"Real Azərbaycan" redaksiyasına Qazax rayonu Şamoy Çobanov adına Ağköynək kənd tam orta ümumtəhsil məktəbinin 40 illik pedaqoji staja malik ingilis dili müəllimi Mansurova Nəzakət Bilal qızı tərəfindən geniş şikayət müraciəti daxil olub. Şikayətçi öz müraciətində məktəbin direktoru Rasimə Çarçıyevanın qanunsuz əməllərindən, təhsil ocağında yaranmış biabırçı idarəçilik mühitindən və aidiyyəti qurumların məsələyə göstərdiyi laqeydlikdən detalına qədər bəhs edir.

Nəzakət Mansurovanın redaksiyamıza ünvanladığı müraciətini olduğu kimi təqdim edirik:

"Mən, 40 il pedaqoji stajı olan bir müəllim kimi bildirirəm ki, 2020-ci ildə Rasimə Çarçıyeva məktəbimizə direktor təyin edildiyi gündən bu yana təhsil müəssisəsində qalmaqalların və qanunsuzluqların ardı-arası kəsilmir.

Məktəbdə tədris prosesi tamamilə iflic vəziyyətindədir. Xüsusilə yuxarı siniflərdə (9, 10 və 11-ci siniflər) davamiyyət sıfır dərəcəsindədir. Şagirdlər saat 3-dən (3-cü saatdan) sonra dərslərə qatılmayaraq məktəbi tərk edirlər. Müəllimlər isə məktəb binasında açıq-aşkar repititorluqla məşğul olurlar. Tədris proqramında nəzərdə tutulan dərnək və fakültativ məşğələlər isə ümumiyyətlə keçirilmir.

Bununla yanaşı, məktəbdə ciddi maliyyə pozuntuları və qanunsuz pul yığımları mövcuddur. Məktəbə gələn yoxlama heyətlərini 'yola salmaq' və ziyafət süfrələri təşkil etmək məqsədilə müəllimlərdən (o cümlədən şəxsən məndən) 20 AZN məbləğində məcburi pul toplanıb.

Direktor Rasimə Çarçıyeva sertifikasiyadan keçmədiyi, eləcə də müəllim əmri olmadığı halda özünə qanunsuz olaraq 12 saat dərs yükü götürüb. O, saat 9:00-dan 16:00-dək jurnalları yoxlamaq adı altında digər məktəblərə gedərək öz dərslərini başsız qoyur. Analıq məzuniyyətinə çıxan müəllimlərin vacib dərs saatlarının bölüşdürülməsində də gizli və şübhəli maliyyə əməliyyatlarına yol verilir.

Direktor kollektiv arasında mənəvi-psixoloji gərginlik yaradır. Hətta məktəbin musiqi müəllimi Samirə xanım haqqında ortaq wp-qrupunda xoşagəlməz, etikadan kənar sözlər yazaraq onu hamının gözü qarşısında danlayıb, müzakirəyə çıxarıb və digər müəllimlərdən də onun əleyhinə fikir bildirmələrini tələb edib.

Məktəbdə daxili intizam qaydaları tamamilə pozulub. Direktor və rəhbər heyət (müavinlər) arasında şagirdlərin və müəllim kollektivinin gözü qarşısında dəfələrlə biabırçı münaqişələr və dəhşətli davalar yaşanıb, dərslər təxirə düşüb. Hətta mənim 40 illik pedaqoji fəaliyyətimdən sonra təqaüdə yola salınma mərasimimdə belə məktəb rəhbərliyi və təhsil sektoru ibtidai etika qaydalarına zidd olaraq laqeydlik nümayiş etdirərək iştirak etməyiblər.

Bütün bu qanunsuzluqlarla bağlı dəfələrlə Elm və Təhsil Nazirliyinə, Maliyyə Nazirliyinə və Qazax-Tovuz Regional Təhsil İdarəsinə rəsmi şikayətlər ünvanlasam da, problemlər obyektiv araşdırılmayıb, mənə yalnız normativ aktların kopyasından ibarət şablon və laqeyd cavablar verilib."

Qeyd:

Şikayətçi Nəzakət Mansurova məktəb daxilində rəhbərlik və müəllimlər arasında baş verən qalmaqalları, etikadan kənar münaqişələri, musiqi müəlliminə və digər kollektiv üzvlərinə olunan təzyiqləri sübut edən səs yazılarını (audioyazıları) da redaksiyamıza təqdim etmişdir.

Qeyd edək ki, Nəzakət müəllimə redaksiyamıza bildirişində məktəbdə baş verən növbəti münaqişələrdən birində gərginlik fonunda iki müəllimin səhhətinin kəskin pisləşdiyini və ürəklərinin getdiyini, lakin məsələnin böyüyüb ictimailəşməməsi üçün direktor tərəfindən təcili tibbi yardımın çağırılmasına belə mane olunduğunu iddia etmişdir.

Lakin həmin səs yazılarında işlədilən bəzi ifadə və sözlər mətbuat etikasına və cəmiyyət normalarına uyğun olmadığı üçün yayımlanmasını məqsədəuyğun hesab etmirik.

"Real Azərbaycan" redaksiyası olaraq qərəzsizlik və media etikası prinsiplərinə sadıq qalaraq, məsələdə adı çəkilən qarşı tərəfin — məktəb direktoru Rasimə Çarçıyevanın və aidiyyəti təhsil qurumlarının (Qazax-Tovuz Regional Təhsil İdarəsinin) mövqeyini dinləməyə, onların da cavab haqqını dərc etməyə hazır olduğumuzu bildiririk.

Tbilisinin mərkəzində, Rustaveli prospektində yerləşən məşhur “Biltmore” otelinin yeni sahibi erməni iş adamı Karen Safaryanın rəhbərlik etdiyi “Arins Group” ola bilər.
Yeniavaz.com xəbər verir ki, Karen Safaryan 1963-cü ildə Bakı şəhərində anadan olub.
O, 1985-ci ildə Bakıda Politexnik İnstitutunu bitirib. 1989-cu ildə Ermənistana köçüb. Safaryan hazırda Ermənistanın iri maliyyə qruplarından biri olan “Arins Group”un əsas simalarındandır və “Ardshinbank”ın Müşahidə Şurasının sədridir.
Qeyd edək ki, “Biltmore” oteli daha əvvəl Birləşmiş Ərəb Əmirliklərinin kral ailəsinin üzvü Şeyx Nəhyan Mübarak Əl Nəhyana məxsus olub. Biznes reyestrindəki məlumatlara görə, o, otelin sahibi olan şirkətin 66%-nə sahibdir. Şeyx Məhəmməd bin Butti bin Həməd Əl Həməd şirkətdə 20%, Şeyx Suroor bin Məhəmməd bin Xəlifə Əl Nəhyan isə 13,5% paya malikdir.
Rustaveli prospektində yerləşən kompleks 9 121 kvadratmetr torpaq sahəsini, tarixi İmeli binasını və 2016-cı ildə inşa edilmiş 36 mərtəbəli, 138 metr hündürlüyündə qülləni əhatə edir.
Oteldə 216 otaq, tədbir və görüş məkanları, spa və sağlamlıq kompleksi, restoranlar və kazino fəaliyyət göstərir.
“Biltmore” otelinin mümkün satışından başqa, “Arins Group” Gürcüstanın “Terrabank”ını da Şeyx Nəhyan Mübarak Əl Nəhyanın investisiya holdinqindən almaq barədə razılığa gəlib.
Sövdələşmənin tamamlanması üçün Gürcüstan Milli Bankının təsdiqi tələb olunur. “Arins Group” açıqlamasında “Terrabank”ın alınmasının qrupun beynəlxalq genişlənmə strategiyasının mühüm hissəsi olduğunu bildirib.

Sosial şəbəkələrdə Masallı Rayon İcra Hakimiyyətinin başçısı Araz Əhmədovun bir məclisdə Məmməd Arazın şeirini dediyi bir video çarxa rast gəldik. Həmin anlarda sürücünün gülməsi diqqətdən qaçmır.
Sürücü Məmməd Arazın ruhuna sayğısızlıq edib şeirə gülür, yoxsa öz rəhbərinin hərəkətlərini şou kimi qiymətləndirib gülür — bunu ən yaxşı onun öz vicdanı bilər.
Biz Araz müəllimin şeir həvəsinə, öz aləmindəki bu "sadəliyinə" söz demirik. Şeir sevmək pis şey deyil. Amma məsələ burasındadır ki, Masallı sakininin bu gün şeirdən daha çox öz dərdinə əlac edən icra başçısına ehtiyacı var!
Hörmətli Araz müəllim, o kameralar qarşısında şeirə ayırdığınız qiymətli vaxtı, kaş ki, Masallı rayonunda illərdir dağ kimi qalan, toz basmış problemlərə ayırasınız.
Məsələn, Əmlak Komitəsindəki Sultan və Eynulla adlı əməkdaşların Masallı bələdiyyəsi ilə əlbir olub kənd sakininin torpağını saxta yolla satmasına vaxt ayırın! Neçə-neçə vətəndaşın pay torpağının qanunsuz yolla mənimsənilib başqalarına peşkəş edilməsi faktlarını araşdırmağa vaxt ayırın!
Qapınıza gələn çarəsiz vətəndaşa "buna biz baxmırıq" deyib başından eləmək ən rahat yoldur. Amma siz oraya rahatlıq üçün yox, Prezidentin yerli nümayəndəsi olaraq xalqın problemini öz probleminiz kimi həll etmək üçün təyin olunmusunuz.
Masallı camaatı sizdən kamera qarşısında şeir demək yox, haqsızlığın, qanunsuzluğun kökünü kəsəcək sərt tapşırıqlar və real iş gözləyir.
Şeiri şairlər də deyər, Araz müəllim... Siz icra başçısısınız, icraat görün! Torpağı əlindən alınan, qapılarda qalan masallıların ahı şeir qafiyəsinə sığmır!
Sima Babayeva

VİDEO LİNKDƏ: https://teref.net/manset/422090-surucunun-gulusumasalli-rayonu-icra-bascisi-araz-ehmedovun-seiri-masallinin-aci-heqiqeti.html

Qızıldaş qəsəbə Mədəniyyət Mərkəzində fəaliyyət göstərmiş qanunsuz bağça və onun arxasındakı idarəçilik mexanizmləri ətrafında qalmaqal böyüməkdədir. Əldə edilən məlumatlara görə, rəsmi dövlət qurumlarının qərarları ilə mərkəzdə fəaliyyəti 6 mart 2026-cı ildə dayandırılmış bağça biznesinin arxasında birbaşa Mədəniyyət Nazirliyinin ümumi şöbə müdiri və eyni zamanda aparat rəhbərinin müavini Elçin Nəcəfov dayanır.

Vətən müharibəsi iştirakçısı Mənsur Həsənovun sözlərinə görə, Elçin Nəcəfov vəzifə səlahiyyətlərindən istifadə edərək Qızıldaş Mədəniyyət Mərkəzində direktor vəzifəsini icra edən Gülnar Abbasovanı qanunsuz olaraq vəzifədə saxlayır:

“Qızıldaşda açılan qanunsuz bağça ilə bağlı nazirliyə ərizələr yazdım. Həmin ərizələr birbaşa olaraq Elçin Nəcəfovun ümumi şöbəsinə yönəldiyi üçün aylarla şikayətlərimə cavab verilmədi. Hesablama Palatası bağçanı bağlayıb, yazdı ki, çatışmazlıqlar var. Aylar sonra mən Milli Məclisə müraciət etdikdən sonra Elçin Nəcəfovdan məktub aldım ki, Gülnar Abbasovanın fəaliyyəti ilə bağlı heç bir nöqsan aşkarlanmadı. Bütün Azərbaycan bağçanın qanunsuz olduğunu və bağlandığını gördü, amma Elçin Nəcəfov görmədi. Belə çıxır ki, Hesablama Palatasının aşkar edib mənə məktubda yazdığı çatışmazlıqlar da yalandır? Elçin Nəcəfov bu cavabı mənimlə bərabər Prezident Administrasiyasına və digər qurumlara da göndərib. Bu adam bütün qurumları aldatmağa çalışır. Gülnar Abbasovaya Elçin Nəcəfov tərəfindən aşkar şəkildə dəstək verilir”.

Şöbə müdirinin imzası ilə göndərilən həmin məktubda qeyd olunub ki, mərkəzdə aylarla qanunsuz bağça fəaliyyəti ilə məşğul olmuş Gülnar Abbasovanın fəaliyyətində heç bir nöqsan aşkar edilməyib. Dövlətin ali audit orqanının qanunsuzluq taparaq bağladığı müəssisə barədə nazirlik rəsmisinin bu cür “bəraət” məktubu verməsi, Elçin Nəcəfovun bu biznesdə birbaşa maraqlı tərəf olduğunu və Gülnar Abbasovanı himayə etdiyini açıq şəkildə nümayiş etdirir.

Mənsur Həsənovun sözlərinə görə, Elçin Nəcəfovun digər qurumlara göndərdiyi məktublarda Mənsur Həsənova əvvəlki tarixlərdə Mədəniyyət Nazirliyindən cavab göndərilməsi ilə bağlı yalan məlumatlar yer alır:

“Elçin Nəcəfovun Hesablama Palatasına göndərdiyi cavabda mənə 10 aprel tarixində Gülnar Abbasova ilə bağlı şikayətimlə bağlı cavab verilməsi qeyd olunub. Halbuki mənə bu tarixdə heç bir məktub göndərilməyib.

Prezident Administrasiyasına müraciət olunduqdan sonra isə nədənsə aprel ayında mənə göndərdikləri məktubların sayı artaraq iki oldu. Guya 1 aprel tarixində də cavab göndərilib. Görünən odur ki, bu insanlar sənəd saxtalaşdırması edərək hamını aldatmağa çalışırlar. Bütün bunları etməkdə də Elçin Nəcəfovun məqsədi Gülnar xanımı vəzifədə saxlamaqdır.

Cənab Prezidentdən xahiş edirəm ki, bu cür məmurlarla bağlı təcili tədbir görsün. Sənədlər əvvəlki tarixə saxtalaşdırılır. Bu, ona işarədir ki, Elçin Nəcəfov qanundan qorxmur. Amma körpə uşaqlarımızın həyatının alver predmetinə çevrilməsi onu göstərir ki, bu adamlar Allahdan da qorxmurlar.

Qanunsuz fəaliyyətə göz yumanlar gec-tez cavab verəcəklər. Bütün varlığımla buna inanıram. Gülnar Abbasovanın qanunsuz fəaliyyətinə himayədarlıq edənlər nə qədər yüksək vəzifələrdə oturub vətəndaşın səsini boğmağa çalışsalar da, Allahdan böyük deyillər. Cənab Prezident həmişə xalqa müraciət edərək deyir ki, hansı məmurlar harınlayıb xalqa kəm gözlə baxırsa, mənə müraciət edin. Mən də məhz ona müraciət edirəm ki, bu insanlarla bağlı tədbir görsün”.

Qeyd edək ki, Elçin Nəcəfov əvvəllər Gənclər və İdman Nazirliyində çalışıb. Oradan işdən çıxdıqdan sonra 2021-ci ildə keçmiş nazir Anar Kərimovun əmri ilə İsmayıllı Regional Mədəniyyət İdarəsinə rəis, daha sonra isə nazirliyə ümumi şöbə müdiri təyin olunub. Hazırkı nazir Adil Kərimli onun vəzifəsini daha da artıraraq, eyni zamanda aparat rəhbərinin müavini təyin edib.

Başqa bir iddiaya görə, Gənclər və İdman Nazirliyindən işdən çıxarılan kadrlar Elçin Nəcəfovun himayədarlığı ilə Mədəniyyət Nazirliyində işə düzəlirlər.

"DİA-AZ"

Milli Onkologiya Mərkəzi “Azəri Med” MMC ilə 50 milyon 320 min manatlıq satınalma müqaviləsi imzalayıb. "Dia-az" xəbər verir ki, müqaviləyə əsasən, şirkət Mərkəzə müayinə aparatları, kondisionerlər, çarpayılar, əməliyyat masaları və s. avadanlıqlar satmalıdır.
Bu, Milli Onkologiya Mərkəzi ilə “Azəri Med” arasında təkcə son iki ayda ikinci belə irihəcmli satınalma müqaviləsidir. İyulda tərəflər arasında 34 milyon 961 min manatlıq müqavilə imzalanıb. Bu satınalma müqaviləsinə əsasən, şirkət Mərkəzi həkim xalatından tutmuş, laboratoriya materialları, sarğı ləvazimatları, yod, spirt, dərman preparatlarına qədər müxtəlif məhsul və ləvazimatlarla təmin etməlidir.
Azərbaycanda onkologiya sahəsində statistik göstəricilər dəyişir, bu xəstəliyə tutulanlar və ölənlərin sayı ilbəil artır. İllərdir dəyişməyən isə bu Mərkəzin onmilyonlarla dəyərində tenderlərinin qalibinin “Azəri Med” şirkətinin olmasıdır.
Son iki ayda Milli Onkologiya Mərkəzi ilə 85 milyon manatlıq iki müqavilə bağlayan şirkət 2025-ci ilin mayında da elə bu qurumun 36 milyon manatlıq tenderini qazanmışdı. Bundan düz bir il öncə - 2024-cü ilin mayında da Milli Onkologiya Mərkəzi 29 milyon 829 min manatlıq tenderi “Azəri Med”ə verib.
Bununla bağlı daha geniş araşdırma materialımız olacaq... Bizi izləməyə davam edin...


Dia-az

Bu gün Laçın Şəhəri Günüdür.

Laçın şəhəri günü Prezident İlham Əliyevin imzaladığı Sərəncama uyğun olaraq hər il 26 avqust tarixində təntənəli şəkildə qeyd edilir.

Əlamətdar günün bu tarixdə qeyd olunması Azərbaycan Ordusunun Laçın şəhərində 2022-ci ilin avqustun 26-da yerləşməsi ilə əlaqədardır. Həmin gün Prezident İlham Əliyev azərbaycanlıların Laçın şəhərinə qayıtması ilə bağlı müjdəli xəbəri "X" sosial şəbəkəsində elan edib.

Dövlət başçısının 2022-ci ilin bu günü paylaşdığı mətndə deyilir: "Bu gün, avqustun 26-da biz – Azərbaycanlılar Laçın şəhərinə qayıtmışıq. Azərbaycan Ordusu Laçın şəhərinə yerləşdi. Zabux və Sus kəndləri nəzarətə götürüldü. Bütün Laçınlıları və Azərbaycan xalqını bu münasibətlə təbrik edirəm. Yaşasın Laçın! Yaşasın Azərbaycan!".

Beləliklə, avqustun 26-da Laçın şəhərində Azərbaycanın Dövlət Bayrağı ucaldılıb. Ordu korpusunun komandiri, general-mayor Kənan Seyidov Azərbaycan Ordusunun Laçın şəhərinə yerləşməsi ilə bağlı Silahlı Qüvvələrin Ali Baş Komandanı, Prezident İlham Əliyevə məruzə edib.

Qeyd edək ki, Ermənistanın hərbi təcavüzü nəticəsində 30 ilə yaxın işğal altında qalmış əzəli tarixi torpaqlarımız 44 günlük Vətən müharibəsində hərbi-siyasi yolla işğaldan azad olunub və şanlı Zəfərə aparan hər bir gün Azərbaycan tarixinə qızıl hərflərlə yazılıb.

Məcburi köçkünlərin doğma yurdlarına dönüşü üçün Azərbaycan Prezidentinin 2022-ci il 16 noyabr tarixli 3587 nömrəli Sərəncamı ilə təsdiq edilmiş "Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı"nın icrasına başlanılıb.

Laçın şəhərinə qayıdan keçmiş məcburi köçkünlərin sayı ildən ilə artır və bu istiqamətdə işlər davam etdirilir.

Sosial şəbəkələrdə "Tamstore" supermarketlər şəbəkəsinin keçirdiyi endirim və hədiyyə kampaniyası ilə bağlı yayılan görüntülər ciddi narazılıq və müzakirələrə səbəb olub. Belə ki, mağazanın 100-cü filialının açılışı münasibətilə elan edilən "100 məhsulda 1-i alana 2-cisi pulsuz", həmçinin müxtəlif endirim və hədiyyə kampaniyaları zamanı böyük sıxlıq və xaos yaşanıb.

Lakin videonu çəkən və kampaniyada iştirak edən vətəndaşlar sosial şəbəkələrdə iddia edirlər ki, reklam edilən şərtlər reallığı əks etdirmir və bu, sadəcə aldadıcı addımdır.

Vətəndaşların sözlərinə görə, səhər saat 09:00-da mağazalara üz tutan alıcılara endirimli və ya hədiyyəli məhsulların artıq bitdiyi bildirilib. İnsanlar kampaniyanın qısa müddət ərzində bitdiyini və ya əslində heç bir real güzəştin tətbiq olunmadığını qeyd edərək narazılıqlarını ifadə ediblər.

Görüntülərdə marketin daxilində və girişində yaranan böyük basabas, eləcə də vətəndaşların narazı səsləri açıq şəkildə əks olunub.(Nocomment.az)

Məsələ ilə bağlı qarşı tərəfin də mövqeyini dərc etməyə hazırıq.

VİDEO LİNKDƏ: https://nocomment.az/sosial/tamstore-da-novbe-ve-sikayet-skandali-vetendaslar-kampaniyanin-yalan-oldugunu-iddia-edirler-video-531299

Azərbaycan təhsil sistemində həyata keçirilən kadr siyasəti və aparılan təyinatlar hər zaman ictimaiyyətin, eləcə də medianın diqqət mərkəzində olub. Son dövrlər isə elm və təhsil naziri Emin Əmrullayevin yaxın ətrafını – dostlarını, qohumlarını, əsgər və sinif yoldaşlarını nazirliyin ən strateji, eləcə də maliyyə dövriyyəsi yüksək olan postlarına təyin etməsi ilə bağlı ciddi iddialar səsləndirilir.

Jurnalist Samir Feyruzovun araşdırmasına görə, sosial şəbəkələrdə və mediada müzakirə olunan bir foto məsələnin kölgə qalan tərəflərini üzə çıxarıb. Belə ki, 2017-ci il dekabrın 18-də çəkilmiş həmin fotoda Emin Əmrullayev və dostlarının məclisi əks olunub. Təbii ki, hər kəsin dostları ilə yığışıb məclis təşkil etməsində və ya dostluq əlaqələrində qeyri-adi heç nə yoxdur – həmin vaxt E.Əmrullayev hələ nazir deyildi, şöbə müdiri vəzifəsində çalışırdı. (Fotodakı şəxslərin içərisində dünyasını dəyişənlər də var, Allah rəhmət eləsin).
Lakin cəmiyyəti və mətbuatı narahat edən əsas məqam odur ki, E.Əmrullayev nazir postuna gəldikdən sonra həmin fotoda yer alan dostlarının və yaxın ətrafının hamısına yüksək vəzifələr verib. Bəs görəsən, nazirliyin maliyyə axınlarını və əsas mexanizmlərini idarə edən bu şəxslər kimlərdir? Nazir öz səlahiyyətlərindən istifadə edərək kimləri milyonçuya çevirib və təhsil sistemini hansı maraqların mərkəzinə gətirib?

E.Əmrullayevin nazirlikdə yerləşdirdiyi həmin şəxslərin siyahısını təqdim edirik:

* Nicat Zalanov – Nazirin əsgər yoldaşı, Nazirliyin Ərazi Tikinti Təchizat İdarəsində şöbə müdiri.

* Valeh Mirzalıyev (fotoda selfini çəkən şəxs) – Nazirin yaxın dostu, Nazirliyin Ərazi Tikinti Təchizat İdarəsinin rəisi.

* Tural Ayvazlı – Nazirin dostu, nazirliyin maliyyə məsələləri üzrə müşaviri.

* Zamiq Məmmədov – Nazirin sinif yoldaşı, "İSTEAM" MMC-nin nominal direktoru. Şirkətin faktiki rəhbəri olaraq isə E.Əmrullayevin qaynı Nihad Həifəyevin adı çəkilir.

* Elnur Əliyev – Nazirin dostu, eyni zamanda müşaviri və Təhsil İnstitutunun direktoru.

* Anar Qarayev – Bankir, Nazirliyin idarə rəisi Valeh Mirzalıyevin kürəkəni. İddialara görə, onun əsas funksiyası bu qruplaşma üçün tez bazar və uyğun şərtlərlə bankdan çoxmilyonluq kredit xətlərinin açılmasını təmin etməkdir.

Məsələ bununla da bitmir.

Araşdırmalar göstərir ki, şəbəkə bununla məhdudlaşmır; adıçəkilən şəxslərin yaxınları, qohumları və ailə üzvləri də təhsil sisteminin müxtəlif struktur bölmələrində isti yerlərə təyin olunublar. Buna əyani misal olaraq, maliyyə məsələləri üzrə müşavir Tural Ayvazlının bacısı Xəyalə Əhmədzadənin Bakı Şəhər Təhsil İdarəsinin müdir müavini postuna gətirilməsini göstərmək olar.

Təhsil kimi həssas bir sahədə bu cür qohumbazlıq və dost-tanış prinsiplərinə əsaslanan kadr təyinatları ictimaiyyətdə haqlı olaraq sərt etirazlara və suallara yol açır. Qarşı tərəfin də mövqeyini dərc etməyə hazırıq.

Sara,
NOCOMMENT.az

Şikayətçi Aynurə Abdullayeva YAP Xəzər Rayon Təşkilatının sədri Namiq Əhmədovun oğlu, Pirallahı Rayon YAP Təşkilatının sədr müavini Məcid Əhmədovun onun 65 min manatını mənimsədiyini iddia edib.
Abdullayeva bu barədə Facebook paylaşımında Məcid Əhmədovla tibbi və texniki avadanlıqların Türkiyədən gətirilməsi və satışı ilə bağlı iş birliyi qurduğunu bildirib.

Onun sözlərinə görə, əməkdaşlıq çərçivəsində külli miqdarda vəsait yatırıb və hazırda hesablamalarına əsasən, təxminən 65 min manat məbləğində vəsaitlə bağlı açıq qalan məsələ var.
Abdullayeva iddia edib ki, əməkdaşlığın başlanğıcında Məcid Əhmədov atasının, eləcə də Türkiyədə beyin cərrahı kimi fəaliyyət göstərən qardaşı Ramizin adından və nüfuzundan istifadə edərək layihənin etibarlı olduğuna onu inandırıb.
“Qardaşının Türkiyədə olması, tibbi sahədə çalışması və avadanlıqların həmin istiqamətdən gətirilməsi barədə verilən məlumatlar da əməkdaşlığa qərar verməyimdə əsas amillərdən olub”, – deyə o qeyd edib.
Abdullayevanın sözlərinə görə, məsələ ilə bağlı dəfələrlə əlaqə saxlamağa, izahat almağa və hesablaşma aparmağa çalışıb.
Ona əvvəlcə “narahat olmayın, ödəniləcək” deyilib, daha sonra isə münasibət dəyişib.
Şikayətçi Aynurə Abdullayeva bildirib ki, Məcid Əhmədovun anası ilə telefon danışığı zamanı ona məsələnin həll olunacağı bildirilib və bu gün onunla yenidən əlaqə saxlanılacağı deyilib.
Lakin Abdullayevanın sözlərinə görə, bu gün ona “gedin, nə istəyirsiniz edin” cavabı verilib.
Aynurə Abdullayeva bildirib ki, paylaşımı kimisə əsassız şəkildə ittiham etmək məqsədi daşımır:
“Əsas məqsədim vəsaitin taleyinə aydınlıq gətirilməsi və mənə məxsus pulun qaytarılmasıdır.
Məcid Əhmədovdan açıq şəkildə tələb edirəm: mənimlə əlaqə saxlasın, bütün maliyyə məsələlərinə aydınlıq gətirsin və öhdəliyini yerinə yetirsin”.
Abdullayeva həmçinin bildirib ki, məsələ həll olunmadığı təqdirdə əlində olan ödəniş sənədləri, yazışmalar və digər sübutlarla aidiyyəti qurumlara müraciət edəcək.(Tribuna.az)

İsamyıllı rayonu Quşencə kəndinin su problemi Sherg.az vasitəsiylə ictimailəşdirildikdən sonra İsmayıllı Su Meliorasiya Sistemlərinin İstismarı İdarəsi mövcud vəziyyətlə bağlı açıqlama yayıb. Xatırladaq ki, Quşencə kəndinin uzun illərdir su qıtlığı yaşadığı, sakinlərin içməli suyu hələ də su daşıyan maşınlardan ödənişlə aldıqları barədə kənd əhalisi Sherg.az-a məlumat verərək əlaqədar qurumlardan problemin həll olunmasını xahiş edirdilər.

İsmayıllı Su Meliorasiya Sistemlərinin İstismarı İdarəsi məlumatında bildirir ki, Quşencə kəndinin içməli su təminatının yaxşılaşdırılması məqsədilə Azərbaycan Respublikası Prezidentinin sərəncamına əsasən 3 ədəd subartezian quyusundan qidalanan 1 ədəd nasos stansiyası inşa edilmiş, magistral su xətti və daxili su şəbəkəsi çəkilmiş, 4 ədəd 50 m³-lik su çəni və 30 ədəd küçə bulağı quraşdırılmışdır. Layihə 2019-cu ildə tamamlanaraq istismara verilmiş və kənd əhalisinin küçə bulaqları vasitəsilə içməli su ilə təmin olunması həyata keçirilmişdir. Məlumatda həmçinin qeyd olunur ki, Quşencə kəndinə su qrafikə uyğun olaraq verilir, kənd qəbiristanlığının ərazisinin böyük olması nəzərə alınaraq iki yerdə su kranı quraşdırılıb və həmin kranlara da su qrafik əsasında verilir.

Bununla belə məlumatda Quşencə kəndinin bəzi hissələrində su qıtlığı yaşandığı təsdiq edilir: “Quşencə bələdiyyəsi tərəfindən İsmayıllı RİH-ə təqdim olunan arayışa əsasən bildiririk ki, kəndin dağlıq relyefdə və içməli su mənbələrinin zəif olduğu ərazidə yerləşməsi ilə əlaqədar kənddə, xüsusilə isti yay aylarında, içməli su çatışmazlığı müşahidə olunur. Bələdiyyə tərəfindən verilmiş məlumata görə, 2018-2019-cu illərdə dövlət proqramına uyğun olaraq Zoğallıq kəndində 50 tonluq su anbarı da inşa edilmiş, kəndin aşağı hissəsindən mühərriklər vasitəsilə həmin anbara gündəlik su vurularaq növbəli əsasda sakinlərin istifadəsinə verilmişdir. Lakin mövcud su ehtiyatının əhalinin tələbatını tam şəkildə ödəmədiyi qeyd olunmuşdur”.

Onu da xatırladaq ki, sakinlər kənd qəbirstanlığına çəkilmiş su kranından sakinlərdən birinin öz həyətinə şlanqla su çəkərək öz ehtiyacları üçün istifadə etdiyindən şikayətlənirdilər. Məlumatda bu məsələyə də aydınlıq gətirilir və qeyd olunur ki, Quşencə kənd qəbiristanlığında yerləşən bulaqdan ayrı-ayrı şəxslərin öz həyətlərinə su çəkdiyi barədə səsləndirilən məlumatla bağlı isə Quşencə bələdiyyəsi tərəfindən verilmiş məlumata əsasən, kənd sakini Ağayev Ramiz Alxan oğlu həmin bulağa elastik su borusu çəkərək həftədə bir dəfə sudan istifadə edir.

Beləliklə, Quşencə kəndində içməli su təminatı üzrə müvafiq infrastrukturun yaradılmasına baxmayaraq, suyun mənbələrdən əldə olunması və əhaliyə qrafik əsasında verilməsi ilə əlaqədar müəyyən çətinliklərin mövcud olduğu aidiyyəti qurumların məlumatlarından da görünür.

Məsələ İsmayıllı Rayon İcra Hakimiyyəti tərəfindən diqqətdə saxlanılır və kənd əhalisinin içməli su ilə təminatının yaxşılaşdırılması məqsədilə aidiyyəti qurumlarla birgə müvafiq tədbirlərin görülməsi istiqamətində işlər davam etdirilir.


İsamyıllı rayonu Quşencə kəndinin su problemi Sherg.az vasitəsiylə ictimailəşdirildikdən sonra İsmayıllı Su Meliorasiya Sistemlərinin İstismarı İdarəsi mövcud vəziyyətlə bağlı açıqlama yayıb. Xatırladaq ki, Quşencə kəndinin uzun illərdir su qıtlığı yaşadığı, sakinlərin içməli suyu hələ də su daşıyan maşınlardan ödənişlə aldıqları barədə kənd əhalisi Sherg.az-a məlumat verərək əlaqədar qurumlardan problemin həll olunmasını xahiş edirdilər.

İsmayıllı Su Meliorasiya Sistemlərinin İstismarı İdarəsi məlumatında bildirir ki, Quşencə kəndinin içməli su təminatının yaxşılaşdırılması məqsədilə Azərbaycan Respublikası Prezidentinin sərəncamına əsasən 3 ədəd subartezian quyusundan qidalanan 1 ədəd nasos stansiyası inşa edilmiş, magistral su xətti və daxili su şəbəkəsi çəkilmiş, 4 ədəd 50 m³-lik su çəni və 30 ədəd küçə bulağı quraşdırılmışdır. Layihə 2019-cu ildə tamamlanaraq istismara verilmiş və kənd əhalisinin küçə bulaqları vasitəsilə içməli su ilə təmin olunması həyata keçirilmişdir. Məlumatda həmçinin qeyd olunur ki, Quşencə kəndinə su qrafikə uyğun olaraq verilir, kənd qəbiristanlığının ərazisinin böyük olması nəzərə alınaraq iki yerdə su kranı quraşdırılıb və həmin kranlara da su qrafik əsasında verilir.

Bununla belə məlumatda Quşencə kəndinin bəzi hissələrində su qıtlığı yaşandığı təsdiq edilir: “Quşencə bələdiyyəsi tərəfindən İsmayıllı RİH-ə təqdim olunan arayışa əsasən bildiririk ki, kəndin dağlıq relyefdə və içməli su mənbələrinin zəif olduğu ərazidə yerləşməsi ilə əlaqədar kənddə, xüsusilə isti yay aylarında, içməli su çatışmazlığı müşahidə olunur. Bələdiyyə tərəfindən verilmiş məlumata görə, 2018-2019-cu illərdə dövlət proqramına uyğun olaraq Zoğallıq kəndində 50 tonluq su anbarı da inşa edilmiş, kəndin aşağı hissəsindən mühərriklər vasitəsilə həmin anbara gündəlik su vurularaq növbəli əsasda sakinlərin istifadəsinə verilmişdir. Lakin mövcud su ehtiyatının əhalinin tələbatını tam şəkildə ödəmədiyi qeyd olunmuşdur”.

Onu da xatırladaq ki, sakinlər kənd qəbirstanlığına çəkilmiş su kranından sakinlərdən birinin öz həyətinə şlanqla su çəkərək öz ehtiyacları üçün istifadə etdiyindən şikayətlənirdilər. Məlumatda bu məsələyə də aydınlıq gətirilir və qeyd olunur ki, Quşencə kənd qəbiristanlığında yerləşən bulaqdan ayrı-ayrı şəxslərin öz həyətlərinə su çəkdiyi barədə səsləndirilən məlumatla bağlı isə Quşencə bələdiyyəsi tərəfindən verilmiş məlumata əsasən, kənd sakini Ağayev Ramiz Alxan oğlu həmin bulağa elastik su borusu çəkərək həftədə bir dəfə sudan istifadə edir.

Beləliklə, Quşencə kəndində içməli su təminatı üzrə müvafiq infrastrukturun yaradılmasına baxmayaraq, suyun mənbələrdən əldə olunması və əhaliyə qrafik əsasında verilməsi ilə əlaqədar müəyyən çətinliklərin mövcud olduğu aidiyyəti qurumların məlumatlarından da görünür.

Məsələ İsmayıllı Rayon İcra Hakimiyyəti tərəfindən diqqətdə saxlanılır və kənd əhalisinin içməli su ilə təminatının yaxşılaşdırılması məqsədilə aidiyyəti qurumlarla birgə müvafiq tədbirlərin görülməsi istiqamətində işlər davam etdirilir.

Sherg.az