Sosial şəbəkələrdə yayılan və ictimai müzakirələrə səbəb olan görüntülərdə konkret məktəblərin adlarının açıq şəkildə hallanması artıq məsələni fərziyyə yox, ciddi araşdırma mövzusuna çevirir. Fotoda qeyd olunan həmin məktəblər ətrafında formalaşan mənzərə göstərir ki, problem tək-tək hallar deyil – bu, sistemli yanaşmanın nəticəsidir.


Adı çəkilən məktəblərdə uzun illərdir dəyişməyən rəhbərlik, yaş həddinə baxmayaraq vəzifədə saxlanılan direktorlar və bu proseslərin izahsız qalması artıq açıq narazılıq doğurur. Bu fonda dövlət səviyyəsində aparılan gəncləşdirmə siyasəti ilə real vəziyyət arasında ziddiyyət daha da qabarıq görünür. İlham Əliyev tərəfindən irəli sürülən yenilənmə kursunun bölgələrdə formal xarakter alması isə ciddi suallar yaradır.


Məsələnin daha problemli tərəfi isə bu proseslərin regional təhsil idarəsinin nəzarəti altında baş verməsi və buna baxmayaraq heç bir aydın izahın verilməməsidir. Adı hallanan məktəblərlə bağlı qərarların eyni mərkəzdən verilməsi, oxşar yanaşmaların tətbiqi və nəticədə eyni şəxslərin vəzifədə saxlanılması artıq regional idarənin bu məsələdə sadəcə müşahidəçi yox, maraqlı tərəf kimi çıxış etdiyini göstərir.
Bu idarəetmə modeli təhsildə balansı pozur. Şəffaf mexanizmlər olmadığı üçün:
hansı meyarlarla müddətlərin uzadıldığı bilinmir,
hansı əsasla müəyyən şəxslərin seçildiyi açıqlanmır,
alternativ kadrların niyə kənarda qaldığı izah edilmir.


Digər tərəfdən, həmin məktəblərin “uğurları” da ciddi şübhə doğurur. Fotoda adı keçən təhsil ocaqlarının yüksək nəticələri önə çəkilsə də, bu nailiyyətlərin əsl mənbəyi çox vaxt gizlədilir. Reallıqda isə:
şagirdlərin repetitor hazırlığı ilə əldə etdiyi nəticələr məktəbin adına yazılır,
müəllimlərin fərdi əməyi rəhbərliyin uğuru kimi təqdim olunur,
statistik göstəricilər real tədris keyfiyyətini əks etdirmir.
Beləliklə, süni şəkildə formalaşdırılmış “uğur imici” həm ictimaiyyəti, həm də təhsil sistemini aldadan bir mexanizmə çevrilir.
Ən təhlükəli məqam isə budur: bu proseslərə nəzarət etməli olan regional idarə eyni zamanda bu nəticələrin təqdimatında maraqlı görünür. Bu isə idarəetmədə obyektivliyin itməsi, daxili maraqların ön plana keçməsi deməkdir.


Nəticədə ortaya belə bir mənzərə çıxır:


adları konkret şəkildə hallanan məktəblər, dəyişməyən rəhbərlik, izahsız qərarlar və süni şişirdilmiş uğurlar.
Bu artıq sadəcə təhsil problemi deyil. Bu, idarəetmə böhranıdır.


Şəffaflıq təmin olunmadıqca, qərarlar açıq əsaslandırılmadıqca və real nəticələr gizlədildikcə, təhsil sistemində etimadı bərpa etmək mümkün olmayacaq. Əks halda, bu gün sosial şəbəkələrdə səslənən tənqidlər sabah daha geniş ictimai narazılığa çevriləcək.


Bntv.az

Prezident İlham Əliyev və Birinci vitse-prezident Mehriban Əliyeva Xalq artisti Rasim Balayevlə vida mərasiminə əklil göndəriblər.

Əklil mərhumun Akademik Milli Dram Teatrında keçirilən vida mərasiminə qoyulub.

Qeyd edək ki, Xalq artisti Birinci Fəxri xiyabanda dəfn olunacaq.

Əzilən tələbələri müdafiə etdiyinə görə təqib olunduğunu deyən müəllim Aysel Quliyeva yenidən NDU rəhbərliyinin hədəfinə düşüb. Universitetin vəzifəlisi Abbas Əhmədov ləyaqətini alçatmaqda ittiham etdiyi keçmiş müəllimi yenidən məhkəməyə verib.
Onun şikayət ərizəsi bundan əvvəlki məhkəmə çəkişməsində iki dəfə uduzduğu ittiham mətninin eynisidir. Bu dəfə fərq isə müəllimin cəzalandırılması ilə yanaşı, mənəvi zərərə görə ondan 20 min manat təzminat tələb etməsidir.
Aysel Quliyeva “Gündəlik Naxçıvan”a bildirib ki, bu iddia ondan qisas almaq məqsədi daşıyır:
“Naxçıvan Dövlət Universitetində qarşılaşdığım vəziyyət elm deyil, şəxsi ambisiyalar və hüquqsuzluq idi. Bir il ərzində məni işdən uzaqlaşdıran, maaşsız qoyan rəhbərlik indi də mənə qarşı 20 min manatlıq mənəvi təzminat iddiası qaldırıb. Bu, ədalət axtarışı yox, susdurma cəhdidir.
10 aydır gəlirsiz və borc içində olan birindən bu məbləğin tələb olunması absurddur. Mənim nə evim, nə maşınım var – tək sərvətim biliyimdir. Bu məsələ əslində mənə yox, gənc kadrlara qarşı münasibətə aiddir.
Bir ildən çoxdur məni məhkəmələrlə yormaq, maddi və mənəvi cəhətdən sarsıtmaq istəyirlər. Amma haqqımı sona qədər müdafiə edəcəyəm.”
Ötən ilin sentyabrında “Gündəlik Naxçıvan” NDU-nun Hüquq və Beynəlxalq Münasibətlər fakültəsinin bir qrup tələbəsinin müraciətini yayıb. Müraciətdə dekan müavini Abbas Əhmədovun tələbələri döydüyü və təhqir etdiyi iddia olunurdu. Tələbələr bildirirdilər ki, universitet rəhbərliyi onu cəzalandırmaq əvəzinə, onları müdafiə edən müəllim Aysel Quliyevanı işdən çıxarıb.
Abbas Əhmədov tələbələrin bu müraciətini əsas gətirərək məhkəməyə müraciət etmişdi. Şikayət olunan şəxs – Aysel Quliyevanın isə həmin müraciətin yayılması ilə heç bir əlaqəsi olmayıb. Buna baxmayaraq, Naxçıvan Şəhər Məhkəməsinin hakimi Gülsüm Əliyeva şikayəti icraata götürmüşdü. Məsələ ictimailəşdikdən sonra bu addım ciddi ictimai qınağa səbəb olmuş, hakim isə ilk iclasda işə baxmaqdan imtina etmişdi.
Daha sonra iş Bakıdan yeni təyin olunmuş hakim Aslan Heydərova verilmişdi. O isə şikayəti əsassız hesab edərək işə xitam vermişdi.

Gündəlik Naxçıvan

Son dövrlərdə sosial şəbəkələrdə və mediada Nəsimi rayonu Alı Mustafayev küçəsində yerləşən “İlyasın Kafesi” ilə bağlı narazılıqların sayı artmaqdadır. Müxtəlif platformalarda paylaşılan rəylərdən və şikayətlərdən belə görünür ki, sözügedən ictimai iaşə obyektində müştəri hüquqları ilə bağlı ciddi problemlər mövcuddur.Şikayətlərin əsas məğzini isə qiymət siyasətində şəffaflığın olmaması təşkil edir. Belə ki, iddialara görə, kafe rəhbərliyi sosial şəbəkələrdə və müxtəlif reklam vasitələri ilə müştəriləri cəlb etməyə çalışsa da, obyekt daxilində menyunun olmaması ciddi suallar doğurur. Müştərilər bildirirlər ki, təqdim olunan yemək və içkilərin qiymətləri əvvəlcədən açıqlanmır və bu da sonradan xoşagəlməz sürprizlərlə nəticələnir.Ən çox səsləndirilən narazılıqlardan biri də məhz hesab təqdim edilən zaman yaranır. İddialara görə, müştərilər əvvəlcədən qiymət barədə məlumat almadıqları üçün sifariş verdikdən sonra yüksək məbləğlərlə qarşılaşırlar. Bu isə bir çox hallarda narazılıq və mübahisələrə səbəb olur. Bəzi vətəndaşlar bunu açıq şəkildə “aldadılma” kimi qiymətləndirir.Məsələ ilə bağlı hüquqi tərəfə diqqət yetirdikdə isə aydın olur ki, Azərbaycan qanunvericiliyinə əsasən ictimai iaşə obyektlərində xidmət göstərən sahibkarlar müştərilərə təqdim etdikləri məhsul və xidmətlərin qiymətləri barədə əvvəlcədən aydın və əlçatan məlumat verməlidirlər. Menyunun olmaması və ya qiymətlərin gizli saxlanılması istehlakçı hüquqlarının pozulması kimi qiymətləndirilə bilər.Ekspertlər bildirirlər ki, bu cür hallarla qarşılaşan vətəndaşlar aidiyyəti qurumlara müraciət etməli, eyni zamanda ödədikləri məbləğlə bağlı qəbz və sübutları saxlamalıdırlar. Bu, sonradan hüquqlarının müdafiəsi üçün mühüm rol oynaya bilər.Hazırda “İlyasın Kafesi” ilə bağlı səsləndirilən iddialara rəsmi qurumların münasibəti məlum deyil. Mövzu ilə bağlı kafe rəhbərliyinin mövqeyini öyrənmək də vacibdir. Qarşı tərəfin açıqlaması vəziyyətə daha aydınlıq gətirə bilər.Məsələ ictimai maraq doğurduğundan, ümid edilir ki, aidiyyəti qurumlar tərəfindən araşdırma aparılacaq və istehlakçı hüquqlarının qorunması istiqamətində müvafiq addımlar atılacaq.

Aztimes.az

Kosmetoloji iş ambulator tibbi xidmət sayılır və mütləq lisenziya tələb edir. Bu, Azərbaycan Respublikasının Nazirlər Kabinetinin 15 may 2017-ci il tarixli 206 nömrəli Qərarı ilə təsdiqlənmiş siyahıda ayrıca qeyd olunub.
İnyeksion prosedurlar, lazer epilyasiya, mezoterapiya, pilinq, plazmoliftinq və digər örtük toxumalarına müdaxilə edən üsullar tibbi kosmetologiyaya daxildir və yalnız ali tibbi təhsilli, sertifikatlı həkim-dermatoveneroloqlar tərəfindən icra oluna bilər.
Özəl tibb fəaliyyəti üçün lisenziya Azərbaycan Respublikasının İqtisadiyyat Nazirliyi tərəfindən verilir, Analitik Ekspertiza Mərkəzi ilə birğə Səhiyyə Nazirliyinin rəyi alınır. Lisenziya konkret ünvan və hüquqi şəxs üçün qüvvədə olur.
Diqqət etdinizmi, Lisenziya konkret ünvan və hüquqi şəxs üçün qüvvədə olur. Bu faktor bizə aşağıda yarana biləcək sualların hamsının cavabını verir. Belə ki, Analitik Ekspertiza Mərkəzi həmin tibbi mərkəzlkərdə hansı fəaliyyətlərin həyata keçiriləcəyini və hansı prosedurların icra olunacağını nəzarətdə saxlamalıdır. Bunun üçün ünvan və yer bəllidir…
v Saxlanılırmı? birmənalı olaraq, xeyir.
Əsas məsuliyyət Analitik Ekspertiza Mərkəzinin üzərinə düşür. Lakin ölkədə fəaliyyət göstərən bir çox kosmetoloji mərkəzlərdə özünü həkim kimi təqdim edən şəxslər inyeksion prosedurlar, dodaq dolğusu və müxtəlif tibbi müdaxilələr həyata keçirirlər. Bu fəaliyyətlər onların sosial şəbəkə hesablarında açıq şəkildə görünür.
Bu şəxslər açıq şəkildə həkim fəaliyyəti ilə məşğul olurlar. Həkimdirlərmi? Bilinmir.
Bunu kim müəyyən etməlidir? Analitik Ekspertiza Mərkəzi. Edirmi? Xeyir.
Sorğulara verilən cavab isə belə olur – “ad-soyadı düzgün göstərin”. Halbuki sorğuda Mərkəzin adı və ünvanı göstərilir, şəxs isə öz Instagram hesabında adını, soyadını, əlaqə nömrəsini açıq şəkildə yazır və otağının qarşısında “Həkim-Kosmetoloq” qeyd olunur. Və ən əsası Analitik Ekspertiza Mərkəzi bu mərkəzlərin ünvanlarını gözəl bilməlidir və bilir də. Buna baxmayaraq, Analitik Ekspertiza Mərkəzi “dəqiq ad-soyad” tələb edir. Bu yanaşma qurumun fəaliyyətini sual altına qoyur.

Konkret fakt kimi “Elnarə Canlı Beauty Center” kosmetoloji mərkəzini göstərmək olar.
Uzun müddətdir mediada və sosial şəbəkələrdə bu mərkəzin fəaliyyəti gündəmdədir. Əgər bu mərkəz fəaliyyət göstərirsə, deməli lisenziya alıb və Analitik Ekspertiza Mərkəzində qiymətləndirilib. Bu isə o deməkdir ki, həm İqtisadiyyat Nazirliyi, həm də Səhiyyə Nazirliyi bu mərkəzin fəaliyyətindən xəbərdardır.

Həmin mərkəzin sosial şəbəkə hesabında “Baş Həkim – Elnarə Canlı” qeyd olunur. Mərəzdə otağın üzərinə yazılıb – Baş həkim- Həkim kosmetoloq Elnarə Canlı
Elə isə sual konkretdir – “Baş Həkim Elnarə Canlı” adlı şəxsin tibbi təhsili varmı?
Bu barədə Analitik Ekspertiza Mərkəzinə verilən sorğuya cavab isə belədir – “Dəqiq ad, soyad göstərilməlidir”. Əgər həkim özünü bu adla təqdim edir və həkim kimi fəaliyyət göstərirsə, otağının qarşısına “Baş həkim Elnarə Canlı” yazırsa deməli bu şəxs lisenziyanı da bu adla alıb, bu qanuni addır.
Əks təqdirdə bu cinayətdir və adın və soyadın gizlədilməsinə görə məsuliyyət daşıyır. Çünki, insanlar bu həkimi Elnarə Canlı olaraq tanıyır və hər hansı proeblemdə hüquqi məsuliyyəti Elnarəı Canlı soyadı daşıyır. Yox, əgər həqiqətən də Elnarə Canlı adlı xanım baş həkimdirsə, o zaman
Analitik Ekspertiza Mərkəzinin rəhbərliyi onu tanımalıdır, lisenziyasının olub-olmadığını bilməlidir və medianın sorğularına cavab da verməlidir.

Ali tibbi təhsil olmadan bu prosedurların aparılması qanunsuzdur və təhlükəlidir.

Analitik Ekspertiza Mərkəzinin rəhbərliyi bu mərkəzin hansı fəaliyyətlə məşğul olduğunu bilmirmi? Bilmirsə, araşdırmalıdır. Bilirsə, ictimaiyyətə açıqlama verməlidir.
Səhiyyə naziri Teymur Musayev və Analitik Ekspertiza Mərkəzinin rəhbərliyi cəmiyyətə açıqlamalıdır – “Elnarə Canlı Beauty Center” mərkəzinin baş həkimi Elnarə xanım Canlı tibbi təhsillidirmi? Bu tibbi prosesdurları yerinə yetirmək üçün icazəsi varmı?
Əks halda, təkcə bir mərkəzin deyil, Səhiyyə naziri Teymur Musayevin və Analitik Ekspertiza Mərkəzinin rəhbəri Murad Süleymanovun fəaliyyəti ciddi sual altına düşür. Xüsusilə qeyd edək ki, Azərbaycanda yüzlərlə belə Kosmetoloji Mərkəz fəaliyyət göstərir və xidmət göstərən şəxslərin ali tibbi təhsilli həkim olmaları ciddi sual altındadır. Analitik Ekspertiza Mərkəzi isə onların fəaliyyətinə nəzarət edə bilmir, sorğuları cavablandırmır, yaxud hüquqi addımlar atmaqda maraqlı deyil.(bizimesr.az)
Araşdırmalar davam edir.

Milli Məclisin deputatı Səyyad Aranın 25 yaşlı nəvəsinin idarə etdiyi lüks avtomobil sosial şəbəkələrdə geniş müzakirələrə səbəb olub. Yayılan məlumatlara görə, gənc şəxs Chevrolet Camaro markalı avtomobil sürür.

Bizimesr.az bildirir ki, paylaşımlarda avtomobilin özündən daha çox dövlət nömrə nişanının qiyməti diqqət çəkib. Bəzi istifadəçilər nömrənin dəyərinin avtomobilin bazar qiymətindən daha yüksək ola biləcəyini iddia edərək bu məsələni müzakirəyə çıxarıblar. Sosial şəbəkələrdə bununla bağlı müxtəlif tənqidi rəylər səsləndirilib.

Qeyd edək ki, deputat Səyyad Aran daha əvvəl səsləndirdiyi fikirlərə görə də tənqid olunmuşdu. O, çıxışlarından birində “Mən günahkaram ki, kimsə 300-400 manat maaş alır, mən isə çox…” məzmunlu ifadələr işlətmişdi. Bu açıqlama ictimaiyyətdə narazılıq doğurmuş və geniş müzakirələrə səbəb olmuşdu.

Hazırda isə deputatın nəvəsinə məxsus olduğu bildirilən lüks avtomobil və bahalı nömrə nişanı sosial mediada yenidən diqqət mərkəzinə düşüb.

Bizimesr.az

Tovuz Rayon İcra Hakimiyyəti Novruz şənliyinə 17 582 manat pul xərcləyib.


Bayram şənliyini icra hakimiyyətinin sifarişi ilə "Prodsale” MMC təşkil edib.


Bununla bağlı qurumla şirkət arasında birmənbə metodu ilə satınalma müqaviləsi imzalanıb.


İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Prodsale” MMC 23 yanvar 2023-cü ildə qeydiyyata alınıb. Nizamnamə kapitalı 10 AZN-dir. MMC-nin hüquqi ünvanı Yasamal rayonu, xarici dairəvi yolu, ev 59, mənzil 51-də yerləşir. Şirkətin qanuni təmsilçisi Hətəmova Sahilə Zahid qızıdır.


Açıq mənbələrdə şirkət və qanuni təmsilçisi haqqında heç bir məlumat yoxdur.


Dövlət satınalmalarının vahid elektron portalına yerləşdirilən məlumatlardan aydın olur ki, Tovuz Rayon İcra Hakimiyyəti bayram və hüzn tədbirlərinin təşkilini əsasən "Prodsale” MMC-yə tapşırır. Həm bu fakt, həm də şirkətlə birmənbə metodu ilə müqavilə bağlanması satınalmanın şəffaflığı barədə suallar yaradır.


Tovuz Rayon İcra Hakimiyyətinin başçısı Məmməd Məmmədovdur. O, 2018-ci ildə rayona rəhbərlik edir.


Qaynarinfo

Xəbər verdiyimiz kimi, Azərbaycan təhlükəsizlik orqanlarının yaradılmasının 107-ci ildönümü tamam olur.

Ümummilli Lider Heydər Əliyevin 1997-ci il 23 mart tarixli Sərəncamına əsasən, hər il martın 28-i təhlükəsizlik orqanları əməkdaşlarının peşə bayramı kimi qeyd olunur.

Bu əlamətdar tarix öz başlanğıcını Azərbaycan Xalq Cümhuriyyətində dövlət təhlükəsizliyinin təmin olunması məqsədilə 1919-cu il martın 28-də “Kəşfiyyat və əks-kəşfiyyat bölməsi”nin yaradılmasından götürür.

Əlamətdar günlə bağlı hazırlanmış videoçarxı təqdim edirik:

Sabiq deputat Etibar Əliyev Azərbaycan Dövlət Neft və Sənaye Universitetinin (ADNSU) rektoru Rüfət Əzizovun beynəlxalq reytinqlərlə bağlı paylaşımına sərt münasibət bildirib.
Bizimesr.az bildirir ki, sabiq deputat, təhsil sahəsi üzrə mütəxəssis Etibar Əliyev sosial şəbəkə hesabında paylaşdığı statusda ADNSU rəhbərliyinin ictimaiyyətə yalnız müəyyən nəticələri təqdim etdiyini iddia edib.
Qeyd edək ki, ADNSU-nun rektoru Rüfət Əzizov “Möhtəşəm xəbər” başlıqlı paylaşımında universitetin QS (Quacquarelli Symonds) 2026-cı il üzrə fənn sahələri reytinqində iki istiqamət üzrə qlobal siyahıya daxil olduğunu açıqlayıb.
Onun sözlərinə görə, ADNSU “Neft mühəndisliyi” istiqaməti üzrə 101–150-ci, “Kompüter elmləri və informasiya sistemləri” istiqaməti üzrə isə 451–500-cü yerlərdə qərarlaşıb.
Etibar Əliyev isə bu təqdimat formasını tənqid edərək bildirib ki, universitetin digər sahələr üzrə göstəriciləri ictimaiyyətə açıqlanmır.
Sabiq deputat qeyd edib ki, müqayisə üçün Bakı Dövlət Universitetinin bəzi istiqamətlər üzrə nəticələri də nəzərə alınmalıdır. Onun sözlərinə görə, BDU “Neft mühəndisliyi” kateqoriyasında 51–100-cü, “Kompüter elmləri və informasiya sistemləri” sahəsində isə 601–650-ci pillələrdə yer alıb.
Etibar Əliyev ADNSU-da xüsusilə riyaziyyat, kimya və kimya mühəndisliyi istiqamətlərinin vəziyyəti ilə bağlı da suallar ünvanlayıb. O bildirib ki, vaxtilə bu universitetdə riyaziyyatın tədrisi daha güclü olub və hazırkı nəticələr ciddi suallar doğurur.
Sabiq deputat paylaşımında həmçinin ali məktəblərin elmi məqalə göstəricilərində digər elmi qurumların əməkdaşlarının roluna da toxunub. O hesab edir ki, bəzi uğurların təqdimatında bu məqamlar da nəzərə alınmalıdır. Etibar Əliyev ADNSU rəhbərliyinə müraciətlə bildirib ki, əgər bir sahə üzrə irəliləyiş uğur kimi təqdim olunursa, digər istiqamətlər üzrə geriləmənin səbəbləri də ictimaiyyətə izah edilməlidir.
O, paylaşımının sonunda universitet rəhbərliyinə və bu nəticələri müsbət qiymətləndirən şəxslərə müraciət edərək, “cəmiyyəti ələ salmamağa” çağırıb.
Etibar Əliyev hesab edir ki, ali təhsil müəssisələrinin fəaliyyəti ilə bağlı ictimaiyyətə yalnız seçilmiş uğurların təqdim olunması düzgün yanaşma deyil və bu cür təqdimatlar cəmiyyətdə yanlış təsəvvür yaradır.

Qeyd edək ki, ADNSU QS reytinqlərində belə səradadır.
#851–900 — Dünya Universitetləri Reytinqi
#101–150 — Fənn (İxtisas) üzrə Dünya Reytinqi
#1401–1500 — Davamlılıq (Sustainability) Reytinqi
#16 — Avropa Reytinqi (Qərbi Asiya)

Bizimesr.az

“Kristal Bakı” ASC-yə məxsus şirkətin rəsmi saytında 30.06.2025-ci il tarixi ilə yerləşdirilmiş "Kristal Bakı ASC-nin 2024-cü il üzrə konsolidə edilmiş maliyyə hesabatları" adlı başlıq diqqət çəkir. Bu başlığa klik etmədən baxdıqda elə təsəvvür yaranır ki, ASC illik maliyyə hesabatını açıqlayıb və hər şey qaydasındadır.


Bizimesr.az bildirir ki, başlığa klik edildikdə tam fərqli mənzərə ortaya çıxır. Hesabatın yerləşdirilməli olduğu səhifədə heç bir sənəd yoxdur və istifadəçiyə “Not Found”- yəni “Tapılmadı” qeydi göstərilir. Bu isə faktiki olaraq, hesabatın mövcud olmadığını göstərir.

Beləliklə, rəsmi saytda hesabatın adı yerləşdirilsə də, sənədin özü yoxdur. Bu isə ictimaiyyət üçün açıqlanmalı olan maliyyə məlumatlarının əlçatan olmadığı anlamına gəlir. Başqa sözlə, başlıq var, amma hesabatdan əsər-əlamət yoxdur.


Ümumiyyətlə, uzun illərdir “Kristal Bakı” ASC Bakı şəhərinin ən bahalı ərazilərində binaların tikintisi və yüksək qiymətlərlə satışı ilə məşğul olur. Üstəlik, bu fəaliyyətini medianın dəstəyindən istifadə edərək tənzimlədiyi iddiaları da mövcuddur. Medianı reklamla ələ alaraq yalnız “Kristal” barədə müsbət məlumatların yayılmasını təmin etdiyi bildirilir.

Ölkənin demək olar ki, əksər media qurumlarına nüfuz edən bu şirkət barədə neqativ məlumatların yayılması isə faktiki olaraq mümkün olmur. Şirkət reklam verirsə, onunla əməkdaşlıq edən media qurumu yalnız müsbət materiallar yayımlayır. Bu da o deməkdir ki, “Kristal Bakı” ASC bina tikinti bazarında istədiyi informasiya mühitini formalaşdıra bilir.


Həftənin 2-3 günü ölkə mediasında şirkətin yalnız satış və kredit şərtləri ilə bağlı məlumatların yayımlanması da bu iddiaları gücləndirən məqamlardan biri kimi qiymətləndirilir.


Bütün bunların fonunda isə ən vacib olan maliyyə şəffaflığı məsələsi açıq qalır. Çünki şirkətin öz rəsmi saytında yerləşdirilmiş 2024-cü il üzrə konsolidə edilmiş maliyyə hesabatı linki açılmır və sənəd mövcud deyil.


Beləliklə, “Kristal Bakı” ASC-nin elə öz rəsmi saytından görünür ki, şirkətin maliyyə hesabatları faktiki olaraq ictimaiyyət üçün açmaqda maraqlı deyil. Hesabatın adı yerləşdirilsə də, məzmunun olmaması bu məlumatların gizlədildiyi ilə bağlı suallar yaradır. Bu isə onu deməyə əsas verir ki, maliyyə şəffaflığı ilə bağlı vəziyyət heç də “Kristal” deyil.


Qeyd edək ki, “Kristal Bakı” ASC-nin səhmdarları Vəliyev Pərviz Ağalar oğlu (50 faiz), Nəbiyev Fərid Elburus oğlu (25 faiz) və Nəbiyev Araz Məhayət oğludur (25 faiz). Vəliyev Pərviz Ağalar oğlu Milli Məclisin deputatı Ağalar Vəliyevin oğludur. Pərviz Vəliyev 2018-ci ildə isə “Azəraqrartikinti” ASC-nin sədr müavini təyin edilib. 2024-cü ildə isə “Crystal Group of Companies” ASC-nin Müşahidə Şurası yaradılıb və onun sədri olub.


Ağalar Vəliyev indi də Xaçmaz üçün susacaq – Biznesmen-deputatın dairəsi üçüncü dəfə dəyişdirildi » XalqXeber.Az | Son xeberler Azerbaycan xeberleri

Ağalar Vəliyevin adı olduqca ciddi qalmaqallı məsələlərdə hallanıb. Məsələn Villası ilə Prezident Sarayını kölgədə qoyan, akvariumunda delfin saxlayan “Alabala”, Eldar Mahmudovun “toru”na düşən, mandat “legitimliyi” qalmaqalı və bir ailənin faciəsinə səbəb ola bilən fakklar və maraqlısı 4 hinduşkaya DSK sədri postuna təyinatrlar kimi məqamlarda çəkilib. Ən sonda isə "Kristal Bakı" ASC-nin 50 faiz səhmini oğluna - Pərviz Vəliyevə ötürərək adını qismən kənarda saxlaya bilib.


"Kristal Bakı" ASC-nin diğər 50 faiz səhmi isə Nəbiyev Fərid Elbrus oğlu (25%) və Nəbiyev Araz Mahayət oğludur (25%). Bəs bu şəxslər kimdir? Fərid Nəbiyev "Kristal Bakı" ASC-də Maliyyə direktoru, Araz Nəbiyev isə "A+CO" ASC-də Direktor müavini olaraq çalışırlar. Fərid Nəbiyev Araz Nəbiyevin əmisi oğludur.

Qeyd edək ki, bu yaxınlarda Nəbiyevlərin adı ölkədə külli miqdarda pul çıxarmaqda çəkildi. Nəbiyevlərə məxsus “Diadem” ASC -yə növbəti dəfə cərimə protokolu yazıldı. “Diadem” ASC müxtəlif təyinatlı tikililərin inşasını həyata keçirir, eləcə də tikinti materiallarının satışı ilə məşğuldur.


Mahayət Nəbiyevin qardaşı ölkədən nə qədər valyuta çıxarıb?Açıq Səhmdar Cəmiyyəti təşkilati formasına baxmayaraq “Diadem”in cəmi 2 səhmdarı var və Nəbiyev Elbrus Ənvər oğlu səhmlərin 75%-nə sahibdir. Elbrus Nəbiyev “Kristal Abşeron” MTK-nın Müşahidə Şurasının sədri Mahayət Nəbiyevin qardaşıdır.


Xüsusilə qeyd etmək lazımdır ki, ASC-nin kristal.az adlı rəsmi saytında ASC-nin yaranması, dəqiq adı, rəhbərliyi və diğər məlumatlar ümumiyyətlə qeyd olunmur. Bu isə özlüyündə ciddi suallar yaradır və şirkətin "Kristal Bakı" ASC kimi tanınmasını arxa planda saxlayır.


Bizimesr.az