Azərbaycan Avtomobil Yolları Dövlət Agentliyinə (AAYDA) məxsus “53 №-li Yol İstismarı” MMC-nin direktoru dəyişib.

Məlumata görə, bununla bağlı AAYDA-nın İdarə Heyətinin sədri Vüsal Nəsirli Əmr imzalayıb. Əmrə əsasən, MMC-nin direktoru Şahin Şamxalov vəzifəsindən azad olunub.

Məlumata görə, “53 №-li Yol İstismarı” MMC-yə rəhbərlik Emin Quliyevə həvalə olunub/iqtisadiyyat.

Azərbaycanda pensiyaçıların sayı rayon və şəhərlər üzrə ciddi fərqlənir. Bəzi bölgələrdə pensiyaçıların sayı 20 min nəfəri keçdiyi halda, digərlərində bu göstərici 1000 nəfər civarında qalır. Maraqlıdır ki, pensiyaçıların sayının çox olduğu rayonlar hər zaman ən yüksək orta pensiya məbləğinin təyin edildiyi ərazilər deyil.

Modern.az Dövlət Statistika Komitəsindən əldə etdiyi məlumatlara əsasən, ölkədə ən çox və ən az pensiyaçının yaşadığı rayonları, eləcə də həmin ərazilərdə təyin olunan orta aylıq pensiya məbləğini təqdim edir.

Rəsmi statistikaya görə, 2026-cı ilin əvvəlinə Azərbaycanda pensiyaçıların ümumi sayı 1 milyon 98 min 890 nəfər olub. Onlara təyin edilmiş aylıq pensiyanın orta məbləği isə 541,63 manat təşkil edib.

Ən çox pensiyaçı paytaxtda yaşayır. Bakı şəhərində ümumilikdə 393 min 394 pensiyaçı qeydiyyatdadır. Paytaxtda təyin olunmuş aylıq pensiyanın orta məbləği isə 743,68 manat olub.

Bakı şəhəri üzrə ən çox pensiyaçı Xətai rayonunda qeydə alınıb. Burada 31 min 204 nəfər pensiyaçı yaşayır. Sonrakı yerlərdə Binəqədi (30 min 485 nəfər), Yasamal (29 min 440 nəfər), Sabunçu (26 min 68 nəfər), Suraxanı (24 min 604 nəfər), Nərimanov (20 min 677 nəfər), Nəsimi (20 min 210 nəfər), Nizami (19 min 947 nəfər), Xəzər (14 min 892 nəfər), Qaradağ (12 min 35 nəfər), Səbail (11 min 127 nəfər) və Pirallahı (1 min 430 nəfər) rayonları qərarlaşıb.

Ən çox pensiyaçı yaşayan rayon və şəhərlər

Bakıdan sonra ən çox pensiyaçı Sumqayıt şəhərində qeydə alınıb. Burada 36 min 298 nəfər pensiyaçı yaşayır.

Üçüncü yerdə Gəncə şəhəri qərarlaşıb. Burada pensiyaçıların sayı 32 min 734 nəfərdir.

Siyahıda növbəti yerdə Lənkəran rayonu qərarlaşıb.. Rayonda 22 min 219 pensiyaçı var.

Sonrakı yerlərdə Şəki rayonu (20 min 332 nəfər), Masallı rayonu (20 min nəfər), Şəmkir rayonu (18 min 190 nəfər), Cəlilabad rayonu (18 min 707 nəfər), Abşeron rayonu (17 min 634 nəfər), Tovuz rayonu (16 min 486 nəfər), Bərdə rayonu (15 min 268 nəfər) və Xaçmaz rayonu (15 min 129 nəfər) qərarlaşır.

Ən az pensiyaçı bu rayonlarda qeydə alınıb

Ən az pensiyaçı Xocalı rayonunda yaşayır. Burada cəmi 1 147 pensiyaçı qeydiyyatdadır.

Sonrakı yerlərdə Naftalan şəhəri (1 165 nəfər), Xızı rayonu (1 296 nəfər), Pirallahı rayonu (1 430 nəfər), Sədərək rayonu (1 785 nəfər), Qobustan rayonu (3 527 nəfər), Culfa rayonu (3 779 nəfər), Daşkəsən rayonu (3 796 nəfər), Zəngilan rayonu (3 922 nəfər) və Şahbuz rayonu (2 867 nəfər) yer alır.

Digər rayonlarda vəziyyət necədir?

Pensiyaçıların sayına görə növbəti yerlərdə Ağcabədi (12 853 nəfər), Ağdam (12 771), Yevlax (12 500), Salyan (12 755), İmişli (12 907), Kürdəmir (10 212), Quba (13 799), Qusar (9 096), Balakən (9 599), Qax (7 091), Qəbələ (10 141), Oğuz (5 125), Sabirabad (14 137), Saatlı (9 763), Beyləqan (10 357), Biləsuvar (9 853), Hacıqabul (5 993), Neftçala (8 153), Astara (9 415), Lerik (7 758), Yardımlı (6 158), Mingəçevir (12 780), Ağdaş (10 145), Göyçay (11 808), Ucar (7 750), Zərdab (5 651), Naxçıvan şəhəri (9 425), Babək (6 906), Kəngərli (2 617), Ordubad (4 349), Şərur (9 133), Ağsu (7 871), İsmayıllı (9 925), Şamaxı (9 381), Samux (5 894), Göygöl (6 252), Goranboy (9 344), Ağstafa (8 343), Gədəbəy (11 086), Qazax (10 325), Füzuli (8 889), Laçın (3 488), Kəlbəcər (7 847), Qubadlı (4 854), Cəbrayıl (6 621), Şuşa (3 160), Xocavənd (887) və Tərtər (7 575) gəlir.

Ən yüksək orta pensiya bu rayonlarda verilir

Pensiya məbləğinə görə isə tam fərqli mənzərə yaranır.

Rayon və şəhərlər arasında ən yüksək orta aylıq pensiya Bakıdan sonra Şirvan şəhərində qeydə alınıb. Burada orta pensiya 456,31 manatdır.

Sonrakı yerlərdə Naxçıvan şəhəri (454,41 manat), Sumqayıt şəhəri (451,87 manat), Siyəzən rayonu (450,47 manat), Şuşa rayonu (449,24 manat), Abşeron rayonu (444,08 manat), Gəncə şəhəri (441,73 manat), Qubadlı rayonu (435,11 manat), Şahbuz rayonu (436,38 manat) və Mingəçevir şəhəri (432,71 manat) qərarlaşır.

Ən aşağı orta pensiya bu rayonlarda təyin olunub

Ən aşağı orta aylıq pensiya Xocalı rayonunda qeydə alınıb. Burada bu göstərici 399,47 manatdır.

Sonrakı yerlərdə Xızı rayonu (409,37 manat), Ağdam rayonu (410,86 manat), Biləsuvar rayonu (410,89 manat), Lənkəran rayonu (411,31 manat), Zaqatala rayonu (411,30 manat), Astara rayonu (411,54 manat), Ucar rayonu (412,14 manat), Qəbələ rayonu (412,66 manat) və Yardımlı rayonu (412,89 manat) qərarlaşır.

Bakı Şəhəri üzrə Təhsil İdarəsinin müdir müavini Turanə Məcidli bildirib ki, yeni təmayüllü tədris modelinin tətbiq ediləcəyi ümumtəhsil müəssisələrinə müəllim seçimi MİQ-də uğur qazanmış və hazırda məktəblərdə çalışan müəllimlər arasından aparılacaq.
Onun sözlərinə görə, seçim zamanı əsas meyar müəllimin ən azı 3 illik pedaqoji təcrübəyə malik olması və MİQ, diaqnostik qiymətləndirmə və ya sertifikasiya üzrə nəticəsinin 85 faiz və daha yüksək olmasıdır. Bundan əlavə, şagirdləri ali təhsil müəssisələrinə hazırlamaq sahəsində uğurlu təcrübəsi olan müəllimlərə də üstünlük veriləcək.
Burada isə cavabsız qalan əsas məqam var - bu müəllimlərə nə qədər əməkhaqqı veriləcək?
Təbii ki, bu barədə hələlik heç bir məlumat açıqlanmır. Ola bilsin ki, yaxın günlərdə bu da məlum olacaq. Amma belə görünür diqqət daha çox "yeni model"in təqdimatına yönəlib, onun iqtisadi tərəfi isə arxa planda qalır. Heç kim puldan danışmır, maaşdan danışmır.

Turanə Məcidli
Gəlin məsələyə praktik baxaq. Əgər həqiqətən də seçim yüksək nəticə göstərmiş və şagird hazırlığında uğur qazanmış müəllimlər arasından aparılacaqsa, həmin müəllimlər bu işə maraq göstərəcəklərmi?
Bu gün tanınmış müəllimlərin əksəriyyəti fərdi hazırlıq hesabına ayda bir neçə min manat gəlir əldə edir. Belə olan halda, onlar həmin qazancdan imtina edib, gün ərzində məktəbdə təmayül siniflərində işləməyə razı olacaqlarmı? Hətta bunun müqabilində əlavə 500 manat ödənilsə belə, bu, onlar üçün kifayət qədər cəlbedicidirmi? Əlbətdəki, xeyr.
Əgər məcburiyyət mexanizmi olmayacaqsa, yüksək nəticə göstərən müəllimlərin əhəmiyyətli hissəsinin öz fəaliyyətini əvvəlki kimi davam etdirəcək - yəni evində uşaq hazırlaşdıracaq.
Bu zaman təmayül siniflərində əsas yük kimin üzərinə düşəcək?
Ehtimal ki, bu siniflərdə daha çox fərdi hazırlıq bazarında tələb görməyən və ya şagird cəlb etməkdə çətinlik çəkən müəllimlər çalışacaqlar.
Lakin bu da başqa bir əlahəzrət sualı ortaya sərir - valideynlər və şagirdlər belə müəllimləri seçəcəklərmi?
Axı bu gün valideyn övladını ali məktəbə hazırlamaq üçün hər fənn üzrə ayda 150-200 manat ödəyirsə, o, ilk növbədə nəticə göstərmiş və etibar qazanan müəllimi axtaracaq və axtarmaqda davam edəcək. Bu reallıqdır...
Təəssüflər olsun ki, bu gün sualların cavabını verən yoxdur. Ancaq yeni modelin uğurlarından danışırlar, başlamamış hop deyirlər. Nə deyirik, təki hop olsun Əmrullayev!!! Amma çətin məsələdir...
Bizimesr.media
Ədil Hüseynli

Xətai Rayon İcra Hakimiyyəti uzun illərdir media sorğularını cavablandırmayan dövlət qurumlarından birinə çevrilib. Rayonda qanunsuz tikililər, abadlıq işləri və digər ictimai əhəmiyyətli məsələlərlə bağlı dəfələrlə göndərilən jurnalist sorğuları cavabsız qalır.
Qanun dövlət qurumlarının media sorğularını qanunla müəyyən edilmiş müddətdə cavablandırmasını tələb etsə də, Xətai Rayon İcra Hakimiyyəti bu tələblərə əməl etmir.

Rayonda vəziyyətin bu həddə çatmasının əsas səbəblərindən biri idarəetmədə yaranmış boşluqdur.
Bizimesr.com xəbər verir ki, Xətai Rayon İcra Hakimiyyətinin rəsmi internet səhifəsində Başçının birinci müavini, Başçının müavini – Ərazi-təşkilat və ictimai-siyasi məsələlər şöbəsinin müdiri, həmçinin Başçının müavini – Sosial-iqtisadi, memarlıq-tikinti məsələləri və rayon təsərrüfatı şöbəsinin müdiri vəzifələri boş göstərilir. Paytaxtın ən böyük rayonlarından birində bu qədər mühüm vəzifələrin uzun müddət vakant qalması müəmmalıdır.
Bununla yanaşı, əldə etdiyimiz məlumata görə, icra hakimiyyətində müavin kimi Anar Səmədovun adı hallanır. Əgər bu məlumat doğrudursa, niyə bu barədə rəsmi məlumat ictimaiyyətə təqdim edilmir və rəsmi internet səhifəsində əksini tapmır?
Bu gün Xətai rayonunda qanunsuz tikintilərlə bağlı şikayətlər və məlumatlar ardıcıl şəkildə yayılır. Lakin bu məsələlərə münasibət bildirən, medianın suallarını cavablandıran və ictimaiyyəti məlumatlandıran məsul şəxs tapılmır.
Xətai Sənət Mərkəzində Xətai rayon İcra Hakimiyyəti, Rəssamlar İttifaqı, Dövlət Rəsm Qalereyası, Xətai Uşaq Sənəti Qalereyası və Xətai Sənət Mərkəzi, Dövlət Rəssamlıq Akademiyası, “Azərbaycan Televiziya və Radio Verilişləri” QSC və Naxçıvan Rəssamlar
Xətai Rayon İcra Hakimiyyətinin başçısı Rafiq Quliyevin rəhbərlik etdiyi qurumda idarəetmənin faktiki olaraq yalnız bir nəfərin üzərində cəmləşdiyi təəssüratı yaranıb. Rəhbər vəzifələrin boş qalması, media sorğularının cavabsız saxlanılması və rayonda baş verən problemlərlə bağlı ictimaiyyətə məlumat verilməməsi bu qənaəti daha da gücləndirir.
İctimaiyyətlə əlaqələrin qurulmasına cavabdeh olan Xətai Rayon İcra Hakimiyyətinin İctimai-siyasi və humanitar məsələlər şöbəsinin müdiri Pənah İmanov isə media nümayəndələrini ümumiyyətlə saya salmır, telefonları açmır, biz sözlə, media heş onun vecinə də deyil.
Media ilə dialoqdan yayınmaq, informasiya verməmək və ictimai maraq doğuran məsələləri cavabsız qoymaq dövlət idarəçiliyində qəbulolunan yanaşma deyil. Xətai Rayon İcra Hakimiyyəti cəmiyyət qarşısında cavabdeh dövlət qurumudur və onun fəaliyyəti ilə bağlı suallar cavabsız qalmamalıdır.
Rayonda qanunsuz tikintilərin artması, rəhbər vəzifələrin boş qalması və media sorğularının cavablandırılmaması Xətai Rayon İcra Hakimiyyətinin fəaliyyətini böyük sual altına alır. Rafiq Quliyev icra başçısı funksiyasını yerinə yetirə bilmir...
Bizimesr.com
Ədil Hüseynli

"Bakıda nəqliyyat məsələsi illərdir şəhər sakinlərinin ən çox müzakirə etdiyi mövzulardan biridir. Tıxaclar, avtobusların gecikməsi, dayanacaqlarda yaranan sıxlıq, marşrut xətlərində problemlər və sərnişinlərin rahat hərəkəti ilə bağlı narazılıqlar hələ də gündəmdə qalır..." "DİA-AZ" xəbər verir ki, bunu özünün sosial şəbəkə hesabında tanınmış jurnalist Arifə Əliyeva qeyd edib.
Jurnalist fikrini daha sonra belə davam etdirir: "Belə bir vaxtda Azərbaycan Yerüstü Nəqliyyat Agentliyinin (AYNA) qarşısında görünür, daha fərqli və olduqca "vacib" bir məsələ dayanıb.
Söhbət velosipedlərin harada saxlanılmasından gedir.
AYNA "Velosipedlərin parklanması üçün konstruksiyaların alınması (quraşdırma daxil)" adlı tender elan edib. Tenderin qalibi isə "Apollon Trading" MMC olub. Şirkətlə 265 min 500 manat məbləğində satınalma müqaviləsi bağlanıb.
Maraqlıdır ki, 2016-cı ildə yaradılan "Apollon Trading" MMC barədə açıq mənbələrdə geniş məlumatlara rast gəlmək çətindir. Şirkətin nizamnamə kapitalı cəmi 10 manat göstərilir. Hüquqi ünvanı Sumqayıt şəhəri, 42-ci məhəllə, ev 64A, mənzil 68 kimi qeyd olunur. Qanuni təmsilçisi isə Məmmədzadə Bəhram Fərmayıl oğludur.
Yəni paytaxtın nəqliyyat sistemində milyardlarla insanın gündəlik hərəkət etdiyi bir sahədə yeni bir layihənin icrası üçün seçilən şirkət geniş tanınmış nəqliyyat və ya infrastruktur qurumu kimi ictimaiyyətə tanış deyil.
Təbii ki, velosiped infrastrukturunun inkişafı müasir şəhərlər üçün vacib istiqamətlərdən biridir. Dünyanın bir çox şəhərlərində velosiped yolları, dayanacaqları və alternativ nəqliyyat imkanları genişləndirilir.
Amma Bakıda sakinlərin əsas gözləntiləri hələ də dəyişməyib: avtobusların vaxtında gəlməsi, dayanacaqlarda rahatlıq, nəqliyyat sıxlığının azalması, parklanma problemlərinin həlli.
İctimai nəqliyyatda illərlə yığılan problemlər fonunda 265 min 500 manatlıq velosiped dayanacağı layihəsi isə sosial şəbəkələrdə yeni suallar yarada bilər: şəhərin əsas nəqliyyat problemləri həll olunmadan prioritetlərin düzgün müəyyənləşdirilib-müəyyənləşdirilməməsi necə qiymətləndirilməlidir?"

DİA-AZ

Sumqayıt şəhərində yerləşən Nəsimi adına Mədəniyyət parkında tikinti məqsədilə sağlam ağacların kəsildiyi ilə bağlı görüntülər yayılıb. Şəhər sakinləri parkın bir hissəsində əvvəllər sıx ağaclıq olan ərazidə ağacların yerində böyük qazıntı sahələrinin yarandığını iddia edirlər.

Space TV-nin məlumatına görə, məsələ ilə bağlı həmin ərazidə tikinti işlərini həyata keçirdiyi deyilən "Şərur MTK"nın rəhbəri İsfəndiyar Axundov bildirib ki, şirkətin nə həmin ərazidə ağac kəsməsi, nə də Sumqayıtda hər hansı layihə həyata keçirməsi barədə məlumatı var.

Ekologiya və Təbii Sərvətlər Nazirliyindən bildirilib ki, sözügedən ərazidə ağacların kütləvi kəsilməsi ilə bağlı yayılan görüntü və iddialar Dövlət Ekoloji Təhlükəsizlik Xidməti tərəfindən araşdırılacaq.

Sumqayıt Şəhər İcra Hakimiyyətindən isə bildirilib ki, qeyd olunan ərazidə tikinti işləri hazırda müvəqqəti dayandırılıb.

Qurumdan həmçinin qeyd olunub ki, parkda ağacların kütləvi kəsilməsi ilə bağlı icra hakimiyyətinə hər hansı rəsmi müraciət daxil olmayıb.

VİDEO LİNKDƏ: https://azfakt.com/_erurlu__sfendiyarla_ba_l__daha_bir_qalmaqal_n_g_r_nt_leri_-_v_deo-196630-xeber.html

Bu il Elm və Təhsil Nazirliyinin keçirdiyi müəllimlərin sertifikatlaşdırma imtahanlarının ciddi etirazlar doğurması təşkilatçıları geri çəkilməyə məcbur qoydu. Bununla da Nazirlik, Məktəbəqədər və Ümumi Təhsil üzrə Dövlət Agentliyi və Təhsil İnstitutu yarıtmaz fəaliyyətlərini etiraf etmiş oldular. Başqa sözlə, imtahan edənlər özləri imtahandan kəsildilər.

Məlumata görə sertifikatlaşdırmada iştirak edən müəllimlərin Nazirlik, MÜTDA və Təhsil İnstitutu qarşısındakı etirazlarından sonra daha üst dövlət instansiyalarından təhsil başbilənlərinə ciddi danlaq gəlib. Müəllimlərin haqlı narazılığının qulaqardına vurulmasının sosial-siyasi cəhətdən böyük yanlış olduğu naşı idarəçi-rəhbərlərin diqqətinə qəti şəkildə çatdırılıb. Təhsil başbilənləri də bundan sonra əl-ayağa düşüb, bəzi fənlər üzrə hər müəllimin nəticəsinə 1-2 bal artırıblar. Dolayısı ilə sualların tərtib olunmasındakı səhvlərini etiraf ediblər.

Ancaq səhvlər nədən ibarətdir, hansı parametrlər üzrə səhvə yol veriblər? Bunu izah etməyi, üzr istəməyi belə lazım bilməyiblər. Buna idarəçilik və pedaqoji mədəniyyət lazımdır. Görünən odur ki, bu da kökündən yoxdur.

Digər məntiqi və hüquqi suallar da açıq qalır:

İstərdik ki, aidiyyatı qurumlar suallarımızı cavablandırsınlar.

1) Hər ixtisas üzrə səhv suallara dair etirazlar və müəllimlərin videosübutları, çıxışları, müraciətləri olduğu halda niyə ancaq bəzi fənlər üzrə ballar artırılır?

2)Bu yanaşma bütün narazı müəllimləri etiraza səsləmək kimi dəyərləndirilə bilərmi?

3)Hər fənn üzrə bir neçə səhv sualların salınması müəllimlərin imtahan vaxtının ciddi şəkildə israf olunmasına səbəb olduğu üçün onların Nazirliyin səhvləri səbəbindən ümumilikdə nə qədər vaxt və bal itkisi ilə üzləşdiklərini qiymətləndirən müstəqil komissiyanın yaradılmasını düşünürsünüzmü?

4)Səhvlər hansı səbəblərdən baş verib? Təxribatdır, təcrübəsizlikdir, məsuliyyətsizlikdir, yoxsa bilgisizlik?

5) Səhvlərə yol verən məsul şəxslərin və əməkdaşların cəzalandırılması halları oldumu? Olubsa niyə məlumat verilmir?

6)Sertifikatlaşdırma imtahanlarının DİM-ə verilməsi tələbləri var. Bununla bağlı mövqeyiniz nədən ibarətdir?

7)Yaratdığınız vəziyyətə, müəllimlərə vurulmuş mənəvi-psixoloqu zərərə görə üzr istəməyi, kompensasiya ödəməyi düşünürsünüzmü?

8) Balını artırdığınız müəllimlər ancaq apellyasiya şikayəti verənlərdən ibarətdir? Yoxsa bütün müəllimlərin balı artırılıb? (Təhsil İnstitutunun məlumatında ancaq apellyasiya nəticələrindən söhbət gedir)

9)Səhv suallarınızın elmi-pedaqoji izahını verməyi düşünürsünüzmü? Əks halda sanki etirazlara görə texniki olaraq bal artırılması baş verib.

10)Sertifikatlaşdırma imtahanlarını ümumilikdə nə qədər dövlət vəsaiti xərclənib?

11) Sertifikatlaşdırma imtahanlarının təşkilinə cəlb olunmuş şirkətlər hansı meyarlar əsasında seçilib? Bunun üçün tender keçirilibmi? Həmin şirkətlərə nə qədər pul verilib?

12) Hələlik aşkar olunmuş bu qədər səhvlərdən sonra sertifikatlaşdırma imtahanlarına rəhbərlik edən şəxslərin vəzifələrindən kənarlaşdırılması gözlənilirmi?

P.S. İnanmaq istərdik ki, qanunvericiliyə uyğun olaraq Elm və Təhsil Nazirliyindən on minlərlə müəllimi düşündürən suallara səhv olmayan cavablar ala biləcəyik. (BnTv.az)

Hazırda Bakı şəhəri ərazisində 4 nəfərin dənizdə batdığı ehtimal olunan yerlərdə Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən axtarışlar davam etdirilir. Paytaxtda müşahidə olunan küləkli hava şəraiti səbəbindən axtarışlar vizual şəkildə həyata keçirilir.

Bunu "AzərTaca"a FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin böyük inspektoru kapitan Fərid İlhamoğlu söyləyib.

O bildirib ki, FHN tərəfindən aparılan kütləvi maarifləndirmə işlərinə baxmayaraq, bəzi vətəndaşlar, xüsusilə uşaqlar, yeniyetmələr tərəfindən qeyri-çimərlik ərazilərdə və su hövzələrində təhlükəsizlik qaydalarının pozulması hallarına rast gəlinir. Təəssüf ki, belə hallar çox zaman acı nəticələrə səbəb olur.

O vurğulayıb ki, qeyd olunanlarla bağlı FHN bir daha əhaliyə müraciət edərək müvafiq təhlükəsizlik qaydalarına ciddi şəkildə riayət etməyə, çimərlik kimi fəaliyyət göstərməyən qeyri-çimərlik ərazilərindən istifadə etməməyə, xüsusilə küləkli hava şəraitində dalğalı dənizə girməməyə çağırır. Ən əsası isə valideynlər uşaqları nəzarətsiz buraxmamalıdırlar. Vətəndaşlar yalnız xilasedicilərin fəaliyyət göstərdikləri qanuni çimərlik ərazilərindən istifadə etməlidirlər.

“Tərəfimizdən aparılan monitorinqlər zamanı bir neçə təhlükəli ərazi də müəyyən edilib. Belə ki, Mərdəkan və Şüvəlan qəsəbələri ərazisində yerləşən “Şimal Qres” və “Mil Qaya”, Bilgəh və Nardaran qəsəbələrində yerləşən “On ikinci dalan” və “Daçnik” adı ilə tanınan ərazilər, Novxanı və Saray qəsəbələri arasındakı “Sarı Qaya”, həmçinin Sahil qəsəbəsində yerləşən “Mayak” adı ilə tanınan yerlər ən təhlükəli ərazilər kimi qeydə alınıb. Bu yerlərdə sualtı axınların, mürəkkəb sualtı relyefin, yarğan və çuxurların olması insan həyatı və sağlamlığı üçün birbaşa təhlükə yaradır. Vətəndaşlara belə ərazilərdən uzaq durmaları tövsiyə edilir. Onlar yalnız nəzarət olunan və xilasedicilərin fəaliyyət göstərdiyi çimərlik ərazilərindən istifadə etməlidirlər”,- deyə inspektor vurğulayıb.

Dini Qurumlarla İş üzrə Dövlət Komitəsinin tabeliyində fəaliyyət göstərən Mənəvi Dəyərlərin Təbliği Fondu tərəfindən keçirilən tender müsabiqəsinin qalibi “Laguna Group” MMC (VÖEN – 1004604201) olub.

Yeniavaz.com xəbər verir ki, müsabiqənin şərtinə görə, “Laguna Group” MMC Mənəvi Dəyərlərin Təbliği Fondunun sifarişi əsasında xaricdə yaşayan Azərbaycan əsilli din xadimlərinin ölkəmizə səfərini təşkili edəcək və qarşılığında 122 min 180 manat 23 qəpik alacaq.

Məlumat üçün bildirək ki, ümumilikdə 52 nəfər Azərbaycan əsilli din xadiminin ölkəyə səfəri nəzərdə tutulub. Bunların 32 nəfəri Türkiyədən, 10 nəfəri Gürcüstandan, 5 nəfəri Dağıstandan (Rusiya), 5 nəfəri isə İraqdan gələcək.

Qeyd edək ki, “Laguna Group” MMC 15 fevral 2017-ci ildə dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Bakı şəhəri, Binəqədi rayonu, Əcəmi Naxçıvani ev 27, m. 102-də yerləşir. Qanuni təmsilçisi isə Əsgərov Ramil Əsgər oğludur. Dövlət qurumlarının keçirdiyi çoxsaylı tender müsabiqələrinin qalibi olan “Laguna Group” MMC-nin hazırda dövlət büdcəsinə 5 min 272 manat 64 qəpik vergi borcu da var.

Onu da bildirək ki, 26 oktyabr 2011-ci il tarixində Binəqədi rayonu, Əcəmi Naxçıvani ev 27, m. 102 ünvanında daha bir şirkət – “My Vings” MMC (VÖEN – 1002351891) dövlət qeydiyyatına alınıb və bu şirkətin qanuni təmsilçisi Rəfiyev Müzadil İlqar oğludur.

Rəfiyev Müzadil İlqar oğlu xarici işlər nazirinin müavini Rəfiyev Yalçın İlqar oğlunun qardaşıdır. Hazırda xarici işlər nazirinin müavini olan Yalçın Rəfiyev də Binəqədi rayonu, Əcəmi Naxçıvani ev 27, m. 102 ünvanında qeydiyyatda olub.

Dövrü mətbuatda yayılan məlumatlara görə vaxtı ilə “Azərbaycan Meliorasiya və Su Təsərrüfatı” Açıq Səhmdar Cəmiyyəti kimi tanınan,  hazırda isə “Regional Su Meliorasiya Xidməti”  kimi fəaliyyətini davam etdirən qurumda bir sıra struktur dəyişikliyi olmasına baxmayaraq qurumun sabiq sədri Əhməd Əhmədzadənin toxunulmazlıq statusu verdiyi bir çox şəxslər hələ də vəzifələrinin başındadı. Hansı ki, hazırda Azərbaycan Dövlət Su Ehtiyatları Agentliyinin sədri olan Zaur Mikayılov artıq klanlaşmış belə kadrları yerindən tərpətməyə aciz qalıb. Onların bəziləri hazırda sədrin müavini vəzifəsini daşıyanların qohumları, yaxınlarıdı. Bəziləri isə dövlət vəsaitlərinin talan edilməsi hesabına var-dövlət, güc sahibi olmuşlardı.

Onlardan bir çoxu uzun illər Ə.Əhmədzadənin müavini olmuş Zakir Quliyevin qohumları, bəziləri da onun himayəsi ilə vəzifədə qalanlardır. Zakir Quliyevə yaxınlığı ilə tanınanlar biri də, uzun illər bu sahədə vəzifə tutmuş Mafizət Cəfərovdur.

Mafizət Cəfərov uzun illər Qobustan qəsəbəsi ərazisində yerləşən Pirsaat Qış Otlaqları Su Təminatı Sistemlərinin İstismarı İdarəsinə rəhbərlik edib. 2021-ci ilin oktyabrından 2024-cü ilin sentyabr ayına qədər Hacıqabul Su Meliorasiya Sistemlərinin İstismarı İdarəsinin rəisi olub. Bundan sonra Mafizət Cəfərov Aşağı Muğan Meliorativ Sistemlərinin İstismarı İdarəsinin rəisi təyin edilib.

Zakir Quliyevin himayəsi ilə vəzifədən vəzifəyə keçən Mafizət Cəfərov Hacıqabul,  Şirvan şəhərində və ətraf rayonlarda hamının yaxşı tanıdığı bir oliqarxa çevrilib. Yəni Şirvan-Salyan zonası onun nəzarət dairəsindədir. Vaxtılə gözdən uzaq Qış Otlaqlarının Su Təminatı Sistemləri İstismarı İdarəsinə rəhbərlik etdikdə fermerləri susuz qoyub özünə aid yüzlərlə hektar torpaqlardan əldə etdiyi gəlirlər hesabına milyonlar qazanan Mafizət Cəfərov indi də Aşağı Muğan Meliorativ Sistemlərinin İstismarı İdarəsində istədiyini edir. Azərbaycan Dövlət Su Ehtiyatları Agentliyinin sədri Zaur Mikayılov da onun bütün əməllərinə göz yumur.

Qeyd edək ki,Aşağı Muğan Meliorativ Sistemlərinin İstismarı İdarəsi Salyan şəhərində yerləşir. Böyük işçi qüvvəsi olan İdarənin balansında həm də xeyli xüsusi təyinatlı texnika var.İdarənin saxlanılması üçün dövlət büdcəsindən hər il milyonlarla manat dövlət vəsaiti ayrılır.

Aktualinfo.net rəsmi mənbələrdən bununla bağlı bəzi maraqlı məlumatlar toplaya bilib. Dövlət satınalmalarının vahid internet portalı üzərindən apardığımız araşdırmada məlum oldu ki, Aşağı Muğan Meliorativ Sistemlərinin İstismarı İdarəsi hər il nasos stansiyalarında və digər qurğularda quraşdırılmış avadanlıqların təmiri işləri üçün tikinti materiallarının, nasos stansiyalarında hidromexaniki və elektrotexniki avadanlıqlar üçün mal-material və ehtiyyat hissələrinin, nasos stansiyalarında, subartezian quyularında və digər qurğularda quraşdırılmış avadanlıqların cari təmiri işləri üçün mal-materialların, nəqliyyat vasitələri üçün ehtiyyat hissələrinin, maşın – mexanizmlər və nəqliyyat vasitələri üçün ehtiyat hissələrinin, hidromexaniki avadanlıqlar üçün ehtiyyat hissələrinin, yağ-sürtkü mallarının təmir tikinti işləri üçün tikinti materiallarının satın alınması üzrə dəyəri yüzminlərlə manat olan tenderlər keçirir.

Mafizət Cəfərovun Aşağı Muğan Meliorativ Sistemlərinin İstismarı İdarəsinin rəisi vəzifəsinə keçdikdən sonra bağladığı müqavilələr araşdırılarsa bir şox şübhələrə aydınlıq gələr.

Aşağı Muğan Meliorativ Sistemlərinin İstismarı İdarəsi maşın mexanizmlər və Torpaqqazan üçün ehtiyyat hissələrinin satın alınması üzrə “ALİYEV MOTORS COMPANY” MMC ilə 54.886,52 manat dəyərində müqavilə bağlamağı planlaşdırır. Satınalmalaır portalına yerləşdirlimiş məlumata görə Aşağı Muğan Meliorativ Sistemlərinin İstismarı İdarəsi 2025-ci ilin iyul ayında Maşın – mexanizmlər və nəqliyyat vasitələri üçün ehtiyat hissələrinin satın alınması üzrə 51.802 manat dəyərində “ALİYEV MOTORS COMPANY” ilə, nəqliyyat vasitələri üçün ehtiyyat hissələrinin satın alınması üzrə 23.385,2 manat dəyərində fiziki şəxs Şamo Əlişiraz oğlu Qurbanovla bağlayıb.

Aşağı Muğan Meliorativ Sistemlərinin İstismarı İdarəsi 28.07.2025-ci ildə nasos stansiyalarında hidromexaniki və elektrotexniki avadanlıqlar üçün mal-material və ehtiyyat hissələrinin satın alınması üzrə “A+H TƏMİR TİKİNTİ” MMC ilə 91.074,17 manat dəyərində müqavilə bağlayıb.

Qeyd edək ki, Mafizət Cəfərov Aşağı Muğan Meliorativ Sistemlərinin İstismarı İdarəsin rəisi keçdikdən cəmi bir ay sonra “A+H TƏMİR TİKİNTİ” MMC ilə Torpaq qazan mexanizmlərin (ekskovator, buldozer) və nəqliyyat vasitələri üçün ehtiyat hissələrinin satın alınması üzrə 76.947,8, təmir tikinti işləri üçün tikinti materiallarının satın alınması üzrə 56.752,1, nasos stansiyalarında elektrotexniki avadanlıqlar üçün mal-materialların satın alınması üzrə 20.000 manat dəyərində üç müqavilə bağlamışdır.

Qeyd edək ki, Mafizət Cəfərov bu şirkətlə Hacıqabul Su Meliorasiya Sistemlərinin İstismarı İdarəsinin rəisi olduğu dövrdə də işbirliyində olub.

Bundan əlavə Mafizət Cəfərov Hitachi Zx210 ekskovatorunun əsaslı təmiri üzrə xidmətlərin satın alınması üzrə 25.11.2024-cü ildə “AVTO TEXNİKA DETALİNG” MMC ilə 63.720 manat dəyərində müqavilə bağlayıb. Bir ədəd ekskovatorun təmirinə ayrılan bu vəsaitin şişirdildiyi açıq aydın görsənir.

Hidromexaniki avadanlıqlar üçün ehtiyyat hissələrinin satın alınması üzrə “KM SERVİCES” MMC ilə bağlanmış 85.757,99 manat dəyərində müqavilənin də arxasında şübhəli məqamlar çoxdur.

Belə ki, bir qayda olaraq idarədə ehtiyyat hissələri texnikaları işlədən sürücülərin özlərinə tapşırılır. (Bu qayda keçmiş “Azərbaycan Meliorasiya və Su Təsərrüfatı” ASC-də  hazırda isə “Regional Su Meliorasiya Xidməti”ndə uzun illərdir yazılmamış qanundur)  Çünki, idarənin rəisi Mafizət Cəfərov onlara gün ərzində muzdlu işlərdə çalışmağa şərait yaradır. Odur ki, nəqliyyat vasitələri üçün ehtiyyat hissələrinin satın alınması üzrə keçirilən tenderin formal olduğu, hər şeyin sadəcə kağız üzərində aparıldığı buradan bəlli olur. Bunun üçün elan vermək, tender keçirmək formal xarakter daşıyır.

Qeyd edək ki, Hesablama Palatası tərəfindən 2025-ci ildə açıqlanmış  bülleteninin 2024-cü il üzrə dördüncü nömrəsində bəzi dövlət qurumlarında keçirilmiş auditin nəticələrini açıqlayıb. Bu qurumlardan biri də Azərbaycan Dövlət Su Ehtiyatları Agentliyinin tabeliyində olan müəsisələrlə bağlıdır. “Sabirabad və Salyan rayonlarında qış otlaqlarında suvarma və drenaj obyektlərinin tikintisi” layihəsi çərçivəsində ayrılmış 27,8 milyon manatlıq vəsaitin yalnız bir hissəsi üzrə effektiv nəticələr əldə olunub-məlumatda bildirilir.

Maraqlıdır, Hesablama Palatası və digər təfdiş orqanları 30 ildən çoxdur meliorasiya və su təsərrüfatı sistemində çalışmış, bir növ bu sahədə toxunulmazlıq statusu almış Mafizət Cəfərov əvvəlki işlərini demirik, elə Aşağı Muğan Meliorativ Sistemlərinin İstismarı İdarəsində də yoxlama aparsa daha nə kimi nöqsanlar üzə çıxara bilər.

Yuxarıda qeyd etdiyimiz kimi, Mafizət Cəfərov meliorasiya və su təsərrüfatı sistemində gəlmiş -getmiş bir çox rəislər arasında xüsusilə fərqlənən şəxsdir. Onu Şirvan şəhərində və ətraf rayonlarda bir oliqarx kimi tanıyırlar. Bu rayonlarda fermer təsərrüfatları, fermaları, ət kəsimi mağazaları, restoranları var. Bakı şəhərində isə bəlkə də ünvanlarını unutduğu saysız hesabsız evləri var. Bütün bunlara isə təbii ki, vəzifə başında oturduğu idarələrdən əldə etdiyi gəlirlər hesabına sahib olub. Azərbaycan Dövlət Su Ehtiyatları Agentliyinin sədri olan Zaur Mikayılov da müavini Zakir Quliyevin bu kadrına gözün ütündə qaşın var demir.

Qeyd edək ki, məqalədə göstərilənlərə aydınlıq gətirilməsi məqsədi ilə iki həftə əvvəl Aşağı Muğan Meliorativ Sistemlərinin İstismarı İdarəsinin elektron poçtuna ünvanladığımız məktuba cavab gəlmədi. İdarənin baş mühasibi, Satınalma Komissiyasının üzvü Zalış Bünyatovla əlaqə saxlamaq cəhdlərimiz baş tutmadı. Baş mühasib işləməyən telefonu satınalmalarda əlaqələndirici şəxs kimi təqdim edir. Mafizət Cəfərov isə tender adı eşidəndə sözümüzü kəsərək qışqır-bağır salıb telefonu söndürdü. Buna baxmayaraq qarşı tərəf kimi mövqelərini dərc etməyə hazırıq.

Aktualinfo.net