondu ərazisi olduğu halda, ora necə rəy verilib? Halbuki sözügdən ağaclar sanitar qırmaya salınb kəsilməli idi.

"Xahiş olunur bizim məlumat Baş Prokurorluq tərəfindən şəffaf şəkildə araşdırılıb tədbir görülməlidir." -deyə, sakinlər bildirir.(Nyus.Az)

Qarşı tərəfin mövqeyin dinləyib dərc etməyə hazırıq.

HAKİM SÜLEYMAN HACIYEV VƏ BİTMƏYƏN PROSES

Tovuz rayon Azaflı kənd sakini sahibkar Oktay Alisgəndərovun və digər sahibkarların məsələsi ilə bağlı mətbuatda müxtəlif yazılar dərc olunub. Ona məxsus qeyri- yaşayış obyektinin istismarı qəbulu ilə bağlı qanunvericiliyin tələb etdiyi prosedurlar tamamlanıb, dövlət qurumlarından müxtəlif rəylər alınıb , torpaq sahəsi üzrə icarə müqaviləsi bağlanıb və dövlət rüsumu ödənilib. Yekun mərhələdə obyektin istismarı qəbul edilməsinə dair aktin verilməsində gecikmə yaranıb və sahibkara sənədin verilməməsinə dair aydın izahat təqdim olunmayıb.
Oktay Alisgəndərov məsələ ilə bağlı hüquqi müstəvidə addım atıb. Sahibkar iddia ərizəsi ilə məhkəməyə müraciət edib. Tovuz rayon məhkəməsinə yeni təyin olunmuş hakim aylardır məhkəməni qəsdən uzadır. Süründürməçiliyə yol verir.
Bu adi gecikmə deyil, sistemli süründürməçilik kimi qiymətləndirilməlidir.
Məhkəmə prosesinin uzadılması müəyyən təsirlər nəticəsində baş verir. İddiaya görə hakimə məhkəməni uzatması ilə bağlı sifariş başçı tərəfindən gəlir. Tovuz rayonunun bütün məmurları sahibkarların qəsdinə durub.
Tovuz rayon məhkəməsinin hakimi Sülüyman hacıyev ədalət bərqərar etmək missiyasını unudub, intriqalar kölgəsində addımlayır. Ədalət mühakiməsini unudan Süleyman müəllim ədaləti təmin etmək, qanunlara uyğun qərar vermək yerinə başçının əmrinin icrasını həyata keçirir. Sübutlara və faktlara deyil, bircə kəlmə "olmaz" sözünə söykənir.
Qayda-qanunu deyil, başçının prinsiplərini qoruyur.
Sülüyman Hacıyev fəaliyyətində hüquqi əsaslardan çox, qeyri-rəsmi təsirlər ön plana çəkilir.
Hakim müstəqil olmalı, qərar verərkən heç kimin təsiri altında olmamalı və yalnız qanuna əsaslanmalıdır. Süleyman Hacıyev hansı "qanuna" əsaslanır, bax bu məsələ çox saylı suallar doğurur.
Prezident İlham Əliyev buyurmuşdur:
" Məmurlar xalqın xidmətçisidir"
Lakin Tovuz rayonunda cərəyan edən hadisələr məmurların xidmətçidən çox prezidentimiz cənab İlham Əliyevin digər fikrini doğrulayır.
"Bəxi xırda səviyyəli məmurlar özlərini ağa kimi, xan kimi aparırlar"
Bəli, onlar ağa, rəiyyət onların qulu, köləsidir. Necə istəyirlər elə də münasibət göstərib, rəftar edirlər.
"Onlar qanunları pozurlar, bəzi hallarda çox ciddi pozurlar"
Tovuz rayon məhkəməsinin hakimi Süleyman Hacıyevin qanun pozuntusu, xalqın və ədalətin yanında dayanmaması ciddi araşdırma mövzusudur.
Tovuzda ədalət qanuna əsaslanır, yoxsa şəxsi maraqlara...
" Dövlətə sədaqətli insanlar, vətənə sədaqətli insanlar insanlar önə çəkilməlidir"
Bunu biz demirik, cənab prezidentimiz İlham Əliyev deyir.
Dövlətə sədaqəti, millətə mərhəməti, xalqa hörməti, ədalətə ehtiramı olmayan Süleyman Hacıyev və onun kimi məmurlar haqqında ümid edirik tədbir görüləcək.(Gundelikxeber.org)
Çünki ədalət gecikəndə inam da sarsılır!

Sosial şəbəkələrdə Ağcabədinin icra başçısı Rafil Hüseynovun haqqında olduqca maraqlı faktlar açıqlanıb… Əslində, bu faktlar Baş nazir Əli Əsədovun haqqında yazılanların təkrarı kimidir. Aybeniz İlqarFateh adlı bilgili fb istifadəçi yazır: “İndi sizə kimdən deyim, kimdən danışım, Ağcabədi İH başçısı Rafil Hüseynovdan. O Rafil Hüseynov ki, maaşı ilə tərs mütənasib olan Bakıda Novxanıdakı villasındakı partiyə 80 min manata Damla adıyla tanınan Məsuməni gətirmişdi. O Rafil Hüseynov ki, Ağcabədidə çətənə kollarını polis aşkarlayanda, “yabanı” adlandırıb, mətbuata da məhz bu adla sırımağı bacarmışdı. O Rafil Hüseynov ki, Bakıdakı villasında da belə kollar yetişdirilir, adını dekorasiya məqsədli yetişdirmə qoymuşdu.
O Rafil Hüseynov ki, Bakıdakı villasına çəhrayı flaminqolar və tovuz quşu gətirərək özü üçün xudmani təbiət qoruğu yaratmışdır. Və sair… və ilaxır… Damlanın pərəstişkarı və hayranı olan Rafil Hüseynovun Damla üçün “Gənclik” metrostansiyası yaxınlığında aldığı mənzildən yazmayacağam. Rafil Hüseynovun Ağcabədiyə İH başçısı gedən kimi işə qoydurduğu qohum-əqrəbalarından da yazmayacağam. Kifayət qədər yazmışam. Bu dəfə Rafil cənablarının ağacəkmə kampaniyası adı altında “həyata keçirməyi” başardığı işindən yazacağam. Deməli, Rafil Hüseynov Ağcabədi rayonunun “Zəfər” prospektində və Bəhramtəpə-Mingəçevir magistral yolunun Aşağı Avşar və Hacıbədəlli kəndləri ərazisindən keçən hissəsində ağacəkmə kampaniyası həyata keçirib. Məmumatda qeyd olunur ki, “Zəfər” prospektində ümumilikdə 700, yolun Aşağı Avşar və Hacıbədəlli kəndləri ərazidindən keçən hissəsində isə ümumilikdə 600 ağac əkilib. Əgər əkilənlərə ağac demək mümkünsə… Ümumilikdə 1300 ağac əkilib. 1300 ağaca pulu sayın Rafil Hüseynov öz cibindən verməyib. Dövlət büdcəsindən maliyyələşən təşkilatlarda çalışan Ağcabədi əhlinin maaşından tutub o pulu. Özü də iki-üç qat artığına‼️Məsələnin ən ürəkağrıdan tərəfi isə budur ki, Rafil Hüseynovun göstərişinə əsasən xadimələrin, süpürgəçilərin də maaşından pul tutulub. P.S. Növbəti yazımda Rafil Hüseynovun Aşcabədi şəhər icra nümayəndəsi işləyn baldızı oğlu Fikrət Allahverdiyevin baldızı Səmayənin rayon mərkəzi xəstəxanasında at oynatmasından yazacağıq…” və sair.
Sitatın sonu.
TEZADLAR.az

Azərbaycan Həmkarlar İttifaqları Konfederasiyasının (AHİK) fəaliyyəti uzun illərdir müxtəlif istiqamətlərdə tənqid olunur. Düz 31 il AHİK-ə rəhbərlik etmiş Səttar Möhbalıyev 2024-cü ildə vəzifədən uzaqlaşdırıldıqdan sonra onun yerinə hüquqşünas, iqtisadçı, həmçinin İqtisadiyyat nazirinin müavini vəzifəsində çalışmış Sahib Məmmədov gətirildi.

Uzun illər haqsızlıqla, sosial dəstək və xidmət mexanizmlərinin kifayət qədər effektiv işləmədiyi ilə bağlı narazılıqlarını səsləndirən AHİK üzvləri bu dəyişikliyə sevinərək vəziyyətin düzələcəyinə inanırdı. Bu səbəbdən yeni rəhbərlikdən - Sahib Məmmədovdan gözləntiləri yüksək idi.

Lakin görünənlər, çoxsaylı davamlı narazılıqlar və daxil olan məlumatlar göstərir ki, əvvəlki problemlər nəinki aradan qaldırılıb, daha ciddi və təhlükəli hal alıb. Əsas narzılıqlar arasında isə AHİK-in tabeliyində fəaliyyət göstərən səhiyyə müəssisələrindəndir.

Onlardan biri də Bakı şəhərinin Xəzər rayonu, Buzovna qəsəbəsində yerləşən “Buzovna” Fizioterapiya Mərkəzidir.

"Kurort" QSC - “Buzovna” Fizioterapiya Mərkəzi, yoxsa...?

“Buzovna” Fizioterapiya Mərkəzi 2024-cü ilin oktyabr ayında fəaliyyətə başlayıb. Buzovna qəsəbəsində yerləşən Mərkəz AHİK-in nəzdində fəaliyyət göstərən "Kurort" Qapalı Səhmdar Cəmiyyətinin balansına daxil olan bir neçə sanatoriya və müalicə Mərkəzindən biridir. AHİK sədri Sahib Məmmədov, "Kurort” QSC-nin baş direktoru isə Çingiz Hacıyevdir.

Bizimesr.com-a daxil olan məlumatlara görə, “Buzovna” Fizioterapiya Mərkəzi yarandığı gündən etibarən son bir həftəyədək lisenziyasız fəaliyyət göstərib. Olduqca maraqlı faktdır və bu Mərkəz 2 ilə yaxın necə lisenziyasız tibbi müalicələr həyata keçirib?. Bu hal həm qanunvericiliyin pozulması, həm də vətəndaşların sağlamlığı baxımından ciddi risklər yaradan hallardır.

Mərkəzdə müalicə alan bir şəxslərin redaksiyaya bildirdiyinə görə, Mərkəzdə müxtəlif xarakterli qanun pozuntuları baş verir.

"Həkim" Reyhanə Hüseynova?

Məlumatlarda qeyd olunur ki, Mərkəzin baş həkimi Nüşabə Əlişovadır və ixtisasca ginekoloqdur. Fizioterapiya profilli bir müəssisəyə rəhbərlik edən şəxsin ixtisas uyğunluğu məsələsi də diqqət çəkən məqamlardandır.

Şikayətlərdə daha çox adı hallanan şəxslərdən biri də, Buzovna Fizioterapiya şöbəsinin müdiri kimi təqdim olunan Reyhanə (Rena) Hüseynovadır. Onun ali tibbi təhsilinin olub-olmaması ilə bağlı suallar mövcuddur və bu məsələ ilə əlaqədar Səhiyyə Nazirliyinə rəsmi sorğu ünvanlanacaq.

Ümumiyyətlə, son illər əsasən özəl klinikalarda ali tibbi ixtisaslı həkim olmayan, hansısa kursları bitirərək həkim kimi çalışmaq halları sürətlə artmaqdadır. Bu əsasən kosmetoloq, plastik əməliyyatlar və sair hallarda baş verir. Amma dövlətə aid olan bir tibb müəssiəsində - “Buzovna” Fizioterapiya Mərkəzində həklim olmadan işləmək həqiqətən də qəbuledilməzdir. Bu istiqamətdə araşdırmalarımız davam edir və aidiyyatı üzrə sorğular ünvanlanacaq.

Şikayətlərdə daha çox hallanan "həkim"lərdən biri də Fuad Baxşəliyevin adıdır. Onun sözügedən Mərkəzdəki fəaliyyəti ilə bağlı böyük suallar var.

Məlumatlara görə, əvvəllər “med brat” kimi çalışan və orta ixtisas təhsilli olduğu bildirilən bu şəxsin sonradan daha yüksək vəzifəyə təyin olunması diqqət çəkir. Eyni zamanda kobud davranlşlarına görə, dəfələrlə xəstələr tərəfindən rəhbərliyə şikayətlər edilsə də, baş həkim Nüşabə Alışova buna məhəl qoymayıb. O özünü AHİK sədri Sahib Məmmədovun “Buzovna” Fizioterapiya Mərkəzindəki adamı olaraq tanıdıb.

Ölkənin ali tibb ocağını bitirən insanlar işsiz qaldığı bir dönəmdə kollec təhsilli birinin tibbi ocaqda yüksək vəzifə tutması da bir böyük sualdır. Təbii ki, bu faktlar da araşdırılmalıdır.

Yoxlamalar və sənədləşmə...

İddialarda yer alan digər mühüm məqamlardan biri isə Mərkəzin lisenziyasız fəaliyyət göstərdiyi dövrdə dövlət yoxlamalarından necə keçməsi ilə bağlıdır. Qeyd olunur ki, faktiki olaraq müxtəlif tibbi prosedurlar həyata keçirilsə də, rəsmi sənədlərdə yalnız tək masaj xidmətlərinin göstərildiyi qeyd olunub.

Xəstələrdən əlavə ödənişlər?...

Məlumatlarda diqqət çəkən digər məsələ AHİK tərəfindən göndərilən xəstələrə əlavə ödənişli prosedurların tətbiq edilməsi ilə bağlıdır. Şikayətçilərin sözlərinə görə, rəsmi göndərişlə Mərkəzə qəbul olunan şəxslərə əlavə prosedurlar yazılır və bunun müqabilində ödəniş tələb olunur. Bu ödənişlərin bəzi hallarda 80 manatdan başladığı və sistemli xarakter daşıdığı qeyd olunur.

Redaksiyaya daxil olan diğər məlumatları araşdırma çərçivəsində aidiyyəti qurumlara sorğular göndərilir.

Məsələ ilə bağlı qarşı tərəfin mövqeyini dərc etməyə hazırıq.

Bizimesr.com

“Görüş olmadan iş olmaz” hüquqi prosedur, yoxsa qeyri-rəsmi tələb?

Tovuz rayonunda sahibkarlıq fəaliyyəti ətrafında formalaşan mənzərə artıq sıradan inzibati gecikmə təsiri bağışlamır. Ardıcıl müraciətlər, mediaya çıxan məlumatlar və konkret adlarla səsləndirilən ittihamlar göstərir ki, proseslər kağız üzərindəki qaydalardan kənara çıxır, qərarların qəbulunda görünməyən şərtlərdən asılılıq ehtimalı güclənir.
Qanuni prosedurlar tamamlanır, nəticə isə dayanır.
Hacıhəsənli kəndi sakini, sahibkar Tariyel Qasımovun müraciəti vəziyyətin daha açıq və daha kəskin tərəfini ortaya qoyur. Kafe tikintisi üçün bütün sənədlər qaydasında olduğu halda, proses qarşısında qeyri-rəsmi baryerlər formalaşır.
İddialara görə, yerli icra nümayəndəsi kimi təqdim olunan şəxs tərəfindən “rəhbərliklə görüş” tələbi irəli sürülür. Bu tələb adi inzibati addım kimi deyil, nəticəsi əvvəlcədən şərtləndirilmiş proses kimi təqdim olunur. Məntiq sadədir:
razılaşma olmadan fəaliyyət mümkün deyil.

Rüşvət ehtimalı: üstüörtülü mesajlardan açıq nəticəyə

Səsləndirilən fikirlər, “görüş” anlayışının arxasında maliyyə tələbinin dayandığı ehtimalını gücləndirir. Qeyri-rəsmi razılaşma baş tutmadıqda isə obyektin sökülməsi ilə bağlı xəbərdarlıqlar, hüquq-mühafizə mexanizmlərinin işə düşə biləcəyi barədə mesajlar verildiyi iddia olunur.
Belə yanaşma təsdiqini taparsa, məsələ artıq korrupsiya şübhəsindən daha geniş məna kəsb edir — sahibkarlıq fəaliyyətinin qeyri-rəsmi təsir dairəsinə salınması, hüquqi çərçivənin formal səviyyəyə endirilməsi deməkdir.

Təkrarlanan ssenari: fərdi narazılıqdan sistem ehtimalına

Azaflı kənd sakini Oktay Alisgəndərovun müraciətində təsvir olunan vəziyyət, idarəetmədəki boşluğun açıq göstəricisi kimi görünür. Qeyri-yaşayış obyektinin istismara qəbulu üçün tələb olunan bütün mərhələlər yerinə yetirilir, müvafiq rəylər alınır, rüsumlar ödənilir. Lakin yekun mərhələdə proses dayanır. Rəsmi izah təqdim olunmur, gecikmənin səbəbi açıqlanmır.
Belə şəraitdə yaranan sual sadədir, lakin cavabı ağırdır:

Qanun işləyirsə, qərar niyə verilmir?

“Əvvəl razılaşma, sonra fəaliyyət” – iddiaların sərt konturları

Bir fakt lokal problem kimi qiymətləndirilə bilərdi. Oxşar məzmunlu müraciətlərin artması isə mənzərəni dəyişir. Eyni tipli iddiaların müxtəlif mənbələrdə səslənməsi, əlavə olaraq dövlət satınalmalarında “bir mənbədən satınalma” hallarının çoxluğu ilə bağlı müzakirələr, qərarların şəffaflığı ilə bağlı ciddi suallar yaradır.
Bu kontekstdə əsas sual qaçılmazdır:
Qərarlar hüquqi əsaslarla verilir, yoxsa qeyri-rəsmi münasibətlər çərçivəsində formalaşır?
Biznes mühitinə zərbə: risk yalnız bir sahibkarla məhdudlaşmır
Formalaşan mühit sahibkarlıq üçün ən təhlükəli siqnalı verir — qeyri-müəyyənlik. Qaydaların dəyişkənliyi, qeyri-rəsmi tələblərin mövcudluğu ehtimalı, investisiya qərarlarını birbaşa təsir altına salır. Belə şəraitdə nə yeni biznes təşəbbüsü yaranır, nə də mövcud fəaliyyət sabit qalır.
Bu, tək bir sahibkarın problemi deyil. Regionun iqtisadi dinamikası üçün ciddi riskdir.
Susqunluq, izahsızlıq şübhəni gücləndirir
Bütün iddialar fonunda diqqəti cəlb edən əsas məqam rəsmi mövqenin olmamasıdır. Tovuz Rayon İcra Hakimiyyəti tərəfindən nə aydın təkzib təqdim olunur, nə də detallı izah verilir.
Onlar niyə susur:
əsassız iddia faktlarla təkzib olunur, əsaslı iddia hüquqi qiymət tələb edir.
Cavabsız qalan suallar:
Ortada konkret müraciətlər, adlar və ciddi ittihamlar var. Cavab isə hələ də yoxdur. Bu vəziyyət artıq lokal çərçivəni aşır, idarəetmədə şəffaflıq və qanunun aliliyi məsələsinə çevrilir.
Əsas sual dəyişmir:
Tovuz rayonunda sahibkarlıq qanuna əsaslanır, yoxsa İcra hakimiyyəti rəhbərliyinin cibinə?

Azerinews.az

“Protez-Ortopedik İstehsalat Və Reabilitasiya Mərkəzi” publik hüquqi şəxsi əlillərin reabilitasiyası üçün malların satınalınması üzrə başladığı açıq tender müsabiqəsinə yekun vurub və “ZN TRADE” Məhdud Məsuliyyətli Cəmiyyəti ilə 16.523.872,05 manat məbləğində satınaılma müqaviləsi bağladığını 20.04.2026-cü ildə dövlət satınalmalarının vahid internet portalında dərc edib. Müqavilənin icrasına 16.04.2026-ci ildən başlanılıb 30.12.2027-ci ildə bitiriləcək.

Qeyd edək ki, bunlar “Protez-Ortopedik İstehsalat və Reabilitasiya Mərkəzi” ilə “ZN TRADE” MMC arasında bağlanan ilk müqavilələr deyil. Belə ki, Reabilitasiya Mərkəzi ilə şirkət artıq bir neçə ildir işbirliyindədir.

Əlillərin reabilitasiyası üçün malların satın alınması üzrə 6.110.690,69 manat məbləğində bir müqavilə 23.09.2025-ci ildə, 449.728,72 manat dəyərində bir müqavilə isə 19.03.2025-ci ildə bağlanılıb.

“Protez-Ortopedik İstehsalat və Reabilitasiya Mərkəzi” ilə “ZN TRADE” MMC arasında 2024-cü ildə isə ümumi dəyəri 35 253078 manat olan 3 satınalma müqaviləsi bağlanılıb.

Qeyd edək ki, bunlar “ZN TRADE” MMC ilə Əmək və Əhalinin Sosial Müdafiəsi Nazirliyinə tabeli qurumlar arasında bağlanılan müqavilələrin bir hissəsidir. Onlara keçməzdən əvvəl MMC-nin qısa tarixini diqqətinizə çatdırmaq istərdik.

Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarda “ZN TRADE” (VÖEN 2007592551) Məhdud Məsuliyyətli Cəmiyyəti 09.09.2022-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ XƏTAİ RAYONU, OKSİGEN, ev 3/8, qanuni təmsilçisinin isə Kərimov Nüsrəddin Yolçu oğlu olduğu göstərilir.

Dövlət Vergi Xidmətinin məlumatlarından da göründüyü kimi MMC 09.09.2022-ci il tarixdə dövlət qeydiyyatına alınıb. MMC dövlət qeydiyyatına alındığı tarixdən cəmi 11 gün sonra “Protez-Ortopedik İstehsalat və Reabilitasiya Mərkəzi”nin keçirdiyi qapalı (otaqda) və açıq məkanlarda istifadə üçün mexaniki təkərli və mühərrikli təkərli oturacaqların satınalması üzrə 3.758.808,58 dəyəri olan tenderin qalibi olub. Sonra isə, daha dəqiqi 09.03.2023-cü ildə MMC sözügedən mərkəzə 214.417,87 manat məbləğində təsərrüfat və dəftərxana malları alıb.

Qeyd edək ki, “ZN TRADE” MMC dövlət qeydiyyatına alındıqdan sonra yalnız Əmək və Əhalinin Sosial Müdafiəsi Nazirliyinə tabeli qurumların keçirdiyi satınalmasının qalibi olub. Həm də hansısa konkret bir pretmetin təchicaçısı kimi yox, müxtəlif növ malların satınalamaları üzrə.

Məsələn, Nazirliyin tabeliyindəki Sosial Xidmətlər Agentliyi 29.01.2026-ci ildə “ZN TRADE” MMC ilə dəftərxana mallarının satın alınmas üzrə 148.618,45 manat dəyərində müqavilə bağlayıb.

Dayanıqlı və Operativ Sosial Təminat Agentliyi isə 16.09.2025-ci ildə DOST İnklüziv İnkişaf və Yaradıcılıq Mərkəzində, DOST Evi filialında müxtəlif mal, material və avadanlıqların satınalınması üzrə sözügedən MMC ilə 261.302,48 manat dəyərində müqavilə bağlayıb.

Nazirliyin tabeliyində Dövlət Tibbi-Sosial Ekspertiza və Reabilitasiya Agentliyi isə Ümumilli Lider Heydər Əliyevə həsr ediləcək xatirə guşəsinin satınalınması üzrə “ZN TRADE” MMC ilə 13.838,27 manat dəyərində müqaviləni 11.08.2025ci ildə, dəftərxana mallarının satın alınması üzrə 73.380,83 manat dəyərində müqaviləni isə 24.06.2025-ci ildə bağlayıb.

Qeyd edək ki, MMC bunlarla yanaşı Əmək və Əhalinin Sosial Müdafiəsi Nazirliyinə tabeli qurumların həm təmizlik vasitələrinin və təsərrüfat mallarının, həm peşə hazırlığı ilə bağlı ləvazimatların, həm də çiçəkçilik və ağacəkmə mallarının təchizatçısı olub.

Amma Əmək və Əhalinin Sosial Müdafiəsi Nazirliyinə tabeli qurumların milyonlarla manat dəyərində tenderlərini “udan” bir MMC-nin barəsində mediada yayılan məlumatlardan donra rəsmi saytı yaradılıb. Saytda MMC-nin müxtəlif sahələr üçün keyfiyyətli məhsul və aavadanlıqların təchizatı üzrə ixtisaslaşmış şirkət olduğu gostərirlir. Bu sayın isə formal yaradıldığı elə ana səhifədən bəlli olur. “ZN TRADE” MMC-nin rəsmi saytında https://zntrade.az/contact.html göstərilən əlaqə nömrəsi tel: 090-080-0760, email:info@company.com, ünvan: 1020 New Mountain Street Forest Park, FP 11220 kimi göstərilib. MMC-nin qanuni təmsilçisi Nüsrəddin Kərimov haqqında açıq mənbələrdə heç bir məlumata rast gəlinmir. Araşdırmalarımız zamanı məlum olub ki, adıçəkilən şəxs şirkəti təmsil etsə də, sahibi deyil.

Maraqlıdır, barəsində olan bir çox şübhəli məlumatlarla diqqət çəkən bu MMC-yə bu şəraiti kimlər yaradır? Təbii ki, bunu ilk olaraq Əmək və Əhalinin Sosial Müdafiəsi Nazirliyində axtarmaq lazımdı. Çünki yuxarıda qeyd etdiyimiz kimi MMC ancaq bu nazirliyə tabeli qurumların sifarişlərini həyata keçirir.

Qeyd edək ki, mediada yayılan məlumatlarda şirkətin arxasında 14 aprel 2026-ci ildə TƏBİB-in İcraçı direktoru təyin edilmiş Anar Bayramovun durduğu iddia edilir. Anar Bayramov 2021-ci ildən əmək və əhalinin sosial müdafiəsi nazirinin müşaviri vəzifəsində işləyib. Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri, son təyinata qədər, yəni 17 aprel 2025-ci ildən əmək və əhalinin sosial müdafiəsi nazirinin müavini vəzifəsində çalışıb. “ZN TRADE” MMC-nin yaradılması və Əmək və Əhalinin Sosial Müdafiəsi Nazirliyinə tabeli qurumların tenderlərini udması Anar Bayramovun sözügedən nazirlikdə yüksək vəzifə aldığı illərə təsadüf edir.

Qeyd edək ki, Prezidentin 7 fevral 2025-ci il tarixli Sərəncamı ilə Azərbaycan Respublikasının əmək və əhalinin sosial müdafiəsi naziri vəzifəsinə Anar Əliyev təyin olunub. O, 30 oktyabr 2018-ci ilədək Əmək və Əhalinin Sosial Müdafiəsi Nazirliyinin Aparatının rəhbəri olub. Həmin vaxtdan əmək və əhalinin sosial müdafiəsi nazirinin müavini vəzifəsində çalışıb. Əmək və Əhalinin Sosial Müdafiəsi Nazirliyi sistemində çoxdan yüksək vəzifə tutduğunu nəzərə alsaq “ZN TRADE” MMC-nin arxasında kimlərin durduğunu Anar Əliyev daha yaxşı bilmiş olar.

Aktualinfo.net

Naxçıvanda 2018-ci ildən əvvəl istehsal olunan avtomobillərin taksi fəaliyyəti qadağan edilir. Sürücülərin “Gündəlik Naxçıvan”a verdikləri məlumata görə, onlara avtomobillərinin fəaliyyətinin bloklanması ilə bağlı SMS-lər göndərilib.

Şikayətçilər bu işin arxasında taksi monopolistlərinin dayandığını, AYNA-nın isə buna göz yumduğunu iddia edirlər.

Sürücü Kamil Məhərrəmov deyir ki, bloklanma ilə bağlı aldığı SMS onun həyatını alt-üst edib:

“Evimi girov qoyub, 2015-ci il istehsalı olan maşın almışdım. 6 aydır taksi işləyirdim, həm ailənin dolanışığını təmin edirdim, həm də götürdüyüm kreditin aylığını qaytara bilirdim. İndi isə o qədər borcu necə qaytaracağam, ailəmi necə dolandıracağam?

Eşitdiyimizə görə, hansısa taksi şirkəti yeni maşınlar gətirib, burada kirayəyə verəcək. Bu qadağanı da ona görə qoyurlar ki, məcbur gedib onlardan kirayə götürək.

Kasıbın haradan beş qəpik qazancı var, dərhal əl qoyurlar. Bu monopoliyanın da arxasında yüksək vəzifəli məmurlar dayanır. 10 il əvvəl istehsal olunan avtomobil niyə taksi fəaliyyəti üçün köhnə sayılmalıdır? İndi onların gətirdiyi yeni maşınlar guya keyfiyyətlidirmi? Hamısı monopolistlərin oyunudur. Dövlət də onların tərəfindədir.”

Digər sürücü Ceyhun Qasımov isə iddia edir ki, bu qadağa Naxçıvanda satışa çıxarılan, lakin alıcı tapmayan avtomobillərin satışını təmin etmək üçün tətbiq olunur:

“Bakıdan Naxçıvana yeni maşınlar gətirmək mümkün deyil. Özlərinin gətirdiyi BDY elektrikli avtomobilləri var, bir də Naxçıvan Avtomobil Zavodunda istehsal olunan “Lifan” avtomobilləridir ki, keyfiyyətsiz olduqlarına görə onlara tələbat yoxdur.

Taksilərə qoyulan il qadağasında məqsədlərdən biri də bu avtomobillərin satışını təmin etməkdir. Qiymətlər də 30 mindən başlayır.

Yazıq taksi sürücüsü bu qədər pulu haradan tapıb bu keyfiyyətsiz maşınlara versin? Şəxsən mən 2010-cu il istehsalı olan “Mercedes”imi bu maşınlara dəyişmərəm.

Naxçıvanın yollarını bilirsiniz. Yeni maşınlar taksi kimi bu yollarda bir ay belə davam gətirə bilməz. Mən niyə öz “Mercedes”imi qoyub bunları almalıyam? Hamısı monopoliyadır, bizləri sıxışdırıb özləri qazanmaq istəyirlər.”

“Gündəlik Naxçıvan”

Azərbaycan Televiziyasının (AzTV) əməkdaşı, xəbərlər departamentində prodüser vəzifəsində çalışan Vüsal Qaraca tutduğu vəzifədən istefa verib.
İstefa ərizəsi kanalın sədri Rövşən Məmmədovun tələbi ilə yazılıb və dərhal rəhbərlik tərəfindən qəbul edilərək imzalanıb.
V.Qaracanın istefasına səbəb kimi iş yoldaşlarının 60 min manatdan çox vəsaitini mənimsəmə ittihamı göstərilir. İddialara əsasən, o, iş yoldaşlarının adına külli miqdarda kreditlər götürüb və onları ödəməyib, bu da əməkdaşlar arasında ciddi narazılığa və münaqişəyə yol açıb. Məsələdən xəbər tutan sədr Rövşən Məmmədov dərhal V.Qaracanın vəzifəsindən uzaqlaşdırılması barədə göstəriş verib.

Əlavə edək ki, Vüsal Qaracanı AzTV-yə Rövşəm Məmmədov özü gətirib. Onlar hər ikisi əvvəl Lider TV-də işləyiblər. /32gun.az/