Bərdə şəhər icra başçısı Vidadi İsayev ondan şikayət edənləri əvvəlcə cəzalandırır, sonra onlara "divan tutur" və həyatını cəhənnəmə çevirir.

Bu işgəncə ilə üzləşən və icra başçısından şikayət etdiyinə görə başına gətirilməyən müsibət qalmayan, həbs belə olunan Bərdə sakini Sevinc Hüseynova indi hara gedirsə, özünə iş tapa bilmir.

Çünki icra başçısı Vidadi İsayevin onu gözümçıxdıya salması səbəbindən işlə təmin olunmur.

Qeyd edək ki, bir müddət əvvəl Anaxeber.info.az Sevinc Hüseynovanın şikayətini dərc etmişdi və Bərdə sakini icra başçısının qanunsuz əməllərindən, "Dost" mərkəzində işlədiyi dövrdə üzləşdiyi haqsızlıqlardan danışmışdı. Xüsusən də bildirmişdi ki, Bərdə "JEK" rəhbərliyi hansı qanunsuz hərəkətlərə yol verir...

İndi isə vətəndaş icra başçısının ona etdiyi təzyiqlər səbəbindən iş tapa bilmədiyini söyləyir.

Sevinc Hüseynova yeni müraciətində bildirib ki, şikayəti Bərdədə obyektləri olan Əliyev Vahid Allahyar oğlundandır: " O, mənim mülkiyyətimə daxil olaraq meyvə ağaclarımı doğrayıb. Həmin şəxsə etirazımı bildirəndə isə məni küçə sözləri ilə təhqir edib. O, hər dəfə mənə deyir ki, “sən türmədə yatmısan”.

Mənim sənədli ərazimi zəbt edib. Sonra gedib ifadə verib, məndən şikayət edib ki, guya mən bu adamı döymüşəm. Bu adamı öyrədən də Bərdənin icra başçısı Vidadi İsayevdir".

Şikayətçi bildirib ki, Vidadi İsayevin tapşırığı ilə onun üzümə duran şərləyən Vahid Əliyev Bərdə şəhər Mənzil-Kommunal Təsərrüfatının (JEK-in) keçmiş rəis müavini İldırım Quliyevin qohumudur: "Bu adamlar məndən əl çəkmirlər. İntihar həddinə çatdırıblar məni. Bərdədə nələrin baş verdiyini hər kəs bilsin deyə sizə müraciət edirəm.
Vidadi İsayev bu adama yer verib. Bu adam da ağacları doğrayıb, qanunsuz işlərlə məşğuldur. Bələdiyyədə Sadiq Xəlilov adlı şəxs də yuxarıda sadaladıqlarımla əlbirdir. Mənim sənədli torpağımı zəbt edən Əliyev Vahidin özünün mağazaları, torpağı, mülkləri var. Onlar azlıq edir, indi gəlib mənim torpağımı zəbt edir və üstəlik, mənimlə dalaşır, söyür, təhqir edir, sonra da məndən şikayət edir ki, guya mən bunu döymüşəm".

Bərdə sakini deyib ki, icra başçısı Vidadi İsayevin əlindən üç ildir işsizdir: "Buna görə dəfələrlə müraciət etmişəm. Amma baxan yoxdur. Çox acınacaqlı vəziyyətdə yaşayıram. Bu vəziyyətə görə uşaqlarım təhsildən də yayınırlar.
Mən" JEK"də işləyəndə Quliyev İldırımla, Əliyev Rəhim üzümə durdu ki, guya mən onları döymüşəm. Bu adamların məni incitmələrinin səbəbi Vidadi İsayevlə bağlı şikayət etməyimdir".

Onun sözlərinə görə, 2021-ci ilin martında çətinliklə bir iş tapmışdı: "2024-cü ildə maaş qalxdı. O ərəfələrdə elə İldırım mənə sataşırdı, maaşımı kəsirdilər. Buna görə o vaxt prokurorluğa müraciət etdim.
2024-cü ildə Vidadi İsayevin qəbuluna düşmək istədiyim gün küçədən polis məni apardı.
Bərdə şəhər məhkəməsi hakimi məni dinləmədən, şahid olmadan 9 sutka həbs cəzası aldım. Bu 9 sutkanı Vidadi İsayevin tapşırığı ilə mənə veriblər.
Bundan başqa, Əliyev Vahid uşaqlarımın yanında məni təhqir edib. Bu adamın oğlanları - Əliyev Həsən, Əliyev Abbas, arvadı Əliyeva Sahilə Vidadi İsayevin tapşırığı ilə başıma oyun açıblar. Günahsız olduğum halda, mənə vəkil vermədən 9 gün həbs yatmağıma səbəb oldular".
Sevinc Hüseynova prezidentə və dövlət orqanlarına müraciət edib: "Bu insanların əlindən nə işləyə, nə yaşaya bilrəm. Prezident İlham Əliyevə, Baş prokuror Kamran Əliyevə, Daxili İşlər naziri Vilayət Eyvazova, Ombudsman Səbinə Əliyevaya müraciət edirəm. Mənə kömək edin. Mən illərdir məmur özbaşınalığına məruz qalıram. Mən kasıb adamam, biznesim yoxdur, ölkəmə xəyanət etməmişəm, bir cinayət törətməmişəm. Amma başıma açmadıqları oyun qalmayıb. Bir qardaşım, bir də məktəbli uşaqlarım var. Maaşımı ala bilmədiyim üçün etdiyim şikayətə görə Bərdədə başıma açmadıqları oyun qalmadı. Şikayətimə, ərizəmə baxılmır.
Bu gün camaatı yığıb Vidadi İsayevin qapısında işlədirlər. Mən bunu bilmişəm və getməmişəm işləməyə. İndi həm də buna görə qardaşımı incidirlər. Onu da işdən çıxardıblar. Həmçinin uşağımın da dərslərinə mane olur, ona da psixoloji təsir edirlər. Axı yeniyetmədir, bizə olan təzyiqlərə görə dərsə getməyə utanır..."

Yazıda adı keçən tərəflərin mövqeyini işıqlandırmağa hazırıq.
Anaxeber.info.az

26 yaşlı Aysel Şabanzadə “Real Azərbaycan”a müraciət edərək “SAFORA” içməli su şirkətində işlədiyini və bir aylıq əməkhaqqının ödənilmədiyini bildirib.

Aysel Şabanzadənin sözlərinə görə, sosial vəziyyətinin ağır olması və azyaşlı övladının bağçaya gedəcək olması səbəbindən iş axtarıb. O, “SAFORA” içməli su adlı müəssisədə aylıq 350 manat əməkhaqqı qarşılığında operator kimi işə başladığını deyir.

Şikayətçinin sözlərinə görə, işi onlayn formada həyata keçirib və rəhbəri Əli adlı şəxs olub. O, hər gün verilən tapşırıqları yerinə yetirdiyini, müştərilərin zəng və mesajlarına cavab verdiyini, həmçinin satışlarla məşğul olduğunu bildirib.

Aysel Şabanzadə iddia edir ki, şirkətin təqdim etdiyi məlumata əsasən, su Gədəbəy rayonunun Novluq bulağından gətirilir və Sulutəpə ərazisində qablaşdırılır.

“Bir ay ərzində işimi qüsursuz yerinə yetirdim, hər gün satış etdim. Ay tamam olduqda əməkhaqqımı istədim. Mənə ‘verəcəyik’ dedilər. Lakin bir neçə gün sonra məni müxtəlif nömrələrdən blokladılar, işlədiyim WhatsApp qrupundan çıxardılar.

Şirkətin sosial şəbəkə hesablarından da məni blokladılar”, – deyə Aysel Şabanzadə bildirib.

Şikayətçi qeyd edib ki, Əli adlı rəhbər onunla 077-112-29-43 nömrəsi vasitəsilə əlaqə saxlayıb və işlə bağlı tapşırıqları həmin nömrədən verib. Şirkətin sosial şəbəkə hesablarında qeyd olunan 070-321-02-92 nömrəsinə daxil olan müştəri müraciətlərinə isə onun cavab verdiyini söyləyib.

Aysel Şabanzadə aidiyyəti qurumlara müraciət edərək məsələnin araşdırılmasını və əməkhaqqının ödənilməsi ilə bağlı ona köməklik göstərilməsini xahiş edib:

“26 yaşım var. Sosial durumumuz ağırdır. Uşağım bağçaya gedəcəkdi, ona görə işləmək istəyirdim. Bir ay çalışdım, əməyimin qarşılığını ala bilmədim. Əmək Müfəttişliyi, Dövlət Vergi Xidməti və digər aidiyyəti qurumlardan xahiş edirəm ki, məsələni araşdırsınlar və mənə köməklik göstərsinlər”.

Məsələ ilə bağlı Əli adlı şəxslə əlaqə saxlamağa çalışsaq da, telefon zənglərimizə cavab verilmədi.

Korrupsiya cinayətlərində təqsirli bilinən sabiq əmək və əhalinin sosial müdafiəsi naziri Səlim Müslümovun müsadirə edilmiş daha bir bahalı evi yarı qiymətinə satışa çıxarılıb.

Ev Binəqədi rayonu, Ziya Bünyadov prospektində yerləşir.

Altı ay əvvəl 350 min manata qiymətləndirilən evi heç kim almayıb. İndi icra məmuru həmin əmlaka yarıbayarı - 175 min manata alıcı axtarır.

Satışdan götürülən pul cinayət əməli nəticəsində dəymiş ziyanın bir hissəsinin əvəzi olaraq dövlət nəfinə keçəcək.

Qeyd edək ki, S.Müslümov 27 milyon manatı mənimsəməkdə təqsirli bilinib. Dövlətə dəymiş ziyanın böyük hissəsini ödədiyi üçün ona 11 il şərti cəza verilib. Bundan əlavə eks-nazirin çoxsaylı əmlakı müsadirə edilib.

Qafqazinfo

Keçən günlərdə məlumat verərək bildirdik ki, SOCAR Azəriqaz İB Lənkəran RQİİ-də nəqliyyat problemi yaşanır və artıq üç aydır Lənkəran RQİİ-nin başqa rayonlarda yerləşən Xidmət Sahələrində çalışan işçilərini daşıyan avtobusunu işə buraxmırlar. "Dia-az" vurğulayır ki, bu xəbər Neftçilərin Hüquqlarının Müdafiəsi Təşkilatının (NHMT) sosial şəbəkə hesabında paylaşılmışdı.

Xəbərdə deyilirdi ki, əvvəllər həmin avtobus səhər saat 7.00-də Bilasuvardan çıxıb , yolüstü Cəlilabadda işləyən işçiləri Cəlilabada, ordan Masallıda işləyənləri Masallıya, Lənkaranda işləyənləri isə Lənkarana aparırdı. Axşam saat 6.00-da isə həmin işçiləri yaşadıqları rayonlara aparırdı. İndi isə işçilər öz pulları ilə işə gəlib gedirlər. Biləsuvardan Lənkərana 95 km, Cəlilabaddan 70 km,Masallıdan 35 km. İşçilər qeyd edir ki, hər ay heç olmasa - 200 manat vəsait nəqliyyat xərclərinə sərf olunur..

İndi isə aydın olur ki, problem sən demə, AzəriQaz-ın bütün strukturlarında müşahidə olunur.

Bu barədə verilən məlumata görə, təkcə Lənkəran RQİİ deyil. "Azəriqaz"ın mərkəzi ofisində xidmət edən avtobuslar da götürülüb. Regionlarda rəisin, baş mühəndislərin də maşınları alınıb. Sanki "AzəriQaz" rəhbəri ilə SOCAR Nəqliyat idarəsi arasında hansısa problem var...

Dia-az

İmişli rayonunun qədim Qaradonlu kəndi SOS təbili çalır! Sakinlər iddia edir ki, ərazidə meşə zolaqları qanunsuz qırılır, Araz çayının təbii bəndləri dağıdılaraq yerində süni göllər və karyerlər yaradılır. Ən dəhşətli iddia isə budur: Bu ekoloji fəlakətin arxasında Ekologiya və Təbii Sərvətlər Nazirliyinin rəsmisi Rəşad İsmayılovun şəxsi biznes maraqları dayanır!

Daha ətraflı aşağıdakı videoda:


1 xeber media

Moskvada yaşayan, sosial şəbəkələrdə “dr_julietta“ adı ilə tanınan kosmetoloq Bakıda keçirdiyi keratopiqmentasiya əməliyyatından sonra görmə ilə bağlı problemlər yaşadığını iddia edib.

Qadın təxminən iki il əvvəl Bakıda oftalmoloq Cahid Şahbazov tərəfindən göz rənginin dəyişdirilməsi əməliyyatı keçirib. İlkin mərhələdə əməliyyatın uğurlu olduğunu düşünən kosmetoloq zaman keçdikcə, xüsusilə də doğuşdan sonra görməsində ciddi dəyişikliklər yarandığını bildirib.

“Mən kataraktası olan insan kimi görürəm. Dünən uzunmüddətli müayinədən keçdim, çünki görməyimin pisləşdiyini hiss etdim. Həkim bildirdi ki, formal olaraq görmə qabiliyyətim 100 faizdir. Amma məni qaranlıqda və yan işıqda görmə narahat edir. Boyaya görə bütün rənglər solğun görünür, uzaqdakı hər şey bulanıqdır. Gözlərimdə də sanki çıxarmaq istədiyim bir pərdə hissi var” deyə, kosmetoloq bildirib.

O, piqmenti sildirmək və gözlərinin təbii qəhvəyi rənginə qayıtmaq qərarına gəlib. Hazırda bunun üçün Rusiyada mütəxəssislərə müraciət etməyə hazırlaşır.

Məsələ ilə bağlı Cahid Şahbazaovla əlaqə saxlanılıb. Həkimin köməkçisi pasiyentin iddialarını təkzib edib və onun açıqlamalarının sosial şəbəkədə gündəm yaratmaq məqsədi daşıdığını bildirib.

Qeyd edək ki, bu, Cahid Şahbazaovun fəaliyyəti ətrafında ilk qalmaqal deyil. Bundan başqa, oftalmoloqun fəaliyyəti ilə bağlı digər pasiyentlərin də şikayətləri yayımlanıb. Məlumata görə, hüquq-mühafizə orqanları tərəfindən həkim barəsində Azərbaycan Respublikasının Cinayət Məcəlləsinin 314.1-ci maddəsi ilə cinayət işi də başlanıb. Maddə səhlənkarlıq nəticəsində ehtiyatsızlıqdan mühüm zərər və ya digər ağır nəticələrə səbəb olmanı nəzərdə tutur.

“Sizin Lombard” brendi ilə fəaliyyət göstərən “GL” ASC-nin sahibinə 2026-cı ilin ilk yarısında ödənilən dividendin məbləği məlum olub.

Lombard şirkəti 2026-cı ilin birinci yarımilliyində səhmdarına 3 milyon 216 min 347 manat dividend ödəyib.

Şirkət sözügedən dövrdə 3 milyon 850 min 943 manat xalis mənfəət əldə edib. Dividend ödənişinə baxmayaraq, “GL” ASC-nin cəmi kapitalı 2025-ci ilin ilk yarısındakı 3 milyon 441 min 746 manatdan 2026-cı ilin ilk yarısında 4 milyon 108 min 921 manata yüksəlib.

Fərman Quliyev 2016-cı ildən “Sizin Lombard” brendi ilə fəaliyyət göstərən, qızıl girovu ilə qısamüddətli kreditlər verən “GL” ASC-nin səhmlərinin 100 faizinin yeganə sahibidir.

2024-cü ildən 2026-cı ilin ilk yarısınadək Fərman Quliyevin dividend gəliri 10 milyon manatdan çox olub.

Belə ki, şirkət 2025-ci ilin nəticələri üzrə Fərman Quliyevə 3 milyon 743 min manat dividend ödəyib. 2024-cü ilin nəticələrinə görə isə bu məbləğ 3 milyon 105 min manat olub.

Qeyd edək ki, Quliyevlər ailəsi uzun illərdir bank sektorunda fəaliyyət göstərir. Atası Quliyev Eldar Elman oğlu “Para Bank”ın sahibi olub. “Parabank” ASC-nin lisenziyası 2016-cı ildə ləğv edilib, lakin sonradan bank yenidən təşkil olunaraq bank olmayan kredit təşkilatına (BOKT) — “Para” BOKT-a çevrilib.

BOKT-un nizamnamə kapitalı 38 milyon 887 min manatdır. Onun səhmlərinin 17 faizi Eldar Quliyevə, 15,5 faizi Alevtina Vəli qızı Quliyevaya, 10,95 faizi Əşrəf Səfərova, 10,95 faizi Faiq Səfərova, 9,8 faizi Tamilla Fərman qızı Hacıyevaya, 9,6 faizi Elnur Eldar oğlu Quliyevə, 9 faizi Vəli Eldar oğlu Quliyevə, 6 faizi Fərman Eldar oğlu Quliyevə, 3,4 faizi İbrahim Səfərova, 3,4 faizi Əvəz Səfərova, 3 faizi Rasim Poladova, 1,4 faizi isə digər şəxslərə məxsusdur.

Operativ.az

Dövlət Su ehtiyatları Agentliyinin Abşeron Suvarma Sistemləri İdarəsində ötən ay başlayan yoxlama bir neçə gün əvvəl yekunlaşıb.

Bu barədə Mia.az-a verilən məlumata görə, Dövlət Su Ehtiyatları Agentliyinin tabeliyindəki Rafiq Aslanovun sədri oduğu Suların İstifadəsinə və Mühafizəsinə Dövlət Nəzarəti Xidməti tərəfindən aparılan yoxlama heyəti çox ciddi nöqsanlar aşkarlayıb.

Məlumata əsasən, yoxlama zamanı kod35, yəni, kod alınsa da, ünvanı bəlli olmayan böyük sayda saxta sayğac oyunları da üzə çıxıb: "Yoxlama heyətinə vaxtilə Abşeron su idarəsində çalışmış Elnur Əliyevin rəhbərlik etməsi isə nöqsanların daha dəqiq üzə çıxmasında mühüm rol oynayıb. İndi əsas məsələ budur: Zaur Mikayılov bu idarənin rəisi Etibar Nəbiyev haqda hansı qərarı verəcək?".

İddiaya görə, yoxlama heyəti materialları artıq rəhbərliyə təqdim edib: "Yəqin ki, xidmət tərəfindən yoxlamanın gedişinə uyğun materiallar Agentlik sədri Zaur Mikayılova təqdim olunacaq. Şübhəsiz ki, bundan sonra Abşeron Suvarma Sistemləri idarəsinin rəhbəri Etibar Nəbiyevin gələcəyini müəyyən edən qərar veriləcək".

Bakının metro stansiyalarında qeyri-yaşayış sahələrinin icarəyə verilməsi ilə bağlı açıqlanan qiymətlər ciddi reronans doğurub. Eyni zamanda, xüsusilə sərnişin axınının yüksək olduğu stansiyalarda müxtəlif ölçülü ticarət və xidmət obyektlərinin fəaliyyət göstərməsi təhlükəsizlik məsələsini də gündəmə gətirir.

Məlum olduğu kimi, “Bakı Metropoliteni” QSC-yə məxsus stansiyalarda yerləşən bir sıra sahələr kommersiya məqsədilə icarəyə çıxarılıb. Qiymətlər 200 manatdan başlayır və bəzi obyektlərdə aylıq icarə haqqı 3000 manata çatır.

Məsələn, “İçərişəhər” stansiyasında 35,4 kvadratmetrlik obyekt üçün minimum aylıq icarə haqqı 3000 manat müəyyənləşdirilib. “28 May”, “Elmlər Akademiyası”, “Qara Qarayev”, “Xalqlar Dostluğu”, “Xətai” və digər stansiyalarda da ticarət sahələri təklif olunur.

Burada isə əsas sual obyektlərin neçəyə icarəyə verilməsi deyil. Əsas məsələ onların metro stansiyalarında hansı nöqtələrdə yerləşdirilməsi və fövqəladə vəziyyət zamanı sərnişinlərin təxliyəsinə necə təsir göstərə bilməsidir.

Metro adi ticarət məkanı deyil

Metro stansiyası hər gün minlərlə insanın istifadə etdiyi nəqliyyat infrastrukturu olmaqla yanaşı, insanların kütləvi şəkildə hərəkət etdiyi mürəkkəb, strateji obyektdir. Bakı Metropoliteninin öz qaydalarında da əsas məqsədin sərnişindaşımanın təhlükəsizliyinin təmin edilməsi qeyd edilir. Həmin qaydalara görə, metropoliten ərazisində kommersiya fəaliyyətinə rəhbərliyin icazəsi olmadan yol verilmir. Bu isə o deməkdir ki, ticarət obyektinin mövcudluğu öz-özlüyündə əsas problem deyil. Əsas məsələ onun sərnişin təhlükəsizliyi baxımından hansı şərtlərlə yerləşdirilməsi və istismar edilməsidir.

Fövqəladə vəziyyətdə saniyələr daha önəmli deyil?

Təsəvvür edək ki, metro stansiyasında yanğın, tüstülənmə, partlayış təhlükəsi və ya kütləvi panikaya səbəb olan başqa hadisə baş verir. Belə vəziyyətdə yüzlərlə, hətta minlərlə insan eyni anda çıxışlara doğru hərəkət edə bilər. Bu zaman normal şəraitdə problem yaratmayan - vitrin - reklam konstruksiyası,piştaxta, masa və stullar, satış avadanlığı, növbə yaradan müştərilər, obyekt qarşısında toplaşan insanlar fövqəladə vəziyyətdə əlavə maneəyə çevrilə bilər.

Məhz buna görə metro kimi obyektlərdə əsas suallardan biri evakuasiya yollarının daim sərbəst saxlanılmasıdır. Elə isə, diqqət edək? İcarə üçün çıxarılan obyektlər harda yerləşir və onlar evakuasiya vəziyyətində sərnişinlərə mane ola bilərmi? Şəkillər diqqətlə baxaq və hər şey aydlın olacaq...

“Obyekt sərnişinin yolunu bağlamır” demək kifayətdirmi?

Dünyada yanaşma necədir?

Metro sistemlərində ticarət fəaliyyəti tamamilə mümkünsüz deyil. Lakin müxtəlif ölkələrdə əsas prinsip ondan ibarətdir ki, kommersiya fəaliyyəti sərnişinlərin təhlükəsiz təxliyəsini zəiflətməməlidir. Məsələn, Sinqapurun sürətli nəqliyyat sistemləri üçün yanğın təhlükəsizliyi normalarında ticarət obyektlərinin qaçış yollarına yaxın yerləşdirilməsi zamanı əlavə məsafə, tüstüdən mühafizə və yanğına davamlı ayırma kimi tələblər nəzərdə tutulur.

Yəni yanaşma sadədir, ticarət ola bilər, amma təhlükəsizlik hesabına yox.

Bakı metrosunda isə ictimaiyyət nəyi bilməlidir? “Bakı Metropoliteni”nin qaydalarında stansiyalarda ticarət və xidmət fəaliyyətinin müəyyən şərtlərlə həyata keçirilməsi mümkündür. Buna görə məsələni “metroda obyektlərin olması qanunsuzdur” kimi təqdim etmək doğru olmaz.

Amma ictimaiyyət üçün açıq qalmalı suallar var - icarəyə verilən hər bir sahə üzrə ayrıca evakuasiya hesablaması aparılıbmı? Yanğın və ya digər fövqəladə hadisə zamanı obyektlərdəki malların və avadanlıqların evakuasiya yoluna çıxmasının qarşısı necə alınır?

Metro stansiyasında obyektin icarəyə verilməsi ilə iş bitmir. Əsas məsələ obyektin fəaliyyətə başladıqdan sonra da təhlükəsizlik tələblərinə uyğun saxlanılmasıdır.

Çünki bu gün boş olan 8 kvadratmetrlik sahə sabah vitrin, reklam lövhəsi, məhsul qutuları və qarşısında növbə ilə birlikdə daha böyük fiziki maneəyə çevrilə bilər. Buna görə də ticarət obyektlərinə nəzarət yalnız icarə müqaviləsi ilə məhdudlaşmamalı, gündəlik təhlükəsizlik və evakuasiya tələblərinin icrasını da əhatə etməlidir.

Metroda mağaza varsa, fövqəladə vəziyyətdə həmin mağaza və onun fəaliyyəti minlərlə insanın təhlükəsiz şəkildə stansiyadan çıxmasına heç bir maneə yaratmayacağına kim və necə zəmanət verir?

Məhz bu suala “Bakı Metropoliteni” QSC-nin və aidiyyəti təhlükəsizlik qurumlarının konkret cavabı maraqlı olardı.

Plat.az